Webrwanda Backend

Author: webrwanda

  • Uwari umunyamakuru wa Radiyo Rwanda muri batatu bakekwaho uruhare muri Jenoside batahuwe mu Bufaransa –

    Uretse Hyacinthe Bicamumpaka umwe mu bakekwaho uruhare mu gushishikariza Abahutu kwica Abatutsi binyuze mu mvugo ze zabibaga urwango, abandi ni Joseph Mushyandi na Anastase Rwabizambuga.

    Mushyandi Joseph, ni umunyamategeko ndetse mu gihe cya Jenoside niwe wayoboraga umuryango utegamiye kuri leta witwa Ligue Indépendante pour la Défense des Droits de l’Homme (LIDEL) wunganiraga MRND/CDR mu mategeko. Yamenyekanye cyane mu guhimba ibinyoma ku bwicanyi bwakorwaga na Leta ya Habyarimana akabugereka kuri FPR.

    Akekwaho kuba yaragize uruhare muri Jenoside cyane cyane muri Kigali n’aho avuka mu yahoze ari komine Masango, ubu akaba ari mu Karere ka Ruhango.

    Anastase Rwabizambuga we mu gihe cya Jenoside yakorewe Abatutsi yari umwarimu muri Kigali. Yahungiye mu Bufaransa nyuma ya Jenoside yakorewe Abatutsi ndetse mu 1999 ahindura amazina yiyita Anastase Rambier.

    Nta wari uzi aho aba bagabo baherereye, kugeza ku wa 19 Gicurasi 2021 ubwo umunyamakuru w’Umufaransa usanzwe ukora inkuru zicukumbuye,Théo Englebert yasohoraga inkuru yahaye umutwe ugira uti “Hutu Power yageze mu Bufaransa”

    Muri iyi nkuru uyu munyamakuru avuga ko Bicamumpaka w’imyaka 65 atuye mu majyaruguru y’u Bufaransa, aho yageze nyuma ya Jenoside yakorewe Abatutsi.

    Uyu mugabo yamenyakanye cyane kubera ijambo yavuze muri Kamena 1994 ubwo ingabo za Habyarimana zari zugarijwe ndetse zimaze kubona ko zizatsindwa urugamba.

    Médiapart yasubiye muri iyi mvugo ye aho yagize ati “Nubwo twatsindwa uru rugamba, tuzagaruka.” Muri iyi mvugo Bicamumpaka yakomeje avuga ko FPR izafata igihugu kimeze nk’ubutayu”. Nyuma y’iminsi 15 atangaje ibi nibwo yahise ajya mu Bufaransa.

    Akigera mu Bufaransa mu 1995, yabanje gutuzwa mu kigo cyakira abashaka ubuhunzi giherereye mu gace ka Saône-et-Loire.

    Uretse kuba akekwaho uruhare muri Jenoside Anastase Rwabizambuga, hagati ya 2015 na 2019 yabaye umuyobozi w’Ihuriro riharanira Demokarasi mu Rwanda (RDR) ryaje kwihuza n’indi mitwe basangiye ibitekerezo bakora ishyaka FDU-Inkingi.

    Médiapart yatangaje ko ubu uyu mugabo atuye i Paris mu gace kitwa Essonne, aho afite iduka ricuruza ibyuma by’imodoka.

    Abasirikare b’Abafaransa banyura ku gitero cy’Interahamwe mu gihe cya Jenoside mu Rwanda

  • Umunyamakuru w’Ikinyamakuru gikomeye mu Rwanda yafunzwe ashinjwa guhohotera uwo bashakanye #rwanda #RwOT

    Umuvugizi w’Urwego rw’Igihugu rw’Ubugenzacyaha (RIB), Dr Murangira B. Thierry yemeje amakuru y’ifungwa ry’uyu munyamakuru, avuga ko yafunzwe tariki 19 Gicurasi 2021.

    Uyu munyamakuru usanzwe atuye mu Murenge wa Shyorongi mu Karere ka Rulindo, ubu afungiye kuri station ya RIB ya Shyorongi.

    Uyu munyamakuru w’umugabo asanzwe akorera Ikinyamakuru cyandika kikaba ari kimwe mu binyamakuru bikomeye mu Rwanda no mu Karere ka Afurika y’Iburasirazuba.

    Akurikiranyweho guhohotera umugore we babana mu buryo bwemewe n’amategeko ndetse no kumuhoza ku nkeke.

