Webrwanda Backend

Author: webrwanda

  • Malaika yifashishije Miss Aurore mu ibaruwa y… – #rwanda #RwOT

    Uyu mugore yasohoye uyu muvugo ufite iminota itanu n'amasegonda 58' kuri iki Cyumweru tariki 23 Ukwakira 2021, awushyira ku rubuga rwe yise www.malaikauwamahoro.com/videos.

    Amashusho y'uyu muvugo wafashwe mu buryo bwa sinema, wakinnyemo Abanyarwandakazi Mutesi Aurore Kayibanda wabaye Nyampinga w'u Rwanda 2012, Malaika Uwamahoro, Jessica Sendama, Dorcas Uwase na Deborah Umutoni.

    Amashusho yafashwe na Christian Kayiteshonga, umugabo wa Malaika Uwamahoro. Uyu muvugo watangiye gukinwa muri Kamena 2021.

    Malaika Uwamahoro yabwiye INYARWANDA, ko uyu muvugo yawanditse mu 2015 nk'ibaruwa yageneye umubyeyi we, amubwira ko amaze kurambirwa kuba muri Amerika, kubera ukuntu yabonaga abirabura bahezwa, bakicwa umusubirizo ntibanahabwe ubutabera. Akibaza iherezo ryabyo.

    Malaika avuga ko atari rimwe mu ishuri yizemo bafataga umunota wo kunamira abazungu babaga bishwe, ariko agategereza igihe bazafata umunota wo kunamira abirabura bicirwaga ku mihanda n'ahandi agaheba.

    Ati 'Kubera y’uko numvaga ukuntu abazungu bafata abirabura hano bimbangamiye, bituma nabagirira impuhwe ntagirira abazungu iyo bababaye.'

    Akomeza ati 'Mu buzima bwanjye hano mu ishuri muri Amerika, nta munsi n’umwe bari bavuga ngo reka dufate umunota umwe ducecetse kugira ngo twunamire umwirabura wishwe. Ariko haba ikintu ku bazungu bakabyubahiriza.'

    Uyu muvugo urangira umeze nk'indirimbo. Umuziki wumvikanamo wahanzwe na Kristin Mueller bahuriye mu Mujyi wa Abu Dhabi, mu mwaka w' 2019.

    Amashusho y'uyu muvugo, agaragaramo byinshi biri mu muco Nyarwanda nk'imitako y'imigongo n'ibindi.

    Malaika avuga ko uyu muvugo awitezeho kwibutsa abirabura guharanira agaciro kabo, by'umwihariko Abanyarwanda. Ati 'Ndizera ko uyu muvugo uzakora Abanyarwanda ku mitima, n’abantu bose b’abirabura bazisanga muri ubu butumwa.'

    Malaika yamenyekanye kubera imivugo yavugiye mu birori bitandukanye birimo Rwanda Day, Inama Rusange y'Umuryango w'Afurika y'Ubumwe n'ahandi, ndetse akina filime zitandukanye zirimo iheruka kujya hanze yitwa 'Notre Damme Du Nil.'

    Aherutse gukina muri filime 'Umurage' ishingiye ku nkuru mpamo y'umukobwa witwa Mushimiyimana Aline w'imyaka 12 y'amavuko, watewe inda agatereranwa.

    Mutesi Aurore Kayibanda wabaye Nyampinga w'u Rwanda 2012 agaragara mu muvugo witwa 'Black skin' 

    Malaika yavuze ko kuva mu 2015 yashavujwe n'ukuntu abirabura bafatwa nabi muri Amerika, bituma yandikira ibaruwa Nyina amubwira ko ashaka gutaha


     

    Uyu muvugo 'Black skin' ugaragaramo Jesca Sendama, Miss Mutesi Aurore Kayibanda, Dorcas Uwase na Deborah Umutoni



    KANDA HANO UREBE UMUVUGO ‘BLACK SKIN’ WA MALAIKA UWAMAHORO

    “>

    Source : https://inyarwanda.com/inkuru/110771/malaika-yifashishije-miss-aurore-mu-ibaruwa-yandikiye-umubyeyi-we-ku-kuntu-abirabura-bacun-110771.html

  • Sudan: Abatari bake bishwe abandi barakomereka mu myigaragambyo yamagana ihirikwa ry'ubutegetsi #rwanda #RwOT

    Abantu batari munsi ya batatu bitangazwa ko bapfuye naho abandi bagera kuri 80 barakomereka, nyuma yuko abasirikare barashe ku mbaga y'abigaragambya bamagana kuba igisirikare cyafashe ubutegetsi muri Sudan.

