Author: webrwanda

  • “Isabukuru nziza ku muntu w’agaciro kuri njye!” – Miss Iradukunda Liliane yifurije isabukuru nziza umusore bikekwako bakundana – YEGOB #rwanda #RwOT

    Miss Iradukunda Liliane wegukanye ikamba rya Miss Rwanda 2018 yifurije isabukuru nziza umusore bikekwako bakundana.

    Abinyujije ku rukuta rwe rwa instagram, Miss Iradukunda Liliane yashyize hanze amafoto ye ari kumwe n'uyu musore maze ayaherekesha amagambo agira ati 'Happy birthday to my favorite person 🥳🤍'.

     

     

    View this post on Instagram

     

    A post shared by Liliane Iradukunda (@iradukunda_liliane)

     

     

     

    Source : https://yegob.rw/isabukuru-nziza-ku-muntu-wagaciro-kuri-njye-miss-iradukunda-liliane-yifurije-isabukuru-nziza-umusore-bikekwako-bakundana/

  • Kurya umunyu mubisi byongera ibyago byo gupfa vuba (Ubushakashatsi) #Rwanda #RwOT via @kigalitoday #rwanda #RwOT

    Abantu bakunda kuminjira umunyu mu biryo bafite ibyago biri ku kigero cya 28% byo gupfa vuba ugereranyije n’abarya umunyu utetse mu biryo. Umwarimu muri (…)

    Source : https://www.kigalitoday.com/amakuru/utuntu-n-utundi/article/kurya-umunyu-mubisi-byongera-ibyago-byo-gupfa-vuba-ubushakashatsi

  • Rutsiro: Bigabije urutoki rw'ushinzwe umutekano bararika hasi #rwanda #RwOT

    Abagizi ba nabi bataramenyekana, biraye mu rutoki  rw'ushinzwe umutekano mu Mudugudu wa Rutambi, mu  Kagali ka Kabuhenje, mu Murenge wa Kivumu ,mu Karere ka Rutsiro, bashyira hasi insina zigera kuri 59, ubuyobozi bwatangaje ko hakekwa abashumba  bari bafitiye urwango n'uwo muturage.

    Amakuru avuga ko  ibi byabaye mu ijoro ryo ku wa 14 Nyakanga 2022, ariko amakuru nyiri gutemerwa insina ayamenya mu masaha ya saa kumi n'ebyiri za mugitondo kuri uyu wa 15 Nyakanga, 2022.

    Musafiri Athanase watemewe insina aganira n'UMUSEKE, yavuze ko yabyutse mu gitondo, asanga ibitoki bye byatemwe, akemeza ko ari ubugome yagiriwe.

    Yagize ati 'Urutoki barutemye, mbimenye mu gitondo saa kumi n'ebyiri, hatemwe ibitoki bigera kuri 59. Ni ubugome bakoze, bafashe ibitoki byose baratema.'

    Uyu muturage avuga ko mu nsina 59 batemye, 20 zariho uibitoki agasaba ko ubuyobozi bwamufasha kuko byari bitunze umuryango we.

    Umunyamabanga Nshingwabikorwa w'Umurenge wa Kivumu, Munyamahoro Patrick yabwiye UMUSEKE ko kugeza ubu hataramenyekana intandaro y'ubwo bugizi bw nabi gusa hakekwa kwihimura kw'abashumba.

    Yagize  ati 'Amakuru nayamenye, ni umuntu ushinzwe umutekano, ntabwo turamenya neza ababitemye ariko hari abakekwa b'abashumba, bashobora kuba bafashe imitumba bakajya kuyigaburira inka zabo ziri hafi aho.'

    Uyu muyobozi yavuze ko bamaze gufata umuntu umwe mu bakekwa undi akaba yacitse..

