Webrwanda Backend

Author: webrwanda

  • Nabuze umwana wanjye, abavuga ko yagiye mu iterabwoba ni Abanyapolitiki babyuririraho- Fazil #rwanda #RwOT

    Sheikh Mussa Fazil yabaye Minisitiri w’Umutekano ubwo hariho Minisiteri y’Umutekano yakuweho muri 2016, ubu akaba ari intumwa ya rubanda mu Nteko Ishinga Amategeko aho ari na Visi Perezida wayo ushinzwe imicungire y’abakozi n’imari.

    Ubwo iriya Minisiteri yakurwagaho, havuzwe ibihuha ko Perezida Kagame yakuyeho Sheikh Mussa Fazil kuko hari umwana we wagiye mu mitwe y’iterabwoba.

    Sheikh Mussa Fazil yagarutse ku cyatumye iriya Minisiteri ikurwaho ko ari uko hatekerejwe ivugururwa ry’inzego ndetse yanagizemo uruhare mu kubitekerezaho.

    Yasobanuye ko icyo gihe hatekerejwe ko hajyaho urwego rw’Ubugenzacyaha ndetse n’izindi nshingano zari zifitwe na Minisiteri y’Umutekano zikajya mu zindi nzego ku buryo iriya Minisiteri ubwayo itari kugumaho.

    Agaruka kuri biriya bihuha byahuzwaga n’ikurwaho rye nka Minisitiri na Minisiteri yari ayoboye, Sheikh Mussa Fazil yagize ati 'Ntabwo Umukuru w’Igihugu yavanaho Minisiteri kubera umwana wakosheje, nta n’ubwo aramutse akosheje, ikosa ry’umwana ntabwo ryabazwa umubyeyi we, hano turi mu Gihugu kidateye gutyo. Hari abantu benshi bakoze ibyaha biremereye cyane, abana babo cyangwa ababyeyi babo ntibyabageraho. Ntabwo ari njye rero byabaho.'

    Akomeza agira ati 'Naho ibyerekeye umwana, njye nabuze umwana ariko aho yaburiye uwahavuga uwo nanjye namukenera akaza akahambwira.'

    Avuga ko uwo mwana yabuze kuva muri Mata 2016 ariko ko 'uwavuga ko yagiye mu iterabwoba yanyereka ibimenyetso kuko njye ntabyo mfite.'

    Sheikh Mussa Fazil atangaza ko umwana we atari wenyine ubuze ndetse ko usibye n’abana hari n’abantu bakuru babuze ariko ko kuba hari abahise bavuga ko umwana we yagiye mu iterabwoba, hari abahise babyuririraho.

    Ati 'Nkeka ko hari abanyapolitiki bashatse kubyuririraho nubwo ntabikurikiye bakagenda babisobanura uko babishaka.'

    Avuga ko kuva icyo gihe atigeze yongera kuvugana na we nubwo hari abavuze ko bajya bavugana 'ariko urumva n’ababishakamo inyungu za Politiki, Abanyapolitiki tugira abantu batugendaho ntiwamenya.'

    IKIGANIRO CYOSE

    UKWEZI.RW

    Source : http://www.ukwezi.rw/mu-rwanda/3/article/Nabuze-umwana-wanjye-abavuga-ko-yagiye-mu-iterabwoba-ni-Abanyapolitiki-babyuririraho-Fazil

  • Yesu ati' Umuntu naguhemukira umubabarire 7 inshuro70, ubwo ni inshuro 490″ #rwanda #RwOT

    Yesu asubiza Petero ati:'sinkubwiye ko ugeza karindwi, ahubwo yuko ugeza mirongo irindwi karindwi. Matayo18.21

    Kubabarira ni ugutandukanya umuntu n’ikibi ya gukoreye, Ikibi yagukoreye ukagiharira Satani, maze uwo muntu ukamugira umwere, mbese ni ukumugirira impuhwe.

    kubabarira kandi ni ukureka ikintu wari ufiteho uburenganzira (Urugero: Kureka guhanisha umuntu ibihano bikwiriye ibibi yagukoreye, kandi warubifitiye uburenganzira.)