    Abigaragambya biraye mu mihanda kuri uyu wa mbere nyuma yuko abasirikare basheshe ubutegetsi bwa gisivile, bafunga abanyapolitiki bakuru mu butegetsi ndetse batangaza ko igihugu cyinjiye mu bihe bidasanzwe.

    Bitangazwa ko abasirikare bagiye bajya mu nzu ku yindi mu murwa mukuru Khartoum, bagata muri yombi abategura imyigaragambyo baho.

    Iryo hirikwa ry'ubutegetsi nkuko BBC dukesha iyi nkuru ibitangaza, ryamaganwe ahatandukanye ku isi, ndetse Amerika yahagaritse imfashanyo ya miliyoni 700 z'amadolari yari igenewe Sudan.

    Jenerali Abdel Fattah Burhan wayoboye iryo hirikwa ry'ubutegetsi, yavuze ko gusubiranamo kwa rwihishwa kw'abanyapolitiki ari ko kwatumye igisirikare gifata ubutegetsi.

    Kuva mu myaka ibiri ishize, nyuma y'imyigarambyo y'abaturage ubwo Omar al-Bashir yahirikwaga n'igisirikare ku butegetsi yari amazeho imyaka 30, abategetsi b'abasivile na bagenzi babo b'abasirikare bakomeje gushyamirana.

    Ubwo ijoro ryagwaga ku wa mbere, umubare munini w'abigaragambya bari bari mu mihanda y'i Khartoum — no mu yindi mijyi — basaba ko ubutegetsi bwa gisivile busubiraho, nkuko bivugwa na Mohamed Osman, umunyamakuru wa BBC mu ishami ritangaza mu Cyarabu, uri mu murwa mukuru.

    Umwe mu bigaragambya wakomeretse yabwiye abanyamakuru ko yarashwe ku kuguru n'igisirkare ari hanze y'ibiro bikuru by'igisirikare, mu gihe uwundi mugabo yavuze ukuntu igisirikare cyabanje gutera ibisasu bya grenade bitari ibya nyabyo byo gukanga, nyuma kikarasa amasasu nyamasasu.

    intyoza.com

    Source : https://www.intyoza.com/sudan-abatari-bake-bishwe-abandi-barakomereka-mu-myigaragambyo-yamagana-ihirikwa-ryubutegetsi/

  • Ibyo Ariel Wayz yakoranye na Juno Kizigenza mu ndirimbo biri ku rundi rwego (video) – YEGOB #rwanda #RwOT

    Mu kanya gato gashize nibwo amashusho y'indirimbo Birenze ya Juno Kizigenza amaze kujya hanze. Ni amashusho agaragaramo Ariel Wayz akaba ari nawe Juno Kizigenza aba arimo kuririmbira ko urukundo amukundo rurenze ndetse ko amukunda bimwe birenze.

    Nkuko abarebye aya mashusho bagiye babivuga ndetse n'ibyagarutsweho mu bitekerezo by'abafana ba Juno na Wayz bavuga ko aba bombi bari mu rukundo ndetse ko banaberanye.

    Ariel Wayz yakinnye neza muri aya mashusho bigaragaza ko ibyo yararimo gukina ari ibintu bimurimo ndetse ko ari n'amanyakuri. Ariel Wayz na Juno Kizigenza ntabwo bajya berura ngo bavuge ko bari mu rukundo gusa amashusho ndetse n'amafoto akunze gusakara ku mbuga nkoranyambaga agaragaza ko bishoboka ko aba bombi bari mu rukundo.

