Author: webrwanda

Aya makuru yamenyekanye kuri uyu wa mbere, tariki 26 Gicurasi 2025, ku isaha ya saa 13:30', mu Murenge wa Miyove, Akagali ka Gakenke ho mu Mugudu wa Museke.

Umuvugizi wa Polisi mu ntara y'Amajyaruguru, SP. Jean Bosco Mwiseneza, yahamirije IGIHE aya makuru avuga ko uyu munyeshuri bikekwa ko yazize inkoni.

Ati “Umwana witwa Irasubiza Patrick w'imyaka 13, wari umunyeshuri ku Kigo cya GS. Urumuri bikekwa ko yapfuye azize inkoni yakubiswe n'abanyeshiri bagenzi be babitegetswe n'umwarimu wabo. Abakekwaho gukubita nyakwigendera bikamuviramo gupfa na mwarimu wabo wabategetse kumukubita bafungiwe kuri Sitasiyo ya Polisi ya Byumba, mu gihe bakiri gukorwaho iperereza.”

Umurambo wa nyakwigendera wahise woherezwa ku bitaro bya Byumba gukorerwa isuzumwa mbere y'uko ushyingurwa.

Yaboneyeho kwibutsa abarimu ko gutanga ibihano bibaza umubiri gukubita abanyeshuri bitemewe.

Abanyeshuri batandatu na mwarimu wabo bafunzwe bakurikiranyweho gukubita mugenzi wabo bikamuviramo urupfu

Ni inyubako izaba igeretse inshuro 13 inafite andi magorofa abiri munsi y'ubutaka. Ni iy'umushoramari witwa Brian Choi binyuze mu kigo cye cya Brilliant Holding.

Ni inzu biteganyijwe ko izatahwa muri Kamena 2026. Brilliant Tower izaba irimo ibyumba by'inama bigezweho, iby'imikino n'imyidagaduro, ibyo kuriramo n'ibindi bitandukanye.

Izubakwa ku buso bwa meterokare 11.413. Iherereye hafi ya za ambasade nk'iy'u Bwongereza, u Buyapani, u Buholandi, ikaba hafi y'inzu z'ubucuruzi nka Kigali Heights, Radisson Blu Hotel & Convention Centre na Kigali Alliance Business Centre (KABC) n'ibindi.

Ku gisenge cyayo hazashyirwaho ibikorwa bitandukanye, nka za restaurent, aho abantu baba bidagadura bitegeye Umujyi wa Kigali mu guhe mu igorofa rya kabiri hazashyirwamo 'café' n'ibindi byumba byo kuruhuka.

Ibiro bizaba biri ku buso bwa metero kare 210 kugeza ku 1.040 kizaba byubatswe mu buryo bugezweho ku bafite ibigo bashaka kubyaza umusaruro amagirwe y'ishoramari mu Mujyi wa Kigali.

Ambasaderi w'u Rwanda muri Singapore, Jean de Dieu Uwihanganye, yatangaje ko Brian Choi ari no mu mishinga yo gutangiza hoteli izitwa Brilliant Apartment and Hotel, na yo izubakwa mu Mujyi wa Kigali.

Ati 'Brian yambwiye ishoramari ari gushora mu Rwanda ndetse u Rwanda ruri kumufasha muri ibyo bikorwa bye. Aniteguye gutanga inama ku bashoramari batandukanye bo muri Singapore bashaka kubyaza umusaruro amahirwe y'ishoramari ari mu Rwanda.'

U Rwanda rumaze kubaka izina mu bijyanye no korohereza abashoramari aho raporo ya Banki y'Isi ku birebana n'uburyo ibihugu byorohereza ishoramari yiswe B-Ready 2024 yarushyize ku mwanya wa Gatatu ku Isi mu bihugu byorohereza gutangiza ishoramari.

