Author: webrwanda

Hari hashize igihe gito RIB na Polisi y'u Rwanda batangaje ko bazashyira ahagaragara ibyavuye mu iperereza ku ibura rya Bahati Innocent. Nubwo iperereza ritararangira, RIB ivuga ko hari ibyagezweho ndetse byamaze kumenyesha abo mu muryango we.

Ubusanzwe Hakizimana Joseph uzwi ku izina rya Rumaga Junior ngo ni we watanze ikirego kuri RIB tariki 9 Gashyantare 2021, kuri Polisi ya Busasamana mu Karere ka Nyanza, avuga ko inshuti ye ari yo Bahati Innocent yabuze kuva tariki ya 7 Gashyantare 2021 ubwo yari agiye gusura inshuti ze no gufata amajwi y'ibihangano bye.

RIB ngo yahise itangira iperereza ibaza abo mu murayngo we n'inshuti ze bari basangiye inzoga kuri Nyanza Heritage Hotel ari na bo bamubonye bwa nyuma bayimenyesha ko batazi aho aherereye ariko ikomeza gukorana n'izindi nzego hagamijwe kumenya niba ataba afunzwe cyangwa ari mu bitaro, ziyimenyesha ko ntawe zifite.

RIB ikomeza ivuga ko iperereza ryerekanye ko Bahati hari ubwo yasohokaga igihugu akanyura mu nzira zitemewe ajya muri Uganda, aho yahuraga n'abakozi b'inzego z'umutekano z'iki gihugu ndetse n'imitwe irwanya u Rwanda.

Nk'uko iperereza ryabigaragaje ngo uyu musore yakoranaga n'abarwanya u Rwanda baba mu Bubiligi no muri Amerika ndetse kabamwoherereza ubufasha mu buryo bw'amafaranga.

Uru rwego ruvuga ko Bahati Innocent yambutse akajya muri Uganda aciye mu nzira zitemewe n'amategeko nk'uko byagiye bigenda no ku bandi Banyarwanda binjijwe mu mitwe irwanya u Rwanda nyuma bikavugwa ko baburiwe irengero.

Muri abo harimo Shyaka Gilbert byavuzwe n'abatavuga rumwe na leta ku wa 22 Kanama 2021, ko yashimuswe nyuma ku wa 13 Mutarama 2022 aza kwigaragaza avuga ko yari muri Uganda mu maboko ya CMI (Chieftaincy of Military Intelligence) yashakaga kumukoresha mu bikorwa bihungabanya umutekano w'u Rwanda.

Harimo kandi Uwihoreye Eric (uvukana na Shyaka Gilbert) na we mu Ukwakira 2021, byavuzwe ko yaburiwe irengero nyuma mu ntangiriro z'uyu mwaka yigaragaza ari muri Uganda aho yinjiye mu mitwe y'iterabwoba irwanya Leta y'u Rwanda ndetse akaba akunda kumvikana akoresha Televiziyo ikorera kuri murandasi yitwa TWIBOHORE TV.

Abandi ni Ngendahimana David byavugwaga ko yaburiwe irengero mu 2021, Mutarambirwa Theobald byavuzwe ko yabuze mu 2010 akaza gufatwa yarinjiye mu mutwe w'iterabwoba wa MRCD-FLN, Nsengimana Herman n'abandi.

Kuri ubu RIB ntiyemeza niba Bahati yaba akiri muri Uganda cyangwa yarakomeje akajya ahandi, icyakora ngo iperereza rirakomeje hagagamijwe kumenya aho aherereye.

Iti 'Turasaba abantu bose baba bafite amakuru y'aho Bahati yaba aherereye kuyaduha kugira ngo bifashe mu iperereza turimo gukora. Iperereza ku bantu bivugwa ko baburiwe irengero nta gihe runaka wavuga ko rimara. Hari igihe ryamara umunsi umwe, uwo bavugaga ko yaburiwe irengero yabonetse, hari irishobora kumara umwaka ndetse ukanarenga, biterwa n'imiterere ya buri kibazo.'

Mbere hose ntacyo Bahati yari akurikiranyweho kuko ibyaha yakoze byagaragaye aho iperereza ku ibura rye ritangiriye nk'uko RIB ikomeza ibivuga. Kuba umubano w'u Rwanda na Uganda urimo usubira mu buryo ngo ni amahirwe ku nzego z'impande zombi azafasha mu gukomeza iperereza.

Umusizi Bahati Innocent ngo yinjiye muri Uganda nk’uko iperereza rya RIB ryabigaragaje

Iki kibazo si ubwa mbere kiganirwaho mu Nteko Ishinga Amategeko kuko ubwo Komisiyo y'Imibereho Myiza n'Uburenganzira bwa muntu yagicukumbuye mu 2018/2019.

