Webrwanda Backend

Author: webrwanda

  • Byasabye imikino 9 ya shampiyona kugirango ikipe ya Gorilla FC ibone amanota 3 imbumbe imaze gutsinda Gasogi United #rwanda #RwOT

    Ubwo hakinwaga umukino w'umunsi wa 9 mu shampiyona y'ikiciro cya mbere mu bagabo, ikipe ya Gorilla FC yari yasuye ikipe ya Gasogi United birangira yegukanye intsinzi yo kuri uyu mukino wabereye kuri Sitade ya Kigali i Nyamirambo.

    Uyu mukino wakinwe ikipe ya Gasogi United idafite umutoza wayo mukuru Guy Bukasa uri kubarizwa muri Congo Kinshasa aho yagiye mu nama yahuje abatoza b'ikipe y'igihugu ya Congo, uyu nawe akaba ari umwe mu batoza bayo.

    Gasogi United kandi yaje muri uyu mukino kandi yakoze impinduka mu bakinnyi bayo kuko mu bakinnyi 11 basanzwe babanzamo ntamukinnyi n'umwe wagaragayemo, aha umuyobozi wa Gasogi United akaba yasobanuye ko babikoze ku bushake kugirango n'abandi bakinnyi batajya baboneka mu kibuga bahabwe umwanya wo kwigaragaza.

    Ubwo umukino wari ugeze ku munota wa 43 habura iminota mike ngo igice cya mbere kirangire nibwo ikipe ya Gorilla FC yabonye igitego cya mbere cyatsinzwe na Nizeyimana Jean Claude uzwi nka Rutsiro.

    Iki gitego kimwe nicyo cyatandukanyije impande zombi, bityo bituma iyi kipe ibona intsinzi yayo ya mbere muri uyu mwaka w'imikino wa 2021-2022, aha kandi umutoza Sogonya Hamissi uzwi nka Kishi akaba yuzuzaga amanota 4 mu mikino 2 y'amanota 6 amaze gukina.

    Kugeza ubu nyuma y'imikino 9 ya shampiyona, ikipe ya Gorilla FC iri ku mwanya wa 14 n'amanota 7.

    Usibye uyu mukino waraye ubaye, ikipe ya Bugesera FC yanganyije na Etoile de l'Est ubusa ku busa, naho mu karere ka Rubavu ikipe ya Rutsiro FC  yanganyije na Espoir FC ibitego 2-2.

    Usibye iyi mikino yaraye ibaye, kuri uyu wa gatandatu ndetse ni ku cyumweru shampiyona irakinwa muri ubu buryo:

    Kuwa gatandatu, tariki ya 18 Ukuboza 2021:
    AS Kigali vs Rayon Sports FC, Kigali Stadium — 15.00
    Marine FC vs APR FC, Umuganda Stadium — 15.00
    Mukura VS&L vs Kiyovu SC, Huye Stadium — 15.00

    Ku cyumweru, tariki ya 19 Ukuboza 2021:
    Police FC vs Etincelles FC, Kigali Stadium — 15.00
    Gicumbi FC vs Musanze FC, Gicumbi Stadium — 15.00

    Abakinnyi 9 batemerewe kugaragara kuri uyu munsi bitewe n'amakarita babonye mu mikino iheruka:
    Rwabuhihi Aimé Placide — APR FC
    Sadick Sulley — Bugesera FC
    Akayezu Jean Bosco — Etincelles FC
    Bizimungu Omar — Etincelles FC
    Fosso Fabrice Raymond — Etincelles FC
    Kaneza Augustin — Gasogi United
    Nsabimana Eric — Police FC
    Niyonkuru Sadjat — Rayon Sports FC
    Onana Esomba Willy Léandre — Rayon Sports FC
    Mukoghotya Robert — Mukura VS&L

    The post Byasabye imikino 9 ya shampiyona kugirango ikipe ya Gorilla FC ibone amanota 3 imbumbe imaze gutsinda Gasogi United appeared first on RUSHYASHYA.

