Author: webrwanda

Agace ka mbere ka Tour du Rwanda kengukanywe n’umunya-Colombia, Brayan Sanchez ukinira Team Medellin.

Uyu munsi nibwo hatangiye isiganwa mpuzamahanga rizenguruka u Rwanda rya Tour du Rwanda 2021.

Ni ku nshuro ya 3 riri ku rwego rwa 2.1, bikaba ku nshuro ya 13 Tour du Rwanda ibaye mpuzamahanga.

Inshuro 2 ziheruka iri ku rwego rwa 2.1 ryegukanywe n’Abanya-Erythrée; Merhawi Kudus mu 2019 na Natnael Tesfazion mu 2020, ariko bombi bakaba bataritabiriye uyu mwaka.

Uyu munsi hakinwe agace ka mbere aho abasiganwa bakoze intera y’ibirometero 115.6, Kigali – Rwamagana

Abakinnyi 80 bitabiriye isiganwa ry’uyu mwaka bahagurukiye kuri Kigali Arena bazamuka kuri KIE- kwa Rwahama, Umushumba Mwiza — Inyange- Masaka Hospital- Kabuga — Rwamagana.

Abakinnyi bageze i Rwamagana kuri Dereva Hotel ahasorezwa isiganwa, bayizenguruka inshuro 10 intera ya kilometero 6.5.

Brayan Sánchez w’imyaka 26 niwe waje kwegukana aka gace akoresheje amasaha abiri, iminota 33 n’amasegonda 43, anganya ibihe n’abandi bakinnyi benshi kuko bahagereye ku murongo icya rimwe.

Abanyarwanda baje ku myanya ya hafi ni Hakizimana Seth [14] na Uhiriwe Byiza Renus [15], Byukusenge Patrick [33], Muhoza Eric [39] na Areruya Joseph [44]. Bakoresheje ibihe bimwe na Brayan wabaye uwa mbere, 02h33’43”.

10 ba mbere mu gace k’uyu munsi

Sanchez Vergara Brayan Stiven (Team Medellin, Col), 2h33’43'
Hoehen Alex (Wildlife Generation, USA), 2h33’43'
Roldan Ortiz Weimar Alfonso (Team Medellin, Col), 2h33’43'
Pacher Quentin (B&B Hotels, France), 2h33’43'
Restrepo Jhonathan Valencia (Androni, Col) 2h33’43'
Munoz Giraldo Daniel (Androni, Col), 2h33’43'
Basson Gustav (Pro Touch, Afurika y’Epfo), 2h33’43'
Umba Lopez Abner Santiago (Androni, Col), 2h33’43'
De Decker Alfdan (Tarteletto, Belgique), 2h33’43'
Vuillermoz Alexis (Total Direct Energie, France), 2h33’43'.

Abanyarwanda batanu ba mbere kuri iyi etape

14 Hakizimana Seth (SACA) 2h33’43'
15 Uhiriwe Byiza Renus (Team Rwanda), 2h33’43'
33 Byukusenge Patrick (Benediction Ignite), 2h33’43'’
39 Muhoza Eric (Team Rwanda) 2h33’43'
44 Areruya Joseph (Benediction Ignite) 2h33’43'

Ku munsi w’ejo abasiganwa bazakora ibirometero 120.5, bazahagurikira Kigali(MIC) berekeza i Huye.

Bagendaga begeranye

Umunya-colombia wegukanye agace ka mbere ka Tour du Rwanda

Uyu Munya-Columbia Brayan Steven Sanchez Vergara yegukanye aka gace mu gihe ikipe ye ya Team Medellin yitabiriye bwa mbere iri rushanwa rya Tour du Rwanda.

Ni agace kahagurukiye mu Mujyi wa Kigali kerecyeza mu Karere ka Rwamagana ubundi bakazenguruka mu mujyi wo muri kariya Karere.

Aka gace gafite Ibilometero 115, kegukanywe n’uriya Munya-Columbia Brayan Steven Sanchez Vergara wakoresheje amasaha 2:33′:43”.

Umunyarwanda waje hafi ni Habimana Seth unganya ibihe n’uyu wa mbere kuko na we yakoreshe 2:33′:43”.

Uhiriwe Byiza Renus na we yaje ku mwanya wa 15 akurikira Habimana Seth na we akaba yakoreshe 2:33′:43”.

Areruya Joseph wanigeze kwegukana iri rushanwa we yaje ku mwanya wa 44 na we akaba yakoresheje ibihe nk’ibi 2:33′:43”.

Ni irushanwa ryaranzwe no guhangana cyane kuko no kurangiza aka gace, karangiye abakinnyi bari mu gikundi.

UKWEZI.RW

Guhera kuri uyu wa 2 Mata mu Rwanda haratangira kubera irushanwa ryo gusiganwa ku magare rizenguruka igihugu, rikazarangira ku wa 9 Gicurasi 2021, ni urushanwa ryajemo impinduka ahanini bitewe n'ibihe by'icyorezo cya COVID-19 igihugu n'Isi yose birimo.

Ni irushanwa rigiye kuba mu gihe mu Rwanda hakigaragara umubare munini w'abandura Coronavirus nk'aho ku wa 2 Gicurasi handuye abantu 109, byatumye haboneka abantu 1545 bakirwaye barimo babiri barembye.

