Webrwanda Backend

Author: webrwanda

  • Nyuma yo gusezera APR FC, Danny Usengimana ashobora gusinyira indi kipe y’i Kigali #rwanda #RwOT

    Nyuma y’uko rutahizamu Danny Usengimana afashe umwanzuro wo gusezera APR FC ntayongerere amasezerano, amakuru avuga ko uyu rutahizamu ashobora kwerekeza muri Police FC yagiriyemo ibihe byiza ndetse n’ibiganiro bigeze kure.

    Nyuma yo kwegukana igikombe cya shampiyona cya 2020-2021, Danny Usengimana yasezeye ku mutoza n’abakinnyi bagenzi be ababwira ko mu mwaka utaha w’imikino wa 2021-2022 bazaba batari kumwe kuko yafashe umwanzuro wo kuba atakongera amasezerano.

    Nyuma nibwo hahise haza inkuru y’uko yifuzwa na Rayon Sports, gusa amakuru ISIMBI yamenye ni uko nta biganiro yigeze agirana n’iyi kipe.

    Amakuru akaba avuga ko we n’ikipe ya Police FC yatumye amenyekana, yandikiyemo amateka(yabereye rutahizamu watsinze ibitego byinshi), ibiganiro bigeze kure ngo abe yayerekezamo.

    Amakuru agera ku kinyamakuru ISIMBI ni uko uyu rutahizamu byinshi bamaze kubyumvikana ndetse igisigaye ari ukuba yashyira umukono ku masezerano yo gukinira iyi kipe yaherukagamo muri 2018.

    Danny Usengimana w’imyaka 25, muri Gashyantare 2019 nibwo yerekanywe nk’umukinnyi wa APR FC, hari nyuma yo kuva muri Singida United yo muri Tanzania yagiyemo avuye muri Police FC.

    Danny Usengimana yamaze gufata umwanzuro ko atazakomezanya na APR FC

    Danny Usengimana mu muryango usubira muri Police FC

    Source : http://isimbi.rw/siporo/article/nyuma-yo-gusezera-apr-fc-danny-usengimana-ashobora-gusinyira-indi-kipe-y-i-kigali

  • Ngororero: Abaturage batanu bagwiriwe n’ikirombe barapfa – #rwanda #RwOT

    Umunyamabanga Nshingwabikorwa w’Umurenge wa Muhororo wabereyemo iyi mpanuka, Nzabakurikiza Alphonse, yemeje aya makuru, avuga ko abitabye Imana bajyanywe mu bitaro bya Muhororo kugira ngo bakorerwe isuzuma, mbere y’uko bashyingurwa kuri uyu wa Gatanu.

    Akarere ka Ngororero ni kamwe mu dukunze kuberamo ibikorwa bitemewe by’ubucukuzi by’amabuye y’agaciro bigwamo abantu ndetse iki kibazo kiri mu byo Minisitiri w’Ubutegetsi bw’Igihugu, Gatabazi Jean Marie Vianney yagaragarijwe nk’intandaro y’isuri ikunze kwibasira ako Karere, mu ruzinduko aherutse kugirirayo ku wa 19 Gicurasi.

    Umuyobozi bw’Akarere ka Ngororero, Ndayambaje Godefroid, aherutse kubwira itangazamakuru ko iki kibazo bagihaye umurongo uhamye ndetse banatanze uburenganzira ku bigo 18 byemerewe gukora ubu bucukuzi, mu bigo 32 byari bisanzwe bibukora.

    Ubucukuzi bw’amabuye y’agaciro bukorwa rwihishwa ni kimwe mu bihitana ubuzima bw’abantu muri Ngororero

  • Ruhango:Uko abafatanyabikorwa bagize uruhare mu guhindura imibereho y’abaturage – #rwanda #RwOT

    Umuyobozi wungirije ushinzwe iterambere ry’ubukungu mu Karere ka Ruhango, Rusiribana JMV, avuga ko abafatanyabikorwa bagize uruhare runini mu kwesa imihigo kuko umwaka wa 2020/21 bari bafite imihigo 94 harimo 20 yo mu bukungu, 54 yo mu mibereho myiza na 20 yo mu miyoborere.