    Source : https://rushyashya.net/byasabye-imikino-9-ya-shampiyona-kugirango-ikipe-ya-gorilla-fc-ibone-amanota-3-imbumbe-imaze-gutsinda-gasogi-united/?utm_source=rss&utm_medium=rss&utm_campaign=byasabye-imikino-9-ya-shampiyona-kugirango-ikipe-ya-gorilla-fc-ibone-amanota-3-imbumbe-imaze-gutsinda-gasogi-united

  • Ni abaperezida b’umwanda – KNC agaruka ku bayobozi bavugwaho kugurisha imikino harimo na Juvenal wa Kiyovu #rwanda #RwOT

    Perezida w’ikipe ya Gasogi United, Kakooza Nkuriza Charles [KNC] yavuze ko abayobozi b’amakipe bagurisha imikino kuri we abafata nk’umwanda, ni mu gihe we yahakanye ko abikora.

    Kuva shampiyona y’uyu mwaka 2021-22 yatangira, hagiye havugwamo ikintu cyo gutega cyangwa kugurisha imikino bizwi nka Betting mu rurimi rw’amahanga, aho bamwe mu bayobozi bagurisha imikino kugira ngo babone amafaranga.

    Ku munsi w’ejo hashize ku wa Gatanu, Gasogi United yakinnye na Gorilla FC mu mukino w’umunsi wa 9, benshi baketse ko Gasogi yagurishije uyu mukino kubera ko abakinnyi bose ba Gasogi babanjemo abenshi bamaze igihe badakina. Gorilla FC yatsinze 1-0.

    KNC yabwiye itangazamakuru ko impamvu bakoze izo mpinduka ari uko yari arambiwe guhemba abakinnyi badakina, ari abo gufasha abandi imyitozo gusa, ngo bagombaga kubaha umwanya bagakina.

    Agaruka ku kintu cyo gutega ku mikino, yasabye itangazamakuru kubaza perezida wa Kiyovu, Mvukiyehe Juvenal kuko ari we bivugwaho cyane.

    Ati “Ngo turatega?(betting), reka nkubaze ikibazo kimwe, bavuga perezida wa Kiyovu Sports ko ari we ubikora cyane, waramubajije, uwo bavuga cyane ni perezida wa Kiyovu, uzagende umubaze agusobanurire.”

    Yakomeje kandi yifatira ku gahanga itangazamakuru ndetse ashimangira ko abayobozi b’amakipe babikora ari umwanda.

    Ati “Navuga ko abantu batega (betting) ba mbere ari abanyamakuru, nimwe mugiye kutwicira umupira (…) uyu munsi wa none nihatagira igikorwa hagati y’abanyamakuru, n’abayobora imikino n’abo ba perezida wenda b’umwanda ndabyita umwanda kuko baba babaye umwanda, uyu mupira wacu ntaho ugana. “

    Mu minsi ishize ubwo perezida wa Kiyovu yabazwa n’ikinyamakuru ISIMBI ko ibimuvugwaho ari byo koko yaba agurisha imikino, yavuze ko ibyo bintu mu buzima bwe atarabikora atazi n’uko bikorwa, avuga ko atabuza abantu kuvuga ibyo bashaka.

    KNC avuga ko abayobozi bagurisha imikino ari umwanda

    Source : http://isimbi.rw/siporo/article/ndabita-abaperezida-b-umwanda-knc-agaruka-ku-bayobozi-bagurisha-imikino-ngo-bazabaze-perezida-wa-kiyovu

  • Minisitiri w’Umutekano mu Gihugu yashimiye Polisi uko isohoza imirimo ishinzwe #Rwanda #RwOT via @kigalitoday #rwanda #RwOT

    Ubwo yari muri iyi nama, Minisitiri Gasana yavuze ko iyi nama nkuru ya Polisi ari umwanya mwiza wo kuganira no gutanga umurongo ku ngingo z’ingenzi zirebana n’umutekano w’Igihugu.

