Webrwanda Backend

Author: webrwanda

  • Umuzamu wAmavubi Emery Mvuyekure yegukanye i… – #rwanda #RwOT

    Kuri uyu munsi muri Kenya hakinwaga umunsi wa nyuma wa shampiyona aho ikipe ya Tusker FC yari ihanganiye igikombe cya Shampiyona na KCB ariko birangira Tusker FC yegukanye igikombe. Tusker FC yakinnye na Bidco United iyitsinda ibitego 2-1 naho KCB itsindwa na City Stars ibitego, Tusker FC itwara igikombe cya Shampiyona ifite amanota 65, KCB iba iya kabiri n’amanota 62. Bandari FC itozwa n’umunyarwanda Cassa Mbungo, yaje ku mwanya wa Gatatu n’amanota 53. Cassa yageze muri Kenya mu ntangiriro za shampiyona aho yari avuye mu ikipe ya Gasogi United.

    Mvuyekure Emery, umuzamu w’ikipe y’igihugu Amavubi akaba n’umuzamu wa mbere wa Tusker FC, yegukanye igikombe cya Shampiyona nyuma y’imyaka 3 amaze muri iyi kipe. Tusker FC igikombe itwaye kibaye icya 12 cya Shampiyona kuko yaherukaga gutwara iki gikombe mu 2016.


    Source : https://inyarwanda.com/inkuru/108830/umuzamu-wamavubi-emery-mvuyekure-yegukanye-igikombe-cya-shampiyona-muri-kenya-cassa-aba-uw-108830.html

  • Arsenal yongeye kwitandukanya namanota 3 its… – #rwanda #RwOT

    Mu mukino Arsenal yari yakiriye, amatsiko yari menshi hibazwa niba iri buze guhagarika ikipe ya Chelsea FC ariko intero iguma kuba ya yindi Arsenal ibura amanota atatu. Umukino watangiye ikipe zombi zikinira mu kibuga hagati, ariko ikipe ya Chelsea ikiganza Lukaku ashaka gutsinda igitego cye cya mbere muri iyi Shampiyona.

    Lukaku yabonye igitego nyuma yo kugaruka mu Bwongereza 

    Abakinnyi babanjye mu kibuga: Arsenal, Leno,  Tierney, Mari, Holding, Cedric, Sambi, Xhaka (c), Saka, Smith Rowe, Pepe na Martinelli.

    Chelsea: Mendy, Rüdiger, Christensen, Azpilicueta (c), Alonso, Kovačić, Jorginho, James, Havertz, Lukaku, Mount.

    Uruhande rw’ibumoso ku ikipe ya Arsenal hakinaga Tierney,  yagumye kugorwa na Mason Mount ndetse Ree James wakinaga azamuka cyane byaje gutuma ku munota wa 15 Lukaku atsinda igitego cya mbere ku mupira yari aherejwe na James, ndetse ku munota wa 35 Reece James atsinda igitego cya kabiri. Igice cya mbere cyarangiye ari ibitego bibiri ku busa bwa Arsenal itabonye uburyo bufatika bw’igitego.

    Mu gice cya  Kabiri ikipe zombi zaje zishaka kwiganza ndetse no kwiharira umukino, Arsenal yakoze impinduka ikuramo Tierney ishyiramo Nuno Tavares naho Pierre Emerick Aubameyang asimbira Martinelli, Saka asimburwa na Folarin Balogun. Ku munota wa 76 Mount yakatiye umupira  Lukaku ashyiraho umutwe umupira ukorwaho na Leno ugonga igiti cy’izamu ugaruka mu kibuga.

    Arsenal byongeye biranga

    Chelsea nayo yaje gukora impinduka Ngolo Kante asimbura Kovacic naho Mount asimburwa na Hakim Ziyech. Umukino bongeyeho imino 3 ariko amakipe yombi asoza nta mpinduka zibaye ari ibitego bibiri bya Chelsea ku busa bwa Arsenal.


