Webrwanda Backend

Author: webrwanda

  • US: Umugabo yababariwe nyuma y'imyaka 26 afunzwe arengana #rwanda #RwOT

    Kuva yatabwa muri yombi mu 1994, Dontae Sharpe yari yarakomeje kurwana urugamba rwo kugaragaza ko ari umwere. Yari yabaye arekuwe mu kwezi kwa munani mu 2019.

    Ku wa gatanu yabwiye abanyamakuru ati: “Izina ry'umuryango wanjye ryejejwe.

    “Ni umutwaro uvuye ku ntugu [ibitugu] zanjye no ku ntugu z'umuryango wanjye”.

    Kubabarirwa kwe gukurikiye inkuru mbarankuru ya BBC yagaragaje ubucamanza bubera (bubogamye) bwabaye mu rubanza rwe.

    Iyo nkuru kuri Bwana Sharpe yagaragaje ukuntu bishobora gufata imyaka kugira ngo umuntu ababarirwe byuzuye, na nyuma yuko asonewe igihano akanatsindira kurekurwa.

    Mu itangazo rivuga kuri izo mbabazi, Guverineri Roy Cooper wa leta ya North Carolina yavuze ko yagenzuranye ubushishozi iyo dosiye, kandi ko abahamijwe ibyaha barengana nka Bwana Sharpe “bakwiye ko uko kurenganywa kwemerwa mu buryo busesuye kandi ku mugaragaro”.

    Hamwe n'uko kubabarirwa bisesuye, Bwana Sharpe azashobora gutanga ubusabe kuri leta ko imuha impozamarira.

    Bwana Sharpe yongeyeho ati: “Ubwisanzure bwanjye ntabwo buruzura igihe cyose hakiri abantu bari muri gereza barengana, abahamijwe ibyaha barengana, n'abantu bategereje kubabarirwa”.

    “Narahabaye kandi nzi ko hari abantu b'inzirakarengane ndetse nzi ko urwego rwacu rwamunzwe na ruswa kandi rucyeneye guhindurwa”.

    Bwana Sharpe akorana n'ikigo Forward Justice, aho aharanira ko habaho amavugurura mu rwego rw'ubucamanza mpanabyaha muri North Carolina.

    Yahamijwe ubwicanyi bwo mu cyiciro cya mbere ku kirego ku iyicwa ry'umuzungu George Radcliffe. Hashize amezi urubanza rubaye, uwabibonye w'umwangavu watanze ubuhamya ku ruhande rwa leta yisubiyeho akuraho ubuhamya bwe.

    Ariko ni ho hahandi byafashe imyaka irenga 20 kugira ngo Bwana Sharpe asonerwe kandi afungurwe.

    BBC

    Source : https://umuryango.rw/amakuru/mu-mahanga/ubutabera/article/us-umugabo-yababariwe-nyuma-y-imyaka-26-afunzwe-arengana

  • Bishop Gafaranga yasohoye indirimbo 'Ibitambo’ agaruka ku mpuhwe n’ubwiza bw’Imana #rwanda #RwOT

    Bishop Gafaranga yasohoye indirimbo 'Ibitambo’ yo kuramya no guhimbaza Imana aho aba agaruka k’ubuntu bw’Imana ko impuhwe zayo zitagereranywa kandi ko nta we isubiza inyuma.

    Uyu musore w’imyaka 32 ni indirimbo yafatanyije na Martin ndetse na Anet Marava, mu minota 6 yose baba bavuga uburyo uko abantu bababwiye Imana atari ko bayisanze.

    Ngo benshi baba bavuga ko ari Imana itakwakira abantu b’abanyabyaha badatanze ibitambo, ariko siko bimeze ndetse muri yo basanze Imana yihagije ari twe bantu batihagije.

    Ngo Imana ntabwo ari Imana y’inyabitambo kuko iyo biba ari Imana y’inyabitambo byari kugorana ko mwene muntu yegera ameza yayo.

    Iyi ndirimbo kandi isaba abantu kubaha Imana kuko ikwiye icyubahiro ikaba yaratsinze Satani. Ni indirimbo ya 3 asohoye nyuma ya 'Bya Bihe’ na 'Yesu Pirate.’