    Ati “Uyu mwaka abafatanyabikorwa b’akarere uruhare rwabo rukomeye rwajemo rwanganaga na miliyari ebyiri na miliyoni zisaga 679. Ni uruhare rukomeye mu kuzamura imibereho myiza y’abaturage.”

    Yavuze ko muri yo miliyoni 917 zifashishijwe mu bukungu, miliyari imwe na miliyoni 564 zashyizwe mu mibereho myiza y’abaturage naho miliyoni 197 zikoreshwa mu miyoborere myiza.

    Umuyobozi w’ihuriro ry’abafatanyabikorwa mu Karere ka Ruhango, Linziziki Damien, avuga ko buri mufatanyabikorwa agaragaza ibikorwa azakora hagamijwe iterambere n’imibereho myiza y’abaturage.

    Ati “Buri mufatanyabikorwa areba ibyo ashobora gukora biri mu igenamigambi ry’akarere akabigaragariza akarere noneho na ko kakabishyira hamwe n’iby’abandi kugira ngo bizashyirwe mu bikorwa.”

    Ahubatse ubwiherero n’icyumba cy’umukobwa hashyizwe n’ikigega gifata amazi

    Ihuriro ry’abafatanyabikorwa mu Karere ka Ruhango rigizwe n’imiryango itari iya Leta, imiryango ishingiye ku myemerere, ibigo bya Leta bikorera mu karere n’abikorera.

    Mu byo bakoze uyu mwaka harimo gufasha abahinzi kubona inyongeramusaruro, gutanga amahugurwa ku bahinzi no gufata neza umusaruro, gufasha imiryango kubona ibiti by’imbuto ziribwa bisaga 7200 n’ibiti by’ishyamba bisaga ibihumbi 59.

    Bagize uruhare mu gufasha abaturage gukora ifumbire y’imborera, kubaka umuyoboro w’amazi mu wa kilometero 12 n’amavomo 30; bubatse ibyumba by’amashuri umunani n’ubwiherero 16; ibyumba umunani by’umukobwa; imiryango itishoboye yafashijwe kubona amacumbi ndetse igera kuri 36 ihabwa inka n’ibindi.

    Umuhinzi w’imyumbati, Nsengimana Onesme, avuga ko ko umusaruro wiyongereye kubera kwigishwa kuyihinga kijyambere.

    Ati “Umusaruro mbasha kubona kuri hegitari ungana na toni 30 kugeza kuri toni 32. Guhinga imyumbati nabigize umwuga kugeza uyu munsi mpingira isoko, ibyo kuvuga ngo ndahingira inda ntabwo bikirimo. Ku mwaka iyo nahinze nko kuri hegitari enye mba mfitemo amafaranga byibura agera muri miliyoni umunani. Kuri hegitari imwe nkuramo miliyoni eshatu nashoye nk’ibihumbi 700.”

    Mukantwari Marie Rose wo mu Murenge wa Kabagari mu Kagari ka Munanira yemeza ko bari babangamiwe no kujya kuvoma amazi mabi mu bishanga.

    Ati “Twavomaga mu bishanga amazi mabi akadutera inzoka n’imiswi ariko ubu twabonye amazi meza.”

    Abaturage basabwe kujya bafata neza ibikorwa begerezwa kandi bakabibyaza umusaruro kugira ngo bihindure imibereho yabo.

    Rusiribana yavuze ko mu rwego rwo gukorera mu mucyo, buri mwaka bari basanzwe bicara bakamurikira abaturage ibyagezweho byose n’uko byakozwe ariko kuri iyi nshuro bitashobotse kubera ko icyorezo cya Covid-19 kitemerera abantu benshi guhurira hamwe.

