Author: webrwanda

Ni mu muhango wabaye kuri uyu wa Gatanu tariki 12 Ugushyingo 2021, ku cyicaro gikuru cy’iyi kaminuza giherereye i Masoro, witabiriwe n’ababyeyi, abarezi n’abandi bafite aho bahuriye n’ubuzima.

Igikorwa cyo guhabwa umwambaro w’akazi kizwi nka ‘White Coat Ceremony’ ni umuhango watangijwe na Arnold P. Gold Foundation mu 1993. Abanyeshuri bahabwa amataburiya bakanarahira indahiro y’uko binjiye mu mwuga w’ubuvuzi.

Umuyobozi w’Icyubahiro wa ASOME, Dr. Ruguri Blasious , yasabye aba banyeshuri kuzakora akazi ko kuvura nk’umuhamagaro badakurikiye amafaranga.

Ati “Uyu ni umuhamagaro uva ku Mana muzawukoreshe mu gutanga ubuzima ntimuzawukoreshe mushaka amafaranga. Kubambika uyu mwambaro ni ikimenyetso ariko igihe cyose muzajya muwambara mujye mubasha kwita ku babagana neza.”

Umunyamabanga Nshingwabikorwa w’Urwego Rushinzwe Imyigishirize y’Abakozi bo mu Rwego rw’Ubuzima, Dr Ndimubanzi Patrick, yasabye aba banyeshuri kuzarangwa no gukunda imirimo yabo.

Ati “Iyi ni intangiriro y’ubuzima bushya busaba kwihangana mu minsi iri imbere muzaba abaganga; aka si akazi gusa ahubwo ni umuhamagaro. Mugiye gutangira amasomo, mugomba kwitegura mu mutwe, ku mubiri ahakomeye ni ugushyiraho umutima.”

Ku ruhande rw’abanyeshuri bavuze ko ubu inzozi zabo zabaye impamo kuko kuba bahawe uyu mwambaro, bagiye gukurikira amasomo yabo neza bikabafasha gutanga umusanzu mu buvuzi.

Umuyobozi wungirijwe w’Umuryango w’Abanyeshuri muri ASOME, Rwiyamirira Akariza Orla, yavuze ko yakuze yifuza kuzaba umuganga bityo kuba yahawe uyu mwambaro inzozi ze zabaye impamo.

Ati “Ni inzozi zabaye impamo, kuva nkiri umwana nahoze nifuza kuzaba umuganga.”

Ibi abihuje n’Umuyobozi w’Umuryango w’Abanyeshuri, Alafi Samuel Jino Pere, waturutse muri Sudani kugira ngo ashyigikire ashaka ubumenyi mu Rwanda, wavuze ko ubu yamaze kubona icyerekezo arimo.

Yagize ati “Sinabona ijambo risobanura uko niyumva ubu kuba nambaye uyu mwambaro ndi kwibona ahandi hantu, ntabwo najyaga mbasha kwibona ariko kuva none mfite icyizere ko bizagenda neza.”

Bakomeje bavuga ko nibarangiza amasomo, bazashyira imbere kugira umutima ukunda akazi n’ababagana bizatuma baba intangarugero mu bandi.
Ababyeyi na bo bavuze ko banejejwe no kuba abana babo bari kwiga mu ishuri nk’iri rizatuma bahinduka abanyamwuga.

Dr. Margaret Sekkidde wo muri Uganda yashimishijwe n’uko uburezi umwana we ahabwa burimo no gukurikira Imana.

Ati “Ntewe ishema no kuba narazanye umwana wanjye muri iyi kaminuza. Yari yaratangiye kwiga muri Makerere nza kumuzana maze kumva iri shuri. Uyu munsi ntabwo wari usanzwe kubona abayobozi bigisha abanyeshuri kuba abaganga ariko banayobowe n’Imana bizatuma abo bazavura bazakira kuko bazabikorana ukwizera.”

Rwiyamirira Sarah ufite umwana wiga muri ASOME yarimujyanyemo amuvanye aho yigaga muri Leta Zunze Ubumwe za Amerika. Yishimiye uburezi abana babo bahabwa.

Aba banyeshuri bahawe umwambaro bazarangiza amasomo yabo mu 2027.