    Source : https://inyarwanda.com/inkuru/108831/arsenal-yongeye-kwitandukanya-namatona-3-itsindwa-na-chelsea-fc-ibitego-2-ku-busa-108831.html

  • Umunyamakuru ukunzwe kuri televiziyo y'u Rwanda yakoze ubukwe(AMAFOTO) – YEGOB #rwanda #RwOT

    Umunyamakuru ukunzwe cyane kuri Televiziyo y'igihugu Nadia Mutoni yasezeranye kubana akaramata n'umukunzi we, Malik,

    Ku wa gatandatu taliki 21/8/2021 nibwo Nadia Umutoni ukunzwe cyane kuri tereviziyo y'U Rwanda yakoze ubukwe (gusaba) ndetse n'indi muhango y'ubukwe.

    Mu mpera y'umwaka ushize wa 2021 nibwo Nadia na Malik bagiye gusezerana imbere y'amategeko bemeranya kubana akaramata.
    Nadia Umutoni azwi mu kiganiro gica kuri Tereviziyo Rwanda cyitwa 'zoom in' kibanda Ku makuru y'ibyamamare aho akorana na Gerard Mbabazi.

    Aba bombi bakunze kugaragara ubuzima bw'urukundo rwabo, banyuza amafoto atandukanye kuri instagram, aho bafite urubuga bise Nadia&Malik bagaragazaho kenshi ibihe byiza byurukundo baba bagirana.

     

     

    Source : https://yegob.rw/umunyamakuru-ukunzwe-kuri-televiziyo-yu-rwanda-yakoze-ubukweamafoto/

  • Menya ubuzima bwa Bizimungu Dieudonné waririmbye udusozi twose tw’u Rwanda #Rwanda #RwOT via @kigalitoday #rwanda #RwOT

    Bizimungu Dieudonnée n
    Bizimungu Dieudonnée n’umugore we Uwimbabazi Agnès

    Bizimbungu ni mwene Mbendegezi Kabeja na nyina witwaga Nyiragakera, umuryango avukamo ukaba wari utunzwe n’Ubworozi, bakaba baraje kwimuka bava ku Mukamira baza gutura mu yahoze ari komini Ramba ubu ni mu Karere ka Ngororeroaho, ababyei be bari bakurikiye urwuri rwa Gishwati ngo bagure ubworozi bw’inka.

    Bizimungu avukana n’abavandimwe benshi, abagera ku 10 bakaba bakiriho, ngo yaba inganzo ye ayikomora ku muco Nyarwanda mu bitaramo aho yasusurutsaga abashyitsi mu bitaramo by’iwabo akoresheje inanga.

    Murindahabi Joseph w’imyaka 58, avuga ko Bizimungu ari mukuru we kwa se wabo, akaba amuzi neza kuko bareranwe bakanabana ahantu hatandukanye.

    Avuga ko Bizimungu yize amashuri abanza i Gatovu muri Komini Ramba y’icyo gihe, icyiciro cya mbere cy’amashuri y’ubumenyi rusange ayiga i Rubengera mu yahoze ari Perefegitura ya Kibuye ubu ni mu Karere ka Karongi, amashuri yisumbuye ayasoreza i Nyanza muri Christ Roi.

    Yakoze akazi k’ubwarimu iwabo aho yaje kwimuka yerekeza mu Mujyi wa Kigali ku Muhima ari na ho yatangiriye urugendo rwe mu muziki wo ku rwego rwisumbuye, waje kumenyekana mu Rwanda hose.

    Icyo gihe ngo yitabiraye amarushanwa y’umuco mu kigo ndangamuco Centre Cultural Franco-Rwandais aza ku mwanya wa gatanu n’indirimbo ye ‘Tunyoni tw’iwacu ntunyonere amajyeri niyera nzaguha’.

    Ayo marushanwa ngo yatumye atangira kwinjira mu nganzo maze ahimba indirimbo zitandukanye zirimbo Araje munini, n’izindi zatumye amenyekana cyane.

