Author: webrwanda

Kuva kuri 595 Frw kugera ku 1 004 Frw, ifaranga ry'u Rwanda ryatakaje agaciro ka 409 Frw, bingana n'izamuka rya 40% mu gihe cy'imyaka 10.

Kuri bamwe, iri zamuka ntirisanzwe, kuko ryagize ingaruka ku biciro by'ibicuruzwa bituruka hanze y'u Rwanda, kandi u Rwanda rukaba rukibikenera cyane kuko ikinyuranyo cy'ibyo rutumiza n'ibyo rwohereza hanze cyari miliyari 1.54$ mu mwaka wa 2019.

Izamuka ry'idolari ryatangiye kugaragara cyane mu mwaka wa 2012, kuko icyo gihe ryatangiye kugura arenga 600 Frw, rigera muri 700 Frw mu 2015, ryinjira muri 800 Frw muri 2018, rikomereza muri 900 Frw mu mwaka wakurikiyeho none ryinjiye mu 1000 Frw muri uyu mwaka.

Ni iki cyatumye idolari rizamuka muri ubu buryo?

Bitewe n'iri zamuka ry'idolari, hari abantu bazamuye amajwi bavuga ko ibi bigaragaza uburyo ubukungu bw'u Rwanda bujegajega, bakavuga ko hatagize igikorwa, ifaranga ry'u Rwanda rishobora kuzata agaciro mu buryo budasanzwe nk'uko byagenze muri Venezuela na Zimbabwe mu myaka yashize.

Ibi ariko ni ukwibeshya, kuko unarebye impuzandengo ya 40% ifaranga ry'u Rwanda ryatayeho agaciro mu myaka 10 ishize, ubona ko ari atari ikigero cy'umurengera, ugereranyije n'ibiba byitezwe, kuko ubundi ifaranga riba ritagomba guta agaciro ku kigero kirenze 5% ku mwaka.

Uretse umwaka wa 2015, ubwo ifaranga ry'u Rwanda ryatakazaga agaciro ku kigero cya 7,6%, na 2016 ubwo iki kigero cyageraga ku 9,7%, ndetse n'umwaka ushize ubwo cyageraga kuri 5,4%, ubusanzwe ifaranga ry'u Rwanda ryakunze kwihagararaho, rigatakaza agaciro ku kigero kiri munsi ya 5%, ari nako byitezwe uyu mwaka kuko rizatakaza agaciro ku kigero kiri munsi ya 3%.

Mu kiganiro na IGIHE, impuguke mu bukungu, Teddy Kaberuka, yavuze ko iri takazagaciro k'ifaranga ry'u Rwanda ugereranyije n'idolari, ari ibintu bisanzwe kandi bidateye impungenge ku bukungu bw'igihugu, kuko impamvu yabiteye ari iterambere riri kubakwa.

Yagize ati 'Iyo ugiye kureba uburyo ifaranga rita agaciro, ntabwo ubirebera mu kantu kamwe, ahubwo ubirebera mu bukungu muri rusange. Uribaza uti 'ese umusaruro mbumbe w'igihugu muri icyo gihe wiyongereye gute? Ese ingano y'ibyo twohereza hanze n'ibyo dutumizayo ingana gute? Ese imishinga y'iterambere iri kubakwa mu gihugu ingana gute? Ibyo byose iyo ubirebye neza ni bwo ubona ishusho nzima y'uburyo ifaranga ryataye agaciro.'

Ku bijyanye n'izamuka ry'Umusaruro mbumbe w'u Rwanda, wavuye kuri miliyari 6,8$ muri 2011, ugera kuri miliyari 10.63$ muri 2021, inyongera ya miliyari 3,8$. Ibyoherezwa mu mahanga, bikubiyemo ibicuruzwa na serivisi, nabyo byarazamutse, biva kuri miliyari 1.389 Frw muri 2016 bigera kuri miliyari 1.869 Frw muri 2019, izamuka rya miliyari 480 Frw mu gihe cy'imyaka ine gusa, ringana na 35,8%.

