Author: webrwanda

Israel Mbonyi yatoranijwe nk'umuhanzi w'ibihangano byo kuramya no guhimbaza Imana mwiza, Dj Phil Peter atoranywa nk'umunyamakuru ukora w'imyidagaduro mwiza kimwe na Bahavu Usanase Jeannette  nk'umukinnyikazi mwiza wa filimi w'ukwezi.

Rikaba ari ishimwe ritangwa n'abategura  Zikomo Awards nyuma y'uko abafana baberetse ko bashima ibihangano cyangwa n'umuntu runaka uziko akora neza mu byo akora birimo ubuhanzi, itangazamakuru, imideli, ibijyanye n'ubwiza, n'ibindi byiciro binyuranye by'imirimo akaba yabandikira akababwira bashima bakabimugaragariza.

Bashyira hanze ko bashimye Israel Mbonyi ku ifoto bakoresheje yashyizwe kuri Instagram yabo bongeyeho bati:'Kwishimira imbaraga zo gukora cyane, kuri abo bakora ibintu byabo batuje kimwe n'ababishyira hanze, mutera umuhate abandi, murabatoza kandi murakora mugakura ngo bibashe kugerwaho. Zikomo Awards, Israel Mbonyi turakwishimira.'

Israel yashimwe nk’umuhanzi w’ukwezi  n’abategura ibihembo mpuzamahanga bya ‘Zikomo Awards’

Naho mu kwereka Bahavu Usanase Jeannette ko bamwishimiye bagize bati:'Murakoze Bahavu Usanase Jeanette kutwibutsa ibishoboka, biguteye umunezero, gushyira umuhate mukibasha kukuzanira umunezero ukakinjiranamo umuhate wose utitaye ku ngaruka n'ubwoba, ahubwo ukabikora ukabera ijisho benshi bifuza gukora nk'ibyo ukora.'

Bahavu Usanase Jeannette yashimwe nk’umukinnyikazi mwiza w’ukwezi 

Bageze kuri Dj Phil Peter bagize bati:'Kwishimira intwari zitagaragara, abo bashyira umuhate mu bikorwa by'ubumuntu kandi no gufasha umuryango mugari.' Umwe mu bashyize ibitecyerezo kuri ubu butumwa ni umukinnyikazi wa filimi Cyurimpundu Celine Orah wagaragaje ko Phil Peter abikwiye.

Dj Phil Peter yashimwe nk’umunyamakuru w’imyidagaduro mwiza w’ukwezi 

Agira ati:'Arabikwiriye ni umukozi wa nyawe.' N'abandi bakomeje gutanga inyunganizi ku rubuga rwa Instagram rwa Zikomo Awards bagaragaje ko yaba Israel Mbonyi, Dj Phil Peter na Bahavu bose babikwiye aba bakaba biyongereye kuri  Butera Knowless na Shaddyboo nabo baherukaga gutoranywa mu kwezi gushize k'ukwakira.

Ibyiciro binyuranye biteganijwe kuzahatanirwamo mu ntangiriro z’umwaka utaha wa 2022 muri ‘Zikomo Awards’

Biteganijwe ko Zikomo Awards 2022 nk'uko bigaragara ku rubuga rwa www.zikomoawards.com bizatangira guhatanirwa mu mezi ya mbere y'umwaka utaha wa 2022 aho bijyanye n'ibyiciro binyuranye, wakiyandikisha cyangwa ukandikisha uwo ufana unyuze ku mbuga nkoranyambaga zabo.

Yagaragaje ko yishimiye kuba yatecyerejweho n’abategura Zikomo Awards

Umukinnyikazi wa filimi, Celine uri mu bamaze gushyira inyunganizi ku butumwa buvuga kuri Phil Peter yemeje ko abikwiye kuko ari umukozi
Bahavu Jeannette ari mu bakinnyikazi ba filimi bafite izina rikomeye mu Rwanda akaba yaranatewe imboni n’abategura ibi bihembo

Ubutumwa bwa Israel Mbonyi agaragaza ko yashimiye ishimwe yagenewe na Zikomo Awards ryo kuba ariwe muhanzi w’indirimbo zo kuramya no guhimbaza Imana w’ukwezi

Tumaini Byinshi ukunzwe cyane mu ndirimbo ‘Abafite ikimenyetso’ imaze kurebwa n’abarenga Miliyoni 3 kuri Youtube, n’izindi zitandukanye, yahumurije abantu batarabona urubyaro, abagenera ubutumwa binyuze mu ndirimbo ‘Aracyakora’ yakoranye na Gentil Misigaro wamamaye mu ndirimbo ‘Biratungana’. ‘Aracyakora’ ni indirimbo ibyinitse irimo udushya tunyuranye nk’aho Gentil Misigaro atangira abwiriza ahamya imbaraga z’Imana, hakanagaragaramo umuzungukazi uba yizihiwe cyane abyinira Imana yamwiyeretse.