    1. Kubabarira ni ikimenyetso cyo gukira imvune zo mu mutima, Yesaya 61:1 2. “Yantumye kuvura abafite imvune zo mu mutima no kumenyesha imbohe ko zibohowe, no gukingurira abari mu nzu y’imbohe. Kandi yantumye no kumenyesha abantu umwaka w’imbabazi z’Uwiteka, n’umunsi Imana yacu izahoreramo inzigo,no guhoza abarira bose.'

    2. Kubabarira ni ikimenyetso kigaragaza ugusa na Yesu kuko uba ugize umutima usa nuwa Yesu, kubabarira rero koko ni urufunguzo rubasha gukiza ibikomere kandi ni icyemezo kikugeza mu i Juru. Luka 23.34 (Nuko bageze inyabihanga bamubambana n’abo bagome, umwe iburyo undi ibumoso, Yesu aravuga ati'Data ubabarire kuko batazi icyo bakora.')

    3. Iyo utanze imbabazi uba wujuje inshingano zawe usabwa. Matayo 18.33,35(…Naguhariye wa mwenda wose kuko wanyinginze, nawe ntiwari ukwiye kubabarira mugenzi wawe nk’uko nakubabariye?…35 Na Data wo mu ijuru ni ko azabagira, nimutababarira umuntu wese mwene so mubikuye mu mutima.)

    Mu rundi ruhande nk’abakristo dukwiye kumenya gusaba imbabazi nk’uko Bibiliya ibitwigisha, amagambo tuvuga ngo mbabarira mu byukuri siko gusaba imbabazi. Gusaba ni ugutera intambwe mu mutima yo gusobanukirwa uburemere bw’ikosa wakoze, warangiza ugaca bugufi mu mutima ugasaba imbabazi kandi ukemera kwirengera ingaruka zakurikiraho. Cyane ko igihe wimwe imbabazi uba ugomba kwibuka gukomeza gusengera uwo wakoreye ikosa, kugira ngo ashobozwe kukubabarira.

    Luka15:11. Iki gice dusomamo inkuru y’umwana w’ikirara, tubona ubuhemu bukomeye uyu mwana yakoreye se, ariko kandi hatangwa urugero rwiza rwuko umuntu akwiye gusaba imbabazi. Uyu mwana yayishije ibya se iby’ubugoryi bwe, bishize arasonza atangira kwifuza gutungwa n’ibyo ingurube zashigaje ntabibone. Dore amagambo yakoresheje mu gusaba imbabazi. 18Reka mpaguruke njye kwa Data mubwire nti'Data nacumuye ku yo mu ijuru no mu maso yawe, 19 ntibinkwiriye no kwitwa umwana wawe, mpaka mbe nk’umugaragu wawe.' Ibi yibwiraga bigaragaza ko Umutima we:

    Uciye bugufi kandi Ukeneye imbabazi. Witeguye kwakira igisubizo azahabwa, umutima wumva ibikomere se afite kandi ko witeguye kumusabira imbaraga kugira ngo abashe kwakira imbabazi asabwa. Imana nidushoboze m’ubuzima bwa buri munsi kumenya gusaba imbabazi ku makosa yacu no kubashishwa gutanga imbabazi kugira ngo bidukingurire amarembo y’i Juru. Amen!

    Ev. SINJYENIYO Salomon

    Source: Cepurnyarugenge

    [email protected]

    Source : https://agakiza.org/Yesu-ati-Umuntu-naguhemukira-umubabarire-7-inshuro70-ubwo-ni-inshuro-490.html

  • Umunyarwandakazi umaze imyaka myinshi amaguru ye areba inyuma|Uko byagenze – YEGOB #rwanda #RwOT

    Uyu mubyeyi witwa Liza abayeho ubuzima budasanzwe aho amaze imyaka myinshi amaguru ye areba inyuma akaba agenda akambakamba hasi.

