Webrwanda Backend

Author: webrwanda

  • Umwaka udasanzwe kuri Arsenal byasabye iminot… – #rwanda #RwOT

    Mu mpera z'icyumweru twasoje, shampiyona y'u Bwongereza yari yakomeje hakinwa umukino w'umunsi wa Kane, amakipe hafi ya yose akomeye yabonyemo intsinzi ndetse na Arsenal yari imaze imikino itatu nta ntsinzi, yewe nta n'igitego, byose bibonekera rimwe.

    Mu mikino itatu ya mbere muri Premier League uyu mwaka, Arsenal yayitsinzwe yose, yinjizwa ibitego 9, mu gihe yo nta gitego yigeze yinjiza, ibintu byari bishya kuri iyi kipe ifite amateka aremereye i Burayi.

    Uyu musaruro mubi watumye havuka umwuka mubi muri iyi kipe, ndetse umutoza wayo Mikel Arteta atangira kubarirwa imikino, nayitsindwa akazirukanwa.

    Umukino wa Kane muri shampiyona Arsenal yakinnye wari umwe mu yo uyu mutoza yasabwe gutsinda, byamunanira ikaba imwe mu ntambwe zizamusohora Emirates.

    Mu mukino wakinwe ku wa Gatandatu tariki ya 11 Nzeri 2021 wahuje Arsenal yari yakiriye Norwich City bakurikiranaga ku rutonde rwa shampiyona ku kibuga Emirates, iminota 45 y'igice cya mbere yarangiye amakipe yombi anganya 0-0.

    Ku munota wa 66' ku mupira wari uvuye kwa Nicolas Pepe, umunya-Gabon, Pierre Emerick Aubameyang yatsindiye Arsenal igitego cy'amateka, cyahinduye byinshi ku buzima bw'iyi kipe.

    Iminota 90 y'umukino yarangiye Arsenal yegukanye amanota atatu ku ntsinzi y'igitego 1-0.

    Arsenal yabonye igitego cya mbere muri Premier League y'uyu mwaka ku munota wa 336, bivuze ko mu minota 335 yari imaze mu kibuga yinjijwe 9, ariko nta gitego yari yaratsinze.

    Arsenal yatsinze umukino wa mbere muri uyu mwaka w'imikino wa 2021/22 muri Premier League, ari na ko yabonaga amanota ya mbere muri iyi shampiyona ikunzwe kurusha izindi ku Isi.

    Nyuma yo gutsinda Norwich 1-0, Arsenal yavuye mu murongo utukura w’amakipe yamanuka mu cyiciro cya kabiri, irazamuka yicara ku mwanya wa 16, aho ifite amanota atatu, ikiba irimo umwenda w’ibitego 8.

    Andi makipe akomeye yose yabonye amanota atatu ku mukino w'umunsi wa Kane muri shampiyona y'u Bwongereza, uretse Tottenham yatsinzwe na Crystal Palace ibitego 3-0.

    Aubameyang yatsinze igitego cyahinduye ubuzima bwa Arsenal muri uyu mwaka w’imikino

    Aubameyang watsinze igitego na Pepe wamuhaye umupira

    Umutoza Mikel Arteta ari mu bihe bikomeye bishobora kumwirukanisha muri Arsenal

    Arsenal yavuye mu makipe ashobora kumanuka mu cyiciro cya kabiri

    Source : https://inyarwanda.com/inkuru/109466/umwaka-udasanzwe-kuri-arsenal-byasabye-iminota-336-igatsinda-igitego-cya-mbere-muri-premie-109466.html

  • U Rwanda rugeze muri 1/2 cy’igikombe cy’Afurika nyuma yo gutsinda Nigeria #rwanda #RwOT

    Ikipe y’igihugu y’u Rwanda mu mukino wa Volleyball mu bagore yatsinze Nigeria amaseti 3 ku busa ihita igera muri 1/2 cy’igikombe cy’Afurika.

    Kuri uyu wa Mbere tariki ya 13 hakinwaga umunsi wa kabiri w’igikombe cy’Afurika mu bagore muri Volleyball kirimo kubera mu Rwanda aho mu itsinda A u Rwanda rwakinaga na Nigeria.

