Author: webrwanda

Iyi shampiyona yatangiye mu mwaka ushize, ahakinwe ibyiciro bitatu. Mu byiciro bitatu bibanza, imikino ikinirwa mu duce dutandukanye mu rwego rwo kwegereza imikino hafi y’aho amakipe abarizwa.

Mu byiciro byabanje, imikino yahuje amakipe yegeranye (Zone) yabereye i Gisagara, i Musanze, i Karongi, i Kirehe ndetse n’iyabereye i Bugesera ihuza amakipe yo mu murwa mukuru n’ayo mu karere ka Bugesera.

 Muri ibyo byiciro, buri gace (Zone) kagiye kabona amakipe abiri yahize andi mu bagore ndetse no mu bagabo, aho kuri ubu ayo makipe ari yo agiye guhatana mu mikino ya kimwe cya kabiri.

Kuri uyu wa gatandatu no ku cyumweru, amakipe 20 asigaye mu irushanwa azakina buri kipe ihure n’indi mu byiciro barimo (abagore 20 / n’abagabo10), bishakemo amakipe azakina imikino y’icyiciro cya nyuma (Finals) izabera i Gisagara ku ya 2 Mata 2022.

Amakipe azahurira i Bugesera

Shampiyona y’u Rwanda ya Sitball mu mwaka w’imikino wa 2021-2022, yatangiye kuya 20 Ugushyingo 2021, aho yitabiriwe n’amakipe aturutse mu mpande zose z’igihugu. Amakipe y’abagabo yatangiye shampiyona ni 30, mu gihe ayakinnye mu cyiciro cy’abagore ari 28.

Babigarutseho mu mbwirwaruhame zavugiwe mu muhango wo gushyikiriza ibendera ry’Igihugu abakinnyi 12 b’Abanyarwanda bo mu makipe anyuranye, wabaye ku wa Gatanu tariki 18 Gashyantare 2022, ku kigo gitoza abakinnyi b’ikipe y’igihugu y’u Rwanda (Africa Rising Cycling Center) giherereye i Musanze.

Uwo muhango wayobowe na Minisitiri wa Siporo, Aurore Mimosa, witabirwa n’abayobozi banyuranye bafite Politiki y’isiganwa ry’amagare mu nshingano barimo Umunyamabanga uhoraho muri Minisiteri ya Siporo, Umuyobozi w’Ishyirahamwe Nyarwawanda ry’amagare (FERWACY) Murenzi Abdallah n’umwungirije, ubuyobozi mu Ntara y’Amajyaruguru n’umuyobozi w’akarere ka Musanze.

Abahawe ijambo bose bagiye bagaruka ku ntego yo gutwara Tour du Rwanda y’uyu mwaka, cyane cyane bakabishingira ku magare agezweho bahawe asimbura ayo bari basanganywe yari amaze gusaza, bakabishingira no ku myitozo bakoze mu minsi 50 bamaze bari kumwe mu mwiherero i Musanze.

Umutoza Sempoma Felix yavuze ko intego ari ugutwara Tour du Rwanda, ati 'Twatwaye Amisa Bongo, nubwo ari irushanwa riri hasi ku Rwanda ariko na ryo riri ku rwego rwa 2,1. Intego njye n’abakinnyi twihaye ni ugutwara Tour du Rwanda y’uyu mwaka, ibikoresho bigezweho twabihawe ntacyo tubura, kandi n’imyiteguro yagenze neza, Abanyarwanda batube hafi ahasigaye tubahe ibyishimo'.

Amagare mashya ngo afite ikoranabuhanga rihanitse

Abanyarwanda 12 bagiye kwitabira Tour du Rwanda, bari mu makipe atatu ari yo Team Rwanda, Benediction n’ikipe ya PROTOUCH.