    Liza avuga ko yavutse neza nk'abandi bana ,arakura aragenda, ndetse atangira ishuri.Ubwo yari mu kigero cy'imyaka 12 y'amavuko yagiye ku ishuri igihe arimo gukina n'abandi bana yumvise agize isereri ,ibintu bimufata amaguru n'amaboko, ahita yitura hasi ananirwa guhaguruka.Nyuma abarimu batumyeho ababyeyi be bamujyana kwa muganga, bagezeyo biba ibyubusa kweguka biranga.bamwohereje mu rugo hanyuma amaguru atangira kubyimba.Bamusubiza kwa muganga, ndetse bamuha imiti ituma amaguru ye  abyimbuka .Yahise areka ishuri kuko atabashaga kugend aho akiriye amaguru ye yahise areba inyuma ndetse atangira kugenda apfukamye kugeza n'uyu munsi.

    Liza yaje gushakana numugabo babyarana abana babiri, ariko nyuma uwo mugabo aza gupfa urupfu rutunguranye.Uyu mubyeyi avuga ko ibintu byose abikora apfukamye ,haba guhinga ,kugenda, guteka aba apfukamye.Igitangaje iiyo yabaga atwite nabwo yagendeshaga amavi ntakibazo afite.Agorwa no kubona ibitunga abana be kuko ari we wenyine basigaranye kandi na we afite ubu bumuga.

    Source : https://yegob.rw/umunyarwandakazi-umaze-imyaka-myinshi-amaguru-ye-areba-inyumauko-byagenze/

  • Umunsi Jado Castar azagerezwa imbere y’Umucamanza wamenyekanye #rwanda #RwOT

    Jado Castar usanzwe ari n’Umunyamakuru ukomeye mu Rwanda mu biganiro bya Siporo, yatawe muri yombi nyuma y’uko Ikipe y’u Rwanda ya Volleyball y’abagore isezerewe muri Shampiyona ya Africa izira gukinisha abakinnyi batabifitiye uburenganzira.

    Byavuzwe ko abakinnyi bane batumye u Rwanda rusezererwa, bashakiwe ibyangombwa na Jado Castar ubu ukurikiranyweho gukoresha inyandiko mpimbano.

    Jado Castar umaze hafi ibyumweru bibiri atawe muri yombi dore ko yafunzwe tariki 20 Nzeri 2021, ni umwe mu bayobozi muri Federasiyo utarasibaga ku kibuga ubwo iriya mikino yaberaga i Kigali yabaga mu kwezi gushize.

    Nyuma yo gutabwa muri yombi agahita ajyanwa gufungirwa kuri station ya RIB ya Kicukiro, yakorewe Dosiye n’uru Rwego rw’Igihugu rw’Ubugenzacyaha rwaje kuyishyikiriza Ubushinjacyaha buzamujyana imbere y’Urukiko Rwisumbuye rwa Gasabo kuri uyu wa Gatanu tariki 08 Ukwakira 2021.

    Ubwo Jado Castar yatabwaga muri yombi, Urwego rw’Igihugu rw’Ubugenzacyaha RIB rwatangaje ko hari n’abandi bayobozi muri ririya shyirahamwe bari gukorwaho iperereza ku byaha byaba bifitanye isano n’icyatumye u Rwanda ruhagarikwa muri ririya rushanwa rwari rwakiriye.

    UKWEZI.RW

    Source : http://www.ukwezi.rw/Imikino/Umunsi-Jado-Castar-azagerezwa-imbere-y-Umucamanza-wamenyekanye

  • Gicumbi FC, Amagaju FC, Etoile de l'Est na Heroes niyo makipe yageze muri 1/2 cy'imikino yo gukina ikiciro ya mbere mu bagabo umwaka w'imikino wa 2021-2022 #rwanda #RwOT

    Kuri uyu wa gatatu tariki ya 6 Ukwakira 2021 nibwo hasojwe imikino ya kimwe cya kane cy'irangiza mu kiciro cya Kabiri mu bagabo bahatanira gukina ikiciro cya mbere mu mwaka w'imikino wa 2021-2022, mu makipe ane yaraye abonye itike yo gukina iyo mikino harimo amakipe atatu y'uturere mu makipe ane yamaze kugera muri iki kiciro.

    Imwe mu mikino yari itegerejwe ni uko mu Karere ka Bugeseraikipe ya Heroes yatsinzwe igitego kimwe ku busa na Vision FC, bityo amakipe yombi anganya igitego kimwe kuri kimwe mu mikino yombi, hitabajwe penalite bityo ikipe ya Heroes Ikomeza itsinze 5 kuri 3.

