Webrwanda Backend

Author: webrwanda

  • Imiterere y’ubwiherero bwa SATO bufite umwihariko wo kurwanya indwara ziterwa n’umwanda –

    Igikorwa cyo gutanga ubu bwiherero cyabaye ku wa 31 Werurwe 2021 cyitabirwa n’ubuyobozi bw’ishuri ribanza rya Gahanga II ndetse n’abayobozi ba SATO Rwanda.

    Iyi misarane ikoze mu buryo yoroshya ibijyanye n’isuku, nk’aho iyo umuntu amaze kuyikoresha ihita yipfundikira kugira ngo umwuka mubi cyangwa isazi ziyivamo zitagira ingaruka mbi ku bandi.

    Ni imisarane ikoze ku buryo kuyitunganya bitwara amezi make mu bwoko bwayo butandukanye burimo iyo kwicaraho cyangwa gusutamaho. Mu bijyanye no kuvidura ubwiherero, nabyo byorohera ababikora kuko abantu batabasha gushyiramo ibyo babonye byose.

    Rubaduka Mathias uyobora Itorero ry’Abangilikani muri Paruwasi ya Gahanga iri shuri ryubatsemo, yavuze ko SATO Rwanda yafashije iki kigo mu guharanira isuku ndetse no kurwanya indwara zishobora guterwa n’umwanda.

    Ati “Aho ubu bwiherero bwagereye muri iki kigo, hari byinshi bwahinduye, nta mwanda buteza, nta sazi zitumuka mu bwiherero, ubona ko n’abana bajyamo mu buryo bworoshye. Nta munuko kubera ko zirifunga zikanifungura iyo bibaye ngombwa. Rero twashimira umuyobozi wa SATO Rwanda kubera uburyo yagiye atwitaho muri iki gihe tumaranye.”

    Umuyobozi wa SATO mu Rwanda, Ntaganira Cyrus, yavuze ko ubwiherero bwa SATO bufite umwihariko wo kugabanya amazi abantu bakoreshaga babusukurura.

    Ati “Ubwiherero bwa SATO bukozwe muri Pulasitiki, bufite umwihariko wo kwipfundura bukanipfundikira igihe bumaze gukoreshwa. Ikindi ni uko uburyo ubwiherero bwa SATO bukoze muri wa mubiri wabwo, umwanda iyo ugiyeho uhita ugenda, ikindi bikanafasha mu kubusukura kubera ko busukurwa n’amazi make, ni ukuvuga igikombe kimwe cy’amazi gishobora kuwusukura.”

    Yavuze ko bahisemo guha iri shuri ubwiherero kuko ubwo ryari risanganywe bw’umwobo buteza ibibazo bitandukanye.

    Ati “Iriya misarani yatezaga ikibazo cyane cyane nk’aho idapfundikiye kuko ubona amasazi ajyamo akaba yateza umwanda ku bintu ndetse abantu bakandura indwara zitandukanye zirimo izimpiswi, inzoka.”

    Ntaganira yavuze ko n’abana babukoresha nta mpungenge ababyeyi bakwiye kugira z’uko bashobora kugwamo nk’uko bigenda ku isanzwe y’ibyobo.

    Mu gukomeza kurwanya icyorezo cya COVID-19, hanatanzwe robine ebyiri za SATO zifite umwihariko wo gukoresha amazi make kandi umuntu agakaraba neza uko abyifuza.

    SATO ikomoka mu Buyapani, mu Rwanda ikaba ikorera mu Gakiriro ka Gisozi mu nyubako ya Ecomem Co Ltd.

    Ikora imisarane irimo iyo gusutama, igura 8000 Frw na 12 000 Frw n’iyo kwicaraho igura 15 000 Frw iboneka mu nyubako zose zo mu Rwanda zicuruza ibikoresho by’ubwubatsi.

