Author: webrwanda

Ni igikorwa cyateye ubwoba abaturage ba Repubulika Iharanira Demokarasi ya Congo (DRC), bamwe barahunga, bavuga ko ingabo z’u Rwanda zinjiye ku butaka bwa Congo.

Ni igikorwa cyamaze umwanya muto ndetse gihuza ingabo ku mpande zombi zikemura ikibazo.

Itangazo Minisiteri y’Ingabo z’u Rwanda (RDF) yashyize ahagaragara rivuga ko ku wa 18 Ukwakira 2021, inzego zishinzwe umutekano mu Rwanda zakurikiye abacuruza magendu bambukiranya umupaka mu Kagari ka Hehu mu Murenge wa Bugeshi mu Karere ka Rubavu.

Abashinzwe umutekano bambukiranyije metero nkeya z’umupaka batabishaka mu gihe bari bakurikiye abo bakora magendu bari bikoreye ibifuka bitazwi bikekwa ko bari bafite n’intwaro.

Iryo tangazo risoza rivuga ko Ingabo z’u Rwanda (RDF) n’Ingabo za DRC bafitanye umubano mwiza kandi bakomeje gufatanya mu bikorwa by’umutekano.

Kuri uyu wa Mbere tariki 18 Ukwakira 2021, nibwo Minisiteri Ishinzwe Ibikorwa by’Ubutabazi yafunze Inkambi ya Gihembe iherereye mu Karere ka Gicumbi yari imaze imyaka irenga 24 icumbikiye impunzi zaturutse muri Repubulika Iharanira Demokarasi ya Congo nyuma yo kumara kwimurira abagera kuri 911 bari bayisigayemo mu Nkambi ya Mahama mu Karere ka Kirehe.

Mu butumwa iyi Minisiteri yanyujije kuri Twitter bwagiraga buti “Kwimura impunzi mu nkambi ya Gihembe zikajya gutuzwa mu nkambi ya Mahama bisojwe himurwa impunzi 911 zari ziyisigayemo.”

“Hagiye gukurikiraho ibikorwa byo kubungabunga ibidukikije ahari inkambi no mu nkengero zayo. Ikigamijwe ni ugutuza impunzi ahadashyira ubuzima mu kaga bitewe n’uko aho zabaga hashoboraga gushyira ubuzima bwazo mu kaga.”

Umuyobozi w’Akarere ka Gicumbi wungirije ushinzwe imari, ubukungu n’iterambere, Nteziryayo Anastase, yahumurije abaturage batuye mu nkengero z’ahari iyi nkambi bari basanzwe bavomayo amazi n’abahivuriza ko ibi bikorwa remezo bizakomeza gukoreshwa nk’uko byari bisanzwe.

Yagize ati “Ibikorwa remezo byari biyirimo by’amazi n’Ikigo Nderabuzima n’ibindi birakomeza gukoreshwa n’abaturage bari bayituriye nk’uko byari bisanzwe. Tugiye kubiganiraho uburyo bizakoreshwa.”

“Ubutumwa tugenewe abaturage, mbere na mbere ni ukubashimira uburyo babanye neza na ziriya mpunzi imyaka 24 kandi tubasaba kubyakira kuko bari baramaze kugirana ubushuti cyane, hanyuma bagakora cyane kugira ngo bazibe icyuho tuza guterwa no kugenda kw’izi mpunzi.”

Impunzi zari zimaze imyaka 24 muri iyi nkambi kuko zahatujwe mu 1997 nyuma yo guhunga intambara n’imvururu byari muri Repubulika Iharanira Demokarasi ya Congo, zimuriwe i Gihembe kubera ko hari harangiritse ndetse hasigaye ari n’ahantu hashobora gushyira ubuzima bw’abahatuye mu kaga.

Ibikorwaremezo birimo ivomo n’ivuriro byasigiwe abaturage baturiye ahari iyi nkambi

Nyirabahire bari gusuzuma basanze afite amashaza kandi atari abizi

Nyirabahire Eudia w’imyaka 30 avuga ko atari azi ko afite uburwayi bw’amaso ariko atarebaga neza, yajya kwivuza bakabura ikintu arwaye, cyakora nyuma yo kwisuzumisha yatunguwe no kubwirwa ko amaso ye yombi yajemo amashaza.

Avuga ko kuba afite imyaka mike atari azi ko yarwara amaso akaba asaba bagenzi be kwihutira kwisuzumisha igihe bumva bafite ikibazo cy’amaso.