Tumaini Byinshi ari mu baramyi bagezweho muri iyi minsi

Mu kiganiro na InyaRwanda.com, Tumaini Byinshi yavuze ko yanditse iyi ndirimbo agamije gutanga ihumure ku bantu batarabona urubyaro. Ni nyuma y’uko yari amaze kubona inkuru nziza y’umubyeyi wari warabuze urubyaro ariko Imana ikaza kumukorera igitangaza. Ati “Indirimbo nakoranye na Gentil Misigaro twayise ‘Aracyakora’, irimo amashimwe, ihumure no guhamya. Itangira ivuga intimba Sarah na Hana bari bafite ku bwo kubura urubyaro ariko ku bwo kwihangana bizeye Imana irabasubuza. Ni benshi rero kuri ubu babiciyemo bari gushima”.

“Harimo kandi n’ihumure ku bakibirimo, bakomere kuko Yesu ARACYAKORA. Ni indirimbo yakozwe mu buryo butangaje kuko ni project (umushinga) imaze imyaka 3 tubitegura ariko ntibikunde kugena igihe tuzayikorera byaratugoye ariko iki ni cyo gihe cy'Imana. Mu by’ukuri indirimbo nayanditse ndi mu bihe bisanzwe nari imuhira bisanzwe numva melody iramanutse ndatangira ndaririmba. Gusa nari mu bihe by’amashimwe. Hari aba mama babiri b’inshuti zacu bari bamaze igihe kinini batabyara kandi tubasengera, umwe muri bo yari yabyaye bintera umunezero ariko kandi nzirikana ko hari n’abari inyuma ni ko kubahumuriza mu ndirimbo”.

REBA HANO INDIRIMBO NSHYA ‘ARACYAKORA’ YA TUMAINI FT GENTIL

Tumaini Byinshi yavuze impamvu yahisemo Gentil Misigaro ngo bakorane iyi ndirimbo, avuga ko ari umuhanzi w’umuhanga cyane anamushimira inkunga yamuteye kugira ngo iyi ndirimbo imere neza. Ati “Gentil ni njyewe wamusabye ko twakorana, kandi tumaze guhura Gentil nk’umuririmbyi w’umuhanga, umwanditsi mwiza, umucuranzi mwiza, yayikozeho akazi kenshi kugira ngo ibe imeze neza, ndamushimiye, aratandukanye, ni umukozi w'Imana”. Yakomoje ku mishinga ari gutegura mu minsi iri imbere ati “Mu by’ukuri ntabwo nicaye ndi gutegura Album ya 2 kandi izaba irimo indirimbo nziza zikoze neza”.

Tumaini Byinshi (ibumoso), Gentil Misigaro (hagati) na Adrien Misigaro (iburyo)

Tumaini utuye muri Leta Zunze Ubumwe za Amerika na Gentil Misigaro utuye muri Canada, muri iyi ndirimbo ‘Aracyakora’ bakoranye baririmbamo bati “Umva ngufitiye inkuru nziza, iyabikoreye Hana na Sara, nawe yabigukorera, ntabwo ijya irobanura ku butoni, oya. Intimba n’imibabaro wamaranye igihe Sarah we none urahetse, wamaze igihe gito mu isinagogi utemba amarira Hana we none urashima. Ngaho haguruka wamamaze uvuge amakuru ko uwo twizeye afite imbaraga, haguruka wamamaze utange ubuhamya ko uwo twizeye aracyakora”.

Abantu batari bacye banyuzwe cyane n’iyi ndirimbo ‘Aracyakora’ ahanini bitewe n’amagambo akomeye aba baririmbyi bayiririmbamo ndetse n’uburyo bagaragara babyina ubona bishimye cyane. Umuramyi Israel Mbonyi ukunzwe bihebuje mu muziki wa Gospel ari mu bamaze kugaragaza ko bakozwe ku mutima n’iyi ndirimbo, ibi akaba yabitangaje anyuze ku rukuta rwe rwa Instagram akurikirwaho n’abarenga ibihumbi 242. Yafashe amashusho mato y’iyi ndirimbo ayasangiza abakunzi be, munsi yayo arandika ati “Muranejeje kweri. Imigisha minshi Gentil na Tumaini”.  Kuri Youtube iyi ndirimbo imaze gutangwaho ibitekerezo birenga 169.

Israel Mbonyi yanyuzwe cyane n’indirimbo ‘Aracyakora’

Tumaini Byinshi ni umuramyi w’umuhanga ufite igikundiro cyinshi mu muziki acyesha indirimbo ye yise ‘Abafite ikimenyetso’ imaze kurebwa n’abarenga Miliyoni eshatu ku rubuga rwa Youtube mu mwaka umwe gusa imazeho. Ubwo yashyiraga hanze iyi ndirimbo yatumbagije ubwamamare bwe, hari abantu babanje gukeka ko ari indirimbo ya Israel Mbonyi bitewe n’uburyo imyandikire yayo yenda kumenya nk’iza Mbonyi ndetse n’ijwi rya Tumaini hari ukuntu ryenda kumera nk’irya Mbonyi. Nyuma yayo, Tumaini yakoze izindi nazo zakunzwe zirimo; Nafashe umwanzuro, Intsinzi, Tuza waremewe, n’izindi. 

