Webrwanda Backend

Author: webrwanda

  • Bweyeye: umugore watsindiye uruhushya rwo gutwara imodoka yabaye ikiganiro kuri Twitter. – YEGOB #rwanda #RwOT

    Umugore wagaragaye ku ifoto bivugwa ko ari wa mbere watsinze ikizamini cy'uruhushya rwa burundu rwo gutwara ibinyabiziga i Bweyeye mu Karere ka Rusizi, yavugishije benshi ku mbuga nkoranyambaga.

    Ni ifoto yashyizwe ku rubuga n'Umunyamakuru Ingabire Egidie Bibio aho bigaragara ko na we ari ifoto yakuye ahantu yari yatanzweho igitekerezo ko uwo mugore witwa Uzayisenga Marthe abaye umugore wa mbere wegukanye ruriya ruhushya rwa B.

    Ingabire Egidie Bibio yagize ati 'Ishimwe kuri Polisi y'u Rwanda. Uyu mugore wanditse amateka muri Bweyeye arashima.'

    Gatete Nyiringabo Ruhumuriza na we ukunze gukoresha imbuga Nkoranyambaga, akaba abarwa nk'umwe mu bazifiteho ijambo mu Rwanda, yahise avuga ko kuba uriya mugore yabonye uruhushya rwa Burundu rwo gutwara ibinyabiziga bigiye kumusubiza inyuma.

    Mu butumwa busubiza buriya bwa Bibio, uyu Gatete Ruhumuriza yagize ati 'Mushobora gutekereza ko ari ikintu kiza ariko uyu mubyeyi ntazongera guhinga agiye kwimukira i Kigali ubundi ashake akazi kari hagati y'Ibihumbi 80 n' 100 mu gihe gukodesha inzu nto ari ibihumbi 30 kandi akaba agiye no gusiga abana be.'

    Thanks @Rwandapolice
    Uyu mugore wanditse amateka muri Bweyeye arashima🙏🏾 pic.twitter.com/Me5KcDKVse

    — Ingabire Egidie Bibio (@EgidieBibio) November 4, 2021

    Source : https://yegob.rw/bweyeye-umugore-watsindiye-uruhushya-rwo-gutwara-imodoka-yabaye-ikiganiro-kuri-twitter/

  • Umugore wanjye, ubuzima bwanjye – Umunyamakuru Janvier Popote wasezeranye imbere y’amategeko (AMAFOTO) #rwanda #RwOT

    Umunyamakuru Janvier Popote ukorera Isango Star, akaba azwi mu ruganda rw’imyidagaduro, yasezeranye imbere y’amategeko n’umukunzi we Ayinkamiye Allen.

    Uyu mugabo uri mu bakunzwe cyane aho ari no mu bavuga rikijyana ku mbuga nkoranyambaga bazwi nka 'Influencer’ mu rurimi rw’amahanga, yasangije abamukurikira amafoto y’uyu muhango wabaye ku munsi w’ejo hashize ku wa Kane.

    Aya mafoto yaherekejwe n’amagambo agira ati 'umugore wanjye, ubuzima bwanjye. Niringiye ibyiza muri uru rugendo rushya.'

    Uyu muhango wabereye mu Karere ka Kicukiro mu Murenge wa Niboye. Biteganyijwe ko ubukwe bwabo nyirizina buzaba tariki ya 14 Ugushyingo 2021.

    Gusezerana imbere y’Imana bizabera muri Relax Garden ari n’aho abatumiwe bazakirirwa, ni nyuma y’umuhango wo gusaba no gukwa uzaba wabereye i Kanombe.

    Ababyeyi be bamwise Nshimyukiza Janvier, yaje kwamamara mu itangazamakuru yatangiye muri 2011 nka Popote. Afite impamyabushobozi y’icyiciro cya kabiri cya Kaminuza mu Itangazamakuru n’Itumanaho yakuye muri Kaminza y’u Rwanda muri 2013.

    Urutse uruganda rw’imyidagaduro yamamayemo, akaba ari n’umunyamakuru w’inkuru z’Ubutabera n’Ubuzima.