Agira ati “Ntabwo nari nzi ko ndwaye amaso ariko bansanganye amashaza, ubundi numvaga ntareba neza ariko bajyaga bashaka uburwayi bakabubura. Abakiri bato ntibakwiye kuguma kwicara kuko ushobora kuba urwaye amaso utabizi, ubu hakurikiyeho kuzanyogereza amaso ngakira”.

Niyondamya Jean Damascene avuga ko amaranye igihe indorerwamo z’amaso ariko zitari zikimufasha ntamenye impamvu kuko yari azi ko indorerwamo z’amaso zihagije ngo umuntu urwaye amaso akomeze ubuzima.

Agira ati “Nsanganwe uburwayi bwo kuba ntashobora kureba ibintu biri kure, nyuma yo kwisuzumisha menye ko izi ndorerwamo zari nk’umurimbo kuri njyewe kuko zitakijyanye n’uburwayi mfite, nyamara numvaga ntazi impamvu ariko bambwiye ko uburwayi bwazamutse hari ibyo tuba twibwira ko turi bazima nyamara nta buzima njyewe ndi umuhamya w’ibimbayeho mu kanya”.

Umuntu wese ufite imyaka hejuru ya 40 akwiye kwisuzumisha amaso

Muganga w’amaso ku bitaro bya Kabgayi, Elisa Emmanuel Hategekimana, avuga ko hejuru y’imyaka 40 buri muntu akwiye kuba yipimisha amaso kuko aribwo uburwayi butangira kwigaragaza.

Aha baba basuzuma ngo barebe niba uburwayi bw’amaso buri inyuma cyane

Ku bantu basanzwe baravuwe amaso batangiye kwambara indorerwamo z’amaso ngo ni ngombwa ko umurwayi yisuzumisha nibura buri myaka itatu kugira ngo barebe niba uburwayi bukigendanye n’indorerwamo yahawe.

Agira ati, “Nibura buri myaka itatu umuntu wahawe indorerwamo z’amaso akwiye kugaruka kwisuzumisha kuko usanga uko agenda akura ari nako uburwayi buhindura isura bikaba byatuma indorerwamo ntakintu zimumarira, ibyo binakorwa ku bana nibura aho umubyeyi akwiye kuzana umwana buri mwaka tukareba niba zikimufasha”.

Muganga Hategekimana avuga ko uburwayi bw’amaso ku bana usanga buterwa ahanini n’ikibazo cy’imihindagurikire y’ikirere, bakishimagura cyane amaso, kureba cyane muri televiziyo na byo ngo bishobora kongerera umwana uburwayi bw’amaso.

Abana bato basabwa kwisuzumisha buri mwaka iyo bahawe indorerwamo

Avuga ko hari abantu benshi batari bazi ko barwaye amaso bakaba batareba neza, no kuba ageze mu myaka y’ubukure hejuru y’imyaka 40 n’abatareba ibintu biri kure.

Agira ati “Uburwayi bwo gukuba amaso, kuteraba ibintu bya hafi, kutareba ibiri kure, amashaza, ni bwo burwayi bukunze kwibasira abaturage, kandi benshi ntibari bazi ko barwaye. Dutunzwe n’aya maso yacu tugomba kuyabungabunga. Hari igihe umuntu aba azi ko areba kandi atareba, n’iyo waba utarwaye ukwiye kuza tukagusuzuma kuko hari uburwayi bwinshi butaryana”.

Umuyobozi w’ishami rivura amaso ku bitaro bya Kabgayi, Dr. Tuyisabe Theophile, avuga ko mu rwego rwo kwirinda ubuhumyi, bamaze icyumweru basuzuma banavura amaso mu rwego rwo kwizihiza umunsi mpuzamahanga wo kurwanya ubuhumyi ahagendewe ku nsanganyamatsiko igira iti ‘Rinda amaso yawe’.

Hategekimana avuga ko umuntu w’imyaka 40 akwiye kwisuzumisha n’iyo yaba yumva nta kibazo afite

Dr. Tuyisabe avuga ko kurinda amaso yawe bitavuze kuyicarana iwawe, ahubwo bivuze ko abantu bakwiye kugana muganga w’amaso kabone n’iyo waba wumva nta kibazo ufite.