    Yakoze akazi k’ubwarimu anakora mu kigo cy’Igihugu cyari gishinzwe kubaka inyubako za Leta, yashinze urugo mu 1984 na Uwimbabazi Agnès uvuka i Rubengera mu Karere ka Karongi, babyaranye umwana umwe witwa Noella.

    Ni iki cy’umwihariko abantu bakwiye kumenyera kuri Bizimngu Dieudonné?

    Murindahabi avuga ko Bizimungu Dieudonné yakundaga u Rwanda nk’uko byumvikana mu ndirimbo ye ‘Urujeje rw’imisozi 1000′, irimo udusozi hafi ya twose tw’u Rwanda, ibitaramo bye akaba atarabyishyuzaga usibye kwishyura abagize uruhare mu gucuranga.

    Agira ati “Yakundaga u Rwanda agakunda umuco nyarwanda, ndibuka ko agiye guhimba Urujeje rw’imisozi 1000 yakoze ku rungano rwe rwose adusaba gukwira hose mu gihugu twandika amazina y’udusozi tw’Igihugu, bamwe bajya mu Buganza, Nduga, Gisaka, Bugoyi, Murera, Karongi Nduga za Butare, maze ayo mazina yose ayakoramo indirimbo iba ndende bisaba ko ayikoramo ebyiri”.

    Muri iyo ndirimbi humvikanamo ataka u Rwanda ko ruteye neza, akikirizwa n’umugore we Uwimbazi aho gira ati irebere u Rwanda rutengamaye mu misozi myiza 1000, isobetse imirambi n’ibibaya mu runyuranyurane rw’imigezi n’ibiyaga.

    Indirimbo Ryangombe kandi na yo igaragaza ko Bizimungu yakundaga u Rwanda aho ngo yaba yarayihimbye agamije gukebura abari batangiye gutwarwa n’ibyo hanze maze ayihimba agamije gusaba Imana ko yarengera abari batangiye guta umurongo, dore ko ngo n’abakuze bari batangiye kudohoka ku muco.

    Murindahabi avuga ko indirimbo ya Bizimungu yaririmbye mu marushanwa y’agaseke k’amahoro yise ‘Akanyange’ yahawe ibihembo ariko yari igamije kurata umwana we w’umukobwa wari ukiri muto.

    Bizimungu asobanura ko indirimbo Inzovu y’imirindi nta kindi kiyihishe inyuma kuko mukuru we yayihanze abitewe no gukunda umuco n’Abanyarwanda, agamije guca akarengane n’ubuhemu, mu gihe hari abavugaga ko iyo ndirimbo yaba yari ifite aho ihuriye n’urugamba Inkotanyi zateguraga rwo kubohora u Rwanda.

    Murindahabi avuga ko uwashaka gusubiramo indirimbo za Bizimungu Dieudonné, umuryango wamuha rugari, akaba Ashima abahanzi babyiruka bita cyane ku muco, akaba asaba abakunze Bizimungu gukunda umwana yasize kandi bagakunda n’ubutumwa yatangaga mu ndirimbo ze.


    source : https://ift.tt/2UGFXgw

  • Umudozi wigwijeho amakamba! Ibyo wamenya kuri… – #rwanda #RwOT

    Ni mu birori bikomeye byabereye mu nyubako yitwa Strzelecki Park Ampitheater mu Mujyi wa Malopolska muri Poland mu ijoro ry'uyu wa 22 Kanama 2021, aho yahigitse abakobwa 58 bari bahatanye bo mu bihugu bitandukanye byo ku Isi.

    Chanique yaranzwe n'ibinezaneza ku maso! Yabwiye itangazamakuru ko atabasha kubona uburyo asobanura umunezero yagize nyuma yo gutangazwa ko ari we wegukanye ikamba rya Miss Supranational; aba umukobwa wa mbere wo muri Afurika uryambitswe.