Patrick Byukusenge uzaba ari Kapiteni muri iryo rushanwa na mugenzi we Mugisha Moïse wabaye uwa kabiri muri 2020, bunze mu ry’umutoza Sempoma, bavuga ko nta rwitwazo bafite rwo kudatwara Tour du Rwanda 2022.

Byukusenge ati 'Ibyo mwadusezeranyije n’ibyo twabasabye byose mwarabiduhaye, ibibazo twahuraga na byo mu marushanwa yatambutse byarakemutse, abakinnyi twese tumeze neza imyitozo yagenze neza twayikoreye hamwe, nubwo turi amakipe atatu ariko turi umwe, twaravuze tuti kuri iyi nshuro Tour du Rwanda ni iyacu'.

Mugisha Moise ukinira PROTOUCH ati 'Duhagaze neza twaritoje bihagije, Abanyarwanda nabaha icyizere gihagije kubera ko mu kwezi kwa cyenda 2021 amakipe yose agiye kuza hano njye twarihuriye muri France muri Tour Bretagne, ni amakipe tuziranye neza nta bwoba tuyafitiye, nk’uko muri 2020 byagenze mba uwa kabiri, nta kabiri ku mugabo, naje nje'.

Murenzi Abdallah uyobora FERWACY

Umuyobozi w’Ishyirahamwe Nyarwawanda ry’amagare, Murenzi Abdallah, mu mpanuro ze yibukije abakinnyi ko iyi Tour du Rwanda harimo amakipe akomeye cyane kuruta iy’umwaka ushize ko badakwiye kwirara, abasaba kwitondera ikipe ya B&B, ifite abakinnyi bari gutegurirwa Tour de France.

Yabwiye abakinnyi ko amagare bahawe ari ku rwego ruhambaye kurenza amagare y’amakipe yose azitabira Tour du Rwanda, ndetse anababwira ko badakwiye kugira urwitwazo, kuko abakinnyi bose ku wa Gatandatu barara bahawe agahimbazamusyi kabo n’ibindi byangombwa.

Ati 'Nta rwitwazo ku bikoresho kuko nta mukinnyi n’umwe muri iyi Tour du Rwanda uzaba afite ibikoresho biruta ibyacu, cyane cyane nk’aya magare afite tekinike igezweho'.

Murenzi yavuze ko yizeye abakinnyi bagiye guhagararira u Rwanda, kandi ko bose bafite ubushobozi bwo kuzitabira na Shampiyona y’Isi izaba muri 2025, ashimira Perezida Kagame ubahora hafi.

Ati 'Nyakubahwa Minisitiri, muzadushimire Nyakubahwa Perezida wa Repubulika urukundo akunda umukino w’amagare, by’umwihariko ibikoresho tubona, uburyo mutwitaho n’uburyo aba basore mubafasha, bigaragaza ko umukino w’amagare uri mu mutima w’ubuyobozi, ibyo byatanze n’igisubizo cy’uko ubu turi kwitegura Shampiyona y’Isi izaba muri 2025. Aba basore bari aha bafite ubushobozi bwo kuba bakina Shampiyona y’Isi'.

Minisitiri wa Siporo Aurore Mimosa na we yashimishijwe n’intego y’abakinnyi n’abatoza yo gutwara Tour du Rwanda, avuga ko kuba bahawe amagare ajyanye n’igihe icyizere cyo gutwara irushanwa cyiyongereye.

Minisitiri wa Siporo Aurore Mimosa yasabye abakinnyi kuzahagarira neza u Rwanda

Ati 'Ibyo basabwe babihawe, na bo ni batange ibyo basabwa gutanga, uyu mwaka tuzabona abakinnyi tudasanzwe tubona bategurirwa Shampiyona y’Isi ya 2025, ni umwanya wo kugaragaza Igihugu cyacu ku ruhando mpuzamahanga, ni n’umwanya wo kugaragaza ko u Rwanda rushoboye gutegura no gutoza abakinnyi bashoboye guhatana, ku bw’amahirwe tuzatwara Tour du Rwanda'.

