Author: webrwanda

  • Nyamasheke: Umugabo akurikiranyweho gutwika ibiganza by'umwana we – #rwanda #RwOT

    Tariki 7 Nyakanga 2022, nibwo uyu mugabo wo mu mudugudu wa Nyarugenge, Akagari ka Gasovu, Umurenge wa Karambi, yatawe muri yombi.

    Tariki 5 Nyakanga nibwo uyu mugabo yagiye ku ishuri umwana we yigaho avuga ko uyu mwana w'imyaka 12 wiga mu mwaka wa Gatanu w'amashuri abanza yamwibye amafaranga ibihumbi 70Frw.

    Uyu mwana yemereye imbere y'umuyobozi w'ishuri ribanza rya Kageyo yigaho n'imbere ya se ko yatwaye amafaranga ibihumbi 33Frw, avuga ko ibihumbi 25Frw yabigurije umunyeshuri mugenzi we ibihumbi 6Frw abigura telefone, anagura chargeur ya 2000Frw.

    Uyu mwana Habumugisha Pacifique, yatahanye na se, ku munsi ukurikiyeho ntiyajya ku ishuri kandi bari gukora ibizamini bisoza igihembwe cya Gatatu.

    Ubuyobozi bw'ishuri bwagize amakenga bubonye uyu mwana atagarutse ku ishuri, bukorana n'inzego bageze iwabo w'uyu mwana basanga afungiranye mu nzu, ababyeyi be badahari.

    Umunyabanga Nshingwabikorwa w'Umurenge wa Karambi, Uwizeyimana Emmanuel yabwiye IGIHE ko ababyeyi b'uyu mwana babanje kubeshya ubuyobozi ko uyu mwana yokejwe n'amazi y'amarike bari bagiye gusongamo ubugari, ubwo yari agiye kwenyegeza umuriro.

    Ibi ubuyobozi ntibwabishize amakenga, bwihererana nyina w'uyu mwana bumubaza neza uko byagenze avuga ko uyu mwana yatwitswe na se. Umwana yasobanuriye abayobozi uko byagenze avuga ko se yafashe ibiganza bye abishyiraho ibikori [ibishami by'inturusu] arasiraho umwambi.

    Ubuyobozi bwahise buhamagara RIB, uyu mugabo n'umugore we batabwa muri yombi, umwana ajyanwa kwa muganga.

    Uyu mwana na nyina babwiye ubuyobozi ko se yari yababwiye ko nihagira uvuga ko ari we wamutwitse azamukuramo umwuka. Ibi byahuriranye n'uko uyu mugabo bisanzwe bizwi ko ari igihazi bituma uyu mugore arekurwa arataha asanga abana, dore ko bafitanye abana batanu.

    Gitifu Uwizeyimana yasabye abaturage gucika ku muco wo kwihanira no kubika amafaranga mu ngo.

    Ati “Dufite ibigo by'imari bibiri mu murenge, twasabye abaturage kubitsa amafaranga mu bigo by'imari kuko usibye n'umwana n'undi muntu ashobora kuza akayiba. Ikindi ni ukumenya uburenganzira bw'umwana no kutihanira”.

    Uyu muyobozi avuga ko iyo uyu mugabo yiyambaza ubuyobozi bwari kumufasha kugaruza amafaranga uyu mwana yagurije mugenzi we, n'ayo yaguze telefone na sharijeri.

    Uyu mwana nyuma yo kugezwa ku kigo nderabuzima bahise bamwohereza ku Bitaro bya Kibogora n'ubu niho akiri kuvurirwa.

    Uyu mugabo ucururiza mu isantere ya Rubyiruko yageze aho yemera ko ariwe watwitse uyu mwana. Avuga ko nubwo uyu mwana yemera ibihumbi 33, n'andi ariwe wayatwaye kuko hari ihene aherutse kugura bikekwa ko yayiguze muri aya mafaranga yabuze.

