Author: webrwanda

Radio Okapi dukesha aya makuru, ivuga ko uku gukozanyaho kw’Igisirikare cya Repubulika Iharanira Demokarasi ya Congo n’abasirikare b’u Rwanda kwabereye mu gace kitwa Buhumba muri Teritwari ya Nyiragongo muri Kivu ya Ruguru.

Umuvugizi w’Igisirikare cya DRC mu gace ka 34 mu kiswe opération Sukola 2, lieutenant-colonel Guillaume Ndjike Kaiko yemeje aya makuru.

Lt Col Guillaume Ndjike Kaiko yagize ati 'Hari abasirikare ba RDF binjiye ku butaka bwa Congo barenga uduce dutandatu bagera muri metero 200 ku muhanda mukuru wa nimero 2.'

Abatanze ubuhamya bavuga ko hari imiryango yavanywe mu byabo n’amasasu yo gukozanyaho hagati y’Abasirikare b’u Rwanda n’aba DRC bakaba bahungiye mu gace baturanye ka Kibumba.

Bivugwa ko bamwe mu baturage bahunze mu gitondo cya kare nka saa kumi n’imwe ubwo abo basirikare b’u Rwanda barenze Uduce tubiri twa Kitotoma na Kabuhanga turi muri kilometero kimwe uvuye ku mupaka uhuza ibi bihugu byombi.

Radio Okapi ivuga ko abasirikare b’u Rwanda bisanze ku butaka bwa Repubulika Iharanira Demokarasi ya Congo ubwo bari bakurikiye abakora ubucuruzi butemewe bashakaga kwambuka bava muri Congo binjira mu Rwanda.

Umuyobozi w’agateganyo ta Teritwari ya Nyiragongo, Colonel Jean-Marie Malosa Mboma yatangaje ko abo basirikare b’u Rwanda bamaze gusubira mu Gihugu cyabo.

Kugeza ubu Igisirikare cy’u Rwanda ntacyo kiratangaza kuri kiriya gikorwa mu gihe icya DRC na cyo gitangaza ko mu masaha ari imbere kiza gushyira hanze itangazo ritanga amakuru arambuye.

Src : Radio Okapi

UKWEZI.RW

Source : http://www.ukwezi.rw/mu-rwanda/2/article/FARDC-ngo-yakozanyijeho-na-RDF-nyuma-y-uko-hari-Abasirikare-b-u-Rwanda-binjiye-muri-DRC

Mu magambo meza asize umunyu yifurije umukunzi wa Muhire Kevin, Cyuzuzo isabukuru nziza uyu mukinnyi wa Rayon Sports n’Amvubi.

Buri tariki ya 17 Ukwakira, umukinnyi wa Rayon Sports yizihiza isabukuru y’amavuko, kuri iyi nshuro akaba yizihiza isabukuru y’imyaka 23.

Ku munsi w’ejo hashize ku Cyumweru ubwo yizihizaga isabukuru ye, umukunzi we yamubwiye ko ari we muntu wahiriwe ku Isi kuba amufite iruhande.

Ati “Ninjye muntu w’umunyamahirwe ku Isi kuko mfite umuntu mwiza iruhande rwanjye… Biroroshye kujya mu rukundo na we, kuguma mu rukundo na we byoroshye kurushaho… Icyo nkwifuriza ni ukuguma wishimye… Komeza ukore cyane bebe… Isabukuru nziza rukundo, ndagukunda.”

Kevin na Cyuzuzo bamaze imyaka irenga 5 bakundana, gusa urukundo rwabo bakunze kugenda barugira ibanga rikomeye, mu ntangiriro z’uyu mwaka wa 2020 nibwo ibyabo batangiye kugenda babishyira ahabona.

Bamaze imyaka irenga 5 bakundana

Source : http://isimbi.rw/imyidagaduro/article/ninjye-muntu-w-umunyamahirwe-ku-isi-umukunzi-wa-muhire-amwifuriza-isabukuru-nziza-mu-magambo-meza-y-urukundo

Mu nkambi ya Gihembe yari isigayemo impunzi 911, iherereye mu Karere ka Gicumbi, Intara y'Amajyaruguru zimuwe,kuri uyu wa Mbere tariki ya 18 Ukwakira 2021, zimuriwe mu ya Mahama iherereye mu Karere ka Kirehe nk' uko Guverinoma y' u Rwanda yabitangaje.