    Uyu mukobwa yavuze ko atigeze arota yambikwa ikamba rya Miss Supranational ariko 'Imana yambashishije kubigeraho'. Avuga ko yari ahatanye n'abakobwa beza b'abahanga, ku buryo ubwo yari asigaranye ku rubyiniro n'umunya-Puerto Rico yumvaga ko ari we ugiye kwegukana ikamba.

    Chanique Rabe yashimye abamushyigikiye muri uru rugendo, asezeranya kuzakoresha neza iri kamba yambitswe. Yabaye umukobwa wa mbere mu bihugu 57 byo muri Afurika byitabira Miss Supranational, ubashije kwegukana iri kamba aturuka kuri uyu mugabane.

    Nyina w'uyu mukobwa, Natasha Rabe wari witabiriye ibirori umukobwa we yambikiwe ikamba, yabwiye itangazamakuru ko atewe ishema n'umwana we.

    Avuga ko atari afite icyizere cy'uko atsinda. Yavuze ko umwana we atumye Namibia yongera kwisanga ku ikarita y'ibihugu bikomeye mu marushanwa y'ubwiza.

    Uyu mubyeyi yavuze ko, aho yari yicaye, yari yegeranye na Nyina wa Anntonia wari umaze umwaka urenga yambaye ikamba rya Miss Supranational 2019.

    Avuga ko abantu bakwiye kumenya ko amarushanwa y'ubwiza atandukanye n'uko abantu bayatekereza.

    Miss Chanique yagaragiwe na Karla Acevedo wo muri Puerto Rico wabaye igisonga cya Mbere, Thato Mosehle wo muri Afurika y'Epfo wabaye igisonga cya kabiri, Valentina Sanchez wo muri Venezuela wabaye igisonga cya Gatatu na Eoanna Constanz wo muri Dominican Republic wabaye igisonga cya kane.

    Mu cyiciro cyo kugaragaza umwambaro w'Igihugu [National Costume], Jihanne Almira Chedid wo muri Indonesia ni we wegukanye ikamba naho Louise-Marie Losfeld wo mu Bubiligi yegukanye ikamba ry'umukobwa uberwa n'amafoto [Miss Photogenic].

    Jihanne Almira Chedid wo muri Indonesia yegukanye ikamba rya Supra Fan Vote; Darelys Santos wo muri Panama yabaye Top Model, Verónica Sarfo Adu Nti wo muri Ghana yabaye Miss Talent, Karla Guilfú Acevedo wo muri Puerto Rico naho Phidelia Mutunga wo muri Kenya yabaye Supra Influencer.

    Chanique Rabe wabaye Miss Supranational 2021 yavukiye mu Mujyi wa Windhoek muri Namibia. Ni Ambasaderi w’Umuryango witwa Village Orphanage.

    Abinyujije mu muryango udaharanira inyungu witwa The Mending yigisha abana kudoda. Guhera 2003 kugeza 2005 yigaga muri Windhoek Afrikaanse Privateskool aho yanambitswe ikamba ry'icyo kigo.

    Uyu mukobwa ureshya na 1.75m mu 2013, yagiye muri Leta Zunze Ubumwe za Amerika gusura ahantu nyaburanga, ahera ku kiyaga Buena Vista, akomereza mu Mujyi Florida, ajya i Los Angeles ndetse no muri California.

    Yigwijeho amakamba! Yambitswe ikamba rya Miss Teen Namibia 2014; Yegukanye Queen Spark 2015, muri 2015 kandi yongera kwegukana Miss Teen Continents mu birori byabereye mu Mujyi wa Texas muri Leta Zunze Ubumwe za Amerika.

    Mu 2016 no mu 2017, uyu mukobwa yagendereye mu bihe bitandukanye Afurika y'Epfo. Mu 2018 avugwa mu rukundo n'umusore witwa Kyle Honeyborne.

