Webrwanda Backend

Author: webrwanda

  • Perezida Kagame yagiranye ibiganiro n’Umuyobozi wa Banki y’Ishoramari y’u Burayi – #rwanda #RwOT

    Perezida Kagame yageze mu Budage kuri uyu wa 26 Kanama 2021, aho yitabiriye iyi nama izwi nka izwi nka ‘G20 Compact with Africa (CwA)’, ihuriza hamwe abayobozi b’ibihugu bya Afurika, ibigize G20, abashoramari, abacuruzi n’abandi bafatanyabikorwa.

    Ibiro by’Umukuru w’Igihugu, Village Urugwiro, byatangaje ko Perezida Kagame yagiranye ibiganiro n’abayobozi batandukanye, barimo Perezida wa Sénégal, Macky Sall; Umuyobozi w’Umuryango kENUP Foundation ndetse n’Umuyobozi Mukuru w’Uruganda Siemens South Africa, Sabine Dall’Omo.

    Mu bandi baganiriye n’Umukuru w’Igihugu harimo Werner Hoyer, wigeze kuba Umunyamabanga wa Leta muri Minisiteri y’Ububanyi n’Amahanga y’u Budage ushinzwe u Burayi, kuri ubu akaba ari Perezida wa Banki y’Ishoramari y’u Burayi kuva mu 2012.

    EIB ibinyujije kuri Twitter yagize iti “Perezida Werner Hoyer yahuye, anaganira na Perezida Kagame i Berlin.”

    EIB isanzwe ikorana n’u Rwanda kuva mu 2000, mu mishinga itandukanye igamije guteza imbere imibereho myiza y’abaturage no kuzamura ubukungu by’umwihariko binyuze mu nguzanyo n’inkunga iyi banki igenda itera u Rwanda.

    Mu 2018, EIB yasinyanye n’u Rwanda amasezerano y’inguzanyo ya miliyari 46,8 Frw, agamije kwifashisha mu mushinga wo kubaka uruganda rutunganya amazi mabi mu Mujyi wa Kigali.

    Ubwo hasinywaga ayo masezerano, Minisiteri y’Imari n’Igenamigambi, Dr Ndagijimana Uzziel, yatangaje ko iyi nguzanyo izakoreshwa mu cyiciro cya mbere cy’uyu mushinga kizatwara miliyoni 96 z’amadolari ya Amerika, ukaba witezweho gusigasira ubuzima bwiza no kubungabunga ibidukikije.

    Iti “Kigali ni umwe mu mijyi ya Afurika irimo gutera imbere cyane, gushora imari mu mishinga y’amazi n’isukura ni ingenzi mu kongera ubuzima bwiza no kugabanya ibihumanya.”

    Icyo gihe Umuyobozi ushinzwe ibikorwa bya EIB muri Afurika, Aziya na Amerika y’Amajyepfo, Maria Shaw-Barragan, yavuze ko umushinga wo gutunganya amazi mabi muri Kigali uzagirira akamaro benshi cyane, bakagira ubuzima bwiza kandi ukagabanya amazi ahumanye ajya mu migezi akabangamira ibinyabuzima biyibamo.

    Yakomeje avuga ko aya masezerano azatanga umusanzu mu ntego z’iterambere rirambye, zirebana n’ubuzima, imibereho myiza, imijyi imeze neza n’amazi meza n’isukura.

    Yagize ati “Uyu mushinga urakora no ku ihindagurika ry’ikirere, uzatuma habaho igabanuka ry’imyuka ihumanya ikirere. Ni ikintu cyiza ku Isi yose kuko dusangiye ikirere, mureke dushyire hamwe kugira ngo ugere ku ntego yawo.”

    Banki y’Ishoramari y’u Burayi, European Investment Bank (EIB), iteganya kandi gufasha Umuryango kENUP Foundation, mu gutera inkunga ibikorwa byo gukorera inkingo mu bihugu byo Munsi y’Ubutayu bwa Sahara.

    Mu minsi ishize, Holm Keller, Umuyobozi Mukuru w’Umuryango kENUP Foundation, utera inkunga ibikorwa birimo ubushakashatsi no guhanga ibishya mu rwego rw’ubuzima, yagiriye uruzinduko i Kigali rutegura gutangira gukorera inkingo n’imiti mu Rwanda.

    Icyo gihe Minisitiri w’Ubuzima, Dr Ngamije Daniel, yabwiye IGIHE ko bagiranye ibiganiro biganisha ku kureba uko mu Rwanda hatangira gukorerwa inkingo, kureba ibisabwa n’uburyo byakorwamo.

    Perezida Kagame yagiranye ibiganiro na Werner Hoyer uyobora Banki y’Ishoramari y’Abanyaburayi

    source : https://ift.tt/38eMAd2

  • Perezida Kagame na Macky Sall wa Sénégal bahuriye mu Budage – #rwanda #RwOT

    Abakuru b’ibihugu byombi bahuye kuri uyu wa 26 Kanama 2021, aho bitabiriye iyi nama izwi nka G20 Compact with Africa (CwA), yahurije hamwe abayobozi b’ibihugu bya Afurika, ibigize G20, abashoramari, abacuruzi n’abandi bafatanyabikorwa.

