Webrwanda Backend

Author: webrwanda

  • Perezida Kagame yaganiriye na Aljazeera ku mubano w'u Rwanda na Uganda #rwanda #RwOT

    Perezida w'u Rwanda,Paul Kagame, yaganiriye n'Ikinyamakuru Aljazeera ku ngingo zitandukanye zirimo iterambere ry'igihugu nyuma ya jenoside yo mu 1994,icyo atekereza ku gukomeza kuyobora, umubano we na Yoweri Museveni wa Uganda, icyemezo cyo kohereza ingabo muri Mozambique ndetse n'igisobanuro cya opozisiyo kuri we.

    Paul Kagame yatangiye imirimo yo kuyobora u Rwanda hashize imyaka itandatu jenoside yakorewe Abatutsi muri 1994 ibaye aho abantu basaga miliyoni bishwe bazize ubwoko bwabo.

    Kugeza ubu, u Rwanda rumaze kuba igihugu gikataje mu bukungu,ikoranabuhanga n'ibindi bitandukanye.

    Ku bijyanye n'iri terambere,Perezida Kagame yabwiye Aljazeera ati “Mu by'ukuri twaturutse kure,hafi ya ntaho.Aho turi ubu,igihugu kiratunganye,cyuzuye amahoro,hari iterambere,abantu batangiye kongera guhura,igihugu cyari cyaracitsemo ibice ariko ubu hari ubumwe.Haracyari akazi kenshi ko gukora,haracyari urugendo runini ngo tugere aho twifuza kugera.

    Nta banga ridasanzwe,ahubwo abaturage bumva ibikenewe kugira ngo bahangane n'ibibazo ducamo kandi dukora ibishoboka byose kugira ngo tugere ku byiza buri wese abigizemo uruhare,yaba abayobozi n'abaturage basanzwe.

    Ibyagezweho birivugira. Ntabwo dukora ngo tugere kuri ibyo, dufite indi ntego kandi mu buryo burambye. Icya mbere abantu babigiramo uruhare, icya kabiri bitanga gutekana no gutuza ndetse ni uburyo bwo guhindura imyumvire.'

    Perezida Kagame abajijwe icyizere yatanga ko ibibi byabaye mu Rwanda bitazasubira yagize ati “Nibyo,ntabwo turi gukora kugira ngo ibyo tubisubiremo.Turi gukora kugira ngo tugere ku bindi.Turi gukora mu buryo bwiza.Kubera ko icya 1,abaturage babigiramo uruhare,bakanumva agaciro k'ibyo bari gukora.Icya kabiri,bizana umurongo umwe kandi tukawubakiraho umusingi w'iterambere.Tugerageza guhindura imyumvire y'abaturage bacu.Mu myaka ishize,twari dufite abanyarwanda bicara bagakora ubusa kubera ko hari abakire bafashaga abakene bakituriza.Ubu turavuga tuti “mureke twe gutegereza abantu baduha kugira ngo tubeho ahubwo mureke twikorere kugira ngo abashaka kuduha basange dufite iterambere ryiza.”

    Kuva mu myaka ine ishize, u Rwanda na Uganda ntibibanye neza kubera impamvu zagiye zitangazwa mu nama yahuje abayobozi b'ibihugu byombi ariko ntihagire igikorwa.

    Perezida Kagame yabwiye Aljazeera ko ibihugu bizakomeza gushaka ibisubizo ku bibazo bihari cyane ko umuzi bwabyo uzwi ahubwo hakenewe guhuza imyumvire.

    Ati 'Twagize amahirwe yo kubiganira, ndavuga bibiri by'ingenzi. Igice kinini cy'umupaka kirafunze, hari abantu bavuga ngo mufungure imipaka, ducuruze, kandi ni byo buri wese ashaka mu Karere kose. Kuri twe, ikibazo ni icyatumye mu by'ukuri imipaka ifungwa, gikeneye gukemurwa mbere y'uko ifungurwa.''

    'Twumvise ingero z'aho Abanyarwanda bagira ibibazo cyangwa bakabuzwa kujya muri Uganda gukorerayo ishoramari risanzwe. Inzego zo muri Uganda zihiga Abanyarwanda, aho bababonye, bafite impamvu nyinshi bashyira imbere bavuga ko umutekano muke uterwa n'Abanyarwanda. Twagaragaje n'icyo kibazo. Ariko iyo Abanya-Uganda baje mu Rwanda nta bibazo bagira nk'ibyo Abanyarwanda bahura nabyo muri Uganda.

