Webrwanda Backend

Author: webrwanda

  • “Umunya Brazil Chrismar Soares ntazatangirana Shampiyona na Rayon Sports “- Masudi Juma #rwanda #RwOT

    Mu kiganiro n'abanyamakuru nyuma yo gutsinda Bugesera FC igitego 1-0 cya Iranzi Jean Claude,umutoza Masudi Juma yatangaje ko Rayon Sports igomba kuza mu myanya 3 ya mbere ndetse yemeza ko hari abakinnyi badahari barimo n'umunya Brazil,Soares.

    Masudi yagize ati 'Dufite ikipe y'abakinnyi 30 nubwo hari abakinnyi 2 batabonye ibyangombwa ariko tuzabagumana.Sinshaka abandi mu kugura abakinnyi ndashaka ko bamenyerana.Buri mukinnyi ku mwanya we.Twubake ikipe ihatana.

    Abakinnyi batabonye ibyangombwa ni Soares[ukomoka muri Brazil] na Vivens ariko abandi barabifite.Ikipe dufite buri wese afite ubushobozi bwo gukina niyo mpamvu twaretse abakiri bato bajya gukina ahandi ngo bamenyere hanyuma Rayon Sports ibagarure.'

    Ageze ku ntego afite muri uyu mwaka w'imikino,Masudi yagize ati 'Ubushize Rayon Sports yabaye iya 7.Karindwi n'umunani ni iya nyuma,nta Rayon Sports igomba iba iya nyuma.Ni ngombwa ko uyu mwaka tuzamuka tukajya mu ikipe 3 za mbere.Bizaterwa n'ikipe ufite'akazi ka komite,abatoza ndetse n'abafana.'

    Umutoza Masudi yavuze ko umunyezamu Kwizera Olivier azakinira Rayon Sports umwaka utaha kuko ngo ari kuganirizwa ndetse ngo mu rutonde rw'abakinnyi 30 bamushyizemo.Ati 'Hasigaye ko harangizwa ibyo bumvikanye gusa.'

    Masudi yavuze ko bafitanye umukino wa nyuma mu ya gicuti bari gukina na Police FC ndetse ngo bazatangira shampiyona kuwa 30 Ukwakira uyu mwaka bari ku rwego rwa 65%.

    Source : https://umuryango.rw/imyidagaduro/imikino/article/umunya-brazil-chrismar-soares-wa-rayon-sports-ntagitangiye-shampiyona-masudi

  • Urujijo ku miryango yasigaye ahahoze inkambi ya Gihembe yafunzwe #rwanda #RwOT

    Abo muri iyi miryango basaba ko inzego zibishinzwe zikwiye kubimurira mu nkambi ya Mahama nk'izindi mpunzi. Gusa abashinzwe kwita ku mpunzi bo bavuga ko abo bashaka kwiyita impunzi kandi ari Abanyarwanda.

    Inkambi ya Gihembe ni imwe mu nkambi zari zimaze imyaka myinshi mu Rwanda.

    Iyo miryango yasigaye mu matongo iragera kuri irindwi igizwe n'abantu 30 biganjemo cyane abana n'abagore.

    Bavuga ko bageze mu nkambi ya Gihembe mu bihe bitandukanye. Hari ababwiye Ijwi ry'Amerika ko bageze muri iyi nkambi mu mwaka wa 2014 abandi bakavuga ko batangiranye n'inkambi yari imaze imyaka 24. Benshi barara bagerekeranye mu nzu ntoya ikikijwe n'amatongo.

    Amakuru Ijwi ry'Amerika dukesha iyi nkuru ikura ku masoko atandukanye yemeza ko ubwo hafungwaga burundu inkambi ya Gihembe kuri uyu wa Mbere, yaba abahagarariye ishami ry'Umuryango w'Abibumbye ryita ku mpunzi HCR ndetse n'abashinzwe ibikorwa by'ubutabazi bari bazi ibibazo by'aba basigaye mu matongo.

    Impande zombi zihuriza ku kuvuga ko abasigaye mu matongo ari Abanyarwanda bashaka kwiyita impunzi kubw'izindi nyungu, cyane ko na bo bemeza ko bafite ibyangombwa birimo indangamuntu z'u Rwanda.

    Bwana Felix Ndayambaje uyobora akarere ka Gicumbi yabwiye Ijwi ry'Amerika ko ku rwego rw'akarere batari bazi iby'aba baturage. Yemeza ko inzego zibishinzwe zizabikurikirana.

    Kuva iyi nkambi ya Gihembe yafungwa burundu ubu hahindutse amatongo. Ni inkambi yari kuri hegitari zisaga 38. Leta y'u Rwanda n'abandi bafatanyabikorwa bavuga ko gufunga iyi nkambi biri mu nyungu z'impunzi z'Abanyekongo kuko zari zituye mu manegeka yashoboraga gushyira ubuzima bwazo mu kaga.

