Author: webrwanda

Nyuma y’uko ikipe ya Nyanza FC imenyeshejwe ko umukino wagombaga kuyihuza na Rugende FC w’ikirarane mu cyiciro cya kabiri utakibaye, iyi kipe yandikiye FERWAFA iyimenyesha ko igomba kwishyura ibyakoreshejwe byose kuko yari yageze ku kibuga ahagomba kubera umukino.

Ni umukino wagombaga kubera i Rugende uyu munsi tariki ya 31 Ukuboza 2021 ariko mu buryo butunguranye iyi kipe yamenyeshejwe ko uwo mukino usubitswe bazamenyeshwa igihe uzabera nk’uko bigaragara mu butumwa iyi kipe yohererejwe mu buryo bwa Email saa 10h z’uyu munsi bwasinyweho n’umunyamabanga w’umusigire wa FERWAFA, Iraguha David.

Buragira buti 'bwana perezida tubandikiye tubanyesha ko umukino w’ikirarane mwari mufitanye uyu munsi tariki ya 31 Ukuboza 2021 n’ikipe ya Rugende utakibaye tuzabamenyesha ikindi gihe uyu mukino uzaberaho.'

Saa 11:16′, Rugende FC yahise isubiza FERWAFA ko bashingiye ku ibaruwa yo ku wa 21 Ukuboza 2021 ibamenyesha ko bazakina na Rugende FC umukino w’ikirarane tariki ya 31 Ukuboza 2021, bagashingira ko n’amabwiriza mashya ya MINISPORTS avuga ko imikino izahagarikwa tariki ya 1 Mutarama 2022 ndetse banashingiye ku mabwiriza agenga amarushanwa ya FERWAFA bamaze kugera i Rugende aho uyu mukino wagombaa kubera.

Bakomeje bavuga ko mu gihe bahisemo gusubika umukino bagomba kwishyura iyi kipe ibyo yakoresheje byose iza i Kigali.

Bati 'mu gihe muhisemo gusubika uyu mukino twizere ko muza kudusubiza ibyakoreshejwe byose hitegurwa uyu mukino cyane ko mutigeze mutumenyesha ikintu kidasanzwe gitumye mufata uyu mwanzuro wo gusubika umukino habura amasaha make ngo ube. Ubu ntabwo tubona impamvu n’imwe yatuma umukino utaba.'

Umukino wasubitswe Nyanza FC yageze Rugende

Nkusi Arthur amaze icyumweru avuye kuri micro za Radio aho yari amaze imyaka 10 mu itangazamakuru irimo igera kuri ine yari amaze kuri Kiss FM.

Ku mugoroba wok u ya 23 Ukuboza 2021, uyu mugabo ufite izina rikomeye mu myidagaduro mu Rwanda, yatangaje ko bucyeye bwaho tariki 24 Ukuboza ari wo munsi wa nyuma aza kuba yumvikanye kuri Micro za Kiss FM.

Nkusi Arthur yongeye kugaragara ku mbuga koranyambaga ashyiraho amafoto ari kumwe n’umugore we Fiona Muthoni Ntarindwa baherutse gusezerana.

Aya mafoto abagaragaza bari mu byishimo ku mucanga, Nkusi Arthur yashyizeho ubutumwa buyaherekeje agira ati 'Ibihe bitandukanye mbere ya 2022.'

Ni amafoto yishimiwe na bamwe mu bakurikira uyu munyarwenya baboneyeho kumwifuriza umwaka mwiza we n’umugore we bamaze igihe gito bashyingiranywe.

Iyi mpanuka yabaye hagati ya saa yine n’igice na saa tanu z’igitondo cyo kuri uyu wa Gatanu tariki 31 Ukuboza 2021, muri metero 100 uvuye ku biro by’Umurenge wa Bwishyura.

Umunyamabanga Nshingwabikorwa w’Umurenge wa Bwishyura, Ayabagabo Faustin, yatangaje ko imodoka izwi nk’ibeni (Fuso) yari itwaye amatafari yagonganye na Coaster ya Kivu Belt Express.

