Author: webrwanda

Uturere tashyizwe mu kato tutemerewe kugendererana n’utundi, ni Bugesera, Nyanza na Gisagara tumaze iminsi tubonekamo abarwayi benshi bashya b’icyorezo cya COVID-19.

Izi ngamba nshya kandi zongereye amasaha yemewe yo gukora ingendo kuko ubu ingendo zibujijwe kuva saa tatu z’ijoro (21:00) kugeza saa kumi za mu gitondo (04:00).

Inama zihuza abantu imbonankubone na zo zakomorewe ariko abazitabira ntibarenge 30% y’abemerewe kwakirwa aho zizajya zibera.

Ibikorwa nk’utubari twafunze kuva izi ngamba zatangira gushyirwaho, n’ubundi twakomeje gufungwa mu gihe insengero zo ; izisanzwe zarahawe uburenganzira bwo gufungura, zizajya zikora ariko abaziteraniramo ntibarenge 30%.

UKWEZI.RW

Uyu mugabo w'imyaka 37 yatawe muri yombi ku wa 10 Werurwe 2021, afatiwe mu Kagari ka Kimisagara mu Murenge wa Kimisagara mu Karere ka Nyarugenge.

Umuvugizi w'Umusigire wa RIB, Dr Murangira B. Thierry, yavuze ko uyu mugabo yafashwe ndetse akorerwa dosiye.

Yakomeje ati 'Uyu mugabo yafatiwe mu cyuho yakira ruswa. Kuri ubu afungiye kuri Sitasiyo ya RIB ya Nyamirambo na dosiye ye yashyikirijwe Ubushinjacyaha.''

Udahemuka yafashwe ubwo yizezaga abaturage ko azabafasha kubona serivisi, bashakaga gusaba muri Minisiteri y'Ibidukikije, asanzwe akoramo.

Amakuru IGIHE yamenya ni uko Udahemuka yafatiwe mu cyuho yakira ruswa y'ibihumbi 50 Frw mu gihe uwayimuhaye yari yamusabye ibihumbi 300 Frw kugira ngo amuhe iyo serivisi.

Dr Murangira yibukije ko RIB itazihanganira abizeza abaturage kubona serivisi bagomba guhabwa ariko babanje kubasaba ruswa.

Yakomeje ati 'RIB ntizihanganira abantu bose baka ruswa abaturage bagamije kubabwira ko bazabaha serivisi, abo bantu bazakomeza kurwanywa. Abaturage bamaze gusobanukirwa uburenganzira bwabo ndetse ubufatanye bwabo n'inzego zibishinzwe mu kurwanya ruswa buragaragara.''

Ingingo ya kane y'itegeko ryerekeye kurwanya ruswa ivuga ko uhamijwe icyaha cyo gusaba no kwakira ruswa ahanishwa igifungo kirenze imyaka itanu ariko kitarenze imyaka irindwi n'ihazabu y'amafaranga y'u Rwanda yikubye inshuro kuva kuri eshatu kugeza kuri eshanu z'agaciro k'indonke yatse cyangwa yakiriye.

Iyo icyaha cyakozwe hagamijwe kugira ngo uhabwa ruswa akore ikinyuranyije n'amategeko, igihano kiba igifungo kirenze imyaka irindwi ariko kitarenze imyaka icumi n'ihazabu y'amafaranga y'u Rwanda yikubye inshuro kuva kuri eshatu kugeza kuri eshanu z'agaciro k'indonke yatse, yakiriye cyangwa yatanze.

Umuyobozi ukuriye Ubunyamabanga (Secrétariat Central) muri Minisiteri y'Ibidukikije, Udahemuka Jean Bosco, yatawe muri yombi akurikiranyweho icyaha cyo gusaba no kwakira ruswa y'ibihumbi 300 Frw

Ibiro by'Umukuru w'Igihugu, Village Urugwiro, byatangaje ko iyi nama yabaye ku gicamunsi cyo kuri uyu wa Mbere tariki 15 Werurwe 2021, ikaba igomba gusuzumirwamo amabwiriza yo kwirinda Coronavirus, harebwa uko yubahirizwa bijyanye n'uko icyorezo gihagaze mu gihugu.

