Webrwanda Backend

Author: webrwanda

  • Abanyamakuru barashaka ko #Mashami yirukanwa – YEGOB #rwanda #RwOT

    Umunyamakuru Sam Karenzi uyobora Radio Fine Fm yatanze ikifuzo afite cyo gushakira indi mirimo umutoza Mashami Vincent n'abamwungirije bose. Ni nyuma y'umukino wahuje ikipe y'U Rwanda Amavubi n'ikipe ya Uganda. Umukino waje kurangira ikipe ya Uganda itsinze U Rwanda igitego 1 ku busa.

    Sam Karenzi abinyujije ku rukuta rwe rwa Twitter yanditse amagambo akurikira ” Ikifuzo: Maze mudufashe #Mashami nabamwungirije bahindurirwe imirimo kandi rwose ntihazagire umutoza w'umunyarwanda wongera guhabwa #Amavubi vuba aha! @FERWAFA @Rwanda_Sports @FINEFmRwanda “.


    Si Sam Karenzi wavuze ko ashaka ko Mashami yirukanwa gusa kuko na Mugenzi we, Bruno Taifa, bakorana kuri Radio Fine Fm nawe yavuze ko mu gihe Mashami akiri umutoza, atazigera agaruka kuri stade kureba Amavubi.

    Source : https://yegob.rw/abanyamakuru-barashaka-ko-mashami-yirukanwa/

  • Live match: Rwanda

    NIBA UTARI KUBONA VIDEO KANDA HANO

    Source : https://yegob.rw/live-match-rwanda-%F0%9F%87%B7%F0%9F%87%BC-vs-uganda-%F0%9F%87%BA%F0%9F%87%AC/

  • Umunyamakuru w'imikino ukomeye mu Rwanda yafashe icyemezo gikakaye nyuma yuko Amavubi atsinzwe na Uganda – YEGOB #rwanda #RwOT

    Ku mugoroba wo kuri uyu wa Kane tariki ya 07 Ukwakira 2021 nibwo habaye umukino wahuje ikipe y'igihugu y'U Rwanda Amavubi n'ikipe ya Uganda. Ni umukino wqrangiye Uganda itsinze Amavubi igitego 1 ku busa. Nyuma y'uyu mukino hatangajwe byinshi.

    Umunyamakuru Taifa Bruno, umwe mu banyamakuru ba siporo bakomeye hano mu Rwanda yafashe icyemezo gikakaye nyuma y'uyu mukino wahuje Amavubi n'ikipe ya Uganda. Nkuko amashusho yasakaye ku mbuga nkoranyambaga by'umwihariko kuri instagram yabigaragaje, Taifa yavuze ko guhera kuri uyu munsi asezeye kureba match y'Amavubi. Yagize ati ” Iyi match irambabaje cyane! Kuva natangira kureba Amavubi nibwo mbabaye! Nanjye mfashe icyemezo guhera uno munsi ndasezeye sinzongera kureba Amavubi! Uzongera kumbona kuri stade naje kureba Amavubi azamfunge…. “.

    Source : https://yegob.rw/umunyamakuru-wimikino-ukomeye-mu-rwanda-yafashe-icyemezo-gikakaye-nyuma-yuko-amavubi-atsinzwe-na-uganda/

  • #Covid19: Umuntu umwe yitabye Imana, abarembye ni barindwi #Rwanda #RwOT via @kigalitoday #rwanda #RwOT

    source : https://ift.tt/3lmZMUy

  • Umusore ufite inyinya nk'iya Papa Sava avuze amagambo akomeye kuri Papa Sava| Ibyo yavuganye na Rwasa yabyibutse – YEGOB #rwanda #RwOT

    Umusore witwa Niyitegeka Jean Marie Vianney ufite inyinya nk'iya Papa Sava yavuze uko yinjiye muri sinema avuga uko yahuye na Rwasa ndetse avuga no kuri Papa Sava bahuje inyinya. Ni mu kiganiro uyu musore yagiranye na The Choice Live.

