NIBA UTARI KUBONA VIDEO KANDA HANO
Source : https://yegob.rw/live-match-as-kigali-vs-rayon-sports-fc/
Author: webrwanda
-
Ibyo aba bageni bakoze ni ubwa mbere bibaye ku isi. â YEGOB #rwanda #RwOT
Abakoresha imbuga nkoranyambaga no mu bitangazamakuru bitandukanye birimo Faceofmala berekanye ubukwe bwari burimo umugeni n'umukwe gusa, ibintu bitegeze bibaho ku isi ,dore ko ubusanzwe ubukwe bwitabirwa n'abantu batari bake.
Amakuru avuga ko aba bageni ari abo muri Afurika y'Epfo baba no muri America. Inkuru zitandukanye zivuga ko ubu bukwe ari bwo buhendutse cyane ku isi. Ni ubukwe butatumye umusore agura imyenda cyangwa umukobwa ngo agire ibindi bintu agura, babifashe ari nk'aho batembereye ariko binjira mu rusengero barasezerana ari babiri baritahira. Nta birori byabaye mu rugo rw'abageni.
Source : https://yegob.rw/ibyo-aba-bageni-bakoze-ni-ubwa-mbere-bibaye-ku-isi/
-
Mukuru wa Juno Kizigenza aje avuna| Ashyize hanze ibyo Juno Kizigenza yakoze iwabo| Nawe afite impano zitangaje â YEGOB #rwanda #RwOT
Umusore witwa Tonalité akaba ari mukuru wa Juno Kizigenza, yavuze byinshi ku bijyanye na Juno Kizigenza.
Mu gutangira ikiganiro, Tonalité yavuze ko avukana na Juno Kizigenza ndetse avuga ko byose babihuje uretse kuba yarisiramuje nyuma ya Juno. Tonalité yavuze ko kuva Juno Kizigenza yazamuka aza mu mujyi wa Kigali atamuheruka. Tonalité yaririmbyeho zimwe mu ndirimbo za Juno Kizigenza ndetse nawe avuga ko yafashe umwanzuro wo kuririmba nyuma yo kubonako Murumuna we byamuhiriye akaba amaze gutera imbere.
Tonalité yakomeje avuga ko afite impano zitandukanye gusa zose zijyanye no gukoresha umunwa we. Yavuze ko azi kuvuga amahamba, kuvuga imivugo n'ibindi.
-
Umusinzi yafashije abandi kumushaka. â YEGOB #rwanda #RwOT
Uyu mugabo w'Umunya-Turukiya witwa Beyhan Mutlu yaburiwe irengero nyuma y'uko anyoye ka manyinya kakamuganza, kakamwerecyeza mu ishyamba riherereye mu Ntara ya Bursa.
Muri iryo shyamba yahamaze amajoro bituma iwabo bagira impungenge ari bwo batangiye gutangaza ko umuntu wabo yaburiwe irengero basaba inzego kubafasha kumushaka.
Mutlu w'imyaka 50, ubwo ka manyinya kari kamaze kumurekura ariho yigendagendera, yahuye n'abantu bariho bamushaka yanga kubatererana na we abiyungaho ngo bashakishe uwo muntu wabuze icyakora we ntiyari azi uwabuze.
Nyuma y'amasaha bari gushaka batangiye guhamagara izina rye, maze ati 'Ndi hano.'
Umwe mu bariho bamushakisha yamushyize ku ruhande kugira ngo abimubwire neza.
Bivugwa ko yababwiye ati : 'Nyabuneka ntimumpane bikomeye. Data wenyine aranyica.'
Source : https://yegob.rw/umusinzi-yafashije-abandi-kumushaka/
-
Abayisilamu bo mu Rwanda ntibazagwe mu mutego w'intagondwa zitwaza idini, zigategura ibikorwa by'iterabwoba #rwanda #RwOT
Kuri uyu wa gatanu, tariki 01 Ukwakira 2021, Polisi y'u Rwanda n'Urwego rw'Igihugu rushinzwe Ubugenzacyaha, RIB beretse itangazamakuru abantu 13 bafatiwe mu mugambi  mubisha, bategura ibikorwa by'iterabwoba bashakaga gukorera ahantu hanyuranye mu Mujyi wa Kigali. Mu bikoresho bafatanywe harimo ibintu biturika byagombaga guturikirizwa ku nyubako ya Kigali City Tower n'ahandi hahurira abantu benshi. Birumvikana ko iyo umugambi utaburizwamo byari guhitana ubuzima bw'inzirakarengane nyinshi, hakanangirika ibintu bitabarika. Ababafashwe biyemerera icyaha, bakavuga ko bari bagamije'guhorera' intagondwa z'abayisilamu zakubiswe inshuro muri Mozambike, ku bufatanye hagati y'ingabo z'u Rwanda n'iza Mozambike.