    Popote yamanitse akaboko arahirira kuzabana akaramata na Ayinkamiye Allen

    Ati “Ayinkamiye ni wowe amaso yanjye adahaga kureba, cyo ndebe nkukamire Bihogo nkogeze na Sine”

    Ayinkamiye Allen umukunzi yemeye kuba umugore wa Popote

    Source : http://isimbi.rw/imyidagaduro/article/umugore-wanjye-ubuzima-bwanjye-umunyamakuru-janvier-popote-wasezeranye-imbere-y-amategeko-amafoto

  • Umukinnyi arimo kuririra mu myotsi nyuma yo kwandika imitungo ye ku nkumi birangira imukoreye ibintu bibabaje. – YEGOB #rwanda #RwOT

    Umukinnyi ari mu mamarira nyuma yo kwandika imitungo ye ku mukobwa yihebeye birangira imuhemukiye.

    Tendai Ndoro, yari afite urukundo rwa nyarwo bimwe bita urw'indani', yakundaga umukunzi we Thando Maseko ariko aza kugwa mu kantu ubwo uwo yitaga umukunzi we amwigaritse akamutwara imitungo, ibyabo byo gufatanya ubuzima bikarangirira aho. Uyu musore w'imyaka 36 bivugwa ko yanditse imitungo ye mu izina ry'umukunzi we ukomoka muri Afurika y'Epfo.

    Ndoro n'umukunzi we w'umunyamideli, bakundaga kuba muri Afurika y'Epfo mu buzima buryoshye mu gace ka Kyalami i Johannesburg, nyuma yo gutandukana kwabo, bivugwa ko uyu mukinnyi w'umupira w'amaguru yatakaje imodoka zose zirenze imwe ndetse n'inzu ye yari yaranditse ku mazina y'umukunzi we kuko yabonaga atazamutenguha.

    Ni inkuru yerekana akababaro k'uyu mukinnyi Tendai Ndoro yatambutse mu binyamakuru bitandukanye nka Zwnews n'ibindi. Amakuru akomeza avuga ko uyu mukobwa asanzwe ari umunyamideli, yashakaga imitungo akaba yarakoresheje iturufu yo kumwereka ko amukunda byahebuje hanyuma akamuha imitungo yayibona akamwereka munsi y'ikirenge.

    Source : https://yegob.rw/umukinnyi-arimo-kuririra-mu-myotsi-nyuma-yo-kwandika-imitungo-ye-ku-nkumi-birangira-imukoreye-ibintu-bibabaje/

  • Abajenosideri Protais Mpiranya, Fulgence Kayishema na nagenzi babo, nibashake bazihishe munsi y'urutare bazashakishwa uruhindu kugeza bafashwe #rwanda #RwOT

    Aya ni amagambo y'Umushinjacyaha Mukuru w'urwego rwahawe inshingano zo kurangiza imirimo yasizwe n'Urukiko Mpuzamahanga Rwashyiriweho u Rwanda, Serge Brammirtz, ubwo kuri uyu wa kane yasozaga urugendo mu gihugu cya Zimbabwe, binavugwa ko ariho umujenosideri Protais Mpiranya yihishe.

    Mu ruzinduko rugamije guta muri yombi Mpiranya, Bwana Brammertz yanabonanye na Visi-Perezida wa Zimbabwe, Constantino Chiwenga, wanamwijeje uruhare rwe mu ifatwa ry'uyu mwicanyi Mpiranya. Serge Brammertz kandi yanabonanye n'abahagarariye ibihugu byabo muri Zimbabwe, abasaba gushyira igitutu kuri icyo gihugu, kikareka gukomeza gukingira ikibaba umujenosideri Protais Mpiranya.

    Biteganyijwe kandi ko kuva tariki 08 kugeza kuya 09 muri uku kwezi, Serge Brammertz azaba ari mu gihugu cy'Afrika y'Epfo, ahavugwa ba ruharwa benshi, barimo Fulgence Kayishema, warimbuye imbaga y'Abatutsi mu yahoze ari Komini Kivumu, ubu ni mu karere ka Ngororero, aho yari umugenzacyaha.

    Izi ngendo Umushinjacyaha Mukuru Serge Brammertz arazikora mu gihe agomba kugeza raporo ku Kanama Gashinzwe Amahoro ku Isi, muri uku kwezi k'Ugushyingo 2021, raporo igaragaza ibyakozwe n'ibigikenewe ngo abakekwaho uruhare muri Jenoside yakorewe Abatutsi bashyikirizwe ubutabera.

