Author: webrwanda

Iyo uganira na Afrique, akubwira ko ari indirimbo yahimbiye muri studio ndetse kuyikora ntibitware igihe kinini kuko yayanditse agahita ahuza amagambo yayo n'injyana ubundi igahita ikorwa.

Ati 'Agatunda nayanditse ndi muri studio. Byanjemo nyine kubera beat, nagiye nyandika gake gake ndi muri studio birangira ivuyemo indirimbo. Ijambo agatunda ni Njuga umenyerewe muri filime warizanye kubera uko yumvaga indirimbo imeze.'

Afrique ni umusore w'imyaka 20, amazina ye ni Kayigire Josue, akaba yaravukiye i Gikondo mu Mujyi wa Kigali.

Mu kiganiro yagiranye na IGIHE, uyu musore yavuze ko yatangiye gukora umuziki mu buryo bw'umwuga mu bihe Isi yari yugarijwe n'icyorezo cya Covid-19 mu 2020.

Ati 'Natangiye umuziki mu buryo bw'umwuga mu 2020 mu bihe bya COVID-19. Natangiye umuziki kuko nibwo nari ndi gusoza amashuri yisumbuye, ntangira kugenda nkora indirimbo abantu bazumva bakambwira ko mfite impano nintacika intege bizagera aho bigakunda.'

Uyu musore wize ubwubatsi, avuga ko umuziki n'ubwubatsi nta hantu bihuriye, ariko agashimangira ko amashuri yize yamufunguye mu mutwe kandi ibi bikaba ari ingenzi mu rugendo rw'umuziki.

Ati 'Ubwubatsi n'umuziki ntaho bihuriye ariko kuba byonyine narize biramfasha mu muziki wanjye.'

Afrique yatubwiye ko mu gihe amaze akora umuziki, amaze kubona ko hari byinshi ashoboye ku buryo yihaye intego yo kongera imbaraga, akazaba amaze kubaka izina muri Afurika mu myaka itanu iri imbere.

Ati 'Mu myaka itanu ndashaka kuba ndi ku rwego nk'urwo Diamond Pltanumz ariho muri Afurika y'Iburasirazuba ndetse no hanze yayo. Nifuza ko abantu batandukanye muri Afurika bazaba bafite indirimbo zanjye bazumva.'

Uyu muhanzi yavuze ko isoko ry'umuziki w'u Rwanda ryagutse cyane mu myaka ishize, aho harimo abahanzi benshi kandi bafite impano, bakanongera udushya mu byo bakora, ku buryo kubaka izina bisaba gukora cyane.

Yavuze ko abahanzi akunda barimo Meddy, Bruce Melodie na Kenny Sol.

Afrique afite izindi ndirimbo zirimo 'Spy', 'Don't' na 'Robine', akavuga ko afite intego yo gushyira hanze izindi ndirimbo nyinshi muri uyu mwaka.

Afrique arifuza kubaka izina ku Mugabane wa Afurika binyuze mu muziki akora

Afrique w’imyaka 20 yinjiye mu muziki mu bihe bya Covid-19

Abatuye kuri iki Kirwa bavuga ko imvura baheruka ari iyaguye kuri Noheli nayo itaragize icyo imara kuko yasanze imisozi yarakakaye.

Uwera Yvette yabwiye IGIHE ko uyu munsi imibereho yabo itifashe neza kuko imyaka yose bahinze yumiye mu mirima, ntibagire icyo basarura.

Ati “Mu gihembwe cy'umuhindo abenshi twari twahinze ibigori, soya, imyumbati, n'ibishyimbo, byose byarumye. Ibigori byumye bitangiye guheka bitaratonda. N'uyu munsi ntabwo imvura iragwa.'

Jean Baptiste Cikiriza avuga ko ibigori byibasiwe cyane n'aya mapfa ari ibyo bari bahinze mu materasi y'indinganire.

