Webrwanda Backend

Author: webrwanda

  • Manchester yashimye Burna Boy warebye umukino… – #rwanda #RwOT

    Burna Boy ni umwe mu bitabiriye umukino w’amateka, kuko wari uwa mbere Cristiano Ronaldo agaragayemo, kuva yakiyemeza kujya gutanga ibyishimo na none muri shampiyona y’ubwongereza, by’umwihariko ‘Old Traford’.

    Ukaba wahuje Manchester United na Newcastle, bikarangira intsinzi ibaye iy’ikipe y’ibigwi, yihanije Newcastle ikayitsinda ibitego 4 kuri 1. Nyuma y’intsinzi, bagaragaje ko batewe ishema no kuba Burna Boy yaje kubashyigikira.

    Burna Boy yari yibereye muri ‘Old Traford’ akurikiranye yambaye umupira wa Manchester United

    Burna amaze iminsi ku mugabane w’u Burayi mu gihugu cy’u Bwongereza, aho yageze mu matariki yo hagati muri kanama, mu myiteguro y’igitaramo kitabiriwe bitangaje yakoreye mu nzu ngali y’imyidagaduro ya O2 Arena muri London.

    Kuri ubu aritegura kwerecyeza muri Leta Zunze Ubumwe za Amerika aho afite ibitaramo binyuranye. Burna Boy siwe muhanzi wenyine ufite ibitaramo bizenguruka isi mu bahanzi ba Africa.

    Wizkid nawe aritegura kujya mu Bwongereza mu mpera z’uyu mwaka, Diamond Platnumz nawe ategerejwe muri uku kwakira mu bitaramo binyuranye muri Leta Zunze Ubumwe za Amerika.

    Guhera kuri 04 Nzeri 2021, Harmonize nawe ari mu batangiye ibitaramo bizenguruka Leta Zunze Ubumwe za Amerika, aho azava yerecyeza muri Canada, kimwe mubyo azakorerayo akazagihuriramo na Bruce Melodie.

    Harmonize azahava yerecyeza ku mugabane w’i Burayi, akazasoreza muri Africa mu gihugu cya Sierra Leone mu ntangiriro z’umwaka utaha.

    Burna Boy mu gitaramo aheruka gukora cy’amateka muri London yamanukiye mu gisa nk'icyogajuruIgitaramo cya Burna Boy cyari amateka mu Bwongereza cyaritabiriwe birenze

    Burna Boy ari mu kwitegura kwerecyeza muri Leta Zunze Ubumwe za Amerika aho afite ibitaramo ahantu hanyuranye uhereye muri Hollywood Bowl

    Source : https://inyarwanda.com/inkuru/109432/manchester-yashimye-burna-boy-warebye-umukino-wayihuje-na-new-castle-109432.html

  • Burundi: Leta yamenye abasirikare benshi n'abapolisi mu ntara ya Cibitoke #rwanda #RwOT

    Amakuru atangwa n'umwe mu basirikare yemeza ko babonye amakuru ababwira ko inyeshyamba zo mu Burundi zifite icyicaro muri Repubulika Iharanira Demokarasi ya Kongo zigiye gutera u Burundi.

    Nkuko Ikinyamakuru SOS Media Burundi cyabitangaje,imisozi ya Kagazi na Rusiga yo muri komine Rugombo hamwe n'imisozi ya Ruhagarika ,Gasenyi, Kaburantwa na Nyamitanga yose yo muri komine Buganda yuzuyeho abasirikare baje gutegereza umwanzi ngo niyibeshya bamuhe isomo.

    Nkuko bivurwa n'umusirikare ukorera mu ntara ya Cibitoke, nuko abakongomani batuye mu bice bya Lemera na Gahanda ku kiyaya cya Rusizi,mu karere ka Uvira aribo batanze amakuru ku gisirikare cy'u Burundi ko barikanura umwanzi ashobora kubaca mu rihumye agatera igihugu cy'u Burundi yinjiriye mu makomine ya Buganda na Rugombo yo mu ntara ya Cibitoke.

    Yagize atiˮ Biraboneka ko imitwe irwanya Leta y'u Burundi irimo kwitegura gutera igihugu, niyo mpamvu twahawe amakuru hanyuma dufata icyemezo cyo gucunga umutekano bikomeye ku mupaka‟.

    Amakuru aturuka mu Burundi avuga ko abaturage bo ku musozi Nyamitanga batashywe n'ubwoba nyuma yo kubona abashinzwe umutekano batari bamenyerewe bari kumwe n'imbonerakure zitwaje imipanga hamwe n'ibihiri.

    Umwe yagize ati “Twatekereje ko ari igitero. Byongeye kandi, ntitwumva impamvu abashinzwe umutekano baherekejwe n'Imbonerakure zitwaje imihoro n'ubuhiri.”

    Ushinzwe ikigo cya gisirikare cya Cibitoke hamwe na komiseri wa polisi mu ntara ya Cibitoke bahumurije abaturage bo muri utwo duce turimo abashinzwe umutekano benshi , ko batagira ubwoba kuko ari ibintu bisanzwe byakozwe, ariko basabwa gutungira urutoki umuntu wese utamenyerewe babonye muri ako karere.