    Protais Mpiranya wari ukuriye umutwe w'abasikikari barinda Perezida Habyarimana, akurikiranyweho kuba yarahaye 'abajepe' yategekaga, amabwiriza yo kwica Abatutsi n'abandi batavugaga rumwe n'ingoma ya Habyarimana, barimo na Nyakwigendera Agata Uwiringiyimana wari Minisitiri w'Intebe. Impapuro zo kumufata kimwe n'izo gufata Fulgence Kayishema zimaze imyaka myinshi zaratanzwe, ariko Zimbabwe n'Afrika y'Epfo bibacumbikiye bikomeza kuvunira ibiti mu matwi .

    Gufata no kuburanisha abagize uruhare muri Jenoside yakorewe Abatutsi, ni inshingano za buri gihugu. Nyamara, rwaba Urukiko Mpuzamahanga Rwashyiriweho u Rwanda, rwaba n'urwego rwahawe inshingano zo kurangiza imirimo y'uru rukiko, byose ntibyahwemye kugaragaza ubushake buke buranga ibihugu bicumbikiye abajenosideri. Muri ibyo bihugu, harimo ibyo muri Afrika nka Uganda, Repubulika Iharanira Demokarasi ya Kongo, uBurundi, Zimbabwe, Zambiya, Malawi, Afrika y'Epfo n'ibindi, hakiyongeraho ibyo mu mu burengerazuba bw'isi nk'Ubufaransa, Ububiligi, Ubwongereza , Ubuholandi, Leta Zunze Ubumwe z'Amerika n'ibindi.

    Kuva Serge Brammertz yagirwa Umushinjacyaha Mukuru w'urwego rushinzwe kurangiza imirimo y'Urukiko Mpuzamahanga Rwashyiriweho u Rwanda, yashyize imbaraga nyinshi mu gushakisha no gufata abakekwaho uruhare muri Jenoside yakorewe Abatutsi. Mu bamaze gufatwa harimo na Kabuga Felisiyani, umuterangunga wa Jenoside, wari umaze imyaka myinshi abundabunda hirya no hino ku isi, akaza gufatirwa mu Bufaransa mu mwaka ushize wa 2020. N'abandi rero, nk'uko Bwana Serge Brammertz abivuga, ngo nibashaka bihishe munsi y'urutare, amaherezo bazaryozwa amabi bakoreye inyokomuntu, kuko icyaha bakoze kidasaza.

    The post Abajenosideri Protais Mpiranya, Fulgence Kayishema na nagenzi babo, nibashake bazihishe munsi y'urutare bazashakishwa uruhindu kugeza bafashwe appeared first on RUSHYASHYA.

    Source : https://rushyashya.net/abajenosideri-protais-mpiranya-fulgence-kayishema-na-nagenzi-babo-nibashake-bazihishe-munsi-yurutare-bazashakishwa-uruhindu-kugeza-bafashwe/?utm_source=rss&utm_medium=rss&utm_campaign=abajenosideri-protais-mpiranya-fulgence-kayishema-na-nagenzi-babo-nibashake-bazihishe-munsi-yurutare-bazashakishwa-uruhindu-kugeza-bafashwe

  • Ibyavuzwe nk'ubukwe bwa Marina birashyize biramenyekanye neza – YEGOB #rwanda #RwOT

    Hashize iminsi tubabwiye inkuru yuko Marina yakoze ubukwe, ni nyuma yuko hari hamaze kujya hanze amashusho agaragaza Marina mu ikanzu y'abageni aho yarari kumwe na Yvan Muziki.

    Kuri ubu ibi byamaze kujya mu mucyo ko Marina na Yvan Muziki bari barimo gukora amashusho y'indirimbo yabo nshya, ni indirimbo bise Urugo ruhire remix akaba ari indirimbo basubiranyemo n'umuhanzi Masamba Intore.

    Source : https://yegob.rw/ibyavuzwe-nkubukwe-bwa-marina-birashyize-biramenyekanye-neza/

  • Yaka Mwana yavuze ibyo akora iyo amaze gusinda agahura n'indaya (video) – YEGOB #rwanda #RwOT

    Yaka Mwana yavuze ibyo akora iyo amaze gusinda agahura n'indaya. Ni mu kiganiro yagiranye n'imwe muri Televiziyo zikorera kuri YouTube.