Aya makuru yatangajwe na Minisiteri Ishinzwe Ibikorwa by'Ubutabazi , ngo abimuriwe i Mahama bahasanze inkambi y'impunzi ikiri nshya kandi idatuwe cyane kuko hari benshi mu Barundi bari barayihungiyemo batahutse.

Ubuyobozi bw'iyi minisiteri mu butumwa banyujije kuri Twitter banditse  bagira bati 'Kwimura impunzi mu nkambi ya Gihembe zikajya gutuzwa mu nkambi ya Mahama bisojwe himurwa impunzi 911 zari ziyisigayemo.'

Kuri ubu 'Hagiye gukurikiraho ibikorwa byo kubungabunga ibidukikije ahari iriya nkambi no mu nkengero zayo. Ikigamijwe ni ugutuza impunzi ahadashyira ubuzima mu kaga bitewe n'uko aho zabaga hashoboraga gushyira ubuzima bwazo mu kaga.'

Ubwo ziriya mpunzi zatangiraga kwimurwa, zagaragaje imbogamizi zo kuba zivanywe ahantu zari zimaze kumenyera ubuzima dore ko zari zihamaze imyaka 24 ndetse bamwe baratangiye kuhashakishiriza imibereho ku buryo hari byinshi bahombye.

Minisiteri ishinzwe Ibikorwa by'Ubutabazi yabamaze impungenge ko aho bimuriwe ari ho heza kandi ko ibikorwa byose byo kubafasha mu mibereho byari muri iriya nkambi bazabisanga mu ya Mahama.

Izi mpunzi zari zicumbikiwe mu Nkambi ya Gihembe, zahunze intambara muri Repubulika Iharanira Demukarasi ya Congo mu 1997 zihungira mu Rwanda.

Abenshi bahungiye muri kariya gace baturutse i Masisi. Bakaba barahunze Repubulika ya Demukarasi ya Congo mu mwaka 1997 kubera intambara yacaga ibintu muri icyo gihe.

Source : https://impanuro.rw/2021/10/18/inkambi-ya-gihembe-yafunzwe-na-guverinoma-y-u-rwanda/

Ibi babihera ku buhamya bwa bamwe mu baterwa inda nk'izo incuro zirenze imwe bavuga ko ibyo bibabaho bagira ngo barebe ko bakomeza guhabwa indezo.
Mukamana Karalisa ni umwe muri abo. Ku myaka 27, ubu ari hafi no kubyara umwana wa kane, kuko uwa mbere yamubyaranye na se wabo ku myaka 16.

Abarizwa mu murenge wa Nyamabuye mu Karere ka Muhanga. Nyuma yo kubyarira iwabo incuro eshatu, ubu byabaye ngombwa ko ahava akajya gucumbika mu kizu kidakingwa aho umukire yamubwiye ngo azajye amucungira urutoki. Avuga ko iwabo batashoboye kwihanganira ko akomeza kuhabyarira. Ibyamubayeho byose abishinja se wabo kuko ari we wamuteye inda ya mbere afite imyaka 20 maze bikagirwa ibanga ngo umuryango utiyandarika.

Mukamana ati “ Kuva data wacu yantera inda ya mbere muri 2010, natangiye guhangayika. Yahise yigira i Kigali, mbyara adahari,binsaba kwita ku mwana njyenyine. ” Akomeza avuga ko yageze aho abura ubushobozi, bityo abasore n'abagabo bakajya bamushukashukisha intica ntikize y'amafaranga ngo bakore imibonano mpuzabitsina, maze na we akayemera kugira ngo abone indezo y'uwo mwana. Ati ” Ni muri ubwo buryo nabyaye umwana wa kabiri ndetse n'uwa gatatu mbitewe no kuvuga ngo ndashaka indezo”.

