Webrwanda Backend

Author: webrwanda

  • Muhanga: Barinubira ruswa mu itangwa ry'ibyangombwa by'ubutaka n'imyubakire #rwanda #RwOT

    Abagana ibiro bishinzwe ibikorwaremezo, imiturire  n'imikoreshereze y'ubutaka (one  stop center) mu Karere ka Muhanga, baravuga ko ubigannye aba agomba kwibwiriza agatanga ruswa kugirango abone ibyangombwa byo kubaka cyangwa gusana inzu. Nubwo bazi neza ko gutanga no kwakira ruswa bihanwa n'amategeko, ngo nta mahitamo yandi baba bafite.

    Umwe mu basabye iyi serivise agatanga ruswa, ku izina rya Rutaganzwa twamuhimbye ku bw'umutekano we, ahamya ko kugira ngo abone ibyangombwa yashakaga byamusabye gutanga ruswa y'amafaranga asaga ibihumbi 300 kugirango abashe kubona ibyangombwa byo kubaka inzu.

    Yagize ati' Nashatse kubaka inzu muri ibi bice by'uyu mujyi ariko hari mugenzi wanjye wampuje n'abatanga ibyangombwa mu biro by'ubutaka ambwira ko kugirango mbashe kubona ibyangombwa ngomba gutanga amafaranga ibihumbi 200 ku mukozi wo muri iki kigo gusa sinigeze mbonana nawe kuko hari uwayamushyiriye nawe wayafashe aho nayashyize.

    Undi twahaye izina rya Mukakarera ku mpamvu z'umutekano we, yemeza ko hari benshi basaba ibyangombwa bigafata hafi amezi 2 batarabibona, nyamara ngo ugasanga hari abandi babibona mu gihe gito bakubaka, wowe ukazaza kubaka abandi baratashye inzu kandi mwarasabiye rimwe ibyangombwa.

    Kuki abakozi bo mu biro by'ubutaka bitana bamwana ku bivugwa bya ruswa?

    Umwe mu bakozi bakorera muri ibi biro by'ubutaka by'Akarere ka Muhanga wemeye kutuvugisha, nawe avuga ko ibivugwa abyumva, ko bamwe mu bakozi bakorana bavugwaho gufata indonke (ruswa) ndetse ngo ugasanga hari abahora babwirwa ko bafata ruswa kugirango borohereze abagana ibi biro kubona ibyangombwa byabo.

    Umuyobozi w'Ishami ry'ibikorwaremezo, imiturire n'imikoreshereze y'ubutaka, Nzabonimpa Onesphore avuga ko hari serivisi nyinshi zihatangirwa bityo ngo kuyitanga byashoboka nubwo atabyemeza neza. Gusa yibutsa abasaba ibyangombwa ko bitaboneka mu munsi umwe, ko bishobora no gufata amezi 3 kuko ngo hari ukwezi ko kugabamya ubutaka, ukundi ko guhererekanya ubutaka ku babuguze n'ukundi ko kuzuza ibyo usabwa kugira ngo ubashe kubona ibyo usaba.

    Si ubwa mbere muri iki kigo havuzwemo ibijyanye na ruswa kuko hari n'abakozi bagiye bahindurirwa serivisi bakoragamo ndetse bakajyanwa ahandi, hakaba n'abandi bagiye basezererwa kubera kuvugwaho ruswa, abandi bagasezera akazi bitewe no guhozwa ku nkeke n'abakira ruswa cyangwa n'abashaka kuyakira. Nubwo muri iki kigo havugwa ruswa kuri bamwe mu bakozi, abayitanze bose ntibagaragaza uyihabwa.

    Akimana Jean de Dieu

    Source : https://www.intyoza.com/muhanga-barinubira-ruswa-mu-itangwa-ryibyangombwa-byubutaka-nimyubakire/

  • 🔴 LIVE: IGITARAMO 28: Ni ukuri kugirirwa neza n’imbabazi, bizanyomaho iminsi yose nkiriho || Pastor Desire H. #rwanda #RwOT

    Source : https://agakiza.org/????-LIVE-IGITARAMO-28-Ni-ukuri-kugirirwa-neza-n-imbabazi-bizanyomaho-iminsi-8302-8302-8302-8302-8302-8302-8302-8302-8302-8302-8302.html

  • Ni umuntu utagira ishyari nubucakura, ahara… – #rwanda #RwOT

    Abazi Michael Sengazi kuva mu bwana, bemeza ko yavukanye impano yo gutera urwenya. Uwitwa Blaise Ikoriciza wamamaye nka Rasko uzi imikurire ya Sengazi, yemeza ko bwa mbere Sengazi yageze ku rubyiniro mu mwaka wa 2011 mu gihugu cy'u Burundi icyo gihe ngo yagaragaje impano ihambaye abantu baranyurwa.

    Byaje no kurangira Rasko ariwe umubereye umujyanama mu mwuga akora. Uwitwa Kigingi, umunyarwenya wamamaye muri Bujumbura, bakuranye bakanakorana, yagize ati: 'Ni umuvandimwe wanjye, namubonye akura ni nawe watumye mbasha kwinjira mu kibuga.'

    Ibyo aba bagiye batandukana bagiye bavuga mu bihe bitandukanye ntibinyuranye cyane n'ibyo umunyarwenya Babou yatangaje mu kiganiro yagiranye n'INYARWNDA aho yatangiye agira ati: 'Mu by'ukuri icyo navuga ni uko Michael ashaje.'