Ku bijyanye n'ishoramari, umwaka wa 2016, ari nabwo ifaranga ry'u Rwanda ryatakazaga agaciro ku kigero kidasanzwe cya 9,7%, u Rwanda rwakiriye indege ebyiri zo mu bwoko bwa Airbus A300-200 na Airbus A300-300, zaguzwe arenga miliyoni 450$. Icyo gihe kandi u Rwanda rwari ruri mu mushinga yo kuzuza Kigali Convention Centre (KCC), imwe mu nyubako zihenze ku Mugabane wa Afurika, ndetse n'ibikorwa bindi by'ubwubatsi bw'amahoteli n'ibindi bikorwa remezo birimbanyije hirya no hino.

Kaberuka yavuze ko imishinga ikomeye nk'iyi ishobora kugira ingaruka ku itakazagaciro k'ifaranga ry'u Rwanda, ariko ibi ntibivuze ko ubukungu bw'igihugu buhagaze nabi, ahubwo byerekana ko buri kwaguka.

Yagize 'Birumvikana ko iyo ukeneye amadolari menshi kugira ngo ukore ishoramari, niko aguhenda. Kuyakenera cyane bifite igisobanuro cy'uko imishinga y'ishoramari ikeneye amafaranga, kandi iyo mishinga ntabwo ihita igaruza amafaranga ku buryo wavuga ngo ya mishinga twashoyemo ihise yunguka ako kanya, ni imishinga y'igihe kirekire, niyo mpamvu ifaranga ribanza gutakaza agaciro mu gihe ya mishinga itarabyara inyungu.'

N'ubwo ishoramari ryakozwe n'u Rwanda ku mishinga ya KCC na RwandAir ritaratangira gutanga umusaruro, hari icyizere ko ibi bizagerwaho vuba ugereranyije n'uko iyo mishinga yari ihagaze mbere ya Covid-19.

Nka RwandAir, ubwo yaguraga ziriya ndege muri 2016, yari ifite intego yo kuzaba itwara abagenzi barenga miliyoni mu myaka itanu iri imbere, yagombaga kurangira muri uyu mwaka wa 2021. Uyu muhigo wesejwe nyuma y'imyaka itatu gusa, kuko muri 2019, RwandAir yatwaye abagenzi miliyoni 1.7.

Ku rundi ruhande, KKC ni kimwe mu bikorwa remezo by'ibanze byazamuye umubare w'inama zakirirwa mu Rwanda, ku buryo mu mwaka wa 2019, Kigali yari ku mwanya wa kabiri mu kwakira inama nyinshi ku Mugabane wa Afurika, zari ziteganyijwe kwinjiza miliyoni 88$, zivuye kuri miliyoni 56$ zari zinjijwe mu mwaka wa 2018.

Kaberuka yavuze ko ibyo bipimo bitanga icyizere, ati 'Kuba ifaranga ryarazamutse mu buryo bufite ibisobanuro, nta kibazo kirimo. Kuba dufite ibikorwa remezo bifatika bigaragarira amaso, wenda uyu munsi twaba dufite ifaranga ryataye agaciro ugereranyije n'iry'amahanga, ariko ibintu nibusubira mu buryo, iri shoramari rigatangira kubyara umusaruro ryitezweho, ibintu bishobora kuzahinduka.'

U Rwanda rwaba rwaratesheje agaciro ifaranga ryarwo ku bushake?

Rimwe na rimwe, gutakaza agaciro kw'ifaranga ry'igihugu runaka bigirira akamaro ubukungu bwacyo, ndetse hari ibihugu bitesha agaciro ifaranga ryabyo ku bushake nk'imwe mu nzira yo kubaka iterambere.

Urugero rworoshye ni u Bushinwa. Iki gihugu cya kabiri mu bukungu bunini ku rwego rw'Isi, giherutse kugabanya agaciro k'ifaranga ryabwo mu mwaka ushize, ndetse bwari bwanabikoze mu mwaka wa 2015, kandi byakozwe na Leta ku bushake, kubera inyungu z'ubucuruzi mpuzamahanga.

Ubusanzwe, nk'iyo ugiye kurangura ibucuruzwa mu gihugu runaka, uvunja amadolari mu mafaranga y'icyo gihugu. Iyo rero ifaranga ryataye agaciro, ukoresha amadolari macye ukabona amafaranga y'igihugu menshi kurusha mbere, noneho nawe ugahaha byinshi mu gihugu kuko bitaba bihenze nka mbere. Ibi rero bizamura umusaruro w'ibikorerwa imbere mu gihugu, kuko kirushaho gucuruza byinshi hanze yacyo.

