Author: webrwanda

  • Ruhango: Amarushanwa mu mikino itandukanye yateguwe na RPF-Inkotanyi yasojwe, abahize abandi batwara ibihembo #rwanda #RwOT

    Nyuma y'aho horohejwe ingamba zo guhangana n'icyorezo cya COVID-19 yari yaratumye ibikorwa bihuza abantu benshi bihagarara, abanyamuryango ba FPR-Inkotanyi mu murenge wa Ruhango babyukije bimwe mu bikorwa bifasha abaturage guhangana n'ibibazo bibangamiye imibereho mibi, banaboneraho gutegura amarushanwa mu mikino itandukanye, abahize abandi muri yo begukana ibihembo.

    Ni ubukangurambaga bwatangijwe nyuma y'icyorezo cya COVID-19 mu murenge wa Ruhango, aho bwaherekejwe n'Amarushanwa yashojwe mu mpere z'iki cyumweru cya tariki ya 16 Nyakanga 2022, yitabiriwe n'abatarabigize umwuga batwara amagare.

    Isiganwa ry'aya magare, yahagurukiye kuri sitasiyo ya essansi ya Merez ugana i Kinazi aca kuri Gare azamuka aho bita kuri 40 akomeza agana i Muhanga, baca i Bunyogombe basoreza i Kibingo ku kibuga cya Gs Indangaburezi, aho ndetse habereye Amarushanwa y'imbyino ndetse no gukina umupira w'amaguru.

    Komiseri mu muryango wa FPR-Inkotanyi mu ishami ry'imibereho myiza mu karere ka Ruhango, Nyiranshuti Jeanne D'Arc yemeza ko aya marushanwa yagaragayemo abanyempano bakwiye gukomeza gufashwa ndetse bikajyana no gutanga ubutumwa butandukanye no gutoza abakiri bato umuco wo kwigira no gufashanya.

    Uwahize abandi mu kunyonga igare yahembwe igare.

    Yagize ati' Aya marushanwa yaje akenewe kandi agaragaza ko abayakina bafite impano zitangaje zikwiye gukomeza gufashwa. Byanafashije umuryango wacu gukomeza kwesa imihigo y'ibyo Nyakubahwa Perezida wa Repuburika Paul Kagame yemereye abaturage kandi twizeye ko ubutumwa twashakaga gutanga bwabagezeho, baba abakuru n'abato kugirango bakomeze kugira umuco mwiza wo kwishakamo ibisubizo by'ibibazo byacu dufite by'imibereho mibi ikwiye kuba myiza kurushaho'.

    Niyombabazi Eric watsinze abandi mu gutwara amagere agahembwa igare rya siporo yashimiye umuryango FPR-Inkotanyi wateguye aya marushanwa agahuza ab'ingeri zitandukanye bakagaragaza impano zabo. Ahamya ko ubutumwa bwatanzwe yizera ko bwageze kure. Asaba urubyiruko kwirinda ibyatuma rwishora mu bidafite umumaro.

    Chairman w'Umuryango FPR-Inkotanyi mu murenge wa Ruhango, Munyaneza Jean Claude yabwiye intyoza ko bajya gutekereza gushyiraho iri rushanwa bashakaga gusabana n'abatuye uyu murenge ndetse no kubibutsa ko ibibazo bibangamiye imibereho myiza yabo bidakwiye kubabuza ibyishimo.

    Akomeza yemeza ko hanatanzwe ubutumwa bwo kurwanya imirire mibi n'Igwingira mu bana, kubakira abadafite amacumbi yo kubamo n'ubwiherero, Gutanga inka muri Gahunda ya Girinka, Kwegereza abaturage ibikorwa rusange, Gufasha abatishoboye no kubaka ibiro by'imidigudu n'ibindi.

    Yongeyeho ko ibi bikorwa bizahoraho kandi bikajya biba ngarukamwaka kugirango abanyamuryango bakomeze kwishimira ibyo Nyakubahwa Perezida wa Repuburika yemereye abaturage bagenda begerezwa.

    Aya marushanwa aje akurikira bimwe mu bikorwa byari byarashyizwe mu mihigo byagiye bigerwaho birimo; Kubaka ibiro by'imidugudu 118 mu karere ka Ruhango ndetse no kubakira amacumbi abatayagira, hamwe no kubaha inka muri Gahunda ya Gira Inka.

    Dore uko Abarushije abandi bahembwe;

    Mu mupira w'amaguru: Abagore banganije 0-0 batera penality: Munini 4 -1 Gikoma.