Iyo raporo yatangajwe mu Ukwakira 2024 yagaragaje ko u Rwanda rwaje ku mwanya wa gatatu mu korohereza imikorere y'ishoramari hashingiwe ku mategeko n'uburyo abikorera batangizamo ibigo cyangwa ishoramari, babyaza umusaruro ibikorwa remezo n'ibindi aho rufite amanota 81,31%, rukurikira Georgia ifite 84.75% na Singapore ifite 87,33%.

U Rwanda na Singapore bikunze gufatanya mu nzego zitandukanye. Bihuriye muri FOSS, umuryango washinzwe mu 1992 n'iki gihugu cyo muri Aziya.

FOSS ni umuryango uhuriwemo n'ibihugu byo ku migabane itandukanye, aho ibihugu biwugize bifatanya mu kwiteza imbere no guhangana n'ibibazo biba byugarije ibihugu bifite ubuso buto.

Muri Nzeri 2023 kandi u Rwanda na Singapore byashyize umukono ku masezerano y'ubufatanye mu guteza imbere imibereho myiza y'abaturage no kwimakaza iterambere ry'ubukungu.

Ambasaderi w'u Rwanda muri Singapore, Jean de Dieu Uwihanganye (iburyo) yahuye na Brian Choi ufite ishoramari i Kigali

I Kigali hagiye kubakwa inyubako y’Umunya-Singapore izaba igeretse inshuro 15

Brilliant Tower izaba iherereye hafi ya Kigali Convention Centre

Brilliant Tower igiye kuzamurwa i Kigali izaba iri ku rwego rwa mbere (Grade A)

Ni uruzinduko yakoze aherekejwe n'Umuyobozi Mukuru w'Ishuri Ryigisha Amategeko rya Gambia, Madame Rougie Thomasi, mu rwego rwo kwagura imikoranire no kwigiranaho.

Ku wa 26 Gicurasi 2025, Jallow yagiranye ikiganiro n'abiga muri ILPD, aho agaruka ku rugendo rwe mu by'amategeko yakoze kandi akibamo n'ubu nk'umuyobozi w'urwego rw'ubutabera muri Gambia.

Jallow yavuze ko yashimye imikorere ya ILPD, mu gutyaza ubwenge bw'abakora ibijyanye n'amategeko mu Rwanda, muri Gambia no muri Afurika muri rusange.

Ati ''Nk'ubu dufite abanyeshuri basaga 50 bo muri Gambia banyuze hano n'abakihiga bagera ku 10, kandi bishimira ubumenyi bahabwa. Uyu ni umusanzu ukomeye mu iterambere rya Afurika.''

Yakomeje avuga ko kuba muri ILPD bafite uburyo bwo kwigisha abize 'common law' na 'civil law' ari undi musanzu ukomeye kuko bisa no guhuza Isi ebyiri, ashima ko ILPD yahisemo ubu buryo.

Yanasabye abiga amategeko kurushaho kwitabira uburyo bw'ubuhuza mu nkiko bakanabitoza ababagana, kuko ari bwo butabera bubereye abanyafurika, bwanahoze mu muco wabo.

Saine Alieu, umwe mu banyeshuri bakomoka muri Gambia wiga muri ILPD, yavuze ko yishimiye uruzinduko rw'umuyobozi wo mu gihugu cye; iyo bari mu Rwanda biyumva nk'abari mu rugo kubera umubano mwiza w'ibihugu byombi.

Niwenshaba Atwebembeire, umunyeshuri waturutse muri Uganda, yasobanuye ko gusurwa n'abayobozi bakomeye bibongerera imbaraga mu rugendo rw'amasomo barimo.

Ati ''Kutuganiriza bidutera imbaraga muri uru rugendo rw'umwuga w'amategeko, tukumva ko natwe nidukomeza gukora cyane tuzagera kure.''