    Ibiro by’Umukuru w’Igihugu, Village Urugwiro, byatangaje ko Perezida Kagame na mugenzi we Macky Sall bahuye gusa ntihatangajwe ibyo baganiriyeho.

    U Rwanda na Sénégal bisanzwe bifitanye umubano mwiza ushingiye ku mikoranire inyuranye irimo ibijyanye n’uburezi bw’amashuri makuru na Kaminuza.

    Perezida Macky Sall ubwo yagiriraga uruzinduko mu Rwanda mu 2016, yatunguwe n’ikigero cy’Ubumwe n’Ubwiyunge Abanyarwanda bari bagezeho nyuma y’imyaka 22 bari bamaze bavuye muri Jenoside yakorewe Abatutsi mu 1994.

    Yavuze ko ibi byagezweho kubera imiyoborere myiza irangajwe imbere na Perezida Kagame Paul wanayoboye urugamba rwo guhagarika Jenoside yakorewe Abatutsi.

    Mu ntangiriro za Mata 2019, Perezida Kagame Paul yitabiriye umuhango w’irahira rya Perezida Macky Sall watorewe kongera kuyobora Sénégal mu matora yabaye muri Werurwe 2019.

    U Rwanda rwafunguye Ambasade yarwo muri Sénégal mu 2011 mu rwego rwo gushimangira umubano n’icyo gihugu n’ibindi byo mu Karere, ni n’uburyo bwo guteza imbere ubucuruzi no gufatanya n’Abanyarwanda batuye muri ibyo bihugu.

    Sénégal na yo ihagarariwe mu Rwanda na Doudou Sow; ni we wa mbere wahawe guhagararira igihugu cye mu Rwanda akaba afite icyicaro mu Mujyi wa Kigali.

    U Rwanda na Sénégal bifitanye umubano ukomeye ushingiye ku bucuti buri hagati y’abakuru b’ibihugu byombi yaba Perezida Kagame na Macky Sall.

    Muri iki gihugu cyo mu Burengerazuba bwa Afurika hariyo Abanyarwanda benshi batuyeyo, yaba abajyanywe n’amasomo n’abandi barimo abagezeyo mu myaka 40 ishize.

    Guhera mu 2016, RwandAir yerekeje amaso muri Afurika y’Iburengerazuba aho ikorera ingendo mu mijyi myinshi irimo Cotonou, Abidjan, Douala, Dakar [aho igana kuva mu 2017] n’ahandi.

    Perezida Kagame witabiriye Inama y’Ishoramari ihuza ibihugu 20 bikize ku Isi n’ibihugu byo ku Mugabane wa Afurika i Berlin yahuye na mugenzi we wa Sénégal, Macky Sall, bagirana ibiganiro byihariye

    source : https://ift.tt/3gE97EF

  • Bushayija Pascal yakoze indirimbo agira inama… – #rwanda #RwOT

    Bushayija Pascal yamenyekanye mu ndirimbo zimakaza umuco w'ubuhanzi bukomoka ku muco zirimo 'Maso meza', 'Elina', Rwanda Mon Pays' n'izindi

    Indirimbo ye yamenyekanye yitwa 'Elina' yahimbye mu 1985. Yayikoze nyuma yo kuburana n'umukobwa yakundaga bya nyabyo, ayikora nk'intanshyo kuri uyu mukobwa cyangwa se kugira ngo Elina nayumva azajye amukumbura.

    Uyu muhanzi avuga ko iyo umuntu afite amafaranga, aba yumva buri kimwe cyo gishoboka. Noneho iyo ukiri muto, uba utekereza ko ibintu byose 'bizakwizanira'.

    Avuga ko hambere aha 'iyo umuntu yaburaga amahirwe yo kwiga' yatekerezaga ko ubuzima bumurangiriyeho. Ndetse bamwe bakiyumvisha ko kubona amafaranga bisaba kuba warakandagiye mu ishuri.

    Mu kiganiro na INYARWANDA, Bushayija Pascal yavuze ko kugira ngo ugire icyo ugeraho mu buzima bisaba kugiharanira.

    Ati 'Nk'umwana uba ukiri mutoya cyane aba agomba kumva ko kubona amafaranga atari ibintu bigomba kwizana. Ni ibintu bisaba ubwitange buhagije, gukora cyane, amafaranga ntabwo ashobora ku kwizanira ngo aturuke mu kirere akwikubite imbere.'

    Bushayija avuga ko yakoze iyi ndirimbo kugira ngo yumvishe abakiri bato ko kugira ngo bazagera ku nzozi ze bibasaba 'kuzakora cyane'.

    Anavuga ko hari abakiri bato bibaza uko bazabona amafaranga. Ngo inzira ishoboka ni ugukora no kureba abantu bakuru bazi ubuzima bashobora ku kugira inama ucamo kugira ngo nawe ukirigite ifaranga.

