Author: webrwanda

Umugore wungirije Umukuru w'Igihugu cya Amerika, Kamala Harris ni we waraye abaye umugore wa mbere ahawe akazi ko kuyobora iki Gihugu mu gihe gito cyane, igihe Perezida Joe Biden yarimo akorerwa ibipimo n'abaganga.

Uyu Kamala Harris w'imyaka 57, yamaze iminota 85 ari we muyobozi wa Leta zunze ubumwe za Amerika, mu gihe Perezida Biden yari yatewe ya miti yo gusinziriza kugira ngo akorerwe ibipimo bya colonoscopie/colonoscopy ejo hashize ku wa gatanu.

Umuganga usanzwe akurikirana ubuzima bwa Biden yasohoye itangazo nyuma yo kumupima, avuga ko ubuzima bwe bumeze neza, kandi ko afite ububasha bwo gukomeza imirimo ye yo kuyobora Igihugu.

Ibi bipimo yabikorewe bucya ahimbaza/yishimira isabukuru ye y'imyaka 79 y'amavuko yabaye kuri uyu wa Gatandatu. Harris nkuko BBC ibitangaza, ni we mugore wa mbere — akongera akaba n'umwiraburakazi wa mbere w'umunyamerika akomoka muri Aziya watowe kungiriza umukuru wa Leta zunze ubumwe za Amerika.

Umunyamabanga ushinzwe kumenyesha amakuru mu biro by'umukuru w'igihugu Jen Psaki yavuze ko iki gikorwa Harris yakoze cyo gushyikirizwa amabanga y'umukuru w'igihugu mu mwanya muto mu bihe nk'ibi atari ubwa mbere kibaye, kandi ko bisanzwe biteganijwe mu itegeko Nshinga rya Amerika.

Psaki yagize ati: 'Niko byagenze igihe Perezida George W Bush akorerwa ibipimo nk'ibyo mu 2002 na 2007'. Perezida yasubiye muri Maison Blanche/White House atwengatwenga/aseka. Yavuze ati: 'Numva mfite ingufu'.

Kevin O'Connor usanzwe akurikirana ubuzima bwe yagize ati: 'Perezida Biden aracyari umugabo ufite ubuzima bwiza, ukomeye, ku myaka 78, afite ubushobozi bwo gukora akazi ke nk'umukuru w'Igihugu'. Kevin O'Connor, yavuze ko ibipimo bya colonoscopy byasanze afite 'akabyimba gato (polyp)' kakuweho bitagoranye na gato.

Biden, umuperezida wa Amerika wa mbere uri ku butegetsi ashaje kirusha abandi bose, yaherukaga gupimwa ibipimo bikomeye mu kwezi kwa cumi na kabiri kwa 2019. Icyo gihe, umuganga we yasohoye itangazo avuga ko yari 'ameze neza, akomeye' kandi 'afite ubushobozi bwo gukora akazi ke nk'umukuru w'Igihugu.

intyoza

Source : https://www.intyoza.com/kamala-harris-umugore-wa-mbere-wahawe-ububasha-bwo-kuyobora-amerika-mu-gihe-gito-cyane/

Mu gihe Manchester United yitegura igaruka rya Premier League, kizigenza Cristiano Ronaldo yatanze ubutumwa bukomeye ku bakinnyi bakinana.

Nyuma y'imikino y'amakipe y'ibihugu, kuri uyu wa Gatandatu shampiyona ziragaruka mu bihugu bitandukanye.

Ikipe ya Manchester United igomba guhura na Watford itozwa na Claudio Ranieri ku isaha ya saa 17:00 ku kibuga Vicarage road.

Cristiano Ronaldo yagiye ku rubuga rwe rwa Instagram aho akurikirwa n'abantu barenga miliyoni 368, avuga ko yiteguye gukora byose kugira ngo ikipe ibone amanota atatu ndetse anasaba bagenzi be gukora nkawe.

