Webrwanda Backend

Author: webrwanda

  • Kuba afite ikibazo cy’amaguru ntabwo bimubuz… – #rwanda #RwOT

    Hari ubwo bavuga ko urukundo rugira ayarwo rimwe na rimwe umuntu ntabyemere! Iyi  nkuru tugiye kugarukaho iragaragaza ko urukundo  ari ikintu gikomeye Imana yaremye kandi rikaba n’itegeko rya mbere rikomeye riruta ayandi kubabyemera. Byagora benshi kwiyumvisha ukuntu umukobwa w’uburanga yakwimariramo umusore ufite ubumuga bwo kutagira amaguru yombi ariko byose birashoboka kubera Imana.

    Muri iyi nkuru tugiye kugaruka ku rukundo rwa Nzayisenga Jean de Dieu ufite ubumuga bwo kutagira amaguru na Muteteri Borah rwavugishije benshi barimo abo mu muryango we, ishuti zabo, abakurikirana imbuga nkoranyambaga, kugeza bakoze ubukwe ubu bakaba bamaze amezi 3 barushinze.

    Jado afite ubumuga bwo kutagira amaguru

    Ikiganiro bombi bagiranye na ISIMBI TV yabasuye cyakunzwe na benshi, ni nacyo tugiye kwifashisha maze tugaruke ku rukundo rwabo kugeza barushinze. Muri iki kiganiro Muteteri hari aho yavuze ukuntu umugabo we ufite ubumuga bwo kutagira amaguru, ari ikibasumba kandi amuha ibyishimo by'igisagirane. Yagize ati”Kuba anshimisha, kuba ankunda kuba afite ikibazo cy’amaguru ntabwo bimubuza kumpa umunezero nkeneye, ntabwo bimubuza kunshimisha mbese kuba hari ikibazo cyabaye cyo kuba yabura ingingo ariko afite ubushobozi afite urukundo, afite umutima mwiza”.

    Borah kugira ngo asome umukunzi we bimusaba kubanza gupfukama ngo bareshye 

    Yakomeje agira ati” Amaguru ntabwo ariyo muntu ahubwo umuntu ni umutima we , kandi kuba ari na muzima ndabishimira Imana kuba atekereza neza akantekerereza neza agatakereza ibimukwiriye, agatekereza ibinshimisha nicyo kintu cya mbere nabanje kuba namushimira”. 

    Muteteri kandi yavuze ko nawe ari ikinege akaba ari n’imfubyi! Ngo yarezwe na nyirakuru nyuma aza kwitaba imana mu 2019 atarabona umukwe we. Ngo yahoraga amwifuriza kuzagira urugo rwiza kandi Muteteri ngo yararubonye. 

    Yabajijwe uko byamugendekeye abwiye abo mu muryango ko afite fiyance [Jado] mu kubisubiza yagize ati” Rero njyewe nkimara kuba nakwerekena fiyanse, nkamwerekana nk’umuntu dufitanye gahunda yo kuba twabana ntabwo mu rugo babashije kuba babyakira neza nyine ngo bahite babyiyumvisha, ariko uko iminsi yagiye ihita nagiye mbibumvisha”. 

    Yakomeje avuga ko bageze igihe Jado bakamwemera nk’umukwe, ariko nyuma iki kibazo ngo cyo kutemera kwakira uyu mugabo cyaje kugera ku rungano rwe! Abisobanura yagize ati: 'Ku rungano byo byaje kuba ibindi bindi'.

    Bamaze amezi atatu bakoze ubukwe

    Jado yabajijwe uko yaje kurambagiza uyu mukobwa maze abisobanura muri ubu buryo ati: 'Ukuntu byagenze Borah bwa mbere twahuriye muri competition yari yabereye i Muhanga, icyo gihe nanjye narayitabiriye bashakaga abantu baririmba nanjye nyine njyenda nk’umuntu uririmba Gospel!”.

    Yararirimbye nyuma yaho ngo avuye ku rubyiniro abari kumwe na Borah nawe wari waje guhangana mu kubyina gakondo, baramubwira bati Imana izagufashe mbese bamwifuriza gutera imbere. Cyakora ngo Borah yageze aho ashaka kumubaza ibibazo bijyanye n’uko yavunitse arabimusobanurira nyuma yaho ngo Jado amwaka nimero arayitahana.

    Yageze aho ngo hashize nk’icyumweru ashaka kumuhamagara ngo agira ubwoba, ariko arihangana aramuhamagara baraganira bakajya bavugana kenshi hashira nk’amezi 5.

    Rimwe ngo baraganiye ageze aho aratinyuka amubaza niba afite umukunzi maze Borah amubwira ko amufite, nyamukobwa nawe aramubaza Jado we avuga ko ntawe afite. Kuva icyo gihe ngo bakomeje kujya baganira maze uyu mukobwa rimwe na rimwe akamuganiza ku mukunzi we akamubwira ibitagenda neza, Jado we akamukomeza akamubwira ko agomba gukunda Imana kuko ariyo byose, akirinda kumubwira ko amukunda  kuko yari yaramubwiye ko afite umukunzi.

    Kera kabaye ngo Borah yageze aho abwira Jado ko yatandukanye n'umukunzi we, maze Jado yicinya icyara atangira kubwira uyu mukobwa ko afite ikibazo kandi ashaka kukimuganiza, kuko yabonye ariwe wagiye umuba hafi.