Aba banyeshuri barahiriye ko nibaramuka barangije amasomo yabo bazakora umwuga w’ubuvuzi neza

Abanyeshuri 34 bahawe umwambaro w’akazi nk’ikimenyetso cy’uko bari kwiga ubuvuzi

Bishimira ko bakabije inzozi zabo zo kwiga ubuvuzi

Basabwe kuziga neza no kurangwa n’indangagaciro zo kwita ku babagana mu gihe bazaba batangiye akazi

Dr. Ruguri Blasious yasabye abanyeshuri kuzarangwa n’ubunyamwuga no kwiyambaza Imana mu kazi kabo

Muri uyu muhango abanyeshuri bahawe umwambaro w’akazi

Ubuyobozi bwa ASOME bwari bwabukereye muri uyu muhango

Guhabwa uyu mwambaro aba ari ikimenyetso cy’uko batangiye urugendo rwo gukora ubuvuzi nk’umwuga

Amafoto: Igirubuntu Darcy

Ibi Minisitiri Gatabazi yabigarutseho mu muhango wo kugeza ku banyagicumbi telefoni zisaga 1000 bagenewe kuri uyu wa Mbere tariki ya 15 Ugushyingo 2021 mu gihe mu turere turindwi hatanzwe telefoni 4144 mu zisaga ibihumbi 16 zigomba gutangwa kugeza ku wa 5 Ukuboza uyu mwaka.

Minisitiri Gatabazi Jean Marie Vienney yavuze muri gahunda yo kugeza ku banyarwanda smartphones, abayobozi b’imidugudu batowe nabo bari mu bagiye kuzihabwa kandi mu bihe bya vuba.

Yagize ati “Turifuza ko abakuru b’imidugudu bose batowe bazibona kugira ngo zikomeze kubafasha gukora raporo zabo, gutanga amakuru ndetse nabo babashe kubona raporo zituruka ku rwego rw’igihugu n’abandi bazaba bari mu nzego zimwe na zimwe zigenda zitorwa bitewe n’ubushobozi uko buboneka.”

Yakomeje agira ati “Abakuru b’imidugudu bo batangiye akazi rero tugomba kubyihutisha vuba bishoboka kugira ngo ibikoresho biboneke. Hari abatowe bari basanzwemo bazifite hari n’abashobora kuba baratowe bazifite. Ubu turi gukusanya amakuru kugira ngo turebe abatazifite ariko bose bagomba kuzibona mu gihe cya vuba.”

Yavuze ko guhabwa izo telefoni biri mu nyungu za Leta ndetse n’abayobozi batorewe izo nshingano kuko zabafasha mu migengekere myiza y’akazi no kuzuza inshingano.

Ati “Ni mu nyungu zabo nk’abantu batorewe izo nshingano ariko biri no mu nyungu za Leta kubera ko tugomba gusangira nabo amakuru. Ari amakuru y’umutekano, ibibazo by’abaturage, arebana n’ibyo abaturage bakeneye ndetse no guhererekanya amakuru mu buryo bwafasha kwihutisha iterambere ry’igihugu cyacu.”

U Rwanda rugizwe n’imidugudu 14837 kandi abayobozi b’imidugudu bariho ubu ni bashya kuko batangiye manda zabo mu Ukwakira 2021 nyuma yo gutorwa.

Nubwo hari ibice byari byaratangiye gutanga Smartphones ku bayobozi b’imidugudu nk’Intara y’Amajyepfo yari yaramaze guha abayobozi bose b’imidugudu telefoni ariko birashoboka ko bamwe batongeye gutorwa muri iyi manda.

Kuri ubu hari gukorwa isuzuma rigamije kumenya abayobozi b’imidugudu bakigorwa no gutanga raporo, amakuru, ibyifuzo by’abaturage no kwakira amakuru avuye mu nzego zo hejuru kubera kutagira telefoni.

Ibi bizaba bije bisanga gahunda yashyiriweho abayobozi b’imidugudu igamije kuborohereza mu buryo bwo guhana amakuru aho umuyobozi w’umudugudu yemerewe guhamagara mugenzi we wo mu wundi mudugudu aho ari hose mu gihugu ku buntu.

Telefoni zitangwa zishobora kwifashishwa mu bikorwa by’iterambere

Minisitiri Gatabazi Jean Marie Vianney yavuze ko abayobozi b’imidugudu bakwiye guhabwa telefoni mu gihe cya vuba

Mu bisasu bibiri, kimwe kigaturikira hafi y’Ingoro y’Inteko ishinga amategeko, ikindi giturikira hafi ya sitasiyo ya Polisi aho muri Kampala, Inteko ikaba yahise itangira guhungishwa nk’uko NTV Uganda yabitangaje.

Umunyamakuru wa ‘NTV Uganda’ yavuze ko yabonye imirambo ibiri nyuma y’uko ibyo bisasu bituritse, ariko impamvu y’iturika ryabyo ngo ntiyahise imenyekana.

Ku rubuga rwa Twitter rw’icyo gitangazamakuru yagize iti “Mu ba mbere bahise batabara, harimo abo mu Muryango utabara imbabare ‘Red Cross’, bifashishaga ibikoresho byagenewe kuzimya inkongi ‘fire extinguishers ‘ kugira ngo bazimye umuriro aho hafi y’Inteko ishinga amategeko”.

