Author: webrwanda

  • Sergio Ramos, Kaylor Navas ndetse na Julian Draxler bakinira ikipe ya Paris St Germain barasura u Rwanda mu mpera z'iki cyumweru #rwanda #RwOT

    Binyuze mu bufatanye bwo kumenyekanisha igihugu cy'u Rwanda mu bukerarugendo, mu cyiswe Visit Rwanda abakinnyi b'ikipe ya Paris St Germain yo mu kiciro cya mbere muri shampiyona y'u Bufaransa barasura u Rwanda uhereye kuri uyu wa gatandatu.

    Nk'uko byagaragajwe amashusho yemeza ako abakinnyi barimo myugariro Sergio Ramos, umunyezamu Kaylor Nvas ndetse n'umukinnyi wo hagati Julian Daxler bitegura gusura u Rwanda ndetse n'imiryango yabo.

    Nk'uko amakuru akomeza abivuga ni uko aba bakinnyi bose uko ari batatu bagomba kugera mu Rwanda tariki ya 30 Mata 2022, kugeza ubu ntagihe kiremezwa cy'iminsi bazamara batembera ibyiza nyaburanga bitanze urw'imisozi igihumbi.

    Aba bakinnyi kandi bagiye gusura u Rwanda nyuma yaho bari bube barangije gukina umukino bafite kuri uyu wa gatanu, aho bakina na Strasbourg guhera ku isaha ya saa tatu z'ijoro, mu bakinnyi bitegura gukina uyu mukino ntiharimo Draxler uzaza i Kigali.

    Ikipe ya Paris St Germain yamaze no gutwara igikombe cya Shampiyona y'u Bufaransa 2021-2022, yasinyanye amasezerano y'ubufatanye n'igihugu cy'u Rwanda uhereye mu mwaka wa 2019.

    The post Sergio Ramos, Kaylor Navas ndetse na Julian Draxler bakinira ikipe ya Paris St Germain barasura u Rwanda mu mpera z'iki cyumweru appeared first on RUSHYASHYA.

    Source : https://rushyashya.net/sergio-ramos-kaylor-navas-ndetse-na-julian-draxler-bakinira-ikipe-ya-paris-st-germain-barasura-u-rwanda-mu-mpera-ziki-cyumweru/?utm_source=rss&utm_medium=rss&utm_campaign=sergio-ramos-kaylor-navas-ndetse-na-julian-draxler-bakinira-ikipe-ya-paris-st-germain-barasura-u-rwanda-mu-mpera-ziki-cyumweru

  • Rurageretse hagati ya Rayon Sports na Hitimana bapfa ideni rya Miliyoni eshanu n’ibihumbi 100 Frw ,Ashobora kuyirega muri FIFA #rwanda #RwOT

    Umutoza Hitimana Thierry utoza KMC FC yo mu Cyiciro cya Mbere muri Tanzania, akomeje kwishyuza ubuyobozi bwa Rayon Sports ideni rimaze imyaka icyenda.

    Uyu mutoza wanakiniye iyi kipe, muri miliyoni esheshatu n’ibihumbi 700 Frw yari afitiwe na Rayon Sports, yishyuwemo miliyoni imwe n’ibihumbi 600 Frw. Bisobanuye ko ideni yishyuza ari miliyoni eshanu n’ibihumbi 100 Frw.

    Uyu mutoza aganira na UMUSEKE, yavuze ko ubuyobozi bw’iyi kipe bwari bwamwemereye ko buzajya bumwishyura ibihumbi 400 Frw ariko ntabwo byubahirijwe nk’uko byari byemeranyijweho n’impande zombi.

    Ati 'Barambwiye ngo bazajya bampa ibihumbi 400 Frw buri kwezi ariko ntabwo byubahirijwe. Kuba bizajya muri FIFA biri mu maboko y’Umunyamategeko wanjye. Njye ntako ntagize ngo twumvikane.'

    Ibi bije, mu gihe iyi kipe ikunzwe na benshi mu Rwanda, iri muri ¼ mu gikombe cy’Amahoro, ikaba ku mwanya wa Gatatu n’amanota 41.

    Hitimana yatoje amakipe arimo iyi Rayon Sports ari kwishyuza, Bugesera FC, AS Kigali FC, Simba SC na Namungo FC.