Cristiano yagize ati:'Igihe ni iki ngo duhagaruke dukore akazi neza kandi dukomeze gukurikira icyo dushaka guhigura uyu mwaka.'

Ikipe ya Manchester United imaze iminsi mu bihe byo gutsindwa aho mukeba Manchester City iherutse kuyitsinda ibitego 2-0 bamwakiriye. Ndetse na Liverpool yari yabanje kuyitsinda akayabo k'ibitego 5-0.

Uru ruhererekane rw'intsinzwi nirwo rwongeye kubyutsa amarangamutima y'abafana bakomeje kwifuza ko umutoza Ole Gunnar Solskjaer yakwirukanwa.

Source : https://yegob.rw/cristiano-ronaldo-atanze-ubutumwa-bukakaye/

Uyu mubyeyi witwa Clemantine ufite ubumuga bw'ubugufi bukabije yavuze ko abantu bamubwiraga ko atazigera abyara bakamutoteza none akaba yarabyaye abana batatu barimo umukobwa n'abahungu babiri.

Clemantine wabayeho mu buzima bubi ,avuga ko mu buzima bwe nta muntu numwe wamukundaga, kubera indeshyo ye .Avuga ko yakuriye mu cyaro ndetse akaba atazi ibigezweho bijyanye n'iterambere. Abajijwe niba azi ibyo kurya birimo amakaloni, pizza,amafiriti  na jambo yavuze ko ibyo byose atabizi ko amenyereye ibijumba nibishyimbo.Clemantine wari waje I Kigali aje gusura umuntu avuga ko ari ubwa mbere akandiye I Kigali kuva yavuka ndetse ahamya ko ari heza cyane kurusha ahandi yabonye mu buzima bwe.Mu buzima bwe avuga ko atajya yambara inkweto bibaho.

Mu buzima bwe kandi Clemantine avuga ko yari atunzwe no kuboha ibiseke ariko akaba yararwaye ntabashe gukomeza gukora ngo abone amafaranga, Asaba ko abantu bose kutabwira abafite ubumuga amagambo akomeretsa kuko sibo baba barabyiteye.

Source : https://yegob.rw/abantu-bamubwiraga-ko-atazabyara-none-dore-ibyamubayehoni-ubwa-mbere-akandagiye-i-kigali/

Benshi mu baturanyi bamuvugiraho ko atwike bityo na gahinda kenshi ku babyeyi be ndetse nawe ubwe kuko usanga atabasha gukina nk'abandi bana.

Umwana muto witwa nsengiyaremye uvuka mu murenge wa Rweru mu karere ka bugesera yahuye n'ikibazo cy'uburwayi bwamufashe amaze iminsi ibiri avutse kugeze nanubu agize imyaka 4.

Mu gahinda kenshi ababyeyi bavuga ko bagerageje ku muvuza gusa nyuma babura ubushobozi bwo kumusubiza kwa muganga nkuko bagomba ku musubiza mu bitaro bikuru by'akaminuza (chic) niko gufata icyemezo bamurekera mu rugo kuva mu mwaka wa 2017 kugeza kuri y'isaha.

Nsengiyaremye akomeje kubyimba inda cyane kuko iyo umurebye ubona nk'umwana muto biteye agahinda ndetse n'amarira aho kugeza kuri ubu ababyeyi batangaza ko nta bushobozi bafite bwo kuba bamuvuza bategereje icyo imana izakora gusa.

Source : https://yegob.rw/biteye-agahinda-umwana-wimyaka-4-benshi-bavuga-ko-atwite-amafoto/

Umuhamya ni indirimbo imaze iminsi 11 ikaba imaze kurebwa ndetse no gukundwa n’abatari bacye kuko ubu yarebwe n’abarenga ibihumbi 39 ndetse n’abarenga ibihumbi 250 bayikunze babyerekanishije akamenyetso, ikaba imaze kujyaho ibitekerezo 300.