    Bishop Gafaranga yasohoye indirimbo ‘Igitambo’

    Source : http://isimbi.rw/iyobokamana/article/bishop-gafaranga-yasohoye-indirimbo-ibitambo-agaruka-ku-mpuhwe-n-ubwiza-bw-imana

  • WHO yahembye Umunyarwanda wagize uruhare mu kurwanya itabi #Rwanda #RwOT via @kigalitoday #rwanda #RwOT

    Icyo gihembo Mukantabana yagishyikirijwe na Minisitiri w’Ubuzima mu Rwanda, Dr. Daniel Ngamije, akaba yakimuhaye mu izina ry’Umuyobozi w’Ishami ry’Umuryango w’Abibumbye ryita k’Ubuzima, Dr. Tedros Adhanom Ghebreyesus.

    Buri mwaka, WHO ihemba abantu cyangwa imiryango (organizations) muri buri Karere mu Turere dutandatu, ikabahembera ibyo baba barakoze mu rwego rwo kurwanya itabi.

    Utwo Turere harimo Akarere ka Afurika, Amerika, Mediterane y’Uburasirazuba, Akarere k’Uu Burayi, Amajyepfo y’Iburasirazuba bwa Aziya (South-East Asia region), ndetse n’Akarere ka Pacifique y’Iburengerazuba.

    Mukantabana ari muri batandatu (6) bahembwe mu Karere ka Afurika muri Gicurasi uyu mwaka wa 2021.

    Mu nkuru dukesha Ikinyamakuru ‘The New Times’, Mukantabana yavuze ko ashimishijwe n’icyo gihembo ahawe, ndetse yiyemeza ko agiye gukomeza ibikorwa bigamije kurwanya itabi, akorana n’abandi mu bijyanye no kubahiriza ihame ry’uburinganire ndetse no guteza imbere abagore.

    Mukantabana ayoboye Umuryango utari uwa Leta witwa ‘Poor Women Development Network ‘ ufite icyicaro mu Mujyi wa Kigali.

    Mukantabana yakoze ubuvugizi bugamije kugira ngo ibiciro by’itabi bizamurwe, bityo bice intege abarigura, babonereho no kurireka.

    Yatanze amahugurwa ku bantu bagera kuri 300, harimo abagore bakiri bato, abakobwa n’abahungu, abahugura ku bijyanye no kurwanya itabi hagamijwe kugera ku mahoro arambye, gukumira ihohotera rishingiye ku gitsina, gukumira indwara ndetse n’ubukene mu miryango.

    Dr Ngamije yashimye ibikorwa bya Mukantabana mu kurwanya itabi, avuga ko ari urugero rwiza.

    Yagize ati “Turashima uruhare rwawe n’umuryango wawe mwagize mu kubaka ubushobozi mu bijyanye no kurwanya itabi, cyane cyane mu kurwanya ikoreshwa ry’itabi mu miryango ituye mu bice by’icyaro”.

    Buri mwaka, ngo abantu bagera kuri Miliyoni zirindwi hirya no hino ku Isi bapfa bishwe n’itabi, kandi uyu mubare uzazamuka ugere kuri Miliyoni umunani niba nta gikozwe nk’uko byasobanuwe na Minisitiri w’Ubuzima Dr Ngamije.

    Yagize ati “80% by’izo mpfu z’abazira n’itabi zibera mu bihugu bifite ubukungu buciriritse harimo n’u Rwanda, kandi twese tuzi ko itabi riri mu bintu bitanu biri ku isonga mu gutera indwara zitandura (Non-Communicable Diseases)”.

    Muri izo ndwara harimo, iz’umutima nk’umuvuduko w’amaraso ukabije, guhagarara k’umutima bitunguranye, indwara z’ubuhumekero nka ‘bronchitis’ na Kanseri y’ibihaha, kanseri zifata mu kanwa ndetse na Kanseri zifata mu nzira y’igogora.

    Dr Brian Chirombo, uhagarariye WHO mu Rwanda, yashimye ibikorwa bya Mukantabana bigamije kurwanya itabi.

    Yagize ati “Kunywa itabi bikomeje kuba imwe mu mpamvu zitera indwara n’imfu, guhagarika ikoreshwa ry’itabi, ni bumwe mu buryo bwiza bwo gukumira indwara zitandura”.