Ayabagabo Faustin yakomeje avuga ko uyu muhanda ukunze kubamo impanuka bigendanye n’imiterere yawo kuko hamanuka cyane.

Uyu muyobozi yakomeje asaba abatwara ibinyabiziga kurushaho kwitwararika bakazirikana ko amagara aseseka ntayorwe.

Ati 'Ubutumwa twatanga ni ugusaba abashoferi bakoresha uyu muhanda kujya bagabanya umuvuduko kuko ukunze kubamo impanuka, bakajya bitwararika kandi bakazirikana ko amagara aseseka ntayorwe. Bitwararike twirinde impanuka za hato na hato zaba intandaro yo gutwara ubuzima bw’abantu.'

Abakomerekeye muri iyi mpanuka bose bahise bajyanwa ku Bitaro bya Kibuye kugira ngo bahabwe ubutabazi bwihuse.

Umwe mu babonye amafoto y’imodoka zagonganye by’umwihariko Coaster yagize ati 'Imana igira amaboko, nta muntu wahise ahasiga ubuzima ureba ukuntu imodoka yabaye.'

Coster yangiritse bikomeye gusa abari muri Fuso yari itwaye amatafari bo ntacyo babaye ndetse n’imodoka ntiyangiritse bikabije.

Ayabagabo avuga ko urebye Coaster yari yasatiriye cyane iriya kamyo, gusa ngo Polisi y’u Rwanda ishami rishinzwe umutekano wo mu muhanda ikomeje iperereza ngo harebwe icyateye iyi mpanuka.

Iyi mvubu yarashwe ku wa Kane tariki ya 30 Ukuboza 2021, irasirwa mu Mudugudu wa Nyabugogo mu Kagari ka Rubumba mu Murenge wa Kabare mu Karere ka Kayonza.

Umunyamabanga Nshingwabikorwa w'Umurenge wa Kabare, Karuranga Léon, yabwiye IGIHE ko iyi mvubu yarashwe ihita ipfa ariko ko hasigaye izindi ebyiri nazo zimaze imyaka ine zarajujubije abaturage zibonera imyaka.

Yagize ati ” Ni imvubu yabaga mu cyuzi gihangano (damu) kiri hagati ya Rugunga na Nyabugogo, aho gifite amazi asa n'aho agaburira Umurenge wose kuko akoreshwa n'abaturage benshi mu buhinzi, iyo mvubu rero yatangiye ari imwe ikajya yonera abaturage Akarere kitabaza Ingabo zacu ntibyahita bikunda ko iraswa, zigera aho ziba nyinshi zigera muri eshatu bagerageza kuzirasa ntibyakunda.”

Yakomeje avuga ko kuva mu 2017 izi mvubu zazengereje abaturage zibonera imyaka aho buri gihembwe cy'ihinga abenshi mu baturage begereye icyo cyuzi gihangano zibonera imyaka cyane bagatakamba ngo Leta izazihakure.

Ati ” Uyu munsi rero hari ahantu imwe yaguye iheramo hameze nk'umwobo, abaturage babimbwiye rero tujya kuzana abasirikare badufasha kuyirasa, twari turi kumwe n'abashinzwe kurinda Pariki y'Igihugu y'Akagera ndetse n'inzego z'ibanze.'

'Iyo mvubu nyuma yo kuraswa yahise ijyanwa muri Pariki y'Akagera ihabwa izindi nyamanswa zamenyereye kurya inyama kuko abaturage bayiriye inyama zayo zishobora kubagwa nabi.”

Uyu muyobozi yavuze ko kuva 2017 hari abaturage benshi cyane bahoraga batanga ibirego, cyane cyane abahinga ibishyimbo, ibigori, ibijumba n'ibindi bihingwa ngandurarugo. Yavuze ko izindi ebyiri zisigaye muri iki cyuzi gihangano bagiye gukorana na Pariki kugira ngo hashakwe uko zahakurwa.