    Ku rundi ruhande ni igihombo ku baturiye ahari hubatswe iyi nkambi ya Gihembe.

    Ubutegetsi butangaza ko bukiri gukora inyigo kugira ngo hamenyekane icyo kuhakorera mu buryo burambye. Hagati aho hamwe muri ho haraba haterwa ibiti birimo n'imbuto ziribwa mu mugambi wo kubungabunga ibidukikije.

    Icyakora ibikorwa remezo byari bihari bifasha impunzi birimo ikigo nderabuzima ndetse n'amashuli byo bizahaguma bikoreshwa n'abanyarwanda nk'uko bitangazwa n'ubutegetsi bw'u Rwanda. Kugeza ubu leta y'u Rwanda irabarura inkambi eshanu z'impunzi zirimo abasaga ibihumbi 127.

    IJWI RY'AMERIKA

    Source : https://umuryango.rw/amakuru/mu-rwanda/ubuzima/article/urujijo-ku-miryango-yasigaye-ahahoze-inkambi-ya-gihembe-yafunzwe

  • Gasabo : Umugore w’imyaka 62 yatwitse moto y’umugabo we w’imyaka 30 kubera kumufuhira #rwanda #RwOT

    Uyu mugore witwa Beatrice asanzwe afitanye ubucuruzi bw’akabari n’umugabo we witwa Kimonyo w’imyaka 30 y’amavuko.

    Ngo uyu mugabo yari yazanye umukobwa uzajya abakorera muri kariya kabari ariko Beatrice akabibonamo ikindi kibyihishe inyuma ngo uriya atari umukozi ahubwo ari ihabara.

    Bamwe mu baturanyi bavuga ko ku mugoroba wo kuri uyu wa Kabiri tariki 19 Ukwakira 2021 biriya ari byo byazamuye intonganya hagati y’umugore n’umugabo dore ko anamushinja kumuca inyuma akajya kwiryamanira n’abakobwa bakiri bato bari mu kigero kimwe.

    Umwe mu baturage yagize ati 'Umugore arakuze kandi umugabo ubona ko ari umusore. Bivugwa ko umugabo amuca inyuma…Uyu munsi yagiye azana umukozi w’umukobwa avuga ko azakora muri ako kabari. Umugore yaje kujya mu nzu asanga basomana, ni ko gufata ibintu byose birimo matela, na moto arafunga ubundi aratwika.'

    Yakomeje agira ati 'Abantu babonye umwotsi upfupfunyutse baratabara. Umukobwa afata ibye arigendera.'

    Uyu muturage avuga ko bishoboka ko umugore yashakaga kubatwika bose bagahira mu nzu 'ngo yavugaga ati 'n’ubundi imitungo yanjye ni yo ikoshya reka nze nkwereke.'

    Nyuma y’ibyabaye umugore yajyanywe kuri RIB.
    Umunyabanga Nshingwabikorwa w’Umurenge wa Jali, Niyomugabo Gregoire yemeje aya makuru.

    Ati 'Byabaye ni umugore watwitse moto y’umugabo we biturutse ku makimbirane. Umugore ari muri RIB kugira ngo barebe icyabiteye.'

    Uyu muyobozi avuga ko nta gihamya y’ibivugwa ko umugabo aca umugore we inyuma nk’uko bivugwa.

    Ati 'Amakuru dufite ni uko hari amakimbirane bari basanganywe nk’umugore n’umugabo kandi RIB irimo kubikurikirana.'

    Source : http://www.ukwezi.rw/mu-rwanda/Amakuru-anyuranye/article/Gasabo-Umugore-w-imyaka-62-yatwitse-moto-y-umugabo-we-w-imyaka-30-kubera-kumufuhira

  • Kamonyi : Ikamyo iturutse Uganda yagonze Abarimu babiri bari bagiye kwigisha umwe ahita apfa #rwanda #RwOT

    Iyi mpanuka yabaye mu gitondo cyo kuri uyu wa Kabiri tariki 19 Ukwakira 2021, yakozwe n’imodoka nini bakunze kwita ifite ikirango cya UAY 866F yavaga Uganda yerekeza muri DRC, itwawe na TWAHA Guremy w’imyaka 42 y’amavuko.

    Nk’uko amafoto abigaragaraza imodoka yataye umuhanda, ihita igonga abanyamaguru 2, bari Abarimu bagiye kwigisha kuri GS Wimana mu Kagari ka Kivumu.