     

    Ati 'Abantu bakuru baba bazi neza ubuzima nibo bantu ushobora kwegera bakakubwira mu by'ukuri ushobora kunyuramo kugira ngo amafaranga azaboneka. Ariko ukirinda y'uko wayabona unyuze mu nzira mbi.'

    'Ngira ngo no mu ndirimbo narabivuze 'nashatse kwiba birananira', narasabirije biranga, ndashakisha ndashakisha kugira ngo ndebe ko nayabona ariko biranga.'

    Muri iyi ndirimbo, uyu muhanzi asoza asaba 'abamuruta kumugira inama' y'inzira yanyura kugira ngo akirigite ifaranga. We, avuga ko abakiri bato bakwiye kumva ko inzira ishobora kugira ngo bakirigite ifaranga harimo no kuganira n'abantu bakuru.

    Uyu muhanzi umuziki we wibanda ku buzima bwa buri munsi n'izigisha urukundo. Avuga ko indirimbo azasohora mu minsi iri imbere harimo izikomoza ku mibereho y'abakiri bato ya buri munsi no mu gihe kizaza.

    Bushayija yaherukaga gusohora amashusho y'indirimbo ye nshya yise “Ndishakira uwanye” yahimbiye umugore we Kanakuze Eugénie bakoze ubukwe tariki 2 Nyakanga 2020.

    Amashusho y'indirimbo 'Kera nkiri umwana muto' agaragaramo itsinda ry'ababyinnyi rya F Super Crew. Iyi ndirimbo yitwa 'Kera nkiri umwana mutoya' yakozwe mu buryo bw'amajwi (Audio) na Producer Jay P n'aho amashusho (Video) yakozwe na Muhire Visuals. 

    Umuhanzi akaba n'umunyabugeni Bushayija Pascal yasohoye amashusho y'indirimbo 'Nkiri umwana mutoya'

    Bushayija yavuze ko iyi ndirimbo ye nshya yubakiye ku guhanura abakiri bato kugisha inama abakuru y'ukuntu asingira ifaranga

    KANDA HANO UREBEAMASHUSHO Y'INDIIRMBO 'NKIRI UMWANA MUTOYA' YA BUSHAYIJA PASCAL


    Source : https://inyarwanda.com/inkuru/108939/bushayija-pascal-yakoze-indirimbo-agira-inama-abakiri-bato-bashaka-gukirikigita-ifaranga-v-108939.html

  • ‘Igisupusupu’ wari ukurikiranyweho icyaha cyo… – #rwanda #RwOT

    Mu kwezi kwa Gicurasi  2021 ni bwo Nsengiyumva Francois yatawe muri yombi. Ku gicamunsi cya Tariki ya 26 Kanama 2021 nibwo urukiko rwafashe icyemezo rutegeka ko Nsengiyumva arekurwa nyuma yo gukusanya ibimenyetso no kwifashisha ibizamini by’abaganga.

    Alain Mukurarinda [Alain Muku] umujyanama wa Nsengiyumva Francois, yemereye InyaRwanda.com ko Nsengiyumva yamaze gufungurwa. Ibipimo by’abaganga byerekana ko uburwayi uwo mwana yasanganywe, na mbere y'uko agera kwa Nsengiyumva yari asanzwe abufite bityo ko yarekurwa kuko ari umwere.

    Source : https://inyarwanda.com/inkuru/108938/nsengiyumva-francois-uzwi-nka-gisupusupu-wari-ukurikiranyweho-icyaha-cyo-gusambanya-umwana-108938.html

  • Ntabwo njya nkinira ku izina rye-Bruce Melo… – #rwanda #RwOT

    Mu batanze ibitekerezo binenga Bruce Melodie, harimo umuraperi wigeze kukanyuzaho mu minsi itambutse, Lil G. Uyu muraper yibukije Bruce Melodie akashize, amubwira uburyo yakoropaga icyumba (Salle) bakoreragamo ibitaramo, ko ataragera ku rwego rwo kwisumbukuruza kuri Meddy na The Ben.

    Ubwo Tom Close yari mu kiganiro yagiranye na Yago Tv show, uyu mugabo yageneye ubutumwa Bruce Melodie aho yamubwiye ko bitari bikwiye ko yishongora ku bahanzi bagenzi be ahubwo ko bagakwiye gufashanya buri wese akazamura undi.

    Yagize ati: 'N'ubwo uririmba neza, uri 'arrogant', uriyumva! Aho kugira ngo utakaze umwanya uvuga aho urutira abo bahanzi bandi urimo kuvuga, wagakoresheje imbaraga ahubwo kugira ngo ubageze aho bataragera, nawe bakugeze aho utaragera “

    Bruce Melodie yavuze ko yubaha Meddy, The Ben na King James

    Ubwo indirimbo ya Meddy yasohokaga kandi, umuhanzi Bruce Melodie na Juno Kizigenza bagaragaye bari kuyibyina, mu bitekerezo bitandukanye by’abantu benshi bumvikanye bavuga ko ari uburyarya bakoze. Mu kiganiro kirambuye yagiranye na Yago yagize ati: 'Icya mbere, njyewe nta muntu n'umwe mbaho mpanganye nawe. Icya akabiri, nk'uko nabivuze nkunda umuziki, imiziki myiza aho iba iri hose ku isi mba ndimo ndi 'umufana mwiza cyane burya.'