    Ubwiherero bwa Sato bufasha kurwanya umwanda n’indwara zishobora guterwa nawo

    SATO Rwanda yanahaye iki kigo cy’ishuri robine

    Abarimu b’Ikigo cy’amashuri abanza cya Gahanga ya Kabiri bashimiye ubuyobozi bwa SATO Rwanda bwabahaye ubwiherero bwiza

  • Nyuma yo kunganya na Cameron, Amavubi yagarutse mu Rwanda ikaba yahise ijya mu kato iri buvemo kuri uyu wa kane abakinnyi bagasubira mungo zabo bakitegura isubukurwa rya shampiyona #rwanda #RwOT

    Ikipe y'igihugu y'u Rwanda y'umupira w'amaguru, Amavubi yaraye igeze i kigali ku kibuga cy'indege mpuzamahaganga cya Kigali i Kabombe ku mugoroba wo kuri uyu wa gatatu nyuma yaho yari ivuye muri Cameron gukina umukino wayo wa nyuma mu itsinda rya gatandatu aho yanganyije n'ikipe y'igihugu ya Cameron ubusa ku busa.

    Muri uyu mukino w'u Rwanda na Cameron wabereye mu mujyi wa Doula, nta buryo bukomeye amakipe yabonye yakabaye yabyaje umusaruro kuko wari umukino wakinirwaga mu kibuga hagati ariko nk'ikipe yari iri murugo ya Cameron ikanyuzamo igasatira kurenza Amavubi.

    Ni umukino kandi wagaragayemo ikarita itukura ku ruhande rw'u Rwanda yahawe umunyezamu Olivier Kwizera nyuma yo gukorera ikosa rutahizamu wa Cameron, guhabwa ikaritwa kwa Olivier byatumye ikipe isigarana abakinnyi 10 mu kibuga kuko umutoza Mashami Vincent yakuyemo rutahizamu Iradukunda Jean Bertrand yinjizamo umunyezamu Emery Mvuyekure nawe watabaye izamu ry'u Rwanda mu minota yanyuma.

    Uyu mukino warangiye amakipe yombi anganya ubusa kubusa, mu gihe muri mujyi wa Maputo wo muri Mozambique yahatsindirwaga na Cape Verde igitego kimwe ku busa kinabahesheje amahirwe yo kwerekeza muri Cameron mu mikino ya nyuma y'igikombe cy'Afurika kizakinwa mu ntangiro za 2022.

    Muri iri tsinda F, ikipe y'igihugu ya Cameron ikaba isoje iri ku mwanya wa mbere aho ifite amanota 11, naho ku mwanya wa kabiri hari Cape Verde n'amanota 10, aya makipe yombi akaba anahise abona itike yo kuzakina CAN2022 nubwo muri iri tsinda Cameron yari isanganywe iyo tike kuko ariyo izakira iri rushanwa, u Rwanda rushoje ku mwanya wa gatatu n'amanota 6 naho Mozambique yo isoje ku mwanya wa kane n'amanota ane.

    Amavubi agarutse mu Rwanda aho bahise bashyirwa mu kato bakaba bari buvemo kuri uyu wa kane aho basubira mu ngo zabo bakitegura isubukurwa rya shampiyona y'uyu mwaka wa 2020-2021 ndtse bakaba bazitegura imikino yo gushaka itike y'igikombe cy'isi cya 2022 aho iyo mikino iteganyijwe muri Kamena 2021, muri iyo mikino u Rwanda rurikumwe na Mali, Kenya ndetse na Uganda.

    The post Nyuma yo kunganya na Cameron, Amavubi yagarutse mu Rwanda ikaba yahise ijya mu kato iri buvemo kuri uyu wa kane abakinnyi bagasubira mungo zabo bakitegura isubukurwa rya shampiyona appeared first on RUSHYASHYA.

    Source : https://rushyashya.net/nyuma-yo-kunganya-na-cameron-amavubi-yagarutse-mu-rwanda-ikaba-yahise-ijya-mu-kato-iri-buvemo-kuri-uyu-wa-kane-abakinnyi-bagasubira-mungo-zabo-bakitegura-isubukurwa-rya-shampiyona/

  • Imiterere y'ubwiherero bwa SATO bufite umwihariko wo kurwanya indwara ziterwa n'umwanda – #rwanda #RwOT

    Igikorwa cyo gutanga ubu bwiherero cyabaye ku wa 31 Werurwe 2021 cyitabirwa n'ubuyobozi bw'ishuri ribanza rya Gahanga II ndetse n'abayobozi ba SATO Rwanda.

