Webrwanda Backend

Author: webrwanda

  • Muri UR Huye amasomo yabaye ahagaritswe kubera COVID-19 #rwanda #RwOT

    Iki cyemezo cyatangiye kubahirizwa kuri uyu wa Kabiri tariki 17 Kanama 2021 aho ubuyoboi bw’iri shuri bwagifashe kugira ngo hirindwe urujya n’uruza rw’abanyeshuri barimo abaturura mu Murenge wa Tumba uri muri gahunda ya Guma mu rugo.

    Uyu Murenge wa Tumba uri muri imwe ikiri muri gahunda ya Guma mu rugo kubera umubare munini w’abari gusangwamo ubwandu bwa COVID-19.

    Akarere ka Huye gaherereyemo ririya shami rya Kaminuza y’u Rwanda, kari muri tumwe dukomeje kugaragaragaramo abarwayi benshi ba COVID-19 kuko nko kuri uyu wa Mbere tariki 16 Kanama ari ko kaje ku mwanya wa kabiri aho kabonetsemo abarwayi 41 mu gihe Umujyi wa Kigali waje ari uwa mbere wabonetsemo abarwayi 45.

    Naho ku Cyumweru tariki 15 Kanama 2021, Akarere ka Huye kaje ku mwanya wa mbere kagaragayemo abarwayi 62.

    Nzitatira Wilson, Umuyobozi Nshingwabikorwa muri Kaminuza y’u Rwanda ishami rya Huye, yatangaje ko mu Murenge wa Tumba harimo abanyeshuri 2 000 bacumbitse mu Murenge wa Tumba uri kugaragaramo abarwayi benshi.

    Yavuze ko gukomeza kureka abanyeshuri bakajya kwiga baturutse muri uriya Murenge bishobora gutuma inzego z’Ubuyobozi zigorwa no gukurikirana iyubahirizwa rya gahunda ya Guma Mu rugo.

    Yagize ati 'Icyakozwe rero ni ukubahiriza amabwiriza asanzwe ya Guma mu Rugo kugira ngo ubwo bwandu bugabanuke.'

    Yavuze ko kandi badashobora kureka ngo abanyeshuri bacumbikiwe muri Campus ngo bakomeze amasomo kandi hari aband benshi bagomba kubahiriza gahunda ya Guma Mu rugo.

    Yagize ati 'Urumva abantu bagera hafi 2500 bagendagenda ni ikibazo, ni yo mpamvu abasigaye muri Cumpus batari bukomeze kwiga ahubwo bazategereza bagenzi babo.'

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Muri-UR-Huye-amasomo-yabaye-ahagaritswe-kubera-COVID-19

  • RIB yafashe umwalimu ukekwaho gusambanya umwana yigishaga #Rwanda #RwOT via @kigalitoday #rwanda #RwOT

    Tariki ya 05 Kanama 2021, nibwo Nshimiyimana Theodore bivugwa ko yasambanyije umwana w’umukobwa yigishaga, icyaha yakoreye mu Mudugudu wa Mitari, Akagari ka Kabatasi, Umurenge wa Rubona, Akarere ka Rwamagana ahita acika.

    Ku wa Mbere tariki ya 16 Kanama 2021, nibwo Nshimiyimana Theodore yafashwe ari kumwe na Nzabonimana Elissa w’imyaka 37 y’amavuko wari umuhishe banafatanwa amafaranga y’u Rwanda 800,000 bashakaga guha Umugenzacyaha kugira ngo yoroshye dosiye.

    Umuvugizi w’Urwego rw’Igihugu rw’Ubugenzacyaha, Dr. Murangira B. Thierry, yavuze ko Nshimiyimana yakomeje kwihishahisha ariko aza kubona ko bitagishobotse ahitamo gutuma Nzabonimana Elissa ku mugenzacyaha kugira ngo bamuhe ruswa bityo dosiye ye yoroshywe.

    Yagize “Yabonye kwihishahisha bitamushobokera, bimaze kumugora abona nta herezo ryabyo akoresha umukomisiyoneri wari umuhishe iwe ngo agende avugane n’Umugenzacyaha bamuhe ruswa na we abona ari uburyo bwiza bwo gufata umunyacyaha, arabyemera bamwemerera 1,000,000 frs, bumvikana aho bahurira kwa Nzabonimana Elissa wari umukomisiyoneri wari unahishe Nshimiyimana, bafatanwa 800,000 frw andi 200,000 frw bari kuyamuha none.”

    Nshimiyimana Theodore na Nzabonimana Elissa bafungiye kuri sitasiyo ya RIB ya Rubona mu gihe hagikorwa iperereza kugira ngo hakorwe dosiye ishyikirizwe Ubushinjacyaha.