Ati “Nanjye nararumbije. Tubayeho nabi, turashimira Akarere ka Rubavu mbere y'Ubunani kari kaduhaye amashu, ibishyimbo n'ibirayi, ariko iyi nkunga ntabwo yageze ku bantu bose. Habonetse indi ngoboka yatugeraho byaba byiza kurushaho.”

Bamwe mu baturage bahombye bavuze ko bifuza ko amaterasi akikije Ikiyaga cya Kivu yumiyeho ibigori, yashyirwaho uburyo bwo kuhira kugira ngo iki gihombo kitazongera kubaho. Banavuze ko bizabagora kongera kwisuganya bakagura imbuto n'ibindi bikenerwa kugira ngo ubutaha nabwo bazongere bahinge, basaba ko Leta yabafasha.

Umuyobozi w'Akarere ka Rusizi wungirije ushinzwe Iterambere ry'Ubukungu Ndagijimana Munyemanzi Louis, avuga ko bagiye gufatanya n'abaturage hagaterwa indi myaka ndetse bakareba n'uburyo bajya bavomerera imirima ikikije Ikiyaga cya Kivu.

Ati “Twumvikanye n'ubuyobozi bw'Umurenge ko iriya mirima bayitunganya tukongera tugateramo indi myaka nk'imigozi y'ibijumba cyangwa imboga kuko byo bigaragara ko byihanganira izuba, ndetse tugakomeza no gushaka uburyo twahavomerera dufatanyije na Minisiteri y'Ubuhinzi n'Ubworozi n'Ikigo gishinzwe guteza imbere Ubuhinzi, RAB”.

Mu murenge wa Nkombo, haciwe amaterasi ku buso bwa hegitari 105, ariko izuba ryatumye imyaka ihinze ku buso bwa hegitari 39 yuma.

Imyaka yari mu mirima yarumye bitewe n’izuba ryinshi

Abaturage basabye ko bahabwa ubufasha bw’ibiribwa

Abagera kuri bane barimo umugore umwe bafatiwe mu Karere ka Nyamagabe kuri uyu wa 10 Mutarama 2022 bahimbye indangamuntu za bagenzi babo kugira ngo babakorere ikizamini.

Abandi batatu bafatiwe muri Stade ya Huye kuri uyu wa Kabiri tariki ya 11 Mutarama 2022 ahakorewe ibizamini by'impushya z'agateganyo zo gutwara ibinyabiziga bahimbye ubutumwa bw'Ikigo cy'igihugu cy'Ubuzima, RBC, bugaragaza ko bipimishije Covid-19 bagasanga ari bazima nyamara baranduye.

Umuvugizi wa Polisi y'u Rwanda mu Ntara y'Amajyepfo, SP Kanamugire Theobald, yabwiye IGIHE ko bafatiwe mu igenzura ryakoze na Polisi y'Igihugu.

Ati 'Abo mu Karere ka Nyamagabe bafashwe ejo ari bane bahimbye indangamuntu za bagenzi babo kugira ngo babakorere ikizamini. Mu Karere ka Huye hafashwe batatu bahimbye ubutumwa bugaragaza ko batanduye Covid-19.'

Yakomeje avuga ko abafatiwe mu Karere ka Huye bari bafite ubundi butumwa bugaragaza ko bipimishije icyorezo cya Covid-19 basanga bataracyanduye, nyamara ahubwo bari bakirwaye. Abo bahise bashyirwa ku ruhande mu kato.

Bose hamwe uko ari barindwi bakimara gufatwa bashyikirijwe Urwego rw'Igihugu rw'Ubugenzacyaha, RIB, kugira ngo bakorerwe dosiye ishyikirizwe ubushinjacyaha ku cyaha bakurikiranyweho cyo gucura inyandiko mpimbano.

Yasabye abakorera impushya zo gutwara ibinyabiziga kwirinda ibyaha kuko bihanwa n'amategeko.

Yagiriye inama abasanga baranduye Covid-19 ko bakwiye kwirinda guhimba ubutumwa ahubwo ko bagomba kujya kwa muganga bakavurwa, bakazaza gukora ibizamanini nyuma bamaze gukira.