    Uyu munyamakuru wanakoze kuri radio mu Rwanda, anakurikiranyweho icyaha cyo gukoresha nabi umutungo w’urugo no kuwusesagura.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Umunyamakuru-w-Ikinyamakuru-gikomeye-mu-Rwanda-yafunzwe-ashinjwa-guhohotera-uwo-bashakanye

  • Kigali : Mu bikorwa 7.222 byagombaga kuvanwa mu bishanga hasigaye 700 #rwanda #RwOT

    Ubuyobozi bw’Umujyi wa Kigali bugaragaza ko ibikorwa 7 222 ari byo byabaruwe ko bigomba gukurwa mu bishanga hakaba hamaze gukurwamo 6 522 ni ukuvuga ko hasigaye 700.

    Abaturage 2 856 bahawe amafaranga yo gukodesherezwa. Ubu abagikodesherezwa ni 86. Ababaruwe ko bazatuzwa muri gahunda y’abatishoboye ni 2068.

    Hirya no hino mu Mujyi wa Kigali hagiye hubakwa imidugudu y’icyitegererezo yo gutuzamo abakuwe ahashyira ubuzima bwabo.

    Bamwe mu batujwe muri iyi midugudu y’icyitegererezo bavuga ko byahinduye imibereho yabo n’iterambere kuko hari n’imishinga begerejwe.

    Aho ibi bikorwa byakuwe nko mu Murenge wa Ndera ahazwi nko ku Mulindi hakundaga kurengerwa n’imyuzure, umuhanda w’itaka waruhari ukarengerwa.

    Kuri ubu nyuma yo kuhimura abaturage n’ibikorwa byabo hamaze kugera umuhanda wa kaburimbo n’imyuzure yaragabanutse.

    Ibi ni na ko bimeze Mu gishanga cya Gikondo na cyo cyari kirimo inganda n’ibikorwa by’abaturage nyuma bikaza kuhakurwa. Kuri ubu hari kugenda hategurwa ubusitani.

    Cyakora bamwe mu bagifite ibikorwa mu bishanga kandi babifitiye n’ibyangombwa by’ubutaka barifuza ko babyimurwamo kuko na bo bahora bafite ubwoba.

    Ikigo cy’igihugu gishinzwe kurengera ibidukikije REMA kiri mu bikorwa byo gutunganya ibi bishanga byimurwamo abaturage na bimwe mu bikorwa byabo,ahandi hakarimbishwa kugira ngo hazahinduke ahantu nyaburanga.

    Minisitiri w’Ubutegetsi bw’Igihugu Jean Marie Vianney Gatabazi avuga ko kwimura abaturage mu bishanga n’ahashyira ubuzima bwabo mu kaga ari gahunda Leta y’u Rwanda ishyizemo imbaraga mu rwego rwo gukumira no kurwanya ibiza.

    Ivomo : RBA

    Source : http://www.ukwezi.rw/mu-rwanda/Amakuru-anyuranye/article/Kigali-Mu-bikorwa-7-222-byagombaga-kuvanwa-mu-bishanga-hasigaye-700

  • Impamvu kureba prono no kw’ikinisha ari bibi #Rwanda #RwOT

    Kureba prono, bigakurikirwa no kw’ikikinisha burya ni bibi birutwa no gushaka uwo mubikorana bikagira inzira. Burya iyo urebye prono bikagutera ubushake bwo gukora imibonano mpuzabitsina warangiza ukikinisha dore ibyo uba uri kwangiza mu bwonko bwawe :

    Mu busanzwe :

    Icyambere, mu busanzwe umubiri ufata umubonano mpuzagitsina nk’imenyetso cy’iterambere muri societe, mu bukungu no mu buhangage umugabo aba agezeho. Bivuze ko iyo ukoranye icyo gikorwa n’umugore umubiri wawe wo w’umva ko uhembwe ku bw’icyiza runaka wagezeho, akaba ariyo mpamvu ubashije no gushimwa n’umugore akaguha umubiri we. Iki nicyo gisobanuro umubiri wawe wumva iyo ukoze umubonano mpuzagitsina ukarangiza.

    Ku beshya ubwonko bwawe birawangiza

    Akenshi usanga abagore n’abakobwa bakina muri za firime z’urukozasoni aba ari beza bihambaye bagakora n’ibirenze cyane maze binarenze ibyo abagore basanzwe bakorera abagabo mu buzima busanzwe. 

    Iyo rero urebye ishusho rya bene uwo mukobwa ukikinisha , uba ubwiye umubiri wawe ko wabaye indashikirwa cyane mu bagabo, akaba ari wowe wegukanye uwo mukobwa. Ibi bitera ingaruka zikurikira :

    – Ubwonko buhita bugabanya ubushake bwo gukora cyane, kuko uba w’umva ko wamaze gutera imbere. Bikautera ubunebwe

    – Ubwonko buhita bw’umva ko undi mukobwa uwari wese uri munsi y’uwo ubonye muri ayo mashusho atari mu rwego rwawe adakwiriye no kugushimisha.