    Umuvugizi wa RIB, Dr. Murangira B. Thierry, yavuze ko nta muntu ushobora kugura ubutabera kugira ngo adakurikiranwaho icyaha anibutsa ko icyaha cya ruswa kitababarirwa.

    Yavuze ko abakeka ko bashobora gutanga ruswa mu bugenzacyaha, mu bushinjacyaha no mu nkiko ko ijisho ry’ubutabera ribareba.

    Yagize ati “Uretse kuba RIB itazihanganira icyaha cyo gusambanya umwana no kumuhohotera mu bundi buryo, ruswa na yo iri mu byaha bigomba kurwanywa bikaranduka. Ruswa ni mbi cyane kandi ikagira n’ingaruka mbi yo kuba abantu b’umutima mucye batuma ubutabera butagerwaho.”

    Yanashimiye kandi umugenzacyaha wagaragaje ubunyangamugayo akanga kwakira ruswa ahubwo agatuma umunyacyaha afatwa.

    Dr. Murangira kandi yanavuze ko biteye isoni, ikimwaro n’akababaro kubona hari abantu bagitekereza guhishira abakoze ibyaha bikomeye nyamara ahubwo bagomba kugira uruhare mu kubafata.

    Yasabye abaturage ubufatanye n’inzego z’umutekano, bagatangira amakuru ku gihe kugira ngo abanyabyaha bafatwe bahanwe. RIB kandi ngo iracyakomeje iperereza rigamije kumenya abahishe Nshimiyimana bose kugira ngo bahanwe.

    Nshimiyimana Theodore akurikiranyweho icyaha cyo gusambanya umwana gihanwa n’ingingo ya 04 y’itegeko No 69/2019 ryo kuwa 08/11/2019 rihindura itegeko No 68/2018 ryo kuwa 30/08/2018 riteganya ibyaha n’ibihano rusange. Aramutse ahamwe n’iki cyaha yahanishwa igihano cy’igifungo kitari munsi y’imyaka 20 ariko kitarenze imyaka 25.

    Akurikiranyweho kandi icyaha cyo gusaba, kwakira cyangwa gutanga indonke gihanwa n’ingingo ya 04 y’itegeko No 54/2018 ryo kuwa 13/08/2018 ryerekeye kurwanya ruswa. Aramutse ahamwe n’iki cyaha yahanishwa igifungo kitari munsi y’imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda yikubye inshuro kuva kuri eshatu (3) kugeza kuri eshanu (5) z’agaciro k’indonke yatse cyangwa yakiriye.

    Naho Nzabonimana Elissa akurikiranyweho icyaha cyo kutamenyekanisha icyaha cy’ubugome cyangwa gikomeye gihanwa n’ingingo ya 243 y’itegeko No 68/2018 ryo ku wa 30/08/2018 riteganya ibyaha n’ibihano muri rusange.

    Aramutse ahamwe n’iki cyaha yahanishwa igihano cy’igifungo kitari munsi y’amezi atandatu (6) ariko kitarenze umwaka (1), n’ihazabu y’amafaranga y’u Rwanda atari munsi ya 100,000 frw ariko atarenze 300,000 frw.
    Hari kandi icyaha cy’ubufatanyacyaha ku cyaha cya ruswa gihanwa n’ingingo ya 84 y’itegeko No 68/2018 ryo kuwa 30/08/2018 riteganya ibyaha n’ibihano muri rusange.

    Aramutse ahamwe n’iki cyaha yahanwa nk’uwakoze icyaha cyo gusaba, kwakira cyangwa gutanga indonke.

    source : https://ift.tt/3iQEg9y

  • Ikibuga Mpuzamahanga cy’indege cya Kigali cyashyizwe mu bya mbere mu bwiza #Rwanda #RwOT via @kigalitoday #rwanda #RwOT

    Ikibuga cy’indege Mpuzamahanga cya Kigali cyashyizwe ku mwanya wa munani (8) mu bibuga byiza muri ‘EAC’, ndetse kiba icya karindwi (7) mu bibuga bifite isuku ku Mugabane wa Afurika.

    Ibibuga by’indege bitatu bibanza mu bwiza ni ibyo muri Afurika y’Epfo, harimo ikibuga cya ‘Cape Town’, ‘Durban King Shaka International Airport’ ndetse n’icya Johannesburg.

    Ku mwanya wa kane haza ikibuga cy’indege cya Mauritius, mu gihe ku mwanya wa gatanu haza ikibuga cya Marrakech muri Maroc.