    Source : http://www.ukwezi.rw/11/article/Rurageretse-hagati-ya-Rayon-Sports-na-Hitimana-bapfa-ideni-rya-Miliyoni-eshanu-n-ibihumbi-100-Frw-Ashobora-kuyirega-muri-FIFA

  • U Rwanda rwasinyanye amasezerano na Botswana y'ubufatanye #rwanda #RwOT

    1. Kuva ku wa 26 kugeza ku wa 28 Mata 2022, u Rwanda rwakiriye inama ya mbere y'akanama gashinzwe ishyirwa mu bikorwa ry'amasezerano y'ubufatanye hagati y'u Rwanda na Botswana (JPCC). Inama yabereye i Kigali kuri Hoteli Serena.

    2. Intumwa z'ibihugu byombi zari ziyobowe na Hon. Vincent Biruta, Minisitiri w'Ububanyi n'Amahanga n'Ubutwererane Mpuzamahanga ku ruhande rw'u Rwanda, na Hon. Dr. Lemogang Kwape, Minisitiri w'Ububanyi n'Amahanga n'Ubutwererane ku ruhande rw'igihugu cya Botswana. Inama yaranzwe n'ubwuzuzanye n'ubusabane busesuye.

    3. Abagize akanama gashinzwe ishyirwa mu bikorwa ry'amasezerano y'ubufatanye hagati y'ibihugu byombi, bashimye umubano mwiza usanzwe hagati y'ibi bihugu, ushingiye ku ndangagaciro zibiranga zirimo demokarasi, imiyoborere myiza, imiyoborere igendera ku mategeko no kubaha uburenganzira bwa muntu. Aka kanama kashimangiye uruhare rudasubirwaho rw'iyi nama mu gukomeza ubucuti n'ubufatanye hagati y'ibihugu byombi ku nyungu bifitanye.

    4. Nyuma yo kungurana ibitekerezo, impande zombi zemeye gusinya amasezerano akurikira:

    • Amasezerano y'ubujyanama mu by'ububanyi n'amahanga;

    • Umushinga w'amasezerano mu birebana n'amabuye y'agaciro n'undi mutungo kamere;

    • Umushinga w'amasezerano mu birebana n'urwego rw'amagereza.

    5. Abagize akanama gashinzwe ishyirwa mu bikorwa ry'amasezerano y'ubufatanye hagati y'u Rwanda na Botswana (JPC), bibukije ko ababishinzwe bagomba gusuzuma ko amasezerano yasinywe ashyirwa mu bikorwa kugira ngo agere ku cyo agamije. Banasabye kandi kwihutisha ibiganiro bigamije ko hasinywa andi masezerano y'ubufatanye mu zindi nzego mu rwego rwo kwagura ubufatanye hagati y'ibihugu byombi.

    6. Abagize akanama gashinzwe ishyirwa mu bikorwa ry'amasezerano y'ubufatanye hagati y'u Rwanda na Botswana (JPC), bashimangiye ko hakenewe kujya bahura mu nama nk'iyi yo gusuzuma uko amasezerano ashyirwa mu bikorwa nanone, nyuma y'igihe kitarambiranye.

    7. Abaminisitiri bombi banatangije ku mugaragaro inama ivuga ku ishoramari mu bihugu byombi izarangira ku wa 29 Mata, 2022. Bibukije akamaro k'iyi nama y'ishoramari mu gutanga amahirwe yo kongera imikoranire mu rwego rw'ubukungu n'ubuhahirane, ndetse ko ari n'umwanya mwiza wo guhana amakuru no gusangira ubunararibonye. Iyi nama ikaba kandi umwanya mwiza wo kuganira ku mishinga ifatika kuri buri gihugu ndetse n'iyakorwa ibihugu byombi bifatanyije.

    8. Mu izina ry'igihugu cye cya Botswana, Minisitiri Kwape yihanganishije abagize Guverinoma y'u Rwanda, ndetse anifuriza Abanyarwanda gukomera muri iki gihe twibuka ku nshuro ya 28 Jenoside yakorewe Abatutsi.

    9. Minisitiri Kwape kandi yifurije u Rwanda amahirwe mu gutegura inama ya CHOGM izabera i Kigali muri Kamena uyu mwaka, anatangaza ko igihugu cye cya Botswana kizayitabira.