Agira ati, “Turasaba abantu ko batakwicara mu rugo bakeka ko ari bazima kuko hari uburwayi bw’amaso buba butagaragara inyuma, no kwirinda ibyangiza amaso birimo no gukoresha birenze, urugero nk’ibikoresho by’ikoranabuhanga”.

Gusomesha amaso ni bwo buryo bwa mbere bwo gusuzuma niba amaso ari mazima

Usoma abanza gupfuka ijisho rimwe agakurikizaho irindi kuko rimwe rishobora kuba rirwaye irindi ari rizima

Urubanza rw’abari bagize P5 na RUD Urunana rwasubitswe kugira ngo Urukiko ruzabanze kumva umuburanyi mushya

Urukiko rwari rwarangije kumva abasanzwe baburana hasigaye isomwa ry’urubanza, ariko kuri uyu wa 19 Ukwakira 2021, Ubushinjacyaha bwa gisirikare bwerekanye Mbarushimana nk’umuburanyi mushya na we wiyemerera ko aziranye n’abari basanzwe muri urwo rubanza.

Ubushinjcayaha buvuga ko Mbarushimana ashobora kuba azanye amakuru mashya muri uru rubanza.

Aba barwanyi bose uko ari 37 bakurikiranyweho ibyaha byo kurema umutwe w’ingabo utemewe cyangwa kuwinjiramo, kugirana umubano na Leta y’amahanga bigiriwe gushoza intambara, gushyiraho umutwe w’abagizi ba nabi no kuwujyamo.

Baregwa kandi icyaha cy’iterabwoba, kugirira nabi Ubutegetsi buriho, ubufatanyacyaha mu bwicanyi, ubufatanyacyaha mu kwiba hakoreshejwe intwaro ndetse n’ubufatanyacyaha mu gukubita no gukomeretsa ku bushake.

Ibyo byaha bishingira ku gitero cyagabwe ku butaka bw’u Rwanda ku itariki 04 Ukwakira 2019 mu Murenge wa Kinigi w’Akarere ka Musanze, bikavugwa ko abateye baturutse muri Repubulika iharanira Demokarasi ya Congo.

Ubushinjacyaha bwa gisirikare buvuga ko bari abarwanyi b’imitwe ya P5 na RUD-Urunana, bakaba baragabye igitero mu Kinigi kigahitana abantu 15 abandi 14 bagakomereka, ndetse bamwe mu bakomeretse bivugwa ko kugeza n’ubu bacyivuza ingaruka z’icyo gitero.

Mu iburanisha ry’uru rubanza mu mizi ryabaye ku itariki 14 na 15 Nzeri 2021, abatangabuhamya bagera ku icyenda bashinje aba barwanyi kubakomeretsa no kubicira ababo, ndetse no gusahura hamwe no kwangiza imitungo yabo, bakaba baregera indishyi.

Ubushinjacyaha buvuga ko 30 muri abo barwanyi bavuye mu mutwe wa P5 boherejwe na Kayumba Nyamwasa, bakaba ngo barazamutse amashyamba ya Congo bavuye mu misozi ya Minembwe muri Kivu y’Amajyepfo bajya gutera u Rwanda baruturutse mu Majyaruguru.

Muri Kivu y’Amajyaruguru ni ho bivugwa ko bahuriye n’abandi barindwi bo mu mutwe wa RUD Urunana bakishyira hamwe. Abo muri P5 bari bayobowe n’uwitwa Sergent Emmanuel Ngirinshuti watorotse ubutabera, mu gihe abo muri RUD Urunana ngo bayobowe na Seleman Kabayija.

Ubushinjacyaha buvuga ko abenshi muri abo barwanyi ari Abanyarwanda bari batuye mu bihugu bya Uganda, u Burundi, Repubulika ya Demokarasi ya Kongo, Malawi n’u Rwanda.

Mbarushimana Aimé Ernest utavuzwe igihe yafatiwe muri Uganda, ntabwo yabashije kuburana kuri uyu wa Kabiri kuko yabwiye Urukiko ko atarabona umwunganizi, kandi akaba ngo adashoboye kumwiyishyurira.

Urukiko Rukuru rwa gisirikare rwahisemo kwimurira uru rubanza ku matariki ya 23-25 Ugushyingo 2021, kugira ngo Mbarushimana abanze abone umwunganira mu mategeko.

Uyu muhango wabereye ku mupaka wa Nemba uhuza u Rwanda n’u Burundi mu Karere ka Bugesera.