Â
Bateguraga ibikorwa by'iterabwoba bashakaga gukorera ahantu hanyuranye mu Mujyi wa Kigali Mu bihugu byinshi, cyane cyane iby'Abarabu n'ibyo mu gace ko mu Ihembe ry'Afrika, hari imyumvire igayitse yo kurwana 'intambara ntagatifu', aho bamwe mu Bayisilamu barema imitwe y'iterabwoba nka Al Qaeda n'amashami yayo, bagamije kwica abo badahuje imyemerere. Iyi myumvire kugeza ubu mu Rwanda yari itarahagera, cyane cyane kubera ko Abanyarwanda muri rusange bazi agaciro k'umutekano. Birababaje rero kuba hakiri Umunyarwanda wumva yakwambura ubuzima abandi ngo'arahorera' abagizi ba nabi, yitwaje gusa ko bahuje idini.
Abasirikari n'abapolisi b'u Rwanda bagiye muri Mozambike gutabara abaturage bari barajujubijwe n' intagondwa z'abayisilamu, zaremye umutwe w'iterabwoba wishe inzirakarengane nyinshi, izindi ukazimenesha mu byazo. Kuba barakubise inshuro abo bagome, ubu umutekano ukaba ugenda ugaruka, byagombye gutera buri Munyarwanda ishema, kubera ubwo butwari n'ubumuntu. Biratangaje rero kubona hari Abanyarwanda byababaje, kugera n'aho bategura ibikorwa by'ubwiyahuzi.
Icyakora rero, twizere ko aba bagome babonye ko bari bibeshye ku gihugu bashakaga gukoreramo iterabwoba. Ibihugu byinshi byashegejwe n'ibikorwa by'iterabwoba usanga ari ibyamunzwe na ruswa cyangwa ibifite igisirikari n'igipolisi biriho ku izina gusa. Abanyarwanda bo bari maso. Ubufatanye bw'abaturage n'inzego z'umutekano ntibwaha urwaho abategura ibikorwa bya kinyamanswa. Kuba abaturage baratanze amakuru yatumye ubu bugizi bwa nabi butahurwa butaraba, bibere isomo n'undi wese washaka kutuvogerera umutuzo n'umutekano.
Abashinzwe umutekano, cyane cyane ku nyubako nini n'ahandi hantu nyabagendwa, nabo bakomeze kuba maso, kuko bariya 13 bafashwe bashobora kuba bafite abafatanyabikorwa bakidegembya. Gusaka nta kujenjeka abantu bose binjira ahahurira abantu benshi bishyirwemo imbaraga, kandi n'abacaracara ahantu nk'aho bahozweho ijisho.
Rubyiruko namwe nimwirinde ababashuka bakabashora mu bikorwa by'ubugizi bwa nabi, kuko bitazabahira. Ababigwamo n'abafatwa bagahabwa ibihano bikarishye, nibababere isomo, mwirinde kugwa mu mutego mutindi, ahubwo mwihatire ibikorwa bibateza imbere, bigateza imbere n'Igihugu cyanyu.
The post Abayisilamu bo mu Rwanda ntibazagwe mu mutego w'intagondwa zitwaza idini, zigategura ibikorwa by'iterabwoba appeared first on RUSHYASHYA.
-
Rayon Sports yatsinze AS Kigali #rwanda #RwOT
Igitego cya Onana cyahesheje Rayon Sports intsinzi imbere AS Kigali, ni mu mukino wa gicuti wafashaga amakipe yombi kwitegura amarushanwa ari imbere.
AS Kigali yakinaga na Rayon Sports umukino wa gicuti wakinwe n’abakinnyi batahamagawe mu ikipe y’igihugu.
Rayon Sports niyo yinjiye mu mukino mbere aho yanabonye igitego hakiri kare ku munota wa 16 gitsinzwe na Onana, ni nyuma yo guhererekanya neza na Rharb Youssef.
AS Kigali yashatse uko yishyura iki gitego ariko ntibyamworohera, ku munota wa 33, Rugirayabo Hassan yateye umupira ukubita umutambiko, Shabani Hussein asubijemo nabwo ukubita umutambiko w’izamu.
Eric Nshimiyimana yahise akora impinduka 2, Aboubakar Lawal na Kakule Mugheni Fabrice binjiyemo havamo Uwimana Guilain na Kayitaba Bosco.
Ku munota wa 39, Kakule Mugheni Fabrice yahinduye umupira imbere y’izamu maze Tchabalala ashyiraho umutwe ariko umunyezamu Adolphe awohereza muri koruneri.
