Webrwanda Backend

Author: webrwanda

  • Ba rwiyemezamirimo 33 bagiye guhabwa amasomo azabafasha kugera ku ndoto zabo –

    Iyo gahunda y’amasomo yiswe “JASIRI Talent Investor” yatangijwe ku mugaragaro ku wa 7 Ukuboza 2020, aho abifuza gushora imari bo mu Rwanda na Kenya bagera ku 2,200 batanze ubusabe bwabo, maze batoranywamo 33 bahiga abandi ari nabo bazahabwa ayo masomo.

    Umuyobozi Mukuru wa JASIRI, Antony Farr yatangaje ko kubahitamo byakozwe ku bufatanye bw’abakozi bayo mu Rwanda na Kenya ku buryo biteze umusaruro mwiza.

    Ati “Twashimishijwe n’ubuhanga ndetse n’imikorere y’abasabye guhabwa amasomo kandi twemera ko kubona abantu nk’aba bahuje imikorere bwa mbere bitari kugerwaho hatabayeho ugukorana kw’abafatanyabikorwa batandukanye, rero ibi turabyishimiye.”

    Ubwo yahaga ikaze abatoranyijwe ku wa 24 Mata 2021 mu muhango wabaye hifashishijwe ikoranabuhanga, Umuyobozi wa JASIRI mu Rwanda, Kabanda Aline, yabashishikarije “Guhanga imishinga izagira uruhare mu guhindura ubuzima bwa rubanda aho batuye ndetse n’Akarere ka Afurika y’Iburasirazuba”.

    Gahunda ‘JASIRI Talent Investor’ yitezweho kuzafasha abazayitabira kugira ubumenyi butandukanye yaba ku rwego rw’umuntu ku giti cye, urw’itsinda cyangwa urw’umushinga akora.

    JASIRI iterwa inkunga n’Umuryango ukora ibikorwa by’ubugiraneza wa Allan & Gill Gray. Ifite intego yo guteza imbere ihangwa ry’akazi binyuze mu gushyigikira ukwihangira imirimo no kurwanya ubukene.

    Ba rwiyemezamirimo 33 bagiye guhabwa amasomo azabafasha kugera ku ndoto zabo

  • Leta igiye kuzajya yunganira abakeneye amashanyarazi akomoka ku mirasire y'izuba batuye kure y'imiyoboro – #rwanda #RwOT

    Intego y'uyu mushinga ni ukorohereza ingo zisaga ibihumbi magana atatu (300,000) kwigurira ibikoresho bitanga amashanyarazi akomoka ku mirasire y'izuba.

    Twesigye James, ushinzwe ingufu zitanga amashanyarazi adafatiye ku muyoboro rusange muri REG, avuga ko uyu mushinga uzakorera mu midugudu itagerwamo n'amashanyarazi afatiye ku muyoboro mugari, hakurikijwe gahunda ya Leta y'imyaka irindwi (7) yo kugeza amashanyarazi kuri bose, hakaba hazifashishwa ingufu z'amashanyarazi akomoka ku mirasire y'izuba (solar home systems).

    Twesigye avuga ko nkunganire izajya itangwa ku bagenerwabikorwa bo mu cyiciro cya 1, icya 2, ndetse n'icya 3 cy'ubudehe. Ingano yayo igenwa n'icyiciro cy'ubudehe umugenerwabikorwa abarizwamo.

    Yagize ati: 'Uyu mushinga waje ari igisubizo ku Banyarwanda, kuko uzafasha abaremererwaga n'ikiguzi cy'umurasire. Hari igice cy'ikiguzi umushinga uzajya wishyurira umuturage uguze umurasire, hanyuma nawe asabwe kwishyura uruhare rwe rusigaye kandi ahitemo ubwoko bw'umurasire ashatse bitewe n'ubushobozi afite bwo kwishyura.'.