Iki gikorwa kije gikurikira ibindi byabanje mu minsi ishize, aho ibihugu byombi guhera muri Nyakanga uyu mwaka byatangiye guhanahana abanyabyaha bafatiwe ku mpande zombi mu rwego rwo kuzahura umubano umaze imyaka itandatu utifashe neza.

U Rwanda nirwo rwatangiye rushyikiriza u Burundi abarwanyi 19 b’umutwe wa RED Tabara urwanya u Burundi, bafatiwe mu ishyamba rya Nyungwe umwaka ushize.

U Burundi nabwo muri Kanama, bwashyikirije u Rwanda abaturage barwo barindwi bafatiwe muri icyo gihugu bambutse binyuranyije n’amategeko.

Muri uko kwezi kandi, u Rwanda rwahaye u Burundi abagabo babiri b’Abarundi bafatiwe ku butaka bw’u Rwanda bacyekwaho kwiba amafaranga y’umucuruzi bakoreraga mu Mujyi wa Bujumbura,

Guhera mu 2018 umutwe wa FLN watangiye kugaba ibitero mu Majyepfo no mu Burengerazuba bw’u Rwanda winjiriye ku butaka bw’u Burundi, ibintu u Rwanda rwakunze kwamagana rwivuye inyuma.

Nubwo Ingabo z’u Rwanda zagiye zisubizayo ibitero by’uwo mutwe, hari hakenewe ubufatanye n’ubushake bwa politiki ku ruhande rw’u Burundi kugira ngo rwizere neza umutekano warwo.

Umubano w’ibihugu byombi wazambye mu 2015 ubwo Pierre Nkurunziza wahoze ari Perezida yatorerwaga manda ya gatatu, igakurikirwa n’imvururu no gushaka kumuhirika ku butegetsi.

Igihugu cye cyakomeje gushinja u Rwanda kwakira abashatse guhirika ubwo butegetsi no kubashyigikira ngo basubire guhungabanya umutekano, ibintu u Rwanda rwamaganye rwivuye inyuma.

U Rwanda kandi na rwo rwashinjaga u Burundi guha rugari abarwanyi b’imitwe yitwaje intwaro irimo FDLR igizwe na bamwe bagize uruhare muri Jenoside yakorewe Abatutsi.

Icyo gihugu kandi cyagiye kiba inzira imitwe irimo FLN yakoreshaga mu kugaba ibitero ku Rwanda, byagiye bihitana inzirakarengane guhera mu 2018.

Abarwanyi ba FLN bashyikirijwe u Rwanda kuri uyu wa Kabiri

Abayobozi ku mpande zombi bari bitabiriye uyu muhango, bashima ubufatanye buri kugaragara hagati y’ibihugu

Umuyobozi ushinzwe Ubutasi bwa Gisirikare mu Ngabo z’u Rwanda (RDF), Brig Gen Vincent Nyakarundi aganira n’abayobozi b’u Burundi

Rusesabagina yeretswe itangazamakuru nyuma y’iminsi ibiri akandagiye ku butaka bw’u Rwanda, aho yageze ashutswe n’inshuti ye magara, Bishop Niyomwungere Constantin.

Uyu musaza w’imyaka 67 yatunguwe no kwisanga i Kigali mu Rwanda [aho yaherukaga mu myaka 2004] mu gihe muri gahunda ye yari yerekeje mu Burundi mu bikorwa byo kuganira n’amadini atandukanye.

Urwego rw’Igihugu rw’Ubugenzacyaha, RIB, icyo gihe rwatangaje ko Paul Rusesabagina akurikiranyweho ibyaha bitandukanye birimo n’iby’iterabwoba.

Ifatwa rya Rusesabagina ryari riherekejwe n’ibimenyetso simusiga bishimangira ukuboko kwe mu ishingwa rya FLN, birimo ibiganiro we ubwe yatanze abyiyemerera ndetse n’ibyo yabwiye urukiko ko yayiteye inkunga y’ibihumbi 20 by’ama-Euro.

Rusesabagina ari muri RIB, ubwo yabazwaga amafaranga yahawe MRCD/FLN yavuze ko atamenya neza umubare ariko ko agera mu bihumbi 300 by’amayero.

Urugero rwa hafi ni ikiganiro yatanze ku wa 16 Nyakanga 2020, hari mbere y’iminsi 45 ngo atabwe muri yombi. Icyo gihe yagarutse ku ishingwa ry’Ishyaka Nyarwanda riharanira impinduka muri Demokarasi (Mouvement Rwandais pour le Changement Démocratique, MRCD).