    Source : https://umuryango.rw/amakuru/mu-mahanga/umutekano/article/burundi-leta-yamenye-abasirikare-benshi-n-abapolisi-mu-ntara-ya-cibitoke

  • Abatuye Biryogo bahize kwegukana imodoka babikesha guhashya Covid-19 – #rwanda #RwOT

    Kuwa Gatatu tariki ya 8 Nzeri 2021, nibwo muri aka Kagari ka Biryogo kirirwamo abarenga ibihumbi bine hatangijwe amarushanwa y’Umujyi wa Kigali yo kwirinda Covid-19, aho umurenge uzaba uwa mbere uzahabwa imodoka.

    Abatuye muri aka gace n’abakirirwamo, babwiye IGIHE ko guhangana Covid-19, bigiye kuba inshingano za buri wese.

    Umukanishi Hitimana Karim yagize ati “Ubu ingamba n’uko twese hano mu Biryogo tugomba kumva ko ikibazo cya Covid kitureba noneho tugahangana n’abatubahiriza amabwiriza yo kuyirinda yaba ababa batambaye udupfukamunwa, abadahana intera biha kwirundira ahantu no gukaraba kenshi yewe no mu ngo zacu tukagenzura ko ibyo byose bikurikizwa.”

    Gatete Ahmed Emery na we yagize ati “Turizera ko nidufatanya n’uru rubyiruko rw’abakorerabushake, natwe abaturage tukumva ko kurwanya Covid bitureba atari iby’ubuyobozi, tuzayihashya burundu kandi nizeye ko iriya modoka umujyi washyizeho nk’igihembo ku murenge uzahangana na Covid , izaza aha muri Nyarugenge.”

    Umunyamabanga Nshingwabikorwa w’Umurenge wa Nyarugenge, Mukandahiro Hidayat, yavuze ko ubu bukangurambaga bwo kwirinda Covid-19 babwitezeho impinduka zikomeye.

    Ati “Ni ibintu bizatanga umusaruro kuko turashaka na bamutwarasibo basinyana imihigo na ba mudugudu, noneho nabo bayigirane n’imiryango iri mu duce bayobora bityo ikibazo cyo kurwanya Covid kibe icya twese aho kuba icy’ubuyobozi gusa.”

    Biteganyijwe ko aya marushanwa yo kurwanya Covid-19 yateguwe n’umujyi wa Kigali azamara Ukwezi, azitabirwa n’imirenge yose iwugize aho biteganyijwe ko uzaba uwa mbere uzegukana imodoka.

    Inzego zose ziyemeje kurwaya no guhangana na Covid-19 zivuye inyuma

    Gusinya imihigo yo kurwanya Covid-19 byitabiriwe n’abaturage b’ingeri zose

    Umurenge wa Nyarugenge wasinyanye amasezerano y’imihigo n’ubuyobozi bw’ibigo by’amashuri kugira ngo bihangane na Covid-19

    Utugari twose twasinye imihigo y’uko tugiye guhangana na Covid-19 no gushishikariza abaturage batuye Umurenge wa Nyarugenge kuyirinda

    Abanya-Biryogo bahize kurwanya Covid bivuye inyuma

    source : https://ift.tt/2XaTXk0

  • Imihanda igera kuri 300 ya kaburimbo yoroheje igiye kubakwa hirya no hino mu gihugu – #rwanda #RwOT

    Iyi mihanda izubakwa mu rwego rwo gushaka igisubizo cy’ikibazo cy’imihanda y’itaka igenda yubakwa ariko nyuma y’igihe gito igahita isenyuka nk’uko byatangajwe n’Umuyobozi Mukuru wa RTDA, ubwo yasubizaga ibibazo by’abadepite ku mikorere y’iki kigo kuri uyu wa 11 Nzeli 2021.

    Ibi bibazo byagaragajwe n’Umugenzuzi Mukuru w’Imari ya Leta, birimo kuba hari imihanda igera kuri 28 yubatswe nta nyigo ikorewe.

    Ibi bigira ingaruka zitandukanye nk’uko byagaragajwe na Depite Niyorurema Jean René.

    Yagize ati “Mu ikorwa ry’imihanda bigaragara ko imyinshi nta miyoboro iba ifite amazi akaba yakwangiza ibidukikije, ahadasigara imbago zihagije zitandukanya ahakoze n’ahasanzwe kugira ngo imvura idahita isenya umuhanda, nta buziranenge bw’ibikoresho ngo imihanda ibe ifite uburambe nk’uko byifuzwa.”

    Umuyobozi wa LODA, Nyinawagaga Claudine, yavuze ko ikibazo kijyanye n’imihanda ikorwa nta miyoboro y’amazi n’ahadasigara ubwinyagamburiro bwayo ari “kimwe mu byo dushaka gukemura binyuze mu gukora inyigo.

    Ati ” Inyigo ihita iteganya imiyoboro y’amazi, igaragaza ibigomba gukorwa mu kubungabunga ibidukikije, uruhare runini ni urwo inyigo izagira mu gukemura ikibazo cy’amazi.”