    Ikibazogihari nuko iyo uvuze ibyo gufunga umupaka,nuko umupaka ari uw'abaturage baza bakanagenda.”

    Perezida Kagame abajijwe niba avugana na mugenzi we Museveni kuri iki kibazo,yavuze ko bigeze kubikora ariko ubu byahagaze.

    Perezida Kagame yavuze ko ingabo z'u Rwanda ziri muri Mozambike zatumye ibyiza byinshi bigerwaho ku baturage b'iki gihugu ndetse yavuze ko nta gihe cyateganyijwe zizavira muri iki gihugu ahubwo ko bazaganira zikavayo ikibazo cyakemutse.

    Source : https://umuryango.rw/amakuru/mu-rwanda/politiki/article/perezida-kagame-yaganiriye-na-aljazeera-ku-mubano-w-u-rwanda-na-uganda

  • Inkumi y'ikimero yasebeje bikomeye umusore washaka kuyambika impeta imbere y'imbaga. – YEGOB #rwanda #RwOT

    Umukobwa yateje unukunzi we rubanda, nyuna y'uko aciye bugufi agashyira ivi rye ku butaka ashaka kumwambika impeta imusaba kuzanubera umugore, undi nawe amwereka urwo imbwa yaboneye ku mugezi.

    Nubwo ibi byifuzwa na buri musore ndetse bikanashimisha umukobwa wabikorewe n'uwo akunda, akenshi usanga hari abo bisize mu gahinda gakoneye ku buryo byanabaviramo kuzinukwa urukundo cyangwa bakiyahura.

    Umukobwa ukiri muto yasebeje umukunzi we wateye ivi ku mugaragaro amusaba kuzamubera umugore aho kubyemera amukubita urushyi karundura

    Uyu musore yafashe umwanzuro wo guterera ivi mu ruhame agasaba uyu mukobwa bigana ku kigo kimwe ko yazamubera umugore ariko byarangiye ahuye n'akaga atazibagirwa.

    Video yakwirakwijwe ku mbuga nkoranyambaga yerekanye uyu mukobwa akubita inshyi umukunzi we wari umaze gutera ivi amusaba kuzamubera umugore.

    Bivugwa ko ibi byabereye muri kaminuza yitwa Ambrose Ali i Ekpoma, muri leta ya Edo muri Nigeria.

    Muri iyo videwo, umusore yagaragaye apfukamye afite impeta mu ntoki.Yatanze icyifuzo cye ariko uyu mukobwa ukiri muto ararakara cyane.

    Nubwo abahisi n'abagenzi bamushishikarije kuvuga ngo 'Yego,' yashubije amukubita urushyi.

    Source : https://yegob.rw/inkumi-yikimero-yasebeje-bikomeye-umusore-washaka-kuyambika-impeta-imbere-yimbaga/

  • Umuti wa mbere wa SIDA uterwa mu rushinge ukamara igihe wemejwe #rwanda #RwOT

    Abantu ibihumbi n'ibihumbi barwaye icyorezo cya SIDA bagiye guhabwa umuti uterwa mu rushinge ukamara igihe kirekire. Ibi bizatuma bagahagarika bya binini bahoraga bafata buri musi. Abagiraneza bishimiye cyane uyu muti mushyashya wemejwe n'ikigo gishinzwe ubuvuzi cyo mu Bwongereza-NHS.

    Uyu muti utuma Virus igabanya ubukana, ukaba ukora cyo kimwe na bya binini bisanzwe bifatwa buri musi. Byitezwe ko mu Bwongereza abantu bagera ku 13.000 bashobora guhita bayoboka uyu muti.

    Imiti Cabotegravir (uzwi kandi kw'izina rya Vocabria ukaba wakozwe n'ikigo ViiV Healthcare) hamwe na rilpivirine (uwo nawo ukaba uzwi kandi nka Rekambys wakozwe na Janssen), ni imiti iterwa inshuro ebyiri rumwe rumwe ukwarwo rimwe mu mezi abiri.