    Ati: 'Indirimbo niba indyoheye, ubundi se birabareba kuba ndi kubyina indirimbo ya Meddy? Kereka iyo ari Meddy ubivuga. Indirimbo nziza iba ari nziza buriya n'ubwo wenda na Meddy atabikoze, wabona hari uturirimbo ajya agira gutya tukamuryohera. Nta muntu ufata amarangamutima, kereka niba kubipositinga aribyo bibi, kandi na ruriya rubuga nabishyizeho narwo ni urwanjye, nshyiraho ibintu byanjye'.

    Bruce Melodie yakomeje avuga uburyo yakunze indirimbo ya Meddy bityo ko kuba yarayibyinnye nta kibi abibonamo.

    Ati: 'Rero indirimbo ya Meddy narayikunze nagombaga kuyibyina, kandi Meddy akora indirimbo nziza, akora imiziki myinshi myiza. Mpora mbivuga buri gihe ntabwo njya nkinira ku izina rye kuko ni umuntu mukuru icya mbere, ni umuhanzi mukuru wakoze ibintu byinshi mu bihe bye byose, na The Ben bose na King James ni abantu bakuru nagiye nigiraho ibintu'.

    'Indirimbo narayikunze ndayibyina. Umuntu wabibonye nabi yaribeshye ntabwo ngira ishyaza n’ishyari'.

    Umuhanzi Bruce Melodie kandi, yanavuze kubashyize mu majwi umuhanzi Meddy ko yaguze Views nyuma y’uko indirimbo ye My 'Vow', yari iri gutumbagira cyane kuri shene ye ya youtube avuga ko atari byo.

    Bruce Melodie yasinyiye miliyari y’amanyarwanda

    Yagize ati: ”Views ziragurwa ariko Meddy ntazo yaguze. Umunyamakuru Yago amubajije niba we ajya azigura yagize ati: 'Hoya ntabwo njya nzigura kuko mbaye nzigura naba mfite nyinshi, kubera ko buriya njyewe ntabwo njya ngura utuntu duke, iyo ngiye guhaha ngasanga ibintu bihari cyane cyane nk’iyo nahembwe'.

    Umuhanzi Bruce Melodie yanditse amateka yo kuba umuhanzi wa mbere w’umunyarwanda wasinyiye miliyari imwe nyuma y'amasezerano yagiranye n’ikigo gishinzwe ibiribwa cyitwa Food Bundles Ltd

    REBA HANO INDIRIMBO KATAPILLA YA BRUCE MELODIE IHERUKA GUSOHOKA

    Source : https://inyarwanda.com/inkuru/108933/ntabwo-njya-nkinira-ku-izina-rye-bruce-melodie-yasubije-abavuze-ko-yagiriye-meddy-ishyari–108933.html

  • Indirimbo Ariel Wayz yakoranye na Juno Kizige… – #rwanda #RwOT

    Muri iki kiganiro hatangajwe indirimbo eshanu, zihataniye igihembo cya Best Summer Song, aho eshatu muri zo ari izahuriweho n'abahanzi babiri, bigaragaza umusaruro wo guhuza imbaraga mu gukorana indirimbo ku bahanzi.

    Ndirimbo 'Away' ya Ariel Wayz yafatanyije na Juno Kizigenza, iri mu ndirimbo eshanu gusa zatoranyijwe mu guhatana mu kiciro cy'indirimbo zakunzwe.

    Izo ni ndirimbo eshanu zatangajwe ni 'Amata' ya DJ Phil Peter ft Social Mula, 'Igikwe' ya Gabiro Guitar na Confy, 'My Vow' ya Meddy, na 'Away' ya Ariel Wayz ft Juno Kizigenza.

    Mu kiganiro kirambuye ndetse gisobanura byose InyaRwanda.com yagiranye na Uncle Austin, umwe mu banyamakuru ba Kiss Fm, yavuze k'umwihariko wa 'Kiss Summer Awards' y'uyu mwaka, ndetse anavuga uruhare rw'abakunzi b'umuziki bafite mu gutoranya umuhanzi bakunda.

    Yagize ati: 'Ni umwihariko wacu utandukanye, icya mbere ni uko dufite ama 'awards' ku buryo usanga abantu batoranyijwe 'baba babikwiye', bitandukanye n'izindi zabaga mbere aho wasangaga basaba abanyamakuru ngo babatore, ibi nta muntu ufitemo uruhare n'ubwo wavuga ngo uri Austin'.

    Yongeraho ati: 'Ikindi nibigenda neza hazaba event yo gutanga ibihembo. Nibigenda neza kubera ikibazo cya Covid-19 ikazaba ari imwe mu ma event meza byose nibigenda neza n'abafatanyabikorwa bacu turi kuganira nabo'.