    Ageze kuri iyi ngingo Borah yahise avuga aho bahuriye ku munsi nyiri zina ati”Twahuriye hano karama hari ahantu twari twicaye yaje yambaye insimbura ngingo afite n’imbago”.

    Banyuzwe n’urukundo rwabo

    Yakomeje agira ati” Nyuma yaje kunsaba urukundo turagenda turicara arambwira ngo arankunda, nabaye nyine nk’umuntu umeze nk'aho ijuru riguye ku muntu ariko ubwo uri kumva nyine n’amasaha yo kujya gusenga yarageze, ndamubwira nti ntacyo tuzabivugaho nyuma reka dutahe!”. Jado yakomereje aho yari ageze ati”Yanze kunsubiza ndatekereza ndavuga nti buriya yabipinze ibyo namubwiye, buriya yanze guhita ansubiriza mu maso yanjye kubera ukuntu yabonye meze [Afite ubumuga]”.

    Borah ngo ntabwo yahise yemerera Jado, cyakora hashize ukwezi nibwo yabyemeye nk'uko yabisobanuye. Ati” Hashize ukwezi nibwo byaje kunzamo mbona ko bikwiriye, nanjye ndamuhamagara nk'uko nanjye yampamagaye, nanjye rero ndamwemerera aho twari twicaye ambwira ngo arankunda niho nanjye namusubirije”.

    Jado yavuze ko Borah atari azi ko nta maguru afite wenda yakoze impanuka azakira kubera ko iteka yamubonaga yambaye insimbura ngingo,  ariko ngo yageze aho aratinyuka amubwira ko nta maguru afite kugira ngo urukundo yamwemereye rutazaba imfabusa amuvumbuye nyuma.  Yashimangiye ko Borah igihe yabaga yaje kumusura yahitaga yambara insimbura ngingo kugira uyu mukobwa atabona ko nta maguru afite. Igihe kimwe ngo Jado yafashe umwanzuro wo kumwiyereka, yamwanga akamwanga. Nabwo ngo bari bafitanye gahunda y'uko ari buze kumusura, maze arabanza yiragiza imana.  

    Aje Jado yakomeje asobanura uko byagenze ati”Babyara banjye baramwinjije bamuhereza karibu baramubwira bati ari muri salon, ati nonese ko ataje kundeba noneho? bati musange muri salon hari utuntu ari gukora, asanga ndiyicariye ambonye asa n'uwikanze [kubera ko nta nsimbura ngingo noneho yari yambaye] araza aranyitegereza mbona agize agahinda ararize!”.

    Borah aha yahise agira ati: 'Uko namubonaga ntabwo ariko namusanze,  nagize agahinda ndavuga nti se kuki ibi bintu utabimbwiye kare ukajya utuma tugenda n'amaguru ukamperekeza nkavuga nti reka mbe ndetse gufata moto?”.

    Yakomeje agira ati” Ukajya utuma nkuvuna ugenda nyine arambwira ati, oya iki nicyo gihe cyo kuba nabikwereka, ndamubwira ngo ntacyo Imana ijye idufasha tubasha kuba twabona insimburangingo tubashe kuba twazigura”.

    Yashimangiye ko uko yamubonaga mbere byahise bihinduka, cyakora avuga ko yumvise agize imbaraga yumva afite ubushobozi yamuha n’amafaranga ku buryo anabishoboye yagira icyo akora kugira ngo abashe kuba yagenda. Yanyuzwe no kuba yaramwiyeretse yumva yarushaho kongera ibyo yamukoreraga ntamuvune.

    Jado yakomeje avuga ko icyo gihe uyu mukunzi we yatashye agatangira gusubiza filime inyuma, yakwibuka ukuntu yarize n'uko byagenze byose, akibaza ko yamwanze. Yategereje isaha bajyaga bavuganiraho ntiyamuhamagara, atangira rwose gukeka  ko byarangiye cyakora saa 8:00 aramuhamagara baravugana amubwira ko ari muturimo [umukobwa] amusezeranya ko nadusoza aza kumuvugisha.

     Nyuma y'iminota 30 yaramuhamagaye maze baraganira bisanzwe, amubaza uko ameze nyuma yaho amuhishurira ko yabonye atinze kumuhamagara akagira ngo yamwanze kubera uko yamubonye. Nyamukobwa ngo yamubujije kwiyaturira ho ikibi maze kuva icyo gihe batangira gukundana bya nyabyo, ndetse yanaza kumusura akamufasha kumesa nk’abakundana. 

    Ibi ngo byatangiye guteza impaka muri rubanda, bamwe bakabwira Jado ko ashobora kuba yaramushukishije amafaranga. Abakobwa bagenzi ba Boran nabo ngo bamubwiraga ko yamukurikiyeho amafaranga, nawe akikura mw’isoni akababwira ko ayafite.

    Nyuma yaho ngo Borah yaje kubwira inshuti ze ko wa mukunzi we nta mafaranga afite, bakamuserereza gusa akabyihanganira.

    Jado yageze aho avuga uko baje gupanga ubukwe nta mafaranga bafite ati”Dutangira kujya kwiyerekana nari mfite ibihumbi 100, ndamubwira nti ngiye kugerageza nanjye nkore iyo bwabaga amanywa n’ijoro, nshake ibiraka bampereza ibiraka byo kujya gukora mu matuwarete  ndabikora, abampereza ibirika byo gukubura byanga byakunda ubukwe buzataha!'. Yakomeje avuga ko ibi yabyiyemeje kuko hari benshi bari baragiye bamuca intege bamubwira ko ntabukwe azakora, yiyemeza kwemeza abacantege ahereye ku nshuti ze zamubwiraga ko nibapanga ubukwe umukobwa azahita amuvaho!