    Mu bibuga by’indege bifite isuku muri Afurika, n’ubundi ikibuga cya Cape Town kiza ku mwanya wa mbere, kigakurikirwa n’icya ‘Durban Kinga Shaka International Airport’, ku mwanya wa gatatu haza Ikibuga cy’indege cya Mauritius, ku mwanya wa Kane hakaza icya Johannesburg mu gihe ku mwanya wa gatanu hari ikibuga cy’ indege cya Seychelles.

    Ku rwego rw’ Isi, ibibuga bya mbere byiza ni ‘Doha Hamad International Airport’ cyo muri Qatar, hagakurikiraho Ikibuga cy’ indege cya ‘Tokyo Haneda Airport’ cyo mu Buyapani, ku mwanya wa gatatu Hari ‘Changi Airport’ cyo muri Singapore, ku mwanya wa Kane hari ikibuga cy’indege cya ‘Seoul Incheon International Airport’ cyo muri Korea y’Epfo, mu gihe ku mwanya wa gatanu hari ikibuga cy’indege cya ‘ Tokyo Narita’ cyo mu Buyapani.

    Nk’uko bigaragara ku rubuga rwa Interineti rwa ‘Skytrax World Aiport’, ibihembo bya ‘Skytrax best airport awards’ bitorwa bigendeye ku biterekerezo by’abakiriya b’ibyo bibuga.

    Skytrax ivuga ko urutonde rw’ibibuga byiza cyangwa se bifite isuku, rukorwa hashingiwe ku byo rubanda rubikoresha ruvuga. Gusa ngo gutanga amanota ku bibuga by’indege muri iki gihe, na byo byagizweho n’ingaruka z’icyorezo cya Covid-19.

    Itangazo ryasohowe na Skytrax rigira riti “Skytrax World Airport Awards ya 2021 yateguwe hazirikanwa ingufu ibibuga by’indege byose byashyize mu guhangana n’ingaruka z’icyorezo cya Covid-19. Amezi 18 ashize, yaranzwe n’ibibazo ndetse arangwa n’ihungabana ry’ubukungu urwego rw’ ubwikorezi bwo mu kirere rutari rwarigeze rubona. Ibibuga by’indege byashoye imari mu gushaka uko byarinda abakiriya ndetse n’abakozi babyo muri iki gihe cy’icyorezo cya Covid-19”.

    Iyo nyandiko ikomeza igira iti” Ubu abagenzi benshi baratora ibibuga by’indege bakunda cyangwa babona byiza, bagendeye k’uko babibonaga mbere gato y’uko icyorezo cya Covid-19 cyaduka, mu gihe abandi barimo batora bagendeye ku byo babonye ku bibuga by’indege muri iki gihe cya Covid-19″.

    source : https://ift.tt/37PsDt9

  • Umuganura ufite uruhare runini mu kubaka Ubunyarwanda mu babyiruka #Rwanda #RwOT via @kigalitoday #rwanda #RwOT

    Minisitiri Rosemary Mbabazi avuga ko Umuganura ufite Indangagaciro zubaka ubumwe mu Banyarwanda
    Minisitiri Rosemary Mbabazi avuga ko Umuganura ufite Indangagaciro zubaka ubumwe mu Banyarwanda

    Izo ndangagaciro fatizo enye harimo kubaka ubumwe, Ubupfura, gukunda umurimo, no gukunda Igihugu, zose zikaba zigamije gufasha Abanyarwanda by’umwihariko urubyiruko kuzuzanya kandi bagakundana hagati yabo.

    Minisitiri w’Urubyiruko n’Umuco, Rosemary Mbabazi, atangaza ko kubaka ubumwe byatumye Abanyarwanda bafatanyiriza hamwe gushaka ibisubizo by’ibibazo bya Covid-19, cyane cyane urubyiruko rukaba rukorera ubushake mu bukangurambaga bujyanye no kwirinda icyo cyorezo.

    Avuga ko mu rwego rwo kwizihiza umuganura muri uku kwezi kwa Kanama 2021 hari inzego nyinshi zirimo gukora ibishoboka ngo Umunyarwanda aho ari hose yumve atekanye kandi arangwe no gushyigikirana na mugenzi we baganuzanya kandi baganuza u Rwanda.

    Agira ati “Kuganura no kuganuza u Rwanda ni ukuba buri wese akora ikintu gifitiye mugenzi we inyungu, nko gukoresha imbaraga ku rubyiruko ngo bahashye icyorezo cya Covid-19, abaganga bafasha abarwayi, abasirikare ku mutekano ngo Umunyarwanda adahungabana, ibyo byose ni ugukunda igihugu, ni ukunga ubumwe”.