    Iyi misarane ikoze mu buryo yoroshya ibijyanye n'isuku, nk'aho iyo umuntu amaze kuyikoresha ihita yipfundikira kugira ngo umwuka mubi cyangwa isazi ziyivamo zitagira ingaruka mbi ku bandi.

    Ni imisarane ikoze ku buryo kuyitunganya bitwara amezi make mu bwoko bwayo butandukanye burimo iyo kwicaraho cyangwa gusutamaho. Mu bijyanye no kuvidura ubwiherero, nabyo byorohera ababikora kuko abantu batabasha gushyiramo ibyo babonye byose.

    Rubaduka Mathias uyobora Itorero ry'Abangilikani muri Paruwasi ya Gahanga iri shuri ryubatsemo, yavuze ko SATO Rwanda yafashije iki kigo mu guharanira isuku ndetse no kurwanya indwara zishobora guterwa n'umwanda.

    Ati 'Aho ubu bwiherero bwagereye muri iki kigo, hari byinshi bwahinduye, nta mwanda buteza, nta sazi zitumuka mu bwiherero, ubona ko n'abana bajyamo mu buryo bworoshye. Nta munuko kubera ko zirifunga zikanifungura iyo bibaye ngombwa. Rero twashimira umuyobozi wa SATO Rwanda kubera uburyo yagiye atwitaho muri iki gihe tumaranye.'

    Umuyobozi wa SATO mu Rwanda, Ntaganira Cyrus, yavuze ko ubwiherero bwa SATO bufite umwihariko wo kugabanya amazi abantu bakoreshaga babusukurura.

    Ati 'Ubwiherero bwa SATO bukozwe muri Pulasitiki, bufite umwihariko wo kwipfundura bukanipfundikira igihe bumaze gukoreshwa. Ikindi ni uko uburyo ubwiherero bwa SATO bukoze muri wa mubiri wabwo, umwanda iyo ugiyeho uhita ugenda, ikindi bikanafasha mu kubusukura kubera ko busukurwa n'amazi make, ni ukuvuga igikombe kimwe cy'amazi gishobora kuwusukura.'

    Yavuze ko bahisemo guha iri shuri ubwiherero kuko ubwo ryari risanganywe bw'umwobo buteza ibibazo bitandukanye.

    Ati “Iriya misarani yatezaga ikibazo cyane cyane nk'aho idapfundikiye kuko ubona amasazi ajyamo akaba yateza umwanda ku bintu ndetse abantu bakandura indwara zitandukanye zirimo izimpiswi, inzoka.'

    Ntaganira yavuze ko n'abana babukoresha nta mpungenge ababyeyi bakwiye kugira z'uko bashobora kugwamo nk'uko bigenda ku isanzwe y'ibyobo.

    Mu gukomeza kurwanya icyorezo cya COVID-19, hanatanzwe robine ebyiri za SATO zifite umwihariko wo gukoresha amazi make kandi umuntu agakaraba neza uko abyifuza.

    SATO ikomoka mu Buyapani, mu Rwanda ikaba ikorera mu Gakiriro ka Gisozi mu nyubako ya Ecomem Co Ltd.

    Ikora imisarane irimo iyo gusutama, igura 8000 Frw na 12 000 Frw n'iyo kwicaraho igura 15 000 Frw iboneka mu nyubako zose zo mu Rwanda zicuruza ibikoresho by'ubwubatsi.

    Ubwiherero bwa Sato bufasha kurwanya umwanda n’indwara zishobora guterwa nawo

    SATO Rwanda yanahaye iki kigo cy’ishuri robine

    Abarimu b’Ikigo cy’amashuri abanza cya Gahanga ya Kabiri bashimiye ubuyobozi bwa SATO Rwanda bwabahaye ubwiherero bwiza

    Source : http://igihe.com/amakuru/u-rwanda/article/sato-yahaye-ishuri-ribanza-rya-gahanga-ubwiherero-buzarifasha-guhangana-n

  • Kenya: Bahangayikishijwe nuko ibitaro bikomeye byatangiye kubura urukingo rwa Astrazeneca #rwanda #RwOT

      Muri Kenya ibitaro bikomeye bya Aga Khan University biri mujyi wa Nairobi byatangaje ko byahagaritse gutanga urukingo rwa AstraZeneca rwa COVID-19 bitewe n'uko umubare w'inkingo cyangwa se dose ministeri y'ubuzima yari yabihaye gutanga byazimaze bikaba bitahawe izindi.