Bamwe mu baturanyi ba Mukamana basanga iyo aza gufashwa bikwiye atari kuba ageze mu mbyaro enye atagira umugabo
.
Sibomana Inyasi ati ” uriya mwana yari asanzwe yitonda rwose, ntawakekaga ko ashobora kubyara akageza kuri ziriya ncuro zose adafite umugabo. Ubwo yari agize ibyago se wabo akamwangiza, iyo aza gufashwa kurera uriya mwana ntekereza ko atari kongera kubyara rwose ! “

Ibi kandi ni na byo bivugwa na nyir'ubwite usanga abakobwa babyariye iwabo batishoboye bakwiye kujya bahabwa ubufasha kugira ngo babone indezo bityo ntihagire uwabasha kongera kubagusha mu mutego abafatiranyije n'ubukene. Ati ” Ubwo nari ntewe inda mu buryo ntatenyaga iyo nza kubona indezo y'uriya mwana simba narongeye kubyara nka kuriya rwose ! “.

Naho Nyiramana Beyata, wo mu kagali ka Ruli mu murenge wa Shyogwe, we asanga hari abakobwa baterwa inda ya mbere, koko batabiteganyaga ariko bamara kubyara bagakomerezaho ntibabashe kwifata. Ati ” Hari abo bihita bikukiramo bakagendanirako “.

Yatinye indi nda, azibukira indezo

Ibyabaye kuri Mukamana byari bigiye no kuba kuri Nyirabera Spesiyoza w'i Gatenzi mu murenge wa Cyeza naho ho mu karere ka Muhanga. Uyu we avuga ko nyuma yo guterwa inda ku ngufu n'umugabo baturanye, abaturanyi bashatse uburyo babahuza kugira ngo ikibazo kidasakuzwa maze leta ikaba yabizamo. Kubera ko uwo mugabo yari afite urundi rugo yasabwe ko agomba kwita kuri Nyirabera igihe azaba atwite, kandi yabyara akajya atanga indezo ku mwana.

Mu ntangiriro, uwo mugabo (banze kumuvuga izina) ngo yubahirije ibyo yasabwe neza. Nyirabera ati ” Yanyitayeho rwose bishoboka ku buryo nagiye kubyara mfite buri kintu cyose. Ndetse n'aho mbyariye yakomeje kwita ku mwana kugeza agize imyaka ibiri n'amezi ! ” Cyakora ngo ibintu ntibyakomeje kugenda neza. ” Umwana amaze kugera ku myaka ibiri, nyamugabo yatangiye kunzanaho amananiza mu gutanga indezo. Byageze n'aho ambwira ko atazongera kuyimpa niba ntemeye kongera kuryamana na we. “.

Nyirabera ibyo yarabyanze ahitamo kuyoboka iya ” marato ” (isoko ry'abazunguzayi) kugira ngo akomeze kwibeshaho we n'umwana we aho gukomeza kwiteza uwo mugabo washoboraga no kumutera izindi nda hejuru yo kumushako indezo.

Nubwo nta gikorwa ngo abatera abangavu inda bashyikirizwe ubutabera kubera guhishirana no kwanga amakimbirane mu miryango ; inzego zinyuranye zifasha abakobwa babyariye iwabo kwirwanaho birinda gusama izindi.

Urugero mu mwaka wa 2020, bamwe mu bakobwa babyariye iwabo bo mu kagali ka Mbare mu murenge wa Shyogwe batangiye guhabwa imfashanyo zibafasha kwiteza imbere. Muri izo mfashanyo harimo amatungo magufi nk'ingurube n'ihene. Ibi ngo ni ibibafasha kubafasha kwivana mu bukene no kumva ko leta ibitayeho ngo hato batiheba maze bamwe muri bo bakagenderako mu buraya. Gusa ikindi kiba kigamijwe ngo ni ugushaka kurengera ubuzima bw'abo bana baba bavutse ku nda zitateganyijwe.

Muberarugo Beata, ayobora Umoja Sustainable Development Center Rwanda (USDCR) , ikigo gifite umushinga ufasha abakobwa babyariye iwabo ndetse n'ababyeyi babo. Ukorera mu turere ka Musanze na Gatsibo.
Muberarugo avuga ko ikigo ayobora gifite umushinga wigisha abo bakobwa kwiyakira ndetse n'ubuzima bw'imyororokere ngo badakomeza kubyara.

