Webrwanda Backend

Author: webrwanda

  • Gisozi: Umunyerondo arakekwaho kwica mugenzi we #Rwanda #RwOT via @kigalitoday #rwanda #RwOT

    Uwatanze amakuru utashatse ko amazina ye atangazwa, yabwiye Kigali Today ko Twizerimana yakubise Bahinyura inkoni mu mutwe ahita abura ubwenge, bamugejeje kwa muganga ahita yitaba Imana.

    Abanyerondo twaganiriye bavuga ko Twizerimana yabanje kurwana na Fils bari mu kazi k’irondo bombi, mu ijoro ryo ku Cyumweru tariki 05 Nzeri 2021.

    Umunyamabanga Nshingwabikorwa w’Umurenge wa Gisozi, Musasangohe Providence, yatangarije Kigali Today ko ku bufatanye na RIB, barimo gukora iperereza ku kintu abo banyerondo bapfuye cyatumye umwe yica undi.

    Musasangohe yagize ati “Umunyerondo yishe mugenzi we, ariko uwo wapfuye nyine ntahari kugira ngo tumenye icyatumye barwana, RIB nk’abafite ubwo bumenyi batangiye iperereza”.

    Musasangohe avuga ko bakirimo gushaka amakuru hirya no hino kugira ngo bamenye umuzi w’ikibazo kiri hagati y’abanyerondo bwarwanye, bikaviramo umwe kuhasiga ubuzima.

    source : https://ift.tt/38JmFKH

  • Akurikiranyweho gukoresha ikoranabuhanga rigaragaza ko umuntu yakingiwe atari byo #Rwanda #RwOT via @kigalitoday #rwanda #RwOT

    Safari arasaba abanyarwanda imbabazi kuko ibyo yakoze atari azi ko bigize icyaha
    Safari arasaba abanyarwanda imbabazi kuko ibyo yakoze atari azi ko bigize icyaha

    Ubwo yerekwaga itangazamakuru kuri uyu wa Mbere tariki 06 Nzeri 2021, aho afungiye kuri sitasiyo ya polisi ya Remera, Habimana yavuze ko uburyo yabikozemo atari azi ko bigize icyaha kuko atigeze ahabwa amahugurwa cyangwa amabwiriza agenderaho mbere yo guhabwa inshingano zo gushyira abantu muri sisiteme mbere yuko bahabwa urukingo rwa Covid-19.

    Habimana yatoranyijwe mu rubyiruko rw’abakorerabushake ubwo hatangizwaga gahunda yo gukingira abantu mu buryo bwa rusange kugira ngo afashe izindi nzego gushyira amakuru y’abagomba gukingirwa mu bubiko bwayo, hifashishijwe mudasobwa aho yabikoreraga ku kigo nderabuzima cya Kagugu, ariko akaba yaragombaga kubikorera uwo areba witabiriye iyo gahunda.

    Gusa Habimana yaje gutandukira abikorera umukobwa w’inshuti ye avuga ko bamenyaniye ku mbuga nkoranyambaga (Instagram), ashyira amakuru yemeza ko yikingije mu bubiko kandi nyamara uwo mukobwa yari yibereye mu Karere ka Rusizi.

    Ati “Twabikoraga nk’ibisanzwe umuntu yaba atanahari tukamufasha, kuko ntabwo twari twahawe amabwiriza cyangwa se n’amahugurwa y’uko ibintu bigomba kugenda, haciyemo iminsi dukomeza gukora naje guhamagara inshuti twahuriye kuri Instagram mubaza niba yari yarikingije arampakanira, ati oya ndamubwira nti kuki utaza nkagufasha ko ari byo ndimo gukoramo. Ntabwo yazuyaje yaranyemereye ati ndaza, uwo mwanya nahise mushyira muri sisiteme ariko ntiyigeze aza uwo munsi, gusa jye numvaga nta kibazo mfite”.

    Nyuma yo kumenya ko ibyo yakoze bigize icyaha, Habimana arasaba imbabazi Abanyarwanda.

    Ati “Ndabisabira imbabazi mbikuye ku mutima, ngasaba n’Abanyarwanda bose imbabazi by’umwihariko Minisiteri y’Ubuzima aribo bategura kino gikorwa mbizeza ko bitazasubira”.