    I Rugende ho ikipe ya Etoile de l'Est yari yasuye ikipe ya Rugende FC, ni umukino warangiye amakipe yombi anganya ubusa ku busa, gusa mu mukino ubanza Etoile yari yatsinze ibitego 2-1 bituma iyi kipe yo mu karere ka Ngoma ikomeje mu kindi kiciro.

    I Rubavu Amagaju yahakuye itsinzi yo gukomeza mu kindi kiciro nyuma yo kunganya ubusa ku busa, mu mukino wari wabanje Amagaju FC yari yatsinze ibitego bibiri kuri kimwe bituma igera muri 1/2 cyo guhatanira gukina ikiciro cya mbere.

    Undi mukino wabaye watanze ikipe yo kwerekeza muri kimwe cya kabiri ni ikipe ya Gicumbi FC yabigezeho itsezereye Kirehe FC ku bitego 6-2, dore mu mukino wabaye ikipe ya Gicumbi FC yanganyije igitego kimwe kuri kimwe mu gihe mu mukino wabanje iyi kipe ibarozwa mu karere ka Gicumbi itsinze ibitego 5-1.

    Uko imikino yo kwishyura ya 1/4 cy'irangiza mu kiciro cya Kabiri mu bagabo yagenze:

    Kirehe FC 1-1 Gicumbi FC(2-6)
    Rugende FC 0-0 Etoile de L'est (0-1)
    Heroes FC 0-1 Vision FC (1-1,Pen 5-3)
    Vision JN 0-0 Amagaju FC (1-2)

    Uko imikino ibanza ya 1/2 izakinwa kuri uyu wa Gatandatu tariki 09 Ukwakira 2021:

    Heroes FC vs Gicumbi FC (Bugesera Stadium)
    Amagaju FC vs Etoile de L'est (Nyagisenyi Stadium)

    The post Gicumbi FC, Amagaju FC, Etoile de l'Est na Heroes niyo makipe yageze muri 1/2 cy'imikino yo gukina ikiciro ya mbere mu bagabo umwaka w'imikino wa 2021-2022 appeared first on RUSHYASHYA.

    Source : https://rushyashya.net/gicumbi-fc-amagaju-fc-etoile-de-lest-na-heroes-niyo-makipe-yageze-muri-1-2-cyimikino-yo-gukina-ikiciro-ya-mbere-mu-bagabo-umwaka-wimikino-wa-2021-2022/?utm_source=rss&utm_medium=rss&utm_campaign=gicumbi-fc-amagaju-fc-etoile-de-lest-na-heroes-niyo-makipe-yageze-muri-1-2-cyimikino-yo-gukina-ikiciro-ya-mbere-mu-bagabo-umwaka-wimikino-wa-2021-2022

  • Amavubi y'abagore bari munsi y'imyaka 20 basezerewe na Ethiopie mu guhatanira itike yo gukina igikombe cy'isi itsinzwe ibitego 4-0 #rwanda #RwOT

    Ubwo hakinwaga umukino wo kwishyura hagati y'ikipe y'igihugu ya Ethiopie yakiriye iy'u Rwanda mu mukino wa kabiri, warangiye Amavubi y'abari munsi y'imyaka 20 mu bagore isezerewe ku giteranyo cy'imikino ibiri, ni nyuma yaho yatsinzwe bitego 4-0 mu mukino wo kwishyura kuko n'umukino ubanza wabereye i Kigai ari uko wari warangiye.

    Muri uyu umukino wakinwe mu rwego rwo guhatanira gukina imikino ya nyuma y'igikombe cy'Isi kizaba umwaka utaha mu gihugu cya Costa Rica , u Rwanda rwagiye gukina uyu mukino rusabwa gutsinda ibitego byibuze 5-0 kugriango yizere gukomeza mu ijonjorarya gatatu ry'iyi mikino.