    – Ubwonko bugashaka ibirenze ibyo wabonye muri ayo mashusho, kugirango bubashe kw’ihaza. Uri umugabo wubatse rero niho usanga umugore wawe atakiguhagije wamubona igitsina n’ikinabashe guhaguruka, cyeretse utekereje kuri ya mashusho warebye. Mu byukuri ukora igikorwa cy’abashakanye utekereza undi mugore, umugore wawe akabibona neza kandi ko umutima wawe utari kumwe nawe. 

    – Ubaye ukiri umusore utarashaka, gutereta birakunanira kuko ubwonko bw’umva ko uko ubona abagore beza mu buryo bworoshye utavunitse ari nako mu buzima busanzwe bigomba kugenda. Ugasanga ushimishwa n’indaya kurusha abakobwa.

    Izi ni ingaruka zimwe zikwiriye kw’irindwa n’igitsina gabo kuko ari cyo cy’ugarijwe cyane n’icyorezo cy’amashusho y’urukozasoni. Mu gusoza icyo twababwira, nyamuneka aho kugirango urebe ayo mashusho w’ikinishe wajya hanze ukajya gutereta ukareba ko baguha.

    Sangiza iyi nkuru uwo w’umva ko yagirira akamaro.

    Source : God For a better life

  • Ikibazo cy’imiti iterwa ibihingwa ikica inzuki cyatangiye kuvugutirwa umuti –

    Ibi bitangajwe mu gihe Isi yizihiza Umunsi mpuzamahanga wahariwe kwita ku nzuki wizihizwa buri mwaka tariki ya 20 Gicurasi.

    Umuyobozi ushinzwe ubworozi bw’inzuki muri RAB, Mwiza Willy, avuga ko batangiye ubukangurambaga mu bahinzi mu rwego rwo guca ikoreshwa ry’imiti yica inzuki “Lotoxic Pesticides” na ho ikoreshejwe bagakangurirwa kuyitera ku bihingwa mu masaha ya nyuma ya saa sita.

    Ati “Dukomeje gukangurira abahinzi n’abajyanama b’ubuhinzi uburyo bwiza bwo gutera imiti, bakajya bayitera nyuma ya saa sita inzuki z’inyamirimo zivuye gutara kugira ngo zitagira aho zihurira n’iyo miti. Dukomeje kandi ubushakashatsi harebwa imiti ikoreshwa mu buhinzi itica inzuki nubwo bizafata igihe”.

    Mwiza yongeyeho ko batangiye igikorwa cyo gufasha aborozi abavumvu babashakira amashyamba bakoreramo ubworozi bw’inzuki aho imizinga itegereye imirima y’abaturage.

    Uyu muyobozi yizeza ko ku bufatanye n’aborozi b’inzuki n’ingamba zafashwe bizatanga umusaruro kuri iki kibazo cy’imiti ikibangamiye ubwiyongere bw’inzuki.

    Agira inama abarozi b’inzuki gukomeza gukorera hamwe bazibungabunga inzuki mu rwego rwo kwongera umusaruro wazo.

    Mu Rwanda habarurwa aborozi b’inzuki ibihumbi 83, bafite imizinga irimo iya gakondo n’iya kijyambere isaga ibihumbi 400.Umusaruro w’ubuki uboneka mu bihembwe bibiri, icya mbere ari na cyo gito kiva mu kwezi kwa gatatu ikageza mu kwa Gatanu, na ho ikivamo umusaruro mwinshi kigatangira muri Nyakanga. Uyu musaruro ku mwaka ugera kuri toni eshanu.

    Uyu munsi wahariwe kwita ku nzuki wizihijwe mu gihe isi igihanganye n’icyorezo cya Covid-19, ishami ry’umuryango w’Abibumbye ryita kubiribwa n’ubuhinzi FAO ryateguye ibiganiro biba hifashishijwe ikoranabuhanga, insanganamatsiko y’uyu mwaka iragira iti “Twite ku nzuki tuzishakira ejo heza”

    Ikigo cy’Igihugu gishinzwe guteza imbere ubuhinzi n’Ubworozi, RAB, cyatangiye gukemura ikibazo cy’imiti iterwa mu bihingwa ikica inzuki

  • Umunyamakuru yatawe muri yombi akurikiranyweho guhohotera bishingiye ku gitsina umugore we –

    Uwo munyamakuru atuye mu Karere ka Rulindo mu Murenge wa Shyorongi. Akorera kimwe mu bitangazamakuru byandika bikorera mu Rwanda, ndetse yakoreye na Radio zitandukanye mu myaka yashize.