    Michael Sengazi mu mwaka wa 2017  asusurutsa abakunzi b’u Rwenya

    Aho yavugaga ku isabukuru y'amavuko akomeza agira ati: 'Kuri ubu ari kubarizwa muri Bujumbura aho yagiye mu bitaramo afite we na ba Kigingi.' Yongeraho ati: 'Byange bikunde ni ibitaramo yateguye yifuzaga ko byahura n'isabukuru ye y'amavuko.'

    Kubijyanye n'igihe yahuriye na Michael,  Babou asubiza agira ati: 'Mukuru wanjye yari yantwaye ahantu hitwa ishusho art center kacyiru hari nko muri 2009 cyangwa 2010, nakoraga comedy ariko mu rusengero, arabwira ngo tugende duhure n'abandi banyarwenya.'

    Agaragaza ko bahageze Michael yari yatinze ati: 'Twarahageze duhura na Jerome, Michael we yari yatinze ariko aje anyura aho nari nicaye muteye umugongo asanga ninjye uri kuvuga anyuraho ahindukiye ambonye aratungurwa ahita avuga ngo aka kana niko gafite urujwi rungana gutyo.'

    Babu yongeraho ko atari amuzi agahita agwa mu kantu nyamara akaza gusanga ariwe uyoboye abivuga agira ati: 'Ndibaza umuntu utanze igitecyerezo ku ijwi ryanjye ni nde? Ngiye kubona mbona nawe aricaye ahita avuga ngo noneho mutwereke ibyo mushoboye.'

    Akomeza agira ati: 'Tujya ku rubyiniro, atangira kudukosora.'  Ati: 'Michael rero naje gusanga ari umuntu w'inararibonye kandi utameze nk'abandi, utagira ishyari n'ubucakura bwo kumva yagutwara ibintu byawe wakoze'.

    Yagize ati: 'Michael natangiye kubona ari wa muntu ukugira inama agashaka ko ibintu byawe birushaho kugira imbaraga.  Hari abandi bo rero bahita bumva ibintu byiza bakumva babisubiza inyuma cyangwa bakanakwiba igitecyerezo cyawe ariko we aba ashaka ko watera imbere.'

    Akomeza yerekana ko kuva ubwo bagiye bamenyana, bajyana iwabo i Burundi bakorayo ibitaramo, basura umuryango wabo noneho se umubyara nawe agira ngo urwenya mpuzamahanga nyina nawe akaba umubyeyi mwiza.

    Noneho rero kandi nk'uko Babou akomeza abivuga, Michael arasabana cyane ndetse ugasanga aravugisha abantu abonye bwa mbere nk'aho basanzwe baziranye urugero atanga ni nk'iyo mujyanye guhaha aba avugana n'abacuruzi nk'aho bamenyanye mu myaka itanu ishize.

    Michael afite impamyabumenyi mu bijyanye n’amategeko (Ni Umunyamategeko)

    Mu busanzwe rero Michael Sengazi yavutse kuwa 16 Kanama 1989, yavukiye mu gace ka Mutanga mu gihugu cy'u Burundi. Avuka ari umwana wa gatanu mu muryango w'abana barindwi, se umubyara ni umurundi nyina akaba umunyarwandakazi.

    Amashuri abanza n'ayisumbuye yose yayasoreje mu murwa mukuru w'u Burundi, Bujumbura, mu kigo kitiriwe Mutagatifu Archange. Mu mwuga wo gutera urwenya, yitabira ibikorwa bitandukanye birimo nk'iserukiramuco ryabereye muri Congo Kinshasa agasetsa abarenga 6000.

    Babu uvuga ko yamenyanye na Michael Sengazi cyera akamusangana impano irenze urwenya ariyo gusabana no gushaka icyateza umuntu imbere

    Muri iri serukiramuco muri Congo, byabaye ngombwa ko iminota Michael yari ateganirijwe bayongera bitewe n'uburyo abafana bari bizihiwe, aho kuba mirongo 30 ikagirwa mirongo 45. Nyuma yaho yaje gukomeza kwitabira amaserukiramuco anyuranye arimo nk'iryabereye mu gihugu cya Switzerland n'ahandi hanyuranye mu Burundi no mu Rwanda.

    Mu banyarwenya akunda urugero harimo uwitwa  Gad Elmaleh, Steve Harvey, Dave Chapelle, Bill Cosby, Guy Bedos, Dieudonné n'abandi .

    Michael Sengazi, yaje kwegukana icyiciro cya 5 cy'amarushanwa ya Radiyo y'Abafaransa RFI yabaye kuwa 07 Ukuboza 2019 yegukana amayero 4000.

    Michael Sengazi na Babu, abanyarwenya bakomeye kandi bamaze imyaka myinshi baziranyeUbwo Michael yagezaga i Kigali igihembo cya Prix Talents du Rire 2019

     

    Source : https://inyarwanda.com/inkuru/108672/ni-umuntu-utagira-ishyari-nubucakura-aharanira-iterambere-ryabandi-ubuzima-bwa-michael-sen-108672.html

  • Iyo ategetse biratungana: Gentil Misigaro na… – #rwanda #RwOT

    Gentil na Rhoda bibarutse umwana wa kabiri nyuma y’amezi 11 bibarutse imfura yabo bise Abraham Misigaro wabonye izuba tariki ya 4 Nzeri 2020, ibisobanuye ko umwaka utari wagashize kuko habura iminsi 18 imfura yabo ikizihiza isabukuru y’umwaka umwe. Umwana wabo w’ubuheta bamwise Asaph Misigaro. Gentil Misigaro yanditse kuri Instagram amagambo y’ishimwe atangizwa n’ari mu ndirimbo ye ‘Biratungana’ mu kubwira abantu ko Iyo Imana itegetse bitungana. Ati “Iyo ategetse biratungana, twishimiye kwibaruka umwana wacu wa kabiri mu muryango wacu. Imana ni nziza”.