    Nkuko Niyitegeka yabitangaje, yavuze ko we na Papa Sava bahuriye ku nyinya gusa yitsa avuga ko iye ari nini kurusha iya Papa Sava. Uyu musore yongeyeho kandi ko icyo ahuriyeho na Papa Sava ari amazina dore ko nawe yitwa Niyitegeka.

    Niyitegeka yavuze ko kuri ubu nawe ari ku mwuga wa sinema ndetse akaba asigaye ari umwe mu bayobora filime hano mu Rwanda ibintu ndetse yanigiye no mu ishuri rimwe mu mashuri akomeye hano mu Rwanda. Niyitegeka yavuze ko ubwo yararimo kwiga ibijyanye na sinema yaje guhura na Rwasa (Nsanzamahoro Denis) gusa ubwa mbere bahura ntabwo yigeze afata nimero ye.

    Nyuma baje kongera guhurira kuri terrain maze Niyitegeka abwira Rwasa ko afite gahunda yo gukora nawe sinema. Rwasa yamubwiye ko agomba kubishyiramo imbaraga kugirango azatere imbere. Niyitegeka yavuze ko iri jambo rikomeye Rwasa yamubwiye ahora arizirikana.

    Kuri ubu Niyitegeka arimo kuyobora filime y'uruhererekane izwi nka Isi insiga akaba ari filime irimo inyigisho yerekeye ubuzima bw'abanyeshuri bo muri Kaminuza.

    Niyitegeka JMV

    Source : https://yegob.rw/umusore-ufite-inyinya-nkiya-papa-sava-avuze-amagambo-akomeye-kuri-papa-sava-ibyo-yavuganye-na-rwasa-yabyibutse/

  • Umukobwa witabiriye irushanwa rya Miss Rwanda yasezeranye n'umukunzi we. – YEGOB #rwanda #RwOT

    Mukangwije Rosine wegukanye ikamba rya Miss Elegancy 2018 yasezeranye imbere y'amategeko n'umusore witwa Chris bamaze igihe kinini bari mu rukundo.

    Uyu mukobwa yasezeranye kuri uyu wa Kane, tariki 7 Ukwakira 2021. Tariki 11 Nzeri 2021, ni bwo uyu mukobwa yambitswe impeta y'urukundo mu birori byabereye muri Great Hotel iherereye mu Kiyovu mu Mujyi wa Kigali.

    Mukangwije w'imyaka 21 yambitswe ikamba rya Miss Elegancy Rwanda muri Nzeri 2018. Yaryambuwe tariki 21 Kamena 2019 ashinjwa n'abayobozi b'irushanwa imyitwarire idahwitse bakubiye mu birego bisaga 13 bamuregaga.

    Source : https://yegob.rw/umukobwa-witabiriye-irushanwa-rya-miss-rwanda-yasezeranye-numukunzi-we/

  • Dolce & Gabbana yashishuye umunyarwanda – YEGOB #rwanda #RwOT

    Uruganda rwa Dolce & Gabbana ruri mu zikomeye ku isi rwashishuye umunyamideli Tanga Designs wo mu Rwanda usanzwe yambika abantu bakomeye barimo na Miss Naomie.

    Tanga designs abinyujije ku rukuta rwe rwa instagram yashinje Dolce & Gabbana yo mu Butaliyani kwigana imyambaro ye. Tanga Designs yagaragaje ko iyi myambaro yasohotse nyuma y'iyo yari yashyize hanze muri Nzeri umwaka ushize, yise 'Inyambo Collection' bimeze kimwe.

    Iyi myambaro ya Dolce & Gabbana ni iyo yise 'DGSS22' yagenewe abagore n'abakobwa. Mu ntugu zayo ifite ishusho rimeze nk'iryibinyugunyugu.