Abasirikare ba Uganda bari muri Somalia, aho barimo kurwanya umutwe wa al Shabab, ushamikiye kuri al Qaeda, bakaba bari muri Somalia mu rwego rw’ubutumwa bw’amahoro bw’Afurika yunze Ubumwe.

Al Shabaab ngo imaze gutera ibisasu byinshi muri Uganda kandi bigahitana ubuzima bw’abantu. Mu kwezi gushize k’Ukwakira 2021, ni bwo umutwe wa ‘Islamic State’ ngo wigambye bwa mbere kuba waraturikije igisasu muri Uganda, cyahitanye umukozi wa Resitora aho cyaturikiye.

Mu kwezi k’Ukwakira 2021 kandi, ni bwo Polisi ya Uganda yatangaje ko umuntu w’umwiyahuzi yaturikirije igisasu mu modoka itwara abagenzi kiramuhitana ubwe, ariko ngo gikomeretsa n’abandi bantu.

Ngarambe François-Xavier

Ngarambe ati: “Ni byo pe, mba numva ndi mu mwana umwana na we andimo, nkumva ndanezerewe kuko akenshi igihe ndi kumwe n’abana numva ndi mu ijuru, hafi y’Imana, mbese numva ndi hafi ya jyewe ubwanjye. Rero guhura n’umwana no kumuririmba bituma mba jyewe. Igihe rero uri wowe urisanzura”.

Kimwe mu bintu biranga Ngarambe François-Xavier umubonye amaso ku maso, ni imvi z’uruyenzi cyane abantu bakunze kwibazaho kubera ko ugereranyije n’imyaka afite ubona ko zaje akiri muto. Kugira imvi akiri muto ariko ngo ntibyigeze bimubangamira na rimwe.

Ngarambe ati: “Imvi zanjye zaje hagati y’imyaka 25 na 30, kandi ntizigeze zimbangamira na buhoro kuko uwankunze yankunze nzifite, urukundo rwacu rukurana na zo kugeza magingo aya.”

Ngarambe yavukiye muri Zaire (RDC) mu 1962 muri Kivu y’Amajyaruguru ariko yaje kugarukana n’ababyeyi be mu Rwanda mu 1964, ku myaka 10 asubira muri Zaire muri Kivu y’Amajyepfo ajyanye na nyina wari umaze gutandukana na se.

Yavutse ari ikinege, ashakana na Yvonne Solange Kagoyire, mu bana bafitanye harimo Ngarambe Rwiru Nganzo na we w’umuhanzi nka se.

Reba ikiganiro uyu muhungu we yagiranye na KT Radio

Ngarambe yize Amateka muri Kaminuza i Bujumbura, arangije yigishayo imyaka ibiri mu mashuri yisumbuye, agaruka mu Rwanda mu 1986 akora muri Institut de Formation Apostolique de Kimihurura (IFAK), nyuma ya Jenoside we n’umuryango we bajya mu Bubiligi akorayo umwaka umwe muri Radio yitwa Amahoro bagaruka mu Rwanda mu 1995 ayobora imishinga itandukanye yita ku bana b’impfubyi n’abana bo mu muhanda (FidesCo Rwanda) kugeza mu 1998, nyuma aza gusubira muri IFAK kugeza muri 2018.

Ubu umwanya we wose yawuhariye kwita ku bihangano bye no kugira uruhare mu kubaka umuryango, biciye mu ndirimbo, mu biganiro no mu nyandiko ateganya kuzandika.

Mu Kiganiro Nyiringanzo kuri KT Radio, Ngarambe François-Xavier yatubwiye ko ababyeyi be bigeze gutandukana mu 1972 abasha kongera kubahuza hashize imyaka 20 batabana.

Bikurikire muri iki kiganiro Ngarambe François-Xavier yagiranye n’umunyamakuru Ben Nganji kuri KT Radio:

Minisitiri Ingabire ashyikiriza umuturage telefone

Abahawe izo telefone barimo abantu batabasha kuzigurira nyamara bafite ibyo bafashamo abaturanyi babo, bavuga ko zizabafasha guhindura imibereho ku giti cyabo, mu ngo iwabo ndetse zikazanababashisha gukora neza imirimo basanzwe bakorera abaturanyi babo.

Séraphine Nyiraminani w’ahitwa mu Muyogoro mu Murenge wa Huye, ni umuhinzi akaba na Mutwarasibo, nyuma yo kwakira telefone igezweho yagize ati “Iyi telefone izamfasha kureba amakuru menye aho ibihe bigeze, no gukorana n’inzego nyobozi mu buryo bworoshye.”

