Webrwanda Backend

Author: webrwanda

  • Dore gatanya zabayeho zihenze cyane ku isi. – YEGOB #rwanda #RwOT

    Muri iyi nkuru turagaruka uko ubutunzi bwinshi budashobora gutuma ababana badatana. Aho kugeza ubu bamwe mu baherwe bo kw'isi bigwijeho amamiliyari y'amafaranga bagiye bahura n'ibibazo bikomeye mu ngo zabo bikabageza mu gutandukana n'abagore babo kandi gatanya zabo zikabatwara akayabo k'amafaranga.

    Nkuko tubikesha ikinyamakuru 24minute, kuri iyi isi hari abaherwe bagiye batandukana n'abagore babo bikabatwara amafaranga menshi kugira gatanya zabo zemerwe.

    1.Jeff Bezos na MacKenzie Bezos gatanya yabo niyo yahenze cyane kuko yatwaye akayabo ka Miliyari 35 z'amadorali .

    2.Alec Wildenstein'na Jocelyn Wildenstein nibo baza ku mwaya wa kabiri gatanya yabo yatwaye Miliyari 3 na 800 z'amadorali

    3.Rupert Murdoch na Anna Murdoch gatanya yabo yatwaye akayabo ka Miliyari 1 na 700 z'amadorali

    4.Bernie Ecclestone na Slavica Ecclestone gatanya yabo yatwaye Miliyari 1 na 200 z'amadorali .

    5.Steve Wynn na Elaine Wynn gatanya yabo yatwaye Miliyari imwe y'amadorali .

    6.Harold Hamm na Sue Ann Arnall gatanya yabo yatwaye miliyoni 974.8 z'amadorali

    7.Adnan Khashoggi na Soraya Khashoggi gatanya yabo yatwaye Miliyoni 874 z'amadorali .

    8.Tiger Woods wamenyekanye mu mukino wa Golf gatanya ye na Elin Nordegren yatwaye Miliyoni 710 z'amadorali .

    Source : https://yegob.rw/dore-gatanya-zabayeho-zihenze-cyane-ku-isi/

  • Inyana ni iya mweru: umwana wa Wayne Rooney yakoze ibitangaza mu kibuga. – YEGOB #rwanda #RwOT

    Umuhungu w'icyamamare muri ruhago, Wayne Rooney yagaragaje ko azatera ikirenge mu cya Se ubwo yatsindiraga ikipe ya Manchester United y'abatarengeje imyaka 12.

    Kai Rooney, ufite imyaka 11, yatsinze ibitego bine mu ikipe y'abatarengeje imyaka 12 y'amashitani atukura ubwo bakinaga na mukeba wabo Liverpool.Nubwo bitababujije gutsindwa ibitego 5-4 ariko uyu mwana yagaragaje ko afite ahazaza heza ,ndetse azitwara neza nka Papa we ,Rooney wanditse amateka i Old Trafford.

    Source : https://yegob.rw/inyana-ni-iya-mweru-umwana-wa-wayne-rooney-yakoze-ibitangaza-mu-kibuga/

  • Nyuma y’amezi 2 Platini yasubiye muri Nigeria, noneho aragenzwa niki ? #rwanda #RwOT

    Mu gitondo cyo kuri uyu wa Mbere tariki 04 Ukwakira 2021, Platini usigaye yitwa P. yuriye rutemikirere imwerekeza muri Nigeria.

    Hari hashize amezi abiri uyu muhanzi n’ubundi agiye muri Nigeria aho yakubutseyo asinyanye amasezerano na sosiyete yitwa One Percent Managers izwiho kumenyekanisha ibihangano by’abahanzi n’abakinnyi ba filime.

    Platini unahatanira igihembo muri AFRIMA 2021, ubu noneho bimwe mu bigenza bifitanye isano na biriya bihembo bikomeye muri Africa aho agiye kuganira kugira ngo azaririmbe mu birori by’itangwa ryabyo bizaba mu kwezi k’Ugushyingo 2021.

    Platini ukomeje gusohora ibihangano bigakundwa na benshi, ubu aherutse gushyira hanze indirimbo yise Shumuleta izi mu zigezweho mu Rwanda akaba ateganya no kuzayimenyekanisha muri Nigeria aho yerekeje.

    Mu kumenyekanisha iki gihangano cye kimwe n’ibindi afite, biteganyijwe ko Platini azagirana ibiganiro na Television ndetse n’amaradiyo atandukanye muri Nigeria.