Mu rwego rwo kugira ngo iri rushanwa ritaba icyuho cyo kwiyongera ku bwandu bwa COVID-19, Polisi y'u Rwanda ibinyujije kuri Twitter yasabye Abanyarwanda kwitwararika.

Iti 'Tuributsa abafana ndetse n'abakunzi b'umukino wo gusiganwa ku magare ko Coronavirus igihari, ko kubahiriza amabwiriza yose yo kwirinda bigikomeje cyane cyane aho abasiganwa bazaca hose ndetse n'aho isiganwa rizajya rirangirira.'

Yakomeje isaba abazaba bari ku muhanda bakurikiranye Tour du Rwanda kubahiriza amabwiriza bazahabwa.

Iti 'Tuboneyeho gusaba abazaba bari ku mihanda bakurikirana isiganwa gukurikiza amabwiriza bazajya bahabwa n'abapolisi no kwirinda icyo ari cyo cyose cyateza impanuka nko kwegera cyane inkengero z'umuhanda cyangwa kujyana abana no kubasiga bonyine hafi y'umuhanda.'

Impinduka mu ikoreshwa ry'imihanda

Uretse gusaba abantu gukomera ku ngamba zo kwirinda Covid-19 mu gihe Tour du Rwanda, Polisi yatangaje ko mu gihe iri rushanwa rizaba riri kuba hari impinduka zizarangwa mu ikoreshwa ry'imihanda.

By'umwihariko kuri uyu wa 2 Mata 2021 ubwo abasiganwa baraba bahaguruka mu Mujyi wa Kigali berekeza I Rwamagana biteganyijwe ko uyu muhanda uraba ufunze.

Uyu muhanda ni uva Kigali Arena – Le Printemps – KIE – Kwa Rwahama – Umushumba Mwiza — La Parisse – Kuri 12 – Murindi – Inyange industry – Masaka Hospital — Kabuga – Nyagasambu – Rwamagana Poids Lourd – Sitasiyo SP – Dereva Hotel.

Biteganyijwe ko uyu muhanda uraba ufunze guhera saa Yine za mu gitondo kugeza saa Sita na mirongo ine n'itanu.

Ni ku nshuro ya 13 Tour du Rwanda igiye kuba kuva ibaye irushanwa riri ku rwego mpuzamahanga, ikaba ni inshuro ya kabiri igiye kuba iri ku rwego rwa 2,1.

Abakunzi b'amagare basabwe gukurikirana Tour du Rwanda bibuka kwirinda COVID-19. Aha abapolisi baherekeza abakinnyi bari biteguye.

Uyu musore yafatiwe mu Karere ka Ngororero mu Murenge wa Kabaya. Amakuru dukesha Polisi y'u Rwanda avuga ko uyu musore yayemereye ko urwo rumugi yari arukuye mu Karere ka Rubavu.

Umuvugizi wa Polisi y'u Rwanda mu Ntara y'Iburengerazuba, CIP Bonavanture Twizere Karekezi yavuze ko uriya musore yafatiwe mu modoka itwara abagenzi yari ivuye mu Karere ka Nyabihu mu Murenge wa Mukamira.

Yagize ati 'Abapolisi bakorera mu Karere ka Ngororero basanzwe bafite amakuru ko hari abantu bakunda kunyura muri kariya Karere bafite ibiyobyabwenge. Tariki ya 30 Mata 2021 mu gitondo barazindutse bakajya bahagarika buri modoka itambutse bakayisaka, bageze ku modoka yarimo uwo musore batangiye gusaka abagenzi agira ubwoba, babona avuyemo ariruka asigamo igikapu yari afite.'

CIP Karekezi yakomeje avuga ko uwo musore amaze kwiruka abari batwaye imodoka bashatse abasore hafi aho baramukurikira baramufata baramugarura.

Ngo amaze kugaruka yemereye abapolisi ko urumogi ari urwe, ko yari aruvanye mu Karere ka Rubavu ku muturage usanzwe arumuranguza.

Umuvugizi wa Polisi mu Ntara y'Iburengerazuba yakanguriye abaturage kugira uruhare mu kurwanya ibiyobyabwenge ariko cyane cyane abatwara abagenzi bakajya babanza kumenya ibyo abagenzi bafite.

Ati 'Nka Polisi turakomeza ubukangurambaga mu baturage bwo kurwanya ibiyobyabwenge, tubasaba kujya batanga amakuru kandi bakayatangira ku gihe. Ibiyobyabwenge bikunze kuva muri Repubulika Iharanira Demokarasi ya Congo bikinjirira mu Karere ka Rubavu, turasaba abatwara abagenzi mu modoka cyangwa za moto n'amagare kujya bashishoza ku bagenzi batwara kuko hari igihe bazajya bafatwa nk'abafatanyacyaha.'

Uwafashwe yahise ashyikirizwa Urwego rushinzwe Ubugenzacyaha (RIB) rukorera muri sitasiyo ya Polisi ya Kabaya kugira ngo hatangire iperereza.

Mu gitondo cyo ku wa Gatanu tariki ya 30 Mata Polisi y'u Rwanda yataye muri yombi, Niyibizi Gilbert w'imyaka 24 nyuma yo kumufatana 5 075 tw'urumogi