    Yavuze ko yari akwiriye guhabwa icyubahiro nk'uwahanze imyambaro imeze nk'iyo Dolce & Gabbana yashyize hanze mu mpera za Nzeri uyu mwaka.

     

    Hey @dolcengabana, It surely couldn't have been that hard to contact me if you really wanted to WORK together! There is no room for PLAGIARISM in this creative industry.#tangadesigns #madeinrwanda #RwOT pic.twitter.com/5WPUZitoUC

    — tangart (@tangadesigns) October 7, 2021

    Source : https://yegob.rw/dolce-gabbana-yashishuye-umunyarwanda/

  • Uganda yatsindiye u Rwanda ku butaka bwarwo ku nshuro ya mbere mu mateka #rwanda #RwOT

    Rutahizamu Fahid Aziz niwe watsinze iki gitego ku munota wa 40 nyuma y'uburangare bwa ba myugariro b'u Rwanda bananiwe gukuraho umupira nyuma y'aho Mvuyekure Emery yari amaze gukuramo ishoti rikomeye.

    Muri uyu mukino wakiniwe ku matara y'i Nyamirambo,Uganda yatangiye irushwa ariko igerageza kwirwanaho ntiyinjizwa igitego.

    Ku munota wa 6,Haruna yazamukanye umupira akinana na Meddie Kagere,uza kugera kuri Rafael York wakiniraga u Rwanda bwa mbere, ariko agorwa no kuwutera mu izamu ufatwa n'umunyezamu Charles Lukwago.

    Ku munota wa 8 nabwo Omborenga Fitina yateye umupira mu rubuga rw'amahina ahana ikosa ryakorewe York ariko ushyizweho umutwe na Tuyisenge Jacques uca hejuru y'izamu.

    Uganda yanyuzagamo igasatira aho ku munota wa 21 yinjiye neza mu rubuga rw'amahina ibikesha abarimo Steven Mukwala, ariko Rwatubyaye aritambika akiza izamu ryari ryugarijwe.

    Ku munota wa 24,Imanishimwe Emmanue na Omborenga Fitina bahinduye imipira ibiri ikomeye mu izamu rya Uganda, ariko Enock Walusimbi na Isaac Muleme barokora ikipe yabo.Aha u Rwanda rwashoboraga kubona igitego.

    Ku munota wa 29 nabwo Amavubi yasatiriye ariko Tuyisenge Jacques ahwe umupira awutera nabi ujya hanze.

    Ku munota wa 40,Fahid Aziz yatsindiye Uganda igitego nyuma y'uko abakinnyi b'Amavubi bananiwe gukiza izamu.

    Iki gitego cyabonetse nyuma y'aho Byaruhanga Bobosi yateye umupira hanyuma Rwatubyaye awuhindurira icyerekezo ukubita igiti cy'izamu,umunyezamu Mvuyekure ananirwa kuwufata usanga rutahizamu wa Uganda awuboneza mu rushundura.

    Igice cya mbere cyarangiye Uganda iri imbere n'igitego 1-0 bw'u Rwanda rwagerageje kuyobora umukino ariko gutera mu izamu biba ikibazo.

    Uganda yatangiye igice cya kabiri iri hejuru cyane ndetse yashoboraga kubona igitego cya 2 ku munota wa 52 ubwo Rwatubyaye yatangaga umupira nabi ntiwagera kuri Imanishimwe,hanyuma Moses Waiswa ahise awuhindura mu rubuga rw'amahina, Nirisarike aritambika awukuraho,uterwa hejuru n'umukinnyi wa Uganda.

    Ku munota wa 53,Rafael York wakinnye umukino we wa mbere mu Amavubi, yasimbuwe na Manishimwe Djabel mu rwego rwo gufasha ba rutahizamu.

    Ku munota wa 60,Amavubi yagerageje kurema uburyo bwiza, ariko umupira uhinduwe na Omborenga Fitina uterwa nabi na Niyonzima Haruna ujya hanze.