    Umugabo akurikiranyweho gutwika umwana we ibiganza nyuma yo kwibwa ibihumbi 70Frw


    Source : http://igihe.com/amakuru/u-rwanda/article/nyamasheke-umugabo-akurikiranyweho-gutwika-ibiganza-by-umwana-we

  • Bucyibaruta yasabiwe gukatirwa burundu #rwanda #RwOT

    Uwahoze ari Perefe wa Perefegitura ya Gikongoro Laurent Bucyibaruta yaraye asabiwe gufungwa burundu n'Ubushinjacyaha buburanira abamurega uruhare rutaziguye muri Jenoside yakorewe Abatutsi muri Perefegitura yayoboraga

    Umushinjacyaha yasabye urukiko kutazita k'ukuba Laurent Bucyibaruta ashaje kandi akaba agaragara nk'unaniwe ahubwo rukamukatira burundu kuko yagize uruhare rutaziguye mu iyicwa ry'Abatutsi biciwe i Kaduha, i Kibeho n'i Murambi.

    Ubushinjacyaha bwasabye urukiko rwa rubanda rw'i Paris mu Bufaransa guhanisha Laurent Bucyibaruta igifungo cya burundu kubera uruhare yagize muri jenoside yakorewe abatutsi mu yahoze ari perefegitura ya Gikongoro yayoboraga mu 1994.

    Ni abaturage barenga 100,000.

    Ubushinjacyaha bwamaze amasaha agera kuri arindwi butanga impamvu busanga Bucyibaruta agomba guhanishwa igifungo cya burundu.
    Amasaha agera kuri arindwi ni yo abashinjacyaha Céline VIGUIER na Sophie HAVARD bavuze ko aababonye Jenoside ndetse n'abahanga mu byayo bazi neza ko iyabaye mu Rwanda igakorerwa Abatutsi itari impunuka.

    Umushinjacyaha Céline VIGUIER yabwiye urukiko ko Jenoside yateguwe igihe kirekire ndetse kuyigerageza bigatangirira ku Gikongoro mu mwaka 1963.

    Avuga ko icyo gihe hishwe abatutsi basaga ibihumbi 20 kandi abakoze ubwo bwicanyi ntihagire numwe ubihanirwa.

    Uku kutabihanirwa ngo hari abo kwahaye uburyo bwo kumva ko n'uwakwica Abatutsi benshi kurushaho atabihanirwa.

    Umushinjacyaha yavuze ko ibyo Bucyibaruta yavuze yisobanura ko byo aregwa nta shingiro byagombye guhabwa kuko kuvuga ko nta bubasha yari afite ku byaberaga muri Perefegitura ye ari ukwigiza nkana.

    Ngo icyo gihe u Rwanda rwari rufite inzego zubakitse neza kuva hejuru kugera hasi.

    Ibyo byahaga Perefe ububasha bwo gufata icyemezo kandi kikubahirizwa.

    Umushinjacyaha Céline VIGUIER avuga ko imwe mu ngingo zerekana ko Bucyibaruta yari agite imbaraga mu gace yayoboraga ari uko yashyigikiye ikurwaho rya Burugumestre Viateur Higiro wa Musebeya warwanyaga ubwicanyi , ku rundi ruhande agashima Charles Nyiridandi wagiye mu bwicanyi i Kibeho.

    Umunyamategeko Sophie HAVARD ati: 'Bucyibaruta yabaye ku isonga ry'ubwicanyi bw 'Abatutsi anagira ubufatanyacyaha mu byaha byibasira inyoko muntu ku ishuri rya Murambi, kuri Paruwasi za Cyanika na Kaduha kimwe no ku ishuri rya Marie Merci i Kibeho.'

    Nyuma yo kurondora ibyaha bishinjwa Bucyibaruta, umushinjacyaha Sophie HAVARD ati: 'N'ubwo Bucyibaruta atafashe umuhoro ngo ateme umuntu, amaraso y'Abatutsi barenga ibhumbi 100 muri Gikongoro ari ku mutwe we kuko ibyo byose byakozwe ari umuyobozi kandi ntagire ubushake bwo kubirwanya.'

