Author: webrwanda

Umukobwa umwe mu Nshuti zacu yaratwandikiye maze atubwira ishyano yagushije ubwo yahamagaraga umusore bakundana ku munsi w'isabukuru ye y'amavuko kugirango amutungure ndetse anamugezeho ubutumwa yamuteguriye gusa nyuma byaje kurangira amarira n'intimba bitashye umutima w'uwo mukobwa. Uti byagenze gute? Kurikira inkuru.

Umukobwa yagize ati ” Ku munsi w'isabukuru y'amavuko y'umusore dukundana tumaranye imyaka 3 nateguye ubutumwa ndi buze kunyuza kuri Radiyo mutunguye niko guhamagara kuri radiyo ngira amahirwe baramfata ndetse n'ubutumwa bwanjye ndabutanga ntanga na nimero ya telefone kugirango baze kumpamagarira cheri wanjye babumugezeho gusa nabwiye umunyamakuru ko agomba kubanza akabaza cheri wanjye izina ry'umukobwa bakundana kuko muri iki gihe kwizera abasore ijana kw'ijana biragoye. Kuri Radiyo bahamagaye cheri wanjye babanza kumubaza izina ry'umukobwa nkuko nari nabibasabye, ngo babaze cheri wanjye izina ry'umukobwa bakundana yahise asubiza ati Nkundana n'abakobwa benshi sinzi uwo mushaka ko mbabwira, ubwo nahise mba nk'ukubiswe n'inkuba nitura hasi aho narindi ntegereje uko cheri wanjye ari bwakirw ubutumwa bwanjye. Nyuma yuko ibi byose byari birangiye naje guhamagara umusore mubaza ibyo yankoze kuri Radiyo agwa mu kantu ansaba imbabazi gusa njye kuri ubu namaze kumwikuramo kuko yarampemukiye. Gusa kuri ubu uyu musore arimo kunsaba imbabazi ngo mubabarire dukomeze gukundana. Ese mubabarire? “.

Source : https://yegob.rw/umukobwa-yahamagaye-kuri-radiyo-ngo-atungure-umusore-bakundana-ku-isabukuru-ye-yamavuko-gusa-ibyo-nyamusore-yamukoreye-si-ibyi-rwanda/

Akenshi iyo umusore yatse urukundo umukobwa igisubizo cyiza aba ategereje kumva ni 'Yego',ariko ntabwo ari buri mukobwa wese uzasaba urukundo hanyuma akaguha igisubizo cya 'Yego'.

Rimwe na rimwe Umukobwa hari igihe aba atakwiyumvamo,ariko nyuma akaza guhindura ibitekerezo bye maze akaza kuguha igisubizo cyiza,na none hariho igihe aba ashidikanya muri we,rimwe akwiyumvamo ubundi wapi,mbese bikagenda bisimburana,icyo gihe uzakira igisubizo cya 'Oya'.
Bityo nabahitiyemo niba watse urukundo umukobwa bimwe mu bimenyetso 5 bishobora kukwereka niba igisubizo ari 'Yego'cyangwa 'Oya':

1.Igisubizo azaguha ako kanya

Ahanini nuko abantu badakunze kubyitaho,ariko iyo usabye umukobwa urukundo ubundi akakubwira ngo 'Nzabitekerezaho'nka 90% aba yemeye ahubwo icyo wowe uzaba usigaje nukugumya kumuba hafi,unashatse ntiwanazongera kumusaba igisubizo,Ariko nusaba Urukundo umukobwa hanyuma agahita agusubirizaho ati 'Ntibyashoboka,mfite undi mukunzi'mbese agatangira kuguha impamvu zigiye zitandukanye,wimutaho umwanya w'ubusa kuko ntabwo aba akwiyumvamo nyine.

2.Kuguhamagara kuri telephone

Iyo umukobwa wasabye urukundo akwiyumvamo,aragutelefona,akakwandikira n'ubutumwa bugufi,yewe akazajya acunga niba wamuhamagaye cyangwa hari ubutumwa bugufi wamwoherereje,Naho umukobwa wasabye urukundo iyo atakwiyumvamo uramuhamagara ntagufate yewe wamwoherereza n'ubutumwa bugufi ntagusubize,ubu bwoko bw'uyu mukobwa ashobora kuba yarakwemereye urukundo ku mpamvu ebyili-hari icyo akeneye agushakaho,cyangwa akaba yarabikwemereye bimutunguye kubera uburyo wamuhatirije.

3.Uburyo agufata

Iyo umukobwa yishimira umuhungu,anezezwa nuko amusabye urukundo,ariko iyo atakwiyumvamo,iyo umusabye urukundo,uburyo abyakira 50/50 bihita bikwereka ko igisubizo aza kuguha Atari cyiza,muri macye iyo atakwiyumvamo arakureka ubundi ukamusohokana,mukagendana,ataraguha igisubizo cya Yego,ndetse akakureka ugasesagura amafaranga yawe unamuha n'impano z'igiye zitandukanye we icyo aba agamije ni ukugushyira hasi gusa.