    Abaturage bafashijwe no guhinga kijyambere bahabwa inyongeramusaruro

    Hatanzwe n’inka ku miryango itishoboye

    Abiganjemo urubyiruko bafashijwe kwihangira imirimo

    [email protected]

  • Binyuze ku muyobozi mushya wa FERWAFA Nizeyimana Olivier, Perezida wa FIFA Gianni Infantino yashimiye APR FC yegukanye igikombe cya Shampiyona #rwanda #RwOT

    Ubwo hari kuwa gatanu tariki ya 25 Kamena 2021, nibwo byemejwe ko ikipe y'ingabo z'igihugu ya APR FC yegukanye igikombe cya shampiyona y'u Rwanda y'umwaka w'imikino wa 2020-2021, ku bw'ibyo umuyobozi w'impuzamashyirahamwe y'umupira w'amaguru ku isi FIFA, Gianni Infatino yashimiye iyi kipe kubwo kwegukana iki gikombe.

    Binyujijwe ku rubuga rwa Interineti rw'ikipe ya APR FC , mu gitondo cyo kuri uyu wa gatandatu tariki ya 3 Nyakanga 2021, nibwo hagaragajwe ubutumwa Infantino yageneye iyi kipe, ni ubutumwa yatanze bunyuze kuri Perezida w'ishyirahamwe ry'umupira w'amaguru mu Rwanda Nizeyimana Mugabo Olivier.

    Ubu butumwa butangira bugira buti 'Munyemerere nshimire APR FC kuba yaregukanye igikombe cya shampiyona y'umupira w'amaguru mu Rwanda ya 2020-2021.'

    'Gutsindira iki gikombe ntagushidikanya ko byatewe n'umuhate, ishyaka no kwiyemeza, kandi buri wese mu ikipe ashobora kwishimira kuri iki gikorwa gikomeye mwagezeho.'

    'Ndashimira buri wese wabigizemo uruhare, ariko nkabashishikariza gukomeza gukorana nk'ikipe iharanira gukomeza gukorana nk'ikipe iharanira gutsinda, ishyaka no kwiyemeza.'

    'Mu izina ry'ishyirahamwe ry'umupira w'amaguru ku isi, FIFA, ndangije mboneraho n'umwanya wo kubashimira hamwe na FERWAFA, ku ruhare mukomeje kugira mu iterambere ry'umupira w'amaguru mu Rwanda, mu karere muherereyemo no ku isi muri rusange'.

    Uyu muyobozi ashimiye ikipe ya APR FC yagukanye igikombe cya shampiyona ku ncuro ya 19, ndetse by'umwihariko ikaba yaratwaye igikombe ku ncuro ya kabiri yikurikiranya idatsinzwe, ibi bikaba biyihesha itike yo kuzakina imikino ya CAF Champions League.

    The post Binyuze ku muyobozi mushya wa FERWAFA Nizeyimana Olivier, Perezida wa FIFA Gianni Infantino yashimiye APR FC yegukanye igikombe cya Shampiyona appeared first on RUSHYASHYA.

    Source : https://rushyashya.net/binyuze-ku-muyobozi-mushya-wa-ferwafa-nizeyimana-olivier-perezida-wa-fifa-gianni-infantino-yashimiye-apr-fc-yegukanye-igikombe-cya-shampiyona/?utm_source=rss&utm_medium=rss&utm_campaign=binyuze-ku-muyobozi-mushya-wa-ferwafa-nizeyimana-olivier-perezida-wa-fifa-gianni-infantino-yashimiye-apr-fc-yegukanye-igikombe-cya-shampiyona

  • OMS ivuga ko ubwoko bwa Delta buri kongera ubwandu muri Afurika #rwanda #RwOT

    Ishami ry'umuryango w'abibumbye ryita ku buzima (OMS/WHO) rivuga ko amoko mashya ya coronavirus yandura mu buryo bwihuse ari yo arimo kwenyegeza inkubiri ya gatatu y'ubwandu muri Afurika.

    Ubwoko bwa Covid-19 bwa Delta, bwabonetse bwa mbere mu Buhinde, bumaze kugaragara mu bihugu 16 byo muri Afurika, nkuko OMS ibivuga.