    Kwizihiza Umuganura mu muryango bihuza abakuru n’abato

    Umuyobozi w’Akarere ka Gakenke, Deogratsias Nzamwita avuga ko mu gihe cya Covid-19 abantu batabonye uko basabana cyane ari na yo mpamvu umuganura wizihirijwe mu muryango, abana bakaganuza ababyeyi n’ababayeyi bakaganuza abana, ibyo bigafasha abo bombi kungurana ibitekerezo n’inama ku byo bashyiramo imbaraga kugira ngo umuganura w’ubutaha bazabe bageze ku rwego rushimishije.

    Agira ati “Iyo ababyeyi bahuye n’abana ku munsi nk’uyu bagomba kuganira bareba ibyo bagezeho mu muryango byaba ubuhinzi n’ubworozi cyangwa akandi kazi kabaha umusaruro, barebera hamwe niba hari icyo umuryango wungutse, ndetse haba haranabayeho ibibazo bakabona umwanya wo kubiganiraho no gushyiraho ingamba zo kubikemura, ibyo rero ni ibintu byiza bizatuma abana barebera ku bakuru uko barushaho kwitwara”.

    Umunyeshuri witwa Rutaganira wiga mu gihugu cy’u Burusiya mu bijyanye no gutubura ibiribwa, avuga ko ibyo yiga byahuzwa n’umuganura kuko niba umusaruro watubutse abantu bazihaza mu biribwa basagurire amasoko biteze imbere n’Igihugu muri rusange.

    Agira ati “Indangagaciro zacu nituzihuza n’ubumenyi dukura muri ibi bihugu bizatuma tuvomana ubumenyi ingufu n’imbaraga, tugira imihigo ku buryo umunsi tuzataha tuzaganuza u Rwanda nk’Igihugu cyacu, kuko Igihugu cyacu cyatuganuje kugera ku bumenyi natwe dukwiye kugira icyo tukiganuza”.

    Umuyobozi mukuru wungirije w’Inteko y’umuco bwana, Uwiringiyimana Jean Claude, avuga ko urubyiruko rufite amasomo menshi rwakura mu muganura rugendeye ku ndangagaciro zawo, kugira ngo irusheho kubaka Ubunyarwanda.

    Asaba urubyiruko gukurikira inyigisho zijyanye n’umuco w’u Rwanda kugira ngo iterambere rutegerejweho rizabashe gutanga umusaruro, kuko niho hari ingufu zizatuma bubaka Igihugu cyabo bakazanakiraga abazabakomoka.

    Agira ati “Ntabwo ibyo twiteze ku rubyiruko rw’ejo hazaza twazabibona igihe batavoma mu ndangagaciro za wa muco mwiza wacu urimo n’umuganura, kuko ziriya ndagagaciro ni nka moteri yo kubaha ingufu zo kubaka Ubunyarwanda”.

    Umuganura ni umwanya wo kubaka ubumwe bubyara ubufatanye

    Umukozi ushinzwe iby’amasoko no guhuza abakiriya muri Trans Union Rwanda (TUR), Ntazinda Marcel, avuga ko ku muganura ari ho hasanirwa Ubumwe bw’Abanyarwanda kandi urubyiruko rufite byishi rwaboma mo bizatuma ababyiruka bakomeza kunga ubumwe.

    Agira ati “Mu muganura ni ho dusanira ubumwe bwacu tukavuga ngo dusangire dusabane dukureho ibidutandukanya, tunemeze ibyo tuzageraho mu gihe kizaza, Imihigo y’umuryango kuzayigeraho ni ugufatanya, ubwo bufatanye bubyara ubumwe, iyo ubumwe buhari bugeza ku iterambere”.

    Yongeraho ko umubare munini w’Abanyarwanda ari urubyiruko kandi abakuru bamaze kubaka umusingi w’Ubumwe kandi uwo musingi ari urubyiruko rukwiye kuwubakiraho, rumenye kubaka ubumwe urubyiruko rumenye guhiga imihigo, rumenye ngo uyu mwaka twageze kuki umwaka utaha tuzagera kuki.

    Uwiringiyimana kandi asanga umuryango ari urubuga rwiza rwo kuganiriramo n’abato ibyarushaho kububaka bakarushaho kwiyumva mu iteremabere ry’igihugu no kurigiramo uruhare, dore ko insanganyamatsiko tuzirika igira iti “Umuganura Isoko y’Ubumwe n’ishingiro ryo Kwigira”

    Uwiringiyimana agira inama urubyiruko yo kugira ubumwe bushingiye ku muganura bufitiye urubyiruko akamaro igihe cyose ruzakunda umurimo ushingiye ku bupfura bigira ku bakuru, amasomo ava mu murage w’abakurambere, ntihitabwe ku byo usanga urubyiruko rushaka gushyira imbere kandi bihabanye n’indangagaciro z’abakurambere.


    source : https://ift.tt/384OEo5

  • “ Ngo dore igikorwa cy'ububwa ” – Ubukwe bwa Rocky bwabaye igitaramo – YEGOB #rwanda #RwOT

    Nyuma y' amasaha make amafoto y'ubukwe bwa Rocky agiye hanze kuri ubu ku mbuga nkoranyambaga zitandukanye abantu batangiye kuyavugaho cyane. Benshi bavuga ko ataribyo ko Rocky arimo gutwikira indirimbo nshya ya Papa Cyangwe n'andi magambo atandukanye yagiye avugwa na benshi.