    Ubwo uyu mukino waberaga mu gihugu cya Ethiopie, Amavubi yatangiye atsindwa igitego cya mbere ubwo hari ku munota wa 14 cyatsinzwe na Messay Temesgen, mbere y'uko bajya ku ruhuka ku munota wa 43 bongeye gutsinda igitego cya kabiri cyatsinzwe na Tourist Lemma.

    Amakipe yombi avuye ku ruhuka, nibwo iyi kipe yakatishije itike yo gukomeza mu kindi kiciro gikurikiyeho kuko ku munota wa 57 iyi kipe y'u Rwanda yongeye gutsindwa ibitego bibiri byatsinzwe na Aregash Kalsa, bityo uyu mukino urangira ari 4-0, bisanga ibindi nkabyo bari batsinzwe mu mukino ubanza.

    Gutsindwa ibitego 8-0 ku Mavubi bivuze ko basezerewe muri iyi mikino nyuma yaho mu ijonjora ribanza u Rwanda rwari rwasezereye ikipe ya Sudan yo itari yitabiriye iri jonjora ribanza ryo guhatanira itike y'igikombe cy'Isi kizaba umwaka utaha 2022 mu gihugu cya Costa Rica.

    The post Amavubi y'abagore bari munsi y'imyaka 20 basezerewe na Ethiopie mu guhatanira itike yo gukina igikombe cy'isi itsinzwe ibitego 4-0 appeared first on RUSHYASHYA.

    Source : https://rushyashya.net/amavubi-yabagore-bari-munsi-yimyaka-20-basezerewe-na-ethiopie-mu-guhatanira-itike-yo-gukina-igikombe-cyisi-itsinzwe-ibitego-4-0/?utm_source=rss&utm_medium=rss&utm_campaign=amavubi-yabagore-bari-munsi-yimyaka-20-basezerewe-na-ethiopie-mu-guhatanira-itike-yo-gukina-igikombe-cyisi-itsinzwe-ibitego-4-0

  • Ntitugiha akazi abarimu badafite PHD – Umuyobozi wa INES Ruhengeri #Rwanda #RwOT via @kigalitoday #rwanda #RwOT

    Mu kiganiro ‘Ubyumva ute’ cya KT Radio cyo ku itariki 06 Ukwakira 2021, ku nsanganyamatsiko ivuga ku burezi bufite ireme no mu gihe cya Covid-19, ubwo Padiri Dr Hagenimana Fabien, yari umutumirwa, yerekanye uburyo icyo cyorezo kitabashije gukumira ireme ry’uburezi cyane cyane mu ishuri ayoboye.

    Uwo muyobozi yavuze ko mu bizamura ireme ry’uburezi muri INES-Ruhengeri, harimo no guha akazi abarimu bashoboye kandi bafite ubumenyi bwo mu rwego ruhambaye, aho ubu abarimo guhabwa akazi bose muri iryo shuri bagomba kuba barize ku rwego rwa PHD.

    Ati “Ntitugiha akazi abarimu badafite PHD, kandi tugatanga akazi ku bantu banyuranye baturutse hirya no hino ku isi, bapfa kuba bafite ubumenyi dukeneye mu ishuri ryacu. Hari ubwo dukoresha ikizamini nk’abantu bafite PHD nka batanu, barwanira kuza kwigisha utsinze tukamufata”.

    Arongera ati “Hari n’abaza mu rwego rw’ubufatanye nk’abo mu Budage, mu Butaliyani, bakaza kwigisha amasomo aya n’aya, ibyo bigatuma tuba mpuzamahanga kuko bituma abanyeshuri bigirira icyizere, n’abarimu b’Abanyarwanda bakiri bato mu mwuga (aba Juniors) bazamukira kuri abo b’inararibonye baba baturutse hanze”.

    Umuyobozi Mukuru wa INES Ruhengeri, Padiri Dr Hagenimana Fabien avuga ko COVID-19 itadindije ireme ry
    Umuyobozi Mukuru wa INES Ruhengeri, Padiri Dr Hagenimana Fabien avuga ko COVID-19 itadindije ireme ry’uburezi muri iryo shuri

    Padiri Hagenimana avuga ko amasomo bigisha muri INES-Ruhengeri ajyanye n’isoko ry’umurimo, mu rwego rwo guhangana n’ibibazo biri mu gihugu.