Kaberuka yavuze ko uko gutesha agaciro ifaranga ku bushake 'Bishobora kongera ibyo igihugu cyohereza mu mahanga. Ibyo bivuze ko inganda zongera umusaruro, zigatanga akazi ku bantu benshi, zikongera umusoro bityo ubukungu bugatera imbere.'

Mu mwaka wa 2015, u Rwanda rwatangije gahunda ya 'Made in Rwanda' yari igamije n'ubundi kongera ibyo rwohereza mu mahanga, bityo rukagabanya ikinyuranyo cy'ibyo rutumizayo, binagira uruhare runini mu itakazagaciro k'ifaranga ry'u Rwanda.

Kaberuka yavuze ko bidashoboka ko u Rwanda rwaba rwaratesheje agaciro ifaranga ryarwo ku bushake kubera gahunda ya 'Made in Rwanda', kuko rutaragira ubushobozi bwo kohereza ibicuruzwa byinshi hanze yarwo.

Ati 'Twebwe ntabwo turagira ibintu byinshi byo kohereza mu mahanga. [Gutesha agaciro ifaranga ry'igihugu] bigira akamaro iyo igihugu gifite ubushobozi bwo gukorera ibicuruzwa byinshi mu nganda zabyo, ku buryo byoherezwa mu bindi bihugu ari byinshi.'

Ku rundi ruhande, abanyagihugu bafite ifaranga ryatakaje agaciro bagorwa no kubona amadolari yatuma bakomeza kugura ibicuruzwa byo mu bindi bihugu, bityo bagahitamo gushaka ibicuruzwa by'imbere mu gihugu, noneho inganda n'ibindi bigo by'ubucuruzi bikabona isoko rinini bityo bikarushaho gutera imbere.

Kaberuka kandi yavuze ko bishoboka ko ifaranga ry'u Rwanda rishobora kuzasubirana agaciro karenze ako rifite ugereranyije n'idolari magingo aya, ariko yongeraho ko 'Icyangombwa si agaciro k'ifaranga ugereranyije n'irindi, icyangombwa ni agaciro k'icyo ifaranga rishobora kugura.'

Iyi mpuguke yavuze ko kuzamuka kw'ibiciro ku masoko no gutakaza agaciro kw'ifaranga, ari 'Ikiguzi cy'iterambere igihugu cyose kigomba kunyuramo', ariko bikaba umwihariko ku gihugu nk'u Rwanda kidafite umutungo kamere uhagije wagishoboza kwinjiza amadolari menshi gitakaza mu kubaka ibikorwa by'iterambere.

Iri zamuka risobanuye iki ku bukungu bw'u Rwanda mu myaka iri imbere?

Birumvikana ko itakazagaciro ry'ifaranga ry'igihugu rigira ingaruka zikomeye ku biciro ku masoko, cyane cyane mu bihugu bigitumiza ibicuruzwa byinshi hanze nk'u Rwanda.

Kaberuka yavuze ko izo ngaruka ntaho zizajya, n'ubwo ubukungu bw'u Rwanda buzakomeza kuzamuka nk'uko byari byitezwe, ndetse bikazaba akarusho ubwo ishoramari u Rwanda rwakoze mu bikorwa bitandukanye rizaba ritangiye gutanga umusaruro ufatika, wiyongera kuwo byatangiye kwerekana.

Uku gutakaza agaciro kw'ifaranga ry'u Rwanda kandi bizakomeza kugira ingaruka nziza kuri gahunda ya 'Made in Rwanda', kuko inganda zo mu Rwanda zizongera umusaruro w'ibyo zicuruza, kandi uyu mugambi ushyigikiwe na Leta iherutse kwemeza gahunda ya MBRP, izafasha inganda kwigobotora ingaruka z'icyorezo cya Covid-19. Iyi gahunda izinjiza miliyari zirenga 1 000 Frw mu bukungu bw'u Rwanda, ndetse ihange imirimo mishya irenga 27 000.

Birashoboka cyane kandi ko ifaranga ry'u Rwanda rizakomeza gutakaza agaciro ugereranyije n'idolari, gusa Kaberuka akavuga ko ibi nta mpungenge bikwiye gutera abantu, ati 'Niko iterambere rimera, ibiciro kuba bizamuka ku masoko ntabwo ari ikibazo, hari urugero rwiza ibiciro bizamukaho [biri munsi ya 5%] ukabona ko nta kibazo kuko biterwa n'iterambere ririmo kubaho.'