    UKWEZI.RW

    Source : http://www.ukwezi.rw/Imyidagaduro/article/Nyuma-y-amezi-2-Platini-yasubiye-muri-Nigeria-noneho-aragenzwa-niki

  • Burundi : Imbonerakure 17 n’uwahoze ari umuyobozi bafunzwe bazira gukorana n’inyeshyamba z’Abanyarwanda zirwanya u Rwanda #rwanda #RwOT

    Mu byumeru bibiri bishize, abasirikare b’u Burundi bakozanyijeho na ziriya nyeshyamba z’Abanyarwanda ndetse bafatamo 13 muri zo aho bane muri bo bafashwe ari inkomere bose hamwe bagahita bajyanwa gufungwa n’urwego rw’iperereza (SNR) rufite icyicaro mu Mujyi wa Bujumbura.

    SOS Medias Burundi ivuga ko ku wa Gatanu w’icyumweru gishize tariki 01 Ukwakira 2021, Umuyobozi Polisi ya Kiriya gihugu n’Umuyobozi w’Ingabo ndetse n’uwa wa Komini bagiye kugirana inama n’abaturage bo muri Zonze ya Bumba muri Komini ya Bukinanyana mu Cibitoke kugira ngo bakomeze gukorana n’inzego batanga amakuru y’inyeshyamba.

    Aba baturage basabwe kujya batanga amakuru ku muntu wese babonye akorana n’inyeshyamba z’Abanyarwanda zifite ibirindiro mu ishyamba rya Kibira.

    Bariya baturage bavuze ko bajya babona izo nyeshyamba z’Abanyarwanda ziri kumwe na bamwe mu basirikare b’Igihugu ndetse na zimwe mu mbonerakure.

    Nyuma ya biriya biganiro, SOS Medias Burundi itangaza ko hari Imbonerakure 17 zo muri Komini ya Mabayi muri iriya Ntara ya Cibitoke ndetse n’uwahoze ari Umuyobozi mukuru w’iriya Zone ya Mabayi batawe muri yombi bakekwaho gukorana n’inyeshyamba z’Abanyarwanda zirwanya ubutegetsi bw’u Rwanda.

    Igihugu cy’u Rwanda n’u Burundi ubu biri mu nzira yo gusubiza umubano ku murongo umaze imyaka itandatu urimo igitsotsi, byagiye bihererekanya bamwe mu barwanyi barwanya ubutegetsi bw’ibi bihugu bagiye bafatirwa ku butaka bwa buri Gihugu.

    UKWEZI.RW

    Source : http://www.ukwezi.rw/Mu-mahanga/Umutekano/Burundi-Imbonerakure-17-n-uwahoze-ari-umuyobozi-bafunzwe-bazira-gukorana-n-inyeshyamba-z-Abanyarwanda-zirwanya-u-Rwanda

  • Rulindo: Urubyiruko 7,100 rugiye gutorezwa mu Irerero ry’Umuryango FPR-Inkotanyi #Rwanda #RwOT via @kigalitoday #rwanda #RwOT

    Bishimiye icyo gikorwa
    Bishimiye icyo gikorwa

    Ni ibyavugiwe mu muhango wo gusoza amasomo y’icyiciro cya kabiri cya gahunda yiswe Irerero ry’umuryango wa FPR-Inkotanyi, wabereye mu Murenge wa Rusiga ku Cyumweru tariki 03 Ukwakira 2021, aho icyo cyiciro kigizwe n’urubyiruko 1208, nyuma y’icyiciro cya mbere cyari kigizwe n’urubyiruko 1500.

    Chairperson w’Umuryango wa FPR-Inkotanyi mu Karere ka Rulindo, Kayiranga Emmanuel, yavuze ko muri gahunda y’akarere ka Rulindo, urubyiruko rwose rwibumbiye mu muryango wa FPR-Inkotanyi ruzanyura muri iryo rerero, mu rwego rwo gusobanurirwa amahame y’umuryango wa FPR.

    Yagize ati “Icyiciro cya mbere, twari twahuguye 1500 mu mpera z’umwaka ushize, uyu munsi tukaba turi gusoreza inyigisho ku rubyiruko 1208, Ni uko hajemo Covid-19 ntitwabikora uko twabyifuzaga, biba ngombwa ko tugenda dufata umubare muke, ubundi twifuzaga ko twagombye kuba dufite abantu benshi bakurikiye aya masomo”.