Icyo kiganiro cy’amasaha abiri n’iminota 38 cyarimo abanyamuryango ba MRCD, cyashyizwe kuri YouTube Channel y’iyi mpuzamashyaka yakurikiranwaga umunsi ku wundi na Espérance Mukashema [wari ukuriye Radio Ubumwe yaterwaga inkunga na Rusesabagina].

Mu rukiko Rusesabagina yiyemereye ubwe ko yahembye Mukashema wa Radio Ubumwe “igihe kitazwi”. Uwo mugore wapfuye yahembwaga amadolari 300 ku kwezi atanzwe na Rusesabagina.

Inkuru y’uko yafashwe ikimara gusakara, video yari yashyizwe kuri YouTube ya MRCD yahise isibwa mu buryo busa no gusibanganya ibimenyetso kuko Rusesabagina yari yamaze gushyikirwa n’ukuboko k’ubutabera.

Agace gato k’iyo video gafite iminota ine n’amasegonda 50 kerekana Rusesabagina asubiza Twagiramungu Faustin [na we ufite Ishyaka RDI Rwanda Rwiza ryari muri MRCD] iby’ishingwa rya FLN no kugena intego yayo.

Icyo gihe yagize ati “Twatangiye MRCD mu Ugushyingo 2016. Twari amashyaka abiri arimo CNRD-Ubwiyunge na PDR-Ihumure. Icyo gihe, CNRD yari iyobowe na Wilson Irategeka; ni njyewe wari uyoboye PDR-Ihumure. Nyuma y’imishyikirano miremire, twumvikanye ko tugiye gushyiraho urwego (platform) ruhuzwa n’ibintu bitanu twari twasezeranye gukorana.’’

“Ibyo bintu bitanu ni kiriya bariya bahungu bakora, ndavuga abo b’iriya ku isambu, icya kabiri ni dipolomasi, icya gatatu cyari ubukangurambaga, icya kane yari itangazamakuru naho icya gatanu ari icungamutungo.’’

Mu mvugo ye nk’aho yakoresheje isambu, yashakaga kuzimiza ariko yari abiziranyeho n’abo bakoranaga.

Rusesabagina ubwo yari mu Bugenzacyaha yavuze ko mu mvugo zabo, bakoreshaga “abahinzi” bashaka kuvuga “abarwanyi”, “amasuka” yasimburaga “imbunda”, “amasasu” bayitaga “utubuyenge” mu gihe ku irasaniro “Champ de Bataille’ hitwaga mu “murima” cyangwa ku “isambu”.

Nyuma yo kwihuza kwa PDR Ihumure na CNRD-Ubwiyunge no gushyiraho umurongo w’ibyo yemera azajya agenderaho, aya mashyaka yashatse andi maboko yo kuyashyigikira.

Rusesabagina yakomeje ati “Twarakoranye noneho mu mpera za 2017, ni bwo abavandimwe bacu bo muri RRM (Mouvement Révolutionnaire Rwandais) ya Callixte Nsabimana bashatse kutwiyungaho, baravuga bati ‘twagira natwe twifatanye namwe noneho plaform yanyu yarimo amashyaka abiri, dukorane turi batatu’.’’

“Muri Werurwe 2018, twagiranye ibiganiro bitaziguye twemeranywa ko tugiye gukorana ndetse tumaze kubyumvikana twaratangiye birashyuha. Icyo gihe ni bwo twavuze tuti aba bahungu bacu, aba basirikare ba MRCD tuzabita bande. Mu nama ya batatu nk’uko nabivuze aribo CNRD-Ubwiyunge, PDR Ihumure na RRM twumvikanye ko tubita FLN. Kuva muri Gicurasi 2018 ni bwo ijambo FLN ryabayeho, ni bwo bariya bahungu biswe FLN. Impamvu twabahaye iryo zina ni uko na RRM yari igiye kuzanamo abayo [barwanyi], kugira ngo tube amashyaka bose.’’

Yavuze ko uko kwihuza ari nako kwatumye habaho MRCD/FLN kuko ‘bumvikanye ko ingabo ari iz’amashyaka atatu’ kugeza ubwo hanakiriwe ‘RDI Rwanda Rwiza’ [ya Twagiramungu Faustin] ku wa 18 Kamena 2019.