Ubukungu bw'u Rwanda buzazamuka ku kigero cya 5,7% uyu mwaka, ndetse na 6,8% mu mwaka utaha.

Impuzandengo igaragaza uburyo ifaranga ry’u Rwanda ryataye agaciro ugereranyije n’idolari

Ubukungu bw’u Rwanda buzakomeza kuzamuka n’ubwo ifaranga ryarwo ryataye agaciro ugereranyije n’idolari rya Amerika

Uyu witwa Habakwizera Antoine Marie Claret, yatawe muri yombi kuri uyu wa Kabiri tariki 25 Gicurasi 2021 nyuma y’uko hakwirakwijwe amafoto ku mbuga nkoranyambaga agaragaza abana bafite inguma n’ibikomere bakubiswe na we.

Uyu Animateur wa Saint André akurikiranyweho icyaha cyo gukubita no gukomeretsa, akaba ari icyaha akekwaho gukorera abanyeshuri babiri barimo uw’imyaka 12 n’undi ufite 14 y’amavuko bombi biga mu mwaka wa mbere w’amashuri yisumbuye.

Iki cyaha cyo gukubita bariya bana babiri biga muri ririya shuri riherereye mu Murenge wa Nyamirambi mu Karere ka Nyarugenge, cyakozwe tariki 22 Gicurasi 2021.

Uyu murezi wo muri Saint André ubu afungiye kuri station ya RIB ya Nyamirambi, akaba akomeje gukorwaho iperereza kugira ngo dosiye ye ishyikirizwe Ubushinjacyaha.

Mu Karere ka Ruhango, mu ishuri rya College de Bethel APARUDE na ho haherutse kuvugwa Umukozi ushinzwe imyitwarire (Préfet de discipline) muri ririya shuri wahannye by’indengakamere umunyeshuri w’umukobwa akamukomeretsa ku kaboko.

Uriya murezi wari wakubise uriya munyeshuri yari yanditse asaba imbabazi uwo yakubise gusa ubuyobozi bw’ishuri bwari bwamuhagaritse iminsi umunani ataza mu kazi.

Animateur watawe muri yombi

UKWEZI.RW

Uku guterana amagambo kwabo ku mpande zombi imbarutso yari uyu mukobwa kubera ko ari we wari wabisohoye mu itangazamakuru, umuhanzi Olvis nawe atazuyaje ahita amusubizanya uburakari cyane ko ariwe wavugwaga.

Uyu mukobwa kandi yakomeje kuvugwa cyane mu myidagaduro ubwo yakundanaga n'umuherwe wo muri Congo uzwi ku izina rya Putini, urukundo rwabo narwo ntirwaramba – ubukwe bari bamaze igihe bitegura ntibwabaye mu gihe baratumiye imiryango.

Miss Vanessa ni we wabaye igisonga cya mbere cya Nyampinga w’u Rwanda 2015

Si ibyo gusa nanone kubera ko Miss Vanessa yigeze kujya ku rukuta rwe rwa instagram ahandikirwa ubutumwa yandika ko yanze ubuzima ashaka kwiyahura ibintu nanone byavugishije abantu benshi cyane bibaza impamvu umwana muto w'umukobwa ubuzima bumunanira.

Ibi byose Miss Vanessa yabigarutseho mu kiganiro yagiranye n'umunyamakuru wa Isimbi Tv, aho uyu mukobwa yasobanuye byinshi mu byagiye bimuvugwaho, kuva ku mubano we na Olvis, Putini ndetse n'uko yashatse kwiyahura.             

Ubuzima bwe na Olvis yavuze ko babanje guhisha urukundo rwabo ariko akenshi baba basohotse bakaba bari kumwe ndetse bakaba banafata amafoto basohotse mu birori bitandukanye noneho bitangira kuvugwa bafata umwanzuro wo kubishyira hanze ubera ko nta cyaha babibonagamo.

Urukundo rwe na Olvis rwabayemo guterana amagambo cyane

Mu gutandukana na Olvis ni ibintu byavuzwe cyane ndetse bombi banaterana amagambo. Miss Vanessa yavuze ko yicuza ukuntu yahise agira umujinya akabishyira hanze. 