    OMS ivuga ko ikigero cy'ubwandu muri iyi nkubiri ya gatatu cyageze ku rwego rwa mbere rwo hejuru ugereranyije no mu zindi nkubiri z'ubwandu zabanje.

    Dr Matshidiso Moeti ukuriye OMS muri Afurika, avuga ko umuvuduko ndetse n'ikigero iyi nkubiri ya gatatu iriho nta yindi nshuro bigeze babibona mbere.

    Umubare w'abanduye muri Afurika umaze ibyumweru bitandatu ukomeza kwiyongera.

    Nkuko imibare ya vuba aha ibigaragaza, ubwoko bwa Delta bwabonetse muri 97% by'ibipimo byafashwe bigasangwamo Covid muri Uganda ndetse no muri 79% by'ibipimo muri Repubulika ya Demokarasi ya Congo.

    Jean-Jacques Muyembe ukuriye ibikorwa byo kurwanya Covid-19 muri DR Congo, avuga ko ikigero ubwoko bwa Delta burimo gukwirakwiraho giteye impungenge.

    Avuga ko ibitaro mu gihugu byamaze kurengerwa ubushobozi kandi ko n'uburuhukiro bw'imirambo (morgues) na bwo bwuzuye.Umubare w'abanduye n'ikigero cy'abacyenera kujya mu bitaro biri kwiyongera.

    OMS igereranya ko abarwayi bacyenera guhabwa umwuka wo guhumeka wa oxygen muri Afurika ubu barutaho 50% abawucyeneye ubwo byari bimeze nabi cyane mu nkubiri ya mbere mu mwaka ushize.

    Muri Afurika, abaturage miliyoni 15 ni bo bamaze gukingirwa Covid-19 byuzuye, aba bangana na 1.2% by'abaturage bose bo kuri uyu mugabane.

    Ivomo: BBC

    Source : https://impanuro.rw/2021/07/03/oms-ivuga-ko-ubwoko-bwa-delta-buri-kongera-ubwandu-muri-afurika/

  • Amagambo umugore adakwiye kubwira umugabo we kuko yabasenyera. – YEGOB #rwanda #RwOT

    Source : https://yegob.rw/amagambo-umugore-adakwiye-kubwira-umugabo-we-kuko-yabasenyera/

  • Amafi arenga toni 109 yo mu kiyaga cya Muhazi yapfuye – YEGOB #rwanda #RwOT

    Source : https://yegob.rw/amafi-arenga-toni-109-yo-mu-kiyaga-cya-muhazi-yapfuye/

  • Huye: Abantu 21 bafatiwe mu kabari barenze ku mabwiriza yo kwirinda Covid-19 #Rwanda #RwOT via @kigalitoday #rwanda #RwOT

    Umuvugizi wa Polisi mu Ntara y’Amajyepfo, Superintendent of Police (SP) Theobald Kanamugire yavuze ko abo bantu 19 na ba nyiri utubari 2 bafatiwe mu isanteri ya Gako mu Mudugudu wa Gako, Akagari ka Sovu mu Murenge wa Huye.

    Yagize ati “Abaturage bari bamaze iminsi baha amakuru inzego z’ibanze zihakorera ko abo bagabo bombi bafungura utubari twabo bagakingiraniramo abantu bakanywa inzoga. Inzego z’ibanze zahaye amakuru Polisi ikorera muri uwo murenge ijyayo ifatanya nabo kugenzura ko abaturage bubahiriza amabwiriza yo kurwanya ikwirakwira rya Covid-19 yubahirizwa bafatira muri utwo tubari tubiri abantu bikingiranye barimo banywa inzoga.”

    SP Kanamugire yavuze ko ubwo bagenzuraga iyubahirizwa ry’amabwiriza muri utwo tubari twombi harimo abantu barenga 40 ariko bikanze Polisi bariruka hafatwa bariya 21 gusa, abagabo 17 n’abagore 4.