Icyaha cyo gukoresha inyandiko mpimbano gihanishwa igifungo kuva ku myaka itanu kugera kuri irindwi ndetse n'ihazabu y'amafaranga atari munsi ya miliyoni 3 Frw ariko atarenze miliyoni 5 Frw cyangwa kimwe muri ibyo bihano.

[email protected]

Bamwe mu baganiriye na IGIHE, bavuze ko mu masaha y'ijoro babona urumuri rw'amatara y'udutadowa twifashishwa n'abo bakora imigenzo gakondo, bagasaba ubuyobozi kubikumira kuko bibatera ubwoba.

Uwiduhaye Déo yagize ati ' Turifuza ko inzego zibishinzwe rwose zidufasha gukemura ikibazo cy'abapfumu baza aha nijoro bakajya mu irimbi bacanye amatara kuko no kugira ngo utege umumotari bwije ngo bakuzane aha biba ari amahirwe, kubera ko baba batinya aba bapfumu.'

Umutesi Rose uturiye iri rimbi na we yavuze ko hari igihe yiyumviye abapfumu bari muri iri rimbi babwira umugore bari bahazanye ngo abahe miliyoni imwe y'amafaranga kugira ngo bamufashe azabashe kubona urubyaro.

Ati 'Nigeze kwiyumvira abantu bari kubwira umugore bari bahazanye ngo abahe miliyoni imwe kugira ngo bamuhe urubyaro, nibwo bamanutse bageze hafi y'umuhanda bazimya itara bari bafite binjirana mu modoka bari bazanye. Sinzi ibyakurikiye niba yarayabahaye kuko bahise bacana imodoka baragenda.'

Ubuyobozi bwa Koperative ishinzwe gushyingura muri iri rimbi bwo buvuga ko iki kibazo bwari buzi ko cyakemutse kubera ko bahashyize abazamu.

Niyobuhingiro Nadine ushinzwe kwakira abantu baje gushyingura muri iri rimbi rya Rugarama yagize ati ' Ntabwo twari tuzi ko bigihari twari tuzi ko byarangiye.'

Yavuze ko icyo azi neza ari uko hari abajura bajya bahaza bagacukura imva bashaka ibyuma byubakishije imva ndetse ari nayo mpamvu bashyizeho abazamu bazirinda.

Abaturage baturiye irimbi rya Rugarama babangamiwe n’abacuraguzi n’abapfumu bajya kuhakorera imihango gakondo nijoro

Niyobuhingiro Nadine ushinzwe kwakira abaje gushyingura mu Irimbi rya Rugarama avuga ko ikibazo cy’abapfumu n’abandi bahaza mu masaha y’ijoro batari bakizi

Latvia ni igihugu gito cyo mu Majyaruguru y'u Burayi, gihana imbibi na Estonia mu Majyaruguru, Lithuania mu Majyepfo, u Burusiya mu Burasiraziba, Suède mu Burengerazuba na Belarus mu Majyepfo ashyira u Burasirazuba.

Gikubye u Rwanda inshuro 2,4 kuko gifite ubuso bwa 64,589 km2 ariko kikaba gituwe n'abaturage miliyoni 1,9. Umurwa Mukuru wacyo ni Riga ari nawo mujyi munini mu gihugu.

Abaturage bo muri Latvia bavuga ururimi rwitwa Latvian ruri mu zikomera kwiga ku Isi kubera inyuguti zarwo zitandukanye n'izi tumenyereye. Kuvuga ngo 'Waramutse' muri uru rurimi ni 'labrīt'.

Ambasaderi Nduhungirehe yatangaje ko nyuma yo gutanga izi nyandiko kuri uyu wa Kabiri, agiye gushyira imbaraga mu kubaka umubano mu by'ubukungu na dipolomasi hagati y'u Rwanda na Latvia.