    Amakuru agera kuri IGIHE ni uko umugore we yamureze, nyuma yo kumara igihe kinini ahohoterwa kugeza n’aho umugabo yamuteraga ubwoba ko azamwica.

    Umuvugizi wa RIB, Dr Murangira B. Thierry, yatangaje ko uwo munyamakuru yatawe muri yombi ku wa 19 Gicurasi 2021.

    Ati “Afungiwe kuri Sitasiyo ya RIB ya Shyorongi.”

    Uyu munyamakuru akurikiranyweho ibyaha birimo guhoza ku nkeke uwo bashyingiranywe; gukoresha umutungo w’urugo mu buryo bunyuranyije n’amategeko; gusesagura umutungo w’urugo no guhohotera bishingiye ku gitsina uwo bashyingiranywe.

    Icyaha cya nyuma muri bine akurikiranyweho nicyo gihanishwa igihano kinini kuko kiva ku myaka itatu kugera kuri itanu.

  • AMAFOTO : Byiringiro Lague wari watangajwe ko yasinye mu Busuwisi ubu ari mu myitozo ya APR #rwanda #RwOT

    Mu cyumweru gishize bamwe mu Banyamakuru bakora ibiganiro bya Sports mu Rwanda bari batangaje ko Byiringiro Lague yasinye amasezerano y’imyaka itatu muri FC Zurich gusa ubuyobozi bwa APR FC buza kubinyomoza.

    Ubutumwa bunyomoza ariya makuru, bwagiraga buti 'Ubuyobozi bwa APR FC buranyomoza amakuru yatangajwe ko umukinnyi wayo Byiringiro Lague yamaze gusinya amasezerano y’imyaka 3 muri FC Zurich kandi atari nayo kipe Lague yagiye gukoramo igeragezwa bityo ubuyobozi bwa APR FC busanga nta bunyamwuga burimo mu guhimba inkuru y’ikinyoma.'

    Uyu rutahizamu uhagaze neza mu Rwanda, yamaze kugaruka mu Rwanda ndetse akaba ari mu myitozo na bagenzi be bo muri APR yitegura gukina imikino y’ikindi kiciro cya Shampiyona.

    Ubuyobozi bwa APR FC butangaza ko Byiringiro Lague yagarutse mu Rwanda ku wa Gatandatu akabanza kujya mu kato ndetse akanapimwa Covid-19.

    Inkuru y’iyi kipe igira iti 'kuri ubu akaba yasubiye mu mwiherero nyuma yo gusanga nta bwandu bwa Covid-19 afite, akaba kuri uyu wa Kane yafatanyije n’abangenzi be imyitozo bitegura imikino ya shampiyona.'

    Lague agarutse mu myiteguro mu gihe Ishyirahamwe ry’Umupira w’Amaguru mu Rwanda FERWAFA ryanashyize hanze ingengabihe y’uko amakipe umunani yazamutse mu kindi kiciro cyo guhatanira igikombe cya Shampiyona azahura.

    APR FC yazamutse mu kiciro ari iya mbere mu itsinda yari irimo ndetse ifite n’amanota yose uko ari 18, ku mukino wa mbere, izahura na Espoir FC.

    UKWEZI.RW

    Source : http://www.ukwezi.rw/Imikino/article/AMAFOTO-Byiringiro-Lague-wari-watangajwe-ko-yasinye-mu-Busuwisi-ubu-ari-mu-myitozo-ya-APR

  • Espoir fc: ubugari ni dodo ndetse nibirarane by'imishahara bikomeje kuba ikibazo muba kinnyi. #rwanda #RwOT

    Nyuma yo kwitwara neza kwa espoir fc ibona itike yo kwinjira mumakipe ahatanira igikombe cya shampiyona hakomeje kuvugwa ibitari byiza muri equipe ibirarane byabakinnyi ndetse n'ifatwa nabi ryabakinnyi muri rusange.

    Amakuru ava muri bamwe muri espoir fc avugako imirire imeze nabi cyane bari kurya ubugari bwimyumbati ndetse budahiye neza nidodo nubunyobwa  nkuko byagaragaye muri amwe mumafoto yasohotse hanze  agaragaza indyo barikurya biteye isino kuri equipe yo mucicirocyambere.

    Ibi bije nyuma yuko hakomeje kuvugwa mo ibirarane byimishahara bakomeje kugenda basezeranywa ko vuba baza kubona amafaranga kumakonti yabo, kugeza kuru akaba atarabageraho .