    Ku Isi, abantu babarirwa muri Miliyari 1.3 ni bo bakoresha itabi, abagera 10.2 % b’abagabo na 2.2 b’abagore, ngo ni bo bakoreshaga itabi umunsi ku wundi mu 2019.

    U Rwanda rwasinyanye na WHO amasezerano ajyanye no kurwanya itabi mu 2004, rutangira kuyashyira mu bikorwa
    mu 2006.

    Mu minsi ya vuba aha, Inteko Ishinga Amategeko y’u Rwanda, yasabye Minisiteri kugaragaza uburyo buhamye yashyizeho bwo guhangana n’ikibazo cy’ikoreshwa ry’itabi mu bana bafite munsi y’imyaka 18.

    source : https://ift.tt/3oqTXWv

  • Politiki idaheza u Rwanda rwiyemeje, ni umusingi ukomeye w'ubumwe bw'Abanyarwanda #rwanda #RwOT

    Inama y'Abaminisitiri yateranye kuri uyu wa gatanu, tariki 12 Ugushyingo 2021, iyobowe na Perezida wa Repubulika, Paul Kagame, yashimangiye ubushake bwa Leta y'u Rwanda, bwo guha buri Munyarwanda amahirwe yo kwerekana icyo ashoboye mu guteza imbere Igihugu, kabone n'iyo yaba yaragaragaje ko hari ibyo atabona kimwe n'Ubuyobozi buriho.

    Iyi politiki idaheza, niyo yatumye Philippe Mpayimana, wigeze guhangana na Perezida Kagame mu matora yo muw'2017 nk'umukandida wigenga, ahabwa umwanya ukomeye muri Minisiteri y'Ubumwe bw'Abanyarwanda n'inshingano Mboneragihugu, aho yashinzwe ibikorwa by'ubukangurambaga. Ni umwanya ukomeye kuko ubumwe bw'Abanyarwanda bwahutajwe bikabije, bikaba bisaba imbaraga nyinshi rero mu kubuzahura.

    Philippe Mpayimana anavuga ko yashinze ishyaka rya'opozisiyo' ryitwa 'Ishyaka Riharanira Iterambere ry'Abanyarwanda-PPR', n'ubwo kugeza ubu ritaremerwa gukora ku mugaragaro. Kuba yahawe umwanya w'ubuyobozi ngo agire uruhare mu iterambere ry'u Rwanda rero, abasesengura imiyoborere y'u Rwanda, babibonyemo politiki nziza idaheza, ikomeje kubera umusingi ubumwe bw'Abanyarwanda.

    Ubwo Philippe yatsindwaga mu matora y'Umukuru w'Igihugu(ntiyashoboye kubona nibura1%) ndetse n'ay'abagize Inteko Ishinga Amategeko, ntiyagaragaje kwivumbura no gusebya Igihugu cye nk'uko ba Faustin Twagiramungu babigenje, baboneza iy'ubuhungiro, aho birirwa babeshya isi yose ko bibwe amajwi, kandi nabo ubwabo barijamamaje bazi neza ko bazatsindwa, kuko Abanyarwanda batababonamo ubushobozi bwo kubayobora.

    Philippe Mpayimana n'ubwo yari atuye mu Bubiligi, ntiyateye u Rwanda umugongo, kuko yakomeje kurusura, ndetse akanatanga ibitekerezo bigamije kunga Abanyarwanda.

    Mu nyandiko ze nyinshi yashyize ahagaragara ndetse no mu biganiro mbwirwaruhame binyuranye, Philippe Mpayimana yakomeje kunenga abagambiriye gushora Abanyarwanda mu ntambara, akavuga ko politiki imena amaraso ari iya giswa, kuko ikorwa n'abarumbiwe n'ibitekerezo. Yavuze kenshi ko abiyita 'abatavuga rumwe n'ubutegetsi', bagaragaza inda nini no kutagira umurongo uhamye, yamagana yivuye inyuma abashora urubyiruko rw'u Rwanda mu buyobe.

    Yakanguriye Abanyarwanda, baba abari imbere mu Gihugu, baba n'abari hanze yacyo, kurwanya ikibatandukanya, ahubwo buri wese agashyira imbere ishema n' iterambere ry'u Rwanda. Ibi bitekerezo bya Mpayimana byatumye ibigarasha, abajenosideri n'abambari babo bamwanga urunuka, kuko mu myumvire yabo ya kigome, bumva nta cyiza gikwiye kuvugwa ku Rwanda.