Agira ati, 'Tubigisha uko bakwiyakira kuko ibyababayeho ni ibisanzwe kandi nta garuriro. Twe icyo tugamije ni ugukumira ko bakomeza kubyara, tukabigisha ubuzima bw'imyororokere. Ababyeyi nabo tubigisha kwakira abana babyaye ntibabirukane, kuko bibongerera agahinda k'ibibazo bahuye nabyo byo guterwa inda. Bagomba kubafata neza ntibabahoze ku nkeke. Bagomba no guhindura imyumvire bakigisha abana kuboneza urubyaro, bakikuramo ko ari ukubohereza gusambana'.

Muberarugo anavuga hari gahunda yo kuvugana n'abanyamategeko banyuranye, hagakorwa umushinga wo gufasha abangavu batewe inda gukurikirana abazibateye.

Source : https://umuryango.rw/amakuru/mu-rwanda/ubutabera/article/muhanga-abakobwa-batewe-inda-basabwa-kuterwa-izindi-ngo-bakomeze-guhabwa-indezo

Igikorwa cyo guhitamo umukobwa uzaserukira u Rwanda muri iri rushanwa rya Miss Earth 2021, kirakorwa hifashishijwe ikoranabuhanga,

Abakobwa bashaka kwitabira Miss Earth ni 21 barimo abasanzwe baritabiriye amarushanwa y'ubwiza asanzwe abera mu Rwanda arimo Miss Rwanda, Miss Supranational na Miss Global Beauty Rwanda.

Aba bakobwa barimo Assoumah Mugabekazi witabiriye Miss Rwanda 2019; Vanessa Kankindi uri mu bategura irushanwa rya Miss Career Africa, Liliane Uwingeneye, Gretta Iwacu wabaye Miss Global Beauty Rwanda Congeniality n'Igisonga cya kane.

Hari kandi Sandrine Umubyeyi, Liliane Tumukunde, Sabine Shimwa, Pascaline Umuhoza, Ingrid Bana, Anabella Gwiza;

Hari Anny Muvunyi usanzwe ari Umunyamakuru wa Family Tv, Nadia Umutoniwase wabaye Miss Popularity muri Miss Global Beauty Rwanda ndetse akaba ari n'umukinnyi wa filime, Flora Ineza, Sandrine Hardin na Josine Ngirinshuti.

Harimo Grace Mukandayisenga, Lynda Nkusi, Ange Igihozo, Esther Uwase na Denyse Umugwaneza.

Gutora btangiye kuri uyu wa 16 Ukwakira 2021, bizarangira tariki 19 Ukwakira 2021, ari nabwo hazamenyekana uwahize abandi akegukana ikamba rya Miss Earth Rwanda 2021.

Hazatangazwa kandi umukobwa wegukanye ikamba rya 'Miss Air', 'Miss Water' na 'Miss Fire'. Kugeza ubu, ntiharatangazwa ibihembo bizatangwa.

1.Assoumah Mugabekazi

2.Vanessa Kankindi

3.Liliane UWINGENEYE

4.Gretta Iwacu

5.Sandrine UMUBYEYI

6.Pascaline Umuhoza arashaka iri kamba

7.Léa Umutesi

8.Liliane Tumukunde

9.Sabine Shimwa

10.Ingrid Bana

.Anabella Gwiza

12.Anny Muvunyi

.Nadia Umutoniwase

Denyse Umugwaneza

Gutora n'ukunyura kuri iyi Link https://missearth.inyarwanda.com/

Source : https://umuryango.rw/imyidagaduro/article/ikimero-n-umubwiza-by-abakobwa-20-bari-guhatanira-ikamba-rya-miss-earth-rwanda

Kuri iki cyumweru tariki ya 17 Ukwakira 2021, ba rwiyemezamirimo b'urubyiruko 30 bahagurutse mu Rwanda bajya muri Ghana mu rugendo shuri rwateguwe hagamijwe kwiga uburyo bwo kunoza no guteza imbere imishinga yabo.

