Author: webrwanda
-
Ibikubiye muri Raporo Perezida Macron yashyikirijwe ku ruhare rw'Ubufaransa muri Jenoside yakorewe Abatutsi #rwanda #RwOT
Mu Bufaransa inzobere zimaze imyaka ibiri zifunguriwe ubushyinguranyandiko bw'ibiro bya perezida, igisirikare, ubutasi n'ububanyi n'amahanga ngo bwige ku biregwa leta y'Ubufaransa mu Rwanda.
Ibiro ntaramakuru AFP bivuga ko raporo yahawe Macron kuwa gatanu nimugoroba ivuga; kwijandika kwa politki, igisirikare na dipolomasi bya leta y'Ubufaransa.
Ivuga kandi ko habaye “ubuhumyi bw'ibitekerezo bya François Mitterrand n'abajyanama be, bashyize no muri leta yose.”
Guverinoma y'u Rwanda yatangaje ko yakiriye neza raporo ya Komisiyo Duclert, aho igaragaza intambwe y'ingenzi iganisha ku kumvikana ku ruhare rw'u Bufaransa muri jenoside yakorewe abatutsi.
Guverinoma ivuga ko raporo icukumbuye yakozwe n'u Rwanda guhera mu 2017 izasohoka mu byumweru biri imbere, imyanzuro yayo ikazaba yuzuzanya n'iya Komisiyo Duclert.
Kuri iyi raporo, Ibuka – France ishyirahamwe ry'abarokotse jenoside ryatangaje kuri Twitter ko, “ubushakashatsi ku mateka ari igikorwa gikomeza kitabona umwanzuro wa nyuma mu cyemezo kimwe cya politiki”.
Ibiro bya perezida w'Ubufaransa bivuga ko nyuma y'iyi raporo Ubufaransa bwizeye “ibishya mu mubano n'u Rwanda “kandi “ubu hazaba ibikorwa byo kugira umubano ukomeye”, nk'uko AFP ibivuga.
Leta y'u Rwanda ishinja iy'Ubufaransa uruhare mu gutegura, gukora no guhungisha abakoze jenoside, ibirego byakomeje kuba intandaro y'umubano mubi w'ibihugu byombi mu myaka myinshi ishize.
Mu 2019, Macron yategetse ko hajyaho iyo komisiyo igizwe n'inzobere 15 zikuriwe na Vincent Duclert ngo “zige ku ruhare n'ibikorwa by'Ubufaransa mu Rwanda”. Nizo zamuhaye raporo kuwa gatanu.
Raporo irimo iki nyirizina?
Iyo raporo y'impapuro 1,200 y'izo nzobere, yanzura ko “ikibazo cy'u Rwanda cyarangiye habaye akaga mu Rwanda, Ubufaransa butsinzwe…”, nk'uko ikinyamakuru Le Monde gisubiramo ibiyirimo.
“Kuri ibyo wakumva ko habayeho ubushake bwo kwifatanya n'umugambi wa jenoside, [ariko] nta na kimwe mu bushyinguranyandiko bwasuzumwe kibigaragaza.” – Bivugwa muri iyo raporo.
Ikomeza igira iti: “Ahubwo mu gihe kirekire Ubufaransa bwabaye iruhande rw'ubutegetsi bwashyigikiraga ubwicanyi bushingiye ku bwoko.”
“Bwakomeje gufunga amaso ku itegurwa rya jenoside ryakorwaga n'abahezanguni kurusha abandi muri ubwo butegetsi.”
Iyi raporo ivuga ko mu gihe cya jenoside, Ubufaransa bwatinze kwitandukanya na leta y'inzibacyuho yayikoze, bunakomeza “gushyira imbere igitutu cya FPR-Inkotanyi nk'ikintu gihangayikishije”.
Ivuga kandi ko leta y'Ubufaransa yagiye gukora 'opération Turquoise' bitinze, “nubwo yakijije ubuzima bw'abantu benshi, ariko si ubw'igice kinini cyane cy'Abatutsi cyishwe mu byumweru bya mbere bya jenoside.”
Iyi raporo yanzura ko ubushakashatsi bw'izo nzobere bwabonye “uruhurirane rw'uruhare, rukomeye kandi ruboneka cyane” ku ruhande rwa leta y'Ubufaransa.
BBC
-
Mico The Best yagize icyo atangaza ku ndirimbo ze bavuga ko ziganjemo amagambo y'ibishegu #rwanda #RwOT
Ibi bagiye babihera ku ndirimbo ze nk'iyitwa 'Igare', 'Umunamba', Saa Moya ya Bruce (ni we wayanditse) n'izindi.
Kuri uyu wa Kane na bwo yashyize hanze iyitwa 'Ubunyunyusi' yakoranye na Riderman, bamwe batangiye kuyisesengura bemeza ko nayo ari igishegu kitavangiye.