    Twesigye kandi avuga ko REG yagiranye amasezerano y'imikoranire n'ibigo bitandukanye mu Rwanda bicuruza ibikoresho bitanga aya amashanyarazi akomoka ku mirasire y'izuba, bikaba ari nabyo bizajya bigurisha ibi bikoresho ku bifuza guhabwa aya mashanyarazi.

    Ati :'Icyo Leta yifuza ni uko buri muturage abona amashanyarazi, abadafite ubushobozi bakunganirwa ariko nabo bagacana. Nta muturage ukwiye kongera gucana agatadowa cyangwa ngo amurikishe igishirira kandi yahabwa amashanyarazi'.

    Imibare igaragazwa na REG yerekana ko ingo zifite amashanyarazi mu Rwanda ubu zisaga 60,9%, harimo izigera kuri 15,9% zifite amashanyarazi adafatiye ku muyoboro mugari, yiganjemo akomoka ku mirasire y'izuba.

    Abatuye kure y’imiyoboro bahabwa amashanyarazi akomoka ku mirasire y’izuba

    Source : http://igihe.com/amakuru/u-rwanda/article/leta-igiye-kuzajya-yunganira-abakeneye-amashanyarazi-akomoka-ku-mirasire-y

  • Ntibisanzwe! Umupasiteri yatutse abayoboke be abaziza kudatanga amaturo yo gukoreshereza umuhungu we isabukuru #rwanda #RwOT

    Inkuru y' umupasiteri utavuzwe igihugu akomokamo yaciye ibintu hirya no hino kubera amashusho yagaragaye ari gutuka cyane abayoboke be abaziza kudatanga amafaranga menshi kugira ngo akoreshereze ikirori kidasanzwe umwana we.

     

    Amashusho yakwirakwijwe ku mbuga nkoranyambaga yagaragaje uyu mupasiteri w'umugore avugira hejuru kubera umujinya atuka abayoboke be banze gutanga amafaranga yo gukoreshereza ibirori bikomeye umwana we w'umuhungu.Yagerageje gutsindagiriza umuco wo gutanga,avuga ko abakiristo badatanga amaturo bazarimbuka ndetse avuga ko Imana izarimbura abantu bose banze gutanga amaturo yo gukoreshereza umunsi mukuru umwana we.

    Uyu mugore yarakaye cyane kugeza ubwo abwira abayoboke be ko bibabaje kuba batitanze kandi iyo aba amasabukuru yabo bari kuba bashoye akayabo kenshi.

    Uyu mugore yavuze ko nta kintu cyiza abitezeho mu minsi iri imbere keretse ubufasha bamuhaye mu myaka ishize.Yasabye ko Imana yabasukaho umujinya wayo kubera ukuntu bamutengushye.

    Source : https://impanuro.rw/2021/05/04/ntibisanzwe-umupasiteri-yatutse-abayoboke-be-abaziza-kudatanga-amaturo-yo-gukoreshereza-umuhungu-we-isabukuru/

  • Ubushinjacyaha bw’i Paris bwahagaritse gukurikirana Abajenerali b’Abafaransa bakekwaho uruhare muri Jenoside…Byashenguye Ibuka #rwanda #RwOT

    Iki cyemezo cy’Ubushinjacyaha bw’i Paris cyatangajwe kuri uyu wa Mbere tariki 03 Mata 2021, buvuga ko gishingiye ku kuba bwarabuze ibimenyetso bigaragaza ko bariya basirikare b’u Bufaransa bagize uruhare muri Jenoside yakorewe Abatutsi cyangwa ibindi byaha byibasiye inyokomuntu.

    Abasirikare batanu bariho bakorwaho iperereza barimo uwari umuyobozi w’iriya Operation ari we Général Jean-Claude Lafourcade, hakaba na Jacques Lanxade wari Umugaba Mukru w’Ingabo z’u Bufaransa ubwo Jenoside yabaga.