    Jado yashimishijwe n'uko ubukwe bwaje gutaha ati” Ubukwe bwacu bwagenze neza na ba bantu baravuga bati ntabwo ari Jado. Twamaze kwiyerekana mu ma famiye ziradushyigikira tubigeza no kuba pasiteri Imana ituma butaha”.

    Mu gushimangira ko uyu mugore bamaranye amezi atatu babanye neza kandi yamubereye umugisha, Jado hari aho yagize ati”Ni marayika Imana yanzaniye kugira ngo aze ambe iruhande”.

    Jado kandi yakomoje ku bumuga afite n’uko bwaje ati” iki kibazo cy’ubumuga bw’ingingo byahereye ndi umwana muto mfite imyaka 7 mu 1997. Igisasu cyaje kunturikana kimaze kunturikana naguye muri koma. Cyanturikanye turi guhunguka, koma nayimazemo amezi abiri kuko nakangutse ariko bambwira ngo nari maze amezi abiri muri koma baranshyizemo ibyuma”. 

    Yakomeje avuga ko yakangutse ari i Cyangugu mu bitaro bya Gihundwe! Icyo gihe ngo akanguka, yisanze afite akaguru kamwe akandi kariho ibisebe umu Dr agakomeza kukavura ariko ajyeze aho abona hazazamo kanseri, afata umwanzuro w'uko nako agomba kugakuraho.

    Nyuma yaho ngo bamuhaye taransiferi bamuzana i Kigali mu bitaro bya CHK bamunyuza mu cyuma, basanga afite n’ikibazo cy’umugongo bituma bamushyiraho sima umubiri wose ayimarana ukwezi. Nyuma yaho mu 1998 nyina ngo yitabye Imana ari kubyara, nyuma yaho na murumuna we arapfa, nyuma y’umwaka umwe mu 1999 na Se yitaba Imana, asigarana na mushiki we gusa.

    Yakomeje avuga ko yahuye n’ikibazo kuko we byari bigoranye kubona famiye yamwitaho afite ubumuga, ariko kubw'amahirwe aza kubona umuryango umufasha. Cyakora ngo kubera ubuzima bubi yari abayemo, abantu bamunena, abandi bamugirira impuhwe, ngo yageze aho yanga Imana, akumva ko ariwe ibibazo byose byagwiriye.

    Hari aho yageze avuga ukuntu yagiye gusaba ishuri Kumuhima bakarimwima, ngo yajya arangaza abandi bana. Nyuma y'uko ibi bimubayeho, ngo yigiriye inama yo gucuruza ikarito agashyiraho itabi n’utubombo, kugira ngo ashakishe ubuzima.

    Ngo yaje kugira amahirwe ahura n’ababikira bamujyana i Gatagara atangira kwiga, ndetse atangira no kongera gukunda Imana kuko muri kiriya kigo cy’abafite ubumuga yari yajyanywemo, babatozaga gusenga no gukunda Imana. 

    Source : https://inyarwanda.com/inkuru/109735/kuba-afite-ikibazo-cyamaguru-ntabwo-bimubuza-kumpa-umunezero-nkeneye-ubuhamya-bwa-muteteri-109735.html

  • Mu gahe gato indirimbo Lie ya Kizz Daniel w… – #rwanda #RwOT

    Kizz Daniel yashyize hanze indirimbo hanze ifite injyana biberanye yitwa 'Lie' mu kwezi kwa Kanama 2021, maze nyuma y'iminsi asa n'uwabuze yongera kugarurirwa icyizere abakunzi be bari hirya no hino ku isi.

    Mu gihe gito imaze ku mbuga zinyuranye mu buryo bw'amajwi yayikoreye n'amashusho mu bihe bya vuba, igaragaramo umukino w'inyoni ebyiri ziri mu rukundo bakaza gutandukana umugabo ariko agasigara yicuza ko atahaye ibyo yarakwiye umugore we.

    Yakibuka uko byagenze n'ibihe byiza bagiranye bikamushegesha, amashusho yayo akaba yarageze hanze kuwa 02 Nzeri 2021 nyamara imaze kurebwa inshuro zirenga Miliyoni 4.

    Kugeza ubu akaba ari mu mashusho akomeje guhererekanwa cyane muri Nigeria ku mbuga zinyuranye.

    Mu rwego rwo kwishimira umusaruro yagezeho, Kizz Daniel yashimye abakunzi b'umuziki we kumufasha kugeza indirimbo ye ku ntsinzi idasanzwe anemeza ko abafitiye uruhisho rw'indirimbo nshya #Afroclassic mu kwezi gutaha k'Ukwakira.