    Hagati aho nkuko BBC ibitangaza, uyu muti ugirira akamaro gusa ba bantu bageze ku rugero rw'aho virusi itakiboneka mu maraso nyuma y'igihe barimo barafata bya binini. Abahanga bavuga ko uyu muti ushobora kugirira akamaro abantu benshi.

    Umwarimu muri kaminuza Chloe Orkin, akaba ari n'umuhanga mu bijyanye na virusi ya SIDA muri kaminuza ya Queen Mary i Londres/London, avuga ko uyu muti ushobora kugabanyiriza abarwayi umuzigo wo guhora bafata bya binini buri musi, kuko wo bazawuterwa inshuro esheshatu gusa mu mwaka.

    Muganga Sanjay Bhagani, uyoboye ishyirahamwe European Aids Clinical Society, avuga ati: 'Iki ni ikintu gikomeye cyane'.

    Akomeza ati' Kunenwa ni ikibazo gikomeye cyane ku banduye virusi itera SIDA, kandi abatari bake ntiboroherwa no gufata ibinini imisi yose. Ibi rero bizatuma abenshi bahabwa uyu muti uterwa mu rushinge'.

    Alex Sparrowhawk w'i Manchester, asanzwe akora mu ishyirahamwe rishinzwe kurwanya SIDA rizwi nka Terrence Higgins Trust. Haciye imyaka 12 yanduye virusi itera SIDA, kuva icyo gihe ari ku binini bya ART iminsi yose. Avuga ko ari ikintu kiryoheye ugutwi kumva ko hari uwundi muti ushobora kugabanya uyu muzigo.

    Ati' Iyi nkuru ni ikintu abantu benshi bari bamaze igihe kirekire bategereje. Kumva ko uzaterwa umuti inshuro esheshatu gusa mu mwaka aho gufata imiti ya buri munsi ni ikintu gishimishije cyane. Kwibuka ko uhora ufata imiti ya SIDA buri munsi bihora bikwibutsa ko urwaye SIDA kandi ntibishobora kukuvamo.

    Akomeza ati' Hari abantu bashobora kuba babana n'abandi batazi ko banduye cyangwa batanduye virusi, cyangwa usanga bakora akazi kababuza kugendagenda bazenguruka hirya no hino ku isi, ibi bigashobora kuba inzitizi ku guhora umuntu afata imiti iminsi yose'. Ku bwe, abakwiye gushyirwa imbere mu guhabwa uyu muti ni abo bose bawukeneye cyane gusumba abandi, nk'abasanzwe bahura n'ikibazo cyo kunenwa.

    intyoza

    Source : https://www.intyoza.com/umuti-wa-mbere-wa-sida-uterwa-mu-rushinge-ukamara-igihe-wemejwe/

  • Manchester United yamaze gufata umwanzuro wo kwirukana umutoza Solskjaer #rwanda #RwOT

    Inama yahuje ubuyobozi bwa Manchester United yafashe icyemezo cyo kwirukana umutoza wayo Ole Gunnar Splskjaer,nyuma y'ibiganiro byamaze amasaha 5 biga ku musaruro we mubi cyane.

    Ole Gunnar Solskjaer waraye anyagiwe na Watford ibitego 4-1,yanze kwegura biba ngombwa ko hatumizwa inama y'igitaraganya yamaze amasaha 5 yo kumwirukana gusa United ntabwo irashyira hanze itangazo ryemeza ko uyu mutoza yirukanwe.

    Ibitangazamakuru bikomeye nka The Times na Daily Mail biza ku isonga mu kumenya amakuru yose ya Man Utd,biravuga ko uyu munsi harasohoka itangazo ryirukana uyu munya Norway.

    Mu gihe cya Ole,United niyo kipe yakoresheje menshi igura abakinnyi,kuko yatanze miliyoni 387 z'amapawundi ariko ntacyo byatanze kuko igikomeye yagezeho ari ukuba iya kabiri muri shampiyona umwaka ushize.

    Umunyamakuru ukomeye mu gutangaza amakuru ari imbere mu makipe akaba impamo,Fabrizio Romano,yatangaje ati “Icyemezo cy'ubuyobozi bwa Manchester United cyo kwirukana Ole Gunnar Solskjær cyemejwe na Glazer. Byarangiye.

    Itangazo ryemewe riri hafi, ubwumvikane bwumvikanyweho n'impande zombi mu kubaha Ole ngo batandukane.