Bitandukanye n'uko byari bisanzwe, iyi nama yateranye abagize guverinoma bose bari hamwe muri Village Urugwiro, ibintu bitaherukaga kuko izi nama zari zisigaye ziba hifashishijwe ikoranabuhanga.

Hari icyizere…

Abagize guverinoma baherukaga guhurira hamwe mu nama nk'iyi ku wa 14 Ukuboza 2020, mu gihe nyuma y'iminsi mike icyorezo cyaje kongera gukaza umurego ndetse u Rwanda ruhita rwinjira mu cyiciro cya kabiri cya COVID-19.

Mu mpera za 2020, imibare y'ubwandu bushya bwa Coronavirus yakomeje gutumbagira ndetse n'abahitanwa n'iki cyorezo biyongera ubutitsa.

Icyo gihe nibura mu byumweru bibiri bya mbere bya Mutarama 2021, imibare ya Minisiteri y'Ubuzima yagaragazaga ko mu gihugu hose hari hamaze kwandura 2649, barimo abo mu Mujyi wa Kigali 1637.

Ibi byaje gutuma ku wa 18 Mutarama 2021, Inama y'Abaminisitiri iterana hifashishijwe ikoranabuhanga [ibintu Abanyarwanda batari baherutse kubona], ndetse iyo nama yafatiwemo ingamba zirimo gushyira Umujyi wa Kigali muri 'Guma mu Rugo'.

Inama y'Abaminisitiri yaherukaga guterana ku wa 18 Gashyantare, hifashishijwe ikoranabuhanga ni yo yafatiwemo ibyemezo birimo kuvana Kigali muri Guma mu Rugo, gusa izindi ngamba zirimo kuba ingendo zihuza Uturere n'Umujyi wa Kigali zarakomeje kuba zibujijwe.

Mu byo Abanyarwanda biteze muri iyi nama yateranye kuri uyu wa mbere ni uko amabwiriza yoroshywa, amasaha y'ingendo akongerwa ndetse ingendo zihuza Uturere n'Umujyi wa Kigali zikaba zakomorerwa.

Perezida Kagame yayoboye Inama y’Abaminisitiri iri busuzume ingamba zo kwirinda icyorezo cya Coronavirus

Abarimo Minisitiri Shyaka Anastase bitabiriye Inama y’Abaminisitiri

Abaminisitiri bose bitabiriye Inama muri Village Urugwiro, ibyaherukaga muri Mutarama uyu mwaka

Ni inama yabaye hubahirizwa amabwiriza yo kwirinda Coronavirus arimo kwambara neza agapfukamunwa no guhana intera

Amafoto: Village Urugwiro

Ku wa 6 Gashyantare 2021, nibwo Papa Francis yahaye inshingano z'Ubushumba bwa Diyosezi ya Cyangugu, Musenyeri Sinayobye wari umaze igihe ari Padiri akaba n'Umuyobozi wa Seminari Nkuru y'i Nyumba.

Kuri uyu wa Mbere tariki 15 Werurwe 2021, nibwo Musenyeri Sinayobye yageze i Cyangugu aherekejwe na Musenyeri Filipo Rukamba, Umwepiskopi wa Diyosezi ya Butare na Musenyeri Hakizimana Célestin, Umwepiskopi wa Diyosezi ya Gikongoro.

Musenyeri Rukamba niwe wari uherekeje Musenyeri Sinayobye amuvanye muri Diyosezi ya Butare amugeza i Cyangugu aho agiye gutangira inshingano ze z'Ubushumba.

Ubwo yari amaze kwakirwa i Cyangugu, Musenyeri Sinayobye yabwiye IGIHE ko yakiranywe urugwiro i Cyangugu kandi ko yishimiye ko agiye gufatanya n'abakirisitu bo muri iyi Diyosezi mu iyogezabutumwa n'iterambere.

Ati 'Nakiriwe neza. Banyeretse umutima mwiza bambwira ko banyishimiye ko tugiye gufatanya ubutumwa bwiza.'

Mu bakiriye Musenyeri Sinayobye harimo Musenyeri Hakizimana, Umuyobozi w'Akarere ka Rusizi, Umukuru w'Ingabo mu Karere ka Rusizi, Abihayimana ndetse n'Abahagarariye Abaseseridoti bo muri Diyosezi ya Cyangugu.