    Kizz yagize ati:'Murebe ibyo mwakoze hamwe n'indirimbo yanjye 'Lie' mu gihe cy'ukwezi kumwe yujujye abayumvise barenga Miliyoni 50, hatarimo kuyihererekanya amashusho yayo niyo ya mbere akunzwe mu byumweru 2 byonyine amaze kuri Youtube, ndabashimye cyane kandi bizahoraho na none mu kwezi gutaha #Lie #Afroclassic'

    Kizz Daniel ari mu byishimo byinshi nyuma yo kuzuza abantu barenga Miliyoni 50 bamaze kumva indirimbo ye nshya imaze ukwezi konyine mu buryo bw’amajwi n’ibyumweru bibiri mu buryo bw’amashusho


    KANDA HANO WUMVE UNAREBE INDIRIMBO LIE YA KIZZ DANIEL IKOMEJE KWIGARURIRA IMITIMA YA BENSHI

    “>

    Source : https://inyarwanda.com/inkuru/109738/mu-gahe-gato-indirimbo-lie-ya-kizz-daniel-wari-ukumbuwe-yujuje-miliyoni-50-zabayumvise-vid-109738.html

  • King James avuze icyo agiye gukora nyuma yo kumwiyitirira. – YEGOB #rwanda #RwOT

    Umuhanzi Ruhumuliza James uzwi nka King James yatangaje ko agiye gutangira gukoresha imbuga nkoranyambaga nyuma yigihe abantu bamwiyitira kuri izi mbuga.

    Si ubwa mbere King James bamwiyitirira ku mbuga nkoranyambaga yaba Facebook na Instagram, bagacucura abantu batandukanye utwabo bitewe n'urukundo bakunda uyu muhanzi wabahaye ibyishimo mu bihe bya mbere ndetse n'ubu akaba akibaha ibyishimo ariko abenshi bakamunenga kutabaganiriza nk'uko ibindi byamamare bibikora bikaganira n'abakunzi babo ku mbuga nkoranyambaga.

    Uyu muhanzi yabajijwe niba we atabona ko kuba adakoresha imbuga nkoranyambaga ngo abashe kubeshyuza ayo makuru ndetse anabashe kwivuganira ku biba byamuvuzweho kandi atari ukuri yagize ati:

    'Nabwo byashoboka wa mugani, ubwo ni ukureba ukuntu umuntu yabikora, gusa urumva ikibazo kiba kigomba kubaho n'abantu baba bagomba kubona ko abatekamutwe babaye benshi bakajya bitondera ko umuntu yahita aboshya usibye nanjye na ziriya kompanyi zindi urabizi ko abatekamitwe babikora cyane bahamagara abantu, ariko iyo bigeze nyine ku muntu wenda navuga ngo uzwi bihita biba ibindi bindi. Ariko nyine nta kundi.'

    Umuhanzi King James yavuze ko agiye gukoresha imbuga nkoranyambaga ze cyane ko zizajya zimufasha mu bikorwa bitandukanye bya buri munsi birimo no kunyomoza no kwamagana n'abo bamwiyitirira. Yagize ati: 'Yego ni ukureba ukuntu umuntu azijyaho rwose.''

    Source : https://yegob.rw/king-james-avuze-icyo-agiye-gukora-nyuma-yo-kumwiyitirira/

  • Yihakanye ubukiristo ashyingiranwa n'umupfumu wahaga imbaraga abapasiteri #rwanda #RwOT

    Umugore yatunguranye avuga uko yaretse ubukirisitu ahitamo gushyingiranwa n'umupfumu kandi ko ntacyo yicuza kuko ngo n'ubundi abapasiteri be bajyaga gushaka imbaraga kuri uyu mupfumu.

    Lolo Ebelechukwu Obi, umugore ukomoka muri Nigeria,yavuze ko abapasitori benshi baza mu ndaro y'umugabo we w'umupfumu kugira ngo babone imbaraga z'umwuka.

    Uyu mugore wo muri Nigeriya yahoze ari umukirisitu wubahaga Imana, ariko yaretse ubukristu kugira ngo ashake uyu mupfumu. Lolo ubu amaze imyaka umunani ashakanyenuyu mupfumu.

    Mu kiganiro na BBC News Pidgin, Madamu Obi yavuze ko aticuza icyemezo yafashe cyo guhindura idini rye.

    Ku bijyanye nuko yahuye n'uyu mupfumu, Madamu Obi yasuye indaro y'uyu mugabo amubwira ubuhanuzi bw '”imyuka” bwerekeranye nuko bakwiriye kubana. Nyuma yo kubiganiraho na nyina, Obi yaje kureka, kuko nyuma yaje kwemera kubana n'uyu mugabo kuko ngo yabonye ko yahamagariwe kuba umuyoboke w'idini gakondo.

    Source : https://umuryango.rw/ubuzima-115/udushya/article/yihakanye-ubukiristo-ashyingiranwa-n-umupfumu-wahaga-imbaraga-abapasiteri

  • Ishimwe ry’abahawe amasomo na EF agatuma bahinduka abanyamwuga mu bukerarugendo – #rwanda #RwOT

    Abarangije aya masomo bangana na 221, bakaba bari bamaze amezi 12 bigishwa Icyongereza ndetse n’ibijyanye no kwakira ba mukerarugendo n’ibindi bitandukanye byo muri iki gice. Kugeza ubu, EF ifite abanyeshuri 4,900 muri gahunda yo kwiga Icyongereza. Abandi 1,600 bakaba bazatangira amasomo mu minsi iri imbere.

    Ni amahugurwa yatanzwe n’ikigo gisanzwe gitanga amasomo ku isi yose, EF Education First ku bufatanye n’Umuryango MasterCard Foundation n’Urwego rw’Igihugu rushinzwe Iterambere, RDB.

    Aya masomo yatanzwe hibanzwe ku bukerarugendo kuko u Rwanda ari kimwe mu bihugu bishyize imbere iki gice kandi bufite na byinshi bukimariye mu bijyanye no kwinjiza amadevise.