    Hari video yashyizwe ku mbuga nkoranyambaga irimo amwe mu majwi Rocky yakoresheje muri filime aho yavugaga ngo dore igikorwa cy'ububwa…. Umugabo arapfukamye… “. Muri iyi video aya majwi yahujwe n'amafoto ya Rocky aho yari apfukamye agiye kwambika impeta umukunzi we maze barabisanisha.

    Source : https://yegob.rw/ngo-dore-igikorwa-cyububwa-ubukwe-bwa-rocky-bwabaye-igitaramo/

  • RUSINE Patrick Yaturitse ararira yibutse ibyo Mama we Umubyara y'Amukoreye #rwanda #RwOT

    VIDEO: RUSINE ARATURITSE ARARIRA YIBUTSE IBYO MAMA WE YAMUKOREYE

    Muri iyi minsi cyane kubakurikira urubuga rwa YouTube by'umwihariko abikundira cinema nyarwanda n'u Rwenya muri rusange, imikino ya Mugisha na Rusine nimwe muziharawe cyane mu Rwanda.


    Mugisha na Rusine baharawe cyane mu Rwanda

    Mugisha na Rusine abasinzi babiri bahorana udushya, bakomeje kwigarurira imitima ya benshi mu banyarwanda ndetse ntawashidikanya cyane ku mpano zaba bombi.

    Mu kiganiro bakoreye kuri Televiziyo y'Igihugu, Mugisha na Rusine bongeye guhamya bashize amanga ko ari bamwe mu banyarwenya badashidikanywaho ku mpano n'ubushobozi byiyongeraho udushya twihariye mu gusetsa imbaga nyamwinshi.

    Mugisha Emmanuel uzwi nka Clapton Kibonke na Rusine Patrick barakunzwe cyane
    Abajijwe ku kibazo kijyanye n'umuryango we avukamo, Rusine Patrick yahise agira amarangamutima, kwifata biranga araturika ararira.

    Byatangiye abazwa ku kibazo cy'Umuntu afatiraho ikitegererezo mu buzima busanzwe.

    Ati” Mubuzima busanzwe umuntu mfatiraho ikitegererezo ni mama wange wantunze nta kintu afite(Amafaranga)“

    Yakomeje avuga ko atazi uko byagenze gusa yaje gusanga abana na Mama we gusa. Ati” Mfite nk'umwaka umwe gusa naje kwisanga mbana na mama gusa, ntago nzi uko byagenze wenda twavuga ko ari nka bya bibazo by'ababyeyi bajya bagirana.Kuva icyo gihe nakuze mbona mama gusa”

    Yakomeje avuga ko hari igihe Mama wabo yajyaga abura n'amafaranga yo kwishyura inzu babagamo ariko akigomwa ayo abonye yose akayamurihiriramo ishuli.

    Abenshi bakunda ukuntu bakina bigize Abasinzi

    Source : https://umuryango.rw/imyidagaduro/article/rusine-patrick-yaturitse-ararira-yibutse-ibyo-mama-we-umubyara-y-amukureye

  • Abakinnyi 30 APR FC yandikishije izifashisha mu mikino Nyafurika ya CAF Champions League #rwanda #RwOT

    Mu kwezi gutaha ikipe ya APR FC kimwe na AS Kigali zizatangira imikino Nyafurika umwaka w’imikino wa 2021-2022, aya makipe akaba yaramaze gutanga abakinnyi azifashisha muri iyi mikino.

    Ikipe ya APR FC izahagararira u Rwanda muri CAF Champions League, aho izatangira isura Mogadishu City Club yo muri Somalia, aho umukino ubanza uzaba hagati y’itariki 10 na 12 Nzeri, yatanze abakinnyi 30, ni mu gihe kubera Covid-19 ikipe ishobora kwandikiisha 40.

    Urebye mu bakinnyi ikipe ya APR FC yatanze, ni abo yari isangwanywe n’abo yaguze muri uyu mwaka, hiyongeyemo abakinnyi babiri, umunyezamu Kenese Armel na Mutabaruka Alexandre bazamutse mu ikipe y’abato bayo.