    Leta ya Kenya yavuze ko ubu bigoye kubona uru rukingo kuko u Buhinde bwarutangaga bwabaye bubihagaritse nk' uko The Citizen TV yabitangaje . Ubu iki gihugu cyo muri EAC cyatangiye gutabarizwa ngo kitazasigara muri gahunda yo gukingira  icyorezo cya Covid-19.

    Amakuru ava muri Kenya aravuga ko abagombaga guterwa urukingo rwa kabiri rwa AstraZeneca bazaruterwa muri Gicurasi.

    Ministeri y'ubuzima yihanganishije abaturage ivuga ko kuba bazaterwa urwa kabiri ngo doze yuzure bitazahungabanya ubukana bwarwo bwo gukingira.

    Abategetsi ba Kenya bavuga ko ubu abaturage 130,575  bamaze gukingirwa iki cyorezo kimaze guhitana abarenga ibihumbi 2 nubwo cyabuze inkingo.


    Muri Kenya bahangayikishijwe nuko ibitaro bikomeye bya Aga Khan University biri mujyi wa Nairobi byatangiye kubura urukingo rwa Astrazeneca

    Source : https://impanuro.rw/2021/04/01/kenya-bahangayikishijwe-nuko-ibitaro-bikomeye-byatangiye-kubura-urukingo-rwa-astrazeneca/

  • Ivan Minnaert ari guhatana na Seninga ku mwanya ukomeye muri FERWAFA #rwanda #RwOT

    Ni umwanya bari guhatana kugira ngo haboneke usimbura Habimana Hussein warangije amasezerano y’akazi ariko ntiyongererwe andi.

    Uretse uyu Mubiligi Jacky Ivan Minnaert unaba mu Rwanda, mu bandi bari guhatanira uyu mwanya, harimo umutoza Seninga Innocent ubu utoza Musanze FC.

    Seninga Innocent na we ufite izina rikomeye muri Football mu Rwanda, yanatoje amakipe akomeye mu Rwanda arimo Kiyovu Sports na Police FC.

    Undi mukandida ni Hitimana Thierry watoje ikipe ya Rayon Sports akaba yaranatoje amakipe yo mu karere nka Namungo yo muri Tanzania.

    Ivan Minnaert wari umaze iminsi anafitanye ibibazo n’ubuyobozi bwa Rayon Sports, yemeje ko yamaze gutanga ibyangombwa byo guhatanira uriya mwanya ndetse ko afite icyizere cyo kuwegukana.

    Aganira na Flash, yagize ati 'Buri wese arabizi ko mfite uburambe bw’igihe kirekire mu bintu binyuranye. Kandi nzi neza cyane umupira wo mu Rwanda ariko mu gihe FERWAFA itaratanga amakuru ni ugutegereza icyo bazavuga.'

    UKWEZI.RW

    Source : http://www.ukwezi.rw/Imikino/article/Ivan-Minnaert-ari-guhatana-na-Seninga-ku-mwanya-ukomeye-muri-FERWAFA

  • Murakagira izo mugaba, abo muzigabira n’izo musigarana-Immaculee ashimira Bamporiki wamuhaye Inka #rwanda #RwOT

    Ubu butumwa bwa Ingabire Marie Immaculee, yabunyujije kuri Twitter, ashimira Umunyamabanga wa Leta muri Minisiteri y’Urubyiruko n’umuco, Hon Edouard Bamporiki.

    Ni ubutumwa bwuzuye ishimwe ryumvikana ko Ingabire Marie Immaculee yagejeje kuri Bamporiki.

    Ingabire Marie Immaculee yagize ati 'Mbikuye ku mutima nshimiye cyane inka mwangabiye. Murakagira izo Mugabo, abo muzigabira n’izo mudigarana.'

    Ingabire Marie Immaculee yakomeje agira ati 'Mwangabiye inka y’urukundo n’urukundo, kuva uyu munsi ndi umugaragu kandi uzayoboka atiganda.'

    Ni ubutumwa bwakiriwe neza n’abakunze gukoresha uru rubuga rwa Twitter, gusa biragoye kumenya igihe iriya nka yagabiwe.