    Umushinjacyaha Rémy Heitz wari uyoboye ririya kurikirana, yavuze ko mu iperereza bakoze babuze ibimenyetso bishinja bariya basirikare akaba ari yo mpamvu basabye urukiko guhagarika kiriya kirego nubwo icyemezo cya burundu kitarafatwa.

    Umuyobozi w’Umuryango uharanira Inyungu z’Abarokotse Jenoside Yakorewe Abatutsi (IBUKA), Nkuranga Egide avuga ko bibabaje kubona Ubushinjacyaha bwa kiriya gihugu bwihandagaza bukavuga ko nta bimenyetso bishinja bariya basirikare bihari nyamara batarabishatse.

    Yagize ati 'Ibimenyetso se babibona batabishatse ? Babanze babishake noneho bavuge ko babibuze. Ibimenyetso simusiga birahari byinshi, harimo na benewabo b’Abafaransa bagiye babyandikaho.'

    Nkuranga Egide avuga ko hari abasirikare b’Abafaransa bafashe ku ngufu Abatutsikazi muri Jenoside.

    Yakomeje agira ati 'Njye ubwanjye nzi umudamu w’Umufaransakazi wari mu Rwanda wabyanditseho, hari n’ibindi bimenyetso, hari abandi bagiye babyandikaho.'

    Iki cyemezo gifashwe n’Ubushinjacyaha nyuma y’igihe gito hasohotse raporo ebyiri zigaragaza uruhare rw’u Bufaransa muri Jenoside Yakorewe Abatutsi zirimo n’iyakozwe n’u Bufaransa yiswe Duclert.
    Nkuranga Egide avuga ko bumvaga ko nyuma ya ziriya raporo hagiye gukurikiraho gukurikirana Abafaransa bagize uruhare muri Jenoside none ahubwo batangiye kubisubiza inyuma.

    Yagize ati 'Biradutunguye ko parike ya Paris yasabye ko badakurikiranwa kandi ubundi parike ari yo yakagombye gufata iya mbere kugira ngo ishakishe n’ibyo bimenyetso.'

    Kuva muri 2005 imiryango inyuranye irimoIBUKA , Survie, FIDH n’abandi bantu batandatu barokokeye Jenoside mu Bisesero, batanze ikirego bagaragaza ko abasirikare bari muri opération Turquoise batereranye Abatutsi bari bahungiye mu Bisesero bigatuma Interahamwe zica abagera mu 4 000.

    Nkuranga avuga ko nk’imiryango yari yaratanze kiriya kirego giteshejwe agaciro n’abagombaga kugikurikirana, bagiye kwicara bakaganira ku cyo bakora.

    UKWEZI.RW

    Source : http://www.ukwezi.rw/mu-rwanda/3/article/Ubushinjacyaha-bw-i-Paris-bwahagaritse-gukurikirana-Abajenerali-b-Abafaransa-bakekwaho-uruhare-muri-Jenoside-Byashenguye-Ibuka

  • Bill Gates na Melinda Gates batandukanye #rwanda #RwOT

    Umuherwe w'Umunyamerika Bill Gates n'uwari umugore we Melinda Gates batangaje ko nyuma y'imyaka 27 bashakanye ubu batandukanye, bagira bati: 'Ntitucyemeza ko dushobora gukurana hamwe nk'abashakanye'.

    Mu itangazo bombi bashyize kuri Twitter, bagize bati: 'Nyuma yo kubitekerezaho cyane no kugira ibyo dukora byinshi ku mubano wacu, twafashe icyemezo cyo gusoza urushako rwacu'.

    Bahuye bwa mbere mu myaka ya 1980 ubwo Melinda yajyaga gukora muri kompanyi y'ikoranabuhanga Microsoft ya Bill.

    Aba batunze za miliyari z'amadolari, babyaranye abana batatu ndetse bombi bahuriye mu kuyobora ikigo Bill & Melinda Gates Foundation.Icyo kigo kimaze gukoresha za miliyari z'amadolari mu kurwanya indwara zandura no gushishikariza ibikorwa byo gukingiza abana.