    Yasabye Urukiko kumuhamya ibyaha byakorewe i Kibeho, ku ishuri rya Murambi ku rya Marie Merci, kuri paruwasi ya Cyanika n'iya Kaduha ndetse no kuri za bariyeri zitandukanye hirya no hino muri Gikongoro.

    We na mugenzi we basabye urukiko kuzahanisha Laurent Bucyibaruta igifungo cya burundu kuko ibyaha ashinjwa bidasaza.

    Laurent Bucyibaruta yavutse mu 1944, aba perefe wa Gikongoro ku wa 4 Nyakanga 1992.

    Yari umurwanashyaka ukomeye wa MRND, akaba n'umukuru w'interahamwe zishe Abatutsi mu 1994 muri iriya perefegitura.

    Ashinjwa ko abatutsi basaga 50.000 biciwe mu ishuri rya Murambi ku itegeko rye. Ngo yabanje kubashishikariza kuhahungira bizezwa kuhafashirizwa, ariko nyuma baza kuhicirwa n'abajandarume, abapolisi n'interahamwe.

    Ashinjwa kandi uruhare mu kwica Abatutsi muri paruwasi za Cyanika na Kaduha, kimwe n'abatutsi biciwe i Kibeho.

    The post Bucyibaruta yasabiwe gukatirwa burundu appeared first on FLASH RADIO&TV.

    Source : https://flash.rw/2022/07/09/bucyibaruta-yasabiwe-gukatirwa-burundu/?utm_source=rss&utm_medium=rss&utm_campaign=bucyibaruta-yasabiwe-gukatirwa-burundu

  • Umutoza wa Rayon Sports yakomoje ku bakinnyi azirukana n’abazongererwa amasezerano #rwanda #RwOT

    Haringingo Francis, umutoza mushya wa Rayon Sports avuga ko uretse abakinnyi batangajwe basezerewe ubu nta wundi mukinnyi yavuga uzasohoka muri iyi kipe cyangwa azagumana mbere yo kubona niba abakinnyi yifuza bose azababona.

    Nyuma y’umusaruro utari mwiza mu mwaka wa 2021-22, Rayon Sports yafashe umwanzuro wo kubaka ikipe bushya aho yahereye ku bakinnyi b’abanyamahanga isezerera abagera kuri 5.

    Si abo kuko hari n’abakinnyi b’abanyarwanda yamaze kubwira ko batazakomezanya, gusa amakuru avuga ko hari n’abandi benshi iyi kipe ishobora kurekura.

    Umutoza wa Rayon Sports, Haringingo Francis avuga ko ataramenya abo azasigarana cyangwa azarekura kuko byose bizaterwa n’uko azabona abakinnyi arimo yifuza cyangwa atazabanona.

    Ati “sinakubwira ngo tuzasigarana abakinnyi bangahe abakinnyi turimo twifuza bose tutarababona, nkeka ko nitumara kugura abakinnyi ari bwo tuzabona abakinnyi dushobora kugumana n’abo dushobora kongera amasezerano ariko kugeza ubu abakinnyi bose bagifite amasezerano baracyari abakinnyi ba Rayon Sports, sinavuga ngo tuzarekura uyu kandi tutarabona uwo tuzamusimbuza.”

    Ni umutoza uvuga ko ari kugira uruhare mu bakinnyi barimo kugurwa na Rayon Sports, aho mu Rwanda bibanze ku bakinnyi bakiri bato kandi bafite impano, ni mu gihe mu banyamahanga ho bazazana abakinnyi bakomeye kandi bafite ubunararibonye ku buryo bazaza gufasha abakinnyi bakiri bato iyi kipe yaguze.