    U Rwanda rwatangiye iseti ya mbere neza rutsinda amanota 25-22. Iseti ya kabiri nayo u Rwanda rwaje kuyitwara ku manota 25-23.

    Inkumi z’u Rwanda zari zamaje kwinjira mu mukino, zatsinze n’iseti ya gatatu ku manota 25-23. U Rwanda ruzasoza itsinda rukina na Senegal tariki ya 16 Nzeri, ruharanira kuzamuka ari u rwa mbere.

    Aline yafashije u Rwanda cyane

    Hope yazamutse gukora block

    Mariana agerageza gupasa umupira

    Source : http://isimbi.rw/siporo/article/u-rwanda-rugeze-muri-1-2-cy-igikombe-cy-afurika-nyuma-yo-gutsinda-nigeria

  • Amatora yo kuri internet mu bihembo ‘Kiss Sum… – #rwanda #RwOT

    Kuri uyu wa Mbere tariki 13 Nzeri 2021, Radio Kiss Fm ari nayo itegura ibi bihembo yavuze ko 'Ubu watora umuhanzi, indirimbo cyangwa Producer ushyigikiye muri #KissSummwerAwards2021 uciye ku rubuga rwacu rwa interineti www.kissfm.rw.'

    Ni ku nshuro ya kane ibi bihembo bigiye gutangwa. Bitegurwa hagamijwe gushimira abaririmbyi n’aba Producer ku kazi katoroshye baba barakoze mu rugendo rw'umuziki no kubereka ko Kiss Fm izirikana imirimo yabo.

    Icyiciro cy'indirimbo y'impeshyi (Best Summer Song) gihatanyemo indirimbo eshanu harimo eshatu zihuriweho n'abahanzi babiri. Harimo indirimbo 'Amata' ya Dj Phil Peter na Social Mula, 'Igikwe' ya Gabiro Guitar na Confy, 'My Vow' ya Meddy, 'Katapila' ya Bruce Melody ndetse na 'Away' ya Ariel Wayz na Juno Kizigenza.

    Mu cyiciro cya Producer w'impeshyi (Best Summer Producer) harimo Bob Pro wa The Sound Studio, Producer Ishimwe Karake Clement wa Kina Music, Ayoo Rash wo muri The Mane, Madebeats na Element wo muri Country Records.

    Mu cyiciro cy'umuhanzi wakoze neza kurusha abandi muri iyi mpeshyi ya 2021 (Best Summer Artist) harimo Butera Knowless, Social Mula, Bruce Melodie, Juno Kizigenza na Meddy.

    Icyiciro cy'umuhanzi mushya wigaragaje (Best New Summer Artist) harimo itsinda ry'abanyamuziki rya Symphony Band, Niyo Bosco, abahanzikazi mu ndirimbo zo kuramya no guhimbaza Imana, Vestine na Dorcas na Papa Cyangwe.

    Meddy, Social Mula, Bruce Melodie na Juno Kizigenza bahataniye ibihembo mu byiciro bibiri. Meddy ahatanye mu cyiciro ‘Best Summer Artist’ no mu cyiciro ‘Best Summer Song’ abicyesha indirimbo ye ‘My Vow’.

    Bruce Melodie ahatanye mu cyiciro ‘Best Summer Artist’ no mu cyiciro ‘Best Summer Song’ abicyesha indirimbo ye ‘Katapila’.

    Social Mula ahatanye mu cyiciro ‘Best Summer Artist’ no mu cyiciro ‘Best Summer Song’ abicyesha indirimbo ‘Amata’ yakoranye na Phil Peter.

    Juno Kizigenza ari mu cyiciro ‘Best Summer Artist’ no mu cyiciro ‘Best Summer Song’ abicyesha indirimbo ‘Away’ yakoranye na Ariel Wayz.

