Webrwanda Backend

Author: webrwanda

  • Ikibi cye kukunesha, ahubwo unesheshe ikibi icyiza #rwanda #RwOT

    Ahubwo umwanzi wawe nasonza umugaburire, nagira inyota umuhe icyo anywa, kuko nugira utyo uzaba umurunzeho amakara yaka ku mutwe. Ikibi cye kukunesha, ahubwo unesheshe ikibi icyiza. Abaroma 12:20-21

    Twese tugire icyifuzo kigira kiti: Umpe imbaraga zinesha ikibi kandi umpe imbaraga zigendera hejuru yibyo nakorewe, ongera uti”umpe kunesha nkuko Yesu wanesheje.”

    Mugire amahoro y’Imana yacu ari we Data wa twese mwiza!

    Umwigisha: Bizimungu Innocent

    Wareba kandi n’iyi nyigisho ijyanye n’Ihame ryo kubiba no gusarura

    [email protected]

    Source : https://agakiza.org/Ikibi-cye-kukunesha-ahubwo-unesheshe-ikibi-icyiza.html

  • UBUGINGO NI GATOZI KU MANA/Imishinga yacu ntizabuza Yesu kugaruka, ese uramwiteguye? || Pst Desire #rwanda #RwOT

    Source : https://agakiza.org/UBUGINGO-NI-GATOZI-KU-MANA-Imishinga-yacu-ntizabuza-Yesu-kugaruka-ese.html

  • Gicumbi_ Rulindo: Polisi yataye muri yombi abayobozi babiri barimo banywa inzoga #rwanda #RwOT

    Abanyamabanga Nshingwabikorwa b'Utugari tubiri mu Turere twa Gicumbi na Rulindo bari mu maboko ya Polisi y'u Rwanda nyuma yo kubasanga mu tubari banywa inzoga barenze ku mabwiriza yo kwirinda COVID-19.

    Aba bayobozi babiri, bafashwe banyera inzoga mu tubari rwihishwa, barimo Umunyamabanga Nshingwabikorwa w'Akagari ka Nyagahinga mu Murenge wa Rwamiko mu Karere ka Gicumbi witwa Rurangirwa Jerome.

    Hari kandi Byamungu Martin, Umunyamabanga Nshingwabikorwa w'Akagari ka Kiyanza Murenge wa Ntarabana mu Karere ka Rulindo.

    Uriya w'Akagari ka Nyagahinga mu Murenge wa Rwamiko mu Karere ka Gicumbi witwa Rurangirwa Jerome, yafashwe ubwo Polisi yari mu mukwabu wo kugenzura iyubahirizwa ry'amabwiriza yo kwirinda COVID-19, aza gusangwa yibereye mu kabari ari kumwe n'abandi baturage bikingiranye.

    Bari mu kabari k'uwitwa Cyuzuzo J.Paul w'imyaka 24 y'amavuko ndetse n'abandi bantu batatu, bose bakaba bafashwe bakaba bafungiye kuri Polisi Sitasiyo ya Bukure.

    Naho Byamungu Martin, Umunyamabanga Nshingwabikorwa w'Akagari ka Kiyanza Murenge wa Ntarabana mu Karere ka Rulindo, we yafatiwe mu kabari k'umuyobozi w'Umudugudu wa Nyagisozi witwa Niyonsaba Vincent w'imyaka 38 na we warimo gucuruza inzoga.

    Abaturage bari muri ako kabari bahise biruka ndetse n'umuyobozi w'Umudugudu ahita atoroka n'ubu akaba agishakishwa naho Byamungu Martin, ubu afungiye kuri Sitasiyo ya Polisi ya Murambi.

    CIP Alex Ndayisenga ushinzwe guhuza ibikorwa bya Polisi n'Abaturage (Community Policing) mu Ntara y'Amajyaruguru, yibutsa ko inzego z'ibanze zifite inshingano zo kugenzura ko aya mabwiriza yubahirizwa aho kuba bamwe mu baziyobora bakwerekana urugero rubi.