    Yagize ati “Uyu Nsanzimana Venuste si ubwa mbere afatiwe mu bikorwa byo kurenga ku mabwiriza yo kwirinda ikwirakwira rya Covid-19 kuko mu kwezi kwa Werurwe uyu mwaka yafashwe n’ubundi yafunguye akabari harimo abantu banywa, icyo gihe yarigishijwe anacibwa n’amande ariko yongeye kurenga ku nyigisho yahawe. Ni mugihe Majyambere we inzu abamo yayihinduye akabari ari naho hafatiwe abantu.”

    Usibye kuba aba bantu bafatiwe mu kabari kandi tutemewe bari barengeje amasaha yo kuba bageze aho bataha. Umuvugizi wa Polisi mu Ntara y’Amagepfo yibukije abarenga ku mabwiriza yo kurwanya ikwirakwira rya Covid-19 nkana ko bahemukira abandi nabo batiretse n’imiryango yabo.

    Ati “Abibwira ko bihishe Polisi cyangwa n’izindi nzego bagafungura utubari cyangwa bakatujyamo bitemewe, bajye bibuka ko Koronavirusi yo ntaho wayihisha. Buri gihe Leta yibutsa abaturarwanda ko icyorezo cya Covid-19 gihari kandi gikwirakwizwa n’abantu cyane cyane mugihe bahuriye hamwe, umuti wo nyine wo kukirinda ari ukubahiriza amabwiriza yose uko yakabaye ashyirwaho n’inzego zibishinzwe.”

    Umunyamabanga Nshingwabikorwa w’Umurenge wa Huye, Rwamucyo Prosper yabwiye abafatiwe mu bikorwa byo kurenga ku mabwiriza yo kurwanya Covid-19 ko ari imyitwarire mibi yo kugawa.

    Yagize ati “Biratangaje kubona hari abagikomeje kurenga ku mabwirizwa yo kurwanya Covid-19 n’uburyo iki cyorezo kirushaho kwiyongera. Buri wese azi uburyo iki cyorezo kica, ari nayo mpamvu tugomba kubahiriza amabwiriza yo kukirwanya ijana ku ijana. Kunywa ntibiruta agaciro k’ubuzima bwacu. Niba ushaka kunywa gura inzoga ugende uyinywere mu rugo iwawe utagiye kuyinywera mu kabari mu bantu benshi utazi iyo bavuye kugira ngo wirinde unarinde abandi.”

    Uyu muyobozi yibukije abafashwe n’abandi baturarwanda muri rusange kujya bakaraba intoki kenshi, bambara agapfukamunwa neza, guhana intera n’andi mabwiriza yose kuko aribyo bizatuma iki cyorezo tubasha kugihashya.

    Abafashwe bajyanwe ku biro by’umurenge wa Huye barigishwa banacibwa amande nk’uko amabwiriza abiteganya.

    Ni inkuru dukesha Polisi y’u Rwanda

  • Huye: Polisi yafashe abantu 21 bari mu kabari banywa inzoga barenze ku mabwiriza ya Covid19 #rwanda #RwOT

    Polisi y'u Rwanda ikorera mu Karere ka Huye mu Murenge wa Huye k'ubufatanye n'inzego z'ibanze, ku mugoroba wo kuri uyu wa Kane tariki ya 01 Nyakanga 2021 mu masaha ya saa moya , bakoze igikorwa cyo kugenzura  abatubahirije amabwiriza yo kwirinda ikwirakwira rya Covid-19. Muri icyo gikorwa abantu 19 bafatiwe  mu tubari tubiri twa Nsanzimana Venuste uzwi ku izina rya Demobe w'imyaka 40 na Majyambere Antoine w'imyaka 48.

    Umuvugizi wa Polisi mu Ntara y'Amajyepfo, Superintendent of Police (SP) Theobald Kanamugire yavuze ko abo bantu 19 na ba nyiri utubari 2 bafatiwe mu isanteri ya Gako mu Mudugudu wa Gako, Akagari ka Sovu mu Murenge wa Huye.