    Muri ibi bihembo kandi, hazatangwa icy'umuntu wagize uruhare rukomeye mu guteza imbere umuziki Nyarwanda (Life Time Achievement). Uwegukana iki gihembo atangazwa ku munsi w'itangwa ry'ibi bihembo. Bitenganyijwe ko ibi bihembo bizatangwa tariki 26 Nzeri 2021

    Abegukanye ibihembo bya Kiss Summer Awards umwaka ushize:

    Bruce Melodie ni wegukanye igihembo cy'umuhanzi wahize abandi mu mpeshyi. Yari ahataniye igihembo n'abarimo Mugisha Benjamin [The Ben], Nel Ngabo na King James. Ni ku nshuro ya kabiri uyu muhanzi yegukanye iki gihembo, kuko agiheruka mu 2018.

    Mico the Best yegukanye igihembo cy'indirimbo yakunzwe cyane abicyesha indirimbo ye yise 'Igare'. Yegukanye iki gihembo ahigitse 'Saa Moya' ya Bruce Melodie, 'Do Me' ya Marina na Queen Cha, 'Ubushyuhe' ya Dj Pius na Bruce Melodie na 'Ntiza' ya Mr Kagame na Bruce Melodie.

    Kevin Kade ufashwa na Bagenzi Bernard ni we wegukanye igihembo cy'umuhanzi mushya wigaragaraje cyane. Yahigitse abarimo B Threy, Ariel Wayz na Calvin Mbanda. Iki gihembo yagishyikirijwe na Nyampinga w'u Rwanda 2020, Nishimwe Naomie. 

    Igihembo cy'umuntu wagize uruhare mu guteza imbere umuziki w'u Rwanda cyahawe Dj Bob. Uyu mugabo yagize uruhare mu gukwirakwiza no kumenyekanisha ibihangano by'Abanyarwanda mu myaka irenga 20 ishize.

    Producer Madebeat ni we wegukanye igihembo cy'utunganya indirimbo wahize abandi. Yahigitse Knoxbeat wo muri Monster Records, Element wo muri Country Records na Ishimwe Karake Clement wo muri Kina Music.

    Abahataniye ibihembo ‘Kiss Summer Awards’ batangiye guhatana mu cyiciro cy’amatora yo kuri internet

    Icyiciro cy'indirimbo y'impeshyi (Best Summer Song) 

    Icyiciro cya Producer w'impeshyi (Best Summer Producer)

    Icyiciro cy'umuhanzi wakoze neza kurusha abandi (Best Summer Artist)

     

    Icyiciro cy'umuhanzi mushya wigaragaje (Best New Summer Artist)

    Source : https://inyarwanda.com/inkuru/109463/kiss-summer-awards-2021-amatora-yo-kuri-internet-yatangiye-109463.html

  • Volleyball: U Rwanda rwatsinze Nigeria rwongera kwisanga mu ntambara na Uganda mu gushaka umwanya wa 5 mu gikombe cy'Afurika #rwanda #RwOT

    U Rwanda rwatsinze Nigeria amaseti 3-0, mu mikino yo guhatanira imyanya kuva ku wa gatanu kugeza ku wa munani mu Gikombe cya Afurika cy'Abagabo.

    Nyuma yo gusezererwa muri ¼ cy'iyi Shampiyona Nyafurika yahuje ibihugu 16 mu bagabo, u Rwanda na Nigeria byahuriye mu mukino wo guhatanira kuva ku mwanya wa gatanu kugeza ku wa munani.

    Muri uyu mukino wabereye muri Petit Stade Amahoro i Remera kuri uyu wa Mbere, u Rwanda rwatsinze amaseti 3-0 ruhita rukatisha itike yo guhatana na Uganda mu gushaka uyu mwanya wa 5

    Uko amaseti yagenze:

    - Iseti ya 1: Rwanda 25 – 17 Nigeria
    - Iseti ya 2: Rwanda 25 – 22 Nigeria
    - Iseti ya 3: Rwanda 25 – 17 Nigeria

    Nyuma yo gutsinda uyu mukino, u Rwanda ruzakina na Uganda kuri uyu wa Kabiri.

    Uganda yo yabonye itike yo guhatanira umwanya wa gatanu nyuma yo gutsinda Repubulika Iharanira Demokarasi ya Congo amaseti 3-1 (23-25, 25-21, 25-23, 25-19) mu wundi mukino wabereye muri Petit Stade.