Mico The Best yavuze ko indirimbo ze ziba ziri mu Kinyarwanda nta muntu uba ukwiye kongera kuzisemura.
Ati ' Indirimbo zanjye ziba ziri mu Kinyarwanda, singombwa ko bazisemura. Nta waririmba igishegu ngo ugitange gice ku bitangazamakuru, ahubwo ikibaho ni uko bafata indirimbo zanjye bagatangira kuzivuga uko zitari.'
Mico The Best ariko anavuga ko abakurikira ibihangano bye bafite uburenganzira bwo gutekereza uko bashatse ariko ko bitazamubuza gukomeza gukora izi ndirimbo.
Ati ' Bafite uburenganzira bwo gutekereza ibyo bashatse, njyewe icyo nkora nuko mba nagerageje gufunguka nkaririmba. Usanga waririmbye umunamba, umuntu akamwita undi kandi mu by'ukuri umunamba uriho turamuzi tuzi ukuntu ateye. Baretse gusemura ikinyarwanda ngo bagikuremo ikindi bakumva ko atari ibishegu kandi nanjye bandeka nkakomeza nkiririmbira nta kibazo.'
-
Bane bahitanywe na Covid-19 –
Bane bapfuye harimo abagabo batatu muri bo babiri ni abo mu Karere ka Nyanza n’undi umwe w’i Kigali. Aba biyongeraho umugore wo mu Karere ka Ruhango.
Impfu z’aba bantu bane zatumye umubare w’abamaze guhitanwa n’iki cyorezo uba 305 mu gihe 13 bo bari barembye bikomeye.
Kuva iki cyorezo cyagera mu Rwanda, 21.490 nibo bamaze kwandura ubariyemo na 71 babonetse kuri uyu wa Mbere. Umubare w’abakize nawo wiyongereyeho 75 bituma abamaze gukira bose ari 19.860.
Abakirwaye kugeza ubu ni 1.325.
29.03.2021 Amakuru Mashya | Update
Twihanganishije imiryango y’abagabo batatu b’imyaka 91, 38 (Nyanza) 79 (Kigali) n’umugore w’imyaka 84 (Ruhango) bitabye Imana / Condolences to families of 91, 38 (in Nyanza) 79 (in Kigali) yo men and 84 (in Ruhango) yo woman who passed away pic.twitter.com/2KMpmI57jo
— Ministry of Health | Rwanda (@RwandaHealth) March 29, 2021
-
Bane bahitanywe na Covid-19 – #rwanda #RwOT
Bane bapfuye harimo abagabo batatu muri bo babiri ni abo mu Karere ka Nyanza n'undi umwe w'i Kigali. Aba biyongeraho umugore wo mu Karere ka Ruhango.
Impfu z'aba bantu bane zatumye umubare w'abamaze guhitanwa n'iki cyorezo uba 305 mu gihe 13 bo bari barembye bikomeye.
Kuva iki cyorezo cyagera mu Rwanda, 21.490 nibo bamaze kwandura ubariyemo na 71 babonetse kuri uyu wa Mbere. Umubare w'abakize nawo wiyongereyeho 75 bituma abamaze gukira bose ari 19.860.
Abakirwaye kugeza ubu ni 1.325.
29.03.2021 Amakuru Mashya | Update
Twihanganishije imiryango y'abagabo batatu b'imyaka 91, 38 (Nyanza) 79 (Kigali) n'umugore w'imyaka 84 (Ruhango) bitabye Imana / Condolences to families of 91, 38 (in Nyanza) 79 (in Kigali) yo men and 84 (in Ruhango) yo woman who passed away pic.twitter.com/2KMpmI57jo
â” Ministry of Health | Rwanda (@RwandaHealth) March 29, 2021
Source : http://igihe.com/amakuru/u-rwanda/article/bane-bahitanywe-na-covid-19
-
MrSkizzy wamamariye mu itsinda ryagacishijeho rya KGB yasezeranye na Nkundabose Clémence[AMAFOTO] #rwanda #RwOT
Ni umuhango wabereye ku Biro by'Umurenge wa Gisozi, nyuma y'ibyumweru bibiri gusa aba bombi bemeranyije kubana akaramata.
Skizzy wamamaye mu itsinda rya KGB, ni umwe mu banyamakuru bagize uruhare mu iterambere ry'imyidagaduro mu Rwanda.
Ku wa Gatandatu tariki 13 Werurwe 2021, ni bwo Skizzy yatunguye umukunzi we amusaba kwemera kuzamubera umufasha, undi na we nta kuzuyaza arabyemera atega urutoki amwambika impeta ishimangira ikimenyetso kuri iryo sezerano.