    Ariel Wayz na Juno Kizigenza

    KANDA HANO UREBE AMASHUSHO Y'INDIRIMBO BIRENZE YA JUNO KIZIGENZA

    Source : https://yegob.rw/ibyo-ariel-wayz-yakoranye-na-juno-kizigenza-mu-ndirimbo-biri-ku-rundi-rwego-video/

  • Amashusho y'umunsi: Yverry n'umukunzi we, Vanessa, basohokanye – YEGOB #rwanda #RwOT

    Kuri uyu wa 25 Ukwakira 2021 twabazengurukiye imbuga nkoranyambaga zitandukanye kugirango tubategurire amashusho y'umunsi. Amashusho twabahitiyemo kuri uyu munsi ni aya Yverry n'umukunzi we Vanessa aho bari basohokanye muri hoteli bari gusangira. Ni amashusho yasakajwe ku rubuga rwa instagram.

    Source : https://yegob.rw/amashusho-yumunsi-yverry-numukunzi-we-vanessa-basohokanye/

  • Juno Kizigenza – Birenze (Official video) – YEGOB #rwanda #RwOT

    Source : https://yegob.rw/juno-kizigenza-birenze-official-video/

  • Wa munyarwandakazi w'ibiro 300 mu marira menshi|| burya ntiyegeze abyara. – YEGOB #rwanda #RwOT

    Uwimana Ingabire Jacqueline ni umunyarwandakazi ubayeho mu buzima butangaje ,kuko ari mu bantu bake mu Rwanda bafite ibiro bigera kuri 300.Uyu mubyeyi akaba yahishuye ko ntamwana yigeze.

    Jacqueline utuye mu karere ka Musanze aho akora akazi ko gucuruza mu isoko ariko nanone akagira impano yo gukina amafilime ,yahishuye ko atigeze abyara.Ibi yabitangaje ubwo yatungurwa agakorerwa ibirori by'isabukuru y'amavuko maze kubera ibyishimo agaturika akarira.

    Yavuze ko mu buzima bwe atigeze abona uwamukorera ibirori by'isabukuru ye y'amavuko. Yatangaje ko umugabo we yari yaramubwiye ko nagira imyaka 25 azakorera ibirori bihebuje ,ariko ngo yitabye Imana afite imyaka 23.Jacqueline yavuze ko umugabo we yitabye Imana asiga nta kana amusigiye ariko ko arera abana batagira ababyeyi mbese ko ntamwana we bwite agira.Yongeyeho ko atigeze yifuza kongera gushaka undi mugabo cyangwa ko atabuze umurambagiza ,ngo kuko buri muntu aba afite igeno rye mu buzima.

    Source : https://yegob.rw/wa-munyarwandakazi-wibiro-300-mu-marira-menshi-burya-ntiyegeze-abyara/

  • Ifoto y’icyumweru: Perezida Kagame yagaragaje… – #rwanda #RwOT

    Kuri uyu wa Gatandatu ni bwo Perezida Paul Kagame yizihije isabukuru y’imyaka 64 y’amavuko. Mu masaha macye ashize umukuru w’igihugu yagaragaje ibyishimo yatewe n’umwuzukuru we ku munsi w’isabukuru ye. Iyi foto yashyize hanze, yari ateruye uyu mwuzukuru we ubona anezerewe cyane. 

    Mu masaha macye ashize ni bwo yayishyize ku rukuta rwe rwa Instagram maze ayiherekeza aya magambo ati 'Best part of the birthday”. Mu kinyarwanda ugereranyije ni nk’aho yagize ati: “Iby’ingenzi byaranze isabukuru y’amavuko”. Iyi foto, no ku wa Gatandatu ku munsi nyirizina w’isabukuru ye yayishyize kuri Twitter ayiherekeza ya magambo n’ubundi twagarutseho.

    Icyakora kuri Twitter ho hanagaragara indi foto yashyizeho y’umuryango n’inshuti bitabiriye ibi birori. Yabashimiye uruhare bagize mu gutuma isabukuru ye iba umunsi w’ibyishimo ati”Mwakoze inshuti n’umuryango mwatumye isabukuru yanjye iba iy’ibyishimo”.

    Mu batumye uyu munsi w’amavuko ugenda neza Perezida Kagame yashimiye harimo umufasha we Madamu Jeannette Kagame, umukobwa we Ange Kagame, umukwe we, umwuzukuru we, n’abandi.