    Ku munota wa 63, Steven Mukwala yateye umutwe ujya hejuru gato y'izamu bituma Uganda ihusha igitego cya kabiri.

    Ku munota wa 67,Niyonzima Haruna yasimbuwe na murumuna we, Hakizimana Muhadjiri mu gihe Omborenga Fitina wavunitse yasimbuwe na Rukundo Denis.

    Ku munota wa 68,Hakizimana Muhadjiri yinjiranye umupira mwiza hafi n'urubuga rw'amahina, awuhereza Muhire Kevin wawuteye hejuru kure cyane y'izamu.

    Ku munota wa 87,Kalisa Jamir yasimbuye Muhire Kevin mu gihe Iradukunda Jean Bertrand yasimbuye Meddie Kagere.

    Nyuma y'iminota 90,hongeweho 3 yabonetsemo amahirwe y'Amavubi ku munota wa 2 ubwo Hakizimana Muhadjiri yahinduraga umupira mu rubuga rw'amahina, ushyizweho umutwe na Rwatubyaye,ukurwamo n'umunyezamu Lukwago usubira imbere,ugeze kuri Manishimwe Djabel ateye ishoti ujya hejuru y'izamu.

    Ni ubwa mbere Uganda itsindiye u Rwanda i Kigali kuva mu 1986.

    Uganda izakira Amavubi mu mukino w'umunsi wa kane uzaba ku Cyumweru, tariki ya 10 Ukwakira 2021.

    Uganda yagize amanota atanu mu gihe u Rwanda rwagumye ku mwanya wa nyuma n'inota rimwe.

    Source : https://umuryango.rw/imyidagaduro/imikino/article/uganda-yatsindiye-u-rwanda-ku-butaka-bwarwo-ku-nshuro-ya-mbere-mu-mateka

  • Perezida Kagame yakiriye ba Ambasaderi ba Tanzania na Ethiopia basoje imirimo yabo mu Rwanda – #rwanda #RwOT

    Ibiro by’Umukuru w’Igihugu, Village Urugwiro, byatangaje ko Perezida Kagame yabakiriye kuri uyu wa 7 Ukwakira 2021.

    Ambasaderi Lulit Zewdie Gebremariam yari amaze hafi imyaka ine ahagarariye inyungu za Ethiopia mu Rwanda kuko yahawe izi nshingano muri Mutarama 2018 nyuma y’amezi umunani gusa iki gihugu gifunguye ambasade yacyo mu Rwanda.

    Ambasaderi Ernest Jumbe Mangu na we yatangiye inshingano zo guhagararira Repubulika Yunze Ubumwe ya Tanzania mu Rwanda mu 2018 akaba aherutse gusimbuzwa Major General Richard Mutayoba Makanzo wahoze ari Umugaba Mukuru w’Ingabo zirwanira mu Mazi muri Tanzania.

    Aba bambasaderi bombi bagize uruhare mu gushimangira umubano w’u Rwanda n’ibihugu bari bahagarariye cyane cyane mu bijyanye n’ubuhahirane, ubukungu na politiki.

    Lulit Zewdie nka Ambasaderi wa mbere wa Ethiopia mu Rwanda yagize uruhare mu mubano mwiza w’ibihugu byombi ndetse muri Werurwe 2020 ambasade ayoboye yateguye igikorwa cyo kumurikira Abanyarwanda amahirwe ahari y’ubucuruzi, ishoramari n’ubukerarugendo muri Ethiopia.

    Muri Nzeri 2021, Amb Lulit Zewdie yakiriwe na Perezida w’Inteko Ishinga Amategeko, Umutwe wa Sena, Dr. Iyamuremye Augustin, mu rwego rwo gusubukura ibiganiro bigamije isinywa ry’amasezerano y’ubufatanye hagati y’inteko zombi, nyuma yuko iki gikorwa gikomwe mu nkokora n’umutekano muke umaze igihe mu Ntara ya Tigray muri icyo gihugu.