    Ubusanzwe kugabirana ni umuco usa nk’uhatse indi mu basokoruza bo hambere kuko iyo umuntu yakugabiraga, yabaga akweretse urukundo ruhambaye kandi imiryango yanyu igahita igirana igihango ku buryo kizakurikirana abazabakomokaho baba abana banyu, abuzukuru, ubuvivi n’ubuvuvure.

    Iyo umuntu yaguhaga Inka kandi, byafatwaga nk’aho aguhaye ubukire kuko iri tungo ryafatwaga nk’umutungo utagira ingurano mu butunzi bwo muri ibyo bihe.

    Iyo wahabwaga inka, wafataga igihe cyo kujya kuyicyura no gukura ubwatsi no kwitura uwayikugabiye.

    JPEG - 159.4 ko
    Ingabire Marie Immaculee
    JPEG - 109.6 ko
    Hon Bamporiki Edouard

    UKWEZI.RW

    Source : http://www.ukwezi.rw/mu-rwanda/Umuco/article/Murakagira-izo-mugaba-abo-muzigabira-n-izo-musigarana-Immaculee-ashimira-Bamporiki-wamuhaye-Inka

  • AMAFOTO : Abasore b’Amavubi bageze i Kigali nta molare #rwanda #RwOT

    Abakinnyi b’ikipe y’Igihugu, abatoza ndetse n’abandi bari bajyanye n’iyi kipe, baraye bahagurutse i Douala muri Cameroon mu ijoro ryo kuri uyu wa Gatatu tariki 31 Werurwe.

    Nyuma y’amasaha atanu, bahise bagera i Kigali aho bahise berecyeza i Nyamata kugira ngo bategereze ibisubizo by’ibizamini bya Covid-19 bafashwe bakigera ku kibuga k’indege cya Kanombe.

    Ikipe y’u Rwanda ikubutse muri Cameroon nyuma yo gukina umukino wayihuje n’ikipe ya kiriya gihugu aho amakipe yombi yanganyije 0-0 bituma ikipe y’u Rwanda itabasha gukomeza mu gikombe cya Africa.

    UKWEZI.RW

    Source : http://www.ukwezi.rw/Imikino/article/AMAFOTO-Abasore-b-Amavubi-bageze-i-Kigali-nta-molare

  • Kimisagara: Abantu 41 biganjemo abagore batwite bafashwe basengera mu rugo rw’umuturage –

    Ahagana saa Yine za mu gitondo zo kuri uyu wa Gatatu tariki ya 31 Werurwe 2021, ni bwo aba bakirisitu 41 barimo n’abana bato bafatiwe mu cyuho barimo gusengera mu rugo rw’umuturage.

    Abafatiwe mu cyuho bari gusenga bari biganjemo abagore batwite n’abafite abana mu gihe abagabo bari batatu.

    Uwitwa Sibomana Eric yavuze ko yemera amakosa yakoze ariko ashimangira ko iyo umuhamagaro wamubwiye ko agomba gusengera ahantu adashobora kubireka.

    Yagize ati “Iri tsinda ni iry’abantu basenga, tuba twakoze itsinda tugasenga ubu turi kwita ku iherezo ryacu tugasenga, mbese turi kwita ku iherezo ryacu dushaka ubugingo, turi aha kuko badufatiye mu cyumba turimo gusenga kuko bitemewe, twarenze ku mabwiriza.”

    Nyir’iri torero Isoko y’Umugisha, Liberte Nestor, yabwiye IGIHE ko yemera amakosa yakoze kubera ko yafatiwe mu cyuho ari gusengana n’abantu benshi mu rugo rwe.

    Ati “Ubundi badufashe turimo dusenga, ahantu twasengeraga hitwa ku Isoko y’Umugisha. Ni ho njye ntuye, twari tubizi ko gusenga muri ubu buryo bitemewe ariko turasabira imbabazi icyo kintu kubera ko umubare wabaye mwinshi.”

    Yakomeje avuga ko mu rugo rwe hasengeraga abantu muri Covid-19 ariko batari benshi nk’abahafatiwe uyu munsi.