    Fletcher na Carrick nibo barahabwa ikipe by'agateganyo mu gihe nta gisubizo gihise kiboneka.”

    Mu mikino 5 iheruka,Ole yatsinzwemo 4 atsinda 1 ndetse ikipe ya United yari ku rwego rwo hasi cyane mu mikinire byatumaga buri wese ayinyagira.

    Ba nyiri United aribo ba Glazers barifuza kumusimbuza Zinedine Zidane wahoze atoza Real Madrid, nubwo bivugwa ko bifuza na Brendan Rodgers, Erik Ten Hag na Mauricio Pochettino.

    Kwirukana Solskjaer biratwara iyi kipe miliyoni 7.5 z'amapawundi nyuma y'aho uyu munya Norvege asinye amasezerano mashya y'imyaka itatu muri Nyakanga.

    Ariko De Gea w'imyaka 31, ashimangira ko abakinnyi aribo bo kunengwa, atari Solskjaer,nyuma yo gutsindwa ku nshuro ya gatandatu mu mikino 11.

    Umunya Espagne yagize ati: 'Byari biteye isoni kubona Man United ikina nkuko twakinnye uyu munsi.

    Ntabwo byemewe, uburyo turi gukina. Biroroshye gushinja umutoza cyangwa abakorana nawe ariko rimwe na rimwe ni abakinnyi. Tugomba kwerekana byinshi birenze ibyo dukora.

    Source : https://umuryango.rw/imyidagaduro/imikino/article/manchester-united-yamaze-gufata-umwanzuro-wo-kwirukana-umutoza-solskjaer

  • #COVID19: Umuntu umwe yitabye Imana, abanduye babonetse ni 11 #Rwanda #RwOT via @kigalitoday #rwanda #RwOT

    Umuntu umwe yishwe na Covid-19 mu Rwanda kuri uwo munsi, kugeza ubu mu Rwanda abamaze guhitanwa n’icyo cyorezo bose hamwe bakaba bamaze kuba 1,340.

    source : https://ift.tt/3oGRyHa

  • Ibibazo biri mu miryango byatunzwe agatoki mu nama y'Igihugu y'Abana #rwanda #RwOT

    Mu nama Nkuru y'Igihugu y'abana ya 15, abana basabye inzego zitandukanye kongera imbaraga mu kurwanya amakimbirane yo mu miryango no kurwanya ihohoterwa rikorerwa abana kuko ngo ari intandaro y'ibibazo bikomeye bibangamiye ejo habo heza.

    Image

    Ikibazo cy'amakimbirane mu miryango ni kimwe mu biza ku isonga mu bibangamiye uburere n'ahazaza heza h'umwana, nk'uko ababyeyi ubwabo babigaragaza.

    Abana basobanura ko byinshi mu bibazo biri mu miryango yabo binabakurikirana kugeza bamwe bigiriye mu buzima bwo ku muhanda.

    Image

    Abashoboye kwiga na bwo ngo bakomeza kugira ibibazo by'imitekerereze ari yo mpamvu basaba inzego bireba kugira icyo zikora kugira ngo bidakomeza kubangamira ahazaza habo.

    Abana bishimira ko nama Nkuru y'Igihugu y'Abana yababereye umuyoboro wo gutanga ibitekerezo kuri gahunda z'igihugu by'umwihariko kuri politiki n'amategeko bireba abana.

    Image

    Imwe mu myanzuro yafatiwe muri iyi nama, ifitanye isano n'uruhare rw'umuryango mugari, ubuyobozi, mu gutegura ahazaza h'umwana.

    Padiri Dr Fidele Dushimimana uherutse gushyira ahagaragara igitabo yise 'Kura ujye ejuru', ashimangira ko ababyeyi bakwiye kwitwararika ku burere bw'umwana by'umwihariko kugeza myaka 3 ibanza.

    Ati 'Umwana ufite imyaka 3 yagombye kuba afite umusingi w'uko azaba ejo: nko mu mwaka wa mbere ababyeyi bakamwitaho bakamuha urukundo kuko cya cyizere bamuha muri uwo mwaka wa mbere ni cyo azamukiraho agashyiraho uruhare rwe, urumva rero kugira ngo ibyo bigerweho ni uko ababyeyi baba bumvikana.'