Fortunée Mutegwaraba w’i Gishamvu we avuga ko yajyaga ajya kwizigamira muri Ejo Heza akarinda gushaka abamufasha, ariko ko telefone igezweho yahawe izamufasha kubyikorera, kandi ku gihe.

Yunzemo ati “Hari ubwo umuntu yakubwiraga ngo abandi bageze kuri uru rwego nko mu buhinzi cyangwa se mu bworozi, urugero nko guhunika ubwatsi bw’inka, ukibaza uko babikora. Iyi telefone nizera ko izamfasha gukurikirana amakuru, kugira ngo mbashe kugera ku iterambere.”

Pascal Karengera w’i Gishamvu, ni umujyanama w’ubuhinzi. Avuga ko telefone yahawe izamufasha kuzajya atanga raporo y’inama yagiranye n’abahinzi yicaye iwe, atarinze kujya ku murenge. Ibi ngo bizatuma umwanya yataga mu nzira awifashisha mu bindi.

Ati “Mfite n’umwana wiga mu wa gatandatu w’amashuri yisumbuye, ndatekereza ko iyi telefone izamufasha mu myigire ye.”

Valens Nsengiyumva wo mu Murenge wa Karama, akaba n’umukorerabushake, yumva ko aho azabona ikibazo bizamworohera kukigeza ku bagikemura.

Ati “Nk’umuntu ashobora gukomereka, kubimenyesha umurenge bikoroha kubera gukoresha amafoto.”

Mu Karere ka Huye hatanzwe izo telefone 506, nyuma y’uko hari hatanzwe izindi 184 ku bamamazabuhinzi no ku bagore b’intangarugero.

Assoumpta Ingabire, Umunyamabanga wa Leta muri Minisiteri y’Ubutegetsi bw’igihugu wari waje kwifatanya n’Akarere ka Huye mu gutanga izo telefone, yabwiye abazihawe ko ari izabo, anabasaba kuzazifata neza ndetse bakanazifashisha mu bikorwa bibateza imbere.

Abantu 506 ni bo bagenewe telefone

Yagize ati “Muyifate nk’igikoresho cy’iterambere, ntimuyifate nk’aho ari iyo guhamagara cyangwa kwandikira umuntu gusa. Abafite abana biga bashobora kuzifashisha mu bushakashatsi.”

Yanavuze ko iyi gahunda yo gutanga telefone zigezweho yatangijwe mu kwezi k’Ukuboza 2019. Ni nyuma y’uko hari ubushakashatsi bwari bwagaragaje ko Abanyarwanda 67% bafite telefone, ariko ko abafite izigezweho ari bakeya cyane.

Icyo gihe habonetse abafatanyabikorwa biyemeza kuzatanga telefone ibihumbi 44, kandi ngo mbere yo gutanga iz’uyu munsi hari hamaze gutangwa ibihumbi birindwi gusa.

Gahunda ihari kandi ni uko ngo nyuma yo gutanga izo ibihumbi 44 hazazaho n’ibindi byiciro.
Marie Claire Joyeuse

Ishyirahamwe ry’umupira w’amaguru mu Rwanda “FERWAFA”, ryatangaje ko ryahagaritse Niyonzima Olivier Sefu kugeza igihe kitazwi, aho ashinjwa kugira imyitwarire idahwitse.

Kugeza ubu Ferwafa ntiyigeze itangaza izo mpamvu zidahwitse Niyonzima Olivier Sefu ashinjwa, gusa akaba ari we watsinze igitego rukumbi ku munsi w’ejo Amavubi yatsinze Kenya, aho batsinzwe ibitego 2-1.

FERWAFA iramenyesha abanyarwanda bose ko NIYONZIMA Olivier ahagaritswe igihe kitazwi “undetermined” mu Ikipe y’Igihugu kubera imyitwarire idahwitse.

Tuboneyeho kumenyesha abo bireba bose ko FERWAFA itazihanganira uwo ari we wese uzagaragaza imyitwarire mibi mu @AmavubiStars pic.twitter.com/AEghmGRLDW

— Rwanda FA (@FERWAFA) November 16, 2021

Umunyamabanga mukuru w’umusigire Iraguha David yatangaje ko impamvu yatumye Niyonzima Olivier Sefu ari uko yataye ikipe akajya kunywa inzoga ndetse bakaba banamubuze kugeza ubu mbere y’uko ikipe igaruka mu Rwanda

Yagize ati “Umukinnyi witwa Niyonzima Olivier ubwo yajyaga mu kabari, abayobozi bamwegereye baramubuza arabyanga arabasuzugura, uwo mwanya yamaze aho byaje kurangira banamubuze”

Sefu ni we watsinze igitego kimwe Amavubi yatsinze Kenya