    Ubutumwa Gentil Misigaro yanyujije kuri Instagram

    Mu kiganiro na InyaRwanda.com, umuramyi Gentil Misgaro yagaragaje ko afite ishimwe rikomeye ku Mana yabahaye umwana mwiza w’umuhungu uje usanga undi nawe w’umuhungu bibarutse umwaka ushize mu mpera za 2020. Yagize ati “Imana iduhaye umwana mwiza w’umuhungu muri iki gitondo (ku isaha yo muri Canada), mudufashe gushima Imana. Asaph aje ari umwana wa kabiri mu muryango wacu”.

    Gentil na Rhoda bamaze kwibaruka umwana wa 2 bise Asaph

    Uyu mwana bamwibarutse mu buryo butunguranye na cyane ko hashize amezi macye bibarutse imfura. Bitandukanye na mbere aho bagaragarije abakunzi babo ku mbuga nkoranyambaga amafoto ya Rhoda akuriwe yitegura kwibaruka imfura, kuri ubu nta makuru bigeze batangaza ku mbuga zabo y’uyu mwana wabo wa kabiri. Ikindi ni uko benshi mu nshuti zabo ndetse n’abatuye mu gace batuyemo ka Vanvouver, ari mbarwa bari bazi ko Rhoda atwite nk’uko amakuru agera ku InyaRwanda abihamya.

    Kugira ibintu ubwiru si bishya kuri uyu muryango wa Gentil na Rhoda kuko tariki 1 Werurwe 2019 ubwo Gentil Misigaro yakirwaga i Kanombe ku kibuga cy’indege n’umukunzi we Rhoda nyuma y’imyaka myinshi bari bamaze batabonana, nabwo byabaye mu bwiru bukomeye kuko ifoto ibagaragaza bari kumwe i Kanombe yafotowe gusa na InyaRwanda.com kuko bari bagerageje kubihisha itangazamakuru ryari rimaze kubaha ikaze mu Rwanda.

    Ubwo Gentil Misigaro yakirwaga na Rhoda Misigaro i Kanombe u 2019

    Gentil Misigaro akunzwe cyane mu ndirimbo: ‘Biratungana’, ‘Buri munsi’ yakoranye na Adrien Misigaro, ‘Umbereye maso’ yakoranye na Nice Ndatabaye, n’izindi zijyana benshi mu Mwuka. Ni umuhanzi ufite izina rikomeye cyane mu muziki wa Gospel yaba mu Rwanda no muri Diaspora nyarwanda.

    Ubwo yibarukaga imfura ye, yayihanuriye kuzaba umukozi w’Imana udasanzwe ari nayo mpamvu yamwise Abraham. Yagize ati “Twishimiye cyane impano idasanzwe Imana iduhaye kuri uyu munsi. Iduhaye umwana w’umuhungu mwiza, ufite ubuzima bwiza. Azaba umukozi w’Imana udasanzwe, niyo mpamvu twamwise Abraham”.

    Gentil na Rhoda hamwe n’umwana wabo wa kabiri w’umuhungu

    Tariki 16 Werurwe 2019 ni bwo Gentil Misigaro yasezeranye kubana akaramata n’umukunzi we Rhoda Misigaro mu muhango wabereye mu rusengero New Life Bible Church ku Kicukiro mu Mujyi wa Kigali, basezeranywa na Pastor Aaron Ruhimbya wa ERC Kimisagara. Ubukwe bwabo bwari ibirori byiyongereye ku bindi dore ko kuri iyo tariki ari nabwo Rhoda yizihiza isabukuru y’amavuko.

    Akoresheje ijwi rye, Gentil Misigaro yagize ati “Uri umukobwa mwiza umeze nk’abamarayika. Isabukuru nziza mugore wanjye kuri uyu munsi w’ubukwe.” Ubu bukwe babukoze nyuma y’icyumweru kimwe Gentil Misigaro akoreye mu Rwanda igitaramo cy’amateka ari nacyo cya mbere yari ahakoreye. Muri iki gitaramo cyabaye kuwa 10 Werurwe 2019 kikabera mu ihema rya Camp Kigali ni bwo Gentil Misigaro yerekanye bwa mbere umukunzi we Rhoda baburaga iminsi micye bakarushinga.

    Gentil Misigaro na Rhoda mu gitaramo gikomeye yakoreye i Kigali

    Ni igitaramo kitazibagirana mu mateka dore ko cyahembuye imitima ya benshi, cyikitabirwa n’abantu benshi cyane barimo n’ab’ibyamamare nka King James, Apotre Masasu, Patient Bizimana, Israel Mbonyi, Uncle Austin, Alex Muyoboke, Kavutse Olivier, Miss Shanitah n’abandi. Rhoda wa Misigaro ni umuririmbyi ariko ntakunze kugaragara mu ndirimbo z’umugabo we, icyakora yigeze kugaragara yitwa ‘Uwaneshereje’ yahurijwemo abanyempano mu kuririmba bo mu muryango w’umugabo we.