Uru rugendo shuri rwateguwe ku bufatanye na Minisiteri y'Urubyiruko n'Umuco, Ambasade y'u Rwanda muri Ghana, Ishami ry'Umuryango w'Abibumbye ryita ku iterambere (UNDP) n'ikigo mpuzamahanga cya Guverinoma ya Koreya gishinzwe ubutwererane mpuzamahanga (KOICA).

Biteganyijwe ko aba ba rwiyemezamirimo bagiye mu rugendo shuri ruzamara icyumweru bazahura na bagenzi babo n'ibigo by'ubucuruzi bito n'ibiciriritse (SMEs) bikora imishinga isa n'iyabo, kugira ngo babigireho uko banoza ibyo bakora, kurebera hamwe uburyo bagirana ubufatanye n'uko bageza ibicuruzwa byabo ku isoko mpuzamahanga.

Uru rubyiruko kandi ruzanitabira ihuriro nyafurika ry'urubyiruko (YouthConnekt Africa Summit) rizabera i Accra muri Ghana guhera tariki ya 20 kugeza kuya 22 Ukwakira 2021.

Imishinga y'uru rubyiruko iri mu byiciro bine ari byo ubuhinzi n'ubworozi no kongerera agaciro ibibikomokaho, Ikoranabuhanga no guhanga ibishya, Ubukerarugendo n'inganda ndangamuco, ndetse no kubungabunga ibidukikije.

Ni ku nshuro ya kabiri hategurwa urugendo shuri rugenewe ba Rwiyemezamirimo b'urubyiruko nk'uru, nyuma y'uko abandi 50 bagiye mu rugendo shuri rwabereye muri Kenya muri 2019.

The post Ba rwiyemezamirimo b'urubyiruko bagiye muri Ghana kwigira kuri bagenzi babo appeared first on Flash Radio TV.

Source : https://flash.rw/2021/10/18/ba-rwiyemezamirimo-burubyiruko-bagiye-muri-ghana-kwigira-kuri-bagenzi-babo/?utm_source=rss&utm_medium=rss&utm_campaign=ba-rwiyemezamirimo-burubyiruko-bagiye-muri-ghana-kwigira-kuri-bagenzi-babo

U Rwanda rushimwa intambwe rwateye mu kubahiriza amasezerano ya Montreal amaze imyaka 5 avugururiwe i Kigali.

Tarikiya 15 ukwakira 2016 i Kigali hateraniye inama ya 28 yahuje abayobozi batandukanye bigaga ku masezerano ya Montreal, agenga ikorwa n'ikoreshwa ry'ibinyabutabire birenga 100 bizwi nka hydrofluorocarbons (HFCs) bikorwa na muntu, bivugwaho kwangiza akayunguruzo k'imirasire y'izuba.

 Icyo gihe hagaragajwe ko Gas (soma Gaze) ikoreshwa n'ibyuma bikonjesha izamura ibyuka byongera ubushyuhe mu kirere.

Iyo nama yasojwe amasezerano ya Montreal avuguruwe, maze ibihugu byiyemeza gukaza ingamba zo kugabanya ibyo byuka.

Perezida Paul Kagame wari witabiriye iyi nama isoza mu myaka 5 ishize, yari yavuze ko amasezerano ya montreal yakijije akuyunguruzo k'izuba anagaragaza ko aya masezerano akomeje kubahirizwa, Isi yarushaho kugira ikirere kinogeye buri wese.

Yagize ati 'Ikinyejana gishize, ibikorwa bya muntu byangije akayunguruzo k'imirasire y'izuba, ariko uyu munsi turashima cyane amasezerano ya Montreal kuko akayunguruzo kari gukira. Ntabwo isi yigeze ikena ahubwo imibereho yabutuye isi yabaye myiza.'

Minisitiri w'Ibidukikije Dr Mujawamariya Jeanne D'Arc avuga ko kuva aya masezerano yasinywa, u Rwanda rwagerageje gushyira mu bikorwa icyo avuga ariko ngo urugendo ruracyari rurerure.