    Source : https://inyarwanda.com/inkuru/110761/ifoto-yicyumweru-perezida-kagame-yagaragaje-ibyishimo-yatewe-numwuzukuru-we-ku-isabukuru-y-110761.html

  • Ibibazo 10 ugomba kwibaza mbere yo gutandukan… – #rwanda #RwOT

    Dore ibibazo 10 muba mugomba kwibaza mbere yo gufata umwanzuro wo gutandukana nk’uko byatangajwe n’urubuga Elcrema rutanga inama ku rukundo:

    1.Ese nagerageje ibishoboka byose ngo twe gutandukana?

    Mwagiranye ibihe byiza kenshi kandi igihe kirekire, none ubu, ntakinyikoza. Ahora ambwira ko akazi kabaye kenshi, hakaba nubwo muhamagara ntanyitabe. Ntabwo tukigirana ibihe byiza nka mbere. Mfashe umwanzuro, ngiye gutandukana na we nta nteguza. Oya ! banza ugerageze uko ushoboye, umenye impamvu aguha niba ari ukuri, ndetse unegere inkoramutima zawe zikugire inama. Mbere yo gufata icyemezo cyo gutandunana na we, banza ugerageze ibishoboka byose nibinanirana ube ari bwo ufata umwanzuro wo gutandukana.

    2.Ese dufitanye imishinga yo mu gihe kizaza, dufite icyerekezo kimwe muri gahunda ziri imbere ?

    Reba niba mufite imishinga imwe mu gihe kizaza. Tuzabyarana abana bangahe ? dufite kuzakora iki n'iki mu bihe biri imbere…Niba ubona mudafite icyerekezo kimwe, cyangwa hari ibintu byinshi mutumva kimwe kandi atava ku izima. Aho ushobora kurekana na we niba wumva udashobora kugendera ku murongo aguha cyangwa uwo wowe umuha, cyangwa se ngo mubashe kugirana ibiganiro kugira ngo mwumve ikiri ukuri muzakora cyangwa muzakurikiza mu buzima bwanyu buri imbere.

    3.Ese nidutandukana nibwo nzagira ibihe n'ubuzima bwiza kuruta turi kumwe ?

    Reba niba uko mubanye byibuze ari sawa ahubwo yenda akaba ari wowe udashobotse. Ushobora kurebera ku bandi bagenzi bawe nubwo mu rukundo buri wese akunda ukwe. Ariko gereranya urebe niba nimurekana ari bwo bizakugendekera neza kurushaho.

    4.Ese simfashe icyemezo mpubutse cyangwa imburagihe ?

    Reba neza niba icyemezo ufashe utagihubukiye. Reba niba waragerageje bihagije. Reba niba mu nama inkoramutima zawe zakugiriye waragerageje kuzikurikiza bikanga. Fata umwanya uhagije n'igihe gihagije cyo kubitekerezaho.

    5. Ese mu by'ukuri kuba ngiye gutandukana na we ndi mu kuri cyangwa ni jye munyamafuti ?

    Zirikana yuko niba ari wowe munyamafuti, n'undi muzahura uzongera ugongane na we. Ese kuba tugiye gutandukana aho nticyaba ari ikibazo gishingiye ku bijyanye no gutera akabariro gusa? Aho uzaba uyobye cyane. Gerageza gushaka ubundi buryo mwakemura ikibazo ubundi ibintu bigaruke mu buryo.

    6.Ese niba ari we umpemukira njyewe nshobora kubyihanganira, kumubabarira no kumukosora tudatandukanye ?

    Ashobora kuba akubeshya, aguca inyuma, muri make wumva akugambanira rwose. Niba wumva udashobora kubyihanganira, udashobora kumubabarira, kandi na we akaba atabivaho. Ushobora gufata umwanzuro rwose mugatandukana mu gihe ari wo muti usigaye wonyine.

    7.Ese umuryango wanjye turabyumva kimwe ?

    Mu kinyarwanda baravuga ngo umutwe umwe wifasha gusara ntiwifasha gutekereza. Banza urebe niba abo mu muryango wawe ba hafi babyumva kimwe nawe. Urugero, nka mama wawe, mwene nyoko wibonamo,ariko nanone ukabigiramo ubwenge kuko ushobora gusanga abo bakurusha cyangwa bamurusha amafuti.

    8.Ese si jye nyirabayazana ?