    Mu mupira w'amaguru : Abagabo, Nyamagana 2-0 Bunyogombe

    Buri Kipe ya 1 yabonye 30,000 frw naho buri Ekipe ya 2 ibona 15000 frw

    Mu magare hahembwe 4:

    -1yahawe igare rya siporo

    -2 yahawe amafaranga ibihumbi 30,000 frw

    -3 yahawe amafaranga ibihumbi 15000 frw

    Hanitabiriye umukobwa 1 ariwe wahembwe nk'uwa Kane, akaba yashimiwe ndetse ahabwa amafaranga ibihumbi 10,000 frw

    Mu cyiciro cya II cy'Imbyino, hahembwe utugali twitwaye neza;

    1. Gikoma: 30,000 frw
    2. Musamo: 20000 frw
    3. Nyamagana: 15000frw

    Akimana Jean de Dieu

    Source : https://www.intyoza.com/ruhango-amarushanwa-mu-mikino-itandukanye-yateguwe-na-rpf-inkotanyi-yasojwe-abahize-abandi-batwara-ibihembo/

  • Rashford yahishuye ikipe yanga cyane hagati ya Liverpool kurusha Man City n'impamvu ibitera #rwanda #RwOT

    Marcus rashford yatangaje ko yanga Liverpool kurusha Manchester City kubera amateka no guhangana yagiranye na United.

    Uyu mukinnyi wa Manchester United, ufite imyaka 24, yasobanuye ko habaye guhangana “gukomeye” hagati y'amakipe yombi kubera imyaka yamaze arwanira ibikombe.

    Rashford abona City nk'abana bashya bari kwigaragaza kandi yatangaje ko nta mpamvu yatuma United idakunda abaturanyi babo.

    Ahubwo, uyu mukinnyi w'Ubwongereza yasobanuye ko ayo makipe yombi abanye neza muri Manchester.

    Abajijwe ikipe yanga,Rashford yagize ati “Yego, Liverpool. Sinkunda Liverpool.Liverpool ifite amateka,birakaze cyane.

    “Ariko hamwe na City, biba bisa nk'aho utabakunda, ariko nta mpamvu nini ufite yo kutabakunda.

    Urakura ugasanga ni impande ebyiri za Manchester.Imwe yambara ubururu bwerurutse;indi yambara umutuku.”

    Rashford yavuze kandi kuri Liverpool abajijwe ikibuga adakunda gusura.

    Uyu rutahizamu wagarutse mu bihe byiza ndetse agatsinda igitego Melbourne Victory kuri iki cyumweru, yatsinze ibitego bine ikipe ya The Reds ariko ntarabona igitego kuri Anfield.

    Rashford yongeyeho ati: “Liverpool ifite byombi. Abafana bayo barashobora kugukura mu mukino.Ubaretse, bashobora kukwambura umukino.

    Source : https://umuryango.rw/imyidagaduro/imikino/article/rashford-yahishuye-ikipe-yanga-cyane-hagati-ya-liverpool-kurusha-man-city-n

  • Ubugereki: Indege itwara imizigo yahiye moteri yisekura ku butaka iri gushya #rwanda #RwOT

    Indege itwara imizigo yakoreye impanuka hafi y'umujyi wa Kavala mu majyaruguru y'Ubugereki, nkuko abategetsi baho babivuga.

    Iyi ndege yo mu bwoko bwa Antonov-12 ya kompanyi ikorera muri Ukraine, yari irimo iva muri Serbia yerekeza muri Jordan ubwo yakoraga impanuka ku wa gatandatu.

    Umubare w'abantu bari bayirimo ntiwahise umenyekana cyangwa ngo hahite hamenyekana niba hari abarokotse.

    Igitangazamakuru ERT cya leta y'Ubugereki cyatangaje ko iyo ndege yari itwaye imizigo ipima toni 12, kivuga ko iyo mizigo ishobora kuba yari iteje ibyago.

    Amakuru avuga ko umupilote wayo yasabye kugwa byihutirwa ku kibuga cy'indege cya Kavala kubera ikibazo cya moteri ariko ntiyashobora kugera mu nzira yo kuri icyo kibuga cy'indege.

    Hari amakuru amwe avuga ko abantu umunani bashobora kuba bari bari muri iyo ndege.

    Amashusho yagiye ahagaragara asa nk'ayerekana indege yari yamaze gushya ubwo yamanukaga, igakurikirwa n'ikintu giturika cyane ubwo yari igeze hasi.

    Giorgos Archontopoulos utuye aho byabereye yabwiye igitangazamakuru ERT ati: “Saa yine n'iminota 45 z'ijoro (22:45) natunguwe n'urusaku rwa moteri y'indege.

    “Nagiye hanze kureba mbona moteri irimo gushya”.

    Ababibonye na bo bumvise ibiturika, nkuko byatangajwe n'ibitangazamakuru byinshi.

    Abategetsi baho bavuze ko moteri zirindwi zizimya umuriro zoherejwe aho hantu, ariko ko zitashoboye kwegera aho byabereye kuko hakiri ibintu bikomeje guturika.