    Mu 2018 kugeza 2019 yakurikiranye amasomo muri Fedisa yo muri Capetown ahakura impamyabumenyi.

    Tariki 14 Ukwakira 2020, uyu mukobwa yambitswe ikamba rya Miss Supranational Namibia 2020 mu birori byabereye ahitwa Droombos muri Windhoek, aho yahigitse abakobwa 12 bageranye mu cyiciro cya nyuma.

    Uyu mukobwa afite impamyabumemyi y'icyiciro cya kabiri cya Kaminuza mu bijyanye no guhanga no kumurika imideli. Afite 'Brand' ye y'imyambaro ku isoko, ndetse afite mu biganza ishuri ryitwa Junior Sewing School.

    Miss Supranational ni ngaruka mwaka, ryabaga ku nshuro ya 12. Iri rushanwa ryatangiye mu 2009, mu 2020 ryarasubitswe kubera Covid-19.

    Chanique Rabe Miss Supranational 2021 n'ibisonga bye

    Chanique Rabe yavuze ko yumvaga muri we Umunya-Puerto Rico ari we wegukana ikamba rya Miss Supranational

    Anntonia Porsild wo muri Thailand wari umaze umwaka yambaye ikamba yaritanze

    Ibyishimo ku mukobwa wo muri Namibia wanditse amateka mashya muri Miss Supranational Abakobwa batanu begukanye amakamba muri Miss Supranational 2021 Karla Acevedo wo muri Puerto Rico wabaye igisonga cya Mbere

    Thato Mosehle wo muri Afurika y'Epfo wabaye igisonga cya kabiri

    Valentina Sanchez wo muri Venezuela wabaye igisonga cya Gatatu

    Chanique w'imyaka 24 y'amavuko, asanzwe ari umunyamideli ukomeye muri Namibia

    Eoanna Constanz wo muri Dominican Republic wabaye igisonga cya kane

    Anntonia Porsild wo muri Thailand yavuze ko kuba yari amaze umwaka urenga afite ikamba rya Miss Supranational byamufunguye amasomo n'umutima


    Abakobwa 58 bari bamaze ibyumweru birenga bibiri muri Poland bahataniye ikamba rya Miss Supranational

    Umunya-Namibia Chanique yakoze amateka atari yakozwe n’abakobwa bo muri Afurika bitabiriye Miss Supranational

    Miss Chanique yahemwe amadorali 35.000

    Sarfo wo muri Ghana yahize abandi mu kugaragaza impano yambikwa ikamba rya Miss Talent

    Miss Umuratwa Kate Anitha wari uhagarariye u Rwanda ntiyabashije gutsinda [Aragaragara inyuma y’abakobwa babiri babanza ibumoso]

    REBA INCAMAKE Y’UBUZIMA BWA MISS CHANIQUE RABE

    “>

    Source : https://inyarwanda.com/inkuru/108829/umudozi-wigwijeho-amakamba-ibyo-wamenya-kuri-chanique-umunyafurika-wanditse-amateka-wabaye-108829.html

  • Indirimbo ‘Tuzatsinda’ [Covid-19] yahuriyemo… – #rwanda #RwOT

    Indirimbo igaruka ku buzima bwa COVID-19 yitwa ‘Tuzatsinda’ yahuriyemo abahanzi batandukanye bagera kuri 13 bose baririmba mu njyana zinyuranye, yageze ahanze ikaba yashyizwe kuri shene y’umuhanzi uzwi nka Andy Bumuntu.

    Nk'uko bigaragazwa, ikaba yarakozwe hagamijwe guhuza abantu mu bumwe, icyizere, no kugira imbaraga kandi ko mu bufatanye igihe kizagera ibintu bikongera gusubira uko byahoze.

    Abahanzi bari muri iyi ndirimbo ni Andy Bumuntu, Yvan Buravan, Peace Jolis, Mani Martin, Masamba, Kivumbi, Niyo Bosco, Mike Kayihura, Clarisse Karasira, Israel Mbonyi, Jules Sentore, Mucyosounds na Alynsano.