    Depite Bakundufite Christine, yagize ati “Sinzi impamvu mwatubwira kugira ngo tunyurwe kuko kubaka imihanda nta nyigo ni nko gufata urugendo utazi aho ugiye nta nubwo numva ukuntu wanahagera ari na yo mpamvu ibikorwa byagiye bikorwa nta nyigo bitagiye bigera ku ntego, byagiye bisenyuka.”

    Umuyobozi Mukuru w’Ikigo cy’Igihugu Gishinzwe Iterambere ry’ubwikorezi (RTDA), Imena Munyampenda, yavuze ko impamvu hari imihanda ikorwa nta nyigo ari uko imyinshi ari iy’igitaka kandi iba yihutirwa ku kubanza gukora inyigo bitinda.

    Munyampenda yavuze ko kuri ubu inyigo yatangiye gutegurwa aho biteganyijwe ko muri Kamena 2022 izaba irangiye ikagaragaza imihanda y’imigenderano yihutirwa igomba gukorwa.

    Yakomeje agira ati “Nanjye ndabyemera ko mu mihanda 50 yubatswe igera kuri 28 nta nyigo yayo yakozwe. Impamvu nyamukuru ni uko imihanda dukora iba ari iy’igitaka kandi yihutirwa kuko inyigo imara amezi agera kuri atandatu.”

    “Mu nyigo turi gukora ku mihanda 430 tuzafatanya na Banki y’Isi dufitemo imihanda 300 tuzakora ya kaburimbo yororoheje. Inyigo nimara kuboneka tuzaba dufite imihanda yose igomba gukorwa mbere y’uko dutangira akazi.”

    Kuri ubu umuhanda wa kaburimbo yoroheje ushobora kumara imyaka iri hagati y’irindwi na 12 ndetse kuwubungabunga bigasaba ikiguzi gito ugereranyije n’iy’itaka isenyuka imaze imyaka ibiri kubera amazi y’imvura.

    Ikilometero kimwe gitwara miliyoni 100 z’amafaranga y’u Rwanda mu gihe kuri kaburimbo yoroheje gitwara izigera kuri 400 Frw bivuze ko ikiguzi cyiyongera ariko igitanga inyungu kikaba ari ugukora ibikorwa biramba nk’uko Munyampenda akomeza abivuga.

    Ikindi kibazo cyagaragajwe ni uko uturere tugenerwa amafaranga agenewe gusana imihanda angana ku giciro kibarirwa ku kilometero kimwe kandi duherereye ahantu hafite imiterere itandukanye.

    Depite Ntezimana Jean Claude, yavuze ko imihanda itaramba kimwe bitewe n’imiterere y’ubutaka, bityo ngo ntabwo bikwiriye gukora igenamigambi riteye kimwe mu gihugu hose.

    Urugero atangwa ku kilometero mu Ntara y’Iburengerazuba ahari imisozi ikunda kubamo inkangu akaba angana n’atangwa mu Burasirazuba ahari imirambi.

    Munyampenda yakomeje agira ati “Ndabyemera ko ikiguzi kitagomba kuba kimwe ahantu hose bitewe n’imiterere y’ahantu, byakorwaga ku bikorwa byo gusaba byoroheje kuko ibikorwa byabaga biteye kimwe ahantu hose.”

    Itsinda ryo muri LODA ryatanze ibisobanuro ku bibazo by’iki kigo hakoreshejwe ikoranabuhanga

    Umuyobozi wa RTDA, Imena Munyampenda yatanze ibisobanuro kuri PAC yifashishije ikoranabuhanga

    Uhereye iburyo, Visi Perezida wa PAC, Uwineza Beline; Perezida wa PAC, Muhakwa Valens; Depite Murara Jean Damascène n’abandi bagize PAC

    Depite Mukabalisa Germaine (ibumoso) na Depite Uwimanimpaye Jeanne d’Arc bari mu bagize Komisiyo ya PAC

    Inzego zitandukanye ziba zifatanyije na PAC mu gikorwa cy’isesengura rya raporo y’Umugenzuzi Mukuru w’Imari ya Leta aho ibigo bitandukanye bisabwa gutanga ibisobanuro ku makosa aba yabigaragayemo

    source : https://ift.tt/3nriTy4

  • Ethiopia: Batangiye umwaka mushya wa 2014 #Rwanda #RwOT via @kigalitoday #rwanda #RwOT

    Abaturage ba Oromo bashyira indabo mu mazi bashima Imana yabarinze mu mwaka barangije bakaba bageze mu wundi mwaka mushya
    Abaturage ba Oromo bashyira indabo mu mazi bashima Imana yabarinze mu mwaka barangije bakaba bageze mu wundi mwaka mushya

    Bivugwa ko ingengabihe cyangwa se karindari ya Ethiopia ikiri inyuma ho imyaka irindwi n’amezi umunani ugereranyije na karindari isanzwe.

    BBC ivuga ko ubwo Kiliziya Gatolika yasubiragamo karindari yayo bagendeye ku ivuka rya Yezu, mu mwaka wa 500 nyuma y’ivuka rya Yezu, idini ya Orthodox yiganjemo abanya-Ethiopia benshi bo ntibigeze bahindura, bityo bikaba intandaro yo kuba karindari yabo itandukanye cyane n’igenderwaho n’abandi benshi ku isi.