Umuyobozi Ushinzwe Amasomo muri ILPD, Bangayabandusha Viateur, na we yavuze ko gusurwa na Perezida w'Urukiko rw'Ikirenga rw'igihugu akanatanga ikiganiro gikubiyemo n'amasomo ku banyeshuri, byongerera imbaraga ishuri, bikanatuma riba isangano ry'ibitekerezo bitandukanye bigamije kurera abanyamwuga mu mategeko.

Muri uru ruzindo kandi, uyu muyobozi yanasuye ibice bitandukanye ndangamateka by'Akarere ka Nyanza, birimo Ingoro y'Abami b'u Rwanda n'inyambo.

Ku munsi wa mbere w’uruzinduko rwe, Hassan B. Jallow n’itsinda yari ayoboye, bagiranye ibiganiro n’umuyobozi wa ILPD

Abanyeshuri bagize umwanya wo gusobanuza no gutanga ibitekerezo

Abanyeshuri bari bishimiye gukurikira ikiganiro bahabwaga

Umuyobozi wa ILPD, Dr. Karimunda Aimé Muyoboke, ubwo yakiraga Hon. Hassan B. Jallow, mbere y’uko ageza ijambo ku banyeshuri

Mu kiganiro yagejeje ku biga muri ILPD, Hassan B. Jallow, yabasabye kujya bagira umutimanama, bakanahuza amategeko n’umuco w’aho bavuka

Uyu muyobozi kandi yagenewe impano na ILPD

Mu mpano yahawe harimo n’iy’umutaka, ishushanya ko ari mu mutaka w’amategeko meza

Undi mu bari bamuherekeje mu ruzinduko rwe na we yagenewe impano

Uyu muyobozi kandi yaboneyeho gusura inzu ndangamurage iherereye i Nyanza

Yishimiye kubona inka z’i Nyambo

Perezida Kagame yageze i Astana muri Kazakhstan kuri uyu wa 27 Gicurasi 2027.

Ibiro by'Umukuru w'Igihugu, Village Urugwiro, byatangaje ko Perezida Kagame yagiye mu ruzinduko rw'akazi, aaho azanageza ijambo ku bitabiriye Inama Mpuzamahanga ya Astana iteganyijwe kuva ku wa 29-30 Gicurasi.

Biyakomeje biti 'Perezida Kagame kandi azagirana ibiganiro mu muhezo na mugenzi we wa Kazakistan, Kassym-Jomart Tokayev ejo, nyuma bazagirane ikiganiro n'itangazamakuru.'

Umubano w'u Rwanda na Kazakhstan washinze imizi ubwo rwagenaga uruhagarariye muri icyo gihugu mu 2016.

Muri Nzeri 2024, habaga Inama y'Inteko Rusange ya Loni, i New York muri Leta Zunze Ubumwe za Amerika Minisitiri w'Ububanyi n'Amahanga, Olivier Nduhungirehe, yasinyanye amasezerano na mugenzi we wa Kazakhstan, Murat Nurtleu, ajyanye no gukuraho Visa ku baturage b'ibihugu byombi mu koroshya urujya n'uruza.

Kazakhstan ni igihugu gikomeye muri Aziya yo Hagati mu by'ubukungu na politiki, kikaba kinatanga umusaruro wa 60% by'umusaruro mbumbe w'Akarere, ahanini bitewe n'ubucuruzi bwa peteroli na gaz. Kinafite umutungo munini w'amabuye y'agaciro.

Astana International Forum ni ihuriro mpuzamahanga iba buri mwaka, ikabera mu Mujyi wa Astana muri Kazakhstan. Yatangiye kuba mu 2008 ariko mu 2023 ihindurirwa izina ndetse n'ingingo ziganirwaho zirushaho kwaguka.

Ihuriza hamwe Abakuru b'ibihugu, ba rwiyemezamirimo, inzobere bumenyi, n'imiryango mpuzamahanga, baganira ku bibazo bikomereye Isi nk'umutekano, politiki mpuzamahanga, ingufu, imihindagurikire y'ikirere, n'iterambere ry'ubukungu.

