Author: webrwanda

Itangazo rya RwandAir rivuga ko kubera ubwiyongere bukabije bw’imibare y’abandura COVID-19 muri Uganda, ibaye ihagaritse ingendo zerecyeza yangwa ziva i Entebbe muri Uganda kuva kuri uyu wa Kane tariki 10 Kamera 2021.

Iri tangazo rikomeza ryisegura ku bantu bashobora kugirwaho ingaruka n’iki cyemezo cyo kuba hasubitswe ingendo zijya cyangwa ziva muri Uganda.

Rivuga ko 'Abakiriya bazagirwaho ingaruka n’iki cyemezo bashobora kuzamenyesha iby’urugendo rwabo mbere mu gihe ingendo zaba zisubukuwe kandi nta giciro cy’inyongera kibayeho cyangwa bagasubizwa amafaranga bari bishyuye.'

Imibare y’abandura COVID-19 muri Uganda ikomeje gutumbagira muri iyi minsi ndetse bikaba byaranatumye Guverinoma ya kiriya Gihugu ishyiraho andi mabwiriza akomeye arimo guhagarika ingendo zihuza uturere.

Muri iki gihugu cya Uganda habarwa abantu babarirwa hafi mu bihumbi 57 bamaze gusanganwa ubwandu bwa COVID-19 barimo 1 438 babonetse kuri uyu wa Kane tariki 10 Kamena 2021.

UKWEZI.RW

Mu bukangurambaga bwiswe CanalYacu, abakozi b’iki kigo bose kuva ku bo hasi kugeza ku bo hejuru, bagiye mu bice binyuranye by’Igihugu kugira ngo bafashe abakiliya babo baba bafite ibibazo ndetse n’abifuza kugura dekoderi za Canal + ubundi bakomeze kuryoherwa n’imikino ya Euro izatangira kuri uyu wa 11 Kamena 2021.

Hamwe n’Interuro igira iti 'Kuri Foot Turayoboye', Canal + isanzwe izwiho gutambutsa imikino ikomeye irebwa na benshi ku Isi, iyi kompanyi yanahananuye ibiciro by’ifatabuguzi ryayo ndetse na Dekoderi zayo kugira ngo hatazagira ucikwa na Euro 2020 izagaragaramo ibihangange muri ruhago y’Isi.

Sophie Tchatchoua uhagarariye Canal + mu Rwanda, agaruka ku bukanguramaba bwatangiye ku wa 21 Gicurasi burimo no kugabanya ibiciro bya Dekoderi yashyizwe kuri 5 000 Frw, akavuga ko iki gikorwa cyo kuba abakozi b’iki kigo bamanutse mu duce tw’Igihugu kugira ngo bararike abantu.

Ati 'Tugiye gusobanurira abakiliya n’abandi baturarwanda igisobanuro cyo kuba abafabuguzi ba Canal +, ndetse no kubibutsa kuzareba Euro kuri Canal + kandi tuzi ko amashusho ya Canal afite itandukaniro rinini n’ay’ahandi.'

Avuga kandi ko hari na Copa America izatangira kuri iki Cyumweru kandi ko na yo bazayireba kuri Canal + akibutsa Abaturarwanda kugura Dekoderi kuko ibiciro byazo buri wese ashobora kubyigondera kugira ngo bazirebere iyi mikino.

Sophie Tchatchoua kandi avuga ko ubu Canal + ifite abayihagarariye mu bice byose by’Igihugu ku buryo aho umuntu yaba ari hose ashobora kugura Dekoderi.

Aime Abizera ushinzwe ishami ry’Ubucuruzi muri Canal + wagarutse kuri iki gikorwa cyajyanye abakozi b’iki kigo mu bice bitandukanye avuga ko nta munyarwanda ukwiye gucikwa n’imikino ya Euro kandi akoresheje ifatabuguzi ry’amashusho yo ku rwego rwo hejuru ya Canal +.

Yagize ati 'System yacu uko ikora iba ikeneye installation kandi ejo ntidushaka umuntu azacikanwa n’imikino ya Euro kubera ikibazo cya Installation cyangwa kugura atinze, ni yo mpamvu twifuza ko abantu bagura dutangire kubakorera installation uyu munsi n’ejo ubundi bazarebe umupira n’amashusho meza kandi byoroshye cyane.'

Yibutsa abantu ko ifatabuguzi rya Zamuka na Football risanzwe rigaragaraho imikino mpuzamahanga irimo n’iyi ya Euro na ryo ryahananuwe rikava ku bihumbi 20 Frw ubu rikaba riri ku bihumbi 10 Frw gusa.