Yagize ati''Ku ruhunde rumwe ndabyicuza ariko ku rundi ruhande simbyicuza impamvu uburyo nabyakiriye twari gutandukana tukanabitangaza ko twatandukanye ariko hatajemo kariya kantu k'umujinya kubishyira hanze nterana amagambo nawe kubera ko ni njyewe wamubanje.”

“Yaransubije yego nawe avuga ukuntu kutari kwiza ariko ni njyewe wamubanje, ikintu nicuza ni uburyo nahubutse nkoreshejwe n'umujinya, gusa nanone ntabwo ku rundi ruhande hari ibintu biberaho kukwigisha hari ibintu bibaho bikakwigisha.''

Miss Vanessa yakomeje avuga ko yicuza ukuntu yabikoze ndetse akerekana uburakari bwe ariko nanone ngo byaramwigishije. Icyakora yavuze ko ari inshuti ye kandi byarangiye.

Ku bijyanye n'ubuzima bwe n'umuherwe Putini yavuze ko bakundanye atari yamukurikiye kubera amafaranga cyane ko ngo n'ubwo bukire bwe atari abizi ahubwo bari n'inshuti bisanzwe atamukurikiyeho amafaranga kubera ko nawe amafaranga atari ayabuze.

Ku bijyanye n'amajwi yigeze kujya hanze bamwe mu bakobwa bari guterana amagambo bapfa Putini yavuze ko atigeze amurwanira n'umukobwa uwo ariwe wese ariko hari abakobwa bagiye bamwurwanira ndetse hari n'abamuteretaga.

Putini yari yaramaze gusaba Miss Vanessa kumubera umugore

Vanessa witeguraga ubukwe na Putini bukaza gupfa, yahishuye ko bari baratumiye imiryango, inshuti n'abavandimwe ariko habaho gutandukana na Putini ariko kugeza ubu akaba yarabonye undi mukunzi bari kumwe bishimanye. 

Miss Vanessa wigeze gushaka kwiyahura yavuze ko ibyo yanditse hari igihe yabyukaga akumva ubuzima arabwanze ariko byari aho ntabwo yashakaga kwiyahura.

Miss Vanessa impeta ya Putini yayikuyemo

        

Miss Vanessa yavuze ko yabonye undi mukunzi

Ni Raporo imaze kuba agatereranzamba by'umwihariko aho yifashishwa umunsi ku wundi n'abantu batiyumvamo u Rwanda. Uburemere bw'uburakari yateye u Rwanda ni bwo bwari butumye ubwo yasohokaga rugera aho gufata umwanzuro wo kugabanya ingabo zarwo i Darfur muri Sudani.

Ni raporo igizwe n'impapuro zirenga 600. Ikubiyemo ibyaha 617 byakusanyijwe hagati y'ukwezi kwa Nyakanga 2008 na Kamena 2009 ku butaka bwose bwa Congo.

Igaragaza uruhare rw'ingabo z'ibihugu bitandukanye zari muri Congo, ariko ikagira umwihariko wo kurega Ingabo z'u Rwanda kuba zarakoze icyaha cya jenoside ku mpunzi z'Abahutu.

Tariki ya 1 Ukwakira 2010 ni bwo Komisiyo ya Loni ishinzwe Uburenganzira bwa Muntu yari ikuriwe n'Umunyafurika y'Epfo, Navi Pillay, yashyize hanze imbanzirizamushinga yayo.

Perezida Tshisekedi aherutse kuvuga ko “Mapping Report” yakozwe n'inzobere za Loni aho kuba Abanye-Congo, ashimangira ko bikwiye ko habaho ubutabera kuko kuva yajya hanze, nta muntu urahanwa, urukiko rubigizemo uruhare.

Mu kiganiro Umukuru w'Igihugu, Paul Kagame, yagiranye na Jeune Afrique ubwo yari i Paris cyabereye muri hotel Peninsula, yabajijwe kuri aya magambo ya Tshisekedi wavuze ko iyi raporo yakozwe n'abantu batabogamye.

Umukuru w'Igihugu yashimangiye ko Tshisekedi afite uburenganzira 'bwo kwizera izo mpuguke', ati 'nanjye mfite ubwo kutazigirira icyizere'.

Yashimangiye ko bombi ari abantu bafite uburenganzira bwo kugira ibyo bemera kandi ko ibyo nta kibazo biteye.