Icyo gihe yagejeje kuri guverinoma umwanzuro wasabaga ko hakwihutishwa ishyirwaho ry'iteka rya Perezida rigena uburyo bwo gukora igihano cy'imirimo y'inyungu rusange no kwihutisha ishyirwa mu bikorwa ry'iteka rya Minisitiri ufite ubutabera mu nshingano ze rigena uburyo ukekwaho icyaha ashobora kugenzurwa hifashishijwe ikoranabuhanga.

Kugeza ubu ibyo ntibirahabwa umurongo ari na cyo cyatumye cyongera kugarukwaho kuri uyu wa 16 Gashyantare 2022, ubwo abasenateri bagezwagaho raporo ya Komisiyo y'Imibereho y'Abaturage n'Uburenganzira bwa Muntu ku isuzumwa rya raporo y'ibikorwa bya Komisiyo y'Igihugu y'Uburenganzira bwa Muntu y'umwaka wa 2020-2021.

Gereza 13 zo mu Rwanda zirimo abagororwa bakabakaba ibihumbi 87; ubushobozi bwazo ni ubwo kwakira abantu 61.320.

Senateri Mukakarangwa Clotilde yavuze ko baherutse gusura Gereza ya Rilima bagasanga ubucucike bugera ku 126%. Ubuso bwo kurayamaho bugera kuri metero kare 126 mu gihe izikenewe kugira ngo abantu babe bisanzuye ari metero kare 326.

Ati 'Urwo ni urugero rwa Gereza imwe twasuye ubona ko bafite ikibazo gikomeye. Numva kwagura Gereza byajya byitabwaho mu ngengo y'imari.'

Senateri Havugimana Emmanuel we yavuze ko ubucucike nk'ubu mu gihugu cyabayemo Jenoside bufite ishingiro ndetse budakanganye ugereranyije n'uko bimeze mu bindi bihugu bya Afurika.

Yavuze ko kongera amagereza atari wo muti ahubwo harebwa uko hafungwa abafite ibyaha biremereye abandi bagakurikiranwa bari mu ngo zabo.

Perezida wa Komisiyo y'Imibereho y'abaturage n'Uburenganzira bwa Muntu, Umuhire Adrie, yavuze ko iteka rya Perezida nirishyirwaho no gukora imirimo y'inyungu rusange bigatangira bizoroshya iki kibazo.

Bamwe mu basenateri ubwo bagezwagaho raporo ya Komisiyo y'Imibereho y'Abaturage n'Uburenganzira bwa Muntu ku isuzumwa rya raporo y'ibikorwa bya Komisiyo y'Igihugu y'Uburenganzira bwa Muntu y'umwaka wa 2020-2021.

Iki kigo kimaze imyaka igera ine gikorera mu Mujyi wa Kigali ubucuruzi bujyanye n’ubwikorezi bw’ibintu bitandukanye birimo ibiribwa, aho umuntu atumiza akabisangishwa aho yibereye, hakoresheje ibinyabiziga birimo moto ndetse n’imodoka, byose bikoreshwa n’umuriro w’amashanyarazi mu rwego rwo kubungabunga ibidukikije.

Ubusanzwe uwakeneraga kugira icyo atumiza yakoreshaga umurongo wa 3040, ariko uburyo bushya bw’ikoranabuhanga buzafasha ababukoresha kubona biborohereye serivisi zitandukanye zirimo amafunguro, imiti n’ibindi, ubu buryo bukaba bufite n’ahantu hagenewe kujya ibitekerezzo by’abakiriya.

Ni uburyo ushobora gukoresha wifashishije imashini computer cyangwa na terefone yawe ngendanwa izwi nka smart phone, ariko kandi akarusho karimo ni uko porogarame ya SAFIRUN Super App izajya ifasha uyikoresheje kubona inyungu ya 10% kuri buri mafaranga igihumbi yakoresheje, aho ikubiyemo serivisi zitandukanye zigera kuri 12.

Uretse kuba umuntu ashobora gutumiza amafunguro, ibinyobwa cyangwa imiti, ubu buryo bushobora no kwifashishwa mu zindi gahunda zitandukanye zirimo gufata icumbi muri za Hotel (Booking), gushakiraho inzu yo gukodesha, hamwe n’ibindi birimo kuba wabona umunyabukorikori w’umwanyamwuga wifuza bitewe n’icyo ushaka ko agukorera.

SAFIRUN Super App inashobora gukoreshwa mu guhererekanya amafaranga, mu rwego rwo kugabanya ihererekanya ryayo mu ntoki, kandi uwabukoresheje agahabwa igihembe bitewe n’ingano y’amafaranga yakoresheje.

Mu rwego rwo kubungabunga ibidukikije SAFIRUN imaze kugemura ibicuruzwa bisaga ibihumbi 30 ku bantu batandukanye, hakoreshejwe ibinyabiziga bikoresha ingufu z’amashanyarazi.

Mu rwego rwo kongerera abagore amahirwe n’ubushobozi SAFIRUN yahanze imirimo igera kuri 65 ishobora gukorwa n’abagore ndetse bakaba banafite intumbero y’uko mbere y’uko uyu mwaka urangira hamaze guhangwa indi mirimo igera kuri 80 ishobora gufasha urubyiruko kwiteza imbere.