    Ariko ubu, ni uko izi ntore z’ibyiciro byombi tuzifata nk’abatoza, ubu irerero rikaba rigiye gukomereza ku rwego rw’utugari, aho twifuza ko ku ikubitiro twahugura abantu ijana muri buri kagari, birumvikana ko uyu mwaka urangira duhuguye abantu 7100”.

    Bamwe mu rubyiruko rwasoje amasomo mu irerero rya FPR-Inkotanyi rwicaranye n
    Bamwe mu rubyiruko rwasoje amasomo mu irerero rya FPR-Inkotanyi rwicaranye n’abayobozi banyuranye

    Kayiranga, yavuze kandi ko ikizabibashoboza ari ubushake n’ubushobozi nk’abanyamuryango, avuga ko imbaraga zihari, ndetse anemeza ko kuba hamaze gutozwa urubyiruko rugera kuri 2700, ngo nazo ni izindi mbaraga ziyongereye zo gutoza urwo rubyiruko ruzaturuka mu tugari 71 tugize akarere ka Rulindo.

    Muri urwo rubyiruko rwatorejwe mu irerero ry’umuryango ku rwego rw’umurenge, nyuma y’isuzumabumenyi ryateguwe n’urwego rw’akarere kubahize abandi mu mirenge, 17 babaye indashyikirwa muri icyo kizamini bahawe ibihembo binyuranye birimo smart phone, igitabo gikubiyemo amahame y’umuryango wa FPR-Inkotanyi, mu gihe batatu ba mbere bahize abandi bongereweho imashini zidoda.

    N’akanyamuneza, abo batatu bahize abandi bavuze ibanga bakoresheje kugira ngo bagire amanota menshi, bavuga no ku bihembo bahawe.

    Uwajeneza Yvette wabaye uwa mbere ati “Biranshimishije kuba muri benshi twiganye ari njye utsindiye iki gihembo nyamukuru, binkoze ku mutima numva ko ntazigera ntenguha umuryango, kuwukunda no kwigirira icyizere ni nabyo bimfashije kuba uwa mbere, iyi mashini ngiye kuyibyaza umusaruro nyikoreshe inzamurire iterambere ndetse mfashe n’abandi. Urubyiruko ndarurarikira gukunda umuryango wa FPR-Inkotanyi”.

    Yankurije Claudine wabaye uwa gatatu ati “Ndishimye biranejeje, binyubatse n’umutima kuba mpembwe mubahize abandi, ibanga nuko nakurikiye neza amasomo twahawe mu irerero, ikindi cya kabiri ni ukwigirira icyizere mu gufata ibyo twigishijwe nkanabikunda, iyi mashini na smart phone bigiye kumfasha kwiteza imbere, aho bizamfasha mu buryo butandukanye bw’ubuzima, nkunda umuryango wa FPR-Inkotanyi kuko wita ku mibereho y’abaturage, kuzamura ubukungu bw’umunyarwanda n’ibindi”.

    Chairperson wa FPR-Inkotanyi mu Ntara y
    Chairperson wa FPR-Inkotanyi mu Ntara y’Amajyaruguru, Nirere Marie Goreth atanga impanuro ku basoje amasomo

    Ati “Ndasaba urubyiruko gukura amaboko mu mifuka, rugakunda igihugu cyababyaye bakunda n’amahame y’umuryango wa FPR-Inkotanyi”.

    Edmond Rukemanganizi wabaye uwa kabiri, ati “Izi gahunda z’irerero ry’umuryango wa FPR-Inkotanyi zihugurira urubyiruko gukura rwirinda amacakubiri, no gutegura abayobozi bazi amahame y’umuryango wa FPR-Inkotanyi, ibyo byaramfashije kuba urubyiruko rutarangwa n’amacakubiri binteguramo n’umuyobozi w’ejo hazaza, urundi rubyiruko ndarusaba kwirinda ingeso mbi, ruharanira kumenya imigabo n’imigambi ya FPR-Inkotanyi kuko ituyobora mu matwara meza, urubyiruko rugakura rufite imico ibereye u Rwanda”.

    Mu mpanuro zinyuranye urubyiruko rusoje amahugurwa rwahawe n’abayobozi bitabiriye uwo muhango, basabwe kuba umusemburo w’iterambere rurangwa n’indangagaciro zijyanye n’amahame ya FPR-Inkotanyi, kandi birinda ingeso mbi zishobora kubatesha agaciro, no gutesha agaciro umuryango bahagarariye hirya no hino mu mirenge baturukamo.