    Yagize ati 'Umuyobozi akwiye kubera intangarugero abo ayobora. Uwagiye mu kabari katemewe abizi ndetse akanajyanamo n'abo ayobora biragoye ko haboneka umusaruro mwiza mu bukangurambaga turimo bwo kurwanya Covid-19.'

    Avuga ko ari yo mpamvu bariya bayobozi bafashwe, bakaba bakurikiranyweho kutubahiriza amabwiriza yo kwirinda Covid-19 ndetse no kutuzuza inshingano bashinzwe.

    Minisitiri w'Ubutegetsi bw'Igihugu, Gatabazi Jean Marie Vianney aherutse gusaba abayobozi bo mu nzego z'ibanze ko bakwiye guhozaho bigisha abo bayobora ariko kandi bakanatanga urugero rwiza mu kubahiriza ingamba zashyizweho.

    Source : https://impanuro.rw/2021/07/03/gicumbi_-rulindo-polisi-yataye-muri-yombi-abayobozi-babiri-barimo-banywa-inzoga/

  • Iryavuzwe riratashye! Imodoka iguruka nk’inde… – #rwanda #RwOT

    Amakuru yerekana ko iyi modoka-ndege yamaze gusohoka aho yanakorewe igeragezwa ikagenda mu kirere hafi iminota 40. AirCar (Imodoka-ndege) yageragerejwe ku kibuga cy’indege mpuzamahanga muri Nitra na Bratislava ho muri Slowakiya.

    Indege ya Hybrid-AirCar, ifite moteri ya BMW kandi ikoresha lisansi isanzwe nk’izindi modoka. Uwayiremye, Prof Stefan Klein, yavuze ko ishobora kuguruka nko mu bilometero 600, ku burebure bwa 2,500m, kandi ikaba yaramaze amasaha 40 mu kirere. Mu kirere, iyi modoka yageze ku muvuduko wa kilometero 170km / h. Ishobora gutwara abantu babiri, hamwe n’uburemere bw’ibiro 200. 

    Iyi modoka yogogana ikirere n’indege nk’ibisanzwe

    Source : https://inyarwanda.com/inkuru/107181/iryavuzwe-riratashye-imodoka-iguruka-nkindege-yamaze-gusohoka-yogoya-ikirere-biratinda-ama-107181.html

  • Havumbuwe ko hariho impumuro igaragaza umuntu utera akabariro nutabikora. – YEGOB #rwanda #RwOT

    Source : https://yegob.rw/havumbuwe-ko-hariho-impumuro-igaragaza-umuntu-utera-akabariro-nutabikora/

  • RIB yafunze umukozi wa REG washwe yakira ruswa ya 500.000Frw #rwanda #RwOT

    Byatangajwe n’Urwego rw’Igihugu rw’Ubugenzacyaha RIB, kuri uyu wa Gatandatu tariki 03 Nyakanga 2021 ko uru rwego rafunze uriya mutekinisiye wa REG witwa Bazimaziki Clement.

    RIB ivuga uyu muyobozi wa Tekinike (Chief Technician) muri REG yafashwe yakira ruswa y’ibihumbi magana atanu (500,000Frw) yari yasabye umukiliya.

    Urwego rw’Igihugu rw’Ubugenzacyaha rutangaza ko uriya mukozi wa REG ubu afungiye kuri sitasiyo ya RIB ya Remera mu gihe hategurwa dosiye kugira ngo ishyikirizwe Ubushinjacyaha.

    RIB kandi yaboneyeho gutanga ubutumwa igira iti 'RIB iributsa abaturarwanda ko ruswa ari icyaha kimunga ubukungu bw’Igihugu n’imitangire ya serivisi kandi kidasaza, irabasaba gutanga amakuru bahamagara ku murongo utishyurwa 2040.'