    Yagize ati “Ndashimira Polisi y’u Rwanda kuba yantumiye muri iyi nama nkuru yayo nyuma y’iminsi micye mpahwe inshingano zo kuba Minisitiri w’umutekano. Inama nkuru ya Polisi ni umwanya mwiza wo kuganira ku bintu by ‘ingenzi bijyanye n’umutekano kandi tukabiha umurongo.”

    Minisitiri w
    Minisitiri w’Umutekano mu Gihugu, Alfred Gasana

    Yakomeje avuga ko akazi Polisi ikora gasaba imbaraga, umuhate n’ubushobozi. Yavuze ko Polisi igira uruhare mu kubumbatira umutekano no kugenzura iyubahirizwa ry’amategeko, avuga ko bishimishije kandi ari byo byari biyitezweho mu gufasha abaturage.

    Minisitiri Gasana yagaragaje ko imiryango itandukanye ishyira u Rwanda ku mwanya mwiza mu bihugu bitekanye.

    Yagize ati “Imiryango mpuzamahanga ishyira u Rwanda mu myanya myiza ku Isi mu bihugu bifite umutekano. Byose ni ku bikorwa byiza mugenda mugeraho kandi bishimisha abaturarwanda.”

    Yakomeje ashima uruhare rwa Polisi mu kugenzura iyubahirizwa ry’amabwiriza yo kurwanya COVID-19, abasaba gukomeza uwo muhate.

    Minisitiri Gasana yasezeranyije Polisi y’u Rwanda ubufatanye mu guhangana n’imbogamizi izo ari zo zose.

    Umuyobozi wa Polisi y'u Rwanda (IGP) Dan Munyuza

    Umuyobozi wa Polisi y’u Rwanda (IGP) Dan Munyuza

    Umuyobozi wa Polisi y’u Rwanda, IGP Dan Munyuza yagaragaje ko hashyizweho ingamba mu gukomeza kubumbatira umutekano, anavuga ko inama nkuru ya Polisi ari umwanya mwiza wo gusuzuma no gusesengura ibintu bitandukanye bigamije kwimakaza umutekano cyane cyane mu bihe by’iminsi mikuru.

    Yagize ati “Polisi ntizigera itezuka ku kubumbatira umutekano no kugenzura iyubahirizwa ry’amategeko mu gihugu ndetse n’andi mabwiriza aba yashyizweho. Mu mikoranire n’abafatanyabikorwa bacu, twakoranye kandi turacyakorana n’abafatanyabikorwa bacu mu bikorwa bitandukanye mu kurwanya ikwirakwira ry’icyorezo cya COVID-19. Kandi ibyo bikorwa bizakomeza ntibizigera bihagarara.”

    IGP Munyuza yashimiye ubuyobozi bw’Igihugu ku gufasha Polisi y’u Rwanda mu kwiyubaka no kubaka ubushobozi n’ibikorwaremezo. Yavuze ko Polisi izakora ibishoboka byose mu kugenzura iyubahirizwa ry’amategeko no gukumira ibyaha.

    Inkuru dukesha Polisi y’u Rwanda iravuga ko iyi nama nkuru ya Polisi yitabiriwe n’abapolisi 210 harimo abapolisi bakuru bayobora amashami atandukanye, abayobozi ba Polisi mu Ntara no mu turere, hari kandi ba ofisiye bato n’abandi bari bahagarariye abapolisi bato.

    source : https://ift.tt/3p5tO0N

  • #COVID19: Abantu 153 banduye babonetse mu bipimo 19,327 #Rwanda #RwOT via @kigalitoday #rwanda #RwOT

    Nta muntu wishwe n’icyo cyorezo kuri uwo munsi, abamaze kwitaba Imana bose hamwe mu Rwanda bazize Covid-19 ni 1,344.