    Ni indirimbo yanditswe n’ababyeyi ba Gentil Misigaro mu 1986 mbere y’uko bibaruka abana babo. Iyi ndrimbo yagiye hanze kuwa 25 Nyakanga 2020 isohokana n’amashusho yayo. Ni yo ndirimbo ya mbere Rhoda yagaragayemo dore ko atari yagaragara na rimwe mu ndirimbo z’umugabo we umwe mu bahanzi b’ibyamamare mu muziki wa Gospel. Amashusho y’iyi ndirimbo agaragaramo abantu 10 bo mu muryango wa Bishop Dr Mutabazi Shadrack se wa Gentil Misigaro.

    Gentil Misigaro akikiye ubuheta bwe na Rhoda

    Ubwo Rhoda yiteguraga kwibaruka ubuheta bwe na Gentil

    Gentil na Rhoda ku munsi w’ubukwe bwabo

    Gentil na Rhoda mu byishimo byinshi hamwe n’imfura yabo

    Ubwo Rhoda yari atwite imfura ntabwo babigize ubwiru kuko babitangarije abakunzi babo ku mbuga nkoranyambaga

    REBA HANO ‘UWANESHEREJE’ IGARAGARAMO RHODA UBWO YARI AKURIWE

    REBA HANO INDIRIMBO ‘BIRATUNGANA’ YA GENTIL MISIGARO

    Source : https://inyarwanda.com/inkuru/108671/bitunguranye-gentil-misigaro-na-rhoda-misigaro-bibarutse-ubuheta-nyuma-yamezi-11-bibarutse-108671.html

  • Imodoka nshya yaguze, ibyo kuba yari yambaye… – #rwanda #RwOT

    Babou umenyerewe mu bitaramo bitandukanye by'urwenya, mu gutunganya umuziki no kwandika, wemeza ko kandi yaje gusanga afitanye isano na Fiona, n'ubwo atabashije kwitabira ubukwe bwabo, yatangaje byinshi ku bukwe bwa Nkusi Arthur na Miss Fiona Muthoni Naringwa.

    Mu kiganiro kirambuye yagiranye na INYARWANDA, Babou yatangiye avuga ko mbere y'uko ubukwe bwa Nkusi Arthur bujya kuba bari kumwe agira ati: 'Mbere y'uko akora ubukwe twari  kumwe kimwe  na Michael n'uwitwa Jerome, n'ubwo ntabashije kujya mu bukwe ariko Fiona ni mubyara wanjye.'

    Akomeza atsindagira ibyo kuba mubyara wa Fiona agira ati: 'Ni ukuri ni mubyara wanjye, ibaze ko ntabihisemo ntanabigizemo uruhare ariko twaje gusanga dufitanye isano, rero ni umuryango. Sinabashije kujyayo bitewe kandi n'ibihe turimo ariko nzakomeza kubaba hafi kandi ndabishimiye cyane.'

    Babou, kubijyanye no kuba yaba yarabashije kubona amafoto dore ko kugeza n'ubu atagaragara hanze, yagize ati: 'Byabaye ibintu bikaze nanjye byangezeho sindayabona, gusa abantu bambwiye ko bwari ubukwe bwiza cyane ndetse ngo yaguze n'imodoka nshya.'


    Yongeraho ati:'Gusa nkeneye kuyibona niba yaba yarazanye n'ubukwe.' Ku kibazo cyo kuba Nkusi Arthur yaba yaraserukanye mu bukwe ikote ry'icyatsi asanzwe yambara mu kazi kimwe n'ishati yasubije agira ati: 'Ikote ry'icyatsi.'

    Amaze guseka ati: 'Ariko na none bivuze ko ariwe wiyambika. Areba mu kabati k'imyenda urumva ko atari babandi bambikwa n'abandi bantu.' Yongeraho ko ariko nibongera guhura kiri mu bibazo azamubaza.

    Ku kuba Nkusi yaba nawe yari ari muri wa mujyo wa ya mvugo y'iyi minsi y'uko 'ntagikwe', yasubije agira ati: 'Njye Nkusi Arthur muzi mu buzima busanzwe uvanyemo ibintu bya radiyo, Fiona bamaranye igihe kinini cyane, rero umuntu uzi Arthur n'igihe abantu bari bazi ko nta mukunzi; yari kumwe na Fiona bityo n'iyo twakumva abivuga twabaga tuzi ko ari imikino.'

    Babou akomeza agira ati: 'Ku bantu bamuzi bari bazi ko Fiona ahari bityo rero ikibazo cyari wowe ni ryari? Kuko nyine bo ntibifuzaga ko abantu bamenya ibyabo ku mbuga nkoranyambaga, bahisemo inzira y'ibanga kandi ni ikintu cyiza.'Aha ni mu mwaka wa 2015 Babou ku rubyiniro rumwe na Nkusi ArthurUbukwe bwa Nkusi Arthur na Miss Fiona Muthoni bwabaye kuwa 14 Kama 2021 buhuriranye n’umunsi w’isabukuru y’amavuko ya Fiona, ziba inzozi uyu mukobwa yakabije nk'uko yahoze abirotaGufata ifoto kubantu bitabiriye ubu bukwe ni ikintu cyaziraga n'ubwo nk'iyi ari uwarenze kumabwiriza akayifatira kure. Iri kote rero Nkusi Arthur yambaye rikaba risa n'iryo yari asanzwe ajyana mu kaziAha hari mbere Nkusi Arthur yambaye ikote bisa nk'aho ari naryo yari yambaye ku munsi w’ubukweMu kiganiro na mubyara wa Fiona, Babou, yavuze ko yumvise ko ubukwe bwa Nkusi bwaba busize aguze n’imodoka nshya

     

    Source : https://inyarwanda.com/inkuru/108669/imodoka-nshya-yaguze-ibyo-kuba-yari-yambaye-ikote-nishati-asanzwe-ajyana-mu-kazi-babou-yat-108669.html

  • Abasore gusa: Rekeraho gushaka urukundo uyu n… – #rwanda #RwOT

    Uko uzagenda ukura rero uzagenda wibanda ku bintu ubona ko bigufitiye akamaro cyane ndetse rimwe na rimwe ubiteho umwanya munini cyane. Uzagera igihe wumve utangiye gukunda cyangwa se utangiye gukenera gukundwa. Hari ubwo 'uzumva wanareka ibintu byose wakoraga ariko wiyegurire umutima w'umuntu ukunda cyane'. Gusa, urukundo siko ruhira bose ndetse n'abo ruhira, siko byose biba ari 'paradizo' igihe cyose. 