    Bill Gates ni we muntu wa kane ukize cyane ku isi, nkuko bitangazwa n'ikinyamakuru Forbes, abarirwa umutungo wa miliyari 124 z'amadolari y'Amerika.

    Source : https://impanuro.rw/2021/05/04/bill-gates-na-melinda-gates-batandukanye/

  • Impamvu Prime Insurance yahisemo guhemba umukinnyi ukiri muto muri Tour du Rwanda (Video) –

    Prime Insurance yakuranye na Tour du Rwanda kuko yatangiye kuyitera inkunga mu 2017 ikiri ku rwego rwa 2.2, inazamukana nayo kuri 2.1 mu 2019.

    Iki kigo ni cyo gihemba umukinnyi muto witwaye neza muri buri gace ka Tour du Rwanda, ni icyemezo gifitanye isano ya hafi n’icyerekezo cyacyo cyo gutegura ahazaza hakwiye.

    Prime Insurance yinjiye muri Tour du Rwanda igamije gusangiza Abanyarwanda ibyerekeye serivisi zabafasha gushinganisha ubuzima n’imitungo yabo.

    Umuyobozi Mukuru ushinzwe ibijyanye n’Ubucuruzi muri Prime Insurance, Uramutse Regis, yabwiye IGIHE ko iri rushanwa ari uburyo bwiza bwo kubwira Abanyarwanda ko bakwiye gutekana kandi bashinganye.

    Ati “Ubutumwa duha abaturarwanda, ni uko Prime mu ngeri zose twita ku cyo dukora uyu munsi ariko kizatugirira akamaro ejo. Ubwishingizi wafata, uko wabigenza kose, buri gihe ujye utekereza igifite akamaro ahazaza.’’

    Yavuze ko impamvu Prime Insurance yahisemo guhemba umukinnyi ukiri muto ari uko ‘aribo shingiro ry’ahazaza’ kandi heza.

    Yagize ati “Duhemba umukinnyi ukiri muto witwaye neza muri iri rushanwa kuko nk’uko tubivuga ejo wahateganyiriza uyu munsi gusa. Icyizere kiri mu mukinnyi ukiri muto, tuba twizeye ko nidukomeza kumutera imbaraga, ahazaza h’uyu mukino hazaba heza kurushaho.’’

    Icyemezo cyo gushyigikira abato kinajyanye n’intego ya Prime Insurance yo kwibutsa abantu ko ubwishingizi ari bwo buryo bwizewe bwo gusigasira ibyo abantu bagezeho.

    Yakomeje ati “Turabwira Abanyarwanda ko kuramba ari ukuramuka, ejo ntihabaho uyu munsi utitwararitse. Uzigamira ejo none.”

    Prime Insurance itanga ubwishingizi butandukanye burimo ubw’igihe gito bukubiyemo ubw’ibinyabiziga by’ubwoko bwose; ubw’inkongi z’umuriro/ububungabunga umutungo, ubw’imizigo, ubw’impanuka zonona umubiri, ubw’imirimo ijyanye n’inyubako z’ingeri zose, ubw’ingendo zo mu kirere. Bwiyongeraho ubw’igihe kirekire burimo ubw’amashuri y’abana, ubw’inguzanyo z’amabanki, ubw’izabukuru, ubw’impanuka zitewe n’akazi n’ubw’umuryango.

    Uramutse yavuze ko nko mu Karere ka Rwamagana aho iki kigo gifite ishami bibukije abahatuye ko hari serivisi zanabafasha kubona ubwishingizi burimo n’ubw’amatungo.

    Ati “Muri aka karere, ni aborozi bafite inka; ni byiza ko inka ukamira umwana, aho wahinze ibiza bishobora kukuzonga ariko iyo ufite ubwishingizi na Prime inka yawe irishyurwa n’ibyangiritse bikishyurwa.’’