    Nta gihe kinini Minisiteri y'Ubumwe bw'Abanyarwanda imaze ishyizweho. Birumvikana rero ko ikeneye umusanzu wa buri wese kugirango igere ku nshingano zitoroshye yahawe. Kuba rero umuntu nka Philippe Mpayimana wakomeje kugaragaza impungenge ku bibangamiye imibanire myiza hagati y'Abanyarwanda, yashinzwe ibikorwa by'ubukangurambaga, biratanga icyizere ko umusaruro uzaba mwiza, kuko noneho abonye aho azatangira ibitekerezo yajyaga avuga atari mu buyobozi.

    Philippe Mpayimana ashyizwe muri Minisiteri y'Ubumwe bw'Abanyarwanda n'inshingano Mboneragihugu mu gihe gupfobya no guhakana Jenoside yakorewe Abatutsi byongeye kuzamuka.

    Azadufashe rero kureba uko abagizi ba nabi batakomeza kwihisha inyuma y'ubwisanzure mu gutanga ibitekerezo bakayobya rubanda, ahubwo uzagegerageza gusubiza inyuma intambwe yatewe mu bumwe n'ubwiyunge, amategeko azamukanire urumukwiye.

    The post Politiki idaheza u Rwanda rwiyemeje, ni umusingi ukomeye w'ubumwe bw'Abanyarwanda appeared first on RUSHYASHYA.

    Source : https://rushyashya.net/politiki-idaheza-u-rwanda-rwiyemeje-ni-umusingi-ukomeye-wubumwe-bwabanyarwanda/?utm_source=rss&utm_medium=rss&utm_campaign=politiki-idaheza-u-rwanda-rwiyemeje-ni-umusingi-ukomeye-wubumwe-bwabanyarwanda

  • Mu mukino w’intoranywa, Bull Dogg na Social biyongereye ku cyamamare Rema mu bazataramira abanyarwanda #rwanda #RwOT

    Umuraperi Bull Dogg na Social nibo bahanzi nyarwanda bamaze gutangazwa na FERWABA ko bazaririmbana n’umuhanzi w’icyamamare Rema ukomoka muri Nigeria mu gitaramo kizaba ku munsi w’umukino w’intaronywa za shampiyona muri Basketball mu Rwanda 'All Star Game’.

    Tariki ya 20 Ugushyingo 2021 hazaba umukino w’intoranywa muri Shampiyoa ya Basketball iheruka kwegukanwa na REG (All Star Game).

    Ubusanzwe hatoranywa abakinnyi bagashyirwa mu makipe abiri ubundi bagahatana. Mu minsi iri imbere nibwo hazamenyekana abakinnyi bazaba bari muri aya makipe.

    Si uyu mukino gusa kuko hazaba n’ibindi bikorwa, nk’umukino wa 3 kuri 3 (3×3 Challenge), Slum Dunk, gutsinda amanota 3 (3 points contestants).

    Hazaba kandi n’igitaramo cya Visit Rwanda All Star Game cyatumiwemo umuhanzi w’icyamamare muri Nigeria, Divine Ikubor wamamaye nka Rema mu muziki.

    Ntabwo azaririmba wenyine kuko abahanzi nyarwanda 2, nibo bamaze kwemezwa ko nabo bazaririmba muri iki gitaramo, ni Social Mula na Bull Dogg.

    Kwinjira muri iki gitaramo ni ibihumbi 5 ahasanzwe, ibihumbi 10 muri VIP n’ibihumbi 20 muri VVIP. Ku muntu uzagura amatike mbere itike ya VIP na VVIP azishyura ½ cy’igiciro cyashyizweho.

    Ubwo waherukaga kuba, Team Nijimbere Guibert yatsinze Team Mugabe Aristide amanota 89-83.