    Bakora ibirori mu buryo butandukanye bishimira ko binjiye mu mwaka mushya
    Bakora ibirori mu buryo butandukanye bishimira ko binjiye mu mwaka mushya

    BBC ivuga ko kandi kuri bo batangira umwaka ku itariki 11 Nzeri kuri karindari isanzwe cyangwa se ku wa 12 Nzeri bitewe n’umwaka wagize ukwezi kwa Gashyantare gufite iminsi 29.

    Bivugwa ko mu muco w’abanya-Ethiopia, uretse abana baba bakuriye mu bindi bihugu, abanya-Ethiopia bakiri bato ntibita cyane ku bijyanye no kumenya iminsi igize buri kwezi.

    source : https://ift.tt/3kaLqpX

  • Topic: Namenya nte ubushake bw’Imana ku buzima bwanjye, misiyo yanjye mu isi n’icyerekezo cy’ubuzima bwanjye n’ibihe? Ev. Claudine #rwanda #RwOT

    Source : https://agakiza.org/Topic-Namenya-nte-ubushake-bw-Imana-ku-buzima-bwanjye-misiyo-yanjye-mu-isi-n.html

  • Umuhanzi yakoze agashya asimbuza imisatsi ye iminyururu ya zahabu yashinzwe mu mutwe we [AMAFOTO] #rwanda #RwOT

    Umuhanzi w'umunyamerika witwa Dan Sur, yakoze agashya aba umuntu wa mbere wasimbuje imisatsi yo ku mutwe we amasheni ya zahabu mu rwego rwo kwirimbisha.

    Uyu muhanzi mu njyana ya reggaeton na rap w'imyaka 23 yakoze agashya ajya kuri Tik Tok arangije ahita yerekana umutwe we yemeza ko amashene yateyemo yayasimbuje umusatsi we karemano.

    Uyu muhanzi ukomoka muri Megizike, yari afite umusatsi miremire y'umukara miremure mbere yo kuwuhindura kugira ngo agaragare neza muri ubu buryo.

    Muri imwe mu mashusho ye, Sur yavuze ko yashakaga kwinjira mu isi ya rap, ibyo bikaba byaramuteye guhinduka.

    Ati: 'Ukuri ni uko, nashakaga gukora ikindi kintu gitandukanye kuko mbona abantu bose basiga umusatsi. Ndizera ko abantu bose batazanyigana ubu “.

    Uyu muhanzi yahise asobanura uburyo yashyize iminyururu ku mutwe, avuga ko nta kiguzi yakoresheje mu kubikora.

    Ati: “Ndayifite nk'ifuni yatewe mu mutwe kandi icyo kintu gifite udukoni kandi byose bifataniye mu gihanga cyanjye, munsi y'uruhu rwanjye.

    Ni umusatsi wanjye. Umusatsi wa zahabu. Umuraperi wa mbere ufite umusatsi wa zahabu watewe mu mateka y'abantu.

    Uyu muhanzi asanzwe azwiho kugira imisatsi idasanzwe ndetse akunze kuvugisha abantu ku mbuga nkoranyambaga kubera ibyo akora.




    Source : https://umuryango.rw/ubuzima-115/udushya/article/umuhanzi-yakoze-agashya-asimbuza-imisatsi-ye-iminyururu-ya-zahabu-yashinzwe-mu

  • Umugore uherutse guhagarikisha ubukwe bw’umugabo we yishimiye gusubizwa abana be #Rwanda #RwOT via @kigalitoday #rwanda #RwOT

    Uwo mugore winjiye mu rusengero afite abana batatu, yagaragaye asaba uburenganzira bwo gusubizwa abana be babiri b’impanga, yashinjaga umugabo we kubatwara mu buryo bunyuranyije n’amategeko.

    Dukuzumuremyi Janvière uvuka mu Karere ka Kicukiro mu Mujyi wa Kigali, avuga ko yamenyanye n’uwo mugabo wo mu Karere ka Nyagatare, barakundana kugeza ubwo bashakanye badasezeranye mu buryo bwemewe n’amategeko.

    Ngo ubwo umugabo yari afite akazi akorera mu mujyi wa Kigali, byabaye ngomba ko yimura umuryango we, bajya gutura hafi y’akazi i Kigali.

    Uwo mugore avuga ko ubwo bari bamaze kubyara abana batatu, umukuru ari umukobwa ukurikirwa n’abahungu babiri b’impanga, ngo umugabo yaramutaye amusigira inda y’amezi atandatu, aho iyo nda yavutsemo impanga ebyiri, umuhungu n’umukobwa.

    Avuga ko mbere y’uko umugabo amusiga, yabanje gufata ba bana b’impanga z’abahungu arabatwara, ngo amusiga atabagaruye.

    Dukuzumuremyi avuga ko, nyuma y’uko umugabo we amusize mu nzu y’inkodeshanyo, ngo yigiriye inama yo kwimukira mu Karere ka Rwamagana mu Murenge wa Karenge aho atuye kugeza ubu, nyuma y’uko yabonaga ko ubuzima bushobora kumworohera kuruta kuba i Kigali.