    Minisitiri w'Uburinganire n'Iterambere ry'Umuryango Prof Bayisenge Jeannette we yagaragaje ko igihugu gukora uko gishoboye kigashyiraho politiki n'icyerekezo birengera umwana, harimo kumurinda ihohoterwa, no guhana abo ryagaragayeho. Yasabye abana na bo kutemera icyo aricyo cyose cyakwangiza ahazaza habo.

    Image

    Ati 'Ni ngombwa ko mutangira kwibaza ngo ni iki nkunda kwiga? Ni iki nkunda gukora kurusha ikindi? Byamfasha gute gukemura ibibazo biri mu muryango nyarwanda? Byamfasha kugera aho u Rwanda twifuza gute? Ni he nashyira ingufu kurushaho kugira ngo nzabigereho? Kwibaza ibibazo nk'ibi bizabafasha kugera ku ntego zanyu no kugera ku Rwanda twifuza.'

    Image

    Iyi nama nkuru y'igihugu y'abana ibaye ku nshuro ya 15 yitabiriwe n'abana 100 bahagarariye abandi, ikaba yahujwe no kwizihiza umunsi mpuzamahanga w'umwana hazirikanwa insanganyamatsiko igira iti: Ejo ni Njye.
    SRC:RBA

    The post Ibibazo biri mu miryango byatunzwe agatoki mu nama y'Igihugu y'Abana appeared first on IRIBA NEWS.

    Source : https://iribanews.rw/2021/11/21/ibibazo-biri-mu-miryango-byatunzwe-agatoki-mu-nama-yigihugu-yabana/

  • Nyabihu: Polisi yafashe abagabo baherutse kwiba ibyapa byo ku muhanda ngo babigurishe #rwanda #RwOT

    Abagabo babiri bafashwe na Polisi bacyekwaho kwiba ibyapa byo ku muhanda. Bafashwe ku wa Kane tariki ya 18 Ugushyingo, bafatiwe mu Karere ka Nyabihu, Umurenge wa Rugera, Akagari ka Gakoro, Umudugudu wa Mubuga.

    Umuvugizi wa Polisi mu Ntara y'iburengerazuba, Chief Inspector of Police (CIP) Bonaventure Twizere Karekezi yavuze ko ibyapa bibye babishinguje ku kiraro gihuza Akarere ka Nyabihu n'Akarere ka Gakenke.

    Yagize ati' Umuturage wo mu Mudugudu wa Gakoro nyuma yo kubona ibyapa bine byashingujwe yahise acyeka umwe muri bo atanga amakuru, hahise hategurwa igikorwa cyo kumufata. Abapolisi bagiye iwe basanga koko ,mu nzu harimo ibyapa bine byabaga ku kiraro. Bibiri bigaragaza ko imbere hari ikiraro, ibindi bibiri bigaragaza uburemere bw'ibintu bigomba kunyuzwa kuri icyo kiraro (Kutarenza toni 30).'

    Amaze gufatwa yavuze ko undi wamuzaniye ibyo byapa, akamusaba kubimubikira amusezeranya kuzamuhemba amafaranga y'u Rwanda ibihumbi Bitanu. Niyigena nawe yahise afatwa nawe yemera ko ibyo byuma bagombaga kuza kubigurisha abantu bagura ibyuma bishaje (Inyuma).

    Umuvugizi wa Polisi mu Ntara y'Iburengerazuba yashimiye umuturage wihutiye gutanga amakuru agaya bariya bagiye kwiba biriya byuma. Yibukije abaturage ko buri muntu afite inshingano zo kurinda ibikorwa remezo Leta igenda ibegereza.

    Ati 'Bariya bantu bagiye gukurikiranwaho icyaha cyo kwiba no kwangiza ibikorwa remezo. Biriya byapa byafashaga abatwaye ibinyabiziga kumenya ko imbere hari ikiraro ndetse bakanamenya ibiro batagomba kurenza igihe bagiye kunyura kuri kiriya kiraro, byari kuzateza impanuka iyo ibinyabiziga bihagera ntibihasange ibyo byapa.'

    Abafashwe bahise bashyikirizwa Urwego rushinzwe ubugenzacyaha(RIB) rukorera muri sitasiyo ya Polisi ya Rugera kugira ngo hatangire iperereza.