    Umuhanzi Rema ni we uzaba ari umuhanzi mukuru

    Bull Dogg azaririmba muri All Star Game Concert

    Social Mula na we azaba ahari

    Ibiciro by’amatike uko bihagaze

    Source : http://isimbi.rw/siporo/article/mu-mukino-w-intoranywa-bull-dogg-na-social-biyongereye-ku-cyamamare-rema-mu-bazataramira-abanyarwanda

  • Ntibisanzwe! Umukobwa yahuye n' uruva gusenya nyuma y' uko yambitswe ubusa ku karubanda azira kwiba amata na biswi_ inkuru irambuye #rwanda #RwOT

    Mu Gihugu cya Nigeria muri leta ya Delta, haravugwa inkuru y' umukobwa wafashwe ubwo yari amaze kwiba mu iduka rya Willmat Supermarket ricuruza ibintu bitandukanye ndetse n'ubucuruzi bw'imiti ntabwo bisanzwe.

    MNu mashusho yakwirakwijwe ku mbuga nkoranyambaga zitandukanye, uyu mukobwa yatamajwe bikomeye ubwo bamwambikaga ubusa ku karubanda batitaye no ku kuntu yaborohereje igihe yafatwaga.

    Ibi byabereye muri leta ya Delta ku isoko rito ryitwa Willmat Supermarket hafi y'umuhanda wa Lagos Asaba  ubwo inzego za leta zari zirimo kwirukana abantu ngo bave mu mihanda bajye mu ngo zabo mu rwego rwo kwirinda ikwirakwira ry'icyorezo cya Covid-19.

    Uyu mukobwa yinjiye muri iri duka afite gahunda yo kwiba, aho yashoboye kwihereza ku bikoresho bitandukanye birimo iby'isuku ,amata ndetse na biswi zo kurya.

    Uyu mukobwa ubo yiherezaga kuri bimwe mu bintu yibaga, yafashwe amashusho na CCTV Camera zo muri iryo duka nuko abacuruzi bakimara kubibona bahise bamufata bamubwira ko abibye, nuko arabihakana kugeza ubwo bahise bamusaka mu gakapu yarafite niko kumusangana ibyo yari amaze kwiba.

    Ntibyarangiriye aho kuko uyu mukobwa bivugwa ko ari n'umugore w'abana akaba nta kazi agira, yamburiwe ku karubanda ibyo yari yibye nuko yinjizwa muri iryo duka ari naho bamukuriyemo imyenda ari nako bamuhata ibibazo.

    Ibi bikimara kuba biravugwa ko nyiri iri duka witwa Ndobu uzwiho kuba ari umukirisitu cyane, nyuma y'ubufatanye bw'umuryango ushinzwe kwita ku burenganzira bw'ikiremwamuntu muri Nijeriya (BBI) yahise atabwa muri yombi na polisi ajyanwa kuri sitasiyo ya Owa Oyibu, nkuko BBI yabitangaje, ngo uyu mukobwa nyuma yo gukurwamo imyenda akanogoshwa umusatsi we.

    Byaje kuvumburwa ko uyu mukobwa utatangajwe amazina, ibyavugwa ko ari mugore afite abana ataribyo, ko atibye amata ngo ayishyire abana be, ahubwo ko asanzwe afite ikibazo cyo mu mutwe cy'uburwayi bwo kwiba ibintu bwitwa Kleptomaniac ngo kuko mu mateka ye asanzwe arangwaho no kwiba muri buriya buryo.

    BBI yatangaje ko igiye gushaka imiryango ibifite mu nshingano zo kwita ku bantu nkabo nuko yite kuri uyu mukobwa ari nako uyu mucuruzi wamuhohoteye yihanira aho kumushikiriza inzego zibishinzwe we akurikiranwa.

    Source : https://impanuro.rw/2021/11/13/ntibisanzwe-umukobwa-yahuye-n-uruva-gusenya-nyuma-y-uko-yambitswe-ubusa-ku-karubanda-azira-kwiba-amata-na-biswi_-inkuru-irambuye/

  • Nyuma y'imvune y'urutugu y'umunyezamu wa Police FC Habarurema Gahungu, yaraye abazwe ndetse abwirwa ko azamara hafi amezi 4 adakina #rwanda #RwOT

    Umunyezamu w'ikipe ya Police FC Habarurema Gahungu yongeye kubagwa ku ncuro ya kabiri urutugu nyuma y'imvune yagiriye mu myitozo y'ikipe ye ndetse biza kwiyongera ubwo yari yahamagawe mu Amavubi yitegura imikino y'igikombe cy'isi.

    Nk'uko uyu munyezamu yabyemereye ikinyamakuru RUSHYASHYA, yaraye abazwe urutugu rw'iburyo mu gihe ku ncuro ya mbere yari yabazwe i bumoso, ni igikorwa cyabereye mu bitaro bya DMC biherereye Kicukiro.