    Sebanani Callixte w’imyaka 29 y’amavuko wari usanzwe akora umwuga w’ubwarimu yahise ahasiga ubuzima mu gihe mugenzi we Kirabo lnidy w’imyaka 25 y’amavuko yakomeretse agahita ajyanwa mu Kigo Nderabuzima cya Musambira.

    Sebanani Callixte witabye Imana, akomoka mu Karere ka Nyaruguru mu gihe Kirabo wakomeretse we akomoka mu Karere ka Kayonza.
    Tuyizere Thaddée, Umuyobozi w’agateganyo w’Akarere ka Kamonyi, avuga ko amakuru y’ibanze agaragaza ko iriya mpanuka yatewe n’uburangare bw’umushoferi ndetse ko yahise atoka akimara gukora iriya mpanuka.

    Yagize ati 'Umushoferi yahise atoroka, bigaragara ko impanuka yatewe n’imiyoborere mibi y’umushoferi.'

    Source : http://www.ukwezi.rw/mu-rwanda/Amakuru-anyuranye/article/Kamonyi-Ikamyo-iturutse-Uganda-yagonze-Abarimu-babiri-bari-bagiye-kwigisha-umwe-ahita-apfa

  • Yamubwiye ko akeneye ubundi bwoko bw’isukari, yerekana ku bice by’ibanga bye – Umutoza watoje Amavubi yakatiwe imyaka 3 #rwanda #RwOT

    Mulutin ‘Micho’ Sredojevic wahoze atoza Amavubi ubu akaba ari umutoza mukuru wa Uganda, yakatiwe n’Urukiko rwo muri Afurika y’Epfo igifungo gisubitswe cy’imyaka 3 nyuma yo guhamwa n’icyaha cyo gukorera ihohotera abagore.

    Uyu mugabo w’imyaka 52, akaba yashinjwaga ibyaha bibiri byose yakoze mu Kuboza 2020.

    Nk’uko ubushinjacyaha bwabitangaje, ni ibyaha yakoze ubwo yari yaje mu mikino ya COSAFA, icyo gihe yari umutoza wa Zambia.

    Bwagize buti 'tariki ya 7 Ukuboza 2020 mu mikino ya COSAFA yabereye Gqeberha, umugore w’imyaka 39, yari azanye ikawa muri Wolfson Stadium, abaza Micho niba akeneye isukari mu ikawa ye, yaramuhakaniye amubwira ko akeneye ubundi bwoko bw’isukari, yerekana ku bice by’ibanga by’uyu mugore, uyu mugore yahise abibwira umukoresha we yihanangiriza Micho.'

    'Nyuma kuri uwo munsi, uwo mugore yongeye gutwara ikawa muri ya Stade, icyo gihe noneho Micho yamufasheho mu buryo budakwiye.'

    Ku munsi w’ejo hashize ku wa Kabiri tariki ya 19 Ukwakira, Urukiko rw’Ibanze rwa Gqeberha (Port Elizabeth) rwasanze ahamwa n’iki cyaha ndetse akatirwa imyaka 3 ariko isubitswe mu gihe cy’imyaka 5. Micho akaba yahise ajuririra iki cyemezo cy’Urukiko.

    Ishyirahawe ry’Umupira w’Amaguru muri Uganda (FUFA) ryatangaje ko uyu mutoza yari yabasabye uruhushya ko hari ibibazo bwite agomba gukurikirana, bikaba byarangiye agiye kugaruka mu kazi agakomeza imirimo ye nk’ibisanzwe.

    Micho yakatiwe imyaka 3 isubitswe mu gihe cy’imyaka 5

    Source : http://isimbi.rw/siporo/article/yamubwiye-ko-akeneye-ubundi-bwoko-bw-isukari-yerekana-ku-bice-by-ibanga-bye-umutoza-watoje-amavubi-yakatiwe-imyaka-3

  • Umugore ibyo yakoreye umugabo we ntibisanzwe (Amafoto) – YEGOB #rwanda #RwOT

    Hashize iminsi hanze aha hakomeza kumvikana amakimbirane yo mu miryango atuma bamwe bahasiga ubuzima ndetse n'imitungo ikangirika .

    Umugore wo mu murenge wa jali mu karere ka gasabo yatwitse motto y'umugabo we irashya irakongoka kugeza naho ntacyo baramuye.

    Nkuko amakuru atugeraho avugako bapfaga amakimbirano yo mu miryango akomeje guteza ibibazo hanze aha.

    Source : https://yegob.rw/umugore-ibyo-yakoreye-umugabo-we-ntibisanzwe-amafoto/

  • Umwana agurishije mama we kuri Messi. – YEGOB #rwanda #RwOT

    Umwana muto ufana Paris Saint Germain yasabye Lionel Messi kumuha umupira we yambara kugirango na we amuhe  mama we umubyara

    Uyu mwana w'umuhungu yagaragaye afashe icyapa gikozwe mu ikarito, yanditseho ngo: 'Leo mpa umupira wawe, ndaguhaye mama.'