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/RIB-yafunze-umukozi-wa-REG-washwe-yakira-ruswa-ya-500-000Frw

  • Abarimo Abanya-kenya bibye Equity miliyoni 3Frw bakatiwe imyaka 8 n’indishyi ya milioni 50 #rwanda #RwOT

    Aba bantu 22 barimo Abanyarwanda 11, Abanya-Kenya 10 ndetse n’Umunya-Uganda umwe.

    Urukiko Rwisumbuye rwa Gasabo, rwabahamije ibyaha birimo ubujura bakoze muri Equity Bank Rwanda bakoresheje ikoranabuhanga aho bibye akabakaba miliyoni eshatu z’amafaranga y’u Rwanda.

    Abarigize barimo Abanyakenya 10, Abanyarwanda 11 n’Umugande umwe, urubanza rwabo rukaba rwasomwe ku wa 30 Kamena 2021, mu Rukiko Rwisumbuye rwa Gasabo.

    Bose bahamwe n’ibyaha birimo kugera mu buryo butemewe ku makuru abitswe muri mudasobwa cyangwa mu rusobe rwa mudasobwa, kugera ku makuru hagambiriwe gukora icyaha, guhindura amakuru yo muri mudasobwa cyangwa urusobe rwa mudasobwa utabyemerewe no gushyiraho umutwe w’abagizi ba nabi cyangwa kuwujyamo.

    Uretse igifungo cy’imyaka umunani bakatiwe, urukiko rwategetse ko abahamwe n’icyaha bafatanya gusubiza Equity Bank amafaranga yose yabuze angana na 2. 994.783 Frw.

    Bategetswe kandi kwishyura iyi banki amafaranga yakoresheje ku nzobere zakurikiranye iki kibazo mu 2019 ahwanye n’ibihumbi 100 Frw, ingendo zabo n’amafunguro byatwaye 1.827.100 Frw n’andi agera ku madolari 600 bakoresheje mu 2020.

    Aya yose agomba kwiyongeraho indishyi z’igihombo bateje Equity Bank kingana na miliyoni 50 z’amafaranga y’u Rwanda ndetse n’igihembo cy’umwunganizi mu mategeko [Avocat] kingana na miliyoni imwe y’amafaranga y’u Rwanda.

    Aba bantu 22 bakoze iki cyaha bafatanyije mu bihe bitandukanye aho bakoresheje ikoranabuhanga ryo kwinjira muri konti z’abantu ryitwa EmCert ID rishyirwa muri mudasobwa rikaba rishobora kubafasha kwinjira mu makuru ya Banki.

    Ubu buryo bwa EmCert ID bwafunguriwe muri Kenya kuri nimero y’umugore w’uwitwa Samuel Wachira Nyuguto ukekwa kuba ari we washinze akanayobora iri tsinda.

    Bafashwe bataragera ku mugambi nyir’izina wo gukura amafaranga kuri konti z’abakiliya ba Equity Bank bari bamaze kubonera amakuru zigera kuri 23 ariko bari bamaze gukura amafaranga kuri konti umunani muri zo angana na 2.944.283 Frw.

    Muri bo harimo abari baribye banki zo muri Uganda ndetse hakaba hari n’abari bari gushakishwa n’inzego z’umutekano z’iki gihugu.

    Uwitwa Dedan Muchoki Muriuki we yemera ko yibye miliyoni 3.6 z’amashiringi ya Uganda akoresheje simukadi za MTN ndetse akabanabikuza miliyoni 20 z’amashilingi ya Uganda akoresheje amakarita ya ATM byose mu buryo bw’ubujura.

    Source : http://www.ukwezi.rw/mu-rwanda/Abarimo-Abanya-kenya-bibye-Equity-miliyoni-3Frw-bakatiwe-imyaka-8-n-indishyi-ya-milioni-50

  • RIB yataye muri yombi umukozi wa REG wakiriye Ruswa – #rwanda #RwOT

    Kuri uyu wa 3 Nyakanga 2021 ni bwo RIB yatangaje ko uwari umwe mu ba tekinisiye bakuru [Chief Technician] muri REG, yafashwe yakira ruswa yatse umukiliya none ubu akaba afungiye kuri sitasiyo ya RIB ya Remera.