    Iyi ndirimbo yatunganijwe mu buryo bw’amajwi na Bob Pro, iyoborwa na Cedrick Gitego ku nkunga y’Ikigo cy’Igihugu gishinzwe Ubuzima (RBC) na Mastercard Foundation.

    KANDA HANO WUMVE INDIRIMBO NSHYA ‘TUZATSINDA’ YAHURIYEMO IBYAMAMARE MU MUZIKI NYARWANDA

    Andy Bumuntu, Niyo Bosco, na Masamba IntoreAlyn Sano ubwo hafatwaga amajwi y’indirimbo muri StudioYvan BuravanAndy BumuntuKivumbi, Mucyo Sound na Peace JolisClarisse Karasira na Niyo BoscoAndy Bumuntu, Israel Mbonyi na Mike KayihuraMucyo Sound, Peace Jolis, Mani Martin, Alyn SanoIsrael Mbonyi, Clarisse Karasira na Andy Bumuntu

    Source : https://inyarwanda.com/inkuru/108826/indirimbo-tuzatsinda-covid-yahuriyemo-abahanzi-13-bibyamamare-mu-rwanda-yageze-hanze-video-108826.html

  • Abakobwa gusa: Niba umusore mukundana akunda… – #rwanda #RwOT

    Nyuma yo kumenya aya magambo umusore mukundana akoresha akaba yakwereka ko vuba muratana , uhite wiga uko wakomeza kumubanira neza cyangwa nawe uhindukire umwandikire urwandiko rumusezerera mbere ye. Nusanga uwo mukundana ayakoresha wifatire umwanzuro.

    1.'Ntuzategereze ko nkusobanurira buri kimwe ariko'.

    Urukundo ni ukwihangana. Kwihangana ni ryo shingiro ry'urukundo rw'ukuri, niyo mpamvu rero bigora iyo utari kumwe n'umukunzi wihangana ngo abe yagusobanurira buri kimwe. Niba uwo mukundana akunda kukubwira ngo 'Erega ntugategereze ko nkusobanurira buri kimwe', menya ko atakiri uwawe.

    2.'Erega ibibazo byawe , si ibyanjye'' (Menya ibyawe).

    Buri mubano wose, wubakira ku cyizere, kubaha no gukundana, hagomba iteka kubaho gufashanya no kuzuzanya. Niyo mpmavu abantu bakundana by'ukuri , basangira ibyiza n'ibibi, inyungu n'ibihombo. Insinzi y'umwe muri bo , ikaba insinzi y'urukundo rwabo.

    3.'Niba udakunze ibyo ubona , shaka undi'.

    Niba uwo musore atangiye kujya agutera ubwoba ngo shaka undi, icyo ni ikimenyetso cyumvikana cyane. Ubwo yumva ko nta gitekerezo wowe wagira. Uyu musore rero yamaze kukuvamo kera.

    Umusore ugukunda iteka azahora yumva mwaganira kandi azajya agutega amatwi, natemeranya n'ibyo uvuga azajya abyivugira we ubwe.

    4.'Sinkwizera erega'.

    Ntuzigera uba mu rukundo n'umusore utakwizera. Ukwiriye kuba murukundo n'umusore ukwizera, umusore uguha umutima we, akaba azi neza ko uko byagenda kose na we umukunda .

    5.'Simbizi, bikore uko ubyumva'

    Ntabwo akwiyumvamo. Ibi bizatuma numubaza akantu yanga kugusubiza, akwihorere cyangwa akubwire ngo rero , bikore uko ushaka. Umusore iyo atemeranya nawe aba agukundaa, ariko iyo ataguha umwanya , nta n'icyo mwavugana.

    6.Rekera gutekereza byinshi ariko'

    Iyo ugerageje kwiga ku kantu gashya mu rukundo rwanyu, arakubwira ngo 'Rekera aho gutekereza byinshi'. Nubibona rero uzamenye ko hari ikitajya mbere.