Nk’uko Minisitiri yakomeje abivuga, amagare mashya ni 20 ariko amaze kugera mu Rwanda yanatanzwe ni umunani aho andi aza mu minsi iri imbere kubera ko uruganda ruyategura ngo rutashoboye kuyabonera rimwe, ariko amagare yari akenewe cyane akaba ari umunani yamaze kuboneka.

Tour du Rwanda 2022 iratangira ku Cyumweru tariki 20, Etape ya mbere ireshya n’ibirometero bine akazabera mu mujyi wa Kigali.

Ikipe y’u Rwanda n’abayobozi bafashe ifoto y’urwibutso

Abafashwe ni Ndayambaje Paul alias Ndayari w’imyaka 29 na Ndayishimiye Jean Damascène alias Kazungu w’imyaka 28, bakaba bafatiwe mu mudugudu wa Gatsibo, Akagari ka Nyamirama mu Murenge wa Gitoki. Ifatwa ryabo rikaba rishingiye ku makuru yatanzwe n’abaturage.

Mu byo bafatanywe harimo moto yari yaraye yibwe y’uwitwa Nizeyimana Ildephonse, akaba yarayibwe ategewe ku kiraro kiri ku rugabano rw’imirenge ya Gitoki, Kageyo na Gatsibo, ubwo yavaga ahitwa Cyinteko ajya Nyagihanga, bamukubita ibibando barayimwambura.

Bafatanywe kandi televiziyo eshatu, radiyo nini, igikapu kirimo DVD na Dekoderi, imfunguzo nyinshi, inyundo n’ibyuma bifashishaga mu kumena inzu.

Abafashwe bose bahise bajya gufungirwa kuri Sitasiyo y’Urwego rw’igihugu rw’Ubugenzacyaha (RIB) ya Kabarore, mu gihe iperereza ryagutse rigikorwa mbere y’uko bashyikirizwa ubutabera.

Mu gitondo cyo kuri uyu wa Gatanu tariki ya 18 Gashyantare 2022, Minisitiri wa Siporo, Munyagaju Aurore Mimosa yasuye abakinnyi bazahagararira u Rwanda muri Tour du Rwanda 2022 izatangira ku Cyumweru, bakaba banashyikirijwe amagare.

Ni umuhango wabereye mu Karere ka Musanze aho aba bakinnyi bamaze iminsi 50 mu mwiherero bitegura iri siganwa rizazenguruka igihugu.

Ni umuhango wanitabiriwe na perezida wa FERWACY, Murenzi Abdallah aho banashyikirije abakinnyi amagare mashya basezeranijwe bazakoresha mu isiganwa.

Minisitiri wa Siporo Aurore yagize ati 'Basore bacu, tubifurije intsinzi muri Tour du Rwanda 2022. Tubitezeho ibyishimo. Turizera ko ubumenyi mwungukiye muri Africa Rising Cycling Center muzabukoresha neza.'

Minisitiri akaba yabijeje ubufatanye hagati ya MINISPORTS na FERWACY mu rwego rwo kugira ngo bazitware neza muri iri siganwa.

U Rwanda muri Tour du Rwanda 2022 ruzahagararirwa n’amakipe 2, Team Rwanda ndetse na Benediction Ignite, bakaba bashyikirijwe n’ibindera nk’ikimenyetso cy’uko boherejwe mu butumwa bw’igihugu.

Iri siganwa rikaba rizatangira ku Cyumweru tariki ya 20 Gashyantare rikazasozwa tariki ya 27 Gashyantare 2022.

Bashyikirijwe amagare

Bahawe ibindera nk’abantu batumwe mu butumwa bw’igihugu

Team Rwanda iriteguye

Benediction nayo yahize kuzitwara neza

Yafashwe amaze kwambura abantu batatu, barimo uw’imyaka 23 yambuye 260,000 Frw ngo amuhe uruhushya rw’agateganyo, uw’imyaka 26 yambuye 360,000 Frw ngo amuhe uruhushya rwa burundu n’undi w’imyaka 25 yambuye 360,000 Frw ngo amuhe uruhushya rwa burundu.