    Itegeko nº68/2018 ryo ku wa 30/08/2018 riteganya ibyaha n'ibihano muri rusange Ingingo ya 182 ivuga ko Umuntu wese usenya cyangwa wonona ku bw'inabi, ku buryo ubwo ari bwo bwose, inyubako yose cyangwa igice kimwe cyayo, inzu, iteme, urugomero, uruhombo rw'amazi n'inzira yarwo, inzira ya gari ya moshi cyangwa ibikoresho ibyo ari byo byose by'itumanaho cyangwa by'ingufu z'amashanyarazi, amariba cyangwa izindi nyubako zose bitari ibye, aba akoze icyaha. Iyo abihamijwe n'urukiko, ahanishwa igifungo kitari munsi y'imyaka itatu (3) ariko kitarenze imyaka itanu (5) n'ihazabu y'amafaranga y'u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW).

    Ingingo ya 166 ivuga ko Umuntu wese uhamijwe n'urukiko icyaha cyo kwiba, ahanishwa igifungo kitari munsi y'umwaka umwe (1) ariko kitarenze imyaka ibiri (2) ,ihazabu y'amafaranga y'u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y'inyungu rusange mu gihe cy'amezi atandatu (6) cyangwa kimwe gusa muri ibyo bihano.

    Ingingo ya 167 ivuga ko igihano kikuba Kabiri iyo kwiba byakozwe nijoro bigakorwa n'abantu barenze umwe.

    Source : https://umuryango.rw/amakuru/mu-rwanda/umutekano/article/nyabihu-polisi-yafashe-abagabo-baherutse-kwiba-ibyapa-byo-ku-muhanda-ngo

  • Abakobwa bakomeje kwifotoza bakina n'ubugabo bwa Cristiano Ronaldo ku kibumbano cye (Video) – YEGOB #rwanda #RwOT

    Statue (ikibumbano) ya Rutahizamu w'ikipe ya Manchester United, Cristiano Ronaldo, iherereye ahitwa Funchal mu mugi uyu mugabo akomokamo ikiba ikomeje kugenda yamamara ku mbuga nkoranyambaga kubera amafoto atangaje bakobwa akunda kuyifororezaho.

     

    Iyi Statue ya Ronaldo ikiba yaratashywe mu mwaka wa 2014 ariko kubera ukuntu abantu bakunda kuyifotorezaho bakoze ku bugabo bwayo ikaba intangiye gucuyuka.

     

    Source : https://yegob.rw/abakobwa-bakomeje-kwifotoza-bakina-nubugabo-bwa-cristiano-ronaldo-ku-kibumbano-cye-video/

  • I Paris hashyizweho urwibuto rw’uwishwe muri Jenoside mu Bisesero #Rwanda #RwOT via @kigalitoday #rwanda #RwOT

    Agace k
    Agace k’uyu mujyi wa Paris kazwi nka 18ème Arrondissement kitiriwe Birara Aminadabu wishwe muri Jenoside yakorewe Abatutsi mu Rwanda

    Ubuyobozi bwa Paris, ngo bwafashe icyo cyemezo mu rwego rwo kuzirikana Birara wateguye uburyo bwo guhangana n’abicanyi muri Jenoside yo mu 1994 yakorewe Abatutsi mu Rwanda.

    Birara yari yararokotse ubwicanyi bwakorerwaga Abatutsi mu bihe bitandukanye mu 1959, 1962, 1963 no mu 1973, bivugwa ko yagerageje guhangana n’Interahamwe mu Bisesero .

    Mu gihe gisaga ukwezi kumwe, Birara afatanyije na bagenzi be bakeya, yakoresheje ubunararibonye yari afite mu kurwana, bagerageje guhangana n’abacanyi bari baratojwe, bafite intwaro zihagije, kandi banashyigikiwe na Leta yariho icyo gihe.

    Abo Batutsi bo mu Bisesero bakomeje kwirwanaho kugeza ubwo Kayishema Clement wari Perefe icyo gihe yazanye n’abantu be, bakica Abatutsi benshi kuri uwo musozi wa Bisesero, harimo na Birara wishwe na gerenade ku itariki 25 Kamena 1994, afite imyaka 68.