4. Kumuhamagara kenshi

Umukobwa utagushaka umubonera kuri Telefone;rimwe na rimwe umuhamagara inshuro esheshatu zitandukanye zose hanyuma akabona ku kwitaba,uramuhamagara akagukupa,ubundi nabwo mwaba muri kuvugana akakwitabiraho undi muntu,uko umuhamagara kenshi ni nabwo ugenda umenya niba koko uwo mukobwa akwiyumvamo bitewe n'uburyo akwitwaraho kuri telephone.

5.Ibihe bidasanzwe

Iyo usabye umukobwa urukundo hanyuma akarukwemerera,rimwe na rimwe bizaba bitew n'ibihe bidasanzwe mwagiranye,cyangwa ibihe mwagiranye ubwo mu menyana bwa mbere,ariko naguha igisubizo cya 'Oya'menya ko nta bihe mwagiranye byigeze bimushimisha.

Source : https://yegob.rw/abasore-gusa-ibimenyetso-simusiga-byakwereka-ko-igisubizo-cyumukobwa-usabye-urukundo-ari-oya-cyangwa-yego/

Source : https://agakiza.org/UMUNSI-WA-GATANU-Kuyoboza-Imana-inzira-AMASENGESHO-Y-IMINSI-10-Pastor-Desire-H.html

Kunywa amazi ni ikintu abantu bamwe bavuga ko cyoroshye, hakaba n'ubwo bagereranya ikintu cyoroshye no kunywa amazi, umuntu akaba yavuga ati 'ibyo byoroshye nko kunywa amazi', ariko hari n'abandi bavuga ko kunywa amazi ari kimwe mu bintu bibagora, bagahitamo kuyanywa ari uko bayavanze n'ibindi binyobwa nk'umutobe w'imbuto cyangwa bayatetsemo icyayi n'ibindi.Ariko impuguke mu by'ubuzima bavuga ko ari byiza ko umuntu anywa amazi akwiriye kugira ngo umubiri umererwe neza.

Nubwo bimeze bityo ariko, urubuga sante rwandika ku buzima rutangaza ko nubwo bimeze bityo,ariko ko hari igihe ushobora kunywa amazi akakugiraho ingaruka aho kukugirira akamaro.

Ese ni ryari udakwiye kunywa amazi?

Nyuma yo kurya cyane

Niba umaze gufata amafunguro ukaba wujuje igifu ntabwo ari byiza kunywa ikirahuri cyose cyamazi. Wongeyeho ibintu byinyongera mu gifu cyuzuye, birakubangamira.Bishobora gutuma wumva uhaze cyane kandi ubangamiwe kuko amazi adahuye neza n'ingano y'igifu cyawe.

Ukimara gukora siporo

Ushobora kuba uvuye mu myitozo ngororamubiri cyangwa wakoze siporo ivunanye kuba watakaje amazi kubera kubira ibyuya ukeneye ibindi binyobwa bikugarurira isukari mu mubiri bitari amazi asanzwe kugirango imyunyungugu y'ingenzi nka sodium na potasiyumu, bigaruke.

Iyo umaze kunywa amazi menshi

Ntibikunze kubaho, ariko birashoboka kunywa amazi menshi arenze urugero, ibi birashobora kugutera akaga. Iyo unyweye amazi menshi ushobora guhungabanya ikigero cy'imyunyungugu y'umubiri wawe, amazi menshi ashobora gutera kubura sodium ukaba wagira isesemi ndetse ukanaruka.

Mu gihe inkari wihagarika zihinduye ibara.

Ibara ry'inkari zawe ni ikimenyetso cyerekana niba ukeneye kunywa amazi menshi cyangwa  niba utayacyeneye. Iyo inkari zawe zisa nk'umuhondo wijimye ni ikimenyetso cyuko ukeneye kunywa amazi menshi.Iyo inkari  zisa nk'izererutse bisobanuye ko umubiri wawe ufite amazi ahagije .

Source : https://yegob.rw/igihe-udakwiye-kwibeshya-ngo-unywe-amazi/

Miss Ricca Michaella Kabahenda wegukanye ikamba rya Nyampinga w'umurage n'umuco mu mwaka wa 2019 (Miss Heritage 2019) yateye umutoma ukomeye umusore bari kumwe mu rukundo. Ni nyuma yuko Miss Ricca yari amaze gushyira hanze ifoto ye ari kumwe n'uwo musore aza kuyiherekesha amagambo agira ati ” If I had surrendered to fear, if I had given into trauma, If I had allowed my past to dictate my future, if i'd not learnt the radical act of healing and intentional genuine self love, if I'd stopped believing that I was worthy of love…. This never would have been possible. ” Grateful for GOD, Grateful for you @dennis_bayingana, Grateful for love, Grateful for us… #BR💍❤️ #blacklove “.