    Prime Insurance yimakaje imikorere igezweho kuko serivisi nyinshi zayo zitangwa hifashishijwe ikoranabuhanga. Iki kigo cyashyizeho urubuga rumenyekanishirizwaho impanuka mu korohereza abakiliya bahuye n’impanuka ku buryo byihutisha ubwishyu bwabo.

    Nko mu gihe umuntu yagize impanuka ashobora gukoresha uburyo bw’ikoranabuhanga anyuze kuri website akayimenyekanisha; ashobora no gukanda *177# ku mirongo yose y’itumanaho mu gihe ashaka kugura ubwishingizi cyangwa kwereka polisi ko ikinyabiziga cye cyashinganishijwe.

    Iri koranabuhanga ryifashisha telefoni rinafasha abafatabuguzi kureba igihe ubwishingizi bw’ibinyabiziga buzarangirira, uko imisanzu yabo ihagaze yaba iy’amashuri, iy’izabukuru n’iy’ubwishingizi bw’umuryango, kwishyura ibirarane no kugura ubwishingizi bw’umuryango.

    Umba Lopez Abner Santiago w’imyaka 18 ukinira Androni Giocattoli-Sidermec ni we wahembwe na Prime Insurance nk’umukinnyi ukiri muto witwaye neza kuri etape ya mbere ya Kigali-Rwamagana

    Umuyobozi Mukuru ushinzwe ibijyanye n’Ubucuruzi muri Prime Insurance, Uramutse Regis, yavuze Tour du Rwanda ari uburyo bwiza bwo kubwira Abanyarwanda ko bakwiye gutekana kandi bashinganye

    Prime Insurance ibwira Abanyarwanda ko ejo heza kandi hatekanye hategurwa uyu munsi binyuze mu kwizigamira

    Prime Insurance iri mu baterankunga b’imena ba Tour du Rwanda 2021

    Prime Insurance ifite amashami atandukanye arimo n’irya Rwamagana mu Ntara y’Uburasirazuba

    Prime Insurance imaze imyaka ine iherekeza irushanwa rizenguruka igihugu rya Tour du Rwanda

    Amafoto: Igirubuntu Darcy

    Video: Mushimiyimana Azeem

  • IGIHE yahembwe nk’igitangazamakuru gikunzwe gikorera kuri internet ku nshuro ya Gatanu yikurikiranya (Video) –

    Ibi bihembo byatangiye gutangwa mu 2012, ariko icyiciro cy’igitangazamakuru gikunzwe gikorera kuri internet ni ubwa Gatanu gitanzwe (inshuro ya mbere yari mu 2016), ku nshuro zose iki gihembo cyegukanywe na IGIHE.

    IGIHE itangaza inkuru mu ndimi eshatu arizo Ikinyarwnada, Icyongereza n’Igifaransa binyuze ku rubuga rwa Internet. Ni urubuga rumaze iyi myaka yose ari rwo rusurwa kurenza izindi zose mu zikorera mu Rwanda.

    Ibihembo bya ‘Rwanda Development Journalism Awards’ byatanzwe ku nshuro ya munani n’Ishyirahamwe ry’Abanyamakuru mu Rwanda n’Urwego rw’Igihugu rw’Imiyoborere, RGB.

    Umuhango wo gutanga ibi bihembo wabaye hifashishijwe ikoranabuhanga rya Televiziyo y’u Rwanda, TV1 ndetse na shene ya YouTube ya IGIHE, kuri uyu wa Mbere tariki 3 Gicurasi 2021, uhuzwa n’ibirori byo kwizihiza Umunsi Mpuzamahanga w’Ubwisanzure bw’Itangazamakuru.