    7.'Sinkigukunda'

    Niba uri umunyamahirwe, uzagira umukunzi uzashikama akakubwira ko atakigukunda. Ni amakuru mabi kuyumva ariko uzamenye ko uri umunyamahirwe. Biba byiza kugira umukunzi uzakubwiza ukuri kurenza uko wagira wa musore uzakubabaza gusa.

    Inkomoko: Relrules

    Source : https://inyarwanda.com/inkuru/108827/abakobwa-gusa-niba-umusore-mukundana-akunda-gukoresha-aya-magambo-vuba-aragusezerera-108827.html

  • Musore, niba utiyizeye ku ikofi ntuzirushye utereta umukobwa nk'uyu. – YEGOB #rwanda #RwOT

    Abasore benshi usanga bipasa muremure mu gihe cyo gutereta inkumi, akenshi bakurikiye ubwiza bw'umukobwa nyamara ahenze ndetse akeneye ibyo umusore atabonera ubushozi,ibi bigatuma bamwe bagashaka kuba aka ya mvugo ngo ' umusore utirariye ntarongora inkumi'.

    Ibi tugiye kukwereka ushobora kubisuzugura bitewe nibyo ubayemo uyu munsi ariko niwegera abagabo benshi bazaguha ukuri gusesuye ndetse wige byinshi.

    Dore bamwe mu bakobwa udakwiye kwiteza mugihe utiyizeye ku ikofi muburyo buhagije.

    1.Umukobwa ukunda impano cyane

    Uyu impamvu udakwiye kumuzana nuko agatima ke gahira gakeneye kwakira atitaye ibyo yakira aho bivuye. Uyu numuzana agasanga ibyo ufite murugo byose nawe arabifite azakenera ibindi bishya kandi wowe udafitiye ubushobozi. Mu gihe rero uzaba udashoboye kumuha byose ashaka n'ubundi birangira asubiye hanze gushaka za mpano akeneye. Ukwiye kwitonda.

    2.Umukobwa ugira ubugambo bwinshi

    Nubwo bavuga ngo abagore bagira amagambo ariko burya sibose ndetse n'amagambo bagira ntahura. Hari bamwe bakunda ibihuha uko byaba bimeze kose mwene uyu rero bisaba ngo niba umuzanye ube ufite amafaranga kuburyo ujya kumutuza aha wenyine adahura n'abanyamagambo benshi.
    Nukubera iyo aba mu kajagari ahura n'abandi bagore buri munsi wisanga ugomba gukemura amatiku bitabaye ibyo birangira nawe umutwe bawumennye.

    3.Abakobwa bafite ikimero gikurura abagabo

    Umukobwa (umugore) ashobora kuba adafite isura ikurura abagabo ariko akaba afite imiterere ibakurura, mwene uyu uko asohotse azunguza ikibuno ku muhanda, abagabo benshi bava mubyabo, mwene uyu iyo umufite umutima wawe uhora uhagaze igihe cyose atari murugo, ibi rero bigora benshi kubana nabyo ndetse bikagera aho na wa mugore akakwinubira ko umufuhira bikabije kandi udafite ibyo akeneye byose.

    4.Umukobwa w'uburanga buhebuje cyane

    Igihe cyose uzanye umugore w'uburanga buhebuje kandi udafite amafaranga ahagije yo kumwitaho, uzamenye ko wikururiye indwara y'umutima. Uko ageze hanze abagabo bamukanuriye baramwifuza bikomeye ndetse abafite ku ikofi bagatangira gushaka kumuha ibyo adafite, uwo mugore nawe iyo adafite umutima ukomeye agatangira kwemera izo mpano uzamenye ko kakubayeho bamujyanye birangiye.

    Mwene aba bagore (abakobwa) bahora bakeneye byinshi bwo kwiyitaho nko gukomeza uruhu rwabo ngo rukomeze kubengerana mugihe udafite ibyo akeneye ntabwo azemera gusa nabi ahubwo azafata bimwe abagabo bo hanze bamuha.