    Ibi bigaragira bigaragarira mu mibare y’amadevise bwinjiza n’imirimo butanga. Urugero, mu 2019, ubukerarugendo bwinjirije u Rwanda miliyoni zirenga 500$, zivuye kuri miliyoni 300$ mu 2014. Muri icyo gihe kandi imirimo bwatanze yavuye ku bihumbi 89 igera ku 164.000.

    Umuyobozi wa EF mu Rwanda, Ruzibiza Oriane, yabwiye IGIHE ko hatanzwe aya mahugurwa kugira ngo hazamurwe ubunyamwuga bw’abakora mu gice cy’ubukerarugendo.

    Yagize ati “Aya masomo yatanzwe kugira ngo abantu bari mu bukerarugendo no kwakira abantu babashe kuzamurirwa urwego, haba ku rurimi rw’Icyongereza nka kimwe mu bice nyamukuru kibugize ndetse n’ubumenyi mu bijyanye n’itumanaho n’ibijyanye no kwakira abantu mu gice barimo.”

    “Kugira ngo bamenye uburyo bavugana n’abantu ndetse n’uko bakira ba mukerarugendo baza babagana, bahawe kandi ubumenyi ku byiza biri mu Rwanda ku buryo uwamugana yamenya aho amutembereza kandi akabasha kumuyobora neza.”

    Yakomeje avuga ko bahugura buri wese ufite aho ahurira n’ubukerarugendo kugira ngo bazabashe gutanga ishusho nziza ku Rwanda, mu barusuye bahura nabo.

    Yagize ati “Buri muntu wese uhura na mukerarugendo kuva yinjiye mu gihugu kugeza atashye aya mahugurwa aramureba. Dukorana n’abo ku kibuga cy’indege, abakozi ba RwandAir, abanyamahoteli, abakora ahantu nyaburanga n’abandi bafite aho bahuriye n’ubukerarugendo bagahugurwa kugira ngo bazatange ishusho nziza ku gihugu cyacu.”

    Ruzibiza yakomeje asaba abasoje aya masomo gushyira mu bikorwa ibyo bigishijwe kugira ngo bateze imbere umwuga wabo n’ubukerarugendo muri rusange.

    Ku ruhande rw’abahawe aya masomo bemeze ko mbere yo guhabwa aya masomo hari byinshi batari bazi mu bukerarugendo, ubu bumenyi bungutse buzabafasha mu kazi kabo ka buri munsi.

    Liza Fabrice wikorera ku giti cye mu gutembereza ba mukerarugendo, yavuze ko mbere yo guhabwa aya masomo Icyongereza cye cyari gike ndetse hari byinshi atari asobanukiwe mu kazi ke.

    Yagize ati “Nize byinshi mu Cyongereza by’umwihariko mu kazi kanjye k’ubukerarugendo, mbere si nari nzi uburyo navugana n’abakerarugendo mpuzamahanga kuko benshi bakoresha uru rurimi.”

    “Ubu rero nize byinshi uburyo nabasha kuganiriza abangana, kubasha kwandika email, gutumiza ibintu bitandukanye muri make nize byinshi bizamfasha.”

    Yakomeje ashimira abamuhaye aya mahugurwa avuga ko ibyo bamwigishije atazabisinzirana ahubwo bizamufasha ku isoko ry’umurimo ariho.

    Yagize ati “Ndashimira cyane RDB, Mastercard Foundation na EF kuko buri muntu wese asigaye ambaza aho nigiye Icyongereza n’abo twari tuziranye mbere bambwira ko hari icyazamutse ku bumenyi bwanjye, ndashimira abampaye ubu bumenyi buzamfasha mu kazi ka buri munsi.”

    Umukozi wa Kigali Marriott Hotel, Kayitesi Donna yashimiye ya EF ku bumenyi bamwunguye kuko ubu abasha kumvikana na ba mukererarugendo baturutse impande n’impande.

    Yagize ati “Nize byinshi ko nabashije kumenya uko nazamura icyizere nigirira kuko mu kazi kacu bidusaba guhura n’abantu baturutse impande n’impande bavuga bitandukanye, nize rero uburyo nabasha kumvikana nabo.”

    “Ubu mbasha kumvikana na ba mukerarugendo, Ndashimira cyane buri muntu wese wateguye aya mahugurwa kuko buri wese uzahura natwe azabasha kubona ko dushoboye kwakira neza abantu ni ibintu byiza cyane kuri njye no kugihugu muri rusange.”

    Aya masomo atangwa mu mezi 12 buri munyeshuri akigira kuri gahunda ye (byibuze amasaha abiri n’igice mu cyumweru), akaba atangirwa ubuntu. Uwifuza kuzahugurwa yasura uru rubuga akabona amakuru arambuye https://www.ef.com/rwanda

    Umuyobozi wa EF mu Rwanda, Ruzibiza Oriane, yavuze ko hatanzwe aya mahugurwa kugira ngo hazamurwe ubunyamwuga bw’abakora mu gice cy’ubukerarugendo

    Abarangije amasomo ya EF bemeza ko yabongerereye ubunyamwuga mu bukerarugendo

    Abarangije amasomo ya EF bemeza ko yabongerereye ubunyamwuga mu bukerarugendo

    source : https://ift.tt/3tXO5Xc

  • Gicumbi: Umuforomo arashinjwa kurangarana umurwayi yagiye gutereta – #rwanda #RwOT

    Mu gitondo cyo ku wa Mbere tariki 20 Nzeri 2021 ni bwo hazindutse havugwa amakuru y’umugore wabyaye umwana upfuye, bivugwa ko umuforomo wari kumwitaho atabonetse kuko yari yararanye n’umukobwa.