    Hari bamwe rero babona 'imbogamizi' zije bakaba bahitamo 'kuva mu rukundo' barimo bagatangira bundi bushya urundi rugendo rw'urukundo nyamara ntibamenye ko mu buzima ari ibintu bibaho. Ubuzima bugizwe n'ibyishimo ndetse n'umubabaro. Niko abatubanjirije babayeho, niko turi kubaho kandi ni nako n'abazadukurikira bazabaho. Abantu rero bakunda 'kuva mu rukundo' kubera uburyo banzwe cyangwa bababajwe, gusa sicyo cyakabaye igipimo cy'ukuri cyagatumye uva mu rukundo.

    Urukundo akenshi ruragutungura rukagusaba gufata igihe wiruka ndetse rukanga no kuza munzira yawe, rukanga kukwegera , mbese muri make rukaguhunga. Iyo bigenze gutyo rero abenshi babivamo bagakomeza ubuzima bwabo. Uyu mukobwa rero niba umufite, rekera aho gukomeza gushaka urukundo hirya yawe.

    Ahari wabaye umunyamahirwe akomeye , ufite umuntu ugukunda n'umutima we wose, ariko kubera ko ukiri umusore uri kumva ko ukeneye kugera hano na hariya, cyangwa urumva udakeneye kunaniza umutwe wawe, musore rekera aho kuko 'icyiza kiza rimwe'.

    Niba ushidikanya ko urukundo ufite ari urwa nyarwo cyangwa niba ukeneye gutekereza urukundo, soma iyi nkuru neza.

    1.Nta gutuza mugira mu rukundo rwanyu

    Buri mwanya muba mufite utuntu two kuvugana, mbese bisa n'aho mwifitemo rukuruzi. N'iyo mutuje, wowe ubwawe uba wumva hari ikibura, uba wumva udatuje neza. Buri kimwe kiba gitangaje, gisekeje iyo muri kumwe, kabone n'ubwo byaba bitanashishikaje.

    2.Mwembi mwumva ntakibazo mutewe no gusabana imbabazi mu gihe biri ngombwa.

    Ese ntuzi uburyo kugira ubwiyemezi bifatwa nk'ubutwari kuri bamwe nyamara ari ubugwari? Kubera ko rero uzi ko nta muntu w'intungane ubaho, iteka wumva kumusaba imbabazi ntacyo bigutwaye. Uzi neza ko icyubahiro kizatuma ubura uwo wakunze nta cyo kimaze. Niba ari uko wiyumva rero, uwo ni we.

    3.Ntabwo mugarura ibyashize

    4.Ufite byinshi bimukwibutsa

    Iteka wisanga uri kumutekereza cyane kabone n'ubwo mwaba mutari kumwe.

    5.Uzisanga wumva mwagumana igihe cyose ufite

    Uba wumva mwamarana igihe, yabaye uw'ingenzi kuri wowe.

    6.Umwitaho ndetse ukamuha umwanya wose.

    Iyo watangiye kwita ku muntu ni uko uba wumva udashaka ko umubano wanyu ugenda gutyo gusa, uba wumva ushaka guha umwanya urukundo mufitanye.

    7.Uhinduka umuntu mwiza ubitewe n'uko muri kumwe.

    Uhindura imico yawe, urahinduka nawe ukiyumvamo ko wabaye umwana mwiza. Uzi neza ko uyu muntu asobanuye byinshi kuri wowe.

    8.Muhana umwanya kuri buri muntu kuba we ubwe

    9.Muba mutangaje iyo muri kuganira kuhazaza hanyu

    Iyo mwembi mwicaye muri kuganira kuhazaza hanyu, muba mutangaje mureba cyane. Bigaragaza ko mwembi mwizerera mu mubano mufitanye.

    Inkomoko: Relrules

    Source : https://inyarwanda.com/inkuru/108670/abasore-gusa-rekeraho-gushaka-urukundo-uyu-ni-uwa-nyawe-kuri-wowe-108670.html

  • Musanze: Polisi yafashe Bane mu bacyekwaho kwica Habimana Gadi #rwanda #RwOT

    Uwitwa amazina Sammy Celestin kuri Twitter, yanditse ubutumwa bwuzuye umubabaro asa n'utabaza inzego zibishinzwe avugira umuryango wa Habimana Gadi ko kuva yava mu rugo agiye Mu Karere ka Burera Kugurisha Mudasobwa, kuva icyo gihe kugeza ubu ntawuzi aka nunu kuyu musore.