Ubucukuzi butemewe nibwo bwabaye intandaro y’urupfu rw’umwe mu Murenge wa Mushishiro

Umuyobozi w’Akarere ka Muhanga, Kayitare Jacqueline, avuga ko ibyo byatumye higwa ku mwanzuro wo gukora igenzura ku bucukuzi bw’amabuye y’agaciro mu karere kose, hakarebwa uko impanuka zagenze mu mezi atandatu ashize, ngo hafatwe ingamba zo gukaza ubwirinzi.

Ku wa 14 Gashyantare 2022, ikirombe cyo mu Murenge wa Mushishiro cyari gifunze cyaguyemo umuntu wari wagiye gucukura mu buryo butemewe n’amategeko, bamukuramo baramushyingura.

Meya Kayitare avuga ko kuri iyo tariki nanone, ikirombe gicukurwamo amabuye y’agaciro mu Murenge wa Nyarusange cya Kompanyi yitwa Afri Ceramics cyagwiriye abakozi bacyo, bamwe babasha kuvamo ari bazima ariko undi aheramo ku buryo bikigoye kumukuramo ari muzima, kuko amazemo iminsi itatu.

Agira ati 'Ibitaka ni byinshi umusozi wamuridukiyeho, ubu harimo imashini idufasha kumukuramo ariko ntituramugeraho nitunamugeraho tuzasanga atakiri muzima. Ubu tugiye gushaka imashini ya kabiri kuko imwe ntihagije'.

Avuga ko ubwo impanuka yabaga bagerageje gukomeza koherereza umwuka uwari waheze mu bitaka, ariko umusozi ugenda urushaho kumanuka umurengaho ku buryo nta cyizere cyo kumukuramo ari muzima.

Uwo muyobozi akomeza avuga ko impanuka z’ibirombe zishobora guterwa n’uko imvura ikomeje kugwa ari nyinshi, ku buryo hakwiye gukorwa igenzura ry’imiterere y’ibirombe kugira ngo hafatwe ingamba zo gukaza ubwirinzi.

Asaba abakozi na ba nyiri amakompanyi acukura kwigengesera, kuko ubutunzi buva mu bucukuzi butaruta ubuzima bw’abantu, kandi agasaba n’abajya mu birombe bifunze kubyirinda kuko biteza impanuka.

Agira ati 'Abakoresha mu birombe ntibakwiye gukurikirana gusa inyungu zabo kurusha iz’ubuzima bw’abakozi, bagomba kwitwararika bakirinda impanuka. Abakozi nabo bazi imiterere y’aho bakorera, ntibakwiye kuba bishora aho bakorera igihe bigaragara ko hameze nabi'.

Hagiye gukorwa igenzura ry’ibirombe n’impanuka biteza

Meya Kayitare avuga ko nyuma yo kubona impanuka ebyiri umunsi umwe kandi imvura ikomeje kuba nyinshi, hagiye gukorwa icyegeranyo cy’impanuka zabaye mu mezi atandatu, hagafatwa imyanzuro ishobora kubamo no guhagarika imwe mu mirimo y’ubucukuzi.

Meya Kayitare avuga ko hagiye gukorwa igenzura mu birombe hagamijwe gukumira impanuka

Avuga ko nyuma y’igenzura ngo bizashoboka ko hari bimwe mu birombe bizaba bihagaritse imirimo y’ubucukuzi ubwo byagaragara ko hari ibitujuje ibisabwa, cyangwa hari ibikenewe kongerwa kuko igihe cy’imvura ari bwo impanuka ziyongera.

Agira ati 'Turifuza ko ikigo cy’igihugu gishinzwe ubucukuzi cyadufasha kugenzura imirimo y’ubucukuzi tukareba impanuka mu mezi atandatu ashize, hagafatwa ingamba nshya ku buryo hari n’abashobora kuba bahagaritswe igihe byagaragara ko hari ibyo badohotseho cyangwa batujuje. Tuzanasuzuma amategeko agenga ubucukuzi turebe niba byose birimo kubahirizwa'.

Imirenge 11 kuri 12 igize Akarere ka Muhanga yose igaragaramo imirimo y’ubucukuzi bw’amabuye y’agaciro ahanini mu misozi miremire, ku buryo hari impungenge z’uko ubukomere bwayo butakijyanye no gucukuramo igihe cy’imvura.

Kugeza ubwo twatunganyaga iyi nkuru, ubuyobozi bwa Afri Ceramics bwari butaravugana n’akarere ngo bugaragaze ibya ngombwa birebana n’uwagwiriwe n’ikorombe, icyakora ngo abakozi bose bari bafite ubwishingizi bw’ubuzima, mu gihe ikirombe cyo kirimo gukoreshwa ku byangombwa by’ubushakashatsi.