    Haringingo Francis avuga ko ataramenya abakinnyi azasezerera n’abo azasigarana

    Source : http://isimbi.rw/siporo/article/umutoza-wa-rayon-sports-yakomoje-ku-bakinnyi-azirukana-n-abazongererwa-amasezerano

  • Ibyavuzwe n’abafana nyuma yo kubona mu gituza cy’umunyamakurukazi Isheja Sandrine (AMAFOTO) – YEGOB #rwanda #RwOT

    Umunyamakurukazi Isheja Sandrine uri mu bakunzwe cyane kubera ijwi rye riryohera abumva radio Kiss FM yazamuye amarangamutima y'abafana be ndetse bamwe mu bamukurikira batangira kumuvugaho amagambo akomeye.Nkuko bigaragara kuri Facebook uyu munyamakurukazi yashyize hanze ifoto yambaye imyenda imwegereye cyane ndetse igaragaza imiterere yo mu gituza cye bituma abafana batangira gutanga ibitekerezo bitandukanye.

    Source : https://yegob.rw/ibyavuzwe-nabafana-nyuma-yo-kubona-mu-gituza-cyumunyamakurukazi-isheja-sandrine-amafoto/

  • Kenya: Umusore ufite master's azunguza amagi ku muhanda akomeje kubabaza abatari bake – YEGOB #rwanda #RwOT

    Ni kenshi buri wese yibwira ko kwiga menshi bizatuma agira ubuzima bwiza gusa hari abo bidahira  nk'uyu musore tugiye kubabwira.

    Umusore witwa Denis obili ogola ukomoka mu gihugu cya Kenya ufite imyaka 39 yagerageje kwiga nk'abandi ndetse yiganye n'abamwe mu bayoboyi bakomeye harimo Dr william Ruto n'abandi benshi bakomeye muri Kenya.

    Denis avuga ko ari we mwana mukuru iwabo ndetse ko yavukiye mu muryango utishoboye byatumye ashyiramo imbaraga yiga amashuri menshi kugirango azafashe umuryango we.

    Nyuma yo kwiga ndetse akagera aho abona masters yashatse akazi ahantu harenga ibihumbi bitanu hose abura na hamwe , bityo ayoboka umuhanda kuzunguza amagi kugirango abone ubuzima.

    Source : https://yegob.rw/kenya-umusore-ufite-masters-azunguza-amagi-ku-muhanda-akomeje-kubabaza-abatari-bake/

  • Umugabo yagiye gusezerana yambaye ikote agaruka yambaye amapingu – YEGOB #rwanda #RwOT

    Ni kuri uyu wa 04 Nyakanga 2022 umugabo witwa Karahanyuze Emmanuel utuye mu mudugudu wa Rusasa, akagari ka Yaba, Umurenge wa Muhura ho mu karere ka gatsibo yari agiye gusezerana na Mukashyaka usanzwe ari umugore we muri gahunda y'akarere ka Gatsibo n'itorero rya EAR yo gusezeranya imiryango 30 yabanaga mu buryo butemewe n'amategeko.

    Ubwo Karahanyuze na Mukashyaka, Inshuti ndetse n'imiryango yabo bari babukereye batashye ubwo bukwe, gusa mbere y'uko bashyingiranwa umunyamabanga nshingwabikorwa yabanje gusaba abari bitabiriye ubwo bukwe ko uwaba afite impamvu iyo ariyo yose yaba azi yatuma abo bombi badasezerana yayivuga.

    Ubwo umunyamabanga nshingwa bikorwa yamaraga kuvuga gutyo nibwo hahagurutse umugore afite umwana w'amezi atandatu mu biganza bye, avuga ko Karahanyuze ariwe babyaranye uwo mwana akaba yaranze kumwiyandikishaho kandi barabanaga yewe akaba yari yaranamuhishe ko afite undi mugore.

    Ubwo hagenzurwaga ibyangombwa by'uyu mugore waje avuga ko ari uwa kabiri, barebye muri sisteme y'irangamimerere basanze uyu mugore yaravutse tariki ya 01 Mutarama 2004 ubu akaba yujuje imyaka 18 nyamara umwana afite yaravutse tariki 28 Ukuboza 2021, bikaba bivuze ko yahohotewe kuko yabyaranye na Karahanyuze ataruzuza imyaka 18.