    Yagize ati”Ku wa Gatanu w'icyumweru gishize 13/08/2021 ni bwo hamenyekanye amakuru y'ibura ry'umusore wo muri @MusanzeDistrict witwa Gad Habimanaul uri mu kigero cy'imyaka 21″


    Gad bivugwa ko ari mukigero cy'imyaka 21

    Yakomeje avuga ko kuri uwo munsi aribwo yavuye mu rugo i wabo mu Karere ka Musanze yerekeje mu karere ka Burera ahazwi nka Kidaho. ati“Bivugwa ko uwo munsi ari bwo yavuye mu mujyi wa Musanze, agiye ahitwa #Kidaho ho mu karere ka @BureraDistrict ajyanwe no kugurisha machine (laptop), iwabo bategereza ko ataha baraheba batangira kurangisha.”

    Uyu watanze amakuru yakomeje avuga ko kuva Nyakwigendera yagenda bakomeje kumuhamagara ntibikunde ndetse baranamutegereza baraheba.

    Mu gihe bari bari kumushakisha, ngo bahuye n'umusore wari ufite imyenda na telefone ya nyakwigendera ari kuyigurisha bamubajije aho ari abasubiza ko yishwe akajugunywa mu musarane.

    Ati”Amakuru avuga ko umuryango we wakomeje kumushakisha kugeza ubwo uyu munsi babonye umuntu ufite téléphone n'imyenda bya Nyakwigendera agiye kubigurisha bamubajije aho nyirabyo ari avuga ko ngo yishwe akajugunywa mu musarani, ariko ukuri mpamo ntikuramenyekana”

    Polisi y'igihugu ibinyujije ku rukut rwayo rwa Twitter, yasubije uyu Celestin ko bamwe mu bagize uruhare mu kwica nyakwigendera bamaze gufatwa.

    Iti”Muraho,

    Twafashe abantu bane bakekwaho kugira uruhare mu rupfu rwa Habimana Gad bakaba bafungiye kuri Sitasiyo ya Polisi ya Muhoza mu gihe hagikorwa iperereza. Murakoze”

    Iperereza rirakomeje kugira ngo harebwe niba ntabandi bagize uruhare muri iki gikorwa Kigayitse.

    Source : https://umuryango.rw/amakuru/article/musanze-bivugwa-ko-yishwe-akajugunywa-muri-wese-polisi-yafashe-bane

  • Rocky Kirabiranya yakoze Ubukwe? Cyangwa ni Indirimbo? {AMAFOTO} #rwanda #RwOT

    VIDEO: UBUKWE BWA ROCKY KIRABIRANYA? BENSHI BAGUYE MUKANTU||UYU MUSORE NTASANZWE

    Amafoto yakwirakwijwe hirya no hino ku mbuga nkoranyambaga yagaragazaga Rocky Kirabiranya mu byishimo byinshi imbere y'ikizungerezi cy'Umukobwa apfukamye ari kumwambika impeta.

    Ifoto igaragaza Rocky Yambika impeta Umukobwa
    Hakaba hari n'andi agaragaza Uwizeyimana ari kumwe n'Umukobwa yambitse impeta yambaye ikanzu y'Ubukwe.

    Rocky biravugwa ko yakoze ubukwe mu Ibanga rikomeye

    Ku ikubitiro yashyizwe hanze n'umwe mubakoresha imbuga nkoranyambaga cyane mu Rwanda uzwi nka The Cat Babalao aho yashimangiraga ko Rocky agumura abandi ngo bareke ubukwe nyamara we bikaba bivugwa ko yakoze ubukwe mu ibanga rikomeye.

    Yagize ati”HARYA NGO MWANZE IGIKWEEEEEEE??? KWEKWEE, ABAKOBOYI MU GIKARI BARIMO BARABAGA NTA MPUHWE NAMWE MURAHO NGO MWANZE IGIKWE”

    Umukobwa yari yishimye bigaragara

    Ntawakemeza amakuru ko Rocky yaba yakoze ubukwe, dore ko ubwo twakoraga iyi nkuru nyirubwite twagerageje kumuhamagara nyamara inshuro zose numero ye ikaba itakundaga.

    Iyo atwitaba twajyaga kumubaza imvano nyakuri y'aya mafoto ndetse nicyo yaragje.

    Bivugwa ko kadafi na Papa Cyangwe bari babukereye

    Inshuro Nyinshi Uwizeyimana Marc yumvikanye kenshi ashishikariza abasore n'Urubyiruko muri rusange kudakora ubukwe ndetse ari naho hakomotse imvugo ngo nta GIKWE iharawe n'urubyiruko muri iyiminsi.

    Biravugwa kandi ko ari agakino gateguye ko kumenyakanisha indirimbo iri gukorwa bivugwa ko ari iya Papa Cyangwe na Social Mula izasohoka mu minsi ya vuba, aho mumashusho yayo hazagaragaramo iki cyamamare Rocky.

    Muri iyiminsi binagezweho cyane mu Rwanda aho mbere yuko ushyira hanze igikorwa runaka cyane mu myidagaduro ukora ikintu abantu batatekerezaga kugira ngo uvugwe cyane noneho cya gikorwa cyawe cyizaze gisanga ukiri mu matwi yabantu.

    Mu minsi ishize ubwo indirimbo ya Meddy 'My Vow'yasohokaga yifashe aka videwo k'amasegonda 54 yongera gukangurira urubyiruko ko indirimbo iri kubica bigacika mu Rwanda itagomba kubarangaza bakaba bakora Ubukwe. aho yakoresheje imvugo ngo Nta Kudohoka


    Biravugwa ko kaba ari agakino kateguwe abandi bagahamya ko ari amashusho y'indirimbo itarasohoka

    Source : https://umuryango.rw/imyidagaduro/article/rocky-kirabiranya-yakoze-ubukwe-cyangwa-ni-agakino-amafoto

  • Abantu 10 bahitanwe na Covid-19 mu Rwanda abandi 435 barayandura #rwanda #RwOT

    IMinisiteri y'Ubuzima yatabgaje Kuri uyu wa Mbere,Iki cyorezo cyahitanye abarwayi bashya 10 bituma abamaze gupfa bagera 969.Abapfuye n 'abagore 5 n'abagabo 5.