    Inkuru zahembwe ni izigaragaza ubunyamwuga mu mikorere n’imyubakire yazo aho hagiye harebwa niba hari icyo ishobora kumarira abayisoma, abayumva kuri radio cyangwa abayireba kuri televiziyo.

    Harebwaga ubunyamwuga, uko yanditswe cyangwa uyisoma uburyo agenda akurikiranya ibyo avuga. Ikindi cyarebwe ni ukuba inkuru ifata impande zombi, harebwe niba inkuru umuntu yatanze yarakoze ubushakashatsi agatanga imibare cyangwa ibindi bimenyetso byerekana ko ibyo avuga hari ahandi abigereranya.

    Indi ngingo yashingiweho ni ukureba niba iyo nkuru hari icyo yakwigisha abantu. Niba abayisoma cyangwa abayireba hari icyo yabahinduraho.

    Mbanda Gerald wari ukuriye Akanama Nkemurampaka yavuze ko mu byo babonye ubwo bagenzuraga izo nkuru harimo kuba inkuru za Radio na Televiziyo zaragaragaje cyane ubunyamwuga kurenza izikorera kuri murandasi.

    Mu nkuru zapiganwe, abatsinze 67% ni abagabo naho 33% ni abagore. Inkuru zatsinze 80% zakozwe na Radio na Televiziyo mu gihe 20% ari iz’ibitangazamakuru byandika kuri Internet.

    Ibihembo byatanzwe mu byiciro bitandukanye

    - Documentaire ihiga izindi ya Radio cyangwa Televiziyo

    Twibanire Theogene/ Radio Rusizi

    - Inkuru y’umwimerere (Feature Story Award – Online/ Print)

    Rwanyange Rene Anthere/Panorama

    - Inkuru ivuga ku bumwe n’ubwiyunge (Unity and Reconciliation Reporting Award)

    Muragijemariya Juventine/TV10

    - Inkuru ivuga ku bucuruzi (Business Reporting Award)

    Mutuyimana Servilien /Kigali Today

    - Inkuru ivuga ku buzima bwo mu cyaro (Grassroots Reporting Award)

    Kwizera John Patrick/RBA

    - Inkuru ivuga ku kurwanya ihohoterwa rikorerwa abana n’ihohoterwa rishingiye ku gitsina (GBV and Child Abuse Reporting)

    Ndayishimiye Thierryve / Isango Star

    - Inkuru ivuga ku buzima (Health Reporting Award)

    Uwayo Divin/RBA

    - Radio y’Abaturage yahize izindi (Community Radio Show of the Year)

    Bizimana Desire/Radio Ishingiro

    - Inkuru ivuga ku mazi, isuku n’isukura (Water and Sanitation Reporting)

    Alinatwe Josue/RBA

    - Kurwanya inda ziterwa abangavu (Fighting Teenage Pregnancy)

    Lydia Atieno Barasa /The New Times

    - Inkuru ivuga ku guteza imbere imitangire ya serivisi (Service Delivery Promotion Award)

    Mbonyumugenzi Jean Bosco

    - Ifoto yahize izindi

    Muzogeye Plaisir/ Kigali Today

    - Inkuru icukumbuye (Investigative Reporting Award)

    Dushimimana Ngabo Emmanuel/Radio Isangano

    - Ikiganiro cya Radio (Radio Talk Show)

    Ubyumva Ute/KT Radio

    - Inkuru zivuga ku ngufu z’amashanyarazi (Energy Reporting Award)

    Kalinda Jean Claude

    - Umunyamakuru uhiga abandi mu mikino

    Habarugira Patrick/RBA

    - Inkuru iteza imbere uburinganire [Gender Promotion Award (with Focus on Girls)]

    Umurerwa Evelyne/RBA

    - Ikiganiro cya Televiziyo gihiga ibindi (TV Talk-show of the Year Award)

    Urubuga rw’Itangazamakuru / Isango Star

    Mu bindi byiciro by’ibihembo byatanzwe harimo Radio Rwanda na Televiziyo Rwanda zahize ibindi bitangazamakuru nk’izikunzwe mu gihe Kiss FM na TV1 zaje zikurikira ibitangazamakuru bya RBA ndetse na INYARWANDA yaje ku mwanya wa kabiri nk’igitangazamakuru gikorera kuri Internet.