Uyu muhanzi yavuze ko ubukwe bwe buzaba bitewe n'ibihe igihugu kirimo byo kwirinda ikwirakwira rya Covid-19, bityo ko atahita atangaza amatariki ahamye.
Skizzy yatangiye kumenyekana mu muziki ubwo yari mu itsinda rya Cool Family nk'umwe mu baririmbyi cyane ko ryari rizwiho kubyina.
Iri tsinda ryaje guhura na nyakwigendera Hirwa Henry, biba akarusho kuko bose banigaga hamwe. Nyuma yo guhura bakibonamo impano yo gukora umuziki, baganirije MYP wari inshuti yabo bafata icyemezo cyo gukora itsinda bise KGB-Kigali Boyz.
Skizzy wari usanzwe ari n'umunyamakuru, yakomeje umwuga w'itangazamakuru ariko akarivanga n'ibindi bikorwa binyuranye. Kugeza ubu asigaye ari umukozi muri Skol Rwanda.
-
Nyanza: Ba gitifu babiri beguye nyuma yo kurenga ku mabwiriza yo kwirinda Covid-19 – #rwanda #RwOT
Abasezeye ni Kamanayo Jean Damascène wayoboraga akagari ka Mututu mu Murenge wa Kibirizi na Uwimana Theoneste wayoboraga aka Gahunga mu Murenge wa Nyagisozi.
Bandikiye Umuyobozi w'Akarere ka Nyanza kuri uyu wa Mbere bamumenyesha ko basezeye ku kazi kuko batakigashoboye.
Umuyobozi w'Akarere ka Nyanza, Ntazinda Erasme, yabwiye IGIHE ko abo bayobozi bombi banditse nyuma yo gufatirwa mu tubari barenze ku mabwiriza yo kwirinda Covid-19 ndetse umwe muri bo akurikiranyweho no gukubita umuturage.
Yagize ati 'Ikosa rya mbere ni uko bombi bafatiwe mu tubari barenze ku mabwiriza yo kwirinda Covid-19. Uwo mu Kagari ka Gahunga mu Murenge wa Nyagisozi we akurikiranyweho n'icyaha cyo gukubita umuturage, RIB iri kubikurikirana.'
Ntazinda yavuze ko nyuma yo kubona amabaruwa yabo basezera bavuga ko batagishoboye akazi, igikurikiyeho ari ugushaka abandi bayobozi bazayobora utwo tugari.
Yasabye abaturage gukomeza kubahiriza gahunda nziza za Leta n'amabwiriza yo kwirinda icyorezo cya Covid-19.
Ifoto igaragaza Umujyi wa Nyanza mu Ntara y’Amajyepfo -
Luka 10:18: Umuraperi Lil Nas X yamuritse ink… – #rwanda #RwOT
Inkweto z’amabara y'umutuku n'umukara zamaze kugera ku isoko nyuma yo kumurikwa na Lil Nas X umuraperi, umuririmbyi n'umwanditsi ukiri muto w'umunyamerika w'imyaka makumyabiri nu’mwe afatanyije na kompanyi yitwa MSCHF.
![]()
Nike yahise itangaza ko ntaho ihuriye n'umushinga w’ikorwa ry'iyi nkweto yakozwe hifashishijwe inkweto yayo ya Air Max 97s ariko ibimenyetso bikavanwaho hagashyirwaho ibindi bijyanye na shitani nk’uko nyir’umushinga yabiteguye.
![]()
Izi nkweto zageze hanze tariki 29 Werurwe 2019. Ni imiguru 666. Izi nkweto zigurishwa akayabo k’amadorali 1018 (Miliyoni y’amanyarwanda), ziri kwitwa iza shitani bitewe n’amaraso y’umuntu bazikoranye ukongeraho n’amagambo yanditseho yo mu ivanjiri yanditswe na Luka umutwe wa 10 umurongo wa 18 uvuga ngo ‘Nabonye shitani amanuka ava mu ijuru’.
![]()
![]()
Izi nkweto zanditseho Icyanditswe cyo muri Bibiliya, Luka 10:18
Src: CNN
-
Nyanza: Ba gitifu babiri beguye nyuma yo kurenga ku mabwiriza yo kwirinda Covid-19 –
Abasezeye ni Kamanayo Jean Damascène wayoboraga akagari ka Mututu mu Murenge wa Kibirizi na Uwimana Theoneste wayoboraga aka Gahunga mu Murenge wa Nyagisozi.
Bandikiye Umuyobozi w’Akarere ka Nyanza kuri uyu wa Mbere bamumenyesha ko basezeye ku kazi kuko batakigashoboye.
Umuyobozi w’Akarere ka Nyanza, Ntazinda Erasme, yabwiye IGIHE ko abo bayobozi bombi banditse nyuma yo gufatirwa mu tubari barenze ku mabwiriza yo kwirinda Covid-19 ndetse umwe muri bo akurikiranyweho no gukubita umuturage.