    Uwase Vanessa w’imyaka 21 washyizwe muri sisitemu atigeze ahabwa urukingo, akaza gufatwa agiye kurufata, avuga ko nyuma yo kubona ubutumwa bugufi bwerekana ko yakingiwe yaje gusabwa n’ababyeyi be ko yajya kwikingiza.

    Ati “Mu gitondo tujyayo tugezeyo ntanga irangamuntu yanjye, maze kuyitanga bayishyiramo basanga narakingiwe, kandi ntarigeze mfata urukingo, bahita banjyana hirya bajya kumbaza ibibazo, bambwira bati ni gute uri muri sisitemu kandi utarakingiwe! Ndababwira nti ntabwo nakingiwe ahubwo nari nzi ko ndibukoreshe iyi code nahawe kugira ngo bankingire, ntabwo nari nzi ko igaragaza ko nakingiwe”.

    Umuvugizi wa polisi y’u Rwanda, CP John Bosco Kabera, avuga ko inshingano Habimana yari yahawe ari ugushira umuntu muri sisitemu kandi akabikora ari uko uwo muntu amugezeho.

    Ati “Yaba inshuti yawe cyangwa undi wese muziranye nyamuneka tegereza akugereho umureba nawe akureba, cyane cyane ko guhurira kuri ziriya mbuga nkoranyambaga ureste gushyiraho amafoto ariko udashobora kwemeza ko ari wa muntu muziranye. Ikindi numvishe avuga ngo ntabwo babihuguriwe, wahugurirwa se kureba umuntu, kubaza umuntu indangamuntu, ubu urashaka ko baguhugura kuvuga ngo umuntu nakugeraho batonde umurongo ubandike hanyuma abandi babakingire, ibyo barabizi barabibwiwe”.

    Polisi irasaba abantu kudakomeza kwishora mu byaha kuko bikomeje kugaragara ko abantu barimo kubikora mu buryo bworoshe bakoresheje ikoranabuhanga, bakabikora bazi ko byoroshye kandi nyamara bikomeye.


    source : https://ift.tt/3tqHNyX

  • Ijambo rya Min Bamporiki Edouard mu gusezera Jay Polly, byari amarira menshi ku bahanzi bagenzi be(VIDEO) #rwanda #RwOT

    Umunyamabanga wa Leta muri Minisiteri y’Urubyiruko n’Umuco, Hon. Bamporiki Edouard ni umwe mu bari bagiye gusezeraho bwa nyuma umuraperi Jay Polly witabye Imana, yavuze ko yari umugabo w’inganzo itanga ibyishimo ndetse amusaba gukomeza kwishima aho ari hose kuko inshingano yari ashinzwe ku Isi yazikoze neza.

    Uyu muhango wabaye ku munsi w’ejo aho yari atuye Kibagabaga, witabiriwe n’abahanzi bagenzi be, aho bamwe no kwihangana byabananiye bakarira.

    Source : http://isimbi.rw/imyidagaduro/article/ijambo-rya-min-bamporiki-edouard-mu-gusezera-jay-polly-byari-amarira-menshi-ku-bahanzi-bagenzi-be-video

  • Mu buryo budakunze kubaho, impanga zavutse zifatanye imitwe zatandukanijwe muri Israel #rwanda #RwOT

    Izo mpanga (amahasa mu kirundi) z'abakobwa bari bavutse bafatanye ku gakomokomo, babonanye bwa mbere nyuma yo gutandukanywa mu gikorwa cyo kubagwa muri Israel.

    Igikorwa cyo kubatandukanya nkuko BBC ibitangaza, cyamaze amasaha 12 mu bitaro bya Soroka biherereye mu mujyi wa Beersheba. Ni igikorwa cyamaze amezi gitegurwa. Abahanga mirongo bo muri Israel n'ahandi babigizemo uruhare. Abo bakobwa, batavuzwe amazina, bivugwa ko barimo gukira neza.

    Eldad Silberstein, umuvugizi w'ishami/serivise ryo kubaga aho mu kigo cya Soroka yabwiye ikinyamakuru Channel 12 cyo muri Israel ko 'Bahumeka kandi barya bo nyine ubwabo'.

    Ni ubwa mbere bene icyo gikorwa, kimaze kuba inshuro 20 gusa kw'isi yose, kibera muri Israel.