Yagize ati 'Mubyukuri rero aho u Rwanda rugeze ni heza ariko ntituragera aho twishimira, kuko tugomba gukomeza kugabanya ikoreshwa ry'ibyuma bikoresha bene iriya myuka yangiza akayunguruzo k'izuba, ku buryo mu myaka iri mbere mu mpera z'iki kinyejana tuzaba tuvuga ko nta carbon izaba iri mu byo dukoresha byose.'

Umunyamabanga Nshingwabikorwa w'Ubunyamabanga bushinzwe akayunguruzo k'imirasire y'izuba mu muryango w'abibumbye, Megumi Seki ashima intambwe u Rwanda rumaze gutera mu kubahiriza amasezerano ya Kigali, ariko agasaba ibihugu bigera kuri 71 bitarasinya aya masezerano gusinya nk'uruhare rwabo mu kurinda Isi ubushyuhe bukabije.

Megumi Seki yagize ati 'Kuri uno munsi rero twizihizaho imyaka itanu ishize amasezerano ya Kigali asinywe, reka dusabe ibihugu 71 bitarasinya aya masezerano kuyasinya, kugira ngo turusheho kurinda akayunguruzo k'izuba no kurushaho gukaza ingamba zo kurwanya imihindagurikire y'ikirere.'                                                     

Guhagarika ikinyabutabire cya HFC binyuze mu masezerano ya Kigali, byitezweho kugabanya imyuka yongera ubushyuhe mu kirere ingana na toni zisaga miliyoni 105 z'imyuka ya CO2, bikagira uruhare mu kugabanya dogere selisius 0.4 ku gipimo cy'ubushyuhe bw'Isi.

Kugeza ubu ibihugu 127 nibyo bimaze gushyira umukono kuri aya masezerano.

CYUBAHIRO GASABIRA Gad

The post Urugendo ruracyari rurerure mu kubahiriza amasezerano ya Montreal appeared first on Flash Radio TV.

Source : https://flash.rw/2021/10/18/urugendo-ruracyari-rurerure-mu-kubahiriza-amasezerano-ya-montreal/?utm_source=rss&utm_medium=rss&utm_campaign=urugendo-ruracyari-rurerure-mu-kubahiriza-amasezerano-ya-montreal

Ku munsi w'ejo tariki ya 17 Ukwakira 2021 Embrace Africa itegura Miss Global Beauty Rwanda 2021, yasohoye itangazo rivuga ko yafashe icyemezo cyo kwambura ikamba Miss Dorinema Queen warufite ikamba rya Miss Glamour faces world Rwanda 2021, kubera ko 'yitabiriye irindi rushanwa mu gihe agifite ikamba.'

Embrace Africa yavuze ko hashingiwe ku mabwiriza y'iri rushanwa, igisonga cya mbere ari we uhita ufata iri kamba, akazaserukira u Rwanda mu irushanwa mpuzamahanga.

Abategura iri rushanwa kandi bahise batangaza ko Uwase Honorine wabaye igisonga cya mbere, ari we wahise uhabwa ikamba rya Miss Glamour faces world Rwanda 2021.

Ndekwe Paulette uhagarariye Embrace Africa mu Rwanda, yabwiye IGIHE dukesha iyi nkuru ko Dorinema Queen yari azi neza ko atemerewe kwitabira irindi rushanwa, mu gihe acyambaye ikamba.

Dorinema Queen yari ku rutonde rw'abakobwa 22 binjiye mu cyiciro cy'amatora yo kuri internet ari kubera kuri missearth.inyarwanda.com bashaka guserukira u Rwanda mu irushanwa rya Miss Earth rigiye kuba hifashishijwe ikoranabuhanga.

Uyu mukobwa yari kuzaserukira u Rwanda mu irushanwa rizabera muri Vietnam, bivuze ko Uwase Honorine wabaye igisonga cya mbere ari we uzajyayo.

Source : https://umuryango.rw/imyidagaduro/article/impamvu-ikomeye-yatumye-miss-dorinema-queen-yambuwe-ikamba-n-ubuyobozi-bwa-miss