    Ati 'Ejo bononnye ibisheke by'abaturage, Mutekano ajya mu kibazo, babaca Frw 50,000 y'ubwishyu bw'ibyo bisheke bariye, bakaba bavuga ko izo nsina babikoze mu rwego rwo  kwihimura, kuri mutekano wabacishije amafaranga.'

    Yavuze kandi  ko hagiye gukazwa umutekno mu rwego rwo gukumira ibyaha .

    Yagize ati 'Ingamba zo ni ugukaza umutekano, ni  ugukomeza gukumira ibintu by'inzangano.'

    Yongeyeho kandi ko uzahamwa n'icyaha azishyura n'urutoki rwangijwe kandi mu gihe hatagira uhamwa n'icyo cyaha, hazabaho gushumbusha umuturage.

     

    @Umuseke

     

    The post Rutsiro: Bigabije urutoki rw'ushinzwe umutekano bararika hasi appeared first on IRIBA NEWS.

    Source : https://iribanews.rw/2022/07/15/rutsiro-bigabije-urutoki-rwushinzwe-umutekano-bararika-hasi/

  • Leta y'Amerika yasabwe gushyira 'Igitutu' ku Rwanda kubera Rusesabagina #rwanda #RwOT

    Inteko ishingamategeko ya Amerika, umutwe w'abadepite, yemeje umwanzuro wo gusaba leta y'u Rwanda 'kurekura aka kanya' Paul Rusesabagina ku 'impamvu za ubumuntu'.

    Umwaka ushize, Rusesabagina yakatiwe gufungwa imyaka 25 aho afungiye mu Rwanda ahamijwe ibyaha birimo iterabwoba.

    Mu kwezi kwa kabiri uyu mwaka, abadepite babiri b'inteko ya Amerika; Young Kim wa California na Joaquin Castro wa Texas, bashyize uyu mwanzuro H.Res.892 mu nteko ngo uzatorwe.

    Kuwa kane, abadepite ba Amerika bashyigikiye uriya mwanzuro wifuzwaga n'aba badepite babiri.

    Ibi bibaye nyuma y'aho  Paul Rusesabagina ahamijwe ibyaha by'iterabwoba bifatiye ku bitero byiciwemo abantu mu 2018 na 2019 mu Rwanda, by'umutwe wa MRCD/FLN yari abereye umuyobozi.

     Rusesabagina, ufite uburenganzira bwo gutura muri Amerika, yivanye mu rubanza rwe kuva rugiye gutangira, avuga ko 'nta butabera' yiteze mu rukiko.

    Ba depite Young Kim na Joaquin Castro bemeza ko Rusesabagina 'yakuwe iwe San Antonio muri Texas akagezwa mu Rwanda mu buryo bunyuranyije n'amategeko'.

    Paul Rusesabagina

    Joaquin Castro yabwiye inteko ya Amerika ko Rusesabagina yafunzwe iminsi itatu na leta y'u Rwanda nta uzi aho aherereye, nyuma akerekanwa akaregwa 'ibyaha bifite imvo za politiki'.

    Muri uyu mwaka, minisiteri y'ububanyi n'amahanga ya Amerika yatangaje umwanzuro uvuga ko Rusesabagina yafunzwe mu buryo bunyuranyije n'amategeko.

    Mu iburanisha, urukiko rwanzuye ko Rusesabagina  washakishwaga n'ubucamanza nk'uko bwabivuze ari we ubwe wizanye i Kigali, bityo ko atashimuswe.

    Uyu mwanzuro watowe n'inteko ya Amerika usaba leta ya Amerika ko muri byose uvuganamo n'iy'u Rwanda 'izana ikibazo cya Paul Rusesabagina igashyiraho igitutu ngo arekurwe…'.

    Umwanzuro usanzwe (H.Res.) w'inteko ya Amerika iyo wemejwe ushyikirizwa umukuru w'ubushyinguranyandiko bw'inteko ugatangazwa mu nyandiko zayo.