    Abo bayobozi bavuga ko ari iby’agaciro kuba urubyiruko rukomeje kwitabira irerero rya FPR-Inkotanyi, nk’umwihariko w’Intara y’Amajyaruguru.

    Chairperson wa FPR-Inkotanyi mu Ntara y’Amajyaruguru, Nirere Marie Goreth, ati “Nk’umwihariko w’Intara y’Amajyaruguru dutumira urubyiruko kugira ngo tubahugure, tubasobanurire neza impamvu umuryango wavutse kugira ngo bakure barangwa n’imigirire, imitekerereze ndetse n’indangagaciro z’umuryango wa FPR-Inkotanyi, kugira ngo umuryango uzahoreho mu bihe byose ugifite intego, ndetse n’abanyarwanda bakiwubona mu ishusho watangiriyemo ijyanye no gukemura ikibazo cyari cyugarije abaturarwanda, kijyanye na Politique mbi yari yaraheje bamwe mu banyarwanda mu gihugu cyabo”.

    Arongera ati “Rubyiruko mwasoje icyiciro cy’irerero, ndagira ngo mbabwire ko muje muri igisubizo muri aka Karere ka Rulindo, aho mugiye gufasha akarere muri gahunda yo kubarura Abanyarwanda tubandika mu Intore Solution. Aka karere kavuye ku mwanya wa mbere ubu kakaba kicaye ku mwanya wa kane kuri 68%, turimo kubabonamo ishyaka ryo kuzamura akarere kanyu, kuko ubumenyi burabonetse, ubushake burahari n’ubushobozi bwabonetse bamwe mwabonye smart phone, mwibuke ko umutungo u Rwanda rufite ku isonga haza umuturage, murasabwa kumwegera mukamufasha gutera imbere”.

    Umuyobozi w’Intara y’Amajyaruguru, Nyirarugero Dancille, nawe ati “Muri imbaraga twungutse, ndagira ngo mwishimire ko mwahisemo neza, nta kiza nko kurererwa mu muryango wa FPR-Inkotanyi, aho muzaba muri hose indangagaciro z’umuryango ni zo zigomba kubaranga. Nk’imbaraga z’igihugu murasabwa kubahiriza indangagaciro zo gukunda igihugu, nimwe muri ku isonga mu guharanira ko ibyagezweho bisigasirwa, ni mujyane indangagaciro zo kuba indahemuka, kuba inyangamugayo kandi muhora mwiteguye kwimana u Rwanda, muhesha isura nziza igihugu n’umuryango wa FPR-Inkotanyi”.

    Abayobozi banyuranye bafashe ifoto bari kumwa n
    Abayobozi banyuranye bafashe ifoto bari kumwa n’abana batatu bahize abandi

    Urwo rubyiruko rwasobanuriwe uburyo amatora y’inzego z’ibanze agiye kuzakorwa, rwibutswa kandi gufasha igihugu muri ibyo bihe by’amatora ateganyijwe mu Ugushyingo, byaba na ngombwa ngo rugatinyuka rukiyamamaza, mu rwego rwo gufasha abanyarwanda mu miyoborere myiza, basabwa kandi gufata neza ibikoresho bahawe babibyaza umusaruro, mu kwihangira imirimo aho ibyo bikoresho birimo imashini, telefoni n’ibindi.

    Irerero ry’umuryango ni ishuri ryatekerejwe mu mwaka wa 2020, ritangizwa mu turere twose tugize Intara y’Amajyaruguru, hagamijwe gufasha urubyiruko ruhuriye mu muryango wa FPR-Inkotanyi kurushaho kumenya neza amahame n’indangagaciro uwo muryango ugenderaho.

    Mu muhango wo gusoza ayo masomo, hakaba hitabira n’urubyiruko rushya rurahirira kwinjira mu muryango wa FPR-Inkotanyi.


    source : https://ift.tt/3A8r4lM

  • MINEDUC yatangaje uko abarangije amashuri abanza n’ayisumbuye (icyiciro cya 1) batsinze #Rwanda #RwOT via @kigalitoday #rwanda #RwOT

    Minisitiri w
    Minisitiri w’Uburezi, Dr Valentine Uwamariya hamwe n’Umuyobozi Mukuru wa NESA, Dr Bernard Bahati mu gutangaza ayo manota

    MINEDUC yavuze ko abo bose bazasibira ariko ikabizeza kuzajya ibafasha gusubiramo by’umwihariko amasomo bize, ifatanyije n’amashuri abo bana bigamo.