Ati 'Ya mipira abantu bifuza yose, bazayireba ku bihumbi 10 gusa, urumva twagabanyije igiciro cy’ibikoresho, twagabanyije ibiciro ku ifatabuguzi kandi twafunguye n’andi maduka.'

Canal + ni iya buri wese

Mu minsi yashize hari abumvaga Canal + bakumva ko ari iy’abifite gusa ubu benshi batangiye kuyiboka ndetse bakoresha ifatabuguzi ryayo ku biciro biri hasi.

Muri iki gikorwa cyo kumanuka mu bice binyuranye by’Igihugu kandi, abakozi ba Canal + bazasobanurira abaturarwanda ko nta muturarwanda utakoresha ifatabuguzi ry’iki kigo.

Sophie Tchatchoua ati 'Ni cyo kitujyanye, Canal + ni iya buri wese, wenda mu bihe byashize ibiciro byari hejuru nko mu myaka ine Dekoderi yaguraga ibihumbi 60 ariko ubu ni ibihumbi bitanu. Ibihumbi bitanu ni amacupa angahe ya byeri ? Ibihumbi bitanu ni amafaranga macye buri wese yabona.'

Avuga kandi ko ubu Canal + ntaho itari ku buryo uwakwifuza gukorana na yo aho yaba ari hose byoroshye ku buryo bafite intego ko buri muturwarwanda ufite amashanyarazi azakoresha Canal+.

Ati 'Canal + ntabwo ari iy’abakire, ntabwo ari iy’abatuye i Kigali kandi ibiganiro bya Canal + buri wese abyisangamo.'

Yibutsa ko yaba abakunda ibiganiro by’imyidagaduro n’iby’ubwenge, film, amakuru ; byose bitambuka kuri Canal + ku buryo yaba abagabo, abagore, abana ndetse n’urubyiruko bazisanga mu biganiro bitambuka ku mashene ya Canal +.

Sophie Tchatchoua aganiriza abakozi mbere y’uko bajya mu bice bitandukanye

*******

Dr Christopher Kayumba wahoze ari umwarimu muri Kaminuza y’u Rwanda akaba aherutse gushinga ishyaka ariko ritaremerwa mu Rwanda, yajuririye kiriya cyaha yahamijwe muri Nyakanga 2020 ndetse akaza gukatirwa gufungwa umwaka umwe.

Kayumba wafunguwe mu mpera za 2020, yajuririye kiriya gihano yakatiwe n’Urukiko rw’Ibanze rwa Kicukiro kugira ngo agihanagurweho abe umwere ubundi asigare ntacyasha dore ko aherutse gushinga ishyaka kandi akaba avuga ko afite icyizere ko rizayobora u Rwanda mu myaka itari iya cyera.

Ubwo yaburanaga ubujurire bwe mu rukiko rwisumbuye rwa Nyarugenge, Dr Kayumba waburanye n’ubundi ahakana ibyo ashinjwa, yavuze ko atigeze ateza umutekano mucye mu kibuga cy’indege.

Uyu mugabo usanzwe afite ubunararibonye mu gusobanura ingingo z’ibitekerezo bye, yavuze ko umunsi avugwaho guteza umutekano mucye mu kibuga cy’indege atahise afatwa ahubwo ko yafashwe ku mugoroba kandi ko bitumvikana ko umuntu yakora icyaha nk’icyo ngo bamureke atahe.

Yagize ati 'Nari guteza umutekano mucye ku kibuga mpuzamahanga hari inzego z’umutekano nkarinda mpava, nkafatwa nimugoroba ?'

Umunyamategeko we Me Nterenganya Jean Bosco yavuze ko ubundi muri uru rubanza hadakenewe abatangabuhamya kuko mu kibuga cy’Indege haba hari camera zifata amashusho y’ibihabera byose bityo ko ubwazo zakiranura impaka muri uru rubanza.

Uyu munyamategeko yavuze ko hakwiye kuzanwa amashusho agaragaza umukiliya we ateza umutekano mucye ku kibuga cy’indege 'niba bidakozwe ngo ayo mashusho azanwe, umukiliya wanjye yagirwa umwere ku cyaha yahamijwe n’urukiko cyo guteza umutekano mucye ku kibuga cy’indege mpuzamahanga.'

Ubushinjacyaha bwavuze ko nta mpamvu y’ayo mashusho kuko hari abantu bari ku kibuga cy’indege biboneye Dr Kayumba ateza umutekano mucye kandi ko babitanzeho ubuhamya.