    Ambasaderi Ernest Jumbe Mangu nk’uhagarariye igihugu cy’igituranyi n’u Rwanda yafashije ibihugu byombi gutsura umubano, aho u Rwanda na Tanzania bifitanye amateka n’umubano wihariye haba mu buhahirane, politiki, ibikorwaremezo, ubukungu n’umutekano.

    Ibihugu byombi kandi binafitanye umushinga ukomeye wo kubaka umuhanda wa gari ya moshi uzaturuka Isaka muri Tanzania ukagera i Kigali mu Rwanda, witezweho kuzoroshya urujya n’uruza rw’ibicuruzwa hagati y’u Rwanda n’icyo gihugu.

    Imibare yo mu 2019, igaragaza ko u Rwanda rwoherezaga muri Tanzania ibicuruzwa bifite agaciro ka miliyoni 5,1$, naho muri Ethiopia rukoherezayo ibifite agaciro ka 9,7$.

    Perezida Kagame aramukanya na Ambasaderi Lulit Zewdie Gebremariam wari Ambasaderi wa Ethiopia mu Rwanda

    Perezida Kagame yagiranye ibiganiro na Ambasaderi Lulit Zewdie Gebremariam wari umaze hafi imyaka ine ahagarariye Ethiopia mu Rwanda

    Abayobozi bombi bagiranye ibiganiro byihariye

    Lulit Zewdie nka Ambasaderi wa mbere wa Ethiopia mu Rwanda yagize uruhare mu mubano mwiza w’ibihugu byombi

    Perezida Kagame na Ambasaderi Lulit Zewdie Gebremariam wari Ambasaderi wa Ethiopia mu Rwanda bafashe ifoto y’urwibutso

    Perezida Kagame na Ambasaderi Ernest Jumbe Mangu bahuje urugwiro ubwo yamusezeragaho

    Ibiganiro byanitabiriwe n’abayobozi batandukanye

    Perezida Kagame na Ambasaderi Ernest Jumbe Mangu wari uhagarariye Tanzania mu Rwanda bagiranye ibiganiro

    Perezida Kagame na Ambasaderi Ernest Jumbe Mangu wari uhagarariye Tanzania mu Rwanda bafata ifoto y’urwibutso

    Amafoto: Village Urugwiro

    source : https://ift.tt/3ljfiAT

  • Abakiliya ba Cogebanque banyuzwe no gusabana n’Umuyobozi wayo Mukuru mu cyumweru cyahariwe kubitaho – #rwanda #RwOT

    Babitangaje kuri uyu wa 7 Ukwakira 2021 mu gihe habura amasaha make ngo hasozwe Icyumweru cyahariwe kwita ku Bakiliya cyatangiye ku wa 4 Ukwakira 2021.

    Umuyobozi Mukuru wa Cogebanque, Habarugira Ngamije Guillaume, yavuze ko muri iki cyumweru hibanzwe ku kwegera no kurushaho gufata neza abakiliya b’iyo banki nk’uburyo buboneye bwo gukurura abandi bashya.

    Ati “Mbere yo gushaka abandi bakiliya baza batugana, icyo twashyize imbere ni ukwita kuri abo ngabo basanzwe bahari kuko ni bo batuvuganira. Burya kujya kuzana undi mukiliya n’uhari wenda atishimye cyangwa hari icyo yari akeneye ntakibone ntibyaba ari byo.”

    “Abo ngabo ni na bo bakwigisha kuko baba bahamaze igihe, bakihangana bakanakubwira ibyo bifuza. Iyo tubafashe neza ni bo batuzanira abandi.”

    IGIHE yasanze Habarugira ari kugenda asura amashami atandukanye ya Cogebanque. Aho yageraga yavugishaga abakozi ariko agaha umwanya munini abakiliya abaganiriza ndetse akanyuzamo akabahereza ku binyobwa byabateguriwe bagasangira.