    Ati “Muri INES-Ruhengeri, mu gukemura ibibazo by’impinduka zibaho, nta hanze nta mu nzu, kuko twigisha dufatanyije n’abo bari ku isoko ry’umurimo, abanyamwuga, tuvuge nk’urugaga rw’aba Engeniyeri mu Rwanda turafatanya, aba Architecte kugira ngo Architecture twigisha igende neza, tugakorana n’amwe mu makompanyi afite ubushobozi tukanoza porogramu z’imyigishirize mu buryo buhoraho”.

    Yavuze kandi ko ishuri rya INES rifite imishinga itandukanye mu Buholandi, mu Budage no mu Butaliyani kugira ngo imfashanyigisho zihuzwe n’ibyo bashaka kwigisha, aho umunyeshuri wize muri INES-Ruhengeri agera mu bihugu binyuranye hirya no hino ku isi akaba uwa mbere.

    Ishuri rikuru ry
    Ishuri rikuru ry’ubumenyingiro INES-Ruhengeri

    Padiri yavuze uburyo iyo Kaminuza kugeza ubu ari iya kabiri mu Rwanda ati “INES-Ruhengeri yaje ku mwanya wa kabiri mu Rwanda ku gipimo cyatanzwe mu kwezi kwa karindwi, yakurikiye UR, ahubwo nibadashyiramo agatege umwaka utaha turabacaho, byose biva ku bushakashatsi bukorerwa muri INES”.

    Arongera ati “Ntabwo bagushyira ku mwanya kubera ko usa neza, cyangwa ufite abanyeshuri benshi gusa, icya mbere ni ubushakashatsi, abarimu bacu bakora ubushakashatsi cyane kandi bugatanga umusaruro, ntibasinzira”.

    Yavuze ko mu bushakashatsi bukomeje gukorerwa muri INES-Ruhengeri, bumwe bukomeje gutanga amafaranga afatika azamura iterambere ry’ishuri, bikazamura n’iterambere ry’abaturage.

    Muri iyo mishanga harimo gupima isuri n’imisozi iritagurika, gupima ibiyaga, kumenya urugero niba i Kivu gishobora kwibasirwa n’imitingito, iruka ry’ibirunga, uburyo amazi ajya mu Kivu, tuvuge ashobora kwangiriza ibinyabuzima bibamo ku buryo hari n’umushinga uherutse gutsindira miliyoni zisaga 160 ujyanye na Made in Rwanda, n’indi inyuranye”.

    Abenshi mu biga muri INES-Ruhengeri ni igitsina gore
    Abenshi mu biga muri INES-Ruhengeri ni igitsina gore

    Umuyobozi wa INES-Ruhengeri, yavuze ibyo umunyeshuri ukenewe muri iryo shuri aba yujuje, Ati “Kwiga muri INES-Ruhengeri, bisaba icya mbere na mbere kuba ubishaka, ntihazagire uza atabishaka kuko yaba ari kwivunira ubusa, azaze tumusobanurire niyumva abishaka rwose azaba ari mu rugo rwe. Ikindi ni ukuba yaratsinze ibizamini bisoza amashuri yisumbuye, ikindi agatsinda ibizamini tumuha, ariko ntabwo agomba kwiheba atinya ibizamini, azabikora nyine hari ama porogaramu adapfa kwisukira, hari uza ngo arashaka guhanyanyaza mu byo adashoboye ejo akaba aratsinzwe kandi iwacu turasibiza cyane”.

    Arongera ati “Ujya kubona umwaka urangiye, ugasanga hasibiye abantu bagera kuri 300 kandi bakemera bagasibira. Ushaka kwihambira ntacyo, ariko ubundi urasabwa kuza wiyizeye kandi wemera gufashwa kujya mbere”.

    Yavuze ko ibiciro byo kwiga muri INES bidahenze ugereranyije n’ibitangwa, avuga ko abantu bakwiye kureka ibitekerezo njya bukene aho umuntu ajya ku isoko akarwanira ibya make bitagira akamaro. Abasaba kujya mu bitekerezo njya bukire, dore ko uza kwiga yirihira atanga 65% ku yakenewe mu rwego rwo gufasha n’abafite ubushobozi buke.