Ubushinjacyaha busaba ko Dr Kayumba akomeza guhamwa na kiriya cyaha, bwanagarutse ku cyaha cyo gusindira mu ruhame na cyo yashinjwaga ariko Urukiko rw’Ibanze rwa Kicukiro rukaza kukimuhanaguraho, bwasabye ko na cyo kimuhama.

Urubanza rw’ubujurire rwahise rurangira, Umucamanza ahita yemeza ko azasoma umwanzuro w’Urukiko ku wa 08 Nyakanga 2021.

UKWEZI.RW

Uyu mugabo w’imyaka 28 yakubise urushyi Perezida Emmanuel Macron rurivugiza ubwo uyu mukuru wa kiriya gihugu yajyaga kumusuhuza aho kugira undi amusuhuze ahubwo ahita abangura urushyi arumukubita ku itama.

Ubushinjacyaha bwari bwasabiye Damien Tarel gufungwa amezi 18 muri gereza kubera imyitwarire y’umujinya ndengakamere yagaragaje.

Urukiko Valence rwari rugizwe n’Abacamanza batatu, rwemeje iki gihano cy’amezi 18 ariko uriya mugabo akazafungwamo amezi ane ndetse n’andi 14 asubitse ari hanze.

Uriya mugabo usanzwe atajya imbizi n’imitegekere ya Macron ndetse na bamwe mu baturage bo mu gace atuyemo ka Drôme ngo ubwo bamenyaga ko umukuru w’Igihugu cyabo azahaza bari bateguye kumutera amagi bamugaragariza ko batishimiye imiyoborere ye ngo yatumye igihugu cyabo gisubira inyuma.

Gusa ngo ibyo kumukubita urushyi ntiyari yabiteguye ahubwo ngo na we ntazi uko byamujemo ako kanya ubwo yamugeraga imbere.

Perezida Macron na we uherutse kuvuga kuri ruriya rushyi yakubiswe, yavuze ko kiriya gikorwa kidakwiye kugirwa igikuba ahubwo ko hakwiye kurebwa icyateye uriya mugabo kumukubita urushyi.

Emmanuel Macron we yavuze ko atatekerezaga ko muri iyi myaka hari Abafaransa bakigira umujinya w’umuranduranzuzi nk’uriya, yavuze ko kiriya kibazo yagihariye inkiko.

UKWEZI.RW

Mu masaha macye ashize ni bwo isi yose yakiriye amashusho y’umugabo wakubise urushyi Perezida Emmanuel Macron. Ni inkuru yavuzwe kurusha iyo mu 2008 ubwo Perezida George W Bush yaterwaga urukweto.

Ibi bikimara kuba havuzwe ibitandukanye ndetse hari na bamwe mu bakuru b’ibihugu bihanganishije Perezida Macron. Abagano babiri bari mu kigero cy’imyaka 28 bahise batabwa muri yombi bakurikiranyweho icyaha cyo gukubita umukuru w’igihugu cy’u Bufaransa.

Perezida Macron nawe yahise atangaza ko ari akantu gato kandi intagondwa zihoraho. Kuri ubu rero ubutabera bwakoze akazi kabwo bukatira uwahamwe n’icyaha wiyemerera ko yabikoze. Yavuze ko bwa mbere yari yateguye kumutera amagi kuko abona ari isoko yo gusubira inyuma mu bukungu bw’u Bufaransa. Yakatiwe igihano cy’amezi ane ari mu gihome. 

Mu busanzwe uyu mugabo azwi nk’umuntu wiyeguriye ibijyanye n'amateka aho yiga ku kumenya ibyabaye cyera, intwaro zakoreshwaga mu gihe cy'ubwami. Kandi akaba n’umwe mu bazwi kuko yabyiyeguriye ku buzima bwo ha mbere bw'igihugu cy'u Bufaransa ku rubuga rwa Instagram by'umwihariko ku rukuta rwe. Yemeza ko ari mu ishyirahamwe riharanira iterambere ryarwaniwe n'abo hambere ry'umugabane w'uburayi.

Anagaragara mu mafoto yambaye imyambaro yambarwaga n'ingabo zo hambere za cyami anafite inkota ndende. N’ubwo bwose ibyo byose bihari nta hantu na hamwe asanzwe ahuriye n'ibikorwa bya Politike nk’uko byemezwa n'umuntu wa hafi we Loïc Dauriac. Ibijyanye no kurwana nabyo, uyu mugabo yakubise Perezida Macron yumvikana n'ijwi rirenga ati 'Montjoie na Saint Denis!” Ugenekereje bivuga ngo “Ntitugikeneye ibya Macron”. Bamwe mu bati yarimo akina imikino y’urwenga yo hambere mu 1993.

Olivis na Miss Pamella