    Nkuko Yaka Mwana yabitangaje yavuze ko iyo amaze gusinda agahura n'indaya ayiha telefoni ye kugirango ikunde imuhe ku bintu, iyi akaba ariyo mpamvu Yaka atajya atunga telefoni. Yaka yongeyeho ko atajya arobanura indaya arongora kuko aba yasinze ndetse ngo rimwe na rimwe ajya yibagirwa gukoresha agakingirizo akamanukira aho.

    Source : https://yegob.rw/yaka-mwana-yavuze-ibyo-akora-iyo-amaze-gusinda-agahura-nindaya-video/

  • #VaKuriNgenzi: Gaga Daniel yagize icyo avuga… – #rwanda #RwOT

    Mu kiganiro na InyaRwanda.com, Ngenzi ubwo yabazwaga niba yabonye ibiri gucicikana kuri we ku mbuga nkoranyambaga cyane cyane kuri Twitter, yabwiye umunyamakuru ko rwose yabibonye ndetse ko nawe biri kumusetsa cyane. Gusa yavuze ko ubaye utabizi bishobora kugukomeretsa cyane ko iyo umenyereye uruganda rw'imyidagaduro ndetse uzwi n'abantu benshi hatabura ibikuvugwaho byaba byiza cyangwa ibibi ndetse hari n'ababirema.

    Yagize ati'' Nabibonye rwose, kuri njyewe nta kibazo binteye rwose nabyakiriye neza kuko buri gihe cyose iyo ufite icyo ukora umenyerewemo rimwe na rimwe uwakuvuga, yaba akuvuzeho ibintu byiza yabivuga, yaba akuvuzeho ibintu bibi yabivuga uwarema icyo aricyo cyose yakirema ni ibintu bibaho kuri buri muntu wese”.

    “Ni ibintu byiza utabizi bishobora kuba byagukomeretsa, uri umuntu utazwi n'abantu benshi byagutera ikibazo ariko iyo ubizi ikintu nk'icyo kikaba uracyakira. Rero kuri njyewe nta kibazo na kimwe byanteye hari nanjye ibyo ndikureba umwuka ukenda kunshyiramo ngaseka cyane ndabashimira rwose urukundo rwabo ndabashimira cyane.''

    Ngenzi yavuze ko ari umuntu usanzwe

    Ku rubuga rwa Twitter twibanzeho cyane, Ngenzi ari kuza imbere mu bigezweho biri kuvugwa mu Rwanda, ndetse benshi bari gutera urwenya bakurikije uko bamuzi muri filime zitandukanye yakinnyemo. Uyu mugabo muri filime nyinshi agaragaramo ari umugabo w'amahane menshi kandi w'umugome cyangwa umugambanyi.

    Kubera ukuntu akunze kugaragara muri filime ni ho abakoresha Twitter mu Rwanda batangiye kumutaramiraho. Bose bari gutebya bagaragaza ibintu bidahuye. Hari nk'uwifashishije ifoto y'uyu mugabo arangije ati 'Ngenzi iyo imvura imuguyeho, niyo inyagirwa.'

    Ngenzi uburyo agaragara bukunda gutungura benshi bagakeka ko ari umugome

    Uwitwa @bahizi_brice we yanditse ati 'Ngenzi ashobora kwica umuntu kubera kumureba gusa. Abanyabigwi bavuga ko yigeze kwica urupfu ubwarwo ndetse yabikoze n'urutoki rumwe.' Hari uwanditse agaragaza hari igihe ahamagara umurongo wa Polisi umuntu akoresha afite ikibazo akeneye ko imufasha, Ngenzi we akawuhamagara ashaka kumva ko bameze neza gusa.

    Hari n'undi wanditse ati 'Ngenzi ntabwo akenera guhumeka, ahubwo guhumeka biramukenera.' @mugisha885 yanditse agaragaza ko Ngenzi yigeze kuvuga ijambo nabi, inkoranyamagambo yose igahindurwa. Ati 'Ngenzi rimwe yigeze kuvuga ijambo nabi, bahita bahindura inkoranyamagambo.'