    Ku kijyanye n'uburyo abakunzi b'umuziki nyarwanda bagira uruhare mu gutora abahanzi, Uncle Austin yagize ati: 'Yego babigiramo uruhare cyane, niyo mpamvu iyo bigeze mu gutoranya abahanzi haba hari uburyo bwo gutora kandi buzatangazwa, ubungubu turacyatangaza abatoranyijwe'.

    Ati: 'Habanje gutangazwa kategori (icyiciro) ya mbere n'izindi ziraza gutangazwa uyu munsi muri Drive, indi imwe itangazwe na Cyuzuzo na Keza ariko indi Categori tutajya dutangaza ya Lifetime Achiement Award izatangazwa ku munsi nyirizina.''

    Uncle Austin yavuze ko n'ubwo atari umuvugizi w'irushanwa, ariko nk'umwe uba mu myidagaduro ndetse nawe akaba ari umuhanzi, ashima kuzana ibintu byiza biteza umuziki imbere ndetse no gushyigikira umuziki nyarwanda muri rusange.

    Ni ku nshuro ya kane hagiye gutangwa ibihembo byiswe 'KISS Summer Awards',  mu rwego rwo gushimira abahanzi bakoze neza kurusha abandi mu gihe cy'impeshyi.

    Ibi bihembo bya Kiss Summer Awards bifite agaciro n'uruhare runini ku muziki nyarwanda, kuko mu busanzwe abashoramari mu gushyigikira abahanzi ndetse n'umuziki baracyari bake cyane mu Rwanda.

    Iyi ikaba ari intambwe nziza Kiss Fm yateye, yo gushyigikira umuhanzi ndetse n'umuziki nyarwanda muri rusange.

    Mu mwaka wa 2018 igihembo cy'indirimbo cyatwawe na 'Nta Kibazo' ya Urban Boys, Bruce Melodie na Riderman, 2019 'Kontwari' ya Safi Madiba, naho 2020 gitwarwa na 'Igare' ya Mico The Best.

    Amatora azatangira vuba. Ibihembo ku bazaba batsinze bizatangwa tariki 25 Nzeri 2021.

    Source : https://inyarwanda.com/inkuru/108931/indirimbo-ariel-wayz-yakoranye-na-juno-kizigenza-mu-ndirimbo-eshanu-zakunzwe-zihatanye-mur-108931.html

  • Uko Perezida Kagame n'umuryango we bavuye mu Rwanda bahunze abajenosideri #rwanda #RwOT

    Tariki ya 23 Ukwakira 1957 ni bwo Paul Kagame [waje kuba Perezida w'u Rwanda] yabonye izuba; yavukiye i Nyarutovu mu yahoze ari Komini Tambwe, Perefegitura ya Gitarama ubu ni mu Karere ka Ruhango mu Ntara y'Amajyepfo.

    Mu gihe ivanguramoko ryibasiraga abo mu bwoko bw'Abatutsi, umuryango wa Paul Kagame uri mu yatotejwe maze abasaga 100.000 bava mu byabo bahungira mu bihugu by'abaturanyi.

    Mu 1959, umuryango wa Kagame warahunze ujya kuba mu Majyaruguru y'Uburasirazuba bw'u Rwanda, aho wamaze imyaka ibiri mbere yo kwerekeza muri Uganda mu Nkambi ya Nshungerezi.

    Mu gitabo “L'Homme de fer” kirimo ikiganiro Perezida Paul Kagame yagiranye n'umunyamakuru François Soudan muri Nzeri 2015, yagarutse ku rwibutso afite ubwo yahungaga igihugu cye cy'amavuko.

    Yagize ati 'Ndibuka uwo munsi mu 1961 ubwo nahatirwaga kuva mu gihugu cyanjye. Nari mfite imyaka ine ndetse amashusho nabonye nayibutse kubera ibihangano bankoreye. Muzi ko iyo ufite imyaka itatu cyangwa ine, hari amashusho n'ibikorwa bitibagirana mu ntekerezo zawe. Iyo rero abandi bantu babikubwiye bundi bushya, biguma mu bwonko bwawe.''

    Perezida Kagame avuga ko 'umubyeyi we' Asteria Rutagambwa ubwo baterwaga atifuzaga ko bafatirwa mu rugo, bakaba banahicirwa.

    Mu buhamya bwe, avuga ko yibuka neza umunsi ababatotezaga babirukanye mu nzu y'iwabo ndetse yiboneye n'amaso ye akaga Abatutsi bahuye nako.

    Ati 'Kuri uwo munsi, batwitse inzu nyinshi, bishe amatungo n'abantu ndetse basaga n'abafite umurava wo kwikiza abantu bose babegereye bagasoreza ku nzu yacu yari yitaruye umuhanda mugari.''