    Ati “Umugabo wanjye yamaze kugenda, ndeba uburyo ubuzima bw’i Kigali buhenze, nigira inama yo kwimukira i Rwamagana, kuko ho ubuzima burahendutse ntabwo inzu n’ibiribwa bihenze nk’uko i Kigali bimeze, ntabwo nacitse intege ngo umugabo aragiye, inda y’amezi atandatu yansigiye yavutsemo impanga, ubu ndakodesha ngakoresha amaboko yanjye mu mirimo isanzwe, umuntu ufite ubwenge ntiyakwicwa n’inzara mu gihe nta bumuga afite”.

    Ngo nyuma yo kwimukira i Rwamagana, yagezeyo atangira gushakisha imibereho acuruza ubuconsho, ashakisha uburyo we n’abana be babaho.

    Ntabwo natambamiye umugabo ngo adashaka, icyo nirukagaho ni ukubona abana banjye

    Ku kibazo cyo guhagarikisha ubukwe, Dukuzumuremyi avuga ko atigeze ashaka ko umugabo we adashaka, kuko ngo n’ubundi hari hashize imyaka irenga ibiri atamubona, ngo icyo yashakaga ni ugusubizwa abana be umugabo yatwaye mu buryo butazwi.

    Avuga ko amakuru y’umugabo we yo gusezerana mu rusengero yayamenye mu gitondo, ubwo yari aho atuye i Rwamagana, biba ngombwa ko atega imodoka mu buryo bwihuse.

    Ati “Ayo makuru nayamenye saa tatu, bari busezerane saa munani, ntabwo byangoye kuko n’iyo haba i Cyangugu nari kuba nahageze, nahoraga mpangayitse ku bana banjye, kandi burya iyo umuntu yakwanze uhorana impungenge z’uko atanakurerera, wenda abantu be kujya bagira ngo nari ngiye kumutambamira ngo ye gushyingirwa”.

    Aremeza ko icyamuteye kuza muri buriya bukwe atongana, yaharaniraga uburenganzira bwe bwo guhabwa abana yabyaye, bari baratwawe na se mu buryo bunyuranyije n’amategeko.

    Ati “Ikintu naharaniraga ni ukumpa abana banjye, kuko nari maze igihe kirekire ntazi aderese ze (aho aherereye), kandi ntakunda no kumuhamagara ngo anyitabe, nari naragerageje no kubamwaka akabanyima, ntitaye rero ngo ari mu bukwe ntabwo nari kumenya aderese ye ngo mbireke, kuko njyewe ubukwe ntabwo nabuhaga agaciro nk’umwana wanjye, ntacyo byari bimbwiye rwose”.

    Arongera ati “Iyo aza no kuba yarabampaye mbere, ntabwo yari kumbona hariya, abana banjye numvaga ari ikintu cya ngombwa kigomba kuboneka mbere y’indi minezero, kuko nanjye nahoraga mpangayitse kubera abana banjye, ntabwo rero wagumya kwiruka inyuma y’ibyagusize, karya kanya nirukaga inyuma y’ibyanjye n’abana banjye”.

    Avuga ko atifuza kubuza umugabo uburenganzira bwe bwo gushaka, gusa icya ngombwa ni ukubahiriza ibiri mu mategeko agatanga ibisabwa umubyeyi.

    Ati “Ntabwo nzi niba ubukwe bukomeza, ntabwo mbizi nta n’ubwo bindeba, kuko amategeko y’igihugu avuga ko umugabo agomba gusezerana n’umugore ashaka, iyi saha nashaka asezerane n’abagore ijana niba afite ubushobozi bwo kubatunga, icyo ndeba ni abana twabyaranye n’uko tugomba kubarera, kuko bafite uburenganzira bwo kubaho uko bavuka kose, n’ubwo bavuga ngo umugore utarasezeranye aba ari indaya, ariko ibyo ntibikwiye kugira ingaruka ku mwana”.

    Arashimira ubuyobozi bwamuhesheje abana be babiri b’abahungu yari yarabuze

    Dukuzumuremyi akomeza ashimira ubuyobozi mu nzego zinyuranye z’igihugu bwakurikiranye ikibazo cye, ubu bukaba bwaramaze kumuhesha abana be ngo se yari yarajyanye kubareresha ahandi, aho ngo afite ibyishimo nyuma y’imyaka isaga ibiri yari amaze atababona.

    Ati “Abana n’ubwo ari abanjye ariko ni abana b’igihugu, ni amaboko yacyo, ndashimira ubuyobozi bwacu bw’igihugu Mana yanjye!, nabuze uko nabushimira kuko ibyo bankoreye bampesha abana banjye byaruhuye umutima wanjye, Akarere kacu ka Rwamagana karakoze, ushinzwe abana mu karere yarampamagaye ati witegure ku wa kabiri turajya kuzana abana, nariteguye rwose uwo munsi ntibigeze bawuhindura, turagenda tuzana abana, ndumva umutima wanjye unezerewe”.