    Ibinyujije kuri twitter, RIB yasabye abaturarwanda gutanga umusanzu mu gukumira icyaha cya ruswa kuko kimunga ubukungu bw’igihugu.

    Yagize Iti “RIB iributsa abaturarwanda bose ko ruswa ari icyaha kimunga ubukungu bw’Igihugu n’imitangire ya serivisi kandi kidasaza. irabasaba gutanga amakuru bahamagara ku murongo utishyurwa 2040.”

    Amategeko ahana y’u Rwanda ateganya ko umuntu wese usaba, utanga cyangwa wakira, indonke [ruswa] iyo ariyo yose mu buryo ubwo ari bwo bwose cyangwa akemera amasezerano yabyo kugira ngo akore cyangwa adakora ikiri mu nshingano ze cyangwa akifashisha imirimo ye kugira ngo gikorwe cyangwa kidakorwa aba akoze icyaha.

    Iyo abihamijwe n’urukiko ahanishwa igifungo kirenze imyaka itanu ariko kitarenze imyaka irindwi n’ihazabu y’amafaranga y’u Rwanda yikubye inshuro kuva kuri eshatu kugeza kuri eshanu z’agaciro k’indonke yatse cyangwa yakiriye.

    Ibi bihano kandi binahabwa umuntu usezeranga gutanga ruswa mu buryo ubwo aribwo bwose kugira ngo hatangwe serivisi runaka cyangwa se kugira ngo ntitangwe.

    Uretse kuba umuntu yakora icyaha kerekeranye na ruswa kugira ngo serivisi runaka itangwe cyangwa ntitangwe, iyo agikoze kugira ngo hakorwe ibinyuranyije n’amategeko igihano kiriyongera, kikaba igifungo kirenze imyaka irindwi ariko kitarenze imyaka icumi n’ihazabu y’amafaranga y’u Rwanda yikubye inshuro kuva kuri eshatu kugeza kuri eshanu z’agaciro k’indonke yatse, yakiriye cyangwa yatanze.

    Urwego rw’Ubugenzacyaha rwatangaje ko rwataye muri yombi umukozi wa REG rumukurikiranyeho icyaha cya ruswa

  • Bwa mbere mu myaka 27 Miss Jojo yatanze ubuhamya bw’uko yarokotse Jenoside – #rwanda #RwOT

    Miss Jojo yavuze ko bimutwaye imyaka 27 kugira ngo abashe gusangiza abandi ubuhamya bw’ibyo yanyuzemo muri jenoside kuko ari cyo gihe yumva gikwiriye kuri we ndetse anishimira imyaka 27 u Rwanda rumaze rwibohoye.

    Ubuhamya bwe yabuhaye Akarere ka Bugesera n’ubundi avukamo na ko kabunyuza kuri twitter yako muri gahunda yo gutangaza ubuhamya bw’umuntu umwe kuri uru rubuga kuva gahunda y’iminsi 100 yo kwibuka itangiye.

    Yavukiye i Nyamata nyuma y’igihe gito papa we yitaba Imana, we na mama we bimukira i Kigali kubera impamvu z’akazi mama we yakoraga.

    Jenoside itangira mu 1994 yari afite imyaka 11. Icyo gihe we na mama we bari batuye ku Mumena i Nyamirambo. Indege ya Habyarimana igihanurwa ku itariki 7 Mata, Miss Jojo avuga ko yabyutse asanga mama we yazinze ibintu byose amubwira ko bagomba guhunga kuko bagiye kubica.

    Batekereje guhungira ku ishuri rya St André riherereye i Nyamirambo ndetse no kuri Kiliziya yaho, ariko baza kumenya amakuru y’uko interahamwe zamaze kuhagota, bigira inama yo guhungira ku musirikare bari baturanye.