    Agace k
    Agace k’uyu mujyi wa Paris kazwi nka 18ème Arrondissement kitiriwe Birara Aminadabu wishwe muri Jenoside yakorewe Abatutsi mu Rwanda

    Mu Bisesero, Abatutsi bagera ku bihumbi mirongo itanu (50.000) barishwe mu gihe cya Jenoside mu 1994. Ibuka yo mu Bufaransa ivuga ko Abatutsi batagera ku 1000 ari bo barokotse ubwo bwicanyi.

    Gusa, Abasirikare b’Abafaransa bari mu Bisesero icyo gihe “mu butumwa bwo kurinda amahoro” bakunze gushinjwa ko batereranye Abatutsi bari mu Bisesero, bakabasiga mu maboko y’abicanyi.

    Ibuka-France yagize iti “Nyuma yo gufata uwo mwanzuro, na none Paris yafashe ahantu muri uwo Mujyi, ihashyira ikimenyetso cyo kuzirikana inzirakarengane zishwe muri Jenoside yakorewe Abatutsi mu 1994”.

    Ibuka-France ivuga ko ishimira ubuyobozi bwa ‘18ème Arrondissement’ i Paris kubera ibyo bikorwa byo kuzirikana inzirakarengane za Jenoside yakorewe Abatutsi mu 1994 mu Rwanda.

    Mu nyandiko igenewe abanyamakuru yasohowe na Ibuka-France ku itariki 19 Ugushyingo 2021, yagize ati “Kuri uyu munsi, mu makomine (municipalités) agera ku icyenda hari ikimenyetso (monument) cyashyizweho mu rwego rwo kuzirikana inzirakarengane zishwe muri Jenoside yakorewe Abatutsi mu 1994”.

    Muri iyo nyandiko bakomeza bagira bati “Umujyi w’Umurwa mukuru, ubaye uwa mbere mu kwitirira ahantu cyangwa umuhanda, uwazize Jenoside yakorewe Abatutsi mu 1994 mu Rwanda,” Ibuka-France ikaba ihamagarira n’indi Mijyi kurebera kuri urwo rugero.

    source : https://ift.tt/3cytl0d

  • FPR-Inkotanyi umuntu yayigereranya n’umubyeyi utanga ubuzima – Jeannette Kagame #Rwanda #RwOT via @kigalitoday #rwanda #RwOT

    Madamu Jeannette Kagame wari witabiriye inama nkuru y’urugaga rw’abagore rushamikiye ku muryango wa FPR-Inkotanyi, yababwiye ko mu rwego rwo guha abantu umutekano n’amahoro uyu ari wo mwanya wo gutekereza kubaka Umunyarwanda ubereye aho bifuza kugera.

    Ati “Umuryango wa FPR-Inkotanyi, umuntu yawugereranya n’umubyeyi utanga ubuzima, n’ubwo dufite aho tuvuka, umuntu arakura, agakenera uwamufasha kubaka intekerezo nzima, zimwereka inzira yo kugira uruhare mu kubaka, kurinda ibigerwaho, no guhindura ibitameze neza. Twe rero twagize amahirwe, amahitamo yaraje tubona FPR maze iraturera, iturera twese nk’umubyeyi urera abana yahereye mu buto bwe, n’umubyeyi agakora ibishobotse byose adutoza ubwenge, ubumenyi n’indangagaciro nziza ziherekeza umuntu mu buzima bwe, ni ko umuryango wa FPR watubereye urera abanyamuryango utyo”.

    Ngo nyuma yo kubohora u Rwanda basaga nk’abatangiriye ku busa, mu kongera kubaka igihugu cyabo, ariko umuryango wa FPR urabarera ubageza ku Rwanda bafite uyu munsi, ari na ho Madamu Jeannette Kagame yahereye abaza abanyamuryango ba FPR-Inkotanyi, ati “Ese iyo twitegereje imiterere y’imiryango y’abanyamuryango, tubona tubanye uko amahame ya FPR yatwigishije? Ese dufite icyizere ko natwe turimo turera nka yo? Abana bacu nabagereranya nk’icyo mu mibare bita uruti fatizo rw’ababyeyi bombi b’imiryango yacu muri rusange, mu bumenyi ugenekereje, uruti fatizo ni cyo umuntu yakwita ko ari igice kibumbatiye ingufu z’umutamenwa kibuza icyo ari cyo cyose kukinyeganyeza, cyangwa guhungabanya ubudahangarwa bwacyo. Uruti fatizo rero ni rwo rutuma duhagarara twemye”.