    Ni mu mukino PSG yakinagamo na RB Leipzig kuri uyu wa kabiri, aho uyu mukino warangiye aya PSG itsinze ibitego 3 kuri 2 bya Leipzig.

    Source : https://yegob.rw/umwana-agurishije-mama-we-kuri-messi/

  • Nonaha i Nyabugogo : Inkongi y'umuriro irahatwitse harakongoka||umuntu ahiriyemo(Video) – YEGOB #rwanda #RwOT

    Mu masaha y'igicamunsi nibwo habaye inkongi ikomeye I Nyabugogo ahazwi nko ku nyubako y'amashyirahamwe ,aho inkongi y'umuriro yatwitse ahakorerwa amapime harakongoka ndetse umuntu umwe yafashwe n'umuriro asohokamo arimo gushya nkuko bivugwa.

    Ababonye iyo nkongi babwiye ISANO TV ko byari biteye ubwoba kuko hahiye izuba riva ndetse ngo umuriro wari mwinshi cyane.Bavuze ko impamvu y'iyi nkongi ishobora kuba yatewe n'insinga z'amashanyarazi zagize ibibazo, abandi bakemeza ko byatewe na bimwe mu binyabutabire bikoreshwa muri urwo ruganda kuko babivangavanga bagamije kugindura amapine ashaje bakayagira mashya .Bakomeje bavuga ko nyir'uru ruganda yahombye amamiliyoni menshi ,dore ko ngo atari anafite ubwishingizi.

    Source : https://yegob.rw/nonaha-i-nyabugogo-inkongi-yumuriro-irahatwitse-harakongokaumuntu-ahiriyemovideo/

  • Ibyo Kanye West yakoreye amazina ye. – YEGOB #rwanda #RwOT

    Umuraperi Kanye Omari West wamamaye nka Kanye West yamaze kongera izina 'Ye' mu mazina nk'uko yari amaze igihe abiharanira.

    Umucamanza Mukuru w'Urukiko rw'i Los Angeles, Michelle Williams, yamaze kwemeza izina 'Ye' nk'irya Kanye West, nyuma y'ubusabe uyu muraperi yari yatanze muri uru rukiko.

    Ku wa 24 Kanama nibwo Ye yari yasabye ko yakwemererwa n'amategeko ko iri zina ari irye, avuga ko ashaka guhindura izina kubera impamvu ze bwite.

    Kanye West w'imyaka 44 yemerewe Ye nk'izina nyuma yaho muri Kamena 2018 yari yasohoye album yise 'Ye'. No ku mbuga nkoranyambaga niryo yakoreshaga.

    Source : https://yegob.rw/ibyo-kanye-west-yakoreye-amazina-ye/

  • Umutoza w’ikipe y’igihugu ya Uganda yakatiwe… – #rwanda #RwOT

    Kuri uyu munsi ni bwo Urukiko rwa Gqeberha Regional rwakatiye umutoza w’ikipe y’igihugu ya Uganda Milutin Sredojevic Micho igifungo cy’imyaka 5 kubera guhohotera umukobwa ukora mu kabari. Micho ashinjwa ko ubwo yari umutoza w’ikipe y’igihugu ya Zambia, yerekeje muri Afurika y’Epfo mu kabari kamwe ko muri icyo gihugu, agahohotera umugore w’imyaka 39 wakoraga muri ako kabari, ndetse akamusaba ko baryamana.

    Ubwo uyu mugore yamuzaniraga ikawa yabajije Micho niba ashaka isukari, uyu mutoza amubwira ko adashaka isukari isanzwe ahubwo ashaka indi sukari aho yaganishaga ko ashaka ko baryamana. Iki kibazo cya Micho, ishyirahamwe ry’umupira w’amaguru muri Uganda, FUFA ryagize icyo rikivugaho.

    Babinyujije ku mbuga nkoranyambaga zabo, FUFA yatangaje ko Micho aheruka kubasaba uruhushya ababwira ko agiye mu bibazo bye bwite. Bati: “Umutoza wacu yadusabye uruhushya rwo kujya mu bibazo bye muri Afurika y’Epfo, gusa iki kigoroba twumvise ko ibi bibazo byakemutse bivuze ko kuri ubu agomba kuza agatangira akazi.”

    Urukiko rwa Gqeberha Regional rwanzuye ko iki cyemezo bafashe kigomba guhita cyubahirizwa

    Source : https://inyarwanda.com/inkuru/110604/umutoza-wikipe-yigihugu-ya-uganda-yakatiwe-igifungo-cyimyaka-5-110604.html