    Bene uyu mwanzuro ukomeza kwemerwa gusa n'iyo nteko, ntabwo ushyikirizwa Perezida wa Amerika ngo agire icyo awukoraho, nk'uko amategeko abitegena abivuga.

    Abadepite b'Amerika batoye uyu mwanzuro mu gihe, Leta y'u Rwanda yakomeje gushimangira uruhande rwayo ko uyu mugabo w'imyaka 68 agomba guhanirwa ibyaha yahamijwe n'urukiko.

    Twifashishije inkuru ya BBC

    The post Leta y'Amerika yasabwe gushyira 'Igitutu' ku Rwanda kubera Rusesabagina appeared first on IRIBA NEWS.

    Source : https://iribanews.rw/2022/07/15/leta-yamerika-yasabwe-gushyira-igitutu-ku-rwanda-kubera-rusesabagina/

  • Umukinnyi wa APR BBC yakoze ubukwe #rwanda #RwOT

    Kubanatubane Jean Philippe umukinnyi w’ikipe ya APR BBC yakoze ubukwe n’umukunzi we Umutoni Sarah.

    Imihango y’ubukwe bwabo ikaba yabanjirijwe no gusezererana imbere y’amategeko kuri uyu wa Gatanu tariki ya 15 Nyakanga 2022, byabereye mu murenge wa Gisozi mu karere ka Gasabo.

    Nyuma hakurikiyeho umuhango wo gusaba no gukwa wabereye Kicukiro mu Busitani bwa Hope (Hope Garden).

    Indi mihango y’ubukwe ikaba izaba ku munsi w’ejo ku wa Gatandatu tariki ya 16 Nyakanga 2022, bakaba bazasezerana imbere y’Imana muri EPR Kamuhoza, Kimisagara. Nyuma y’iyo mihango abatumiwe bazakirirwa muri Hope Gorden Kicukiro.

    Jean Philippe na Sarah bakoze ubukwe

    Source : http://isimbi.rw/siporo/article/umukinnyi-wa-apr-bbc-yakoze-ubukwe

  • Kenya: Batandatu bapfiriye mu modoka yahiye irakongoka i Machakos #rwanda #RwOT

    Abantu batandatu bahiye barakongoka abandi 8 barakomereka, nyuma yaho imodoka ya taxi barimo igonganye n'indi modoka mu ntara ya Machakos.

    Ibinyamakuru bya Kenya byanditse ko iyi mpanuka hagishakishwa icyayiteye, ariko ngo iyo tagisi yahiye kuko yari irimo igicupa cya gaz yo gucana cyahise gifatwa n'umuriro, abarimo barashya kuburyo imirambo utari bumenye ba nyiraho.

    Ikinyamakuru The Citizen Digital cyanditse ko abandi bantu umunani bakomerekeye muri iyi mpanuka ku buryo bukomeye cyane.

    The post Kenya: Batandatu bapfiriye mu modoka yahiye irakongoka i Machakos appeared first on FLASH RADIO&TV.

    Source : https://flash.rw/2022/07/15/kenya-batandatu-bapfiriye-mu-modoka-yahiye-irakongoka-i-machakos/?utm_source=rss&utm_medium=rss&utm_campaign=kenya-batandatu-bapfiriye-mu-modoka-yahiye-irakongoka-i-machakos

  • Umuraperi Pfla yavuze ukuntu yakubise umupolisi w’umuzungu inshyi nyinshi – YEGOB #rwanda #RwOT

    Umuraperi Pfla yavuze ko yakubise Umupolisi w'umuzungu inshyi nyinshi bimuviramo kurya agashene (Gufungwa) ubwo yari ari mu gihugu cya Noruveje (Norway)

    Pfla ni umuhanzi w'umunyarwanda ukunzwe cyane mu jyana ya hip hop aho ari mubayitangije muri iki gihugu

    Uyu muhanzi wakoze indirimbo za kunzwe nka Ntuzanyinishe, Ntibishoboka nizindi nyinshi zitandukanye, akaba yaranabaye mu insinda rya Taff Geng hamwe na Bull dog, Fire man, Green p na Jay pol waje kwitaba Imana

    Mukiganiro  yagiranye  na Yago Tv show aho yari ari kumwe na Cece  babanye muri Norway uzwi kuri istagram mu gukora utu vidiwo tugiye dutandukanye, niho havugiwemo  ko Pfla  yakubise umuporisi w'umuzungu urushyi ubwo bari mu Norway bikamuviramo gufungwa.