    INES-Ruhengeri ifite ibikoresho biyifasha kuzamura ireme ry
    INES-Ruhengeri ifite ibikoresho biyifasha kuzamura ireme ry’uburezi

    Ati “Nko muri Civil Engeneering batanga ibihumbi 800 gusa, muri Archtecture bagatanga miliyoni imwe gusa, ubwo kandi tuba twabariye kuri 65% abirihira ni ko bigenda kugira ngo tuborohereze andi tukayishakamo. Tuvuge nka za Biomedical Laboratory Sciences bageze kuri 750 uretse ko hari uko biduhendaho kuko iyo bagiye mu imenyerezamwuga hari umurundo w’ibikoresho batwara, n’ahandi ni muri za 700, urebye ntabwo ari menshi ikirebwa ni ikivamo, muzarebe hari na za maternelle batanga za miliyoni ebyiri”.

    Uwo muyobozi avuga ko INES-Ruhengeri ikomeje guhindurira imibereho abaturage by’umwihariko bayituriye, bakungukira mu bindi bikorwa n’imishinga abanyeshuri bafatanyamo n’abaterankunga mu nyungu z’abaturage.

    Ati “Ntabwo INES ibereyeho kuba akarwa ko gutanga dipolome, dipolome yacu y’ingenzi ni impinduka dutanga mu gihugu”.

    Yashimangiye ko kwiga muri Kaminuza y’Ubumenyingiro birimo ibanga ry’ubukungu bw’ejo hazaza, ati “Iyo wiga muri Kaminuza y’Ubumenyingiro, ntabwo uvuga ngo mfite ibitabo nasomye, mfite ibitabo nize, ahubwo uravuga uti mfite n’ibyo nshoboye. Ibyo ni ibanga u Rwanda rwibitseho tutagombye kujya gushakisha hanze kuko n’ibyo uziga ibwotamasimbi bizaba ari ibyabo ntabwo bizaba ari iby’i Rwanda”.

    Zimwe mu nyubako za INES-Ruhengeri
    Zimwe mu nyubako za INES-Ruhengeri

    INES-Ruhengeri yamaze gutangira umwaka w’amashuri 2021-2022, ikomeje kwakira abaza bayigana aho yaborohereje yubaka amacumbi ahagije y’abanyeshuri b’abakobwa n’abahungu, amacumbi y’abakobwa afite imyanya isaga 650, hakaba n’ikoranabuhanga rigezweho, aho umunyeshuri mushya ugeze mu kigo bamuha Smart card ikamuyobora ahantu hose ashaka kugera mu kigo.

    Ubu iryo shuri rikomeje kuzamura inyubako, zizakira abiga mu cyiciro cya gatatu cya Kaminuza (Masters).


    source : https://ift.tt/3adkiAP

  • Timo Werner amaze gutsinda ibitego 16 byose VAR ibyanga #Rwanda #RwOT via @kigalitoday #rwanda #RwOT

    Timo Werner
    Timo Werner

    Mu mukino wahuje Chelsea na Southampton ku wa Gatandatu tariki ya 2 Ukwakira 2021, nibwo uyu mukinnyi yatsinze igitego cya 16 mu bitego yatsinze ariko VAR ikabyanga.

    Ntibimenyerewe mu mupira w’amaguru ko umuntu ashobora gutsinda ibitego bingana gutya mu gihe cy’umwaka wose VAR ikabyanga.

    Timo Werner nyuma y’uwo mukino, yatangaje ko iyo atsinze igitego akishimana n’abafana hanyuma bagahita banga igitego cye bituma acika intege. Nyuma y’umukino Chelsea yakiriyemo Southampton muri wikendi ishize nabwo bikongera kumubaho, yagize ati “Ntabwo nizeraga ko bizakomeza gutya gutsinda ukishimana n’abafana hanyuma ukabona banze igitego inshuro 16 mu mwaka umwe, biragoye ariko ndakomeza.”