    Bivugwa ko ubwo uyu mubyeyi yari yaje kuri icyo Kigo Nderabuzima yaje kubyara, yakomeje gutaka aribwa n’inda ariko uyu wagombaga kumwitaho muri iryo joro akaba yari yajyanye n’umukobwa wari waje kurwaza undi murwayi mu cyumba bakikingirana kugeza ubwo batabazwaga ntibabyiteho.

    Umuyobozi w’Akarere ka Gicumbi, Ndayambaje Felix yameje aya makuru asaba abakozi bose kujya bita ku kazi cyane cyane igihe hari ibyashyira ubuzima bw’abantu mu kaga.

    Yagize ati “Ubu uyu mugore yatashye, umuforomo ukurikiranweho uburangare amaze kujya mu maboko y’Urwego rw’Igihugu rw’Ubugenzacyaha kuri Sitasiyo ya Rutare ngo bikurikiranwe. Ku bakozi tugomba kunoza serivisi ku muntu uje atugana kandi gukurikiranira hafi ibyo dukora n’igihe turimo kubikora cyane ibyashyira ubuzima bw’umuntu mu kaga, ku muryango wabuze umuntu wo twifatanije nabo mu kubura uwo mujyambere, kandi tubizeza ko ubutabera buzakora akazi kabwo neza hagakurikizwa amategeko ahagaragaye amakosa agahanwa.”

    Kuri ubu umubyeyi wagize ibyago yasezerewe kwa muganga yatashye mu gihe umuforomo ushinjwa uburangare we yatawe muri yombi.

    Ibiro by’Akarere ka Gicumbi mu ntara y’Amajyaruguru

    source : https://ift.tt/3CyYlYR

  • Umunyamakuru Sam Karenzi yaba agiye gusimbura… – #rwanda #RwOT

    Tariki ya 15 Nzeri 2021, ni bwo Sam Karenzi yandikiye ubuyobozi bukuru bwa Radio/TV 10 ibaruwa yegura ku mirimo yari ashinzwe, nk'umuyobozi wa Radio na televiziyo.

    Nyuma y'iyi baruwa, ku mbuga nkoranyambaga ndetse no mu binyamakuru, hasakaye amakuru avuga ko uyu munyamakuru na bagenzi be bakora ikiganiro Urukiko rw'imikino gitambuka kuri Radio10, ko bagiye kwimurira iki kiganiro kuri Fine FM.

    Ibi bikaba byaratewe n'impinduka zakozwe n'ubuyobozi bwa Radio10, bwahinduriye imirimo n'ibiganiro, abanyamakuru bakoraga ikiganiro Urukiko, aho Karenzi yagizwe umuyobozi wa Radio na Televiziyo, abandi barimo Taif ana Axel bagahindurirwa ibiganiro, byanatumye Horaho Axel asezera.

    Gusa amakuru InyaRwanda.com yamenye ni uko Sam Karenzi ariwe uzaba Umunyamabanga Mukuru wa FERWAFA, asimbuye Uwayezu Regis weguye.

    Mu kiganiro yagiranye na InyaRwanda.Com, Sam Karenzi yemeye ko yamaze gusezera kuri Radio/TV10 ariko avuga ko ibyo kuba umuyobozi muri FERWAFA na we atabizi. Yagize ati:

    Ni byo koko namaze gusezera kuri Radio/TV10, nanditse ibaruwa ku itariki ya 15 Nzeri, gusa ndacyari umukozi w'iki gitangazamakuru kugeza tariki ya 30 z'uku kwezi nk'uko biri mu masezerano. Ntabwo ibyo kuba umuyobozi muri FERWAFA mbizi, nanjye ndabyumva gutyo, ibizakurikiraho muzabimenya ninsoza amasezerano yanjye hano kuko ubu ndacyari umukozi w'iki kigo.

    Nyuma y'ubwegure bw'uwari umunyamabanga wa FERWAFA, Uwayezu Regis, ntabwo iri Shyirahamwe riratangaza umusimbura we, bivugwa cyane ko azaba Sam Karenzi umaze igihe kirekire mu mwuga w'itangazamakuru, akaba yarakoze kuri Radio Salus na Radio10.

    Biravugwa ko Sam Karenzi agiye kuba umunyamabanga wa FERWAFA

    Source : https://inyarwanda.com/inkuru/109736/umunyamakuru-sam-karenzi-yaba-agiye-gusimbura-uwayezu-regis-muri-ferwafa-109736.html

  • Guverinoma y'u Rwanda ikoze igikorwa cyari kimaze igihe gitegerejwe na benshi cyo gufungura utubari #rwanda #RwOT

    Amezi yari abaye hafi 18 ikitwa utubari twahuriragamo abatari bake mu Rwanda dufunzwe ku mugaragaro kubera ingamba zo kwirinda icyorezo cya covid-19. Kuri uyu wa 21 Nzeri  2021, inama y'Abaminisitiri yateraniye muri Village Urugwiro iyobowe na Perezida  Kagame Paul, yanzuye ko utubari tugiye gufungurwa ariko byose bikazakorwa mu byiciro.