    10. Byongeye kandi, ba Minisitiri bombi bunguranye ibitekerezo ku bibazo byugarije isi muri iyi minsi ari ibireba akarere, Afurika n'ibireba isi yose. Bifurije amatora meza ibihugu birimo kuyategura muri uyu mwanya, birimo Angola, Kenya n'Ubwami bwa Lesotho.

    11. Abagize akanama gashinzwe ishyirwa mu bikorwa ry'amasezerano y'ubufatanye hagati y'u Rwanda na Botswana, bahuye mu bwisanzure n'umwuka mwiza byerekana ubucuti hagati y'ibihugu byombi.

    12. Abari mu nama bemeranyije ko Botswana izakira inama y'abagize akanama gashinzwe ishyirwa mu bikorwa ry'amasezerano y'ubufatanye hagati y'u Rwanda na Botswana mu mwaka wa 2024, ku matariki azumvikanwaho n'impande zombi.

    Source : https://umuryango.rw/amakuru/article/u-rwanda-rwasinyanye-amasezerano-na-botswana-y-ubufatanye

  • Umuhungu w'imyiaka 20 wararanaga n'umukobwa wa15 bavumbuwe bikurura imvururu #rwanda #RwOT

    Mu Karere ka Kayonza,Umusore w'imyaka 20 yafatanywe umwana w'umukobwa w'imyaka 15 bararanye, asohokana umuhoro ashaka gutema abari baje kumufata ahita yiruka arabasiga.

    Abaturage bavuga ko uyu musore yararanye n'umwana w'umukobwa ufite imyaka 15 wiga mu mwaka wa kabiri w'amashuri yisumbuye aho ngo inshuro nyinshi amurarana bugacya ajya kwiga.

    Amakuru yatanzwe n'abaturanyi b'uyu musore ko mu nzu hari harayemo umukobwa ukiri muto kandi ngo si ubwa mbere yari aharaye ahubwo ngo yari yaramugize nk'umugore we.

    Kuri ubu inzego zose zahagurukiye kumushakisha ngo kuko batakwihanganira umuntu usambanya umwana.

    Intara y'Iburasirazuba iza ku isonga mu kugira abana benshi basambanywa, abenshi mu babasambanya bakunze gutoroka abandi bakihererana imiryango y'abana baba basambanyije bakiyunga nubwo biba bitemewe.

    Source : https://umuryango.rw/amakuru/mu-rwanda/umutekano/article/umuhungu-w-imyiaka-20-wararanaga-n-umukobwa-wa15-bavumbuwe-bikurura-imvururu

  • Madamu Jeanettse Kagame yasangiye n'abakobwa bitabiriye Miss Rwanda abaha impanuro(Amafoto) #rwanda #RwOT

    Abakiriwe barimo abambitswe amakamba ya Miss Rwanda mu bihe bitandukanye. Abo barimo Mutesi Jolly urifite mu 2016, Iradukunda Elsa mu 2017 na Iradukunda Liliane mu 2018.

    Nimwiza Meghan ufite irya 2019, Nishimwe Naomie ufite irya 2020, Ingabire Grace ufite irya 2021 ndetse na Muheto Nshuti Divine ufite iri kamba mu 2022.

    Aba bakobwa bari kumwe na bagenzi babo barimo ababaye ibisonga muri iri rushanwa, abegukanye andi makamba atandukanye n'abandi batagize amakamba begukana ariko babashije kugera mu mwiherero.

    Mu butumwa bwashyizwe kuri Twitter ya Madamu Jeannette Kagame, yabasabye gukomeza gutegura ejo hazaza habo heza.

    Ati 'Twe icyo dukora ni ukubaherekeza ku mahitamo mwagize kandi ibi turi kubikora kuko namwe mwagiye mushyira agaciro mu byo mwakoze. Ni nk'aho muri kudusunikira kubasanga aho muri kubera ibikorwa byanyu. Tubitezeho byinshi.'

    'Ni mwe mufite urufunguzo, muzaba icyo mwahisemo kuba. Mufite inshingano zitari nto, ntimukajye mwibona nk'abantu babarizwa mu muryango gusa, muri aba sosiyete muri rusange, muri ab'igihugu, tubitezeho byinshi cyane.'