    Hanatanzwe kandi igihembo cy’inkuru y’umwaka yakozwe n’umugore yahize izindi zose aho cyegukanywe na Muragijemariya Juventine mu gihe Uwayo Divin ariwe wegukanye iki gihembo mu cyiciro cy’abagabo.

    Ni mu gihe uwahawe igihembo cy’Umunyamakuru w’ibihe byose ari nyakwigendera Victoria Nganyira wakoreraga Ikigo cy’Igihugu cy’Itangazamakuru, akaba yaramenyekanye mu biganiro bitandukanye birimo icyitwa Bana Tuganire na Wari Uzi Ko.

    Mu 2019, ubwo ibi bihembo byaherukaga gutangwa, IGIHE nabwo yegukanye igihembo nk’igitangazamakuru gikunzwe mu Rwanda. Aha Umuyobozi muri IGIHE Ushinzwe ibikorwa by’Ubucuruzi, Yvonne Mutoni, yashyikirizwaga igihembo

  • Source : https://agakiza.org/????-LIVE-IGITARAMO-14-Irinde-umwuka-wa-7928-7928-7928-7928-7928-7928-7928-7928-7928-7928-7928-7928-7928-7928.html

  • Umuherwe Bill Gates yatandukanye n’umugore we Melinda Gates #rwanda #RwOT

    Gutandukana kwabo ni bo ubwabo babyitangarije mu nyandiko bashyize ku mbuga nkoranyambaga bakoresha.

    Muri iyo nyandiko bagize bati 'Nyuma yo kubitekerezaho birambuye no kureba ku mubano wacu, twafashe umwanzuro wo gutandukana.'

    Bombi bazwi cyane kubera ibikorwa by’ubugiraneza bakora babinyujije mu muryango bashinze bafatanyije mu mwaka wa 2000 witwa 'The Bill and Melinda Gates Foundation'.

    Kuva icyo gihe uwo muryango watanze inkunga ku rwego rw’Isi zibarirwa muri Miliyari 53 na Miliyoni 800 z’Amadolari ya Amerika yo gufasha mu kurwanya ubukene no gukemura ibindi bibazo by’ubuzima bitandukanye, nk’uko urubuga rwa Internet rw’uwo muryango rubigaragaza.

    Babyaranye abana batatu, bakaba bavuga ko bazakomeza gufatanya mu bikorwa by’uwo muryango bashinze, ariko ko batazakomeza kubana nk’umugabo n’umugore.

    Bill Gates na Melinda Gates bahuye mu 1987 mu ikompanyi ya Microsoft yashinzwe na Bill Gates. Icyo gihe Bill Gates yari umuyobozi wayo, naho Melinda akaba yari umukozi usanzwe, ariko akaba yaragiye azamurwa mu ntera kugeza ubwo na we aba umwe mu bayobozi bakuru.

    Bashyingiranywe mu 1994 i Hawaii muri Leta zunze Ubumwe za Amerika.

    Aba bombi kandi babinyujije muri uwo muryango bafatanyije, bashyize ingufu mu kurwanya icyorezo cya COVID-19, bibanda ku gukora inkingo no kuzikwirakwiza hirya no hino ku isi.

    Source : https://imirasire.com/?Umuherwe-Bill-Gates-yatandukanye-n-umugore-we-Melinda-Gates

  • Source : https://agakiza.org/????-LIVE-IGITARAMO-14-Irinde-umwuka-wa-7928-7928-7928-7928-7928-7928-7928-7928-7928-7928-7928-7928-7928-7928-7928-7928-7928-7928-7928-7928-7928-7928.html