    Amezi mbere y'uko bikorwa, mu mitwe yabo hashyizwemo udufuko twa silicone twongerezwamo impwemu/umwuka (nk'igipurizo) hanyuma tukajya twagurwa kugira ngo dukwege cyangwa se tugarure urukoba/uruhu. Urwo ruhu nirwo rwakoreshejwe mu gufunga imitwe yabo imaze gutandukanywa.

    Mickey Gideon, umuhanga mu kubaga ibijyanye n'udutsi nsozabwenge (neuro-chirurgien). Yavuze ati : 'Twanezerewe n'uko ibintu byose byagenze uko twari twabyifuje'.

    Abo bakobwa bari bavutse mu kwezi kwa Munani kwa 2020, bitezwe kuzabaho ubuzima busanzwe nta ngorane n'imwe.

    Munyaneza Theogene / intyoza.com

    Source : https://www.intyoza.com/mu-buryo-budakunze-kubaho-impanga-zavutse-zifatanye-imitwe-zatandukanijwe-muri-israel/

  • Zari yasubije abibaza ko agiye kwibaruka umwana wa 6 #rwanda #RwOT

    Zari ni umugore w'icyamamare muri Afurika y'Iburasirazuba cyane muri Uganda akomokamo na Tanzania yabayemo igihe kinini ubwo yari umugore wa Diamond Platnumz. Kuri ubu yibera muri Afurika y'Epfo n'umuryango we w'abana 5 barimo batatu yabyaranyen na nyakwigendera Ivan Semwaga n'abandi babiri yabyaranye na Diamond.

    Nyuma y'ibyumweru byinshi benshi bibaza niba yongeye gutwita, Zari Hassan yasize abafana be mu gihirahiro ku wa Gatandatu Tariki 4 Nzeri aho hari umufana wamubajije niba koko niba atwite cyangwa yaba afite umukunzi mushya. Zari Hassan mu gusubiza yakoresheje amagambo macye ati: “Byose birashoboka”. Iki gisubizi ni urujijo, kuko birashoboka ko yaba atwite cyangwa bikaba bikiri ibihuha atari byo nk'uko bivugwa.

    Source : https://umuryango.rw/imyidagaduro/article/zari-yasubije-abibaza-ko-agiye-kwibaruka-umwana-wa-6

  • Dore amafoto utabonye yaranze ubukwe bw'umuhanzi Igor Mabano #rwanda #RwOT

    Ku munsi w'ejo tariki ya 5 Nzeri 2021, nibwo umuhanzi ukunzwe cyane Igor Mabano yahamije isezerano we n'umukunzi we imbere y'ababyeyi n'Imana ,mu muhango wabereye kuri Heaven Garden ku Irebero.

    Ubukwe bw'abo bwatashywe na bamwe mu byamamare barimo Butera Knowless, Ishimwe Clement, Aline Gahongayire, Nel Ngabo, Platini n'umuhanzi Ben Adolphe banakoranye indirimbo 'Aba Ex'.

    Hari kandi Mighty Popo, umuyobozi w'ishuri rya Muzika rya Nyundo Igor Mabano yizeho umuziki. Dares na Junior bagize itsinda ry'umuziki rya Juda Muzika.

    Ubukwe bwabo bwaririmbyemo Nel Ngabo, itsinda rya Symphony Band ndetse n'umusizi Rumaga wavuze ibisigo.

    Igor Mabano aherutse kubwira Radio Rwanda ko hashize igihe 'kinini' akundana n'uyu mukobwa basezeranye kubana akaramata.

    Tariki 28 Kanama 2021, Igor Mabano yasabye anakwa umukunzi we. Ni umuhango witabiriwe n'abahanzi bagenzi barimo Yvan Buravan, Andy Bumuntu ndetse na Producer we Ishimwe Clement.

    Ku wa Gatanu tariki 27 Kanama 2021, Igor Mabano yasezeranye mu mategeko n'umukunzi we mu muhango wabereye mu Murenge wa Kimihurura mu Mujyi wa Kigali.

    Nyuma yo gusaba no gukwa, Igor Mabano yanditse kuri konti ye ya Instagram avuga ko yabonye umwamikazi yakunze, atsinze yegukanye umuringa.

    Yavuze ko hari hashize igihe kitari gito ategereje inyamibwa ye none umunsi warageze bemeranya kubana akaramata. Uyu muhanzi yavuze 'mbonye urubavu rwanjye nari narabuze ubu nduzuye ndanyuzwe ntazindi mpaka'.