Perezida Kagame yageze i Astana muri Kazakhtan aho azanageza ijambo ku bitabiriye AIF

Perezida Kagame azagirana ibiganiro na mugenzi we wa Kazakhstan

Amafoto: Village Urugwiro

Ni ibyavuye muri Raporo y'ibikorwa bya Pariki y'Igihugu y'Akagera y'umwaka wa 2024, yasohotse kuri uyu wa 27 Gicurasi 2025.

Ni raporo igaragaza ko imibare y'abakerarugendo basuye pariki y'Akagera mu 2024, aho abasuye iyi pariki bishyuye bagera kuri 48.230 muri bo 45% bakaba ari Abanyarwanda bangana, ibigaragaza uruhare runini rwa ba mukerarugendo b'imbere mu gihugu mu iterambere ry'iyo pariki.

Imibare igaragaza ko mu mwaka wa 2023, yasuwe n'abantu 54.141 barimo Abanyarwanda bangana na 26.047, abanyamahanga baturutse hanze y'u Rwanda 23.047 ndetse n'abanyamahanga batuye mu Rwanda 4.534.

Mu mwaka wa 2024 pariki y'Akagera yinjije miliyoni 4,7 z'amadolari y'Amerika [agera kuri miliyari 6,6 Frw] avuye kuri miliyoni 4,6 $ yari yinjije mu mwaka wa 2023.

Mu bindi bikorwa iyi Pariki yakoze mu 2024, yateguye ibikorwa bigamije kongerera ubumenyi abaturage mu byicirio bitandukanye, barimo abanyeshuri barenga 2000, abarimu 247, abayobozi b'inzego z'ibanze 249 n'abandi baturage bagera ku 8000.

Ibi bikorwa by'ubukangurambaga byabereye muri Pariki y'Akagera, aho byaranzwe n'ingendo shuri zirimo gusura inyamaswa (game drives) no gusobanurirwa ibikorwa binyuranye bikorerwa muri Savannah Learning Centre.

Byanajyaniranye no guhura n'abaturage baturiye iyi pariki hagamijwe kubaha umwanya wo kungurana ibitekerezo no kugira uruhare mu gukumira ibikorwa byangiza urusobe rw'ibinyabuzima.

Uretse ibi, hatanzwe ibiganiro ku maradiyo 50 no kuri televiziyo ebyiri, byose bigamije kwimakaza ubumenyi kuri gahunda zo kurengera ibidukikije no gukangurira abaturage kugira uruhare rugaragara mu gukumira ibyangiza pariki.

Iyi raporo igaragaza ko aya mahugurwa n'ubukangurambaga byabaye ingirakamaro mu guteza imbere imibanire myiza hagati ya pariki n'abaturage bayituriye no kubashishikariza kuyibungabunga nk'umutungo kamere igihugu cyungukira mo.

Pariki y'Akagera yashinzwe mu 1934 ikaba ifite ubuso bwa kilometero kare 1.120, aho ibarizwamo zimwe mu nyamaswa zizwi cyane ku Isi zirimo; Intare, Ingwe, Inzovu, Inkura n'Imbogo.

Abasura Pariki ya Akagera biyongereyeho 3.83% mu 2024

Pariki y’Akagera ibarizwamo zimwe mu nyamaswa zizwi cyane ku Isi

Iyi Pariki ifite inyamaswa zitandukanye zikurura ba mukerarugendo benshi

Pariki y’Akagera yateguye ibikorwa bigamije kongerera ubumenyi abaturage mu byicirio bitandukanye

Byagarutsweho kuri uyu wa 27 Gicurasi 2025 ubwo hatangizwa inama y'iminsi ine ibaye ku nshuro 20 ihuza abagize Komisiyo y'ibigo by'imisoro n'amahoro muri EAC ku kwimakaza ubunyangamugayo (EARATCI).

Ni inama yagarutse ku buryo ibyo bigo bishobora gukoresha ikoranabuhanga mu kunoza imitangire y'imisoro no kurwanya ruswa binyuze mu guhanahana amakuru no gusangira inararibonye.