    Abakinnyi APR FC yatanze, imibare iri mu dukubo ni nimero bazajya bambara

    Kenese Armel(GK, 1), Ndayishimiye Dieudonne(2), Niyomugabo Claude(3), Nsabimana Aimable(4), Karera Hassan(5), Rwabuhihi Aime Placide(6), Nizeyimana Djuma(7), Itangishaka Blaise(8), Jacques Tuyisenge(9), Manishimwe Djabel(10), Mugisha Gilbert(11), Ngabonziza Gylain(12), Mutabaruka Alexandre(13), Byiringiro Lague(14), Mugisha Bonheur(15), Heritier Ahishakiye(GK, 16), Nshuti Innocent(17), Buregeya Prince(18), Kwitonda Alain(21), Keddy Nsanzimfura(22), Bizimana Yannick(23), Nseniyumva Ir’shad(24), Omborenga Fitina(25), Ishimwe Anicet(26), Ruboneka Bosco(27), Nshimiyimana Yunusu(28), Mugunga Yves(29) na Ishimwe Pierre(GK, 30)

    Source : http://isimbi.rw/siporo/article/abakinnyi-30-apr-fc-yandikishije-izifashisha-mu-mikino-nyafurika-ya-caf-champions-league

  • Gasabo: Inkongi y'umuriro yibasiriye agakiriro ka Gisozi #rwanda #RwOT

    Mu mujyi wa Kigali mu karere ka Gasabo mu Murenge wa Gisogi, hakomeje kuvugwa inkuru y'umuriro udasanzwe wibasiriye agakiriro ka Gisozi maze ukangiza ibintu byinshi bitandukanye.

    Ibi byabaye mu gitondo cyo kuri uyu wa Kabiri tariki 17 Kanama 2021.

    Amakuru avuga ko mu minsi yashize zimwe mu nyubako z'aka Gakiriro ko mu Karere ka Gasabo mu Mujyi wa Kigali, zagiye zibasirwa n'inkongi y'umuriro ikangiza byinshi byabaga bizirimo.

    Mu gitondo cyo kuri uyu wa Kabiri inkongi y'umuriro yongeye gufata zimwe mu nyubako za kariya Gakiriro gasanzwe gakorerwamo ibikorwa by'ubukorikori.

    Umwe mu babonye iby'iyi nkongi, yavuze ko yaturutse ku bishashi by'uwasudiraga byaguye mu mifariso ubundi bigahita byaka umuriro w'inkekwe.

    Gusa Polisi y'u Rwanda ishami ryayo rishinzwe kuzimya inkongi, yatabaye nubwo yasanze hamaze kwangirika byinshi mu bikoresho byari muri ziriya nyabako.

    Ubuyobozi bwa kariya Gakiriro butangaza ko hangiritse ibikoresho byinshi birimo ibitanda, utubati na matela bifite agaciro k'agera muri miliyoni 400 Frw.

    Source : https://impanuro.rw/2021/08/17/gasabo-inkongi-yumuriro-yibasiriye-agakiriro-ka-gisozi/

  • Kigali: Umusore w’imyaka 23 yafatanwe moto ebyiri zibwe mu rugo rw’Umunyamerika – #rwanda #RwOT

    Uyu musore yafashwe mu gitondo cyo ku wa 16 Kanama 2021, akaba yari mu itsinda ry’abantu batatu basunikaga moto bari bamaze kwiba bitewe n’uko bari bananiwe kuzifungura, babiri muri bo bakaba bacitse nyuma yo kubona abapolisi.

    Umuvugizi wa Polisi y’u Rwanda, Commissioner of Police (CP) John Bosco Kabera yavuze ko uyu musore yafashwe ku bufatanye bw’abaturage na Polisi binyuze mu guhanahana amakuru.

    Yagize ati “Polisi yabonye amakuru atanzwe n’abaturage bo mu Murenge wa Kimihurura saa kumi n’ebyiri, bavuze ko hari moto ebyiri bacyeka ko zibwe n’abo bantu batatu barimo kuzisunika. Hashakishijwe bariya bantu bafatirwa mu Murenge wa Kimihurura mu kilometero kimwe uvuye mu rugo rw’umuturage (Umunyamerika) ari naho izi moto zari zibwe.”

    CP Kabera yashimiye abaturage ku gikorwa bagaragaje mu kwicungira umutekano binyuze mu gutanga amakuru ku bantu bijandika mu byaha. Yashimiye uribyiruko rw’abakorerabushake by’umwihariko ku ruhare rwabo mu kurwanya ibyaha.

    Uyu musore wafashwe yahise ashyikirizwa Urwego rushinzwe ubugenzacyaha (RIB) rukorera muri sitasiyo ya Polisi ya Kimihurura mu gihe hagishakishwa abandi babiri bari kumwe na we.