    Yahaye ikaze mu buzima bwe urukundo rwe, amusezeranya kandi arahirira kutazigera amwicisha irungu.

    Ati 'Ntuzicwa n'irungu ibyo ndabirahiye. Nzakuririmbira izitarahimbwa nkucurangire urwo nkukunda unyurwe. None n'ejo ibe ari njye nawe nyamibwa yizihiye urug


    Source : https://umuryango.rw/imyidagaduro/article/dore-amafoto-utabonye-yaranze-ubukwe-bw-umuhanzi-igor-mabano

  • Rubavu: Imodoka ipakiye inyanya yagonze ibitaro umwe ahita apfa #Rwanda #RwOT via @kigalitoday #rwanda #RwOT

    Iyi mpanuka yahitanye ubuzima bw
    Iyi mpanuka yahitanye ubuzima bw’umuntu umwe undi arakomereka

    Ni impanuka ubuyobozi buvuga ko butaramenya icyayiteye kuko mu bantu babiri bari bari bari muri iyo modoka umwe yitabye Imana undi akaba atarabasha kuvuga.

    Umuvugizi wa Polisi mu Ntara y’Iburengerazuba, CIP Kwizera Bonaventure, yabwiye Kigali Today ko impanuka yahitanye umuntu umwe undi arakomereka, hangirika igipangu, Imodoka n’ibyo yari itwaye.

    Yagize ati “Ntituramenya icyateye impanuka kuko umushoferi wari uyitwaye ari mu bitaro ntarabasha kuvuga, na ho undi bari kumwe yitabye Imana”.

    Polisi yihutiye kuhagera itabaye
    Polisi yihutiye kuhagera itabaye

    Impanuka z’imodoka zigonga ibitaro bya Gisenyi ntizari ziherutse, icyakora izakunze kuboneka mu bihe byashize zagiye ziterwa no kubura feri ahantu hamanuka bigatuma imodoka igonga ibitaro.

    Kubera impanuka zabaye mu myaka ya 2015, hari hasabwe ko hakorwa umuhanda unyura ku Murenge wa Rugerero ugahinguka mu Byahi ukinjira mu mujyi wa Gisenyi, icyakora ntibirashyirwa mu bikorwa.

    Izindi ngamba zari zafashwe ni uko Imodoka zihetse imizigo zinjira mu mujyi wa Gisenyi zibanza kugira aho ziruhukira kugira ngo zinjire mu mujyi zimeze neza zakorewe igenzura, byari byagabanyije impanuka ku modoka nini zinjira mu mujyi wa Gisenyi, kuko zibanza guhagarara.

    source : https://ift.tt/3zQ1Aub

  • Ibyo yazize n’aho bamushyize ntabwo ndabyumva sinanabyemera – Bulldogg mu kiniga kinshi yasezeye kuri Jay Polly #rwanda #RwOT

    Ndayishimiye Bertrand wamamaye nka Bulldogg mu muziki nyarwanda, yahakanye yivuye inyuma ko ibyo bavuga ko Jay Polly yazize atari byo ndetse ko azabihakana kugeza ku munsi wa nyuma w’ubizima bwe.

    Ku munsi w’ejo hashize ku Cyumweru tariki ya 5 Nzeri 2021 nibwo Jay Polly witabye Imana yasezeweho bwa nyuma ndetse ahita anashyingurwa mu irimbi rya Rusoro.

    Uyu muraperi wari ukunzwe na benshi yitabye Imana ku wa 2 Nzeri 2021 aguye mu bitaro bya Muhima aho yari agejejwe ari indembe akuwe muri Gereza ya Mageragere yari afungiwe.

    Icyo gihe urwego rw’igihugu rushinzwe imfungwa n’abagororwa(RCS) rwatangaje ko ashobora kuba yishwe na Alcool yifashishwa mu kogosha muri iyi gereza kuko yayinyweye ari kumwe n’abandi babiri.

    Bulldogg basangiye akabisi n’agahiye, ubwo umurambo we wari ugejejwe ku irimbi rya Rusororo aho yashyinguwe, yatangaje ko ibintu atamubwiye akiri muzima atabimubwira yapfuye, gusa ngo yari nk’umuvandimwe we kuko basingiye akabisi n’agahiye.