Ati 'Ngiye gushyira ingufu mu kubaka umubano ukomeye mu bya dipolomasi n'ubufatanye mu bukungu hagati y'ibihugu byombi bifite byinshi bihuriyeho nubwo biri mu ntera ndende.'

Umunyarwanda ushaka gukorera urugendo muri Latvia asabwa kuba afite Viza ya Schengen. Bivuze ko ashobora kumara muri Latvia iminsi 90 mbere y'uko Viza ye ita agaciro.

Kuva mu 2016, inganda zo muri Latvia zacuruje mu Rwanda ibintu bifite agaciro k'ibihumbi 800 by'ama-euro mu gihe ibyo u Rwanda rwoherejeyo bitarengeje ibihumbi 10 by'ama-euro.

Latvia izwiho kugira inganda zitunganya ibikoresho by'ubwubatsi n'ibindi byo mu nganda bihendutse ugereranyije n'ibindi bihugu byo mu Burayi.

Amb. Nduhungirehe asanzwe ahagarariye u Rwanda mu Buholandi, Estonia na Lithuania.

Nduhungirehe Olivier ubwo yashyikirizaga Perezida wa Latvia inyandiko zimwemerera guhagararira u Rwanda nka Ambasaderi

Kuri uyu wa Kabiri nibwo Amb Nduhungirehe yashyikirije Perezida wa Latvia inyandiko zimwemerera guhagararira u Rwanda

Ibihugu byombi byiyemeje gushimangira umubano mu bya dipolomasi n’ubukungu

Iyi mpanuka yabereye ahazwi nka Camp Zaïre ahagana saa cyenda z'amanywa yo kuri uyu wa Kabiri tariki ya 11 Mutarama 2022.

Umuvugizi wa Polisi, ishami rishinzwe umutekano wo mu muhanda, SSP Irere René, yabwiye IGIHE ko iyi mpanuka yatewe n'uko umushoferi yataye umuhanda anashimangira ko nta muntu yahitanye.

Yagize ati ' Impanuka yabereye hagati y'aho ISCO yubatse ugana Rwandex noneho imodoka icaho irayigonga ariko ni impanuka isanzwe.'

Yakomeje avuga ko iyi mpanuka nta muntu yahitanye anashimangira ko Camera yangiritse izishyurwa n'ubwishingizi nk'uko bwishyura ibyo impanuka zangije.

Yongeyeho ko bategereje ko idosiye ikorwa igashyikirizwa sosiyete y'ubwishingizi kugira ngo izayishyure.

Kuva mu 2019 izi camera zishyirwa mu mihanda, Polisi igaragaza ko zagiye zifasha mu kugabanya impanuka.

Mu 2019 hapfuye abantu 739 bazize impanuka, bigeze mu 2020 baba 687 mu gihe mu 2021 bari 548.

Iyi camera yangiritse ku buryo hagiye kwitabazwa ikigo cy’ubwishingizi kugira ngo isimbuzwe

Imodoka yakoze impanuka yahise ipakirwa

Iyi mpanuka uretse camera, nta kindi yangije

Guverineri w'Intara ya Kirundo, Hatungimana Albert, yasobanuye ko bagiye bafatwa bagasabwa kwipimisha Coronavirus ngo babone kwinjira mu Burundi, na byo bakabyanga kubera imyemerere yabo ishingiye ku idini.

Ati 'Twarababonye tumenya ko batemera urukingo. Abantu rero bananyuze mu rufunzo rw'Akanyaru, bakanyura ahantu hatazwi, iyo baca ahazwi bari gupimwa. Twabonye ko bafite imyumvire inyuranyije n'amategeko y'u Burundi yo kwirinda icyorezo.'

'Ni yo mpamvu twahisemo kubashyikiriza u Rwanda. Nabonye ari Abanyarwanda kandi binjiye binyuranyije n'Amategeko.'