    Yakomeje atubwira ko nyuma yo kubagwa uyu mukinnyi ashobora kumara hanze y'ikibuga igihe kingana n'amezi ane adakina bitewe n'iyi mvune yagize ubwo yari mu myitozo itandukanye ya Police FC ndetse n'Amavubi.

    Uyu munyezamu avunitse mu gihe yari mu mwaka we wa nyuma w'amasezerano dore ko yageze muri Police FC avuye mu ikipe ya Sunrise FC yo mu ntara y'i Burasirazuba, icyo gihe yari yasinye amasezerano y'imyaka ibiri uhereye mu mwaka w'imikino wa 2020-2021.

    Kuvunika kw'uyu mukinnyi wafatwaga nk'umunyezamu wa mbere wa Police FC byatumye iyi kipe igura abandi bakinnyi barimo Rwabugiri Umar watandukanye na APR FC ndetse na Ndayishimiye Eric uzwi nka Bakame wakiniraga AS Kigali umwaka ushize w'imikino.

    Aba kandi baje bahasanga Kwizera Janvier uzwi nka Rihungu kuko iyi kipe ya Police FC yari yamaze gutanga Tuyizere Jean Luc mu ikipe ya Marines FC yo mu karere ka Rubavu.

    The post Nyuma y'imvune y'urutugu y'umunyezamu wa Police FC Habarurema Gahungu, yaraye abazwe ndetse abwirwa ko azamara hafi amezi 4 adakina appeared first on RUSHYASHYA.

    Source : https://rushyashya.net/nyuma-yimvune-yurutugu-yumunyezamu-wa-police-fc-habarurema-gahungu-yaraye-abazwe-ndetse-abwirwa-ko-azamara-hafi-amezi-4-adakina/?utm_source=rss&utm_medium=rss&utm_campaign=nyuma-yimvune-yurutugu-yumunyezamu-wa-police-fc-habarurema-gahungu-yaraye-abazwe-ndetse-abwirwa-ko-azamara-hafi-amezi-4-adakina

  • Muhanga: Hari abataka kwibwa insinga zibagezaho umuriro w'amashanyarazi #rwanda #RwOT

    Bamwe mu baturage batuye mu bice bigize umujyi wa Muhanga baravuga ko hari abajura bateye burira ibiti bitwara insinga zibagezaho umuriro w'amashanyarazi bakaziba, bigatuma bamara igihe badacana.

    Murengezi Dominique, avuga ko abajura baje bagakata urutsinga ruva aho afatira umuriro bakarujyana, akagirango umuriro urabuze kandi baruciye bakarwiba, aho yamenye ukuri ko yibwe ubyutse. Avuga ko bamaze kurutwara yamaze igihe nta muriro afite ndetse nta bundi bushobozi bwo kugura urundi rutsinga yari afite.

    Yagize ati' Hari abantu bateye batwiba insinga ziduha umuriro ariko bakunze kwitwikira ijoro ukabona umuriro urazimye ukagirango ni ikibazo wifitiye wenyine wabyuka ugasanga barutwaye kandi uwiba izi nsinga arurira kuko ntabwo ajyana agace arutwara rwose, urwanjye bacyimara kurutwara namaze igihe ntacana kubera ubukene'.

    Mukandinda Speciose, asaba ubuyobozi ko bwabatabara kuko aba bajura bakabije, ndetse ngo iyo urebye usanga abaza kwiba izi nsinga baba bazifitiye isoko kuko batarifite ntibaza kuziba bitwikiriye ijoro.

    Yagize ati' Ubuyobozi budutabare ndetse n'irondo rizadufatire aba bajura bitwikira ijoro, ariko baza kuziba kuko bafite isoko kuko ntawakwitwikira ijoro adafite aho arujyana, rwose birababaje kuko bakomeje kutuzengereza '.

    Umuyobozi wa sosiyete y'U Rwanda ishinzwe ingufu mu ishami rya Muhanga, Mukaseti Rosine avuga ko hari abafatabuguzi bakunze kuza ku biro byabo bavuga ko bibwe insinga zibaha amashanyarazi, ndetse akongeraho ko babafasha kumenya ingano y'urwo bibwe bakajya kurugura bakongera kubaha umuriro. Yemeza ko ntawuravuga ko adafite ubushobozi bwo kugira urundi yongeraho, ko biramutse bigaragaye ko uwibwe adafite ubushobozi bwo kubona urundi yafashwa kongera kubona uko acana.