    Ni ubwo hari hashize iki gihe cyose byitwa ko utubari dufunze, tudakora, nta wavuga ko muri rusange tutakoze kuko henshi twakoraga byitwa ko dufunze. Hari benshi mu bafute utubari bagiye bafatwa bagacibwa amande ndetse n'abadufatiwemo bagahanwa ariko bwacya kuko abanywi ba byeri kuyirara cyangwa ukamara kabiri utagasomye bigora ukumva umuntu ngo yafatiwe mukabari cyangwa se bamuvudukanye.

    Igikorwa cyo gufungura ku mugaragaro utubari, nta washidikanya ko cyari gitegerejwe na benshi kuko ni hamwe mu hatanga kwisanzura n'ibyishimo ndetse hahuza abanywa byeri n'abanywa imitobe. Uko bizakorwa kose, benshi mu bahoraga banywa cyangwa bajya mu tubari babundabunda cyangwa se bikanga kuhafatirwa bararuhutse.

    Munyaneza Theogene / intyoza.com

    Source : https://www.intyoza.com/guverinoma-yu-rwanda-ikoze-igikorwa-cyari-kimaze-igihe-gitegerejwe-na-benshi-cyo-gufungura-utubari/

  • Utubari twemerewe gufungura mu byiciro nyuma y'umwaka urenga dufunze #rwanda #RwOT

    Perezida Kagame kuri uyu wa Kabiri, tariki ya 21 Nzeri 2021, yayoboye Inama y'Abaminisitiri yateraniye muri Village Urugwiro ku Kacyiru ifata ingamba nshya mu gukomeza gukumira ikwirakwira ry'icyorezo cya COVID-19 ndetse ishyiraho imishinga y'amategeko mishya.

    Iyi nama y'Abaminisitiri yateranye uyu munsi, yoroheje zimwe mu ngamba zashyizweho mu guhangana na COVID-19 zirimo gukomorera utubari twafunzwe muri Werurwe 2020 ndetse n'amasaha ntarengwa y'ingendo yashyizwe saa tanu mu turere tumwe n'umujyi wa Kigali.

    Utubari dufunguwe nyuma y'amezi 18 twari tumaze dufunzwe ndetse iki cyemezo nicyo kimaze igihe ikirekire kidahinduka, mu kwirinda ikwirakwira ry'icyorezo cya COVID-19.

    Ingamba zizakomeza gukurikizwa:

    a. Ingendo zirabujijwe guhera saa Tanu z'ljoro (11:00 PM) kugeza saa Kumi za mu gitondo (4:00 AM) mu Mujyi wa Kigali. Ibikorwa byose byemerewe gukomeza bizajya bifunga saa Yine z'Ijoro (10:00 PM).

    b. Ingendo zirabujijwe guhera saa Tatu z'ijoro (9:00 PM) kugeza saa Kumi za mu gitondo (4:00 AM) ahandi hose mu Glihugu. Ibikorwa byose byemerewe gukomeza bizajya bifunga saa Mbiri z'ijoro (8:00 PM).

    lcyakora mu Turere twa Gicumbl , Karongi, Kirehe, Ngoma na Nyagatare dufite imibare y'abandura COVID-19 iri hejuru kurusha ahandl, ingendo zirabujljwe guhera saa Mbiri z'Ijoro (8:00 PM} kugeza saa kumi za mu gitondo (4:00 AM). Ibikorwa byose byemerewe gukomeza bizajya bifunga saa Moya z'Ijoro (7:00 PM).

    c. lbiro by'lnzego za Leta bizakomeza gufungura, ariko buri rwego rurasabwa gukoresha abakozi batarenze 75% by'abakozi bose, abandi bakozi bagakorera mu rugo, ariko bakagenda basimburana.

    d. lbikorwa by'lnzego z'abikorera bizakomeza, ariko buri rwego rurasabwa gukoresha abakozi batarenze 75% by'abakozi bose abandi bakozi bagakorera mu rugo, ariko bakagenda basimburana.

    e. Inama zikorwa imbonankubone zizakomeza. Umubare w'abitabira inama ntugomba kurenga 50% by'ubushobozi bwo kwakira abantu bw'aho bateranira. Abitabiriye inama bose bagomba kugaragaza ko bipimishije COVID-19 mu masaha 72 mbere y'uko inama iterana.

    f. Imodoka zitwara abantu mu buryo bwa rusange zemerewe gutwara abatarenze 75% by'umubare w'abantu zagenewe gutwara. Abatwara bisi barasabwa kugenzura ko amadirishya afunguye kugira ngo zigeremo umwuka uhagije ndetse n'uko abagenzi bahana intera.

    g. Moto n'amagare byemerewe gukomeza gutwara abagenzi. Abatwara moto n'amagare barasabwa kubahiriza amabwiriza y'isuku buri gihe.

    h. Restaurants zizakomeza kwakira abakiliya ariko ntizirenze 50% by'ubushobozi bwazo bwo kwakira abantu. Restaurants zakira abakiliya bicaye hanze zemerewe kwakira abantu ku kigero cya 75% by'ubushobozi bwazo bwo kwakira abantu.

    i. Utubari tuzafungura mu byiciro. Amabwiriza arambuye kuri iyi ngingo azatangwa na Minisiteri ishinzwe Ubucuruzi hamwe na RDB.

    j. Imihango yose ibera mu nsengero zahawe uburenganzira bwo gukora kuko zujuje ibisabwa mu kwirinda COVID-19, igomba kwitabirwa n'abantu batarenze 30% by'ubushobozi bw'izo nsengero bwo kwakira abantu.

    k. Abagenzi base binjira n'abasohoka mu gihugu bakoresheje lkibuga Mpuzamahanga cya Kigali bagomba kuba bafite icyemezo cy'uko bipimishije COVID-19 (PCR test) mu gihe cy'amasaha 72 mbere y'uko bahaguruka, kandi bakubahiriza amabwiriza y'lnzego z'Ubuzirna yo kwirinda COVID-19.