    Umunyamabanga Nshingwabikorwa w’Umurenge wa Kimisagara, Havuguziga Charles, yavuze ko atari ubwa mbere uyu mugabo wigize pasiteri afatiwe iwe ari gusengana n’abantu benshi.

    Ati “Bafatiwe mu rugo rwa Liberte Nestor akaba yarigize umupasiteri, urugo rwe yaruhinduye urusengero kandi nta byumweru bibiri bishize tumufashe asengana n’abantu benshi. Igitangaje ni uko abenshi ari abagore batwite abandi bafite abana ariko ubona ko ari ubujiji kuko iyo ubabajije bakubwira ko baba baje gushaka isoko y’umugisha.”

    Umuvugizi wa Polisi, CP John Bosco Kabera, we yasabye abaturage kwirinda gusengera mu ngo kuko bitemewe, abashishikariza kujya bagana mu nsengero zakomorewe.

    Ati “Icya mbere ni uko bakoze ibitemewe binyuranyije n’amabwiriza yo kwirinda Covid-19, twagiye tubibabwira ko abantu badakwiye gusengera mu ngo cyangwa se ba bandi bajya ahantu bakavuga ko bagiye kwibabaza bagiye mu butayu. Ntibyemewe.’’

    Abaturage basabwe kujya mu misa no mu nsengero zemewe kuko gusengera mu ngo z’abantu bitemewe cyane cyane iyo bahuye baturutse hirya no hino.

    Bamwe mu bagore batawe muri yombi nyuma yo gufatirwa mu rugo rw’umuturage barimo gusenga

    Abaturage basanzwe mu rugo rwa mugenzi wabo basenga, bamwe bari bafite Bibiliya basoma ijambo ry’Imana

    Mu bafashwe barenze ku mabwiriza yo kwirinda COVID-19 higanjemo abagore benshi batwite n’abafite abana bato

    Nyir’iri torero Isoko y’Umugisha, Liberte Nestor, yemeye amakosa yakoze yo gusengana n’abantu benshi mu rugo rwe

    Abantu 43 biganjemo abagore batwite bafashwe basengera mu rugo rw’umuturage

  • Ingabire Immaculée yagaye abibasira umuntu wagaragaje ihohoterwa rishingiye ku gitsina –

    Abitabiriye amahugurwa ari kwibanda ku masezerano mpuzamahanga agamije gukuraho impamvu zose zituma umugore akorerwa ivangura, CEDAW, bagaragaje ko hakiri abagore n’abagabo banyuranya n’ihame ry’uburinganire ku bushake.

    Abibasira uwagaragaje ko yakorewe ihohoterwa rishingiye ku gitsina hashize igihe ribaye, bagiriwe inama yo kudapfobya amakuru atangwa n’uvuga ko yahohotewe kuko ubutabera aribwo busuzuma ibimenyetso bukamenya niba amakuru yatanzwe yujuje ubuziranenge.

    Umuyobozi w’Umuryango Urwanya Ruswa n’Akarengane mu Rwanda (TI-RW), Ingabire Marie Immaculée, yabwiye IGIHE ko imyumvire ivuga ko umugore uharanira uburenganzira bwe aba ari ingare idahwitse kuko iyo adafite uburenganzira agenerwa n’amategeko n’ubw’umugabo we buba butuzuye.

    Yavuze kandi ko uwibasira uwagaragaje ko yahohotewe ngo ni uko yabivuze hashize igihe kinini, aba ashaka kwimika umuco wo kudahana.

    Ati “Kugaragaza ko wahohotewe biragora, cyane iyo bishingiye ku gitsina. Impamvu batinda kubivuga ni ipfunwe no kuba kubibonera ibimenyetso bigoye. Akenshi nta butabera ahabwa, kandi bituma n’abo mu muryango we batangira kumuseka ngo yajyaga kwishyira hanze ashaka iki.”

    Yakomeje agira ati “Gutinda kuvuga ko wahohotewe bituma ibimenyetso bibura. Niba wahohotewe, bivuge hakiri kare, kugira ngo nibura ukingire abandi.”

    Umuyobozi wungirije w’Umuryango Utegamiye kuri Leta witwa Benimpuhwe, Mukeshimana Thérèse, yavuze ko abahungu n’abakobwa bakwiye gutozwa kubaha bakiri bato.