Uyu mutwe w’iterabwoba wari umaze kunoza umugambi wawo wo guhungabanya umutekano w’u Rwanda watangiye kurugabaho ibitero bitandukanye.

Abarwanyi ba MRCD/FLN bagabye ibitero mu bice bitandukanye by’igihugu birimo i Nyabimata na Kivu mu Karere ka Nyaruguru, mu ishyamba rya Nyungwe muri Nyamagabe no mu duce dutandukanye tw’Akarere ka Rusizi.

Muri rusange, ibitero bya FLN byaguyemo abantu icyenda, byangirikiramo ibikoresho byinshi birimo ibyasahuwe n’ibyatwitswe.

Rusesabagina ndetse n’abandi 20 bariabarwanyi ba MRCD/FLN bagejejwe imbere y’ubutabera banaburanishwa ku byaha bakurikiranyweho.

Urugereko rwihariye rw’Urukiko Rukuru ruburanisha Ibyaha Mpuzamahanga n’Ibyambukiranya Imipaka rwakatiye Rusesabagina igifungo cy’imyaka 25, runaha Nsabimana Callixte Sankara imyaka 20 rubahamije ibyaha bifitanye isano n’ibikorwa by’iterabwoba byakozwe na MRCD/FLN.

Inkuru bifitanye isano:

– Intambwe ku yindi: Ukuboko kwa Rusesabagina muri politiki, igisirikare no gukusanya inkunga yo gufasha FLN

– Paul Rusesabagina yakatiwe gufungwa imyaka 25, ’Sankara’ ahabwa 20- Uko isomwa ry’urubanza ryagenze (Video)

Na mbere yo gutabwa muri yombi, Rusesabagina yagaragaye mu mashusho yafashwe mu bihe bitandukanye ashimangira ko yagize uruhare mu ishingwa rya MRCD/FLN yagabye ibitero bitandukanye byahitanye ubuzima bw’inzirakarengane ku butaka bw’u Rwanda

Kuri uyu wa Kabiri tariki ya 19 Ukwakira 2021, nibwo byari biteganyijwe ko iburanisha ry’abahoze ari abarwanyi ba P5 na RUD Urunana rikomeza.

Ubwo bari bageze mu rukiko, ubushinjacyaha bwagaragaje umuburanyi mushya uheruka gufatwa witwa Mbarushima Aime Erneste.

Kuri we yari inshuro ya mbere ageze mu rukiko ariko ibyaha akurikiranyweho bigaragara ko bifitanye isano n’ibya bagenzi be 37 kandi na we n’ubwo atemera ko yakoze imyitozo ya Gisirikare mu mashyamba yo muri Repubulika Iharanira Demokarasi ya Congo, ntahakana ko yabaye umuganga w’abandi basirikare ndetse ko abenshi bari mu rukiko abazi.

Mbarushimana yahoze ari umurwanyi wa P5 ariko ubwo bakoraga urugendo rwo kujya kwihuza na RUD Urunana ngo bafatanye umugambi wo gutera u Rwanda banyuze mu Majyaruguru, yari mu basirikare.

Bageze Uvira barashweho n’ingabo za Congo, FARDC, bamwe bakwira imishwaro abandi barimo na Mbarushimana barafatwa bashyikirizwa Monusco.

Mbarushimana yatorotse Monusco yerekeza muri Uganda ari naho yafatiwe ubu akaba yazanwe mu rubanza kugira ngo aburanire hamwe na bagenzi be 37.

Mbarushimana mu kwisobanura kwe yari yasabye ko urubanza rwe rutahuzwa n’urwa bagenzi be kuko batafatiwe.

Yavuze ko atabasha kuburana adafite umwunganira mu mategeko kandi ko atabasha no kumwiyishyurira.

Ku ruhande rw’abaregera indishyi bagaragaraje ko Mbarushimana agomba kuburanishirizwa hamwe na bagenzi be ku bw’inyungu z’ubutabera kandi ko nabo bazategura dosiye ye ijyanye n’indishyi baregera ku bagizweho ingaruka n’ibitero byagabwe mu 2019 mu Majyaruguru y’u Rwanda.

Inteko iburanisha yafashe umwanzuro wo gusubika urubanza kugira ngo Mbarushimana ashake umwunganira mu mategeko cyane ko ashobora no gutanga ibimenyetso bishya ngo kuko hari ibyo avuga bishobora gufatwa nk’ibimenyetso ku byaha bagenzi be bakurikiranyweho.