    I. lbikorwa by'ubukerarugendo bizakomeza, hubahirizwa amabwiriza yo kwirinda COVID-19. Muri ibyo bikorwa harimo amahoteli, abashinzwe kuyobora ba mukerarugendo (tour operators) na serivisi zo gutwara ba mukerarugendo.

    m. Ibikorwa bya siporo y'umuntu ku giti cye n'izikorerwa hanze abantu bategeranye bizakomeza. Amabwiriza arambuye kuri iyi ngingo azatangwa na Minisiteri ya Siporo.

    n. lbigo bikorerwamo imyitozo ngororamubiri (gyms and fitness centers) bizakomeza gufungura mu byiciro.

    o. Umubare w'abitabira ikiriyo ntugomba kurenza abantu 30 icyarimwe. Imihango yo gushyingura ntigomba kurenza abantu 50.

    p. lmihango y'ubukwe harimo gusaba, ishyingirwa rikorewe imbere y'Ubuyobozi bwa Leta n'irikorewe mu nsengero biremewe. lbirori bibera mu ngo ntibigomba kwitabirwa n'abantu barenze 50 kandi bikabanza kumenyeshwa Ubuyobozi bw'lnzego z'lbanze. Abitabiriye iyo mihango bagomba kwerekana ko bipimishije COVID-19 mu masaha 72 mbere y'ibyo bikorwa, kandi bakubahiriza amabwiriza yo kwirinda COVID-19. Amabwiriza arambuye kuri iyi ngingo azatangwa na Minisiteri y'Ubutegetsi bw'lgihugu.

    q. lbirori byabereye ahantu hasanzwe hemerewe gukorerwa ibirori (designated/approved venues), harimo no mu ihema, ntibigomba kurenza 50% by'ubushobozi bwo kwakira abantu bw'aho bateraniye. Abitabiriye iyo mihango bagomba kwerekana ko bipimishije COVID-19 mu masaha 72 mbere y'ibyo bikorwa, kandi bakubahiriza amabwiriza yo kwirinda COVID-19 (gusiga intera hagati y'umuntu n'undi, gukaraba intoki no kwambara agapfukamunwa neza).

    r. lbindi birori n'amakoraniro rusange (ibitaramo by'abahanzi, iserukiramuco/ festival, imurikabikorwa n'ibindi) bizakomeza kwitabirwa n'abantu bakingiwe COVID-19 kandi babanje kwipimisha nk'uko bikubiye mu Mabwiriza yatanzwe na RDB.

    s. Ibikorwa by'imikino y'amahirwe bizakomeza gufungura mu byiciro. Amabwiriza arambuye kuri iyi ngingo azatangwa na Minisiteri y'Ubucuruzi n'lnganda.

    Hemejwe imishinga y'amategeko yo gukuraho:

    Komisiyo y'igihugu yo kurwanya Jenoside
    Komisiyo y'igihugu y'Ubumwe n'Ubwiyunge
    Komisiyo y'igihugu y'Itorero
    Itegeko rishyiraho ikigega cya leta cyo gushyigikira no gutera inkunga abatishoboye barokotse Jenoside yakorewe Abatutsi (FARG)




    Source : https://umuryango.rw/amakuru/mu-rwanda/politiki/article/utubari-twemerewe-gufungura-mu-byiciro-nyuma-y-umwaka-urenga-dufunze

  • MU MAFOTO: Uko umuhango wo kwambika impeta Mi… – #rwanda #RwOT

    Ricca Kabahenda, umukobwa uri mu beza u Rwanda rufite, uri no mu bagize amahirwe yo kwinjira muri Nyampinga w’u Rwanda akabasha kwegukana ikamba,  yambitswe impeta y'icyizere ku mugoroba w'uyu wa Mbere tariki 20 Nzeri 2021, mu muhango wabereye muri Park Inn iherereye mu Kiyovu mu Mujyi wa Kigali, ibi bikaba byabaye nyuma y’amezi 10 yari ashize hatangajwe 'bwa mbere' inkuru y'urukundo rw'aba bombi.

    Ariko hashize igihe Bayingana na Kabahenda batangije urugendo rw'urukundo.

    Kubona uwo ukunda nawe akagukunda ni uguhirwa. Nyampinga w’Umurage n’Umuco, Ricca Michaella Kabahenda yambitswe impeta na Bayingana Dennis

    Urukundo rwa Ricca na Dennis rwari rumaze iminsi ruvugwa mu itangazamakuru

    Dennis yamaze kwambika impeta Ricca amusoma ku kiganza amushima 

    Byari ibyishimo bidasanzwe ubwo Ricca yambikwaga impeta maze ahobera uwo yihebeye amushima kumukunda

    Ricca Michaella Kabahenda afite ikamba rya Nyampinga w’Umurage n’Umuco muri Miss Rwanda 2019 Mu 2019, Kabahenda yatorewe guhagararira u Rwanda mu irushanwa rya Miss Heritage Global

    Source : https://inyarwanda.com/inkuru/109737/mu-mafoto-uko-umuhango-wo-kwambika-impeta-miss-ricca-michaella-wagenze-109737.html