Ati 'Ibihugu byacu byombi byahuye n'amarorerwa kandi twayigobotora dukoreye hamwe. Ibi bihe bikomeye bimaze igihe kandi twagira uruhare mu kubishyiraho iherezo. Ariko impuguke za Loni cyangwa se iz'ahandi, ntizizatubashisha kubigeraho.'

Perezida Kagame yashimangiye ko 'hari abantu benshi bapfuye muri Congo no mu Rwanda' kandi ko ibyo nta muntu ubishidikanyaho ariko aho impuguke zikorera amakosa ari mu kuvuga abapfuye n'uburyo bapfuyemo.

Ati 'Aho impuguke zishyiriramo politiki nyinshi kurusha ikindi, ni mu kuvuga uwapfuye, impamvu n'uko yapfuye. Ibi mbimazemo igihe gihagije kandi byatumye nibaza kurushaho kuri abo biyita impuguke. Ikiriho ni uko igihugu cyanjye na RDC twahuye na byinshi hamwe. Hari impfu zitari nke. Ntabwo twarambirwa gushaka amahoro, umutekano yewe n'ubutabera.

'Gusa, ubutabera ni intego ikomeye mu kuyigeraho. Ntabwo bugerwaho bigizwemo uruhare n'impuguke.'

Perezida Kagame yavuze ko amaze kuvuga kenshi kuri 'Mapping Report' kandi ko inshuro nyinshi biba bifitanye isano n'umubano w'u Rwanda na RDC.

Ati 'Ni ubwa nyuma mvuganye n'umunyamakuru kuri iyi ngingo na cyane ko bamwe intego yabo ari ukuzambya ibintu kurushaho.'

Perezida Kagame yavuze ko iyi raporo igamije kugaragaza ko habayeho Jenoside ebyiri, imvugo ifata bamwe mu bayobozi b'u Rwanda bagize uruhare mu guhagarika Jenoside yakorewe Abatutsi, bagahindurwa abanyabyaha.

Ni raporo yongeye kuvugwa cyane mu 2019 ubwo yari imaze imyaka icyenda isohotse, ishyirwa imbere cyane na Dr Mukwege Denis wahawe igihembo cya Nobel cyitiriwe amahoro kubera umuhate we mu kurwanya gufata ku ngufu nk'intwaro mu makimbirane n'intambara muri RDC.

Yayifashishije avuga hakwiye kujyaho urukiko rwihariye rwakurikirana ubwicanyi bwakorewe muri RDC, inshuro nyinshi agahoza mu kanwa u Rwanda.

Perezida Kagame yavuze ko abantu bihishe inyuma y'iyi raporo, ari nabo batera ingabo mu bitugu Mukwege.

Hari umusesenguzi uzi imvo n'imvano y'iyi raporo, wabwiye IGIHE ko hari Abanyaburayi bari inyuma ya Mukwege ku buryo buri gihe ahora ayigarukaho.

Ati ' I Burayi barahari, muri Amerika barahari. Ni abazungu, ni bo batanga ibi bihembo bya Nobel.'

Abanditse 'Mapping Report' bakusanyije ibimenyetso bituruka ku ruhande rushinja u Rwanda, cyane cyane iby'Imiryango mpuzamahanga itari iya Leta, birimo inyandiko zisaga 80 zatanzwe na Human Rights Watch n'izikomoka muri Sosiyete Sivile ya Congo, isanzwe itajya imbizi n'u Rwanda.

Inkuru bifitanye isano: Icyihishe inyuma y'ibyutswa rya 'Mapping Report' nyuma y'imyaka 10 isohotse

Perezida Kagame ubwo yari mu nama yiga ku guteza imbere ubukungu bwa Afurika yabereye i Paris ku wa 18 Gicurasi 2021 / Ifoto: Village Urugwiro

Habakwizera w'imyaka 39 yafashwe ku wa 25 Gicurasi 2021. Abana aregwa gukubita barimo ufite imyaka 12 n'uwa 14, bigaga mu mwaka wa mbere w'amashuri yisumbuye.

RIB itangaza ko icyaha cyabereye ku Kigo cy'amashuri cya Group Scholaire St. André giherereye mu Karere ka Nyarugenge, Umurenge wa Nyamirambo, Akagari ka Mumena, Umudugudu wa Mumena ku wa 22 Gicurasi 2021.