    Imibare y’abagaragaraho COVID-19 mu Rwanda bigaragara ko ikomeje kuzamuka, dore ko mbere yaho ku wa Kane tariki 16 Ukuboza 2021 mu Rwanda hari habonetse abanduye Covid-19 bashya 142 mu bipimo 12,246.

    Ni mu gihe ku wa Gatatu tariki 15 Ukuboza 2021 mu Rwanda hari habonetse abanduye Covid-19 bashya 125 mu bipimo 9,816.

    source : https://ift.tt/3yBhxoh

  • FERWACY yateguye isiganwa ry'amagare ryiswe 'Kibugabuga Race' rizahagurukira mu mujyi wa Kigali rigasorezwa mu karere ka Bugesera #rwanda #RwOT

    Ishyirahamwe ry'umukino wo gusiganwa ku magare FERWACY, ryateguye isiganwa rizakinwa mu mpera z'iki cyumweru tariki ya 18 Ukuboza 2021, ni isiganwa rizahagurukira mu mujyi wa Kigali rigasorezwa mu karere ka Bugesera,

    Ni isiganwa rizitabirwa n'amakipe atandukanye rikazitabirwa n'amakipe 16 atadukanye ya hano mu Rwanda, ni isiganwa rizakinwa mu byiciro bitatu bigizwe n'abakiri bato n'abakuru mu bagabo ndetse no mu kiciro cy'abagore.

    Kibugabuga Race rizahagurukira kuri Canal Olympia rinyure iGahanga, i Nyamata, Ramiro, Kamabuye, Ruhuha risorezwe i Nyarugenge ku kigo cy'amashuri cya GS Kamabare.

    Mu kiciro cy'abakiri bato b'abahungu bazakora intera ya km73 na M600, aba bazahagurikira Ninda.

    Mu kiciro cy'abagabo bazasiganwa ku ntera ya KM 89 na M 100, aba bakazahagurikira kuri Canal Olympia mu karere ka Kicukiro mu mujyi wa Kigali.

    Ikiciro cy'abagore bo bazakora intera ya KM 65 b0 bagahagurukira kuri La Palisse Hotel i Nyamata, aba basiganwa bose bakazahaguruka ku isaha ya 10h z'igitondo.

    Kugeza ubu muri uyu mwaka hamaze kuba amasiganwa abiri y'imbere mu gihugu yateguwe na FERWACY, irya mbere ryatwawe na Areruya Joseph i Kigali naho iriheruka ryasorejwe i Gicumbi ryatwawe na Manizabayo Eric uzwi nka Karadiyo.

    Ishyirahamwe ry'umukino wo gusiganwa ku magare mu Rwanda FERWACY, ryatangaje ko abakinnyi b'abanyarwanda bakina hanze nka Byiza Renus, Mugisha Moise na Mugisha Samuel bemerewe gukina iri siganwa igihe babisabiwe n'amakipe yabo.

    Isiganwa ryiswe Kibugabuga bijyanye n'amateka kuko aha ari ahantu hazwi habereye intambara zikomeye ku ngoma ya Kigali IV Rwabugiri.

    The post FERWACY yateguye isiganwa ry'amagare ryiswe 'Kibugabuga Race' rizahagurukira mu mujyi wa Kigali rigasorezwa mu karere ka Bugesera appeared first on RUSHYASHYA.

    Source : https://rushyashya.net/ferwacy-yateguye-isiganwa-ryamagare-ryiswe-kibugabuga-race-rizahagurukira-mu-mujyi-wa-kigali-rigasorezwa-mu-karere-ka-bugesera/?utm_source=rss&utm_medium=rss&utm_campaign=ferwacy-yateguye-isiganwa-ryamagare-ryiswe-kibugabuga-race-rizahagurukira-mu-mujyi-wa-kigali-rigasorezwa-mu-karere-ka-bugesera

  • Covid-19: Abajya mu tubari, Resitora n'ahandi hahurira abantu benshi, bagomba kuba bikingije mu buryo bwuzuye #rwanda #RwOT

    Guverinoma y'u Rwanda yatangaje ko  guhera  ku wa Mbere tariki 20 Ukuboza 2021; abajya mu mu tubari, resitora n'ahandi hahurira abantu benshi bagomba kuba bikingije icyorezo cya Covid-19 mu buryo bwuzuye.