    Umuyobozi w'Umusigire w'Akarere ka Muhanga akaba asanzwe ashinzwe imirimo rusange, Kanyangira Ignace avuga ko nta muturage ukwiye gukora ibyo bikorwa byo kwangiza ibikorwa remezo haba kwiba insinga ndetse no gutobora amatiyo atanga amazi kuko biba byatwaye amafaranga, ariko yongeraho ko hari ingamba zigiye gukazwa kugirango ibi bibazo byo kwiba no kwangiza bihabwe umurongo wo kubirinda abatumva impamvu yabyo.

    Yagize ati' Ubundi nta muturage ukwiye kwangiza ibi bikorwa begerezwa kuko nibo ubwabo baba bihima. Ibikorwaremezo bikorwa n'imisoro batanga, buri wese akwiye kuba ijisho ryo kubicunga kuko kubyangiza bituma ingaruka zigera kuri benshi batabigizemo uruhare, ariko tugiye gusaba inzego zose zibigire ibyazo bicungwe ubifatiwemo abihanirwe by'intangarugero kuko si umuco abantu bakwakira kuko si uwo gutoza abakiri bato'.

    Hashize igihe abitwikira ijoro bangiza ibikorwa remezo birimo kwiba insinga ziva ku mapoto ndetse hari n'abacukura insinga zitabye, ndetse igihe bashyiragaho amatara ku muhanda uva ku rugabano rwa Kamonyi na Muhanga hari ababifungiwe bafashwe bacukuye izi nsinga bajya kuzigurisha ahagurirwa ibyuma (injyamani).

    Akimana Jean de Dieu

    Source : https://www.intyoza.com/muhanga-hari-abataka-kwibwa-insinga-zibagezaho-umuriro-wamashanyarazi/

  • Umukunzi wanjye ni mwiza cyane-Pamella yongey… – #rwanda #RwOT

    The Ben benshi basigaye bita Tiger B ni umwe mu bahanzi badakunze gushyira amafoto menshi ku mbuga nkoranyambaga ariko iyo asangije ubutumwa abamukurikira yaba iifoto cyangwa amashusho byishimirwa na benshi. Pamella uherutswe kwambikwa impeta na The Ben, yanyarukiye ku mbuga nkoranyambaga ze arandika ati:'Yaweeee umukunzi wanjye ni mwiza.' 

    Akimara gushyiraho ubwo butumwa, The Ben nawe ntiyazuyaje yahise amusubiza anamugaragariza ko anyuzwe no kumukunda kandi azabikora iteka agira ati: 'Ndagukunda iteka'. Iyi foto The Ben yashyize hanze, agaragara yambaye ingofero y'umukara n'imyenda ijya gusa ibihogo afite igikombe cy'ubururu ahagaze ku nkingi y'inyubako y'amabara y'umweru.

    Si Pamella wenyine wagize icyo atangaza kuri The Ben yifashishije iyi foto, ahubwo hari n'abandi benshi bashyize ibitecyerezo kuri iyi ifoto. Nta kindi bagarukagaho uretse kumugaragariza ko bishimye cyane kandi batewe amatsiko menshi na Album ya gatatu yitegura gushyira hanze. Nk’uko akomeza kubigaragaza ikorwa ry’iyi Album riragana ku ndunduro, ikaba yajya hanze umunota uwo ari wo wose.

    Umwe mu bafana ba The Ben, yagize ati:'Njye ngiye kuva kuri instagram niba udashyize hanze Album.' Ni ubutumwa bugaragaza ko rwose abantu bafite amatsiko menshi ya Album ya The Ben igizwe n'indirimbo 12, kimwe cya kabiri cyayo akaba ari indirimbo zo kuramya no guhimbaza Imana, izindi zisigaye zisanzwe zerekeranye n'urukundo nk’uko yabitangaje.