    Ikindi utari uzi kuri  Pfla, yabaye umukinnyi wa Basketball ukomeye akaba yari afite inzozi zo kuzaba umunyarwanda wa mbere ukinnye muri NBA, gusa ariko inzozi ze zarangiye 2008 ubwo yinjiraga muri muzika.

    CeCe yamubonaga nka Ronaldinho wo muri Basketball kuko ngo ntiyahatirizaga ahubwo Basketball yari  imuri mu maraso.

    Pfla kandi ngo yanabaye umukinnyi wa Espoir Basketball ikipe ikina mu cyiciro cya 1 mu Rwanda, akaba yarayikiniye ubwo yari akiri muto.

    Uyu mugabo kandi ngo yari agiye gukorana indirimbo na Harmonize umuhanzi ukomeye muri Tanzania ariko ntiyasobanuye impamvu batayikoranye.

    Kugeza ubu icyo Pfla ari kurebaho muri iki gihe  ni ugukorana na bahanzi mpuzamahanga bazamufasha kuzamura umuziki we.

    Source : https://yegob.rw/umuraperi-pfla-yavuze-ukuntu-yakubise-umupolisi-wumuzungu-inshyi-nyinshi/

  • Abakozi ba FERWAFA bari bafunzwe barekuwe #rwanda #RwOT

    Urukiko rw’Ibanze rwa Kicukiro rwategetse ko abakozi ba FERWAFA bari bafunzwe bakurikiranyweho ibyaha bifitanye isano na ruswa, Nzeyimana Felix (umukozi wari ushinzwe amarushanwa akaba yaritukanywe burundu) na Tuyisenge Javan ko barekurwa bagakurikiranwa bari hanze.

    Mu mpera za Kamena 2022 nibwo aba bombi bafunzwe bakurikiranyweho ibyaha 3 nk’uko umuvugizi wa RIB yabitangaje.

    Ati “Nyuma yo kwakira ikirego gitanzwe na FERWAFA kuri ruswa yavugwaga mu marushanwa y’umupira w’amaguru, RIB yatangiye iperereza, iperereza ry’ibanze rikaba rimaze kugaragaza ko hari impamvu zikomeye zituma Felix Nzeyimana ushinzwe amarushanwa, Tuyisenge Javan umusifuzi bakekwaho ibyaha 3.”

    “Icyaha cya mbere; guhimba, guhindura inyandiko cyangwa gukoresha inyandiko mpimbano, gihanwa n’ingingo ya 276 y’itegeko riteganya ibyaha n’ibihano muri rusange, gihanishwa igifungo kiri hagati y’imyaka 5 n’7 iyo babihamijwe n’urukiko hakiyongeraho ihazabu y’amafaranga y’u Rwanda hagati ya miliyoni eshatu n’eshanu cyangwa kimwe muri ibyo bihano.”

    “Icyaha cya kabiri bakekwaho, kugera ku makuru hagambiriwe gukora icyaha, gihanwa n’ingingo ya 17 y’itegeko ryekeye gukumira no guhana ibyaha bikoreshejwe ikoranabuhanga.”

    “Guhundura amakuru yo muri mudasobwa cyangwa urusobe rwa mudasobwa utabyemerewe akaba ari icyaha cya 3 bakurikiranyweho, akaba ari icyaha gihanwa n’ingingo ya 18 y’itegeko ryekeye gukumira no guhana ibyaha bikoreshejwe ikoranabuhanga, ibi byaha (2 na 3) bikaba bihanishwa igihano kimwe akaba ari igifungo cy’umwaka umwe cyangwa 2 ndetse hakiyongeraho n’amafaranga hagati ya miliyoni 1 na miliyoni 3.”