Komiseri Mukuru Wungirije w'Ikigo cy'Imisoro n'Amahoro (RRA), Dr. Innocente Murasi, yagaragaje ko ikoreshwa ry'Ikoranabuhanga rizafasha mu guhangana na ruswa ishobora kubaho mu mitangire y'imisoro n'amahoro.

Yakomeje yerekana ko nubwo imikorere y'inzego zishinzwe imisoro n'amahoro ishobora guha urwaho imitangire ya ruswa, hakenewe uruhare rwa buri wese mu kuyirwanya.

Ati 'Twizeye ko muri aya mahugurwa tuzagera ku gufata ibyemezo bikwiye kandi biboneye mu buryo bwo gukemura iki kibazo. Mbere y'uko tunagera muri iyi mikorere yacu twibaza uko twateza imbere ikoreshwa ry'isesenguramakuru no kurwanya ruswa, buri wese akwiye kuba yibaza uruhare yagira.'
Yabagaragarije ko inzira ya mbere yo kurwanya ruswa ari ukubanza kwitandukanya nayo ari byo byatanga igisubizo, yemeza ko ikoranabuhanga ryonyine ridahagije ahubwo hakwiye n'ubunyangamugayo.

Yasabye ko ibihugu bya EAC bikwiye kugira uruhare rukomeye mu rugendo rwo gusangira intego imwe n'icyerekezo kimwe mu kurwanya ruswa.

Ati 'Akarere katarangwamo ruswa, kagira uburyo bwiza bwo kureshya ba mukerarugendo, no gushyigikira iterambere rirambye kandi umusingi wamaze gushyirwaho w'ibyo twakora. Dufite uburyo, dufite amategeko yo kurwanya ruswa, dufite amategeko n'ibindi.'

Yakomeje ashimangira ko RRA ishyize imbere kutarebera ruswa iyo ari yo yose no kwimakaza gukorera mu mucyo n'ubunyangamugayo.

Ati 'Hashyizweho ishami rishinzwe gusesengura ibihombo, amakuru yose ashyirwa mu ikoranabuhanga, serivisi zigatangwa hifashishijwe ikoranabuhanga, koroshya imikorere, guteza imbere ubunyamwuga, gukorera mu mucyo no kubazwa inshingano. Dufite kandi ubugenzuzi bw'imari imbere mu kigo n'ishami rishinzwe ubunyangamugayo no kurandura ruswa muri RRA.'

Perezida wa Komisiyo Ishinzwe Ubunyangamugayo mu bigo by'imisoro n'amahoro muri EAC(EARATCI), James Abola, yagaragaje ko hakwiye kunoza imitangire y'imisoro muri ibi bihugu mu rwego rwo korohereza za guverinoma mu gutanga serivisi nziza ku baturage no kugera ku iterambere.

Ati 'Twifuza ko buri faranga ryose dukusanya nk'ibigo by'imisoro n'amahoro, rigera mu isanduku ya leta. Ntabwo rikwiye guherera mu mifuka y'abantu ku giti cyabo.'

Yavuze ko ikoreshwa ry'ikoranabuhanga rizafasha muri urwo rugendo binyuze mu gusangira amakuru hagati y'ibihugu no kunoza imikoranire.

Umukozi muri RRA ushinzwe kurwanya ruswa, Nshuti Fred yagaragaje ko gukoresha ikoranabuhanga bigabanya ibyago byo gutanga ruswa kuko serivisi ziba zitangwa hifashishijwe ikoranabuhanga.