    Pamella yarase ubukaka n’ubushongore umukunzi we The Ben uherutse kumwambika impeta

    Iyi foto ya The Ben ikomeje kuzamura amarangamutima ya benshi no guhererekanwa cyane ku mbuga nkoranyambaga

    The Ben yahamirije na none Pamella wari umaze kumurata ko azamukunda iteka

    Ubutumwa bw’umukunzi wa The Ben warahiye ko agiye guhagarika gukoresha Instagram niba uyu muhanzi adashyize hanze Album

    Source : https://inyarwanda.com/inkuru/111398/umukunzi-wanjye-ni-mwiza-cyane-pamella-yongeye-kurata-the-ben-wazamuye-amarangamutima-ya-b-111398.html

  • Omah Lay yageze mu Rwanda yanga kuvugana n’itangazamakuru – #rwanda #RwOT

    Mu ijoro ryo kuri uyu wa Gatanu tariki 12 Ugushyingo 2021 ni bwo Omah Lay yageze ku kibuga mpuzamahanga cya Kigali i Kanombe.

    Omah Lay yitabiriye igitaramo ‘Kigali Fiesta’ agomba gukora kuri uyu wa Gatandatu 13 Ugushyingo 2021.

    Akigera ku kibuga cy’indege i Kanombe, Omah Lay yahise yurizwa imodoka asohoka atabashije kuganira n’itangazamakuru ryari ryakereye kumwakira ndetse atanakiriye indabo yari yateguriwe n’abakobwa bari basabwe kumuha ikaze muri Kigali.

    Byasabye ko aba bakobwa bamukurikira kuri Kigali Arena ubwo yari agiye kureba aho azataramira, baba ariho bamuhera indabo.

    Bitewe n’uko amasaha y’igicuku yari akomeje gukura, Omah Lay ntabwo yatinze muri Kigali Arena, yahise ahavanwa yerekeza kuri ONOMO Hotel yari yateguriwemo icumbi kugira ngo ajye kuruhuka.

    Mu kiganiro n’umwe mu bazanye Omah Lay, yavuze ko kwirinda umuvundo ku kibuga cy’indege mu rwego rwo gukumira ikwirakwira rya Covid-19, ariyo mpamvu nyamukuru yatumye Omah Lay akurwa ku kibuga cy’indege byihuse.

    Ati “Urabona abanyamakuru bari benshi, abantu biteguye gushungera nabo ari benshi, tubigiriwemo inama n’ubuyobozi bw’ikibuga cy’indege byabaye ngombwa ko ahita ajyanwa aho guteza uwo muvundo washoboraga gukurura ibindi bibazo.”

    Uyu waduhaye amakuru yavuze ko Omah Lay ari buganire n’itangazamakuru ku gicamunsi cyo kuri uyu wa 13 Ugushyingo 2021, mbere y’uko ataramira Abanyarwanda.

    Omah Lay uri mu bahanzi bagezweho muri Nigeria no muri Afurika yatumiwe mu gitaramo ‘Kigali Fiesta’ aza guhuriramo n’abahanzi bo mu Rwanda barimo Ish Kevin, Bushali, Davis D, Juno Kizigenza, Platini na Ariel Wayz.

    Kugeza ubu amatike y’ibihumbi 10 Frw yamaze gushira ku isoko, mu gihe andi asigaye yose yamaze kongerwaho ibihumbi 5 Frw.

    Ibi bivuze ko hasigaye amatike yo mu myanya y’icyubahiro y’ibihumbi 25Frw n’ay’ibihumbi 35Frw.

    Omah Lay yavutse mu 1997. Yatangiye kumenyakana muri Werurwe 2020 biturutse ku ndirimbo ye yitwa ‘You’. Nyuma akora izindi zirimo ‘Lo Lo’, ‘Damn’, ‘Godly’ ubu agezweho mu yitwa ‘Understand’. Yaje mu Rwanda yashyize hanze iyo yise ‘Free my mind’.

    Uyu muhanzi ni umwe mu bakunzwe muri Nigeria no muri Afurika muri rusange

    Omah Lay ntabwo yifuje kuvugana n’intangazamakuru akigera i Kigali

    Omah Lay azahurira mu gitaramo n’abahanzi bakunzwe mu Rwanda

    Abakobwa bo muri Kigali Protocal nibo bakiriye uyu muhanzi

    Imodoka yatwaye Omah Lay

    Amafoto: Yuhi Augustin

    source : https://ift.tt/3wFxYyE