    Yakomeje agira ati “Twagiye kwihisha ku musirikare twari duturanye. Hashize iminsi Interahamwe zigerageza kuhadusohora ngo zitwice birananirana ariko inkuru itugeraho ko abari bihishe kuri hotel y’uwo musirikare bari kwicwa ndetse dukurikiraho, duhita dusubira iwacu.”

    “Ku wa 4 Gicurasi 1994, igitero cyaje iwacu baravuga bati ‘ufite icyaha wese ajye ku ruhande’. Mama bamwaka indangamuntu bayibonye bariyamira bati ‘nta soni?’ Uwitwa Murokore aba amurashe mu gatuza, mama ntiyasamba ahita apfa. Bantunze umunwa w’imbunda nsobanura uburyo ntari umututsi nkomoka ku Gisenyi, mbona imbunda ntikinyerekeyeho ndokoka ntyo.”

    Miss Jojo yavuze ko nyuma yo kurokoka yakiriwe n’abakobwa bari baturanye bamufata nka murumuna wabo kugeza Jenoside irangiye.

    Akomeza avuga ko Jenoside yamutwariye n’umuryango mugari yari afite i Bugesera ariko abo basigaranye babashije kumuha hafi nk’umwana wahungabanye, bamufata neza ndetse bamufasha kwiyakira no kongera kwiyubaka nyuma ya Jenoside.

    Miss Jojo yavuze ko byamutwaye imyaka 27 kugira ngo avuge ubuhamya bw’ibyamuyeho muri Jenoside kubera ko yizeye neza ko u Rwanda rwibohoye kandi urubyiruko ruriho ubu rubayeho mu mahoro.

    Mu butumwa yacishije kuri Twitter yagize ati “Byamfashe imyaka 27 gusangiza abandi ubuhamya bw’ibyambayeho muri Jenoside ariko nzi neza ko ari cyo gihe cyiza kuko kinyemerera kwishyimira ‘Kwibohora 27’ nzi neza ko urubyiruko ruriho ubu rufite umutekano kandi tuzaharanira kuwusigasira- Ibyiza Biraharanirwa.”

    Yavuze ko nta kiza nko kuba mu gihugu kiyobowe n’Inkotanyi, aho umuntu aryama agasinzira yizeye umutekano we kandi akabaho nta wumuvangura mu bandi.

    Ati “Ibi bimpamiriza ko u Rwanda rufite icyizere ko rwibohoye by’ukuri! Kandi ndashimira cyane ubuyobozi bw’igihugu cyacu […] Ubuzima mbayeho uyu munsi rwose bumpa icyizere ko kwibohora twabigezeho, ko umukobwa wanjye n’abandi bana b’abanyarwanda nka we noneho bakwizera kuba mu gihugu gitandukanye n’icyo nabayemo ndi umwana.”

    Yasoje avuga ko ibyo igihugu cyagezeho bigomba gusigasirwa, abanyarwanda bakarwanya bivuye inyuma abashaka kurusubiza inyuma ndetse n’abahakana bakanapfobya Jenoside.

    Miss Jojo yavutse mu 1983, amenyekana mu Rwanda ubwo yatangiraga gukora umuziki mu 2006, gusa aza kuwuhagarika mu 2012 atangaza ko agiye mu bindi. Ubu ni umubyeyi ufite umwana n’umugabo bashakanye mu 2017.

    Miss Jojo yavuze ko byamutwaye imyaka 27 kugira ngo abashe gusangiza abandi ubuhamya bw’ibyo yanyuzemo muri Jenoside

  • Iburasirazuba: Ingo zo mu Murenge wahize indi mu gukumira ibyaha zigiye gucanirwa ku buntu – #rwanda #RwOT

    Kuri uyu wa Gatanu tariki ya 2 Nyakanga 2021 ni bwo ubuyobozi bw’Intara y’Iburasirazuba bufatanyije n’inzego z’umutekano bwahembye imirenge irindwi yahize indi mu kugira imidugudu itarangwamo icyaha muri gahunda yari yaratangijwe na Minisitiri w’Ubutegetsi bw’Igihugu, Gatabazi Jean Marie Vianney.