    Source : https://yegob.rw/musore-niba-utiyizeye-ku-ikofi-ntuzirushye-utereta-umukobwa-nkuyu/

  • Chelsea yihanije Arsenal ishyira Arteta mu mazi abira #rwanda #RwOT

    Nyuma yo gutsindwa na Brentford ibitego 2-0,kuri iki cyumweru yatsindiwe ku kibuga cyayo na Chelsea ibitego 2-0 byose byinjiye mu gice cya mbere.

    Romelu Lukaku wakinnye umukino we wa mbere muri Chelsea nyuma yo kugurwa miliyoni 97 z'amapawundi, niwe watsinze igitego cya mbere ku munota wa 15 ku mupira mwiza yahawe na Reece James.

    Lukaku w'imyaka 28,yari amaze imyaka 9 n'iminsi 360 akinnye umukino we wa mbere muri Chelsea ariyo mpamvu yakoze cyane kugira ngo yigarurire imitima y'abafana.

    Ku munota wa 35,Chelsea yabonye igitego cya kabiri cyatsinzwe na Reece James nyuma y'umupira mwiza yahawe na Mason Mount agaca mu rihumye ba myugariro ba Arsenal bari barangaye.

    Lukaku wabyigaga cyane ba myugariro ba Arsenal,yabonye amahirwe menshi yo kubona ibitego byinshi ariko umunyezamu Leno amubera ibamba.

    Arsenal itakigira umukino wubakitse kubera urwego rwo hasi rwa bamwe mu bakinnyi bayo,niyo kipe imaze gutanga amafaranga menshi mu kugura abakinnyi muri iyi mpeshyi ariko nta n'umwe wakora ikinyuranyo mu bo yaguze.

    Umutoza Arteta utaramara imyaka 2 muri Arsenal,amaze gutsindirwa mu rugo imikino myinshi kurusha iyo Arsene Wenger yatsinzwe mu myaka 6.

    Arsenal iri mu mazi abira kuko ku mukino w'umunsi wa 3 izasura Manchester City imaze iminsi iyitsinda iyo bahuye.

    Umutoza Mikel Arteta yatangaje ko gutsindwa uyu mukino byatewe nuko yabuze abakinnyi 9 bakomeye ndetse ngo nibaba bagarutse azitwara neza gusa yijeje abafana ko azatsinda umukino wo hagati mu cyumweru azakina na West Bromwich muri Carabao Cup.



    Source : https://umuryango.rw/imyidagaduro/imikino/article/chelsea-yihanije-arsenal-ishyira-arteta-mu-mazi-abira

  • Ubuzima bw'umuhanzi Jose Chameleone buri mu mazi abira. – YEGOB #rwanda #RwOT

    Umuhanzi ukomoka muri Uganda, Jose Chameleone akomeje kurembera mu bitaro, nyuma yo kujyanwa kwa muganga atameze neza.Ikinyamakuru the Standard media cyatangaje ko umuhanzi Joseph Mayanja uzwi ku izina rya Jose Chameleone arembye cyane kandi akaba aryamye mu bitaro bya Nakasero i Kampala.

    Nk'uko byatangajwe n'umwe mu batwara Chameleon witwa Stuart Kagolo ko yinjiye mu bitaro byo mu gace ka Seguku ku wa kane, tariki ya 19 Kanama 2021, mbere yo kujyanwa mu bitaro bya Nakasero i Kampala.

    Nkuko kandi byatangajwe na Dembe FM mu kiganiro cya mu gitondo nuko Chameleone ashobora kuba arwana n'indwara ijyanye n'umwijima kubera kunywa cyane ibinyobwa bisindisha no kunywa itabi.

    Source : https://yegob.rw/ubuzima-bwumuhanzi-jose-chameleone-buri-mu-mazi-abira/