    Ibyo bikimara kuba nta kindi cyakurikiyeho n'uko Karahanyuze yatawe muri yombi kugira ngo akurikiranweho icyaha cyo guhohotera umwana utarageza imyaka 18 hakorwa iperereza.

    Source : https://yegob.rw/umugabo-yagiye-gusezerana-yambaye-ikote-agaruka-yambaye-amapingu/

  • Umukobwa w’imyaka 26 yakoze ibyakorwa na bake bangana – YEGOB #rwanda #RwOT

    Umukobwa wimyaka 26 yakoze ibidashoboka ku bari mu rungano rwe maze yerekana ko yamaze kugura inzu ihenze cyane ndetse ibarirwa mu mamiliyoni.

    Uyu mukobwa ukomoka mu Bwongereza uzwi ku izina rya Hilary Iyoha, yerekanye uburyo ibintu bikomeye bishobora kugerwaho hamwe no kuzigama buri gihe ku musaruro uhamye.

    Uyu mwari avuga ko yaguze inzu ye ya mbere i Bexley, kandi yashoboye kuba nyir'urugo nyuma yimyaka ibiri yo kuzigama.

    Hilary wahoze atuye mu majyepfo y'uburasirazuba bwa Londres, yatangaje ko yazigamaga buri kwezi mu gihe cy'imyaka ibiri kandi agura inzu yumuturirwa ibarirwa mu mamiliyoni.

    Nyirinzu w'Ubwongereza yavuze ko kuva kera akiri muto azi neza ko kuzigama amafaranga niyo yaba make agenda agwira.

    Source : https://yegob.rw/umukobwa-wimyaka-26-yakoze-ibyakorwa-na-bake-bangana/

  • Perezida Kagame aranenga abagereka ibibazo bya RDC ku Rwanda #Rwanda #RwOT via @kigalitoday #rwanda #RwOT

    Perezida wa Repubulika, Paul Kagame, aragenga ibihugu n’imiryango mpuzamahanga nka MONUSCO, kuba bikomeza kugereka ibibazo bya Congo ku Rwanda kandi nyamara (…)

    Source : https://www.kigalitoday.com/amakuru/amakuru-mu-rwanda/article/perezida-kagame-aranenga-abagereka-ibibazo-bya-rdc-ku-rwanda

  • Abasaga 200 bamaze umwaka bibera ku Musozi mu masengesho #rwanda #RwOT

    Abantu barenga 200 biyomoye ku Idini ry'Abadivantiste b'Umunsi wa Karindwi mu Burundi, birukanwe ku musozi wa Ruhero mu Ntara ya Cibitoke aho bari bamaze umwaka baba basenga.

    Abayobozi muri iyo Ntara batangaje ko badashobora kwemera ko abantu bata ingo zabo bagakura abana mu ishuri bitwaje Imana.

    Uwo musozi muremure wa Ruhero uri hagati y'amakomine ya Mugwi, Mabayi, Mugina na Rugombo nko ku birometero 50 uvuye mu Mujyi wa Cibitoke.

    Umwe muri abo bakirisitu babaga kuri uwo musozi, Ciza Gérard , yavuze ko basangiriraga hamwe barangiza bagasenga nkuko ibyanditswe bibivuga mu rwego rwo kurushaho kwegera Imana.

    Abana bari kumwe n'ababyeyi babo kuri uwo musozi wa Ruhero ntibajyaga ku mashuri. Cimpaye Nelly, umwe mu babyeyi bari bari kuri uwo musozi, yavuze ko abana babo bari bafite uko babigisha.

    Kuri uyu wa gatanu, guverineri w'intara ya Cibitoke Bizoza Carême, ari kumwe n'abayobozi mu nzego z'ibanze muri komine zavuzwe haruguru, n'abashinzwe umutekano bazindukiye mu gikorwa cyo kwirukana abo bakirisitu kuri uwo musozi.

    Guverineri akaba yamenyesheje ko badashobora kwemera ko haba abantu mu ntara ayoboye bakora ibyo bishakiye bakarenga ku mategeko y'igihugu.