Yagize ati “Ikosa rya mbere ni uko bombi bafatiwe mu tubari barenze ku mabwiriza yo kwirinda Covid-19. Uwo mu Kagari ka Gahunga mu Murenge wa Nyagisozi we akurikiranyweho n’icyaha cyo gukubita umuturage, RIB iri kubikurikirana.”
Ntazinda yavuze ko nyuma yo kubona amabaruwa yabo basezera bavuga ko batagishoboye akazi, igikurikiyeho ari ugushaka abandi bayobozi bazayobora utwo tugari.
Yasabye abaturage gukomeza kubahiriza gahunda nziza za Leta n’amabwiriza yo kwirinda icyorezo cya Covid-19.
Ifoto igaragaza Umujyi wa Nyanza mu Ntara y’Amajyepfo
-
Muri gicurasi 2021, Kigali Arena izakira irushanwa rya Basketball Africa League (BAL) ryagomba kuba umwaka ushize ntiribe kubera koronavirusi #rwanda #RwOT
Nyuma yaho irushanwa rya Basketball Africa League rya 2020 ryagombaga kubera mu Rwanda ariko ntirize gukinwa kubera icyorezo cya koronavirusi, ryamaze gutangazwa ko rizabera i Kigali hagati ya tariki ya 16 n'iya 30 Gicurasi 2021 rikazabera muri Kigali Arena nkuko ari naho ryari buzabere umwaka ushize.
Kuri uyu wa mbere tariki ya 29 Werurwe 2021, nibwo umuyobozi wa Basketball Africa League (BAL) Gallo Fall yahamije ko iri rushanwa rigiye gukinwa ku ncuro ya mbere kuri uyu mugabane rikazabera mu Rwanda rigahuza amakipe atandukanye yo kuri uyu mugabane aho azakina imikino 26.
Nkuko uyu muyobozi yabitangarije urubuga rwa FIBA, Gallo yatangiye ashimangira ko iri rushanwa rizabera mu Rwanda ndetse anavuga amatariki azaberaho.
Yagize ati 'Uyu munsi nejejwe no gutangaza ko irushanwa rya Basketball Africa League rizaba ku nshuro ya mbere guhera tariki ya 16 Gicurasi, umukino wa nyuma wa mbere ukaba kuCl cyumweru tariki ya 30 Gicurasi. Hazitabira amakipe 12 yo mu bihugu 12 bitandukanye bya Afurika, hakinwe imikino 26. Ibi byose bizabera ahantu hamwe hagezweho ku rwego rw'Isi, muri Kigali Arena.'
Gallo kandi yakomeje avuga ko nk'ubuyobozi bwa BAL bifuza gukora irushanwa riri ku rwego rwo hejuru aho rizagaragaza impano ndetse n'urukundo abakinnyi ndetse na Afurika muri rusange bafitiye uyu mukino w'intoki.
Abategura iri rushanwa rya BAL 2020 bari bateganyije ko ryagombaga kuba hagati ya Werurwe na Gicurasi 2020 mu bihugu bitandatu bya Afurika ariko rikazasorezwa i Kigali, gusa bitewe na koronavirusi banzuye ko iri rushanwa ritakinwa.
Iri rushanwa rya BAL2020 ryari riteganyijwe ko umwaka usanzwe w'imikino wa 2020 wari kubera i Cairo mu Misiri, Dakar (Sénégal), Lagos (Nigeria), Luanda (Angola), Monastir (Tunisia) na Salé (Maroc) mu gihe Umujyi wa Kigali (Rwanda) wari kwakira imikino ya Playoffs n'iya nyuma isoza irushanwa muri Gicurasi 2020.
Nyuma amakipe ane ya mbere ni ukuvuga yari bube yitwaye neza muri buri gace ni yo yari kubona itike yo gukina imikino ya nyuma ya Playoffs yagombaga kubera i Kigali mu Rwanda.
Amakipe 12 yari yabonye itike yo gukina irushanwa rya Basketball Africa League (BAL 2020) ku nshuro ya mbere ni Patriots (Rwanda), GNBC (Madagascar), Ferroviario de Maputo (Mozambique), AS Douanes (Sénégal), AS Police (Mali), AS Sale (Maroc), GS Petroliers (Algérie), FAP (Cameroun), Petro de Luanda (Angola), Rivers Hoopers (Nigeria), Union Monastir (Tunisia) na Zamalek (Misiri).
The post Muri gicurasi 2021, Kigali Arena izakira irushanwa rya Basketball Africa League (BAL) ryagomba kuba umwaka ushize ntiribe kubera koronavirusi appeared first on RUSHYASHYA.