    Undi yanditse agaragaza ko Ngenzi yigeze kujya mu bitaro aho kugira ngo avurwe bikarangira avuye abaganga mu byumweru byinshi. Uwitwa @Musekere1 we yanditse ati 'Ngenzi iyo aje kugusura iwawe, birangira ari wowe uhindutse umushyitsi.'

    Kuri Ngenzi we asanga ubugome bumuvugwaho atari bwo ndetse ko ubuzima bwose busanzwe abubamo yaba ubwiza, kuraka no kwishima. Yavuze ko ari umuntu usanze nk’abandi ndetse ko ibibabaho nawe bimubaho ndetse n’ibibaranga nawe akaba ari byo bimuranga mu buzima bwe bwa buri munsi. Ngenzi kandi yashimiye abakunzi be ndetse n'abakunzi ba Cinema muri rusange avuga ko ubu ari kubategurira ibintu byiza aha umukoro abibaza niba adakora abashishikariza gusimbukira ku mbuga nkoranyambaga ze zirimo Intagram, Facebook, Twitter n'izindi akoresha izina Gaga Daniel.

    Source : https://inyarwanda.com/inkuru/111121/vakuringenzi-gaga-daniel-yagize-icyo-avuga-ku-bikomeje-kumuvugwaho-kuri-twitter-anasubiza–111121.html

  • Adekunle Gold yakomoje kuri Simi no gushora i… – #rwanda #RwOT

    Adekunle Gold yageze mu Rwanda mu ijoro ryo kuwa 03 Ugushyingo 2021 aho yaje gukora igitaramo cyateguwe na RG ku bufatanye n'abafatanyabikorwa banyuranye. Mu kiganiro yagiranye n'itangazamakuru kuri uyu wa 04 Ugushyingo 2021, yatangaje ko ashobora kuba yashora mu Rwanda ariko anasa n’uca amarenga y’uko nyuma y'igitaramo yazafata umwanya wo gutembera.

    Yatangiye kuri iyi ngingo ijyanye no kugura ubutaka cyangwa gushora asa n’utebya ubundi yinjira neza mu cyo bimusaba, anaboneraho gusobanura ibyo yari azi ku Rwanda ati:'Nimubumera ubuntu (ubutak) ariko nyine ndavuga birashoka gusa biransaba kubanza kuhatembera. U Rwanda rero nagiye numva ko ari igihugu cyuje icyizere muri Africa, rugizwe n'imisozi kandi n'uburyo Guverinoma  yaho ari indashyikirwa.'

    Abajijwe ku bijyanye n'amakuru avuga ko yaba yaraguze imodoka ya mbere afite imyaka 12 akayigura amafaranga akoreshwa muri Nigeria agera ku bihumbi 450, mu manyarwanda akaba agera kuri Miliyoni 1.1, ntiyifuje kugira icyo abivugaho ati: 'Uwo ntabwo ari njyewe.' Nyamara mu mwaka wa 2016 yari yatangarije ikinyamakuru Punchng.com ko iyi modoka yayiguze akayikoresha imyaka 2.

    Amakuru avuga ko iyo modica yaje kwangizwa n'inshuti ye, ubwe akayitunganya akayigurisha ku giciro kiri hasi gato y’icyo yari yayiguze. Adekunle wasoje amasomo ya kaminuza mu bijyanye n'ubugeni (graphic design), yemeje ko abikunda cyane kurusha ibindi byose kandi n'ubu akibikora.

    Yagize ati:' Ariko ndi umuntu wihebeye ibijyanye n'ubugeni kurusha ibindi byose kuko nabukoze mbere y’uko ntangira umuziki n'ubu kandi ndacyabukunda  ku buryo nikorera ibintu byose ubwanjye binyamamaza (posters).'

    Adekunle yanaboneyeho gutangaza ko kugeza ubu umugore we Simi w'umuhanzikazi nawe babanye mu mwaka wa 2019 banafitanye umwana umwe w'umukobwa ndetse bose akaba ari abanyamwuga kuba ari abanyamuziki bityo ko ntacyo bishobora guhungabanya ku mibanire yabo kimwe n'imibereho y'urubyaro rwabo.

    Kuri uyu wa 05 Ugushyingo 2021 Adekunle ategerejwe mu gitaramo cy'amateka kibera ku musozi wa Rebero ahantu hamaze kumenyerwa mu kwakira ibitaramo by'umwihariko kuva hakoroshywa ingamba zo kwirinda icyorezo cya COVID-19. Muri iki kitaramo kiri bwitabirwe n’abandi bahanzi b’abanyarwanda barimo Gabiro Gutar na Kenny Sol.  