    Ati 'Njyewe sinzi ko navuga ibintu byinshi kuko ibyo ntamubwiye akiri mu buzima sinabimubwira wenda aka kanya. Twagendanye urugendo rw’ubuzima njyewe na we ntabwo byari ubushuti gusa, twari nk’abavandimwe. Hari igihe twaryamaga mu nzu nta kintu dufite cyo kurya, dufite nka 1000 Frw ariko tukavuga tuti 'tuzabikora, twavukiye mu miryango idakize, yari imiryango iraho ngaho bya hafi aho.’ Tugasunikana, nanjye agahinda ntabwo kashira aka kanya kubera ko gufata umuvugandimwe, umuntu wasangiye ibyo mwari mufite, ukabona umushyize mu ni agahinda gakomeye.'

    Bulldogg kandi yahakanye yivuye inyuma ko ibyo bavuga yazize atari byo ndetse ko azabihagararaho kugeza ku munsi wa nyuma na we yitabye Imana.

    Ati 'Ibyo yazize n’aho bamushyize ntabwo ndabyumva kuko sinanabyemera, nzabihagararaho kugeza umunsi nzongera gusubira ku muremyi nanjye, ni ubusa, ni ibintu by’ubugoryi ni ibintu by’ubufu.'

    Uyu muraperi umwe mubatangije itsinda rya Tuff Gang na Jay Polly bari kumwe na Green P, yasabye abagore babyaranye(Nirere Afsa na Shariffa) guhuza abana be bakamenyana kandi bakabitaho nk’uko se yabitagaho, bakabumvisha indirimbo za se, bakabereka ibiganiro yagiye akora kugira no bazakurane umutima ukomeye nk’uwa se.

    Bulldogg ntiyemera ibivugwa ko ari byo Jay Polly yazize

    Yasabye ababyeyi b’aba bakobwa babiri ba Jay Polly ko bazabitaho nk’uko se yabikoraga

    Jya Polly ku munsi w’ejo yarashyinguwe

    Source : http://isimbi.rw/imyidagaduro/article/ibyo-yazize-n-aho-bamushyize-ntabwo-ndabyumva-sinanabyemera-bulldogg-mu-kiniga-kinshi-yasezeye-kuri-jay-polly

  • Neema yahanuye abanyempano by’umwihariko abaririmbyi bagenzi be #rwanda #RwOT

    Umuririmbyi, umunyamakuru Neema Marie Jeanne ni umukristo ubarizwa mu itorero rya ADEPR wamenyekanye muri korari Iriba ndetse na New Melody, cyane cyane mu ijwi ryiza cyane. Ni umwana wa gatanu mu bana umunani, akaba yarashakanye na Aime Ndayambaje muri Mutarama mu 2017, kuri ubu bakaba bafite n’umwana nyuma y’imyaka bategereje urubyaro.

    Nk’umuhanzi ufite inararibonye mu muhamagaro w’ivugabutumwa mu buryo bw’indirimbo, afite icyo asaba abafite aho bahuriye n’umurimo w’Imana ariko cyane cyane ku bahanzi n’abaririmbyi bagenzi be. Arabasaba gukorera Imana bicisha bugufi, dore ko ngo uyu murimo ari ukuzuzanya. Impano abvuga kozatangiwe kungura itorero atari kubwo kuzamura amazina y’abazikoresha. Neema yavuze ibi mu kiganiro yagiranye na Life Radido ati'

    Icyo urimo gukoresha ni icyo wahawe ntabwo ari ikintu wicukumburiye wowe ubwawe ngo ukihereze, ngo uvuge uti aya ni amaboko yanjye. Iyo wahawe witwara nk’uwahawe, uwahawe rero akwiye kuba aciye bugufi imbere y’uwamuhaye. Ibyo dufite ntabwo biruta icyo twahawe, icyo wahawe(Impano) ukwiye kugikoresha mu buryo buciye bugufi.”