    Timo Werner ni Umudage ufite imyaka 25 y’amavuko akaba akina ari nka rutahizamu muri iyi ikipe ya Chelsea yo mu Bwongereza. Yayijemo mu mwaka ushize muri Kamena 2020 avuye mu ikipe ya Leipzig yo mu gihugu cy’Ubudage.

    source : https://ift.tt/3AgP71T

  • OMS yemeje urukingo rwa mbere rwa Malaria #rwanda #RwOT

    Ishami ry'Umuryango w'Abibumbye ONU ryita ku buzima-OMS, iragira inama Ibihugu byo munsi y'ubutayu bwa Sahara gukoresha urukingo rushya rwa Malariya ku bana bose bakiri bato.

    Ni ubwa mbere urukingo rwa Malariya rubonetse. Nk'uko OMS yabitangaje, rumaze kugeragezwa ku bana 800,000 muri Ghana, Kenya na Malawi kuva mu 2019.

    Umuyobozi mukuru wa OMS, Dr Tedros Adhanom Ghebreyesus, yatangaje ko uyu ari umunsi utazibagirana mu mateka y'Isi. Ati: 'Gukoresha uru rukingo bizakumira Malariya ku bana bato ibihumbi n'ibihumbi buri mwaka'.

    Umwana ashobora gutangira kuruhabwa guhera ku mezi atanu nyuma yo kuvuka kandi agomba kuruhabwa inshuro enye zitandukanye.

    Malariya ni yo ndwara ya mbere yica abana benshi muri Afrika yo munsi y'ubutayu bwa Sahara. Buri mwaka, ihahitana abana bari munsi y'imyaka itanu y'amavuko barenga 260000.

    Ivomo: VOA

    Source : https://impanuro.rw/2021/10/07/oms-yemeje-urukingo-rwa-mbere-rwa-malaria/

  • Jado Castar agiye kugezwa imbere y’Urukiko #rwanda #RwOT

    Bagirishya Jean de Dieu wamenyekanye nka Jado Castar akaba visi perezida w’Ishyirahamwe ry’Umukino wa Volleyball mu Rwanda (FRVB) aragezwa imbere y’Urukiko kuri uyu wa Gatanu atangire kuburana ku byaha aregwa harimo gukoresha inyandiko mpimbano.

    Jado Castar yatawe muri yombi tariki ya 20 Nzeri 2021 aho akurikiranyweho gukoresha inyandiko mpimbano mu gushyira mu bikorwa inshingano ze.

    Bivugwa ko yahimbye email mu izina rya federasiyo y’umukino wa Volleyball muri Brazil akazajya yandika akanisubiza, agaragaza ko abakinnyi u Rwanda rwazanye bahawe ubwenegihugu nta gihugu bigeze bakinira.

    Ku munsi w’ejo ku wa Gatanu akaba ari bwo azagezwa imbere y’Urukiko Rwisumbuye wa Gasabo atangire kwiregura ku byaha aregwa.

    Ibi byabaye nyuma y’uko ikipe y’igihugu y’u Rwanda y’abagore ya Volleyball isezerewe mu irushanwa ry’igikombe cya Afurika cyaberaga mu Rwanda kubera gukinisha abakinnyi bane bakomoka muri Brazil aho bivugwa babonye ubwenegihugu mu buryo butari bwo.

    Byatumye irushanwa rihagarara iminsi hafi itatu, aho u Rwanda rwavugaga ko rurengana, federasiyo mpuzanahanga y’umukino wa Volleyball (FIVB) itegeka rikomeza u Rwanda rutarimo n’aba bakinnyi bagahanwa ndetse n’abayobozi ba FRVB batarimo, ariko u Rwanda narwo ruvuga ritakomeza rutarimo bityo nirutemererwa gukina ridakomeza, gusa byaje kurangira rikomeje.

    Jado Castar bivugwa ko ari we wari mu nshingano zo gukurikirana ibyangombwa byo kugira ngo Aline Siqueira, Apolinario Caroline Taiana, Mariana Da Silva na Moreira Bianca Gomes baze gukinira u Rwanda.

    Jado Castar azatangira kuburana ku munsi w’ejo ku wa Gatanu

    Source : http://isimbi.rw/siporo/article/jado-castar-agiye-kugezwa-imbere-y-urukiko