    Nyampinga w'u Rwanda mu 2022, Muheto Nshuti Divine, yashimye impanuro za Madamu Jeannette Kagame, avuga ko we na bagenzi ba bazazikurikiza.

    Ati 'Ibintu mutubwiye ni iby'agaciro kuri twe, turabizirikana. Ndahamya ntashidikanya ko hari byinshi biri buhinduke mu myitwarire yacu, mu iterambere ryacu kandi turababera ba Ambasaderi beza.'

    Mutesi Jolly wabaye Nyampinga w'u Rwanda mu 2016 yijeje Madamu Jeannette Kagame ko agaciro yabahaye, kagiye gutuma bongera imbaraga mu bikorwa bakoraga bifitiye akamaro sosiyete muri rusange.

    Minisitiri wa Siporo, Aurore Munyangaju Mimosa, yashishikarije aba bakobwa ko usibye kuba bazi ubwenge, bakwiriye kubwongeraho no gukora siporo.

    Nshuti Divine Muheto nawe yahawe umwanya atanga ibitekerezo

    Madamu Jeanette Kagame ubwo yategaga amatwi aba bakobwa

    Abakobwa bahawe umwanya batanga ibitekerezo

    Ange Kagame nawe yari ahari

    Ba Nyampinga bagaragazaga ibyishimo maze bacinya akadiho

    Source : https://umuryango.rw/amakuru/article/madamu-jeanettse-kagame-yasangiye-n-abakobwa-bitabiriye-miss-rwanda-abaha

  • Kayonza : Ushinzwe amasomo yafatiwe mu cyuho yakira ruswa ya 4000 Frw ahawe n’umunyeshuri #rwanda #RwOT

    Amakuru aturuka kuri iki kigo avuga ko uyu muyobozi yasabye kandi yakira amafaranga y’indonke angana n’ibihumbi 4000 Frw y’umunyeshuri w’imyaka 15 kugira ngo amwemerere kwiga kuri iki kigo.

    Ni amafaranga yakaga umwana wari waravuye mu ishuri aho yari amaze ibihembwe bibiri atiga, agiye kwaka ishuri ku kindi kigo kugira ngo arisubiremo undi amwaka amafaranga 4000 Frw ngo yemererwe kugaruka kwiga.

    Uwo mwana ngo yahise abimenyesha ababyeyi be nabo babimenyesha ubuyobozi bukurikiranye busanga ni ruswa yamwakaga.

    Umunyamabanga Nshingwabikorwa w’agateganyo w’Umurenge wa Nyamirama, Nkurunziza Pascal, yavuze ko koko uyu mugabo yafatiwe mu cyuho yakira ruswa ingana n’ibihumbi bine.

    Yagize ati ' Uwo mugabo koko yafatiwe mu cyuho yakira ruswa ya 4000 Frw, yari ayahawe n’umunyeshuri kugira ngo amwemerera kwiga mu kigo afitemo inshingano.'

    Uyu muyobozi yavuze ko uyu mugabo ushinzwe amasomo mu rwunge rw’amashuri rwa Gikaya yahise atabwa muri yombi na RIB ikaba ngo inakomeje iperereza no mu bindi byaha.

    Amakuru yizewe avuga ko atari ubwa mbere uyu mugabo yakira amafaranga muri icyi kigo ngo kuko asanzwe ashukashuka abanyeshuri bakamuha amafaranga y’amakarita y’ishuri n’andi menshi.

    Mu minsi ishize ngo yakiriye amafaranga y’imyenda y’abanyeshuri 28 angana n’ibihumbi 296 500 Frw ntibayihabwa gusa we ngo yemeye ko abamuhaye amafaranga ari abanyeshuri 12 nubwo nayo atayatanze yemera ko yayariye.

    Hari n’undi mubyeyi ngo yaririye amafaranga amubeshya ko umwana we agiye kumushakira umushinga umurihirira byose ngo akaba abyemera ndetse akanabisabira imbabazi.

    Kuri ubu uyu mugabo yahise atabwa muri yombi afungirwa kuri sitasiyo ya RIB ya Nyamirama mu gihe iperereza rigikomeje.