Miss Ricca Michaella ni umwe mu bakobwa bitabiriye irushanwa rya Miss Rwanda 2019 ndetse aza no kwegukana ikamba rya Miss Heritage 2019. Uyu mukobwa uri mu bakunzwe cyane muri Miss Rwanda 2019 kuri ubu ari mu bakurikirwa n'abantu batari bake kuri instagram ye aho abasaga ibihumbi 19 aribo bamukurikira.

Source : https://yegob.rw/umukobwa-uri-mu-bakunzwe-cyane-muri-miss-rwanda-yerekanye-umusore-barimo-kubyumva-kimwe-muri-iyi-minsi/

Uyu munsi nibwo habaye ibirori byo gufungura Imikino Olempike ya 2020 aho yabereye mu Buyapani mu Mujyi wa Tokyo ahazabera iyi mikino, aho abakinnyi b’abanyarwanda baserutse mu myambaro ya Made in Rwanda.

Ibi birori bikaba byabereye muri Olumpic Stadium, Stade nkuru muri iki gihugu aho byafunguwe n’umwami w’abami, Naruhito, hari kandi na Perezida w’u Bufaransa, Emmanuel Macron, umugore wa Perezida Zunze Ubumwe za Amerika.

Perezida wa Komite Mpuzamahanga ya Olempike yavuze ko nubwo habayeho ibibazo bikomeye mugutegura iyi mikino kubera icyorezo cya Coronavirus ariko bwa nyuma birangiye bibaye.

Ati 'murakaza mu Mikino Olempike ya Tokyo 2020. Uyu munsi ni umwanya w’ibyiringiro. Yego bitandukanye n’ibyo twatekerezaga. Bwa nyuma twese turi hano. Ni imbaraga zidasanzwe za siporo, biduha icyizere muri uru rugendo twese turi kumwe. Dushobora kuba turi hano kubera abaturage b’u Buyapani. Komite yabiteguye n’ubuyobozi bw’u Buyapani bakoze akazi gakomeye.'

'Mu izina ry’abakinnyi nshaka gushimira abaturage b’u Buyapani. Rwari urugendo rutari rworoshye, duhura n’ibibazo bitateguwe. Turashimira intwari zose, abaganga n’abantu bose bateguye iyi mikino mu gihe cy’icyorezo. Turashimira by’umwihariko ku bakorerabushake byose, muri abambasaderi b’u Buyapani.'

U Rwanda rukaba muri iyi mikino rwaserukiwe n’abakinnyi bagera kuri 5 aho bari bamaze hafi ibyumweru 3 muri iki gihugu bitegura.

Aba bakinnyi kandi bakaba baserutse mu myambaro ya Made in Rwanda yadozwe n’inzu y’Imideli ya Moshions.

Abakinnyi b’u Rwanda bariyo harimo Mugisha Moise usiganwa ku magare aho we azasiganwa mu rukerera rw’ejo ku wa Gatandatu saa 4h za mu gitondo z’i Kigali, Hakizimana John uzasiganwa muri Marathon azasiganwa tariki ya 8 Kanama.

Yankurije Marthe usiganwa metero ibihumbi 5, Agahozo Alphonsine na Maniraguha Eloi bazarushanwa mu koga bo bazakina tariki ya 30 Nyakanga 2021. Iyi mikino izasozwa tariki ya 8 Kanama 2021.

Agahozo Alphonsine na Yankurije Marthe

Agahozo na Hakizimana John nibo batwaye ibendera

Bari baberewe mu mwambaro wa Moshions

Yankurije Marthe usiganwa metero ibihumbi 5

Umugore wa Perezida wa Amerika, na we yari ahari

Perezida wa IOC, Thomas ubwo yavugaga ijambo rifungura iyi mikino

Umwami Naruhito avuga ijambo

Perezida w’u Bufaransa Emmanuel Macron

Source : http://isimbi.rw/siporo/article/abanyarwanda-baserutse-mu-myambaro-ya-made-in-rwanda-mu-birori-byo-gufungura-imikino-olempike-amafoto

Nyuma y'amasaha make indirimbo nshya ya Meddy yise My Vow igiye hanze kuri ubu imaze kurebwa n'abantu basaga ibihumbi 130. Mu bitekerezo byatanzwe n'abarebye iyi ndirimbo ku rubuga rwa YouTube bagiye bavuga ibyiyumviro byayo nyuma yo kumva iyi ndirimbo gusa umwe mu batanze ibitekerezo yarwaje abantu imbavu ndetse na Meddy yagarutse ku gitekerezo yatanze.