    Iyi gahunda yatangije tariki ya 20 Mata uyu mwaka ikaba yari igamije kugira Umudugudu, Akagari n’Umurenge bitarangwamo icyaha, abayobozi b’inzego z’ibanze basabwe guhanga udushya tugamije kurandura ibyaha aho bayobora.

    Nyuma y’amezi arenga abiri iyi gahunda itangijwe hatoranyijwe Umurenge muri buri Karere wahize indi mu kugira ibikorwa by’indashyikirirwa byo kurwanya ibyaha.

    Mu Karere ka Gatsibo, Umurenge wabaye uwa mbere ni Gasange, Bugesera ni Ruhuha, Ngoma ni Gashanda, Rwaagana ni Gishari, Kayonza ni Ruramira, Kirehe ni Nasho mu Karere ka Nyagatare ho ni Umurenge wa Karama ari na wo wabaye uwa mbere.

    Guverineri w’Intara y’Iburasirazuba, Gasana Emmanuel, yavuze ko Umurenge wahize indi yose mu Ntara bahisemo kuwutangamo umuriro uturuka ku mirasire y’izuba ku baturage bose bawutuye badafite umuriro mu rwego rwo kubahemba.

    Ati “Amarushanwa, guhiga, ubudasa no kuba indashyikirirwa ni yo ntego yacu, rwose guhigana bitera ishema n’ubutwari, binatuma habaho uburyo twerekana indangagaciro zacu, icyo bifasha mu miyoborere myiza no kwerekana ubuyobozi buhamye.”

    Guverineri Gasana yavuze ko kandi gukora udushya nk’utu bituma umutekano hagati mu baturage ucungwa neza asaba abanyamabanga Nshingwabikorwa b’imirenge gukomerezaho ngo kuko buri kwezi bazajya bagenzura banakurikirane buri Murenge kugeza mu Ukuboza ubwo bazongera gutanga ibihembo byisumbuyeho ku byo batanze uyu munsi.

    Umunyamabanga Nshingwabikorwa w’Umurenge wa Karama, Habineza Longin wahize indi mirenge yavuze ko kimwe mu byatumye bahiga abandi ari radiyo y’Umudugudu bashyizeho, aho Umuyobozi umwe atanga ubutumwa bukumvikana mu midugudu yose nyamara we ubwe yibereye ku Murenge.

    Yavuze ko ubu buryo babukoresha mu kumvikanisha gahunda za Leta ku baturage ndetse bakanabwifashisha mu kubwira abaturage ibitagenda neza mu Murenge wabo ku buryo babikosora, yavuze ko ikirenze kuri ibi banashatse umurongo utishyurwa ubahuza n’abaturage bose kuburyo ugize ikibazo bahita babimenya.

    Bimwe mu byashingiweho mu kumenya Umudugudu, Akagari n’Umurenge bitarangwamo icyaha, harimo kureba niba bafite amarondo akora, aya marondo arimo ay’umwuga yishyurwa n’abaturage ndetse n’andi ararwa n’abaturage afasha mu kurwanya ibyaha mu midugudu.

    Uretse guhemba Umurenge wahize indi ku rwego rw’Intara hanahembwe Akagari kahize utundi muri buri Karere aho kahawe ibihumbi 100 Frw, Umudugudu wahize indi muri buri Karere na wo wahawe ibihumbi 50 Frw mu rwego rwo kubashimira.

    Buri munyamabanga Nshingwabikorwa wabaye uwa mbere muri buri Karere yahembwe

    Guverineri Gasana Emmanuel yavuze ko iyi gahunda imaze gutuma ibyaha bigabanuka hirya no hino mu mirenge no mu midugudu

    Umunyamabanga Nshingwabikorwa w’Umurenge wa Karama, Habineza Longin wahize indi mirenge yavuze ko kimwe mu byatumye bahiga abandi ari radiyo y’Umudugudu bashyizeho