    Itangazo ryaturutse mu Biro bya Minisitiri w'Intebe kuri uyu wa Gatanu tariki 17 Ukuboza 2021, rivuga ku ngamba zo kurwanya COVID-19 rigaragaza ko  ingendo zibujijwe guhera Saa yine z'ijoro  kugeza Saa Kumi za mu gitondo.

    The post Covid-19: Abajya mu tubari, Resitora n'ahandi hahurira abantu benshi, bagomba kuba bikingije mu buryo bwuzuye appeared first on FLASH RADIO&TV.

    Source : https://flash.rw/2021/12/18/covid-19-abajya-mu-mu-tubari-resitora-nahandi-hahurira-abantu-benshi-bagomba-kuba-bikingije-mu-buryo-bwuzuye/?utm_source=rss&utm_medium=rss&utm_campaign=covid-19-abajya-mu-mu-tubari-resitora-nahandi-hahurira-abantu-benshi-bagomba-kuba-bikingije-mu-buryo-bwuzuye

  • Mu Rwanda hagaragaye abantu batandatu banduye virusi ya Omicron #Rwanda #RwOT via @kigalitoday #rwanda #RwOT

    source : https://ift.tt/3sh9v2w

  • Amabwiriza yongeye gukazwa : I Kigali abajya mu Tubari n’ahandi hatandukanye bagomba kuba barikingije byuzuye #rwanda #RwOT

    Mu ijoro ryo kuri uyu wa Gatanu, hasohotse itangazo riturutse mu Biro bya Minisitiri w’Intebe rigaragaza ingamba nshya nshya zo kwirinda icyorezo cya COVID-19.

    Ingingo ya mbere muri izi ngamba nshya, igira iti 'Ingendo zirabujijwe guhera saa yine z’ijoro (10:00 PM) kugeza saa kumi za mu gitondo (4:00 AM). Ibikorwa byemerewe gukomeza bizajya bifunga saa tatu z’ijoro (09:00 PM).'

    Aya mabwiriza mashya yatangajwe nyuma y’umunsi umwe hatangiye kubahirizwa andi mabwiriza yari yafatiwe mu Nama y’Abaminisitiri yari yateranye kuri uyu wa Kabiri tariki 14 Ukuboza 2021 yari yafatiwemo ibyemezo birimo amabwiriza mashya.

    Iri tangazo ryasohotse kuri uyu wa Gatanu rivuga kandi ko ibitaramo bya Muzika byose bibaye bihagaritswe mu gihe Inama y’Abaminisitiri yari yahagaritse ibyo mu nzu z’utubyiniro ndetse n’ibicurangirwa mu tubari.

    Nanone kandi ibikorwa birimo za resitora, utubari, ibikorwa bya siporo bikorewe mu nzu zabigenewe ndetse na za Piscine bizakomeza gukora ariko ababyitabira bagasabwa kuba barikingije byuzuye mu Mujyi wa Kigali ndetse no mu Mijyi iwunganira.

    Source : http://www.ukwezi.rw/1-1/Amakuru-anyuranye/article/Amabwiriza-yongeye-gukazwa-I-Kigali-abajya-mu-Tubari-n-ahandi-hatandukanye-bagomba-kuba-barikingije-byuzuye

  • Lisansi yiyongereyeho 80Frw bamwe bahita bikanga irindi tumbagira ry’ibiciro ku masoko #rwanda #RwOT

    Ibi biciro bigaragaza ko igiciro cya lisansi kyiyongereyeho 82 Frw kuri litiro kuko ubusanzwe yari ku 1.143 Frw kuri Litiro.