    Mu barwaye habonetse abarwayi bashya 435 ba COVID-19 mu Rwanda.Abarembye ni 37, uyu munsi abahawe ibitaro bakaba 11 mu gihe abasezerewe bo ari 7. Abakingiwe ni 8,759.

    Mu cyumwru gishize, Minisitiri w'Ubuzima Dr. Ngamije Daniel na Minisitiri w'Ubutegetsi bw'Igihugu bagaragaje uburyo gukingira umubare munini ari yo mahirwe ya nyuma azafasha abaturage gusubira mu buzima busanzwe, baca amarenga no ku bishobora kuzaba ku bagikerensa ibyo kwikingiza birimo no kuba hari zimwe muri serivisi bizajya bibagora kubona mu gihe zabasaba guhura n'abandi bantu benshi.

    Nyuma y'inkuru yasohotse mu Imvaho Nshya ifite umutwe ugira uti 'Mu Rwanda, hari aho umuntu atazemererwa kwinjira atarikingije COVID-19', hatanzwe ibitekerezo binyuraye bigaragaza ko imyumvire itandukanye ku rukingo rwa COVID-19 itandukanye bitewe n'amakuru y'impuha bamwe bagiye bumva, imyemerere n'ibindi.

    Bamwe bagiye bifashisha imirongo yo muri Bibiliya bagaragaza ko urukingo ruteye impungenge, abandi bakifashisha ubutumwa bagiye bakura ku mbuga nkoranyambaga mu gushimangira ko itangwa ry'urukingo ari intangiriro z'imperuka y'Isi bemeza ko ari gahunda yo kurimbura abantu, abandi ngo ni ugushaka guhindura abantu inyamaswa cyangwa ngo bazapfe bahagaze (Zombies) n'ibindi byinshi.

    Abandi batewe ubwoba n'amakuru bumva cyangwa basoma y'uko inkingo zaba zitizewe. Uwitwa Nick ati: 'Kwikingiza Ni byiza. Ariko se ubundi muvuga iki ku bantu banga kwikingiza kubera amakuru yacicikanye ko ziriya nkingo zifite ibibazo? Nubwo njye nikingije ariko buriya nk'umuntu nibaza impamvu y'ayo makuru nkumva mfite impungenge. Kandi birashoboka ko baba bafite ukuri nta wamenya.'

    Yagize ati: 'Twakoze ubushakashatsi abantu bataramenya n'uko izo nkingo zikora, hari hakiri n'ibihuha byinshi cyane; 86% by'Abanyarwanda badusubije baravuze ngo niruza Leta y'u Rwanda ikemeza ko rufite ubuziranenge tuzarufata. Tuti se kubera iki? Bati niba baraduhaye inkingo z'abana bacu zirenga 10 abana bazitewe bagakura bakaba ababyeyi, urwa COVID-19 si rwo bazazana ngo rutugirire nabi. Uyu munsi inkingo zaraje abantu baraziteje hari n'abavugaga ngo reka turebe aba mbere ko barwiteza nibabona ntacyo babaye nanjye nzarufata.'

    Yagarutse ku bantu bamwe na bamwe barimo n'abaganga bake cyane bagiye bahindura imyumvire bakisabira gukingirwa, nyuma yo kurwara COVID-19 bakayikira.

    Ati: 'Wenda ni ingero z'ukuri dufite, harimo abarwaye bararemba nyuma bakirutse bati mumpe urukingo byihutirwa. Abanyamadini, n'abandi baravugaga bati reka turebe iyo byerekera, ariko uyu munsi twasubiyemo noneho dusanga nta n'ubwo ari 86% gusa dusanga biri hejuru ya 90%.'

    Asobanura ubutumwa bwatanzwe na Minisitiri w'Ubuzima mu kiganiro yagiranye na RBA, Dr. Nsanzimana yasobanuye ko nta muntu n'umwe mu Rwanda uzahatirwa kwikingiza, agira ati: 'N'ubundi ntituri kubona inkingo zihagije ku buryo twabwira abantu tuti fata urukingo byanze bikunze. Hari benshi bategereje urukingo batari kurubona, banarwifuza pee… Simpamya ko bizaba agahato ariko bizaba nk'icyangombwa gituma ubuzima bukomeza, abantu batagenda bakwirakwiza uburwayi.'

    Ku bijyanye n'imyumvire ikomeje kugaragara kuri bamwe, Dr. Sabin yashimangiye ko kwanga gukingirwa ari uburenganzira umuntu yemererwa n'amategeko ariko ko kubangamira ubuzima bw'abandi na cyo ari icyaha gihanwa n'amategeko.

    Inzego z'ubuzima mu Rwanda zifite icyizere ko iyo myumvire izagenda ihinduka uko abantu bagenda babona amakuru ahagije kandi akwiriye kuri iki cyorezo, uburyo cyihinduranyamo ndetse n'ingaruka kigira ku muntu utarikingiza. Biteganywa ko mu gihe umubare munini uzaba umaze gukingirwa, iki cyorezo kizasigara ari ikibazo ku bantu bake batarabona urukingo.