Komiseri Mukuru Wungirije w'Ikigo cy'Imisoro n'Amahoro (RRA), Dr. Innocente Murasi, yagaragaje ko ikoreshwa ry'Ikoranabuhanga rizafasha mu guhangana na ruswa

Komiseri Ushinzwe Ubugenzuzi bw’Imari imbere mu Kigo n’Ubunyangamugayo, Nathalie Mutegaraba, yahaye ikaze abitabiriye iyi nama

Abahagarariye ibigo by’imisoro n’amahoro muri Afurika y’Iburasirazuba basabye ko hakimakazwa ikoreshwa ry’ikoranabuhanga

Hagaragajwe ko hakiri icyuho mu mikorere n’imitangire y’imisoro muri EAC

Perezida wa Komisiyo Ishinzwe Ubunyangamugayo mu bigo by'imisoro n'amahoro muri EAC(EARATCI), James Abola, yagaragaje ko hakwiye kunoza imitangire y'imisoro muri ibi bihugu

Iri geragezwa ryatangiye ku itariki 24 Gicurasi 2025. Rizamara ukwezi kose aho riri gukorerwa kuri bisi 10 zikoresha amashanyarazi.

Umuvugizi w'Umujyi wa Kigali, Ntirenganya Emma Claudine yabwiye RBA ko izo bisi zitarenza iminota itatu muri gare zaba zabonye abagenzi cyangwa zitababonye.

Zikora kuva Saa Kumi n'Imwe za mu gitondo kugeza Saa Yine z'ijoro.

Iyo ari igihe cy'abagenzi benshi bwo zisohoka muri Gare ya Nyabugogo zituzuye aho ziba zitwaye abatarenga 63 abandi zikabafata ku byapa byo mu nzira.

Ntirenganya yavuze ko iryo gerageza rizabafasha kwiga uburyo abagenzi bajya babona imodoka zibatwara batamaze umwanya munini muri gare cyangwa ku byapa.

Ati 'Dushaka ko umuntu atakabaye atinda muri gare kandi na wa wundi uri ku cyapa na we yakabaye atahatinda imodoka ikamugeraho irimo imyanya.'

Yakomeje asobanura ko iryo gerageza baritangiriye kuri bisi zikoresha amashanyarazi kuko ari zo zidakoresha amafaranga menshi.

Yavuze ko nyuma y'iryo gerageza, Umujyi wa Kigali uzasuzuma ibyavuyemo ugatangira kunoza uburyo bwo gutwara abagenzi kandi badategereje imodoka igihe kirekire, ku buryo umugenzi atazajya ategereza imodoka iminota irenze itanu.

Mu muhanda Nyabugogo-Kabuga hashyizwemo bisi z’amashanyarazi zidatinda muri gare

Byagarutsweho ku wa 26 Gicurasi 2025, mu nama Mpuzamahanga y'Abagenzuzi bwite b'imari mu bigo byo muri Afurika iri kubera i Kigali, havugwa ku ruhare rwa Leta mu gushyigikira uyu umwuga.

Umuyobozi w'Urwego Rushinzwe Ubugenzuzi Bwite bw'Imari ya leta mu bigo byo mu Rwanda, Fred Twagirayezu yavuze ko basabye leta y'u Rwanda ko yabashyiriraho itegeko rirengera abakora umwuga w'ubugenzuzi bwite kugira ngo barusheho gutanga umusaruro mu kigo bakorera n'igihugu.

Yagize ati 'Ni itegeko rigenga umwuga w'abagenzuzi bwite mu gihugu, rizaba rivuga umugenzuzi bwite ibyo akwiye kuba yujuje kugira ngo abe we byuzuye, rigomba kuba rivuga ibyo ikigo kigomba kugenderaho kugira ngo gishyigikire uyu mwuga ndetse n'icyo abandi bagenerwabikorwa bakwiye gukora kugira uyu mwuga ukorwe neza.'

Twagirayezu yavuze ko iri itegeko 'turi kuritegurana na Minisiteri y''imari n'Igenamigambi'.

Rizanyura mu nzira amategeko yose asanzwe anyuramo harimo muri Guverinoma no mu Nteko Ishinga Amategeko, bikarangirira ku gusohoka mu Igazeti ya Leta.