     

    kugeza kurubu ubuyobozi bukaba butaragira icyo bubikoraho nyuma yuko uko amatsinda akorewe kumunsi wejo uko amakipe azahura.

    Amwe mumakuru nuko ntagikozwe abakinnyi bataza kugaragara mukibibuga mugihe ntacyaba gikozwe vuba nubuyobozi bwa equpe muri rusange 

    PNL ikomeje kuba urujijo uwavugako ibi birimuri espoir yaba abeshye kuko amakipe menshi afite ibibazo byamafaranga mugihe ntacyaba gikozwe byaza guteza ikibazo mubakinnyi ndetse na shampiyona muri rusange

    The post Espoir fc: ubugari ni dodo ndetse nibirarane by'imishahara bikomeje kuba ikibazo muba kinnyi. appeared first on .

    Source : https://kigalinews24.com/2021/05/21/espoir-fc-ubugari-ni-dodo-ndetse-nibirarane-byimishahara-bikomeje-kuba-ikibazo-muba-kinnyi/

  • Ntibisanzwe! Yatunguye abantu ajya gushyingura se afashe intare mu ntoki #rwanda #RwOT

    Muri Nigeria haravugwa inkuru y' umugabo w'umucuruzi watunguye abantu ku mbuga nkoranyambaga ubwo yajyaga gushyingura se umubyara afashe intare mu ntoki mu rwego rwo gukanga abakekwaho kumwica.

    Uyu mugabo wo muri Leta ya Anambra, yagaragaye mu muhango wo gushyingura se afashe iyi ntare nzima bituma abari bitabiriye uyu muhango bagira ubwoba ndetse bamwe muri bo bakwira imishwaro.

    Mu mashusho yashyizwe ku mbuga nkoranyambaga agakwirakwira cyane,uyu mukire ntiyatinye gukanga abantu bari bitabiriye uyu muhango kubera iki gikoko yari afite akinjira mu bantu byatumye bamwe bicwa n'ubwoba barahunga.

    Source : https://impanuro.rw/2021/05/21/ntibisanzwe-yatunguye-abantu-ajya-gushyingura-se-afashe-intare-mu-ntoki/

  • Israel&Palestine : Habonetse agahenge nyuma y’iminsi 11 y’amarira #rwanda #RwOT

    Iyi mirwano yo kurasanaho ibisasu byashegeshe intara ya Gaza, imaze iminsi 11 ikaba yarangije byinshi ndetse igatwara ubuzima bw’abatari bacye.

    Aka gahenge kabonetse kuri uyu wa Gatanu, ubwo Israel yatangaje ko ibaye itanze agahenge mu gihe umutwe wa Hamas wo uvuga ko bakiryamiye amajanja.

    Aka gahenge kabonetse nyuma y’uko bisabwe n’abarimo Perezida Joe Biden watangaje kuri uyu wa Gatatu tariki 19 Gicurasi yari yasabye Minisitiri w’Intebe wa Israel Benjamin Netanyahu gutanga agahenge.

    Nanone kandi Ibihugu nka Misiri na Qatar ndetse n’Umuryango w’Abibumbye ONU byagize uruhare mu biganiro byo guhuza Israel na Hamas.

    Perezida Sisi yatumye intumwa muri Israel no mu duce twa Palestina twigaruriwe ngo zikore ku buryo haboneka agahenge, nk’uko bivugwa na televiziyo ya leta ya Misiri.

    Ibi bisasu byo mu bwoko bwa rokete byatangiye kuraswa tariki 10 Gicurasi nyuma y’uko amakimbirane hagati y’impande zombi yari amaze kurenga inkombe.

    Ni amakimbirane ashingiye ku gace k’uburasirazuba bwa Yeruzalemu kafashwe na Israel, bigatuma Hamas itangira kurasa biriya bisasu iburira Israel kuva muri kariya gace.

    Ni imirwano imaze kugwamo abantu bagera muri 240 biganjemo abo muri Gaza dore ko Israel itangaza ko yo yabuze abantu 12 barimo abana babiri naho muri Gaza hakaba habarwa abagera muri 232.

    Ni intambara kandi yagaragaje intambwe y’ubudahangarwa bwa Israel kuko rokete zigera mu 4 000 zayirashweho, inyinshi yagiye izipfubiriza mu kirere ikoresheje ikoranabuhanga ryo kwirinda rya Iron Dome.

    UKWEZI.RW

    Source : http://www.ukwezi.rw/Mu-mahanga/Umutekano/article/Israel-Palestine-Habonetse-agahenge-nyuma-y-iminsi-11-y-amarira