    Minisiteri y'Ubuzima ivuga ko kugeza ubu mu Rwanda hamaze gukingirwa abakabakaba 900,000 barimo abagera kuri 1/2 cy'abatuye mu Mujyi wa Kigali, ikemeza ko nyuma yo gukingira abari mu byiciro byibasiwe kurusha ibindi hazakurikiraho kugenda hafatwa ibyiciro by'imyaka yo kuva kuri 30 na 20 kumanura.

    Biteganyijwe ko umwaka wa 2022 mu Rwanda hazaba hamaze gukingirwa abasaga 60% by'Abanyarwanda kuri ubu bakabakaba miliyoni 13.


    Source : https://umuryango.rw/imyidagaduro/imikino/article/abantu-10-bahitanwe-na-covid-19-mu-rwanda-abandi-435-barayandura

  • Rwamagana: Umwarimu washakishwaga akekwaho gusambanya umwana yatawe muri yombi agerageza gutanga ruswa – #rwanda #RwOT

    Kuri uyu wa 16 Kanama 2021, ni bwo RIB yafunze uyu Nshimiyimana akurikiranyweho icyaha cyo gusambanya umwana w’umukobwa ufite imyaka 15, ndetse n’icyo gutanga indonke ingana n’ibihumbi 800 Frw kugira ngo dosiye ye yoroshywe n’Umugenzacyaha.

    Uyu mwarimu wari umaze iminsi ashakishwa yafatiwe aho yari yihishe ku mugabo mugenzi we witwa Nzabonimana Elissa na we ukurikiranyweho ubufatanyacyaha ku cyaha cya ruswa no kutamenyekanisha icyaha cy’ubugome cyangwa gikomeye.

    Amakuri IGIHE yamenye ni uko aba bombi bafatiwe mu cyuho aho bari bagiye guha Umugenzacyaha amafaranga kugira ngo dosiye izoroshywe.

    Bivugwa ko uyu Nshimiyimana yasambanyije umwana w’umukobwa ufite imyaka 15, tariki 5 Kanama 2021, ahita atoroka.

    Urwego rw’Igihugu rushinzwe Ubugenzacyaha (RIB) rurashakisha uwitwa Nshimiyimana Théodore ukekwaho icyaha cyo gusambanya umwana agahita acika. pic.twitter.com/eMEBdygYRd

    — Rwanda Investigation Bureau (@RIB_Rw) August 9, 2021

    Umuvugizi wa RIB, Dr Murangira B. Thierry, yabwiye IGIHE ko uwo mugabo yafashwe nyuma y’igihe yari amaze iminsi yihisha.

    Ati “Yihishahishaga, ariko aza kwigira inama yo gutuma komisiyoneri kumuteretera Umugenzacyaha akamuha miliyoni 1 Frw ngo azayahe umugenzacyaha ngo yice dosiye.”

    Yakomeje agira ati “Umugenzacyaha yarabyemeye ariko ashaka kugera ku ntego ze zo gufata uwo muntu washakishwaga ku cyaha cy’ubugome. Uyu munsi ni bwo yafatiwe mu cyuho amaze gutanga ibihumbi 800 Frw, ibindi bihumbi 200 Frw yagombaga kubitanga ejo.’’

    Uwari ukurikiranyweho icyaha ndetse n’umukomisiyoneri yari yifashishije bombi batawe muri yombi.

    RIB yibukije abaturarwanda ko itazihanganira uzafatwa akora icyaha cyo guhohotera umwana; inakangurira abantu kwirinda gutanga ruswa ngo bakorerwe ibinyuranyije n’amategeko.

    Dr Murangira yakomeje ati “Abakeka ko bashobora gukora ibyaha, bakumva ko bakoresha amafaranga bagura ubutabera, ngo ibyo byaha ntibabiryozwe baribeshya cyane, bazakomeza gukurikiranwa. Ubutabera bushingira ku bimenyetso, ntibugurwa buraharanirwa. Abantu bakwiye kwitondera ibyo byaha bakora, kuko RIB ntizabihanganira.’’

    Aba bombi bafungiye kuri Sitasiyo ya RIB ya Rubona mu gihe iperereza rigikomeje kugira ngo hakorwe dosiye ishyikirizwe Ubushinjacyaha.

    Nshimiyimana aramutse ahamwe n’icyaha cyo gusambanya umwana yahanishwa igifungo kiri hagati y’imyaka 20 na 25.

    Mu gihe ku cyaha cyo gusaba, kwakira cyangwa gutanga indonke cyo gihanishwa igifungo kirenze imyaka itanu ariko kitarenze imyaka irindwi n’ihazabu y’amafaranga yikubye inshuro kuva kuri eshatu kugeza kuri eshanu z’agaciro k’indonke yatse cyangwa yakiriye.

    Ukurikiranyweho icyaha cyo kutamenyekanisha icyaha cy’ubugome cyangwa gikomeye, kimuhamye yahanishwa igifungo kitari munsi y’amezi atandatu ariko kitarenze umwaka umwe n’ihazabu y’atari munsi y’ibihumbi 100 Frw ariko atarenze ibihumbi 300 Frw.

    Ku kindi cyaha cy’ubufatanyacyaha ku cyaha cya ruswa cyo umufatanyacyaha ahanwa nk’uwagikoze.

    Umwarimu wo mu Karere ka Rwamagana ukurikiranyweho ibyaha birimo gusambanya umwana no gutanga indonke yatawe muri yombi. Yafatanywe n’ukekwaho kumufasha kugerageza gutanga ruswa

    source : https://ift.tt/3yTDdv7