    MINEDUC yabisobanuye kuri uyu wa Mbere tariki 04 Ukwakira 2021, ubwo yatangazaga amanota y’ibizamini byashoje amashuri abanza n’ayisumbuye mu cyiciro cya mbere muri uyu mwaka wa 2021.

    Mu banyeshuri 251,906 barangije amashuri abanza, abangana na 44,176 bahwanye na 17.5% bazasubira aho bigaga mu mwaka wa gatandatu kuko batatsinze ibyo bizamini.

    MINEDUC ivuga ko urugero rw’imitsindire y’ibizamini bya Leta byashoje amashuri abanza muri 2021 rungana na 82%, mu gihe muri 2019 abatsinze bari 81.6%.

    Ku bijyanye n’abarangije icyiciro cya mbere cy’amashuri yisumbuye, Minisiteri y’Uburezi ivuga ko mu banyeshuri 121,626 bakoze ibizamini, abazasibira kuko batatsinze ari 16,466 bahwanye na 13.6%.

    Abanyamakuru batandukanye bitabiriye icyo gikorwa
    Abanyamakuru batandukanye bitabiriye icyo gikorwa

    Minisitiri w’Uburezi Dr Valentine Uwamariya ashima urugero rw’imitsindire y’abana muri uyu mwaka kuko ngo rwarushije urwo mu mwaka wa 2019, akavuga ko bishobora kuba byaratewe n’uko babonye umwanya wo gusubiramo amasomo mu gihe cya Guma mu Rugo, babifashijwemo n’ababyeyi.

    Dr Uwamariya yakomeje avuga ko abigaga mu mashuri abanza batabonye amanota abemerera kujya mu mashuri yisumbuye, kimwe n’abigaga mu mashuri yisumbuye batazajya mu cyiciro cya kabiri, bose bazahabwa ubufasha bw’umwihariko.

    Dr Uwamariya yakomeje agira ati “Dufatanije n’amashuri, ubu igikurikirano ni ukureba aho abo bana baherereye, aho bazigira, uko bazigishwa! Uretse n’aba bakoze ibizamini bya Leta hari n’abandi basigaye inyuma mu bindi byiciro, Minisiteri y’Uburezi ifatanyije n’amashuri hari gahunda yo gusubiriramo amasomo ku bari inyuma y’abandi”.

    MINEDUC yanahaye ibihembo bya mudasobwa zigendanwa abana 10 ba mbere batsinze ibizamini bya Leta bisoza amashuri abanza, hamwe na 10 ba mbere batsinze ibisoza icyiciro rusange cy’ayisumbuye.

    Abana bahize abandi bahawe ibihembo birimo na mudasobwa zigendanwa
    Abana bahize abandi bahawe ibihembo birimo na mudasobwa zigendanwa

    Uwitwa Rutaganira Yanisse Ntwali w’i Kigali mu Karere ka Kicukiro ni we wabaye uwa mbere mu bizamini bisoza amashuri abanza, na ho Tumukunde Francoise utuye mu Karere ka Nyamasheke akaba ari na ho yigaga, yabaye uwa mbere mu batsinze ibisoza amashuri yisumbuye(icyiciro rusange).

    Rutaganira na Tumukunde bavuze ko babifashijwemo n’ababyeyi babo, batapfushije ubusa igihe cya Guma mu Rugo.

    Tumukunde yakomeje agira ati “Ababyeyi banjye bamfashaga kujya kuri internet ngakora ubushakashatsi, ariko ngakurikirana n’amasomo yaberaga kuri televiziyo”.

    Aba bose ariko n’ubusanzwe bavuga ko babaga aba mbere mu bizamini bisanzwe byo mu ishuri kuva igihe batangiriye kwiga amashuri abanza.

    source : https://ift.tt/3a192HA

  • Iradukunda Jean Bertrand yerekeje mu ikipe ikomeye muri Botswana #rwanda #RwOT

    Rutahizamu w'Ikipe y'igihugu Amavubi, Iradukunda Jean Bertrand, wakiniraga Gasogi United, yatangajwe nk'umukinnyi mushya wa Township Rollers yo muri Botswana.

    Uyu musore w'imyaka 26 uri kumwe n'ikipe y'igihugu yitegura umukino wa Uganda,yaguzwe ibihumbi birenga40 by'amadolari nkuko amakuru abitangaza.