    U Rwanda na Uganda byari kumwe mu Itsinda A ry'iri rushanwabigiye kongera guhura nubwo u Rwanda rwatsinze Uganda bigoranye ku maseti 3-2.

    Igikombe cya Afurika cy'Abagabo cyagombaga gusozwa ku wa Gatatu, tariki ya 15 Nzeri 2021, ariko Impuzamashyirahamwe y'Umukino wa Volleyball muri Afurika (CAVB) yatangaje ko imikino ya nyuma izaba ku wa Kabiri.

    Source : https://umuryango.rw/imyidagaduro/imikino/article/volleyball-u-rwanda-rwatsinze-nigeria-rwongera-kwisanga-mu-ntambara-na-uganda

  • Rwanda: Abasore b'impanga bamaze imyaka 2 babana n'umugore umwe #rwanda #RwOT

    Abahungu 2 b'impanga bakomoka mu Rwanda batangarije ikinyamakuru AFRIMAX TV cyo kuri You Tube ko bamaze imyaka 2 babana n'umugore umwe wabakunze bombi.

    Iki kinyamakuru gifite urubuga rw'Ikinyarwanda n'Icyongereza,rwakoze inkuru mu cyongereza kuwa 04 Nzeri uyu mwaka ruganira n'aba bavandimwe bahisemo gusangira umugore kuko ari impanga.

    Aba bavuze ko bakuze basangira ibintu byose yaba imyenda,akazi,n'ibindi bitandukanye ariyo mpamvu banahisemo gusangira n'umugore.

    Mu bihugu bimwe na bimwe ibi bikunze kubaho ko impanga zishakana n'abagabo b'impanga cyangwa se abakobwa 2 bagashyingiranwa n'umusore umwe gusa mu Rwanda naho byarabaye.

    Bijya gutangira,uyu mukobwa witwa Uwambaje Marie Josiane,yabanje gukundana na Gakuru ariko yaza kumusura n'uyu muto akiyoberanya akamutereta bituma uyu mukobwa ahera mu rujijo.

    Uyu mukobwa ngo ntiyari azi ko umukunzi we afite impanga kandi ngo n'uyu musore ntiyigeze abimubwira.

    Umunsi umwe ubwo yari yasuye uyu mukunzi we ageze mu rugo uyu Gato nawe aramwegera amugaragariza urukundo rudasanzwe byatumye nawe amukunda birangira aba basore bombi bamusangiye.

    Umwe muri aba bagabo yabwiye Afrimax TV ati 'Negereye murumuna wanjye ndamubwira nti kuva umugore adukunda twese nta kibazo reka tubane.Tubyumvikanaho nta kibazo.

    Umukobwa yavuze ko na nubu atazi gutandukanya aba bagabo be bombu gusa yemera ko abakunda bose kimwe.

    Aba bagabo bavuze ko batagirirana ishyari kuko bajya ibihe byo kurarana nawe aho umwe afata umunsi undi agakurikiraho.

    Uyu mugore yavuze ko yabanje kugorwa no kumva ko azabana n'abagabo 2 mu nzu imwe ariko ngo yarabyemeye kuko abakunda.

    Ntabwo umunyamakuru yavuze agace aba bantu batuyemo gusa yemeje ko ngo biteguye kubyara umwana wabo mu mwaka utaha nta gihindutse.


    Source : https://umuryango.rw/ubuzima-115/udushya/article/rwanda-abasore-b-impanga-bamaze-imyaka-2-babana-n-umugore-umwe

  • Imyambarire idasanzwe niyo yaranze ibyamamare… – #rwanda #RwOT

    Ni ibisanzwe ko abahanzi bambara neza cyane cyane iyo bitabiriye ibirori bikomeye birimo itangwa ry’ibihembo. Kuri iyi nshuro ibyamamare byaserutse mu myambaro idasanzwe ku itapi itukura mu birori bya MTV VMAS 2021 byongera gutitiza imbuga nkoranyambaga kubera iyi myambarire itangaje.