Musenyeri Rukamba yashimiye Musenyeri Sinayobye ku bwo gusohoza neza ubutumwa bwe muri Diyosezi ya Butare by'umwihariko igihe yari Umusaseridoti.

Nyuma yo kwakira Musenyeri Sinayobye, aba bose basuye imva ya Musenyeri Bimenyimana Jean Damascène witabye Imana mu 2018 baramusengera.

Musenyeri Sinayobye yatorewe kuyobora Diyosezi ya Cyangugu mu gihe yari imaze imyaka ibiri iragijwe Musenyeri Hakizimana wayiyoboraga abifatanya no kuba umushumba wa Diyosezi ya Gikongoro kuko uwari musenyeri wayo Musenyeri Bimenyimana Jean Damascène yitabye Imana mu 2018.

Yavukiye mu Karere ka Gisagara tariki ya 20 Mata 1966. Yahawe Ubusaseridoti tariki ya 12 Kanama 2000, yari asanzwe ari Umuyobozi wa Seminari y'i Nyumba.

Musenyeri Sinayobye, ni umuhanga wize isomo rizwi nka 'Logotherapie' isobanurwa nk'uburyo bwo kuzanzamura imbaraga karemano umuntu aba afite ziba zarazikamishijwe n'ibyago yagiye ahura na byo. Bikowa mu buryo bwa gihanga bw'ibiganiro ku buryo umuntu agarukane imbaraga mu buzima.

Musenyeri Sinayobye yakiriwe i Cyangugu aho agiye gikomereza inshingano z’Ubushumba

Musenyeri Sinayobye azimikwa ku wa 25 Werurwe 2021

Gripe water ni umuti ukoreshwa mu kuvura icyo mu nda gikunze kuzengereza abana b’impinja kuko umwana ufite ubu burwayi agaragaza ububabare bwinshi bityo agahora arira.

Icyo mu nda ni iki?

Iyo umwana ari mu nda, nta kintu kiba cyakageze mu nda ye uretse bya bizi aba yivurugutamo mu nda, ashobora no kunywa (omniotic fluid).

Iyo atangiye konka rero amaze kuvuka, uko amashereka agera mu mara, hari igihe mu kwizingura kwayo hagenda hasigaramo umwuka.

Wa mwuka utuma ubwonko butekerezako mu nda huzuye nuko hakarekurwa indurwe ariyo ituma yumva aribwa ndetse biranavuga iyo wa mwuka uri kuvamo (bimwe ku bantu bakuru twibeshya ngo ni inzoka ziri kuvuga).

Uko kuribwa rero birangwa nuko ubona mu maso he hagaragaza uburibwe ari kumva, nuko akarira.Ngicyo icyo mu nda.

Gusa si icyo mu nda gusa uvura ahubwo ushobora no kuwukoresha mu gihe umwana atangiye kumera amenyo akaba ari kuribwa.Gripe water ni uruvange rw’imiti igabanya ya acide ikanatuma atuza, ntiyongere kurira.Mbere yo kuwugura ariko uzabanze urebe ko urimo iyi miti y’ingenzi:Sodium bicarbonate na Dillseed oil

Dore uko umuti utangwa:

•Kuva ku mwana ukivuka kugeza yujuje ukwezi ahabwa 2.5ml.
•Ukwezi kugeza ku mezi 6 ni 5ml
•Hejuru y’amezi 6 ni 10ml.

Uyu muti umwana awuhabwa inshuro zingahe?

Inshuro utagomba kurenza ku munsi (mu masaha 24) ni inshuro 8. Gusa ushobora no kuwumuha 2 cyangwa 3, 4… Biterwa n’uburibwe afite.

Gusa ushobora kuwumuha ukimara kumwonsa, cyangwa se ukawumuha ari uko ubona atangiye kuribwa.

Ku bindi bibazo ushobora kugira uko waha umwana umuti, ni ngombwa kubaza farumasiye cg muganga ukuri hafi.

Ese gripe water nta ngaruka itera?

Nubwo twakomeje kuwita umuti, gusa ntabwo ujya ushyirwa mu rutonde rw’imiti ahubwo tuwushyira mu byitwa inyongera (supplements). Rero iyo bikoreshejwe ku gipimo cyemewe nta ngaruka mbi.

Source:umutihealth.com

[email protected]