    Ukekwaho ubujura bwa moto yafashwe ari kuzisunika nyuma yo kunanirwa kuzifungura bakimara kuziba

    source : https://ift.tt/3mbupgG

  • Impungenge ku bibuga by’imikino bigezwe ku buce byubakwamo amashuri mu Rwanda – #rwanda #RwOT

    Hari benshi banyujijweho ikinyafu, bazira ko bagorobereje mu ku ishuri bakina karere, cyangwa se bashiki bacu baryoherewe n’udukino nka mabigibigi, agatenesi, gusimbuka umugozi n’ibindi, bakibagirwa ko hari uturimo tw’umugoroba tubategereje imuhira.

    Ibibuga ku mashuri yaba abanza n’ayisimbuye byahoze ari isoko y’ibyishimo ku banyeshuri, bikabafasha gusubiza ubwenge ku gihe nyuma y’amasaha menshi y’imihiriko n’amahurizo, bikaba n’isoko y’ubusabane hagati y’abanyeshuri.

    Hari aho wasangaga nk’ikibuga kimwe gihuriraho abanyeshuri barenga 1000 bigabanyije mu dukipe duto bitewe n’icyo buri mwana akunda gukina mu byishimo by’akaburarugero.

    Ubusanzwe siporo ifatwa nka kimwe mu bishobora gufasha umuntu kugira ubuzima bwiza nko gukumira indwara y’umubyibuho ukabije n’izidakira nka diyabete, izifata umutima n’izo mu mutwe nubwo akamaro kayo katarangirira aho gusa by’umwihariko mu bana bakiri bato.

    Abahanga bavuga ko gukina byigisha abana amasomo y’ubuzima nko gukorera hamwe, kwigirira icyizere, kwimenyereza kugira inshingano, kwiremamo ikinyabupfura no kwiha intego ndetse no kuyigeraho.

    Ibikorwa by’imikino yo ku ishuri ngo bishobora kugira uruhare rungana na 50% by’imyitozo ngororamubiri abana basabwa gukora buri munsi. Ni naho abana bitoreza bakanakuza impano zabo zikaba zabageza no ku rwego rwo guhatanira imidali mu mikino Olempike nk’iyaberaga i Tokyo mu minsi ishize.

    Nubwo bimeze bityo, amwe mu mashuri y’iki gihe yaba aya leta cyangwa abikorera, afite ikibazo gikomeye cyo kutagira ibibuga by’imikino.

    Amwe aherereye aho twakwita mu manegeka ku buryo bigoye ko hakorwa ibibuga runaka nubwo haba hari ubutaka. Andi afite icyo kibazo cyo kutagira ubutaka, byatumye mu gihe cyo kwagura ibyumba by’amashuri hakenurwa ikibazo cy’ubucucike, ibibuga byarasatiriwe bikubakwamo.

    Kuva u Rwanda rutangije gahunda y’uburezi bw’ibanze bw’imyaka icyenda mu mu 2008, yaje kwaguka ikaba 12, Guverinoma yatangiye kubaka ibyumba by’amashuri bishya kugira ngo abo bana babone aho bigira. Hamwe harubatswe ubutaka burashira amahitamo asigara ari ukubaka mu bibuga.

    Usibye kudindiza impano z’abana ni ikibazo gishobora no kubangamira imyigire

    Umuyobozi w’Urwunge rw’Amashuri rwa Kimisagara, mu Karere ka Nyarugenge, Nsengimana Charles, yaganiriye na IGIHE ku bijyanye n’uburyo bitwara nka kimwe mu kigo gifite abanyeshuri benshi badafite aho bisanzurira kuko abana bagera ku 4000 barimo abiga mu cyiciro cy’incuke, icy’abanza n’ayisumbuye.

    Ati “Ni uko turi mu bihe bya Covid-19 aho abana batemerewe gukina nk’uko bisanzwe ariko ubundi kutagira ibibuga ni ingorane. Ntabwo abana bidagadura uko bikwiye. Mu bihe bisanzwe bisaba ko bakina mu byiciro kuko dufite ikibuga cya Volleyball.”

    “Bagombye kujya mu bibuga ari benshi bagakora n’umwanya munini. Bituma hari impano zimwe na zimwe zitigaragaza uko byakagombye. Birumvikana bigira ingaruka ku banyeshuri no ku iterambere rya siporo mu Rwanda. Natwe abarimu hari igihe dukenera gukina, ntabwo abantu baba bisanzuye uko bikwiye.”

    Umuyobozi w’Ishuri Ribanza rya Kamuhoza, Nkomezi Alex Sebagabo avuga ko kuba umwana yakwiga atidagadura bibangamira amasomo n’imyitwarire kuko abana badakina barigunga.