Ibi byose yabikoreraga mu Murenge wa Nyamabuye , Akagali ka Gahogo ari naho yafatiwe.

Umuvugizi wa Polisi mu Ntara y’Amajyepfo, SP Theobald Kanamugire, yavuze ko uyu mugabo yafashwe biturutse ku makuru yatanzwe na bariya bantu yashukaga ababwira ko ari umupolisi.

Yagize ati 'Aba bantu batatu baje ku ishami rya Polisi rishinzwe gukoresha ibizamini no gutanga impushya zo gutwara ibinyabiziga, bafite ubutumwa bwerekana ko batsindiye izo mpushya. Babarebeye mu ikoranabuhanga babaza igihe bakoreye ibizamini bayoberwa itariki bakoreyeho ndetse n’aho bakoreye ibizamini barahayoberwa.'

'Polisi yakomeje kubasobanuza neza bavuga ko hari umuntu utuye i Muhanga wabasabye amafaranga ngo abahe impushya zo gutwara ibinyabiziga ababeshya ko ari umupolisi.'

Bakomeza bavuga ko yagendaga abwira abashaka gukorera impushya zo gutwara ibinyabiziga ko ari umupolisi wabiherewe ububasha na Polisi bwo gutanga izo mpushya, kandi ko ari we uhagarariye abaperezida b’amashuri yigisha gutwara ibinyabiziga mu Rwanda.

SP Kanamugire yasabye abaturarwanda kwirinda abantu babarira amafaranga babashuka ko bazabaha impushya zo gutwara ibinyabiziga.

Yongeye kubibutsa ko izo mpushya zitangwa na Polisi y’u Rwanda yonyine kandi zigahabwa uwabanje gukora ibizamini kandi akabitsinda neza.

Ati 'Inshuro nyinshi dukangurira abaturarwanda kunyura mu nzira zemewe kugira ngo bahabwe impushya zo gutwara ibinyabiziga. Tubasaba kwiga nyuma bakiyandikisha mu bazakora ibizamini, igihe bahawe cyagera bakajya mu bizamini bagakorera uruhushya bashaka.'

'Ibi kandi nibyo bihendutse kuruta abajya gutanga za ruswa ndetse baziha n’ababashuka bagamije kubambura, kandi bakirinda kwijandika mu byaha bya ruswa.'

SP Kanamugire yashimiye abantu batanze amakuru kugira ngo afatwe, abibutsa ko buri muturarwanda afite uburenganzira bwo gutunga uruhushya rwo gutwara ibinyabiziga ariko akanyura mu nzira zemewe.

Yabasabye kwirinda ababashuka ngo batange ruswa kugira ngo bahabwe serivisi, abakangurira kujya bihutira gutanga amakuru hakiri kare.

Uwo mugabo yashyikirijwe Urwego Rushinzwe Ubugenzacyaha (RIB) rukorera i Nyamabuye kugira ngo hatangire iperereza.

Ingingo ya 174 y’itegeko riteganya ibyaha n’ibihano muri rusange ivuga ko umuntu wese wihesha umutungo w’undi, imari ye yose cyangwa igice cyayo mu buryo bw’uburiganya, yiyitiriye izina ritari ryo cyangwa umurimo adafitiye ububasha cyangwa akizeza icyiza cyangwa agatinyisha ko hari ikibi kizaba, aba akoze icyaha.

Iyo abihamijwe n’urukiko, ahanishwa igifungo kitari munsi y’imyaka ibiri ariko kitarenze imyaka itatu, n’ihazabu y’amafaranga y’u Rwanda atari munsi ya miliyoni eshatu ariko atarenze miliyoni eshanu.