    Naho Mazutu ikaba yiyongereyeho 86 Frw kuko yo yari isanzwe iri ku 1.054 Frw ubu ikaba yageze ku 1 140 Frw.

    Ibi biciro bishya bigomba gutangira gukoreshwa guhera ku wa 19 Ukuboza 2021 kugera ku wa 14 Gashyantare 2022.

    RURA isobanura ko kuva Gicurasi 2021, Leta y’u Rwanda yigomwa amwe mu mahoro asanzwe yakwa ku icuruzwa ry’ibikomoka kuri peteroli kugira ngo hirindwe izamuka rikabije ry’ibiciro byabyo ku isoko ryo mu Rwanda.

    Kuri iyi nshuro nabwo, Leta yigomwe ayo mahoro kugira ngo igiciro cya Lisansi aho kwiyongeraho 137 Frw kuri litiro cyiyongereho 82 Frw naho icya Mazutu cyari kwiyongeraho 167 Frw kuri litiro cyiyongereho 86.

    Itangazo rya RURA rigira riti “Igiciro rya Lisansi aho kwiyongeraho amafaranga y’u Rwanda 137 kuri litiro kiyongereyeho 82 naho icya mazutu cyari kwiyongeraho amafaranga y’u Rwanda 167 kuri litiro kiyongereyeho 86 Frw.'

    Iri tangazo rivuga ko iki cyemezo cyafashwe mu gukumira ingaruka zishobora guturuka ku bwiyongere bukabije bw’ibiciro by’ibikomoka kuri peteroli, bityo zikabangamira umuvuduko ubukungu bw’igihugu buri kwiyubakiraho nyuma yo gukererezwa n’ingaruka z’icyorezo cya Covid-19.

    Source : http://www.ukwezi.rw/1-1/Amakuru-anyuranye/article/Lisansi-yiyongereyeho-80Frw-bamwe-bahita-bikanga-irindi-tumbagira-ry-ibiciro-ku-masoko

  • Turukiya : Perezida Kagame yaganiriye na mugenzi we Recep Tayyip Erdoğan #rwanda #RwOT

    Perezida Kagame ni umwe mu bakuru b’ibihugu na za Guverinoma za Afurika bitabiriye iyi nama iteganyijwe kuba hagati ya 17-18 Ukuboza 2021.

    Muri ibi biganiro Umukuru w’Igihugu yari aherekejwe n’abayobozi barimo Minisitiri w’Ububanyi n’Amahanga n’Ubutwererane, Dr Biruta Vincent.

    Perezida Kagame na mugenzi we, Recep Tayyip Erdoğan baganiriye ku kwagura no gukomeza umubano n’ubufatanye hagati y’ibihugu byombi.

    Ibihugu byombi bifitanye umubano umaze igihe dore ko Ambasade ya Turikiya mu Rwanda yatangiye imirimo yayo mu Ukuboza 2014, mu gihe iy’u Rwanda i Ankara [Umurwa Mukuru wa Turikiya], yo yafunguwe mu 2013.

    Muri Nzeri uyu mwaka, Minisitiri Dr Biruta yari yagiriye uruzinduko muri Turikiya ahura na mugenzi we, aho bahavuye ibihugu byombi bisinyanye amasezerano y’ubufatanye mu bijyanye n’uburezi, inganda na siporo.

    Icyo gihe kandi Minisitiri Dr Biruta yagize umwanya wo kubonana no kuganira n’abashoramari bo muri Turikiya. Yashimye kandi umusanzu iki gihugu cyahaye u Rwanda mu bijyanye no kurwanya Covid-19.

    UKWEZI.RW

    Source : http://www.ukwezi.rw/1-1/3/article/Turukiya-Perezida-Kagame-yaganiriye-na-mugenzi-we-Recep-Tayyip-Erdogan