    Kuva kuri Lil Nas X wambaye gikobwa kugeza kuri Megan Fox wambaye imyenda imugaragaza wese dore uko ibyamamare byari byambaye mu itangwa ry’ibihembo MTV VMAS 2021:

    Umuraperi Lil Nas wiyemerera ko ari umutinganyi yaserutse yambaye imyambaro y’abakobwa

    Umukinnyi wa filime kabuhariwe Megan Fox

    Umuhanzikazi Kacey Musgraves

    Umuraperikazi Doja Cat wayoboye ibirori bya MTV VMAS 2021

    Kourtney Kardashian n’umukunzi we Travis Barker

    Umuraperi Machine Gun Kelly n’umukunzi we Megan Fox

    Umuhanzikazi Jennifer Lopez

    Umuhanzikazi Olivia Rodrigo

    Umuhanzikazi Tinashe

    Umuraperikazi Saweetie

    Lil Nas X

    Src:www.PeopleMagazine.com,www.HollywoodLife.com

    Source : https://inyarwanda.com/inkuru/109458/imyambarire-idasanzwe-niyo-yaranze-ibyamamare-byitabiriye-ibirori-bya-mtv-vmas-2021-amafot-109458.html

  • Amahano aragwira! Umugabo amaze kubyarana na… – #rwanda #RwOT

    Umwimukira ukomoka muri Repubulika ya Bénin, Adamu Sabi Sime, amaze kubyarana na nyina  gatatu, byatumye Leta ya Nigeria itabyishimira. Mu minsi ishize yafashwe n'ubuyobozi bwa Leta ya Kwara ya Nijeriya, ishinzwe umutekano n'ingabo z'igihugu (NSCDC).

    Umuvugizi wa NSCDC, Babawale Afolabi, ibi yabitangaje mu magambo ye i Ilorin ku wa gatandatu, tariki ya 11 Nzeri, aho yemeje  ko Adamu  yateye inda nyina akaba aheuka kwibaruka umuhungu. Ati: 'Ku wa kane tariki ya 9 Nzeri 2021, umuyobozi w’akarere ka Mosne mu gace k’ubutegetsi bw’akarere ka Kaiama, yavuze ko igikorwa cy'ubusambanyi cyakozwe na Adamu Sabi Sime na nyina, Fati Sime, kandi umwe abyara undi, ibintu bakoze igihe kirekire aho babyaranye gatatu.'

    Ati: 'Abagabo bo mu ishami ry'ubutasi n'abakozi ba NSCDC i Kaiama, bihutiye kugira icyo bakora kandi ibyavuye mu iperereza byagaragaje ko uyu mubyeyi (Fati) afite abana batatu yabyanye n’umuhungu we Adam “.

    Amahano uyu mugore yakoze we n'umuhungu we ntiyagarukiye aho, kuko irindi genzura ryerekanye ko murumuna w’ ushinjwa, ni ukuvuga undi muhungu w'uyu mugore, na we yemejwe ko yaryamanye nawe (na nyina). Ubuyobozi bwa NSCDC bwanavuze ko uyu mubyeyi n’abahungu be bombi badafite impapuro za ngombwa zo kuguma muri Nijeriya, ariko  bashyikirijwe Serivisi ishinzwe abinjira n’abasohoka muri Nijeriya, kugira ngo basubizwe iwabo vuba na bwangu kuko bakoreye amahano muri Nigeria.

    Source : https://inyarwanda.com/inkuru/109476/amahano-aragwira-umugabo-amaze-kubyarana-na-nyina-ubugira-gatatu-109476.html

  • Alliah Cool yasubije abamushinje kwiyambika ubusa – YEGOB #rwanda #RwOT

    Isimbi Allince wamamaye ku izina rya Alliah Cool akaba yaranamuritse Filime ye ya mbere yakoze yise ALLIAH, yasubije abantu bose bibajije ku myambarire ye ku munsi w'ejo.

    Nkuko Alliah yabitangarije mu kiganiro yagiranye na CHITA MAGIC TV aho yari yasabwe kugira icyo abwira abantu bavuze ko yari yambaye ubusa ku munsi w'ejo ubwo yamurikaga filime ye yavuze ko kwambara kuriya ari akazi ke ariwo mwuga we kandi bimufasha kugaragara neza yisanisha n'umwuga we. Yongeyeho kandi ko adashaka kuzongera kubazwa ikibazo kijyanye n'imyambarire ye.