Hatungimana yavuze ko bamwe bashyikirijwe Intara y'Amajyepfo kuko baje 'baturutse muri Nyanza'. Abandi banyujijwe ku mupaka wa Gasenyi-Nemba uri mu Bugesera mu Ntara y'Iburasirazuba.

Umuyobozi w'Akarere ka Bugesera, Mutabazi Richard, yemereye IGIHE ko hakiriwe Abanyarwanda 10 mu cyumweru gishize banyujijwe kuri uwo mupaka, avuga ko bari abo mu Turere twa Ruhango, Gisagara na Nyanza.

Guverineri w'Intara y'Amajyepfo, Kayitesi Alice, yabwiye IGIHE ko Abanyarwanda u Burundi bwashyikirije u Rwanda nta mwihariko ubatandukanya n'abandi basanzwe bafatwa barenze imbibi mu buryo butemewe, ibintu bibaho kenshi kandi hakaba hari n'Abarundi basubizwayo byagenze bityo.

Yavuze ko bane biyongera kuri abo 10 bagaruwe banyujijwe ku Kanyaru mu Ukuboza 2021.

Ati 'Nk'abaturanyi baturiye umupaka hakunda kubaho ibyaha byo kuwambuka mu buryo bunyuranyije n'amategeko ariko binajyanye n'imibanire ndetse n'amasano aba ari hagati yabo. Usanga barashakanye bamwe bagatura hakurya abandi hakuno, ku buryo kwambuka umupaka bitemewe ari ikintu gikunda kugaragara.'

Yasobanuye ko kuvuga ngo 'abaturage bahunze inkingo' atemeranya na byo kuko Abaturarwanda bigishwa bakanikingiza ku bushake babanje kubisinyira.

Yagize ati 'Nta gahato bashyirwaho, [kwikingiza] ni ubushake. Ahubwo imbaraga zishyirwa mu kwigisha abantu bagasobanukirwa akamaro k'urukingo. […] Iyo umuntu yambutse kubera impamvu ze runaka ashobora kuvuga ibyo ari byo byose ashaka, akaba yavuga wenda ko ari ugutinya urukingo cyangwa ikindi kitari cyo.'

'Ibyo bigumya gusuzumwa ariko nkeka ko nta muturage ukwiye guhunga kubera urukingo kuko urukingo ni ubuzima rukanaba inyungu ku warwiteje mu kurushaho kugabanya ubwandu no kongera ubwirinzi bw'umubiri we.'

Mu Ukwakira 2021 Guverineri w'Iburasirazuba, Gasana Emmanuel, n'uw'Amajyepfo Kayitesi Alice, bagiranye ibiganiro na Guverineri w'Intara ya Kirundo, Hatungimana Albert n'uw'iya Muyinga, Barutwanayo Jean Claude.

Hibanzwe ku guhanahana amakuru ajyanye n'umutekano no kurwanya magendu, kwigisha abaturiye imipaka bagasobanukirwa imikoreshereze yayo n'imbibi no gufatanya kurwanya COVID-19 yugarije Isi.

Urufunzo rw’Umugezi w’Akanyaru utandukanya Amajyepfo y’u Rwanda n’u Burundi wakunze kuba indiri y’abambuka imbibi binyuranyije n’amategeko ku mpande zombi

Iminsi isigaye irabarirwa ku ntoki kugira ngo Mugisha Emmy w'imyaka 20 y'amavuko yerekeze mu Misiri mu irerero rishobora kuzamubera icyambu cyo kwerekeza muri Argentine kurushaho guhugukirwa n'umukino wa Tennis, kubona amarushanwa akomeye yatuma agera ku ntego ikomeye afite.

Mu kiganiro cyihariye uyu musore yagiranye na INYARWANDA, yavuze ko kuba umukino wa Tennis utabasha gutunga uwukina mu Rwanda, yahisemo kugira inzozi zikomeye zo kuzawukina ku rwego mpuzamahanga ndetse nawe akajya akina amarushanwa akomeye ku Isi arimo Australian Open, US Open n'ayandi.