Iyi ndirimbo ifite igisobanuro kinini bitewe n’uko aba baraperi bombi batangiranye ubwo hatangiraga kumenyekana mu tsinda rya Tuff Gang, ntawakwibagirwa amateka rifite mu muziki nyarwanda. Iyi ndirimbo kandi igaruka kunjyana y’umujinya yamenyerewe kuri aba baraperi bitewe n’ubutumwa burimo ikaba yongeye kuzamuka cyane kurwego rwohejuru bitewe n’ibihe n’amateka byabaye kuri uyu muziki.

fIREMAN NA P Fla bongeye kwatsa amatara ya Kigali

Indirimbo 15 zashyizwe ku mbuga nkoranyambaga zose za InyaRwanda.com, aho buri mukunzi w'umuziki nyarwanda yasabwaga guha ijwi rimwe indirimbo ari gukunda cyane ari nako byagenze mu majwi yose uhereye igihe twatangiraga kuyabara kuri Facebook na Instagram.

Aya majwi yari menshi cyane ariko bitewe n'uko hari abantu benshi bagiye batora indirimbo inshuro zirenze imwe, andi majwi yabaye imfabusa. Urugero ni nk’aho wasangaga umuntu umwe yatoye indirimbo enye wenyine, undi agatora indirimbo eshatu cyangwa akagenda asubiramo indirimbo yagiye atora.

Ibi byatumye dufata ijwi rya mbere mu yatowe kuri buri muntu, ayandi majwi yose akaba imfabusa, ari na ko abantu bose batora indirimbo bashishikarizwa gutanga ijwi rimwe kuri buri ndirimbo zatoranyijwe, hagendewe ku bakunzi n'ubundi b'umuziki nyarwanda.

Indirimbo ya Fireman na P Fla iyoboye urutonde rwa InyaRwanda

Izi ndirimbo 10 ziri mu ndirimbo 15 zari zatoranyijwe n'abakunzi b'umuziki nyarwanda, itsinda ry'abanyamakuru ba InyaRwanda.com n'abandi banyamakuru batandukanye bakurikiranira hafi umuziki nyarwanda, maze zishyirwa ku mbuga nkoranyambaga za InyaRwanda kuri Facebook na Instagram maze harebwa amajwi buri ndirimbo yagize.

KANDA HANO WUMVE INDIRIMBO UMUHAMYA YA FIREMAN NA P FLA

Source : https://inyarwanda.com/inkuru/111689/inyarwanda-music-fireman-na-p-fla-nyuma-yo-guhuza-imbaraga-bakazamura-ibendera-ryinjyana-y-111689.html

Umukino w’intoranywa wa shampiyona ya Basketball 2021 (BK All Star Game 21) yegukanywe na Team Shyaka itsinze Team Ndizeye amanota 77-73.}}

Uyu munsi nibwo habaye umukino w’intoranywa muri shampiyoma ya Basketball mu Rwanda “BK All Star Game 2021” wabereye muri Kigali Arena, Team Shyaka yegukanye iki gikombe.

Nk’uko abakapiteni bari babyumvikanye( Shyaka na Ndizeye), bakaba bahisemo ko ibihembo byagiherekeje bihabwa Rwampungu Meshack wahoze ari umukinnyi wa KBC akaza gukora impanuka muri 2015 ubu akaba agendera mu kagare, akaba yahise ashyikirizwa sheki ya miliyoni y’amafaranga y’u Rwanda ndetse na FERWABA ikaba yamugeneye miliyoni 2.

Team Shyaka yari yahuye na Team Ndizeye muri uyu mukino w’amateka, aho abakinnyi baba bakina bishimisha mu rwego rwo gusoza umwaka w’imikino.

Agace ka mbere karangiye Team Shyaka iri imbere na 29-13 ya Team Ndizeye, iki kinyuranyo cy’amanota 15 bari bashyizemo, Team Ndizeye yaje kukigabanya maze amakipe yombi ajya kuruhuka ari 44 ya Team Shyaka kuri 37 ya Team Ndizeye.