Habakwizera wafashwe afungiye kuri Sitasiyo ya RIB ya Nyamirambo mu gihe iperereza rikomeje kugira ngo hakorwe dosiye ishyikirizwe Ubushinjacyaha.

Mu butumwa bwa RIB yibukije abaturarwanda bose ko itazihanganira uwo ariwe wese uhohotera abana.

Igitabo cy'amategeko ahana ibyaha mu Rwanda giteganya ko uhamijwe icyaha cyo gukubita cyangwa gukomeretsa ku bushake, ahanishwa ingingo ya 121 iteganya igifungo kitari munsi y'imyaka itatu ariko kitarenze itanu n'amafaranga y'u Rwanda 500 Frw ariko atarenze 1.000.000 Frw.

Habakwizera Antoine Marie Claret yatawe muri yombi aho akurikiranyweho gukubita abanyeshuri

Aba bana bakubiswe inkoni nyinshi bituma mu mugongo bazana ibibare byerekana aho inzira izanyura

Kugeza uyu munsi mu Karere ka Rubavu habarurwa inzu zirenga 35 zamaze gusenywa no kwangizwa n'imitingito yakurikiye iruka ry'Ikirunga cya Nyiragongo ryo ku wa 22 Gicurasi 2021.

Mu gukiza amagara yabo, ibikorwa by'abaturage birimo ubucuruzi, isoko rya Gisenyi n'imwe mu mihanda byafunze bamwe banahunga akarere ka Rubavu berekeza mu bice by'igihugu birimo Musanze na Kigali.

Ibikorwa byo kubarura ibyangijwe n'ibikiri kwangizwa n'iyi mitingito birakomeje nk'uko byatangajwe n'Umuyobozi w'Akarere ka Rubavu, Habyarimana Gilbert mu kiganiro yagiranye na IGIHE.

Yagize ati 'Abaturage babashije kwimurwa ni ahari imitutu mu rwego rwo kugira ngo hatagira undi mutingito waza bikaba byashyira ubuzima bwabo mu kaga.'

Yakomeje agira ati 'Isoko rya Gisenyi naryo riri muri icyo gice, igihe rifunzwe cyo ntabwo kiramenyekana biraterwa n'uko imitingito izagenda igabanuka. Amashuri nayo ejo haramutse nta kibayeho amasomo yakongera agakomeza nta kibazo.'

Meya Habyarimana yavuze ko amakuru yagiye atangazwa y'uko hari abaturage bari kuva muri Rubavu bagahunga, atari ukuri kuko ahubwo ari ibihuha biri gutangazwa.

Ati 'Igihari ni uko abaturage bagomba gutekana bagakomeza bagakurikiza amabwiriza y'uburyo bitwara muri iki gihe cy'imitingito, ikindi ni ugukurikira amakuru bakirinda ibihuha.'

Ku rundi ruhande ariko hari abaturage bari bari muri gare ya Rubavu bavuga ko bateze imodoka bagiye mu bice bitandukanye by'igihugu babwiye RBA ko bahunze ingo zabo bateganya kuzagaruka bamaze kubona ko imitingito yagabanutse.

Umwe yagize uti 'Tugiye i Kigali turahunze kubera iki kibazo cy'imitingito yatubanye myinshi mfite umwana niyo mpamvu twavuze ngo reka tujye i Kigali. Njyanye umwana ni we tujyanye, umugabo yasigaye mu rugo.'

Ubuyobozi bw'Ibitaro bya Gisenyi bwatangaje ko kubera umutingito umeze nabi bisigara bitanga serivisi zimwe na zimwe. Izindi zirimo aho bakirira ababyeyi bajya kubyara [Maternité] yajyanywe ku Bitaro bya Rugerero.

Izindi serivisi za chirurgie na Néonatologie zijyanywa ku Bitaro bya Ruhengeri naho Medecine interne ijyanwa ku Bitaro bya Shyira.

Meya Habyarimana yemeje aya makuru avuga ko inzu zo mu Bitaro bya Gisenyi zagezweho n'imitingito ku buryo bigaragara ko zitakomeza gukoreshwa ni zo zatumye himurwa izi serivisi.

Abaturage bamwe batangiye kuva i Rubavu bajya mu bindi bice by’igihugu

Inzu nyinshi yasenyutse hirya no hino mu Mujyi wari Rubavu kubera imitingito