Mugisha yasobanuye urugendo rwe muri uyu mukino ahamya ko ukinwa n'abifite kubera ibikoresho byawo, avuga abamufashije kugira ngo agree ku rwego agezeho ndetse n'intego izamujyana mu Misiri.

Uyu musore watangiye akina umupira w'amaguru ndetse yumva ko azawukina kinyamwuga, yasobanuye icyatumye awureka burundu yerekeza muri Tennis, n'intego yayijyanyemo.

Gukunda Roger Federer no kumwigiraho byinshi, hari inzira byagiye bicira Mugisha ukunda APR FC na The Ben nk'umuhanzi.

Mugisha Emmy avuga ko igihe kitageze ku mwaka agiye kumara mu Misiri kizamucira inzira imujyana muri Argentine.

KANDAHANO UKURIKIRE IKIGANIRO NA MUGISHA EMMY UKINA TENNIS UGIYE KWEREKEZA MU MISIRI

“>

Abantu batatu bitabye Imana, bose bakaba ari abagabo bo mu turere twa Nyamasheke, Gatsibo na Ruhango. Byatumye abamaze kwitaba Imana bose hamwe mu Rwanda bazize Covid-19 baba 1,387.

Ibi biceri byiswe Quarters byakozwe n'ikigo cy'Abanyamerika gikora ibiceri by'amadorali cyizwi nka United States Mint, biriho amashusho y'abagore batandukanye bakoze ibikorwa by'indashyikirwa mu mateka ya Leta Zunze Ubumwe za Amerika mu nzego zitandukanye harimo nko muri sinema, ubusizi, ubumenyi bw'ikirere n'izindi.

Muri aba bagore batandukanye bashyizwe kuri ibi biceri harimo n'umugore w'umwiraburakazi witwa Maya Angelou witabye Imana akaba yari umusizi ndetse n'impirimbanyi y'uburenganzira bwa muntu.

Iki giceri cyashyizweho uyu mugore ni kimwe mu biceri byiswe Quarters bizatangira gukoreshwa muri Leta Zunze Ubumwe za Amerika muri uyu mwaka wa 2022 kugera mu mwaka wa 2025 nk’uko byatangajwe n'ikigo cy'Abanyamerika cyakoze ibi biceri, US Mint. iki giceri gifite agaciro kama-Cents 25.

Amakuru avuga ko ibi biceri biriho amashusho y'aba bagore byatangiye gukwirakwizwa ndetse ko bidatinze Abanyamerika bazatangira kubikoresha.

Ibi biceri bizakoreshwa kugera mu mwaka 2025

Abandi bagore bashyizwe kuri ibi biceri barimo umugore witwa Sally Ride, wabaye umugore wa mbere mu mateka ya Amerika wagiye mu isanzure, hakaza Wilma Mankiller wabaye umugore wa mbere muri Amerika wabaye umuyobozi wa Chirokee Nation, Anna May Wong umugore wa mbere w'umunyamerika ufite inkomoko mu Bushinwa wabaye umukinnyi ukomeye mu ruganda rwa sinema muri Amerika (Hollywood), ndetse na Adelina Otero-Warren wabaye umurezi ndetse n'umunyapolitiki.

Maya Angelou umwe mu bagore bakoze amateka muri Leta Zunze Ubumwe za Amerika

Uyu mugore Angelou, yitabye Imana mu mwaka 2014 afite imyaka 68 y'amavuko, akaba yari umusizi ndetse akaba n'impirimbanyi y'uburenganzira bwa muntu. Mu mwaka 1993, yabaye umugore wa mbere w'umusizi mu mateka ya Amerika wasomye umuvugo mu irahira ry'umukuru w'igihugu ndetse akaba yarahawe n'umudari utangwa na Perezida wa Leta Zunze Ubumwe za Amerika (Presidential Medal of Freedom) awuhawe n'uwahoze ari Perezida wa Leta Zunze Ubumwe za Amerika, Barack Obama mu mwaka wa 2011.