Mu bisanzwe kuba umugenzuzi bwite ntacyo byasabaga cyihariye, kuko buri wese wese yashoboraga gufata uwo abonye akamuha ako kazi.

Twagirayezu yavuze ko itegeko nirijyaho bizafasha 'kugenzura neza ba banyamuryango bacu kugira ngo turebe ko bari mu murongo ukwiye.'

Umugenzuzi Mukuru w'Imari ya Leta, Alexis Kamuhire yavuze ko kugira ngo ube umugenzuzi mwiza bisaba kwitegura, kubyiga, kubikunda, no kubigiramo ubunarirabonye.

Visi Perezida uhagarariye Akarere ka Afurika y'Amajyaruguru muri AFIIA, Habib Bashir yavuze ko ingamba nshya zikenewe cyane mu mwuga w'ubugenzuzi bwite muri iki gihe.

Agaragaza ko bafite inshingano yo guha abayobozi babo icyizere no kubagaragariza ko ibibazo bigihari byagenzuwe neza kandi hafashwe ingamba zo kubikemura.

Umuyobozi w'Urwego Rushinzwe Ubugenzuzi Bwite bw'Imari ya leta mu bigo byo mu Rwanda, Fred Twagirayezu yavuze ko mu Rwanda hagiye gushyirwaho itegeko rigenga Abagenzuzi bwite

Umugenzuzi Mukuru w'Imari ya Leta, Alexis Kamuhire yavuze ko kugira ngo ube umugenzuzi mwiza bigusaba kubyiga

Amafoto: Nzayisingiza Fidele

Ni inzibutso za Jenoside zirimo urwa Kigali ruri ku Gisozi, urwa Nyamata mu Bugesera, urwa Murambi muri Nyamagabe ndetse n'urwa Bisesero mu Ntara y'Iburengerazuba.

Minubumwe yatangaje mu 2022 izo nzibutso enye zitarashyirwa mu Murage w'Isi abazisuye barengaga ibihumbi 101, muri bo abanyamahanga bari 54.845 naho Abanyarwanda ari 46.600.

Nyuma yo kuzishyira mu Murage w'Isi mu 2024 umubare w'abasura izi nzibutso warazamutse urenga ibihumbi 193

Muri abo abanyamahanga bo bikubye inshuro zirenga ebyiri kuko barenze ibihumbi 120 mu gihe Abanyarwanda bo barenga ibihumbi 73.

Umuyobozi ukuriye ishami ryo kwibuka no kurwanya Jenoside muri Minubumwe, Ingabire Veneranda yabwiye RBA ko ukwiyongera kw'abanyamahanga bazisura ari umusaruro wo kuba zarashyizwe mu murage w'Isi.

Ati 'Ubwiyongere bw'abanyamahanga basura inzibutso za Jenoside bwiyongeyeho 54.2%. Bivuze ko inzibutso zamenyekanye abantu batinyuka kuzisura kuko twavuze akamaro kazo. N'Isi yafashe inshingano zo kuvuga akamaro kazo no gushishikariza abantu kuzisura.'

Mutesi Lydie ukorera Umuryango Aegis Trust [ucunga Urwibutso rwa Jenoside rwa Kigali] yavuze ko bongerewe ubumenyi n'ubushobozi bwo kwakira abantu benshi babagana.

Ati 'Twahawe amahugurwa adufasha gukora kinyamwuga mu buryo buruseho ku buryo bifasha ya mateka yacu kuvugwa mu ireme rikwiye ku buryo n'agera n'ahandi ku Isi afasha icyo yakagombye gufasha.'

Ku itariki ya 20 Nzeri 2023 ni bwo inzibutso enye za Jenoside zashyizwe mu Murage w'Isi n'Ishami ry'Umuryango w'Abibumbye rishinzwe Ubumenyi, Uburezi n'Umuco (UNESCO).

Urwibutso rwa Murambi ruri muri enye zashyizwe mu murage w’Isi