Ku munota wa 42, Tchabalala yisanze asigaranye n’umunyezamu Adolphe, amurobye umupira ahita awukuramo, aya mahirwe yakurikiwe n’andi yo ku munota wa 45 Lawal yaboneye mu rubuga rw’amahina ariko ateye mu izamu, umupira ukubita igiti cy’izamu.
Ku munota wa nyuma w’igice cya mbere, Rayon Sports yabonye kufura hafi n’urubuga rw’amahina ku ikosa ryari rikorewe Ayoub, Muvandimwe JMV yayiteye ariko ntiyagira icyo itanga.
AS Kigali yatangiye igice cya kabiri isatira ishaka kwishyura iki gitego ariko birayigora cyane.
AS Kigali yabonye amahirwe menshi ariko ba rutahizamu b’iyi kipe barimo Lawal, Tchabalala na Saba ntibabyaza umusaruro amahirwe babonye.
Ku munota wa 78 Rayon Sports yabonye penaliti ku ikosa Kakule yakoreye Muvandimwe JMV mu rubuga rw’amahina, iyi penaliti yatewe na Rharb Youssef ariko umunyezamu awukuramo, asubijemo ahita nabwo awufata.
Ku munota wa 90, umunyezamu Adolphe yongeye gukora akazi gakomeye akuramo umupira ukomeye wa Lawal yari ateye n’igituza. Umukino warangiye ari 1-0.
Indi mikino ya gicuti yabaye, Police FC yatsinze Musanze 2-1, Kiyovu Sports itsinda Gorilla 4-0, Mukura VS itsinda Rutsiro 4-2.
Rharb Youssef ukomoka muri Maroc ukinira Rayon Sports yagaragaje urwego rwo hejuru
Onana umwe mu bakinnyi bazonze AS Kigali cyane
Bishimira igitego cya Onana
Ayoub na Youssef abarabu baje muri Rayon SportsSource : http://isimbi.rw/siporo/article/rayon-sports-yatsinze-as-kigali-6580
-
Lithuania:Umugabo yasanganwe ikiro kimwe cy'imisumari n'ibindi byuma mu nda ye #rwanda #RwOT
Abaganga bakuye mu nda y'umugabo wo muri Lithuania (Lituanie) imisumari, amaburo (screws) n'ibyuma (imbugita mu Kirundi) birengeje ikilo kimwe (1kg), nkuko ibitangazamakuru byaho bibivuga.
Yari amaze ukwezi kumwe amira ibintu bikoze mu cyuma nyuma yo kureka inzoga, nkuko abaganga babivuze.
Bimwe mu byo bamukuyemo mu kumubaga kwabereye ku bitaro bya Kaminuza bya Klaipeda University Hospital (KUH) byari bifite uburebure bwa santimetero (cm) 10, nkuko bivugwa n'igitangazamakuru LRT cyo muri Lithuania.
Sarunas Dailidenas, muganga ubaga, yavuze ko iki ari “ikintu kitari cyarigeze kibaho”.
Uwo mugabo yagejejwe kuri ibyo bitaro n'imodoka y'imbangukiragutabara (ambulance), ababara cyane mu nda. Ibyo bitaro biri ku nkengero y'inyanja ya Baltic.
Ubu bitangazwa ko ikibazo yari afite cyahamishijwe hamwe, kandi akaba arimo gukurikiranirwa hafi ku bitaro bya KUH.
BBC
-
Ronald Koeman utoza Barcelona ngo 'arambiwe' kwisobanura ku gutsindwa ku ikipe #rwanda #RwOT
Ronald Koeman, umutoza wa Barcelona uri ku gitutu, avuga ko “arambiwe” gusabwa kwisobanura.
Amakuru avuga ko uyu Muholandi w'imyaka 58 ari hafi kwirukanwa nyuma yuko Barça itsinzwe imikino ibiri ya mbere ya Champions League ndetse ikaba irimo kugorwa na shampiyona ya La Liga.
Ariko mbere yuko iyi kipe kuri uyu wa gatandatu ikinira kwa Atletico Madrid ifite igikombe cya shampiyona cy'umwaka ushize, Koeman aracyari mu rujijo kuri ejo hazaza he muri iyi kipe.
Ku wa gatanu yagize ati: “Nta muntu n'umwe uragira ikintu na kimwe ambwira”.
“Perezida [Joan Laporta] yari hano ariko sinamubonye kuko twari turimo kwitegura umukino w'ejo [kuri uyu wa gatandatu].
“Ndacyari hano, ariko mfite amaso n'amatwi kandi ibintu byinshi biyanyuramo.
“Ndambiwe no gusabwa kwisobanura. Ntibyumvikana. Uyu munsi si cyo gihe [gikwiye], ariko umunsi umwe nifuza kuvuga ku bintu byose ntekereza kuri ibi byose”.