Hanzuwe ko urubanza rugomba gusubikwa bityo Mbarushimana akazisobanura ndetse n’abo bareganwa bakagira umwanya wo kuba bakongera kwisobanura ku byo ashobora kuzavuga.

Hafashwe umwanzuro ko urubanza ruzasubukurwa tariki ya 23 kugeza 25 Ugushyingo 2021 humvwa Mbarushimana wahujwe na bagenzi be 37.

Bose uko ari 38 bakurikiranweho ibyaha ibifitanye isano n’iterabwoba byo kurema umutwe w’ingabo zitemewe no kuwujyamo, kugirira nabi ubutegetsi buriho, kugirana umubano na Leta z’amahanga, iterabwoba, ubufatanyacyaha mu bwicanyi n’ubujura ndetse n’ubwinjiracyaha mu bwicanyi.

Inteko iburanisha yemeje ko Mbarushimana agomba kuburanishirizwa hamwe na bagenzi be kuko hari ibimenyetso bishya ashobora gutanga

Iburanisha rizasubukurwa ku wa 23 Ugushyingo 2021

‘Organisation ‘A-Bato’ ni ikigo cyita ku bana baturuka mu miryango itishoboye mu rwego rwo kubarinda ihohoterwa iryo ariryo ryose, kubarinda kwishora mu biyobyabwenge n’indi migenzereze itabereye umwana w’Umunyarwanda.

Urugendo rwa Canal+ Rwanda muri iki kigo rwari rugamije gufasha abana 20 bakirererwamo. Mu byo babahaye harimo kubishyurira amashuri umwaka wose no kubaha ibikoresho by’ishuri.

Uretse ibi bikoresho ariko Canal+ Rwanda yageneye iki kigo televiziyo n’ifatabuguzi ribabashisha kureba shene ya Nathan TV yagenewe abana mu buryo bwo kwiga.

Umuyobozi wa Canal+ Rwanda, Sophie Tchatchoua, yagejeje kuri aba bana ndetse n’ababyeyi babo bari bitabiriye uyu muhango, yasabye aba banyeshuri kuzitwara neza abibutsa ko aribo ejo hazaza h’u Rwanda.

Ikindi yasabye ubuyobozi bw’iki kigo, ni ukuzereka abana iyi televiziyo by’umwihariko kuko iriho amasomo meza yafasha abana bakiri bato.

Ati “Ni Shene yashinzwe n’ikigo kizobereye mu kwigisha abana bari hagati y’imyaka irindwi na 12, bigisha neza imibare n’Igifaransa kandi biri ku rwego mpuzamahanga. Ni ahanyu ho gufasha abana gukurikira aya masomo kuko yajya yunganira ibyo biga.”

Sophie Tchatchoua yongeye kwizeza ubuyobozi bw’iki kigo ko bazabahora hafi, cyane ko mu byo Canal+ ikora harimo n’ibikorwa byo gufasha.

Peruth Nzeyimana uhagarariye ‘Organisation A-Bato’ giherereye i Gikondo mu Karere ka Kicukiro, yashimiye Canal+ ku nkunga ibateye.

Yijeje abashyitsi ko inkunga yabo izagira akamaro yaba ku bana ndetse n’ababyeyi muri rusange, kuko benshi mu bana barererwa muri iki kigo ari abaturuka mu miryango itishoboye.

Uyu mubyeyi yongeye gushimira Canal+ ku bwa televiziyo yabahaye n’ifatabuguzi rizafasha abana kwihugura mu masomo binyuze kuri Nathan TV.

Abana 20 bagenewe inkunga na Canal+Rwanda

Umuyobozi wa Organisation ‘A-BATO’, Peruth Nzeyimana

Umuyobozi wa Organisation A-Bato ari kumwe n’umuyobozi wa Canal+ Rwanda, Sophie Tchatchoua

Uwavuze mu izina ry’ababyeyi yashimiye bikomeye Canal+ Rwanda

Umuyobozi wa Canal+ Rwanda yasabye abana kwiga neza kuko aribo Rwanda rw’ejo

Umuyobozi wa Sophie Tchatchoua aganira n’abari muri iki gikorwa

Umuyobozi wa Canal+ Rwanda abasobanurira ibya Nathan TV

Abana bashyikirijwe ibikoresho by’ishuri

Bafatanye ifoto y’urwibutso

Abayobozi ba Canal+ n’abayobozi b’ikigo ‘Organisation A-Bato’