    'Mama yasaga n'uri kudutegurira kubyakira. Nyuma y'akanya gato, yatubwiye kuva mu nzu, tugategerereza ikiri bube. Ntiyashakaga ko dufatwa ndetse tukicirwa mu nzu yacu.''

    Muri icyo gihe, Umwamikazi Rosalia Gicanda [uyu ni mubyara wa Asteria Rutagambwa] wari utuye nko mu minota 30 cyangwa 45 uvuye iwabo na Paul Kagame, yumvise ubwicanyi buri kuhakorerwa ahita yohereza imodoka yo kubatwara.

    Perezida Kagame avuga ko ibi byabaye mu gihe we n'umuryango we bari batangiye gutekereza uko bakwihisha.

    Ati 'Ntitwari tuzi ko imodoka aritwe ije isanga. Umushoferi yahaye mama ibaruwa isobanura ko yoherejwe kugira ngo amenye uko tumeze no kutujyana aho Umwamikazi ari niba nta kibazo kirimo kandi mu by'ukuri hari ikibazo.''

    Perezida Kagame n'abo mu muryango we babonesheje amaso abashakaga kubambura ubuzima

    Ubwo umuryango wa Kagame wameneshwaga, umubyeyi we Rutagambwa Deogratias ni we wahunze mbere.

    Bitewe no kuba ari we wahigwaga cyane kurusha abandi, Rutagambwa yabanje guhungira i Burundi mu mezi ya mbere, nyuma akomereza muri Congo.

    Kagame yibuka ko ubwo imodoka yoherejwe kubafata yageraga hafi y'iwabo, hari Abahutu bamwe bayibonye, bahagarika ibyo bakoraga berekeza iwabo ngo bababuze guhunga.

    Ati 'Twari dutuye ku gasozi hejuru, byari byoroshye kubabona bihuta baza aho twari turi baturutse ku kandi gasozi, banyuze hasi mu kibaya. Mama yatubwiye ko nta mwanya uhari wo gusubira mu rugo cyangwa se kugira ikindi icyo ari cyo cyose dufata. Twahise twinjira mu modoka, twageze ku rugo rwacu cya gihiriri cyari kije kutugirira nabi cyahageze.''

    Yakomeje ati 'Twahise dukomereza i Nyanza mu muryango wa mama. Twahamaze icyumweru, turongera turimuka, tujya kwa nyogokuru na sogokuru, iwabo wo kwa mama mu Mutara.''

    Icyo gihe, Kagame avuga ko abavandimwe be batatu bari bahari ariko ntibari babayeho nabi kuko bari mu muryango mugari.

    Ati 'Hari sogokuru, musaza wa mama wari na se w'Umugabekazi n'undi muvandimwe wa gatatu. Guhurira aho hantu, twari umuryango munini rwose. Ni aho twahungiye ariko ubwicanyi bwakomeje kwiyongera hirya no hino bugera no mu Mutara, ni bwo twambukaga umupaka twerekeza muri Uganda mu gace bita Kamwezi.''

    Mu 1959, ubwo umuryango wa Kagame wahungaga wahise ujya mu Nkambi ya Nshungerezi muri Uganda.

    Bakigerayo, Kagame yatangiriye amashuri hafi y'inkambi y'impunzi, aho we n'abandi bana b'impunzi babaga. Ku myaka icyenda y'amavuko, yimukiye ku kindi kigo cy'amashuri abanza cya Rwengoro, aharangiriza amashuri abanza afite amanota meza bimuhesha kwiga mu Kigo cya Ntare kiri mu bikomeye muri Uganda.

    Kagame n'abandi basore bari barambiwe ubuzima bw'ubuhunzi, bishyize hamwe bahuza umugambi wo guharanira uburenganzira bwabo wo gutahuka mu gihugu cyabo bahezwagamo.

    Iya 1 Ukwakira 1990, ni bwo urugamba rwo kubohora u Rwanda rwatangiye. Mu bushobozi buke, buherekejwe n'ubwitange Kagame wari uvuye ku ishuri muri Leta Zunze Ubumwe za Amerika yasanze ingabo zari zimaze gucika intege kubera abakuru muri zo bari bamaze kwicwa n'umwanzi. Uyu mugabo yayoboye ingabo yasanze zitarenga 2000 azigeza ku ntsinzi.

    Perezida Kagame yabaye Visi Perezida abifatanyije no kuba Minisitiri w'Ingabo kuva mu 1994 kugeza mu 2000. Yabaye perezida mu 2000 ndetse ari kuyobora manda ya gatatu.

    Inkuru ya IGIHE

    Source : https://umuryango.rw/amakuru/mu-rwanda/ubuzima/article/uko-perezida-kagame-n-umuryango-we-bavuye-mu-rwanda-bahunze-abajenosideri

  • MTN Rwanda yatanze inkunga ya mudasobwa 200 z… – #rwanda #RwOT

    Kuri uyu wa Gatatu tariki 25 Kanama 2021, MTN Rwanda yashyize umukono ku masezerano y'imikoranire na Rwanda TVET Board [Icyigo cy'Igihugu gishinzwe guteze imbere imyuga n'ubumenyingiro]. Uyu muhango wabereye mu karere ka Nyanza, ku ishuri rya Nyanza TVET School ryahise rinahabwa mudasobwa 20 muri 200 MTN yatanze, zigomba kuzasaranganywa mu mashuri y'imyuga n'ubumenyingiro hirya no hino mu gihigu.