    Ikipe ya Township Rollers ibinyujije mu itangazo yashyize hanze, yemeje ko yamaze gusinyisha uyu musore kimwe na Mohamed Dialo wo muri Mali na Aaron Marc wakiniraga CF Zoe yo muri Cote d'Ivoire.

    Akaba azerekezayo nyuma y'imikino ibiri ya Uganda yo gushaka itike y'igikombe cy'Isi cya 2022 kizabera muri Qatar.

    Iradukunda Jean Bertrand yatandukanye na APR FC muri 2016 yerekeza muri Bugesera FC yakiniye umwaka umwe ahita yerekeza muri Police FC nayo ayikinira umwaka umwe, muri 2018 yerekeje muri Mukura VS ayikinira imyaka 2 maze muri 2020 yayivuyemo yerekeza muri Gasogi United akinira kugeza uyu munsi.

    Source : https://umuryango.rw/imyidagaduro/imikino/article/iradukunda-jean-bertrand-yerekeje-mu-ikipe-ikomeye-muri-botswana

  • Kwizera Olivier yavuze akayabo akeneye kugirango agaruke muri Rayon Sports #rwanda #RwOT

    Kuva muri Nyakanga 2021, ubuyobozi bwa Rayon Sports burangajwe imbere na Rtd Capt Uwayezu Jean Fidele bwagiye butangaza ko Kwizera Olivier akibafitiye amasezerano y'umwaka umwe.

    Uyu munyezamu w'imyaka 27 y'amavuko we yagiye atangaza ko amasezerano afitiye Rayon Sports yarangiranye n'umwaka w'imikino wa 2020-2021, ndetse ko iyi kipe hari amafaranga y'imishahara itigeze imwishyura.

    Nyuma y'umukino ikipe ya Rayon Sports yatsinzwemo na Gorilla FC igitego 1-0 ku wa Kane tariki 30 Ukwakira 2021, umutoza Irambona Masudi Djuma yahuye na Kwizera Olivier amusaba kuza gutangira imyitozo.

    Uyu munyezamu yamusubije ko niba ikipe ya Rayon Sports yifuza ko ayigarukamo izabanza kumuha miliyoni 10 z'Amanyarwanda ayisinyire imyaka ibiri, gusa iyi kipe ntabwo yiteguye kuyamuha kuko iheruka gutanga arenga miliyoni esheshatu kuri Hategekimana Bonheur wakiniraga Espoir FC.

    Kwizera Olivier wazamukiye muri Isonga FC, akayikinira hagati ya 2011 na 2013, yamenyekanye cyane ubwo yakiniraga APR FC hagati ya 2013 na 2016.

    Nyuma yo kurekurwa n'Ikipe y'Ingabo mu 2016, yakiniye Bugesera FC umwaka umwe, yerekeza muri Free State Stars yo muri Afurika y'Epfo mu 2017, ayikinira kugeza mu ntangiriro za 2019.

    Mu 2015 ni bwo yatangiye guhamagarwa mu Ikipe y'Igihugu Nkuru 'Amavubi'.

    Mu Ukuboza 2019, Kwizera yasinyiye Ikipe ya Gasogi United kuyikinira amezi atandatu gusa ntiyahatinze kuko yahise ajya muri Rayon Sports FC ari na yo yabarizwagamo kugeza ku mpera z'umwaka w'imikino wa 2020-2021.

    Tariki 4 Kamena 2021, Kwizera Olivier yatawe muri yombi akurikiranyweho icyaha cyo gukoresha urumogi, nyuma yo gufungurwa ku itariki ya 22 Nyakanga yasezeye umupira w'amaguru, tariki 12 Kanama yisubiyeho agaruka muri ruhago ahita ahamagarwa mu y'Igihugu aza kuyirukanwamo tariki 20 Kanama 2021.

    Source : https://umuryango.rw/imyidagaduro/imikino/article/kwizera-olivier-yavuze-akayabo-akeneye-kugirango-agaruke-muri-rayon-sports

  • Akijijwe n’ubuhinzi bw’ibinyomoro nyuma yo gusaba akazi inshuro 41 akakabura #Rwanda #RwOT via @kigalitoday #rwanda #RwOT

    Ubuhinzi bw
    Ubuhinzi bw’ibinyomoro bwamuteje imbere nyuma y’imyaka itandatu ari umushomeri

    Ni ubuhamya yifuje kugeza ku baturage by’umwihariko ku rubyiruko rurangiza amashuri rukumva ko rukwiye gukomeza gutega Leta amaboko, rwakagombye kubyaza umusaruro ubumenyi rukuye mu ishuri, ibyo bikaba bikomeje kongera umubare w’abashomeri, ari na cyo kibazo gikomeje guteza ibibazo binyuranye, bamwe mu rubyiruko bakishora mu ngeso mbi zirimo kunywa ibiyobyabwenge.