    Aba bagabo bakaba mu ntangiriro z’iki cyumweru baraburanye ku ifungwa n’ifungurwa by’agateganyo kuri uyu wa Gatanu bakaba basomye imyanzuro kuri uru rubanza. Urukiko rw’Ibanze rwa Kicukiro rwategetse ko baburana bari hanze.

    Aba bose bafite aho bahuriye n’ikirego cya Rwamagana City aho bashinjwa guhimba raporo itari yo igaragaza ko umukinnyi wa Rwamagana City, Mbanze Josua yabonye ikarita ya 3 y’umuhondo ku mukino wa Nyagatare (wasifuwe na Javan), aho AS Muhanga yamureze ko yakinnye umukino ubanza 1/4 atabyemerewe, FERWAFA yaje gutera mpaga Rwamagana City, bivugwa ko AS Muhanga yatanze miliyoni 12.

    Iyi kipe yaje kujurira maze basubiyemo basanga yararenganye ibihano yafatiwe bikurwaho.

    Ibi byahise bikurikirwa n’ibaruwa ihagarika umunyamabanga wa FERWAFA, Muhire Henry mu kazi ke by’agateganyo kubera amakosa yakoze (yagaruwe mu mirimo).

    FERWAFA kandi yahise yirukana nta nteguza Nzeyimana Felix umukozi ushinzwe amarushanwa muri FERWAFA kubera hagaragaye ibimenyetso asaba umusifuzi Javan guhindura raporo amwizeza ko nibicamo azamureba.

    Nzeyimana Felix wari ufunzwe we n’umusifuzi barekuwe

    Source : http://isimbi.rw/siporo/article/abakozi-ba-ferwafa-bari-bafunzwe-barekuwe

  • Amakuru mashya ku rubanza rw’u mukozi wo mu rugo wemereye RIB ko yishe Ihirwe Davis washenguye benshi #rwanda #RwOT

    Rudasingwa yishwe mu gitondo cyo ku wa 12 Kamena, 2022. Ngiruwosanga Solange wari umaze gusa ibyumweru bitatu akora mu rugo rwa Victor Rudasingwa, ni we waketsweho kumwica.

    Saa yine n’igice nibwo iburanisha ryatangiye, urubanza rwaburanishijwe n’Umucamanza umwe n’umwanditsi w’Urukiko. Ubushinjacyaha bwahagarariwe n’Umushinjacyaha umwe.

    Nyirangiruwonsanga Solange w’imyaka 37 y’amavuko umwirondoro we ugaragaza ko yavukiye mu Ntara y’Iburasirazuba mu Karere ka Kirehe. Uyu mugore w’abana batunu yaje kuburana nta we Umwunganira mu mategeko afite.

    Ubushinjacyaha bumukurikiranyeho icyaha cy’ubwicanyi bukozwe ku bushake.

    Mbere y’uko iburanisha ritangira Umucamanza yasabye Nyirangiruwonsanga Solange guhaguruka akaza imbere y’inteko iburanisha. Umucamanza yahise asoma umwirondoro we, Nyirangiruwonsanga yemeza ko ari uwe.

    Nyirangiruwonsanga Solange yaburaniye mu Mudugudu wa Karubibi, Akagali ka Cyaruzinge, Umurenge wa Ndera, mu Karere ka Gasabo ku kibuga cy’ahitwa kwa Padiri.

    Umucamanza yasabye Ubushinjacyaha kuvuga impamvu bwazanye Nyirangiruwonsanga Solange imbere y’urukiko.