    Kimwe mu bikomeza umuryango nk’uwa FPR wubatse intekerezo nzima, ni uko izo ntekerezo zahererekanywa ku bavuka n’ababyiruka, bikaba ari ngombwa rero ko abanyamuryango nk’umutima wa FPR, bashyira ingufu mu kurera abana babo nk’Inkotanyi, zikazakomeza amahame y’umuryango wabo.

    Kuko mu gihe byari bigoye, umuryango wa FPR – Inkotanyi werekanye ko Igihugu gitera imbere iyo hari ubwuzuzanye bw’umugore n’umugabo kuko ikibuza amahoro umwe muri bo, bibagiraho ingaruka bombi.

    Madamu Jeannette Kagame kandi yahamagariye abanyamuryango ba FPR-Inkotanyi gutekereza ku ijambo rizarema abana babo kugira ngo bazabe Inkotanyi, hubakwa umuryango nyarwanda uzira amakimbirane.

    Ngo n’ubwo ubuzuzanye bw’umuryango bumaze gutera imbere mu Rwanda mu nzego zose, ariko haracyariho imbogamizi kugira ngo bigezwe mu ngo kugira ngo abashakanye bubake umuryango ushoboye kandi utekanye.

    Madamu Jeannette Kagame avuga ko mu mibereho y’abantu habaho byinshi abantu batumvikanaho, ariko intwaro ibibafashamo ikaba kuganira no kubwizanya ukuri.

    Ati “Ni ngombwa gutekereza ku ijambo rizarema abana bacu bakaba Inkotanyi, kuganira bigomba kubamo kuvugisha ukuri, no kwirinda guhishahisha, kuganira bigomba kubamo kubahana, kuganira kwiza ni ugutega amatwi ugashishoza, ukumvisha umutima n’ubwenge, utagamije gusubiza gusa, no kwihagararaho aho gushaka umuti w’ikibazo”.

    Akomeza agira ati “Isomo ryo kuganira no kunoza ibiganiro ntawubisoza, bisaba guhora wiga ndetse ukamenya no kwihuza n’ibihe, nk’uko kuganira byose igihe cyose ari byiza, biba kandi ngombwa kuzirikana ko hari ibiganiro bisaba gutegurwa bitewe n’imirimo, amasaha, cyangwa n’ahantu. Byaba bibabaje imiryango y’abanyamuryango ba RPF itavugana kandi umuryango waratwigishije kubaha ibitekerezo by’undi”.

    François Ngarambe
    François Ngarambe

    Umunyamabanga w’umuryango FPR- Inkotanyi François Ngarambe, yavuze ko umuryango FPR-Inkotanyi uharanira iteka ryose iterambere n’imibereho myiza by’umuryango by’umwihariko iterambere ry’umugore n’umwana.

    Ati “Ni yo mpamvu hajyaho gahunda zitandukanye zikomeje kubazamura, turishimira ko umubare w’abagore mu nzego zitandukanye z’ubuzima bw’igihugu ukomeza kwiyongera, tukishimira nanone ivugururwa ry’amategeko yahezaga, akanabangamira umugore, twibuke ariko ko ibi byagezweho kubera ubushake bwa politiki bw’ubuyobozi bukuru bw’igihugu burangajwe imbere na Perezida Kagame akaba n’umuyobozi (chairman) wa FPR-Inkotanyi, n’ubushake bwo kubiharanira bwagaragajwe n’abanyarwandakazi”.

    Iyi nama nkuru y’urugaga rw’abagore rushingiye ku muryango FPR-Inkotanyi, yabereye ku cyicaro cy’uwo muryango i Rusororo tariki 20 Ugushyingo 2021.

    Yari ifite insanganyamatsiko igira iti “Mugore urashoboye komeza ugire uruhare mu kubaka umuryango mwiza kandi utekanye.

    Muri iyo nama hagaragarijwemo ibikorwa byakozwe mu mwaka wa 2019-2021, ndetse hanemezwa ibigombwa gukorwa mu mwaka wa 2022-2023.

    Yari yitabiriwe n’abanyamuryango baturutse mu bice bitandukanye bigize igihugu bagera ku 1000 barimo na Madamu Jeannette Kagame.

    source : https://ift.tt/3xbP7R4