    Yagize ati 'Abaturage bari bamaze iminsi baha amakuru inzego z'ibanze zihakorera ko abo bagabo bombi bafungura utubari twabo bagakingiraniramo abantu bakanywa inzoga. Inzego z'ibanze zahaye amakuru Polisi ikorera muri uwo murenge ijyayo ifatanya nabo kugenzura ko abaturage bubahiriza amabwiriza yo kurwanya ikwirakwira rya Covid-19 yubahirizwa bafatira muri utwo tubari tubiri abantu bikingiranye barimo banywa inzoga.'

    SP Kanamugire yavuze ko ubwo bagenzuraga iyubahirizwa ry'amabwiriza muri utwo tubari twombi harimo abantu barenga 40 ariko  bikanze Polisi bariruka hafatwa bariya 21 gusa, abagabo 17 n'abagore 4.

    Yagize ati 'Uyu Nsanzimana Venuste si ubwa mbere afatiwe mu bikorwa byo kurenga ku mabwiriza yo kwirinda ikwirakwira rya Covid-19 kuko mu kwezi kwa Werurwe uyu mwaka yafashwe n'ubundi yafunguye akabari harimo abantu banywa, icyo gihe yarigishijwe anacibwa n'amande ariko yongeye kurenga ku nyigisho yahawe. Ni mugihe Majyambere we inzu abamo yayihinduye akabari ari naho hafatiwe abantu.'

    Usibye kuba aba bantu bafatiwe mu kabari kandi tutemewe  bari barengeje amasaha yo kuba bageze aho bataha. Umuvugizi wa Polisi mu Ntara y'Amagepfo yibukije abarenga ku mabwiriza yo kurwanya ikwirakwira rya Covid-19 nkana ko bahemukira abandi nabo batiretse n'imiryango yabo.

    Ati 'Abibwira ko bihishe Polisi cyangwa n'izindi nzego bagafungura utubari cyangwa bakatujyamo bitemewe, bajye bibuka ko Koronavirusi yo ntaho wayihisha. Buri gihe Leta yibutsa abaturarwanda ko icyorezo cya Covid-19 gihari kandi gikwirakwizwa n'abantu cyane cyane mugihe bahuriye hamwe, umuti wo nyine wo kukirinda ari ukubahiriza amabwiriza yose uko yakabaye ashyirwaho n'inzego zibishinzwe.'

    Umunyamabanga Nshingwabikorwa w'Umurenge wa Huye, Rwamucyo Prosper yabwiye abafatiwe mu bikorwa byo kurenga ku mabwiriza yo kurwanya Covid-19 ko ari imyitwarire mibi yo kugawa.

    Yagize ati 'Biratangaje kubona hari abagikomeje kurenga ku mabwirizwa yo kurwanya Covid-19 n'uburyo iki cyorezo kirushaho kwiyongera. Buri wese azi uburyo iki cyorezo kica, ari nayo mpamvu tugomba kubahiriza amabwiriza yo kukirwanya ijana ku ijana. Kunywa ntibiruta agaciro k'ubuzima bwacu. Niba ushaka kunywa gura inzoga ugende uyinywere mu rugo iwawe utagiye kuyinywera mu kabari mu bantu benshi utazi iyo bavuye kugira ngo wirinde unarinde abandi.'

    Uyu muyobozi yibukije abafashwe n'abandi baturarwanda muri rusange kujya bakaraba intoki kenshi, bambara agapfukamunwa neza, guhana intera n'andi mabwiriza yose kuko aribyo bizatuma iki cyorezo tubasha kugihashya.

    Abafashwe bajyanwe ku biro by'umurenge wa Huye barigishwa banacibwa amande nk'uko amabwiriza abiteganya.

    Source : https://impanuro.rw/2021/07/03/huye-polisi-yafashe-abantu-21-bari-mu-kabari-banywa-inzoga-barenze-ku-mabwiriza-ya-covid19/

  • Dr Anitha Asiimwe wayoboraga NCD yirukanywe – #rwanda #RwOT

    Dr Anitha Asiimwe wayoboraga NCD, yirukanywe muri izi nshingano yari yarahawe n’Umukuru w’Igihugu ku wa 12 Ugushyingo 2020.