    Mukarubega Zulphat [chairperson wa MTN foundation] waruhagarariye iyi sosiyete y'itumanaho ya mbere mu Rwanda muri uyu muhango, nyuma yo gushyira umukono ku masezerano y'imikoranire na Rwanda TVET Board, yasobanuye icyabateye gutekereza kuri iki gikorwa cy'ubufasha.

    Mukaburega Zulphat

    Yagize ati: 'Nk'uko mubizi MTN ni ikompanyi icuruza, ariko yashyizeho MTN foundation kugira ngo ifashe muri gahunda za Leta, kugira ngo noneho igere ku ntego yayo. Ni muri urwo rwego rero mubona twaje hano mu rwego rwo kumurika mudasobwa zigera kuri 200 twatanze mu bigo bya TVET'. Yakomeje avuga ko iki kigo cya Nyanza TVET School ari cyo kibaye icya mbare mu guhabwa mudasobwa. Yongeyeho ko bazakomeza no mu bindi bigo bigera ku icumi, batanga za mudasobwa.

    Yasobanuye impamvu batekereje gutanga ubufasha mu bijyanye n'uburezi maze abisobanura muri ubu buryo ati: 'Nk'uko mubizi nta terambere ryagerwaho bitanyuze mu burezi, cyane cyane noneho mu mashuri y'imyuga. Ni muri urwo rwego rero twatanze izi mudasobwa'.

    Yashimangiye ko ari 'mu rwego rwo kunganira Leta kuko izo itanga ziba zidahagije ku banyarwanda biga'. Yasabye aba banyeshuri n'ikigo muri rusange kuzifata neza kugira ngo zizanakoreshwe na barumuna babo. Izi mudasobwa zizatangwa mu bigo 10, ziba ziherekejwe na Internet imara umwaka nayo yishyurwa na MTN Rwanda.

    Mu gutanga izi mudasobwa yavuze ko bagendeye ku bigo bifite aho zishobora kujya, mbese bifite 'salle' ku buryo izi mudasobwa ziba zifite umutekano uhagije. Yashimangiye ko izi mudasobwa na internet byose hamwe bizatwara arenga miliyoni 150 Frw.

    Paul Umukunzi, umuyobozi mukuru w'Ikigo cy' Igihugu gishinzwe guteza imbere imyuga n'ubumenyingiro, yavuze ko izi mudasobwa MTN yatanze zizafasha abanyeshuri kubona amasomo yo hirya no hino. Yagize ati: 'Aho isi igeze uyu munsi, kwiga hatarimo ikoranabuhanga ntabwo bigishoboka, tugendeye no ku masomo twigishijwe na covid-19, ubuzima bwarahindutse kandi kwiga bigomba gukomeza'.

    Paul Mukunzi umuyobozi w’Ikigo cy’Igihugu gishinzwe guteza imbere imyuga n’ubumenyingiro 

    Yakomeje agira ati: 'Kuba hari ikoranabuhanga ni intambwe ikomeye cyane, ikindi noneho uko ikoranabuhanga rigenda rihinduka no ku isi hose, imyigishirize yose y'imyuga n'ubumenyingiro isigaye inyura mu ikoranabuhanga, tukaba twizera ko rero aba bana bagiye kujya bakoresha izi mudasobwa. Amarembo arabafunguriye bashobora kubona amasomo aturutse hirya no hino ku isi, binyuze muri izi mudasobwa bahawe kandi noneho n'abarimu bagakora ubushakashatsi kugira ngo biyungure ubumenyi bakomeze kwigisha aba bana neza'.

    Bamwe mu banyeshuri bagiranye ikiganiro na Inyarwanda.com bunze mu rye bavuga ko izi mudasobwa zizabafasha kunoza amasomo yabo bagakora n'ubucukumbuzi, bahereye kubyo bahawe na mwarimu bikabafasha kwiyongereraho n'ibindi.

    Ngabonziza Germain uyobora Nyanza TVT School yavuze ko izi mudasobwa bahawe zije zikenewe ati: 'Ni igikorwa kiza, kuko baduhaye mudasobwa dukeneye ugereranije n'umubare w'abanyeshuri dufite. Dufite abanyeshuri 638 iyo ugereranije mudasobwa twari dufite 80 ntago byahuraga! Kuba rero baduhaye mudasobwa 20 ukongeraho internet y'ubuntu mu gihe cy'umwaka, ubona ari igikorwa kiza cyane cyane kidufasha mu myigire n'imyigishirize hifashishijwe ikoranabuhanga'.