Ibyihariye kuri Gentil Misigaro watangiwe ubuhamya bwiza na Tumaini

Gentil Misigaro wisunzwe na Tumaini Byinshi bagakorana indirimbo ‘Aracyakora’, ni umuramyi w’umuhanga mu buryo budashidikanywaho akaba yaranabyerekanye mu gitaramo cy’amateka yakoreye mu Rwanda mu ntangiriro za 2019 aho yacuragishije gitari n’amenyo. Yacuranze umuziki wa LIVE waryoheye benshi na n’ubu bakirahira igitaramo cye cyitabiriwe n’ibyamamare nka King James, Patient Bizimana, Uncle Austin, Israel Mbonyi, Alex Muyoboke, Apotre Masasu, Miss Shanitah Umunyana, Miss Igisabo (Hirwa Honorine) n’abandi. Si ibyo gusa ahubwo ubuhanga bwe bugaragarira no mu myandikire y’indirimbo ze, bugasemburwa n’impano y’ijwi ryiza afite. 

Bimaze kuba nk’ihame ko Gentil Misigaro akorana indirimbo n’abandi baramyi zigakundwa bitangaje, urugero ni ‘Buri munsi’ yakoranye na Adrien Misigaro imaze kurebwa n’abarenga Miliyoni 4.9, hakaza kandi ‘Umbereye maso’ yakoranye na Nice Ndatabaye imaze kurebwa n’abarenga Miliyoni 5.5 kuri Youtube ndetse akaba ari nayo ndirimbo ifite agahigo ku kuba iya mbere imaze kurebwa cyane mu ndirimbo z’abahanzi ba Gospel mu Rwanda. Hari kandi ‘Hano kw’isi’ yakoranye na Adrien Misigaro, ‘Hari imbaraga’ yakoranye n’abo mu muryango we ‘Legacy Fam’, ‘Nzamura’ yakoranye na Fortran Bigirimana, ‘Ndaje’ yakoranye na Prosper Nkomezi, n’izindi. Kuri ubu hitezwe indirimbo ashobora kuzaririmbana n’umugore we Rhoda Misigaro.

Gentil Misigaro ni umuramyi, umwanditsi w’indirimbo akaba n’umu Producer

Tumaini Byinshi yamamaye mu ndirimbo ‘Abafite ikimenyetso’

Israel Mbonyi yavuze ko yanejejwe cyane n’indirimbo ‘Aracyakora’ ya Tumaini na Gentil

REBA HANO ‘ARACYAKORA’ INDIRIMBO NSHYA YA TUMAINI FT GENTIL

REBA HANO ‘ABAFITE IKIMENYETSO’ YA TUMAINI BYINSHI

Mu nkuru ibanza twari twababwiye ko ari ikibazo cy’itangazo gusa naho Ole yari yavuye mu mishinga ya Manchester United.

Kuri aya amanywa izuba riva Ole wari umaze imyaka isaga itatu ahanyanyaza muri Manchester United yasezerewe muri iyi kipe nta gikombe yegukanye.

Nyuma yo gutsindwa na Watford ku munsi w’ejo, Ubuyobozi bwa Manchester United bwafashe umwanzuro wo gutandukana n’uyu mutoza waherukaga kongererwa amasezerano.

Ole Gunnar Solskaer yahawe akazi muri Manchester United kuva tariki 19 Ukuboza 2018 aho kugera n’ubu atari yakabashije kumanika igikombe n’iyo cyaba cyoroheje.

Manchester United ntabwo ifite Umutoza ufata iyi kipe ariko abatoza bungirije nka Michael Carrick baragumana ikipe kugera ibonye umutoza.

Umushinwa utangaza mu buryo bwa 'live' arimo kurya avuga ko yashyizwe ku rutonde rw'umukara rw'abatemerewe kugera muri resitora (restaurant) icuruza inyama zokeje abakiliya bihereza ibyo bashoboye byose (self-service) kubera kurya cyane.

Uwo mugabo, uzwi gusa ku izina rya Bwana Kang, yabwiye televiziyo Hunan TV ko yaciwe muri resitora ya Handadi Seafood BBQ Buffet yo mu mujyi wa Changsha rwagati mu Bushinwa kubera kurya byinshi yikurikiranya.

Yavuze ko yariye 1.5kg cy'ibinono by'ingurube ubwo yariraga muri iyo resitora bwa mbere, n'ibiro biri hagati ya 3.5 na 4 by'inyama z'igisimba cyo mu mazi kizwi nka 'prawn' ku yindi nshuro yagiye muri iyo resitora.

Kang yavuze ko iyo resitora 'ikorera ivangura' abantu bashobora kurya byinshi.