Team Ndizeye yaje gusubira inyuma mu gace ka 3, Team Shyaka yongera ikinyuranyo ibifashijwemo n’abakinnyi barimo Wakukota Bush amanota ava kuri 7 agera 11 kuko agace akarangiye ari 59 ya Team Shyaka kuri 48 ya Team Ndizeye.

Agace ka nyuma Team Ndizeye yaje yashyizemo imbaraga maze ibifashijwemo na Ndizeye Dieudonne na Kaje Elie baza gukuramo amanota yose bari bashyizwemo, umukino urangira ari 68-68, biba ngombwa ko bitabaza iminota 5 ya kamarampaka.

Iminota ya nyuma Team Shyaka yabyitwayemo neza birangira ari yo itsinze umukino ku manota 77-73.

Uyu mukino ukaba wari wabanjirijwe n’indi mukino irimo guhatana gutsinda amanota 3, Ndizeye Dieudonne ni we waje gutsinda, akaba ari n’igihembo yegukanye umwaka wa 2019.

Muri Slum Dunk, Nkundwa Thierry usanzwe ukunira APR BBC ni we watsinze. Muri ibi byiciro kimwe na MVP wabaye Wamukota Bush, buri umwe yahembwe miliyoni y’amafaranga y’u Rwanda.

BK All-Star Game yaherukaga kuba mu 2019, aho ikipe ya Nijimbere Guibert yatsinze iya Mugabe Aristide amanota 89-83.

Nijimbere Benit

Kubwimana Kazingufu Ally yari muri Team Shyaka

Wari umukino utoroshye

Team Shyaka yegukanye All Star Game 2021

Shyaka yitegura gushota

Guibert ashaka uko acikinana umupira Nshobozwabyosenumukiza

Nkundwa Thierry ni we watsinze muri Slum Dunk

Ndizeye Dieudonne ni we wegukanye igihembo mu gutera amanota 3

Source : http://isimbi.rw/siporo/article/team-shyaka-yegukanye-all-star-game-meshack-ahabwa-miliyoni-3-amafoto

Imiti Cabotegravir (uzwi kandi kw’izina rya Vocabria ukaba warakozwe n’ikigo ViiV Healthcare) hamwe na rilpivirine (uwu nawo ukaba uzwi kandi nka Rekambys wakozwe na Janssen) ni imiti iterwa incuro ebyeri ,rumwe rumwe ukwarwo rimwe mu mezi abiri.

Uyu muti ukaba ugirira akamaro gusa abantu bageze ku rugero rw’aho ubandu bwa SIDA butakiboneka mu maraso nyuma y’igihe baamaze bakoresha bya binini.Abahanga bavuga ko uyu muti ushobora kugirira akamaro abantu benshi.

Umwarimu  wa kaminuza Chloe Orkin, akaba ari umuhanga mu bijyanye n’ubwandu  bwa SIDA wigisha muri kaminuza ya Queen Mary yo muri London ho mu Bwongereza, avuga ko uyu muti ushobora kugabanyiriza abarwayi umuruho wo guhora bafata bya binini buri munsi, kuko wo bawutera incuro esheshatu (6) gusa mu mwaka.

Muganga Sanjay Bhagani, uyobora  ishirahamwe European Aids Clinical Society, avuga ati: “Iki ni ikintu gikomeye cyane kunenwa ni ikibazo gikomeye cyane ku banduye SIDA, kandi abatari bacye ntiboroherwa no gufata ibinini iminsi yose. Ibi rero bizatuma abenshi boroherezwa nuyu muti uterwa mu rushinge”

Alex Sparrowhawk w’i Manchester, usanzwe ukora mw’ishirahamwe ryishinzwe kurwanya SIDA rizwi nka Terrence Higgins Trust.Hashize imyaka 12 yanduye SIDA, kuva icyo gihe akaba ari ku binini bya ART iminsi yose. Avuga ko ari ikintu kiryoheye amatwi kumva ko hari uwundi muti ushobora kugabanya uwu umurego wa SIDA”.