Ariko, uyu wahoze atoza Everton n'ikipe y'igihugu y'Ubuholandi yanze gusubiza ikibazo ku mubano we na Laporta, aravuga gusa ati: “Ndacyari hano”.
Umubano hagati ya bo umaze igihe urimo agatotsi – uri hafi no kuba mubi – kuva Laporta yatorerwa kuba Perezida w'iyi kipe mu kwezi kwa gatatu uyu mwaka.
Iyi kipe imaze igihe igorwa n'ubuzima nyuma yuko umukinnyi wayo ukomeye Lionel Messi ayivuyemo.
Yatsinzwe na Benfica ibitego 3-0 muri iki cyumweru muri Champions League, kandi ubu iri ku mwanya wa karindwi ku rutonde rw'agateganyo rwa La Liga, irushwa amanota atanu na Real Madrid iri ku mwanya wa mbere, na nyuma yo kunganya inshuro eshatu mu mikino itandatu.
Ku wa kane, Guillem Balagué, inzobere ku mupira w'amaguru wa Espagne, yabwiye BBC Sport ko ari “ikibazo cy'igihe gusa” mbere yuko Koeman yirukanwa.
Balagué yagize ati: “Igihe ni cyo cy'ingenzi, atari ukwikuraho gusa Koeman ahubwo no kugira ngo hashyirweho gahunda”.
Ariko Koeman, watsinze igitego ubwo yari umukinnyi cyahesheje intsinzi Barcelona ku mukino wa nyuma w'igikombe cy'Uburayi cyo mu 1992, arashaka kwibanda ku mukino wo kuri uyu wa gatandatu.
Yagize ati: “Ntabwo ari jye [muntu] w'ingenzi cyane. Intsinzi ni ingenzi kurusha umuntu umwe. Buri muntu wese azi ko ndi hano kubera urukundo mfitiye ikipe. Naje ari mu bihe bibi cyane”.
Abajijwe n'umunyamakuru umwe icyabaye igihe cyiza cyane n'icyabaye igihe kibi cyane kuva yagera muri iyi kipe mu mwaka umwe ayimazemo, Koeman yasubije ati: “Igihe cyiza cyane? Igihe nasinyaga ngo mbe umutoza wa Barça. Igihe kibi cyane? Igihe Messi yagendaga”.
BBC
-
Dore ibimenyetso byakwereka ko umuhungu agukunda(Ba maso mukobwa) â YEGOB #rwanda #RwOT
1. Kuguhamagara cyangwa kukwandikira yasomye ku nzoga zisembuye
Abantu benshi bemera ko amagambo umuntu avuga yasinze akenshi biba ari na byo bitekerezo bye.
Ibi rero babishingira ku kuba inzoga zisembuye akenshi zituma umuntu abasha kugaragaza amarangamutima ye ashize amanga (isoni).
2.Kwambara neza ngo akugaragarire neza
Ibi birumvikana cyane. Nta mukobwa wifuza gusohokana n'umuhungu ugaragara nk'ingegera. Nubona rero umusore yahinduye imyambarire agashyiramo udukabyo igihe azi neza ko muza kubonana, ni ikimenyetso kigaragarira buri wese ko uwo muntu akwemera.
3.Iyo hagize ugusagarira arakurengera
Kimwe n'abagore, abagabo na bo bazi kurwana ku byabo iyo hagize ushaka kubangamira uwo bakunda. Urugero, iyo umusore azanye amahane muri mu kabari cyagwa agatangira kukubuza amahoro ukabona umuhungu aje kumugukiza, akenshi ibi bikorwa n'umuhungu ugufitiye urukundo. Kandi n'ubwo ari ibintu bishimishije, ni n'ikimenyetso cyiza cyane kikwereka amarangamutima agufitiye.
4.Agusaba ko yakugurira utuntu dutandukanye
Umuhungu nagusaba ko mujyana akakugurira amafunguro ku mugoroba (dinner), cyangwa se akagusaba ko yagufasha mu kibazo runaka gisaba amafaranga, uzamenye ko yifuza kugufata neza no kukunezeza kuko agukunda.
5.Umusore ugukunda iyo uri hafi ye ahindura imyitwarire
Ubusanzwe abasore bafite uburyo bitwara butandukanye n'ubw'abakobwa igihe bahuye n'ikibazo rukana, ariko nubona afite ukuntu yahinduye imyitwarire mu buryo budasanzwe, nko kuvuga menshi cyangwa kuvuga make igihe uri hafi ye, birashoboka ko yagukunze ariko akaba atazi uburyo yabyerekana. Ku bakobwa ho usanga babuze ibyicaro cyangwa baturatuye nk'uko bamwe babivuga.
Source : https://yegob.rw/reba-ibinyetso-byakwereka-ko-umuhungu-agukundaba-maso-mukobwa/