    Ubushinjacyaha bwavuze ko Nyirangiruwonsanga Solange ahari kubera icyaha cy’ubugome 'yakoreye umwana witwa Hirwa Rudasingwa Devis' akamwica.

    Ubushinjacyaha bwavuze ko ku wa 12 Kamena 2022 Nyirangiruwonsanga Solange yafashe umwana Rudasingwa Devis akamubwira ngo aze bicunde ku mugozi ngo amuhe umunyenga.

    Nyirangiruwonga yabwiye Devis ngo ahagarare ku ntebe, arangije amushyira mu mugozi ahita akuraho intebe umwana ahita yicwa n’uwo mugozi.

    Icyo gihe ngo Nyirangiruwonsanga yari yaziritse ku idirishya umwana, ahita apfa.

    Ubushinjacyaha bwavuze ko Nyirangiruwonga amaze kwica Rudasingwa Devis yakoze igikorwa cyo gushinyagura ajya gutabaza, abwira umubyeyi wa Rudasingwa ko umwana yiyahuye.

    Ubushinjacyaha bwamaze isaha busobanura uko Nyirangiruwonsanga yishe Devis, bwasoje busaba urukiko ko mu gihe ruzaba rwiherereye rwazahamumya icyaha cy’ubwicanyi, buhita bumusabira igifungo cya BURUNDU bushingiye ku biteganywa n’ingingo ya 107 mu gitabo cy’itegeko riteganya ibyaha n’ibihano mu Rwanda.

    Yaburaniye mu ruhame, nta Munyamategeko umwunganira yari afite

    Nyirangiruwonga Solange yahakanye ibyo aregwa

    Urukiko rwamuhaye umwanya ngo yiregure ku byari bimaze kuvugwa n’Ubushinjacyaha n’igihano cy’igifungo cya burundu yasabiwe.

    Nyirangiruwonsanga Solange yahakanye icyaha cy’ubwicanyi acyekwaho n’Ubushinjacyaha, avuga ko Rudasingwa Devis yiyahuye ko atamwishe. Ati 'Ahubwo ndasaba Urukiko ko rwandenganura.'

    Nyirangiruwonsanga yakomeje avuga ko nubwo ababyeyi be bacyeka ko ari we wamwishe, atari byo. Ati 'Ariko ntabwo arinjye wamwishe ahubwo yariyahuye.'

    Uko yavugaga ko Rudasingwa Devis yiyahuye abaturage bitabiriye iburanisha bahitaga bavugiriza induru rimwe, Umucamanza agasaba gutuza.

    Nyirangiruwonga yavuze ko Devis yiyahuye kuko ngo bishoboka ko yakundaga kureba Filimi cyane. Ati 'Wenda yarebye Filimi z’abantu biyahura na we arabyiga ariyahura.'

    Umucamanza yasabye Nyirangiruwonga Solange kugira icyo avuga ku gihano yasabiwe cya Burundu.

    Ati 'Njye ntabwo nize amategeko, buriya ibyo Ubushinjacyaha bwasabye ni mubisuzuma mugasanga icyaha kimfata nzahabwe ibihano nasabiwe n’Ubushinjacyaha.'

    Iburanisha ryamaze amasaha abiri, Umucamanza yaripfundikiye avuga ko icyemezo cy’urukiko kizasomwa ku wa 25 Nyakanga, 2022 saa tatu za mu gitondo.

    Rudasingwa Victor Emmanuel utuye mu Mudugudu wa Karubibi ,Akagari ka Cyaruzinge ,Umurenge wa Ndera mu Karere ka Gasabo , avuga umukozi wishe umwana we bari bamaranye igihe gito kuko ukwezi kwaburaga nk’iminsi ine ndetse ko ntakibazo bari bafitanye.

    Rudasingwa se wa Rudasingwa Ihirwe Davis wishwe mu kiganiro aherutse kugirana na Ukwezi Tv , yatubwiye ko uyu mukozi bamuhawe n’inshuti yabo wababwiye ko yigeze kumukoresha ndetse ko bari babanye neza kuko yaba we , umwana yishe cyangwa umufasha we ntakibazo bari bafitanye.