    Ni mugihe ibwirizwa rigenga insengero mu Burundi mu ngingo yaryo ya 31 agika cya 14 rivuga ko amadini n'amatorero rivuga ko kuba abayoboke bayo bagomba gusenga hubahirijwe isuku, ubuzima bwiza, umutekano n'ibindi bidahungabanya abenegihugu.

    Estella Irankunda ari mu bagiye gusengera kuri uwo musozi kugira barindire Yesu nk'uko bavyivugira, amenyesha ko ibibashikira vyose bitabatera ubwoba kuko ngo biba vyarahishuwe.

    Buramateri Bizoza yasavye abanyagihugu b'aho i Ruhero gufashanya n'abajejwe intwaro n'abajejwe umutekano bagiye kuhacumbika kugira ntihagire abantu basubira kubinjirana bitwaje gusenga.

    @VOA

     

    The post Abasaga 200 bamaze umwaka bibera ku Musozi mu masengesho appeared first on IRIBA NEWS.

    Source : https://iribanews.rw/2022/07/08/abasaga-200-bamaze-umwaka-bibera-ku-musozi-mu-masengesho/

  • Hamenyekanye ibanga rikomeye Rayon Sports yakoresheje kugira ngo SKOL iyishoremo akayabo #rwanda #RwOT

    Umuyobozi wa Skol, Ivan Wulffaert yatangaje ko nubwo bari bagifitanye amasezerano y'umwaka umwe na Rayon Sports bahisemo kuyongerahokubera ko yabegereye ikabereka imishinga ifite y'igihe kirekire.

    Uwo muyobozi yavuze ko iyo ariyo mpamvu bahisemo kwemera kuvugurura aya masezererano bakazatanga arenga miliyari mu gihe cy'imyaka 3azafasha kubaba ikipe ikomeye ku ruhando mpuzamahanga.

    Yagize ati “Ubuyobozi bwa Rayon Sports bwatweretse umushinga w'ahazaza turawushima, niyo mpamvu twifuje kongera amasezerano n'ibyo twabahaga, biba imyaka 3 n'undi mwaka wari usigaye kuri miliyari y'amafaranga y'u Rwanda.

    Perezida wa Rayon Sports, Uwayezu Jean Fidele yavuze ko bahisemo kuvugurura amasezerano kugira ngo bibafashe mu bikorwa birambye irimo gutegura.

    Ati “turashaka kubaka Rayon Sports ikomeye, Rayon Sports ifite ubushobozi ni nayo mpamvu twavuguruye amasezerano twari dufitanye na Skol yari kuzarangira umwaka utaha, twasinye imyaka 3 kugira ngo idufashe kubaka ikipe ikomeye. Mu kwezi gutaha turazana ikipe y'abagore, mu Kuboza tuzatangiza n'irerero rizajya riba hano kuri Skol.”

    Kuri uyu wa Gatanu tariki ya 08 Nyakanga 2022,Rayon Sports na Skol Rwanda basinyanye amasezerano y'imyaka 3 yiyongera kuri umwe bari bafitanye (azagera muri 2026) afite agaciro k'arenga miliyari y'amafrw (1.000.000.000 FRW).Ni ukuvuga miliyoni 250 FRW ku mwaka ku ikipe y'abagabo, abagore n'abato.

    Uretse ibi kandi ni uko muri ubu bufatanye Skol yemeye kuvugurura ikibuga Rayon Sports ikoreramo imyitozo bagashyiramo 'tapis', iki kibuga bakanacyubaka ku buryo kizajya cyakira abantu 1000, bagashyiramo n'amatara ku buryo cyanakinirwaho ni njoro, ibi byose bikazafasha amakipe yose ya Rayon Sports kuhakorera nta kibazo na kimwe gihari.

    Kuva mu 2014, Skol na Rayon Sports bagiranye amasezerano y'imikoranire, yagiye avugururwa buri myaka itatu.

    Source : https://umuryango.rw/imyidagaduro/imikino/article/hamenyekanye-ibanga-rikomeye-rayon-sports-yakoresheje-kugira-ngo-skol-iyimenemo