Abaturage bahuruye baje kureba uko imvubu ngo iba imeze banasabwe kujya basura Pariki y'Akagera bakamenya ibyiza biyirangwamo birimo inyamanswa zitandukanye n'ibindi byiza byinshi.

Iyi mvubu yarashwe ni imwe muri eshatu zimaze igihe zonera abaturage

Ni amasezerano y'umwaka izi sosiyete zombi zagiranye aho umuntu azajya agura telefoni iyo ariyo yose ya Infinix Mobile, agahabwa internet y'ubuntu ya Mango 4G.

Hamurikwa ubu bufatanye Junior Giti umaze kwamamara mu gusobanura filime ndetse n'umuraperi Ish Kevin nibo bagiye kwifashishwa mu kumenyekanisha ubu bufatanye bifashishije imbuga nkoranyambaga.

Mu kiganiro n'itangazamakuru, Cynthia Uwase, ushinzwe imishinga muri Mango 4G, yavuze ko ashimishijwe n'uko uyu mushinga watangiye cyane ko wanashyizweho kugira ngo ufashe abantu muri iyi minsi mikuru.

Ati 'Nshimishijwe n'umushinga watangiye. Muri iki gihe turimo twashyizeho poromosiyo aho umuntu agura telefoni iyo ari yo yose ya Infinix agahabwa internet y'ukwezi ya Mango 4G. ibi bikunda kuri telefoni yose iguzwe ariko ijyamo internet ya 4G.'

Rugomboka Yvan wari uhagarariye Infinix muri iki gikorwa yatangaje ko ubu bufatanye buzamara igihe cy'umwaka kandi babwitezeho buzabyara umusaruro. Yashimiye Ish Kevin kuko mu gihe bamaze bakorana hari umusaruro byatanze.

Ati 'Mu 2017 nibwo Infinix yageze mu Rwanda yari imaze imyaka itatu itangiye gukorera mu bindi bihugu bitandukanye ariko twishimira ibyo tumaze kugeraho. Buriya telefoni nziza ijyana na internet nziza niyo twatekereje gukorana na Mango 4G. Ish Kevin ni umwaka wa kabiri turi gukorana.'

Yongeyeho ati 'Telefoni za Infinix zakorewe urubyuruko ni nayo mpamvu twashatse gukorana nawe. Ikindi ahagaze neza. Ni umuhanzi buri wese ashobora kureberaho, ikindi mu gihe tumaranye ibikorwa twakoranye byabyaye umusaruro.'

Eric Niyomugabo, uyobora Mango 4G yavuze ko batekereje gukorana na Infinix bashaka gufasha Abanyarwanda kubona internet yihuta.

Ati 'Twabitekereje dushaka gufasha Abanyarwanda kubona internet yihuta. Twashatse kugira ngo abakiliya ba Infinix bajye babona internet yihuta. Dufitanye ibikorwa byinshi birenze ibi ariko ibi nibyo twatangiriyeho.'

Junior Giti na Ish Kevin bose bashimye ibikorwa izi sosiyete zimaze kugeraho, ndetse banishimira iyi gahunda nshya.

Eric Niyomugabo uyobora Mango 4G yavuze ko batekereje gukorana na Infinix bashaka gufasha abanyarwanda kubona internet yihuta

Ish Kevin agiye kumara umwaka akorana na Infinix

Junior Giti agiye kwifashishwa mu kumenyekanisha ubu bufatanye

Junior Giti yashimye ubu bufatanye bwabaye hagati y’izi sosiyete zombi

Rugomboka Yvan wari uhagarariye Infinix muri iki gikorwa yatangaje ko ubu bufatanye buzamara igihe cy’umwaka kandi babwitezeho umusaruro

Ubu bufatanye buzamara umwaka wose

Lucky Nizeyimana niwe wayoboye ibi bikorwa