    Avuga ko abana be bamwishimiye cyane, aho yemeza ko azakomeza kubafata neza, abagaruramo urukundo rwa kibyeyi nyuma y’imyaka isaga ibiri batamubona, avuga ko azabasubiza mu ishuri aho bagiye gutangira mu mwaka wa mbere w’amashuri abanza, mu gihe umukuru agiye mu mwaka wa gatatu.

    Uwo mugore uvuga ko adateze kongera gushaka umugabo, ngo ikimuraje ishinga ni ukurera abana be bakazakura neza.

    Ati “Nafashe umwanzuro wo kurera abana banjye ntabwo nteganya kongera gushaka, iyo mba mbiteganya mba naragiye muha abana be ngashaka nk’uko na we yashatse, ntabyo nteganya pe, nta n’umugabo wanshuka, burya bashuka uwishutse, nta biyobyabwenge nywa, nta n’ubwo njya mu kabari ngo nzashukwa n’ubusinzi, kandi imyaka ibiri maze mba njyenyine iyo mba umuntu ushukika baba baranshutse”.

    Avuga kandi ko kuva ubukwe bwahagarara atongeye kumenya amakuru y’uwari umugabo we. Agaruka ku bakomeje gukwirakwiza ibihuha bavuga ko abana umugabo yari yaratwaye ari bo be, ko abandi atari abe bamushinja no kwica ubukwe, ibyo ngo si byo kuko atigeze ajya mu ngeso mbi.

    Ati “Umugabo ntabwo yigeze ahakana ko abana ari be, ariko abantu bakagenda bakwirakwiza ibihuha, ngo bariya bana yatwaye ni bo be, ngo abandi nabashatse ahandi.

    Ndagira ngo mbamenyeshe ko nta ngeso mbi nigeze, iyo biba ibyo nari kuza na bariya nkabamujugunyira ariko mwabonye ko nashakaga n’abo yatwaye, ibyo binyoma rero biveho, kandi uko byagenda kose niteguye kurera abana banjye, mwarabibonye ko abana banjye basa neza, nta n’umwe uri mu Mutuku (ufite imirire mibi)”.

    Uwo mugore arasaba Leta ubufasha nk’umuntu utishoboye, akaba yabonerwa aho atura, mu rwego rwo kumufasha kurera abana be batanu atekanye, agasaba kuzafashwa no guhabwa ibyo amategeko asaba umugabo mu kurera abana babyaranye.

    Ku Cyumweru tariki ya 29 Kanama 2021, nibwo ku mbuga nkoranyambaga hagaragaye amashusho y’umubyeyi winjiye mu rusengero rwa EAR Paruwasi ya Gikondo Diyoseze ya Kigali, arira, afata mu mashati umugabo witeguraga gushyingiranwa n’umukunzi we, avuga ko yifuza guhabwa abana be babiri ndetse n’indezo ku bandi bana batatu arera wenyine.

    Mu bagarutse kuri iki kibazo ku mbuga nkoranyambaga harimo abanenze uwo mugabo uvugwaho guta urugo, agatwara abana ndetse akajya gusezerana n’undi mugore, basaba ko uburenganzira bw’uyu mugore n’ubw’abana be bwubahirizwa, basaba inzego zitandukanye zirimo iz’ubutabera, iz’umutekano, iz’uburinganire n’iterambere ry’umuryango gukurikirana iki kibazo.

    Icyo gihe Johnston Busingye wari Minisitiri w’Ubutabera yavuze ko iki kibazo kirimo gukurikiranwa kandi ko ubutabera buzatangwa.

    source : https://ift.tt/3A734jR

  • Uko MRCD ya Rusesabagina yitiriye u Rwanda ibitero byahitanye abantu mu Majyepfo #Rwanda #RwOT via @kigalitoday #rwanda #RwOT

    Paul Rusesabagina wari uyoboye ihuriro MRCD, Innocent Twagiramungu, umujyanama mu by
    Paul Rusesabagina wari uyoboye ihuriro MRCD, Innocent Twagiramungu, umujyanama mu by’amategeko wa MRCD na Mukashema Espérance wari uyoboye Radio Ubumwe bifashishaga, banogeje umugambi wo kwitirira Guverinoma y’u Rwanda ibitero byo muri Nyungwe

    Gusa, ubu birazwi ko Rusesabagina n’abagize impuzamashyaka MRCD, bateguye ndetse bakomeza kwitirira Guverinoma y’u Rwanda, ibitero byagabwe muri Nyungwe, bigabwe n’umutwe wa FLN (National Liberation Front).

    Ibijyanye n’uwo mugambi wihishe wo kwegeka ibitero byo muri Nyungwe kuri Guverinoma y’u Rwanda, ku buryo burambuye byagaragariye mu rubanza, Ubushinjacyaha bw’u Rwanda, bukaba bwarabibonye binyuze mu bufatanye mu buryo bw’ubutabera n’igihugu cy’u Bubiligi , nka kimwe mu bigize iperereza ku bijyanye n’ibitero by’iterabwoba byo mu 2018-2019.