    Ivomo:Igihe

    Source : http://www.ukwezi.rw/1-1/Amakuru-anyuranye/article/Kayonza-Ushinzwe-amasomo-yafatiwe-mu-cyuho-yakira-ruswa-ya-4000-Frw-ahawe-n-umunyeshuri

  • Perezida wa Ukraine Zelensky yongeye gusaba ko yageze ijambo kuri AU #rwanda #RwOT

    Perezida wa Ukraine Volodymyr Zelensky yongeye gusaba kugeza ijambo ku bakuru b'ibihugu bo mu muryango w'Ubumwe bw'Afurika (AU) , nkuko bivugwa n'umukuru w'akanama ka AU Moussa Faki.

    Mu butumwa bwo kuri Twitter, Faki yanditse ko yakiriye ubwo busabe mu kiganiro kuri telefone na Minisitiri w'ububanyi n'amahanga wa Ukraine.

    Yavuze ko bombi banaganiriye ku cyifuzo cya Perezida Zelensky cyo kugirana umubano wa hafi cyane na AU.

    Bwana Faki ntiyahishuye niba ubwo busabe buzemerwa, ariko yanditse kuri Twitter ko 'Nashimangiye ko hacyenewe umuti unyuze mu mahoro' ku ntambara n'Uburusiya.'

    Muri uku kwezi kwa kane, Perezida Zelensky yagiranye ikiganiro kuri telefone na Perezida wa Sénégal Macky Sall, ukuriye AU muri iki gihe, asaba kugeza ijambo ku bategetsi bo muri Afurika.

    Ibihugu byo muri Afurika ni byo byiganje ku rutonde rw'ibyifashe mu matora ku mwanzuro w'umuryango w'abibumbye (ONU/UN) wo guhagarika Uburusiya mu kanama kawo k'uburenganzira bwa muntu.

    Uwo mwanzuro waremejwe ku majwi 93 y'Ibihugu byatoyr biwushyigikira, mu gihe 24 byatoye biwamagana, naho ibihugu 58 birifata.

    The post Perezida wa Ukraine Zelensky yongeye gusaba ko yageze ijambo kuri AU appeared first on FLASH RADIO&TV.

    Source : https://flash.rw/2022/04/29/perezida-wa-ukraine-zelensky-yongeye-gusaba-ko-yageze-ijambo-kuri-au/?utm_source=rss&utm_medium=rss&utm_campaign=perezida-wa-ukraine-zelensky-yongeye-gusaba-ko-yageze-ijambo-kuri-au

  • Bombe Z'Abiyahuzi Zahitanye abantu 19 muri Afuganistani #rwanda #RwOT

    Ibisasu bibiri bitandukanye byaturikijwe mu modokari zitwara abagenzi mu majyaruguru ya Afuganistani

    Ibyo bisasu byaturikijwe kuri uyu wa kane, byishe abantu bagera ku icyenda abandi 13 barakomereka.

    Mohammad Asif Waziri, umuvugizi w'igiporisi cy'intara byabereyemo yavuze ko izi bombe zaturitse mu bihe bitandukanye mu bice bya Mazar-e-Sharif, umurwa mukuru w'intara ya Balkh.
    Abo igitero cyashakaga guhitana n' abayisilamu b'abashiite, nkuko yabivuze.

    Umutwe w'iterabwoba wa leta ya kiyisilamu wemeye ko ari wo wakoze icyo gitero.
    Ibi bitero bije bikurikiye ibindi bitero by'iterabwoba byaranzwe muri Afuganistani uku kwezi, byahitanye abarenga 10 hamwe n'abatari bake bakomeretse.

    Abatalibani bari ku butegetsi muri Afuganistani muri iki cyumweru bavuze ko abashinzwe umutekano babo bakuyeho umutwe w'iterabwoba ISIS-K ubangamiye Afuganistani. Gusa ngo ibikorwa byo kurangiza udusigisigi twawo biracyakomeza.

    Icyakora Abanyefuganistani mu gihugu kimwe n'amahanga ntibakunze kwemera ibi bitangazwa n'ubutegetsi bw'Abatalibani.

    Source : https://umuryango.rw/amakuru/mu-mahanga/umutekano/article/bombe-z-abiyahuzi-zahitanye-abantu-19-muri-afuganistani