    Uwo mugabo ufite umugore n’abana babiri, avuga ko inzira y’ubuzima bwe ari ndende aho yarangije amashuri yisumbuye mu mwaka wa 2007, mu ishami ry’ubuhinzi ariko imyumvire ye ikaganisha ku gukorera Leta, aho byamugizeho ingaruka zo gutakaza igihe kingana n’imyaka itandatu yiruka ku kazi arakabura.

    Agira ati “Nkirangiza amashuri yisumbuye mu by’ubuhinzi, namaze imyaka itandatu ndi umushomeri, nadepoje inshuro 41, naranabyanditse nabimanitse muri salon iwanjye, mu gihe nari ntangiye kwiheba mbona ko akazi kabuze, biba ngombwa ko ntekereza ku byo nize, nkura amaboko mu mufuka”.

    Arongera ati “Natangiye nshakisha igishoro, aho najyanaga n’abaturanyi mu murima njya kubahingira ku munsi icyo gihe bampembaga amafarabnga 300 gusa, natekerezaga ko nimbona igishoro nzikorera ngendeye ku byo nize, nkibaza nti kuki Papa na Mama bandihiye amashuri badafite ubushobozi, bahinga kuki njye wabyize ntabikora ngo bimbesheho ni biba ngombwa mbesheho abandi?”

    Uwo musore ngo yageze aho ahabwa ikiraka muri VUP, aho yari umugapita ahembwa ku kwezi ibihumbi hagati ya 35 na 40, ahakora azigama mu mezi arindwi agura isambu y’amafaranga ibihumbi 180, hari mu mpera za 2012.

    Ubuhinzi bw
    Ubuhinzi bw’ibinyomoro bushobora gukiza ubukora

    Akimara kugura iyo sambu nibwo yatangiye kuyihinga, ariko agahinga ibihingwa bisanzwe, ibishyimbo, ibigori…, ariko nyuma yatekereje gushyira mu ngiro ibyo yize, akora umushinga wo guhinga kijyambere imbuto zirimo ibinyomoro n’amatunda.

    Avuga ko ubwo buhinzi bw’ibinyomoro bwamuzamuye atangira gutekereza indi mishinga, aho yaguze isambu ateramo kawa, yinjira muri koperative Abakundakawa Rushashi, aho yatanze imigabane aba umunyamuryango atangira kuzamuka, kugeza ubwo aguze indi sambu ayihinga urutoki dore ko ubuhinzi bw’ibinyomoro yari yaragize umwuga bwakomezaga kugenda neza.

    Uko ubuhinzi bw’ibinyomoro bwagiye bumuteza imbere

    Niyonambaza avuga ko ubuhinzi bw’ibinyomoro bwamuteje imbere nyuma y’uko abyitayeho abishyiraho umutima we wose, bitanga umusaruro utubutse , kugeza ubwo igiti kimwe agisaruraho ibinyomoro bikabakaba ibihumbi bibiri, bigura amafaranga asaga ibihumbi 60 dore ko mu binyomoro yeza kimwe kigura amafaranga 50.

    Ati “Iyo tubivuga, rimwe na rimwe abantu batekereza ko ari amakabyankuru, ariko mu mibare biragaragara, kuko ku ikubitiro iyo utangiye gusarura ibinyomoro, igiti kimwe kiba gishobora kuba gifite ibinyomoro hagati ya 100-150, ku nshuro ya kabiri kiba gishobora kugira ibinyomoro 200, ku buryo kijya gusaza kimaze gusarurwaho ibinyomoro biri hagati ya 1500 na 2000 mu gihe cy’umwaka n’igice bimara bisarurwa”.

    Ubuhinzi bw
    Ubuhinzi bw’ibinyomoro bwamugejeje no ku buhinzi bw’urutoki

    Niyonambaza avuga ko mu murima we w’ibinyomoro uhinzemo ibiti 300, bihundura bimuhaye umusaruro w’ibinyomoro bigera ku bihumbi 450, aho bikomeje kumuzamurira iterambere dore ko atajya abura isoko ryabyo, bitewe n’uburyo biri mu mbuto zikunzwe na benshi mu gace atuyemo n’ahandi azijyana.