Mu magambo ye yagize ati: “Ibyiyumviro byo guterwa umuti incuro 6gusa mu mwaka ntagufata imiti ya buri munsi ni ikintu gishimishije cyane. Kwibuka ko ugomba gufata imiti ya SIDA buri munsi  bwikwibutsa ko urwaye SIDA kandi ntibishobora kukuvamo.”

Akomeza agira ati: “Hari abantu bashobora kuba babana n’abandi batazi ko banduye cyangwa batanduye SIDA, cyangwa usanga bakora akazi gatuma bazenguruka hirya no hino kw’isi, ibi bigashobora kuba inzitizi ku guhora umuntu afata imiti iminsi yose”.

Kubwe, abakwiye gushyirwa imbere mu kubona  uyu muti ni abawukeneye cyane kurusha  abandi, nk’urugero abasanzwe bahura n’ikibazo cyo kunengwa. Abagiraneza bishimiye cyane uyu muti mushyashya wemejwe n’ikigo cy’ubuvuzi mu Bwongereza NHS.

Uyu muti  ugabanya ubukana bwa SIDA, ukaba ukora kimwe na bya binini bari basanzwe bafata. Byitezwe ko mu Bwongereza abantu basaga 13.000 bashobora gutangira gukoresha uyu muti.

Src:www.BBC.com

Source : https://inyarwanda.com/inkuru/111692/habonetse-umuti-wa-mbere-wurushinge-uvura-sida-111692.html

Iki gikorwa cyiswe “Rwanda Gospel Stars Live” kiri guhuriza hamwe abahanzi 15. Byari byitezwe ko cyari kurangizwa mu mpera z'Ugushyingo 2021, icyakora bitewe n'icyorezo cya Covid-19 abari kugitegura bahisemo kwigiza inyuma amatariki kizasorezwaho.

Byemejwe ko kizasozwa ku wa 2 Mutarama 2022, mu gitaramo kizitabirwa n'abahanzi bose bari guhatana, kizabera muri Kigali Arena, icyakora ubuyobozi bwa Rwanda Gospel Stars Live, bwatangaje ko amakuru menshi azatangazwa mu minsi iri imbere.

Umuhanzi uzegukana umwanya wa mbere muri Rwanda Gospel Stars Live azahabwa miliyoni 7 Frw, uwa kabiri atware miliyoni 2 Frw, naho uwa gatatu atware miliyoni 1 Frw.

Byitezwe ko mu minsi iri imbere abahanzi bahatanye muri iki gikorwa bazagenda bakora ibitaramo bizanyura kuri Televiziyo y'u Rwanda, ari na ko hakomeza ubukangurambaga bwo kubatora no kumenyekanisha iki gikorwa.

Abahanzi bazaririmba batangiye gukora imyitozo, ku buryo mu mpera z'Ugushyingo 2021 biteguye kubitangira nyuma ni bwo hazamenyekana abatsinze.

Rwanda Gospel Stars Live ihatanyemo abarimo Serge Iyamuremye, Israel Mbonyi, Aline Gahongayire, Uwitonze Clementine [Tonzi], Gaby Kamanzi, Rata Jah Naychah, James & Daniella, Gisubizo Ministries, umuraperi MD, Gisele Precious, True Promises Ministries, Aimé Frank Nitezeho, Anet Murava na Theo Bosebabireba.

Source : https://umuryango.rw/imyidagaduro/article/igitaramo-cyo-gusoza-rwanda-gospel-stars-live-kigijwe-imbere

Umwaka wa 2021 uragana ku musozo kuko hasigaye ukwezi kumwe n'iminsi itarenze icumi. Umwaka uba wararanzwe n'ibintu byinshi bitandukanye yaba ibyiza cyangwa se ibibi. Mu Rwanda byumwihariko habaye ibintu byinshi bitandukanye kuva umwaka watangira ahanini byaranzwe n'icyorezo cya Covid-19.