    Tariki ya 12 Kamena mu gitondo Rudasingwa avuga ko yabyukiye muri Siporo ndetse ko n’umuhungu we bari bafitanye gahunda yo kubyuka kare agasubira mu masomo cyane cyane ko bari mu gihe cyo gutegura ibizamini.

    Yahise ajya muri Siporo hamwe n’umuturanyi ngo ubwo yari ageze mu nzira nibwo umufasha we yamuhamagaye amubwira ko uyu mukozi Solange yamubwiye ko ashaka gutaha , ngo nyuma y’akanya gato nabwo Umugore we yaramuhamagaye amubwira ko umuhungu wabo Rudasingwa Ihirwe Davis yiyahuye undi nawe ahita afata moto aratabara.

    Yageze mu rugo asanga koko hari abantu benshi bashungereye bagerageza gukora ibishoboka byose ngo batabare ubuzima bw’umuhungu we ndetse bihutira kwa Muganga ariko ntacyo byatanze kuko umwana yari yarangije gushyiramo umwuka.

    Ngo uyu mukozi yasanze umufasha wa Rudasingwa aho yacuruzaga muri Botike amubwira ko aza akareba ibibaye mu rugo undi nawe ahageze asanga umwana aziritse mu ijosi umupira yari yararanye amanitse muri Giriyaje y’urugi.

    Rudasingwa yabwiye Ukwezi TV ko uyu mukozi Solange yiregura mu bugenzacyaha yavuze ko yagiranye ikibazo na Ihirwe Davis nyuma y’uko uyu mwana yakinishaga telefoone yari mu rugo undi akayimwaka ngo uyu mwana yararakaye amutera ibuye mu mugongo.

    Akomeza avuga ko nyuma y’uko uyu mukobwa afashwe baje kureba mu byangombwa bye baza gusangamo ikarita ya Mitiweli yigeze gutunga mbere yanditseho Musabyimana Chritsine yafatiye mu Burasizuba Akarere ka Kirehe mu gihe yitwa Nyirangiruwonsanga Solange uvuka mu Manyarugurumu,Akarere ka Gakenke mu Murenge wa Ruli ho mu Kagari ka Busoro.

    Ibi byangombwa bitandukanye bituma Rudasingwa Victor Emmanuel akeka ko haba hari ikindi kibyihishe inyuma ndetse agaheraho asaba inzego bireba kureba ko nta bandi baba babyihishe inyuma cyangwa bakorana na Solange cyane cyane ko uburyo yishe umwana we bisa naho ari ibintu yitoje amenyereye.

    Akomeza avuga ko ubu yazinutswe icyitwa umukozi wo mu rugo ndetse akaba ari n’inama yagira abandi babyeyi kuko umuhungu we yababereye urugero gusa ngo bizaterwa n’amahitamo ya buri wese.

    Ku Cyumweru, ku wa 12 Kamena, 2022 nibwo Solange wakoraga mu rugo kwa Rudasingwa Victor Emmanuel yishe umwana amunigishije umwenda arangije atabaza nyina w’umwana.Ni icyaha yiyemereye ubwe.

    Rudasingwa Ihirwe Davis yigaga mu mwaka wa 4 w’amashuri abanza. Umuhango wo kumushyingura wabaye ku wa Gatatu taliki ya 15 Kamena, 2022 mu irimbi rya Rusororo.

    Uko wa mwana wanizwe n’umukozi wo mu rugo yishwe|| Havumbuwe ibindi bintu bye biteye ubwoba

    Source : http://www.ukwezi.rw/1-1/Amakuru-anyuranye/article/Amakuru-mashya-ku-rubanza-rw-u-mukozi-wo-mu-rugo-wemereye-RIB-ko-yishe-Ihirwe-Davis-washenguye-benshi