    Ni ibintu abakiliya batangaje ko bishimiye cyane nyuma yo kunyurwa na serivisi zinoze bahabwa.

    Uwambayinema Marie Claire umaze imyaka itandatu akorana na Cogebanque yemeje ko kuva yagiramo konti kugeza magingo aya nta kibazo arahura nacyo muri serivisi akenera.

    Yakomeje ati “Kuba twasuwe n’umuyobozi birashimishije cyane. Burya nk’umuyobozi w’ikigo gutekereza ngo reka njye kureba uko serivisi zitangwa mu ishami iri n’iri, nabyo bigaragaza agaciro abakiliya b’iyo banki duhabwa. Ubundi tumenyereye ko umuyobozi aba ari ku cyicaro gikuru ariko nk’iyo aje hano ku ishami natwe tubona ko nk’abakiliya twatekerejweho ku buryo habaye hari n’ikitagenda neza twakigaragaza kigakosorwa.”

    Igitego Fils watangiye gukorana na Cogebanque mu 2017 yashimangiye ibyo mugenzi we yavuze ku mitangire ya serivisi zinoze muri iyo banki.

    Yongeye aho ati “Biratangaje kubona Umuyobozi Mukuru yaje kuganira n’abakiliya bagasabana. Bimeze nko kubona umuntu w’ikirangirire yegereye abafana be kugira ngo basabane.”

    Habarugira yibukije abagana Cogebanque ko banki ari umukozi wabo bityo ko yiteguye gushakira ibisubizo ibibazo bafite byose cyane ko ari cyo ibereyeho.

    Cogebanque ifite imiyoboro myinshi ikoresha mu kugeza serivisi zinoze ku bayigana harimo amashami 28 n’aba-agents 650 ifite hirya no hino mu gihugu. Hari kandi ATMs zigera kuri 36, Internet Banking na Mobile Banking (*505# na Coge mBank) byemerera abakiliya kubitsa no kumenya uko konti zabo zihagaze batagombye kujya ku mashami. Inafite ikarita ya Smartcash ifasha kwishyura no kubikuza mu Rwanda n’amakarita ya Mastercard (Debit, Credit na Prepaid) afasha abayakoresha kwishyura no kubikuza ku Isi hose.

    Abakiliya batangaje ko banyuzwe no gusabana n’Umuyobozi Mukuru wa Cogebanque, Habarugira Guillaume

    Abakiliya n’abakozi ba Cogebanque bafashe ifoto n’Umuyobozi Mukuru wayo, Habarugira Ngamije Guillaume, ari gusura amashami atandukanye

    Aha Umuyobozi Mukuru wa Cogebanque, Habarugira Ngamije Guillaume, yarimo aganiriza abakozi arimo no kubafasha akazi

    Aha Umuyobozi Mukuru wa Cogebanque, Habarugira Ngamije Guillaume, yahaga umukiliya serivisi

    Ifoto y’urwibutso abakozi ba Cogebanque bifotozanyije n’abakiliya

    Muri iki cyumweru cyahariwe abakiliya amashami ya Cogebanque yose aratatse

    N’abandi bakozi ba Cogebanque bari kurushaho kwegera abakiliya mu cyumweru cyabahariwe bagenzura neza ko banyuzwe na serivisi bahabwa

    Umuyobozi Mukuru wa Cogebanque, Habarugira Ngamije Guillaume (iburyo) areba uko abakiliya bakirwa kuri rimwe mu mashami

    Umuyobozi Mukuru wa Cogebanque, Habarugira Ngamije Guillaume, aganira n’abakozi bari bafite akanyamuneza

    Umuyobozi Mukuru wa Cogebanque aha abakiliya bonbon mu gihe bari ku murongo bategereje kugerwaho

    Umuyobozi Mukuru wa Cogebanque, Habarugira Ngamije Guillaume, ashyikiriza abakilya amazi

    Amafoto: Himbaza Pacifique

    source : https://ift.tt/3BqswRO