Kimwe mubyaranze umwaka wa 2021 nikoreshwa ry'imbuga nkoranyambaga bitewe nuko imirimo kenshi yabaga yarahagaze bitewe n'ingamba zo kurwanya icyorezo cya Covid-19, bigatuma abantu babona umwanya wo kuzikoresha ndetse zikabafasha no kutagira irungu.

Uko abantu bamara umwanya kumbuga nkoranyambaga niko baba bohererezanya ibintu bitandukanye biba bigenzweho bigatuma bikwirakwira vuba, urugero twatanga akaba ari igihe imyanzuro y'inama y'abaminisitiri iba isohotse abantu bakihutira kuyikwirakwiza. Ninako hagiye hakwirakwira amagambo amwe namwe akagenda akundwa kandi agakoreshwa hafi mu Rwanda hose.

Radio Rwanda ibinyujije kurubuga rwa Facebook, yabajije abakunzi bayo ijambo bumva ryararanze umwaka wa 2021 mu Rwanda. Unyujije amaso mubisubizo byatanzwe uhita ubonako harimo amagambo agenda agarukwaho cyane bivuzeko ariyo yakunzwe kurusha andi.

Twabatoranyirije amagambo 10 aza imbere muyaranze andi muruyu mwaka wa 2021.

1. Guma Murugo
2. Covid-19
3. Nta gikwe
4. Hahiye, hadashya se
5. Nta myaka 100
6. Agapfukamunwa
7. Safari Nyubaha
8. Amavubi
9. Inyogo ye
10. Sofia (Sofiya) cg camera co mumuhanda.

Source : https://yegob.rw/ni-irihe-jambo-ryaranze-umwaka-wa-2021-mu-rwanda-reba-iryo-benshi-bahurijeho/

Umugore mupfakazi w'imyaka 60 ntiyahiriwe n'urukundo yakundaga n'umukunzi we w'imyaka 40, kuko yahawe ibihano ndetse banakubitwa iz'akabwana na rubanda bazira gukora imibonano mpuzabitsina barenze ku mategeko y'umuco w'aba Sahouè mu mudugudu batuyemo.

Mu gitondo cyo ku ya 09 Ugushyingo 2021, uyu mupfakazi n'umukunzi we bo mu mudugudu wa Ouassa-Kpodji mu gihugu cya Benin, bashyizwe ku karubanda maze bakubitwa iz'akabwana nyuma yuko bari bafashwe barenze ku bibujijwe mu mudugudu w'iwabo, aho mu muco w'uyu mudugudu bibujijwe rwose ko umupfakazi aryamana n'umugabo cyangwa kongera gushaka.

Ubwo uyu mupfakazi yaganaga mu rugo rw'umukunzi we nijoro, yakurikiwe n'umuntu wabakekaga. Uyu muntu rero, yahise ajya kumenyesha abasaza bo mu mudugudu ibyabaye batabizi.

Kugira ngo hamenyekane ukuri, abakuru b'imidugudu bahise bagota rugo rw'umugabo.

Aba basaza baguye gitumo aba bombi bari gutera akabariro barabafata hanyuma babajyana ku karubanda kugira ngo bakatiwe igihano cyagenwe n'abantu bo muri ubu bwoko.

Bategetswe kwishyura amafaranga menshi no guha abasaza amacupa 04 y'ibinyobwa byaho bita 'sodabi' birimo isukari.

Uyu mugore yahawe ibindi bihano birimo ko nta muntu n'umwe ugomba kumuvugisha, abujijwe gusohoka, kujya guhaha n'ibindi. Ibi bihano bigomba kubahirizwa kugeza igihe yahawe kirangiye.

Mu muco w'aba Sahouè, umugore wabuze umugabo cyangwa batandukanye ntaba agifite uburenganzira bwo kongera gukundana cyangwa kongera gushaka undi mugabo mu mudugudu umwe.

Source : https://yegob.rw/umugore-wumupfakazi-yakorewe-ibya-mfura-mbi-nyuma-yo-gutera-akabariro-numukunzi-we-mushya/