    Neema yakoze umurimo w’Imana muri Korari Iriba atishyira hejuru nubwo yafatwaga nk’inkingi ya mwamba muri yo

    'Abantu benshi bamenye Iriba kubera indirimbo 'Yakobo’, ariko ntabwo yari iyanjye [Nubwo nayihimbye] yari iya korari Iriba. Kandi ntabwo yari kuririmbwa neza iyo Iriba ritabaho: Ni ukuvuga ngo abanyikirizaga bafite uruhare runini mu kugira ngo indirimbo imere neza. Nubu nta kintu nandika ngo numve ko…, ni impano nahawe kuyikoresha neza muri korari ni ibintu byoroshye cyane. Numvaga kuririmba nk’itsinda bifasha cyane, kuririmba ngenyine mba numva bibishye.'

    Uyu muhanzikazi atangaza ko atigeze yibagirwa korari Iriba yarerewemo nkuko benshi bakunze kumubona muri iyi minsi mu bikorwa bya New Melody babikeka, ko ahubwo nk’uko n’abandi bakoranye murimo w’Imana mu majyepfo bagiye mu mihamagaro itandukanye aho bari, ariko bajya bafata igihe bagashyikira korari(Iriba) yabo mu gikorwa runaka. Si ibyo gusa kandi ngo n’indirimbo aracyazibahimbira uko ashobojwe.

    Neema ahora asaba Umwuka Wera kumumurikira buri gihe, bityo ngo abashe kubona n’igifasha abandi. Uyu muhanzi n’abagenzi be bo muri New Melody baherutse gushyira hanze indirimbo nsha NDAKWIRINGIYE yahembuye imitima y’abatari bake.

    Reba hano NDAKWIRINGIYE by NEW MELODY CHOIR (Official Video)

    [email protected]

    Source : https://agakiza.org/Neema-yahanuye-abanyempano-by-umwihariko-abaririmbyi-bagenzi-be.html

  • Gufatira imitungo, guhagarikirwa ubucuruzi n’abandi: Ingamba zikakaye ku waketsweho iterabwoba mu Rwanda – #rwanda #RwOT

    Ibyabaye hariya nta wabyifuriza undi. Ni ibintu bimaze gufata indi ntera aho imitwe y’iterabwoba ivuka buri munsi nk’ibihumyo kuko hari abayiriramo akayabo, za Leta zidacunze neza zikaba zishobora kuzisanga amazi yarenze inkombe nk’uko biri mu bihugu byinshi byo mu Burasirazuba bwo hagati cyangwa muri Sahel mu Burengerazuba bwa Afurika.

    U Rwanda ntirubwirizwa ku kijyanye n’iterabwoba kuko nta myaka ishize rugabwaho ibitero umusubirizo, birimo n’ibyamenyekanye bya Nyabimata n’ahandi mu Majyepfo ashyira Uburengerazuba bw’u Rwanda, byahitanye ubuzima bw’inzirakarengane.

    Nyuma yo gushyiraho Urwego rushinzwe Ubutasi ku Mari rufite mu nshingano gutahura, gusesengura amakuru ku bikorwa by’ihererekanya ry’imari bikemangwa n’andi makuru ajyanye n’iyezandonke n’ibyaha byo gutera inkunga iterabwoba n’ikwirakwiza ry’intwaro za kirimbuzi, ubu hashyizweho n’amabwiriza ku bihano mu bijyanye n’ibyo byaha.

    Amabwiriza mashya yasohotse mu igazeti ya Leta kuwa 26 Kanama 2021, agaragaza ko mu gihe Urwego rushinzwe Ubutasi ku Mari rwamaze kubona amakuru ku muntu ukekwaho gukora iterabwoba cyangwa gukorana n’iyo mitwe, rufite ububasha bwo gutegeka ko imitungo ye ifatirwa.

    Bagize bati “Urwego, rubyibwirije cyangwa rubisabwe n’abashinzwe gutanga amakuru cyangwa urwego rugenzura kandi nta nteguza ku washyizwe ku rutonde, rutegeka gufatira cyangwa guhagarika amafaranga cyangwa undi mutungo bye, yaba, mu buryo buziguye cyangwa butaziguye, ifitwe na we, n’ikigo cyangwa n’umuntu ukora mu izina rye cyangwa uyobowe na we.”

    Mu gihe hari uwashyizwe ku rutonde, nta wemerewe gukorana na we ubucuruzi cyangwa se gukoresha ubucuruzi umutungo we.