    Ikinyamakuru KT Press cyabonye bimwe mu bimenyetso byaturutse muri za mudasobwa na telefoni zafatiwe mu nzu ya Rusesabagina mu Bubiligi, bikozwe n’abayobozi bo mu Bubiligi , Ubushinjacyaha bw’u Rwanda bukaba bwarahawe kopi.

    Rusesabagina, inshuro nyinshi yagiye agerageza kwitandukanya n’ibikorwa bya FLN uko yitabaga urukiko, ariko ibimenyetso bigaragaza ko ahubwo yabigizemo uruhare rukomeye, harimo no kwifatanya n’ ubuyobozi bwa MRCD mu kwitirira Guverinoma y’u Rwanda ibitero byishe abantu muri Nyungwe .

    Mu butumwa bwa Whatsapp KT Press yabonye, bwerekana ko Rusesabagina yakiraga umunsi ku wundi ubutumwa bujyanye n’imigendekere y’ibitero bya FLN agatanga n’inama y’uko bakora.

    Mu kiganiro kuri whatsapp cyo ku itariki 17 Ukuboza 2018, Rusesabagina aganira n’uwitwa Twagiramungu Innocent, umujyanama mu mategeko wa MRCD , bavuganye uko bakwiye gutangaza ibijyanye n’ibitero bya Kitabi, barandika bati : “Amakuru mbonye mu kanya ava ku cyitabi ni uko haguye kandi hakomerekeye abantu benshi! Imodoka zarashwe ngo ni bus nini 3 zitwara abantu ku buryo abapfuye n’abakomeretse ari benshi! Umwuka ntumeze neza abantu bahahamutse !!!”

    Bakomeje baganira bati “Hari abavuga ngo hatangwe itangazo kuri Radio cyangwa hagire igikorwa ku bya Kitabi.”

    “Njyewe navuga ko twabyitwaramo ku buryo bubiri , uburyo bwa mbere ni uguceceka tukareka abahinzi (abarwanyi) bagakomeza ibikorwa byabo, tukajya tugira icyo tuvuga ari uko abibasiwe ari abasirikare cyangwa abapolisi, cyangwa ibindi bikorwa bitaguyemo abasivili. ”

    “Uburyo bwa kabiri, mu gihe hari igikorwa cyaguyemo abasivili, dushobora no gukora itangazo (communiqué) tukavuga ko ari DMI (rwahoze ari Urwego rw’Ubutasi bwa Gisirikare) yabikoze ngo ibitwitirire.”

    Rusesabagina na Innocent Twagiramungu bemeranyijwe kuri ubwo buryo bwa kabiri, ndetse bagerageza no gukwirakwiza ayo makuru atari yo (propaganda), cyane cyane babinyujije ku maradio mpuzamahanga.

    Uko Mukashema Espérance yinjiyemo

    Muri icyo kiganiro, Rusesabagina na Twagiramungu bemerenyijwe kugisha inama Espérance Mukashema, icyo gihe wari umuyobozi wa radio ‘Ubumwe’ bifashishaga mu bukangurambaga ndetse ikaba yaraterwaga inkunga na Rusesabagina, bakamubaza uburyo bwiza bakoresha kugira ngo bagere ku mugambi wabo neza.

    Muri icyo kiganiro, Rusesabagina yagaragaye asaba numero ya telefoni nshya ya Mukashema, Twagiramungu arayimuha.

    Mukashema Espérance, ni izina ryavuzwe kenshi mu rukiko mu gihe cyo kuburanisha Rusesabagina, aho ngo yemeje ko igitekerezo cyo kubishyira kuri Guverinoma y’u Rwanda ari cyo cyagira ingufu cyane.

    Icyo gihe Mukashema, ngo yavuze umuntu yumva wafasha mu gukwiza iyo nkuru ndetse aniyemeza gushaka umuntu ubishoboye.

    Mukashema, wapfuye muri Nyakanga aguye mu Buholandi, yatanze inama y’uko bakwifashisha ibiganiro bya BBC n’Ijwi rya Amerika (VOA) byo mu Kinyarwanda bikajya bibatangariza inkuru.

    Rusesabagina ukurikiranyweho ibyaha bigera ku icyenda bifite aho bihuriye n’ibitero FLN yagabye mu Majyepfo no mu Burengerazuba bw’u Rwanda hagati y’ukwezi kwa Kamena 2018 na Mata 2019, yikuye mu rubanza muri Werurwe uyu mwaka wa 2021. Birashoboka ko yaba yaratinye ko ibimenyetso byari byabonetse biturutse mu Bubiligi bimuhamya ibyaha ashinjwa birimo n’ibyo kwica abantu.

    Urubanza rwakomeje rurimo abantu b’ingenzi bo muri FLN, harimo n’abari abavugizi bayo babiri, Callixte Nsabimana na Herman Nsengimana, bo mu buhamya bwabo bakaba baragaragaje uburyo Rusesabagina yari afite ingufu mu bikorwa by’itsinda ryabo.

    KT Press ivuga ko inkuru zizakurikira iyi zizaba zigaragaza uburyo ibitangazamakuru bikomeye byifashishijwe mu gusakaza izo nkuru z’impimbano zigereka ibyo bitero kuri Guverinoma y’u Rwanda.