    Adekunle Gold utegerejwe mu gitaramo kuri uyu wa Gatanu kuri Canal Olympia

    Simi hamwe n’umugabo we Adekunle wemeza ko kuba bose ari abanyamuziki nta kibazo na kimwe byagira ku muryango kimwe n’umwana wabo

    Adekunle ni uku yari ameze mu mwaka wa 2019, n’ubwo yabihakanye ariko amakuru avuga ko ku myaka 12 yari atunze imodoka ye bwite

    Source : https://inyarwanda.com/inkuru/111118/adekunle-gold-yakomoje-kuri-simi-no-gushora-imari-mu-rwanda-anahishura-ko-yihebeye-ubugeni-111118.html

  • 404 ERROR | #rwanda #RwOT

    source : https://ift.tt/3mMluSE

  • Hamuritswe inkoranyamagambo izajya ikoreshwa mu by’amategeko – #rwanda #RwOT

    Perezida wa Komisiyo y’u Rwanda ishinzwe kuvugurura amategeko, Mukantaganzwa Domitille, yavuze ko iyi nkoranyamagambo izafasha abanyamategeko kurushaho kumenya amagambo yose akoreshwa mu mwuga w’ubucamanza ndetse no kubafasha kurushaho kuyegeranya.

    Yagaragaje ko itandukanye cyane n’iyari isanzwe ikoreshwa kuko yo yari yaranditswe mu ndimi ebyiri gusa ari zo Igifaransa n’Ikinyarwanda ariko iyi nshya yanditswe mu ndimi eshatu.

    Yagize ati “Umwuga w’amategeko kimwe n’indi urangwa no gukoresha amagambo yihariye. Umuntu wese usoma, ukoresha amuga(amagambo yihariye mu mwuga runaka) aba agomba kwitondera ayo akoresha. Iyi nkoranya yateguwe hagamijwe gushyikiriza abanyamategeko b’umwuga igikoresho kizabafasha gusobanukirwa neza no kwegeranya amuga y’amategeko.”

    Inkoranyamahambo yakoreshwaga yashyizweho mu 2000 na Minisiteri y’Ubutabera. Ngo ntiyari yuzuye kuko amategeko y’u Rwanda yandikwa mu ndimi eshatu kandi buri rurimi rwose ruba rufite agaciro kangana. Ikindi ni uko hagiye habaho amavururura menshi mu mategeko.

    Yakomeje agira ati “Komisiyo y’u Rwanda ishinzwe kuvugurura amategeko yabonye ko hari hakenewe inkoranya y’amuga y’amategeko inogeye abayikoresha kandi ihuje n’imiterere y’ubu y’amategeko y’u Rwanda, niko gutegura iyi yanditse mu ndimi eshatu.”

    Yasabye abanyamategeko kuzarushaho kuyikoresha neza bikagabanya amagambo mvamahanga yakoreshwaga mu nkiko ndetse agaragaza ko mu gihe hari icyakenerwa kongerwamo cyangwa kuvugururwa biteguye kubikora.

    Umukozi muri iyi Komisiyo, Nikuze Emmanuel, yasobanuyue ko amagambo arimo akiri makeya ugereranyije n’ingeri z’amategeko ariko ko bibaha umukoro wo gukomeza gukora ubushakashatsi.

    Inkoranya y’amuga y’amategeko yamuritswe ni iy’ibanze kuko hazagenda hakorwa ibindi byiciro bitandukanye bigamije kongera amuga akoreshwa mu ngeri zinyuranye z’amategeko.

    Igizwe n’impapuro 532, ikaba ikubiyemo amuga 2698 akunze gukoreshwa mu mategeko kandi asobanuye mu buryo bukwiriye mu ndimi eshatu, Ikinyarwanda, icyongereza n’Igifaransa.

    By’umwihariko izajya ikoreshwa n’abandika amategeko mu nzego za leta, abavoka, abahesha b’inkiko, abacamanza, abagenzacyaha, abashinjacyaha, abashakashatsi, abarimu n’abanyeshuri bo mu mashuri yigisha amategeko.

    source : https://ift.tt/3o16NdR