    Yagarutse ku mitungo yagezeho kubera ubwo buhinzi, ati “Mfite umurima uhinzemo kawa 1000, n’urutoki, aho byose mbifite ku buso bwa hegitari irenga.

    Nk’uko biri muri gahunda ya Leta, aho umuhinzi asabwa gusarura byinshi ku buso buto, nk’iyo ngiye muri banki gusaba inguzanyo, iyo sambu nkoreramo ibikorwa bayiha agaciro ka miliyoni 16, aho n’ishyamba ryanjye rya Hegitari rifite agaciro ka Miliyoni esheshatu”.

    Uretse ibyo bikorwa, Niyonambaza yubatse n’inzu y’ubucuruzi ku isantere atuyemo, akaba yaratangiye n’ubworozi bw’ingurube nabwo butangiye kumufasha kuzamura iterambere rye, akagira na moto imufasha kugeza imyaka yejeje ku masoko.

    Arasaba urubyiruko kumenya amahirwe ahari aruganisha ku iterambere, baharanira gukoresha amaboko yabo badategereje guhabwa akazi na Leta, abasaba kwirinda gusuzugura umurimo.

    Ati “Ibintu abantu basuzugura ni byo birimo amahirwe. Birantangaza iyo umuntu bamubajije ngo akora iki ati ntacyo kandi ari umuhinzi. Urubyiruko mureke tubyaze umusaruro ubutaka dufasha abaturage guhinga kinyamwuga”.

    Ubuhinzi bw
    Ubuhinzi bw’ibinyomoro bwamugejeje no ku bworozi bw’ingurube

    Yahinze na kawa
    Yahinze na kawa
    Niyonambaza agira abantu inama yo kwihangira umurimo kuruta gutegereza ko bazahabwa akazi
    Niyonambaza agira abantu inama yo kwihangira umurimo kuruta gutegereza ko bazahabwa akazi


    source : https://ift.tt/3Bds3Cv

  • Itangazamakuru ryavuze byinshi, rishyira igitutu ku buyobozi – Mackenzie agaruka ku masezerano ye muri Rayon Sports #rwanda #RwOT

    Umurundi umaze iminsi ari mu igeragezwa mu ikipe ya Rayon Sports, avuga ko impamvu atarasinyira iyi kipe ari itangamazamakuru ryavuze ko atari ku rwego rw’iyi kipe bisaba ko abanza kunyura mu igeragezwa.

    Nizigiyimana Karim Mackenzie waherukaga muri Rayon Sports 2015, yayigarutsemo 2021 ariko ntiyahita asinya ahubwo asabwa kubanza gukora igeragezwa.

    Uyu myugariro ukina ku ruhande rw’iburyo yugarira, abajijwe ku masezerano ye muri Rayon Sports, yavuze ko atarasinya ariko byose byatewe n’itangazamakuru ryashyize igitutu ku buyobozi bw’iyi kipe bavuga ko ashaje ntacyo azayimarira.

    Ati 'Itangazamakuru ryavuze byinshi, rishyira igitutu ku buyobozi, ararwaye, arashaje ntacyo yabafasha, ntabwo narenganya abayobozi, barambwiye ngo kora imyitozo, maze gukina imikino 3 muri 4 dukinnye, ibyo byose ntabwo nakwicira urubanza, abayobozi nibabona bikenewe nzasinya kuko njye ku giti cyanjye mpagaze neza.'

    Uyu mukinnyi avuga ko igihe cyose azagira amahirwe yo kugirirwa icyizere agahabwa amasezerano, azatanga ibyo afite byose kugira ngo iyi kipe ibone intsinzi.

    Mackenzie ni umwe mu bakinnyi bakiniye Rayon Sports ndetse banayigiriramo ibihe byiza mu myaka 4 (2011-2015), Gor Mahia, akinira na Vipers na Wazito yo muri Kenya.

    Nizigimana Karim Mackenzie avuga ko ubuyobozi bwa Rayon Sports bwashyizweho igitutu ngo adasinya

    Source : http://isimbi.rw/siporo/article/itangazamakuru-ryavuze-byinshi-rishyira-igitutu-ku-buyobozi-mackenzie-agaruka-ku-masezerano-ye-muri-rayon-sports