    Ni ngombwa rwose kwisuzuma ukongera ukisuzuma ukareba neza niba atari wowe uteza amahane. Mbese ko atari wowe nyiri amafuti no kutabana neza. Ubundi rero nuvumbura ko ari wowe nyirabayazana, wikosore, nusanga atari wowe…

    9.Ese ubundi nzabasha kumureka neza neza ?

    Abenshi bafata bene uyu mwanzuro, ariko ejo bagatangira kwirirwa barira cyangwa bagata umutwe bumva bashaka gusubirana na bo batandukanye. Mbese bakumva batabaho batabana na bo batandukanye. Ni ngombwa rero kureba niba ufite imbaraga zo gufata icyemezo ukanagishyira mu bikorwa.

    10.Ese ubundi nubwo nshaka gutandukana na we ubundi ndacyamukunda cyangwa ntakimbamo ?

    Niba wumva ukimukunda, ukifuza kumubona mu maso mubyutse, ukifuza kumupfumbata, nyamuneka itonde kurekana na we !! niba wumva ntacyo akikubwiye, wabona nawe utakimukunda, mbese utakimwibonamo, aho urumva iyo bijya.

    Source : https://inyarwanda.com/inkuru/110772/ibibazo-10-ugomba-kwibaza-mbere-yo-gutandukana-numukunzi-wawe-110772.html

  • Ibintu bigaragaza ubudahemuka bw’Imana mu buzima bwacu/Dieu est fidele par excellence en toute chose || Pastor Musoni Desire #rwanda #RwOT

    Source : https://agakiza.org/Ibintu-bigaragaza-ubudahemuka-bw-Imana-mu-buzima-bwacu-Dieu-est-fidele-par.html

  • Uganda: Urukiko rwanze gufungura abadepite batavuga rumwe n'ubutegetsi #rwanda #RwOT

    Urukiko rwa Masaka rwanze gufungura hatanzwe ingwate abadepite babiri bo mu ishyaka NUP batabona ibintu kimwe na leta ya Uganda kuko byabangamira iperereza.

    Ba depite Muhammad Segirinya na Mugenzi we Allan Sewanyana bafunzwe bakekwaho ubwicanyi no gutera inkunga iterabwoba  mu ntara ya Masaka

    Ikinyamakuru Daily Monitor cyanditse ko umucamanza yavuzeko aba bagabo babiri bafite amazina aremereye muri rubanda kandi basanzwe ari abadepite mu nteko ishinga amategeko, ku buryo kubarekura byatuma iperereza ryigenga ribangamirwa.

    Bamwe mu banyapolitiki batavuga rumwe n'ubutegetsi buriho muri Kampala bavuga ko aba bagenzi babo bafunzwe ku itegeko rya perezida Museveni kandi bashinjwa ibyaha bihimbano.

    Mu ntara ya Masaka hamaze iminsi ubwicanyi bukoreshejwe imihoro bwahitanye abantu barenga 30 bikekwa ko aba badepite babwihishe inyuma.

    Amategeko ya Uganda ateganya ko ukekwaho icyaha cy'ubwicanyi aburanishwa n'urukiko rukuru kandi igihano gihabwa ubihamijwe ni ukwicwa anyonzwe.

    Perezida Museveni aherutse gutangaza ko nta ngwate ikwiye gutangwa kubakekwaho ibyaha by'ubugome kuko byakurura uburakari mu baturage bakihorera, ariko abatavuga rumwe nawe bavuze ko ari uburyo bwo kumvisha abamunenga.

    Hagati aho umutwe w'iterabwoba wa Islamic States ukorera muri Afrika yo hagati wigambye igitero cy'iterabwoba cyahitanye abantu babiri kigakomeretsa abandi babiri muri Uganda m umujyi wa Kampala.

    Iki gitero kibaye nyuma yaho u Bwongereza bwari buherutse kubwira Uganda kuba maso ko yaterwa n'ibyihebe.

    The post Uganda: Urukiko rwanze gufungura abadepite batavuga rumwe n'ubutegetsi appeared first on Flash Radio TV.

    Source : https://flash.rw/2021/10/25/uganda-urukiko-rwanze-gufungura-abadepite-batavuga-rumwe-nubutegetsi/?utm_source=rss&utm_medium=rss&utm_campaign=uganda-urukiko-rwanze-gufungura-abadepite-batavuga-rumwe-nubutegetsi