Uyu witwq Clément yagize ati ” The people who disliked this song should get their covid test because one of the main symptoms is no taste 👅 “ ugenekereje mu Kinyarwanda bishatse kuvuga ngo ” Abantu batakunze iyi ndirimbo bagomba kwipimisha Covid-19 kubera ko kimwe mu bimenyetso ni ukutagira ibyiyumviro “.

Meddy abinyujije kuri story ya instagram ye nawe yerekanye abamukurikira iki gitekerezo cyatanzwe na Clément maze agiherekesha amagambo agira ati ” For real😂 “.

Source : https://yegob.rw/abatayikunze-bafite-ibimenyetso-bya-covid-19-ibyavuzwe-nabafana-ba-meddy-kuri-youtube/

Abakurikiranira hafi imbuga nkoranyambaga ndetse n'imyidagaduro mu Rwanda muri rusange batangije ubukangurambaga bwo gusaba Kwizera Olivier kwisubira ku cyemezo cyo gusezera burundu umupira w'amaguru nkuko yabitangaje ejo.

Abakoresha Twitter batangije hashtag ziswe #PleaseGaruka na #KwizeraGaruka mu rwego rwo gusaba Kwizera Olivier ko yakwisubira ku cyemezo yafashe.

In the shortest period time possible I had started picking interest in football, he was one of my favorite goal keepers .the way I feel hurt by his quitting the career 😭😭 ,now I seriously admit that football Is a drug among many others,anyway good luck ahead in your endeavors. pic.twitter.com/CyYyeSYM7n

— Jolly Mutesi. #TeamPK (@JollyMutesi) July 22, 2021

Abashaka ko umuvandimwe #OlivierKwozera agaruka ndabakeneye!!

Niba wifuza ko Olivier agaruka mu kibuga dukoreshe iyi Hastag #PleaseGaruka
Designer : @machadpro#TrustMe pic.twitter.com/A4BYEx1mxo

— Luckman Nzeyimana (@LuckyIbnMiraj) July 22, 2021

Twagiye n'iyi hashtag

Abumvako ataricyo gihe kuri Kwizera Olivier ngo asezere kuri ruhago…twagiye 😭

#KwizeraGaruka

— @UwimanaClarisse (@uwimaclarisse) July 22, 2021

 

Source : https://yegob.rw/kuri-twitter-hatangijwe-ubukangurambaga-bwo-gusaba-kwizera-olivier-kwisubira-ku-cyemezo-yafashe/

Hari ibintu abakobwa bakundira abasore nabo ubwabo badashobora gusobanura. Ikindi ni uko niyo banabizi batatinyuka kubivugira mu ruhame, kuko bimwe na bimwe usanga bitangaje.

Abakobwa bakunda abasore bagira ibanga

Ibi nabyo biratangaje ariko niko bimeze. Abakobwa baba bashaka kumenya buri kantu kose ariko iyo ntaho ubahishe uba wabizambije.

Ntuzigere rero uva imuzingo mu gusubiza ibibazo by'umukobwa. Si ngombwa kumubwira buri gihe uwo mwavuganaga kuri telefoni. Musubize ko ari umuntu w'inshuti bizaba bihagije.

Ntumwemerere kandi ko areba nimero zose z'abantu watelefonnye uwo munsi. Nubimwemerera ashobora kukubaza buri wese icyo mwavuganye n'umubano mufitanye. Byarimba akakubaza na gahunda mufitanye mu minsi iri imbere.

 Abakobwa bakunda abasore beza

Nubwo ubwiza bw'umuntu buhabwa agaciro n'umureba kandi bukaba butagibwaho impaka, ibyo aribyo byose abagore bakunda umugabo usa neza. Gusohokana n'umusore cyangwa umugabo abagore bose bahindukirira ni ishema ku mugore wese.

Abagore bakunda abasore beza kuko baba banatekereza ku bana bazabyarana nabo.

Niba rero wowe musore waravutse udafite isura ikurura abagore, byaba byiza wirwanyeho wambara neza kandi ukagaragaza ko usobanutse muri byinshi.

Abakobwa bakunda abasore bafite kashi. 

Si ukubeshya rwose abagore bakururwa n'ubukire. Ngo nta ” je t'aime inzara igutema amara ” aka wa mugani w'umuhanzi Mwitenawe.

Umugore ni ikiremwa muntu, kandi ntawe utifuza kumererwa neza mu buzima. Ubutegetsi rero n'amafaranga byoroshya ubuzima, ari nayo mpamvu bikurura abakobwa cyane.

Source : https://yegob.rw/dore-ibintu-bikurura-abakobwa-ku-musore/