    Ati “Siporo mu burezi yubaka umwana mu buryo bwinshi; n’uwakinnye akaruhuka ubasha kumuha umubare cyangwa Icyongereza akarushaho kubyumva. Habamo no gusabana birenze uko basabanira mu isomo.”

    “Ubusanzwe n’abakinnyi bose bakina ku rwego rw’igihugu imikino nka football, basketball, volleyball, akenshi bavaga mu bigo by’amashuri. Niba umwana atabitojwe akiri muto agategereza ko azajya muri ‘internat’ aho azakubitana n’ababifite, uwo azaba afite ubukererwe mu mikinire.”

    Mu Ishuri Ribanza rya Kamuhoza na ho ikibazo cy’ibibuga by’imikino baragifite kandi bigaragara ko ntaho bafite byakubakwa bitewe n’imiterere yaho. N’ahari hasigaye harubatswe hagamijwe kurwanya ubucucike mu mashuri

    Yongeyeho ati “Inzego zishinzwe uburezi zivuga ko aho bishoboka bazimura abaturage bakabaha ingurane hakaboneka imbuga yo gukiniramo ariko aho kugira ngo byaguke haza inyubako n’ahari gato kakagenda. Nihaba ubushake bizakorwa cyangwa uburyo turi kubaka amashuri ya ‘etage’ buzatuma ibibuga biboneka ariko na bo barabizi.”

    Kwari ugukemura ikibazo cyihutirwa

    Umwarimu wigisha Siporo muri Kaminuza y’u Rwanda, Koleji y’Uburezi, Ngarambe François, yavuze ko kuba ibibuga by’imikino byaratewemo ubusitani cyangwa bikubakwamo amashuri, ari ikibazo cyizwi ku rwego rw’igihugu.

    Ahamya ko mbere na mbere icyari gikenewe ari uko abana babanza kubona aho bigira ariko ngo n’aho bidagadurira harakenewe.

    Ati “Kugira ngo umuntu agire ubuzima bwiza akenera gukora siporo; n’aba barwayi ba Covid-19 mu miti ya mbere babaha harimo no kubakoresha siporo. Umwana akuze adakora siporo yazayikora afite imyaka ingahe?”

    “Twanabiganiriyeho mu itorero ry’aba-Sportif ryabereye i Nkumba na Minisitiri [Uwacu Julienne] twabimubwiye avuga ko bigiye gukosorwa. Twanagaragazaga n’ibigo by’amashuri byubatse mu manegeka bidashobora kugira ibibuga.”

    Ntabwo gahunda ihari ari ugusenya ibibuga hubakwa amashuri

    Umunyamabanga wa Leta Ushinzwe Amashuri Abanza n’Ayisumbuye, Twagirayezu Gaspard, yavuze ko bizwi ko hari amashuri atagira ibibuga by’imikino ariko ko bikenewe.

    Kuba ibibuga byarubatswemo amashuri ngo si yo yari amahitamo ya mbere ahubwo harebwe igikenewe kurusha ibindi.

    Ati “Ntabwo twavuga ko gahunda ihari ari ugusenya ibibuga tukubaka amashuri, ni ukubikora byombi aho bishobotse. Aho twubaka amashuri aho bishoboka n’ibibuga biba birimo nk’ayubakwa mu Midugudu y’intangarugero.”

    Aho byagiye bibaho ko ibibuga byubakwamo amashuri si uko ari byo byari bigambiriwe, hari igihe rimwe na rimwe ikibazo kiba kiri ahantu nk’ubucucike abantu bareba igikenewe kurusha ibindi muri icyo gihe ariko na none hari izindi gahunda zo gushyira ibibuga ahantu hatandukanye mu gihugu no mu buryo busanzwe abaturage bakaba babona aho bakinira, n’ibyo bibuga bisanzwe bibakaba byakoreshwa n’abanyeshuri.

    Yavuze ko aho bidashoboka ko hajya ibibuga bisanzwe harebwa nk’ibya football na volleyball bitavuze ko abana batakina ahubwo hazakomeza kurebwa ubwoko bw’imikino yindi yakinwa.

    Mu Rwunge rw’Amashuri rwa Kabusunzu mu Karere ka Nyarugenge, imbuga nto abanyeshuri bashoboraga gukiniramo iri kubakwamo ibyumba by’amashuri

    Mu Kigo cy’Urwunge rw’Amashuri rwa Kimisagara bafite ikibuga cya Volleyball abanyeshuri bashobora gusimburanamo

    Mu Rwunge rw’Amashuri rwa Kimisagara habarurwa abanyeshuri bagera ku bihumbi bine ntaho kwidagarurira bafite

    Amafoto: Yuhi Augustin

    source : https://ift.tt/3soOLnv