    Amabwiriza agira ati “Nta muntu wemerewe gukoresha ubucuruzi amafaranga cyangwa undi mutungo by’uwashyizwe ku rutonde, bikubiyemo amafaranga cyangwa undi mutungo bifitwe cyangwa bigenzurwa n’uwashyizwe ku rutonde mu buryo bwuzuye; amafaranga cyangwa indi mitungo uwashyizwe ku rutonde afatanyije n’abandi cyangwa agenzura mu buryo buziguye cyangwa butaziguye.”

    “ Amafaranga cyangwa undi mutungo ukomoka cyangwa ubyarwa n’amafaranga cyangwa undi mutungo bifitwe cyangwa bigenzurwa mu buryo butaziguye cyangwa buziguye n’uwashyizwe ku rutonde; amafaranga cyangwa undi mutungo by’umuntu ukora mu izina cyangwa ayobowe n’umuntu washyizwe ku rutonde.

    Iyo hafashwe icyemezo cyo gufatira cyangwa cyo guhagarika amafaranga cyangwa undi mutungo by’umuntu washyizwe ku rutonde, uwo muntu ntashobora kubikuza amafaranga cyangwa gukoresha ubucuruzi ayo mafaranga cyangwa undi mutungo, uretse mu gihe amafaranga cyangwa undi mutungo bikenewe mu kwishyura ibyangombwa nkenerwa by’ingenzi.

    Umuntu washyizwe ku rutonde ukeneye amafaranga kugira ngo yishyure iby’ingenzi kandi bya ngombwa akora ubusabe ku Rwego rushinzwe ubutasi ku mari.

    Nta muntu ushobora guha amafaranga cyangwa undi mutungo, serivisi z’imari cyangwa izindi serivisi zijyanye na byo umuntu washyizwe ku rutonde mu buryo butaziguye cyangwa buziguye.

    Uwashyizwe ku rutonde ashobora kuba afite abandi bo mu muryango cyangwa se abo yishingiye babeshwaho n’iyo mitungo yafatiriwe. Birumvikana ko badashobora kubaho nabi bazira ibikorwa batagizemo uruhare.

    Amabwiriza ateganya ko gufatira umutungo muri ubwo buryo bitabangamira uburenganzira bw’abandi.

    Bati “Umuntu ufite inyungu ku mafaranga cyangwa undi mutungo wabujijwe kugira icyo ukorwaho cyangwa washyiriweho icyemezo cyo gufatira cyangwa guhagarika, ashobora gusaba Urwego gukura inyungu ze mu cyemezo cyo gufatira cyangwa guhagarika.”

    “Urwego rutanga igisubizo cyemera ubwo ubusabe, iyo rusanze usaba afite inyungu zemewe n’amategeko ku mafaranga cyangwa undi mutungo; nta ruhare cyangwa ubufatanyacyaha usaba yagize mu bijyanye n’igikorwa cy’iterabwoba cyangwa gutera inkunga umutwe w’iterabwoba cyangwa ukora iterabwoba bikurikiranwa; usaba agaragaza ko atari azi ikoreshwa ry’amafaranga cyangwa undi mutungo mu buryo butemewe bigatuma habaho gukeka ko ari umwere cyangwa, mu gihe yaba yari abizi, akaba atarigeze yemera ku bushake ko uwo mutungo ukoreshwa mu buryo butemewe.”

    Usaba gukomorerwa ku mutungo w’ukekwaho ibyo byaha, agomba kuba yarakoze ibishoboka byose mu gukumira ko amafaranga cyangwa undi mutungo bikoreshwa mu buryo butemewe.

    Urwego rusuzuma ubusabe, iyo rusanze bufite ishingiro rutanga uburenganzira bwo kubikuza amafaranga, kuyakoresha cyangwa undi mutungo bikenewe mu kwishyura iby’ingenzi kandi bya ngombwa n’umuntu washyizwe ku rutonde.

    Amabwiriza agaragaza ko nubwo imitungo cyangwa amafaranga by’ukekwaho iterabwoba byafatirwa, hari uburyo bishobora kuba biragijwe undi muntu akabicunga.

    Umushahara ugenerwa ucunga umutungo ukurwa mu mutungo w’umuntu washyizwe ku rutonde nk’igiciro gisanzwe kiva mu mafaranga cyangwa undi mutungo w’umuntu washyizwe ku rutonde.

    Byinshi kuri aya mabwiriza: Kanda hano

    Iterabwoba ni kimwe mu byaha byahagurukiwe muri iyi minsi

    source : https://ift.tt/38Kbfqk