    Ngabonziza Germain

    Yakomeje ashimangira ko izi mudasobwa bahawe bazazibyaza umusaruro, cyane cyane mu kuzamura ireme ry'uburezi mu ikoranabunga no gushyiraho gahunda yo gushaka udushya, n'ibindi bikorwa bitandukanye bituma umunyeshuri wize muri icyi kigo azajya ahava afite ubumenyi buhagije mu ikoranabuhanga.

    Ubwo bafunguraga ku mugaragaro ahashyizwe  mudasobwa 20 

    Abanyeshuri bavuze ko zizabafasha gukora ubucukumbuzi mu masomo yabo

    Source : https://inyarwanda.com/inkuru/108929/mtn-rwanda-yatanze-inkunga-ya-mudasobwa-200-zatwaye-miliyoni-100-mu-mashuri-yimyuga-nubume-108929.html

  • Minisitiri Bamporiki uri mu kiruhuko yagiriye… – #rwanda #RwOT

    Mu minota micye ishize, Minisitiri Edouard Bamporiki yifashishije urukuta rwe rwa Twitter rukurikirwa n’abarenga ibihumbi 84 asangiza abamukurikira amafoto atatu amugaragaza ari kumwe n’umugore we bari ku mazi ndetse hari n’ifoto imugaragaza ari mu mazi mo hagati bikagaragaza ko ari umuhanga mu koga na cyane ko nta n’akajiri abantu bogana yari yambaye – gafasha abantu kudacubira. Munsi y’ayo mafoto yanditseho amagambo ari mu Kinyarwanda kizimije nk’uko abimenyereweho.

    N’ubwo byagora benshi gusobanukirwa amagambo ye kuko azimije cyane ndetse hakaba hari bamwe banatangaje ko nta kintu bakuyemo, mu butumwa bwe humvikanamo ko yaryohewe n’ibihe byiza yagiriye ku mazi. Yanditse ati “Nyiratsibura w’abera umu, nsanze ahiga uw’iwacu umwo, naniwe kurenza amaso iri riba yujuje yijuse! Gusa mpasanze umukiro nditsa nti Imana izo. Akira intashyo nkomoye aha imana zereye, kubibuka rya joro ryabujije umusinga gusinzira ubu mwashima. Twasubiye mu nzira y’abazima. Heme u Rwanda”.

    Abakoresha urubuga rwa Twitter bifurije Minisitiri Bamporiki n’umufasha we gukomeza kuryoherwa n’ikiruhuko, gusa benshi bagarutse ku Kinyarwanda yakoresheje bavuga ko bakuyemo bicye. Joseph Khalifa yagize ati “Muryoherwe mwa mfura mwe!” Yongeraho ati “Ariko banza ari Igiswahili pe kuko nta kintu numvisemo, mwokabyara mwe mwazajya mudusobanurira koko Rwanda rwacu imbere cyane”. Uwitwa Leonce yagize ati “Ariko abantu muzi Ikinyarwanda mwansemurira ibi Hon yanditse bishatse kuvuga iki? Njye ntabwo ndimo gusobanukirwa. Nimumfashe”

    Jonatha Mbanze yabwiye Minisitiri Bamporiki ko ari byiza kuruhuka anamugaragariza ko byamushimishije rwose. Ati “Kuruhuka ni byiza Hon. Ndabona iki kiruhuko cya #cabinet warakibyaje umusaruro hamwe na Madame akaba mushiki wacu mukobwa wa #MuzeheSakindi“. Undi yagize ati “Ibiruhuko byiza Ministiri wacu ariko ni ukuri mujye mugerageza kwandika ibyo turasobanukirwa pe, mu by’ukuri hano mbashije kumvamo ngo Heme u Rwanda, ibindi byose shwi”.

    Ikiruhuko by’Abagize Guverinoma y’u Rwanda kizarangira tariki 31 Kanama 2021 nk’uko byatangajwe n’Inama y’Abaminisitiri yateranye kuwa 18 Kanama 2021.

    Minisitiri Bamporiki mu mazi mo hagati

    Minisitiri Bamporiki n’umugore we bagiriye ibihe byiza ku mazi

    Mu Kinyarwanda kizimije Minisitiri Bamporiki yakomoje ku bihe byiza yagiranye n’umugore we muri iyi minsi y’ibiruhuko

    Source : https://inyarwanda.com/inkuru/108944/minisitiri-bamporiki-uri-mu-kiruhuko-yagiriye-ibihe-byiza-ku-mazi-ari-kumwe-numugore-we-ag-108944.html

  • IFOTO Y'UMUNSI: Ndimbati bamusomye ku nda – YEGOB #rwanda #RwOT

    Kuri uyu wa Kane tariki ya 26 Kanama 2021 twabazengurukiye imbuga nkoranyambaga zitandukanye kugirango tubategurire ifoto y'umunsi. Ifoto twabahitiyemo kuri uyu munsi ni iya Ndimbati aho bari bari kumusoma ku nda. Ni ifoto Ndimbati yashyize hanze abinyujije ku rukuta rwe rwa instagram.

    Source : https://yegob.rw/ifoto-yumunsi-ndimbati-bamusomye-ku-nda/