    Uku niko Alliah yari yambaye

    Source : https://yegob.rw/alliah-cool-yasubije-abamushinje-kwiyambika-ubusa/

  • RIB iraburira abakwirakwiza amacakubiri kuri YouTube #Rwanda #RwOT via @kigalitoday #rwanda #RwOT

    Dr. Murangira Thiery avuga ko RIB itazihanganira abakwirakwiza amacakubiri kuri YouTube
    Dr. Murangira Thiery avuga ko RIB itazihanganira abakwirakwiza amacakubiri kuri YouTube

    Umuvugizi wa RIB, Dr. Murangira Thierry, avuga ko amategeko ahana umuntu watanze umuyoboro ukorerwamo ibyaha, kubera iyo mpamvu akaba asaba abafite izo mbuga kwigengesera mu gutumira abantu bakwirakwiza amacakubiri.

    Avuga ko byagaragaye ko nyuma yo gusaba abakoresha imbuga za YouTube kwirinda gukwirakwiza amacakubiri hazakurikiraho kubafata no kubakurikiranaho ibyaha bizaba byakorewe kuri izo mbuga, kabone n’ubwo uwakoze icyaha yaba yabinyujije mu butumwa bugira icyo buvuga ku byatangajwe (comments).

    Agira ati “Ntabwo RIB izarebera abakora ibyaha ku mbuga nkoranyambaga zirimo na YouTube kuko Itegeko Nshinga tugenderaho riteganya ibihano ku bakwirakwiza amacakubi, imvururu no guhembera urwango kuri izo mbuga, ni yo mpamvu tutazarebera”.

    Umuvugizi wa RIB avuga ko hari abakeka ko gufungura imbuga za Youtube no gushyiraho ibishobora kuba bigize icyaha bigamije ahanini kubona abakurikira izo mbuga kuko uko baba benshi ari na ko ba nyiraza babona amafaranga menshi. Nyamara ngo bigaragara ko abo bantu bataba bagamije gusa kubona ababakurikira ahubwo baba banagamije icengezamatwara.

    Dr. Murangira avuga ko nyuma ya Jenoside yakorewe Abatutsi hashyizweho Leta y’Ubumwe bw’Abanyarwanda irwanya kandi inakumira ivangura iryo ari ryo ryose, ku buryo uwakongera guhembera amacakubiri inzira yose yanyuramo azakurikiranwa.

    Agira ati “Turasaba ba nyiri ziriya mbuga kutaba umuyoboro w’abashaka gusubiza Abanyarwanda inyuma, ntabwo bagomba guha rugari abashaka gukwirakwiza amacakubiri. Ibyo bitandukanye n’abavuga ko twaba tubangamiye kwisanzura kw’abantu mu gutanga ibitekerezo ahubwo turasaba ko abantu bareka gutangaza ibinyuranyije n’amategeko”.

    Dr. Murangira avuga ko usanga hari abantu bashaka gusubiza inyuma ibyo u Rwanda rugezeho kandi ibyo ntawe ukwiye kubyihanganira, kubijenjekera no kubitega amatwi kuko ibihano biteganyirijwe abadashaka kumva.


    source : https://ift.tt/3k8OnY4

  • Video: Umu mama ukoresha imvugo zigezweho (slang) asekeje umunyamakuru – YEGOB #rwanda #RwOT

    Muri iki gihe hari imvugo zigweho(slangs) ndetse zikùnze gukoreshwa n'urubyiruko cyane cyane.Biragoye kumva umuntu ukuze uzikoresha,ariko hari umumama ukomeje gutangaza benshi ku mbugankoranyambaga bitewe nuburyo akoreshamo bene izi mvugo.

    Uyu mumama ugaragara kuri dream TV, yasekeje umunyamakuru bitewe nuburyo avuga nkumuntu ukiri muto.Imyambarire ye nayo iratangaje ,aho yambara ikote ryingofero nipantalo.Mu mvugo akoresha harimo: wa kintu we, gongaho, ntushona se bro nizindi..

     

    Source : https://yegob.rw/video-umu-mama-ukoresha-imvugo-zigezweho-slang-asekeje-umunyamakuru/