    Ati “Umwana w’umuhugu akwiye kumenya ko mu gutera imbere kwe adakwiye gusiga mugenzi we w’umukobwa. Abakobwa bakwiye kumenya uburenganzira bwabo, kuko hari n’abahohoterwa babigizemo uruhare bitewe n’uko batazi uburenganzira bwabo.”

    Umuyobozi w’Umuryango w’abagabo uharanira guteza imbere ihame ry’uburinganire no kurwanya ihohoterwa rishingiye ku gitsina, RWAMREC, Rutayisire Fidèle, yavuze ko aho kugira ngo ihame ry’uburinganire risuzuguze abagabo, rishimangira ko umugore n’umugabo bafite uburenganzira bungana imbere y’amategeko.

    Abitabiriye aya mahugurwa bitezweho kuzamura imyumvire iboneye ku ihame ry’uburinganire hagati y’umugore n’umugabo

    Ingabire Marie Immaculée yavuze ko guharanira uburenganzira bidakwiye gutuma umugore yitwa ingare

    Umuyobozi wa RWAMREC, Rutayisire Fidèle, yibukije ko umugore n’umugabo bangana imbere y’amategeko

  • Kigali International Finance Center yahawe ikirango gishya –

    Kugira ngo ibyo bigerweho, umushinga wa KIFC ukeneye kumenyekana ku rwego mpuzamahanga, ibyo bikajyana no kubaka ibikorwaremezo bikwiriye iryo shoramari mu Rwanda, guhugura abantu mu ngeri z’imirimo izakorwa muri ibyo bigo no gushyiraho amategeko ashobora kureshya abashoramari bo ku rwego mpuzamahanga.

    Mu koroshya ibikorwa byo kumenyekanisha KIFC, kuri ubu yamaze kubona ikirango gishya izajya yifashisha gifite umwihariko wo kugaragaza umuco nyarwanda

    Umuyobozi Mukuru wa Rwanda Finance, Nick Barigye, yavuze ko iki kirango ari intambwe ikomeye itewe na KIFC.

    Ati “Kumurika iki kirango ni intangiriro y’urugendo rwacu ndetse bikaba intambwe ikomeye itewe na KIFC. Turifuza ko KIFC iba amarekezo mashya y’ishoramari ryinjira ku Mugabane wa Afurika.”

    “Turifuza kuba amahitamo ya mbere mu kwakira ishoramari no kurikwirakwiza ahandi ku Mugabane wa Afurika. Turifuza guhuza abashoramari bo ku rwego mpuzamahanga n’amahirwe ari muri Afurika. Turifuza guhuza ba rwiyemezamirimo bo ku Mugabane wa Afurika n’ishoramari mpuzamahanga. Turifuza guhuza Abanyarwanda n’Isi”.

    Ubutumwa bukubiye mu kirango gishya cya KIFC bujyanye n’intego z’uwo mushinga, zirimo kuzagira u Rwanda amahitamo meza yo gushoramo imari ku Mugabane wa Afurika, guhanga imirimo, guteza imbere uburezi ndetse no kuvugurura ishoramari ku rwego rwa Afurika.

    KIFC imaze gufasha ibigo bitandukanye kuzana ishoramari ryabyo mu Rwanda, birimo Chancen International imaze gushora miliyoni 700 Frw mu Rwanda. Harimo kandi RB Baphelo yo muri Afurika y’Epfo, itanga ubujyanama mu ishoramari, ikaba inayoboye na Dr. Donald Kaberuka.

    Harimo kandi Ikigo gishinzwe guteza imbere ibyoherezwa mu mahanga muri Afurika (FEDA), kikaba ari ishami rya Banki ya Afreximbank, aho byitezwe ko kizashorwamo miliyoni 350$ ku ikubitiro.

    Hari kandi AfricInvest, Westbridge Mortgage na JurixTax nabyo byinjiye ku isoko ry’u Rwanda bigizwemo uruhare na KIFC.

    KIFC imaze kuba umunyamuryango w’amahuriro akomeye ku rwego rw’Isi arimo World Alliance of International Financial Centers (WAIFC) ndetse na Global Financial Centers Index (GFCI).

    Ikirango gishya cya Kigali International Finance Center (KIFC)