    Itangazo ryashyizweho umukono na Minisitiri w’Intebe, Dr Ngirente Edouard, rivuga ko kuri uyu wa Gatanu tariki 2 Nyakanga 2021, aribwo Dr Asiimwe yirukanywe mu nshingano ze zo kuba Umuyobozi wa NCD.

    Minisitiri w’Intebe Dr Ngirente yavuze ko mu izina ry’Umukuru w’Igihugu ahise ashyiraho Munyemana Gilbert nk’Umuyobozi w’Agateganyo w’iki kigo.

    Munyemana wasimbuye mu buryo bw’agateganyo Dr Asiimwe, yari asanzwe ari Umuyobozi Wungirije w’Ikigo cy’Igihugu gishinzwe Imikurire no kurengera Umwana (NCD).

    Dr Asiimwe yari agiye kumara imyaka ine mu nshingano zifite aho zihuriye n’imikurire y’umwana, kurwanya igwingira ndetse n’imirire mibi mu bana by’umwihariko. Ni inshingano yahawe ku wa 4 Ukwakira 2017.

    Uyu mubyeyi afite Impamyabumenyi y’Icyiciro cya Gatatu mu bijyanye n’Ubuvuzi rusange yakuye muri Kaminuza ya Dundee mu Bwongereza. Yize icyiciro cya Kabiri muri Kaminuza y’u Rwanda mu bijyanye n’Ubuvuzi bwa muntu.

    Muri 2008-2011 yari Umunyamabanga Nshingwabikorwa wa Komisiyo y’Igihugu yo kurwanya SIDA, umwanya yavuyeho agirwa Umuyobozi Mukuru w’Ikigo cy’Igihugu cyo kurwanya agakoko gatera SIDA n’izindi ndwara z’ibyorezo.

    Kuva mu 2013, yabaye Umunyamabanga wa Leta muri Minisiteri y’Ubuzima ushinzwe Ubuvuzi rusange n’Ubuvuzi bw’ibanze, aza kuva muri izo nshingano agirwa Umuhuzabikorwa wa Porogaramu y’Igihugu Mbonezamikurire y’abana bato [National Early Childhood Development Program].

    Mu mpera z’umwaka ushize nibwo hasohotse iteka rishyiraho rikanagena Ikigo cy’Igihugu gishinzwe Imikurire no Kurengera Umwana (National Child Development Agency) cyahurijwemo inshingano zari ziri mu yahoze ari Komisiyo y’Igihugu ishinzwe abana ndetse na Gahunda y’Igihugu y’Imbonezamikurire y’Abana bato.

    Dr Asiimwe yahise agirwa Umuyobozi w’iki kigo mu gihe Mumyemana Gilbert yagizwe Umuyobozi Wungirije.

    Munyemana Gilbert afite ubunararibonye mu bijyanye n’uburezi akaba afite Impamyabumenyi y’Icyiciro cya Gatatu cya Kaminuza mu bijyanye n’Uburezi n’Ikoranabuhanga yakuye muri Kaminuza ya Witwatersrand yo muri Afurika y’Epfo.

    Yakoze mu bigo bya leta n’imiryango itayegamiyeho aho yabaye umukozi wa Kaminuza y’u Rwanda ndetse akaba n’Umuyobozi ushinzwe imishinga muri Plan International.

    Iyirukanwa rya Dr Asiimwe ryatangajwe nyuma y’amasaha make uwari Umuyobozi w’Ikigo gishinzwe Amazi, Isuku n’Isukura, WASAC, Alfred Dusenge Byigero na we yirukanywe.

    Communiqué from the Office of the Prime Minister pic.twitter.com/0d9hIifW78

    — Office of the PM | Rwanda (@PrimatureRwanda) July 2, 2021

    Dr. Anita Asiimwe wari Umuyobozi Mukuru wa Gahunda y’Igihugu Mbonezamikurire y’Abana bato (NCD) yirukanywe mu nshingano ze

    Munyemana Gilbert ni we wagizwe Umuyobozi w’Agateganyo wa Gahunda y’Igihugu Mbonezamikurire y’Abana bato