    Biteganyijwe ko umwanzuro w’urukiko ku rubanza rwa Rusesabagina na bagenzi be uzasomwa ku itariki 20 Nzeri 2021.

    source : https://ift.tt/3C7xbrJ

  • Ababyeyi b’i Nyamagabe basabiye imigisha abafana ba Arsenal n’ikipe yabo #Rwanda #RwOT via @kigalitoday #rwanda #RwOT

    Iyi miryango igera kuri 40 yari imaze imyaka 25 itujwe muri uyu mudugudu ariko nta mashanyarazi bafite ndetse umuyobozi wese wabegeraga bamugezagaho icyo cyifuzo ariko manda ye ikazarangira ntacyo agikozeho.

    Imbarutso yo gutekerezwa kuri iyi miryango yabaye ubwo umwe mu bagize itsinda ry’abafana ba Arsenal mu Rwanda yavuganaga n’umwe muri aba babyeyi kuri telefone ari we Mukagashugi Esperance akamubwira ko ubwo yamubuze yari yagiye gucomekesha telefone, ko iwabo amashanyarazi atarahagera.

    Mukagashugi Esperance yagize ati “Ntitwasohokaga nijoro twari mu icuraburindi rikomeye, n’abajura baboneragaho kutwiba mu mwijima ndetse bakaba banaduhitana.”

    “Turashima iri tsinda ry’abafana ba Arsenal mwarakoze cyane, ndetse turashima imiyoborere myiza ya Perezida wa Repubulika.”

    Mwami Aaron Kevin, umuyobozi w
    Mwami Aaron Kevin, umuyobozi w’abafana ba Arsenal mu Rwanda

    Mwami Aaron Kevin wari uhagarariye iri tsinda ry’abafana ba Arsenal mu Rwanda asanga ibikorwa nk’ibi ari byo byakabaye biranga abafana aho guhuzwa no gufana ikipe imwe bikarangirira aho, ati “Byageze aho bamwe mu bafana bagenzi bacu b’ayandi makipe batubwira ngo twe turi seriye (serieux) kurusha ikipe dufana, twumva tudakwiye kuba aho turi abo gufana gusa ntacyo dufasha umuryango nyarwanda.”

    “Iki ni kimwe mu bikorwa ubundi dusanzwe tugiramo uruhare buri mwaka aho mu busanzwe twajyaga tubikora mu kwezi kwa Mata mu gihe cyo kwibuka ariko twahuye n’imbogamizi uyu mwaka ntitwabisozereza igihe gikwiye ku bw’icyorezo cya Covid-19”.

    Uyu mushinga wo guha amashanyarazi imiryango igera kuri 40 iherereye muri uyu Mudugudu wa Nyentanga watwaye agera kuri miliyoni 70 z’amafaranga y’u Rwanda harimo ubwitange bwaturutse ku banyamuryango b’abafana ba Arsenal mu Rwanda ndetse n’ubuvugizi bakoze kuri Sosiyete y’u Rwanda ishinzwe ingufu (REG) ikabasha kubegereza amapoto muri ako kagari.

    Umuyobozi w’Akarere ka Nyamagabe wungirije ushinzwe iterambere ry’ubukungu, Kabayiza Lambert, asanga iki gikorwa aba bafana ba Arsenal bakoze cyakagombye kubera abandi urugero ndetse ashima ko cyaje cyuzuza umuhigo wa Leta y’u Rwanda wo kuba bitarenze mu mwaka wa 2024 abaturage bose bazaba bafite amashanyarazi.

    Kabayiza Lambert wari uhagarariye ubuyobozi bw
    Kabayiza Lambert wari uhagarariye ubuyobozi bw’Akarere ka Nyamagabe

    Kabayiza yagize ati “Iki gikorwa mwakoze ni inkunga yunganira icyifuzo cy’Umukuru w’Igihugu wacu cyo gucanira Abanyarwanda byibuze bitarenze mu mwaka wa 2024. Ni umusanzu ukomeye mwatanze mu kwesa uwo muhigo. Turashima umuntu wese ushyigikira ibikorwa bya Leta y’u Rwanda irangajwe imbere na nyakubahwa Perezida wa Repubulika kugira ngo abaturage barusheho kubaho neza batekanye.”

    Akarere ka Nyamagabe kuri ubu gafite abaturage bagera kuri 41% bafite uburyo bacana haba amashanyarazi cyangwa se izindi ngufu z’imirasire y’izuba gusa ubuyobozi bufite icyizere ko ugendeye ku murongo umukuru w’igihugu yatanze wo gucanira Abanyarwanda bose muri 2024 n’abandi amashanyarazi azagenda abageraho haherewe ku ngomero ziri kubakwa muri aka karere.

    Iki gikorwa kikaba cyahuriranye n’intsinzi ya mbere ya Arsenal muri uyu mwaka w’imikino ubwo yahuraga n’ikipe ya Norwich ku mukino warangiye ari igitego kimwe ku busa cyatsinzwe na Aubameyang dore ko yari imaze imikino igera kuri itatu nta ntsinzi ndetse nta n’igitego mu mikino ya shampiyona y’u Bwongereza kuva yatangira.

    source : https://ift.tt/2YR0CAb