    Ibiro ntaramakuru Reuters byasubiyemo amagambo y'umwe mu bagize itsinda ryo kuzimya inkongi y'umuriro agira ati: “Turimo gufata umuzigo nk'ikintu giteje ibyago”.

    Itsinda ryihariye ry'Ubugereki ryo guhangana n'ibiza na ryo ririmo gukora iperereza aho byabereye, nkuko Reuters yabitangaje.

    Kugeza ubu nta kintu ibihugu bya Ukraine, Serbia cyangwa Jordan byari byatangaza ku mugaragaro.

    BBC

    Source : https://umuryango.rw/amakuru/mu-mahanga/umutekano/article/ubugereki-indege-itwara-imizigo-yahiye-moteri-yisekura-ku-butaka-iri-gushya

  • MU MAFOTO 100: Ibyihariye kuri Umutesi Lea wa… – #rwanda #RwOT

    Ku Batazi Peter ni umusore muremure witonda ndetse uvuga macye, ku buryo bitatunguye benshi kuba yambitse Lea Impeta cyane cyane bitewe n'uko babazi n'imyaka bamaranye bakundana, bakaba baranacanye muri byinshi.

    Mu muhango wabaye mu ijoro ryo kuri uyu wa Gatandatu tariki 16 Nyakanga 2022 ubera kuri Onomo Hotel mu Kiyovu, niho Peter yatereye ivi asaba Lea ko yakwemera akamubera umugore nyamara Lea we yaje azi ko aje mu isabukuru y'amavuko ya Peter.

    Lea akigera ahabereye ibirori yasanze Peter ahagaze ategereje, ndetse ubona ko afashe impeta mu biganza byombi inyuma ye handitse amagambo agira ati 'Wanshyingirwa'', Umutesi Lea atazuyaje yahise yemera kwambara impeta ndetse ubona ko anyuzwe nayo.

    Lea na Peter nyuma yo kwemeranya kubana

    Nasasira Peter yateye ivi ari kumwe n'inshuti ze za hafi. Ku ruhande rwa Umutesi nawe ni ko byari bimeze, kuko yari aherekejwe n'inshuti ze.

    Uyu mukobwa asanzwe abarizwa muri kompanyi ya Kigali Protocal, ndetse ni umwe mu batangiranye nayo akaba ari n'umwe mu bayobozi muri iyi kompanyi.

    Yavuzwe cyane muri Miss Rwanda 2021 ubwo umuhanzi Ali Kiba wo muri Tanzania yashyiraga ifoto ye kuri Instagram, agasaba abamukurikira gushyigikira Umutesi Lea. Uyu mukobwa yiyamamarije mu Ntara y'Amajyaruguru.

    Lea na Peter bamaze igihe mu munyenga w’urukundo

    Yigeze kubwira InyaRwanda ko Ali Kiba yamushyigikiye kubera ko ari inshuti y'umuryango.

    Lea yambitswe impeta nyuma y'iminsi micye yari ishize asoje amasomo ye muri Kaminuza y’Ubukerarugendo n’ikoranabuhanga (UTB), mu Ishami ry'Ubukerarugendo.

    Ubwo yasozaga amasomo ye muri Kaminuza, yabwiye InyaRwanda ko ari ibyishimo bikomeye kuri we nyuma y'imyaka itatu yari ishize ari ku ntebe y'ishuri.

    Basomanye nyuma yo kubiha umugisha

    Uyu mukobwa yavuze ko yize mu bihe bigoye ahanini bitewe na Covid-19. Ati 'Kuba narasoje amashuri narishimye cyane, cyane ko kuri twe byari bigoye kubeza izi mbogamizi za Covid-19, hazamo n'utundi tubazo dutandukanye ariko ndabishimira Imana.'

    Abavandimwe n’inshuti bari bahari

    Opa n’umuryango we bashyigikiye Lea cyane

    Abantu bose bamwenyuraga cyane

    Miss Gaju ni umwe mu bitabiriye

    Ubwo Lea yambikwaga impeta

    AMAFOTO: Moment Studio

    Source : https://inyarwanda.com/inkuru/119060/mu-mafoto-100-ibyihariye-kuri-umutesi-lea-waje-aziko-aje-mu-isabukuru-yumusore-bakundana-a-119060.html

  • Ibintu 3 byoroshye byubaka urukundo rw’abasha… – #rwanda #RwOT

    Hari ubwo waba wibeshyera ko urukundo rwawe hari intera ikomeye rumaze kugeraho, kandi nyamara utajya na rimwe wuzuza inshingano ugomba gukora kugira ngo iyo ntambwe wifuza igerweho.

    Ibi ni ibintu byoroshye kubikora nyamara bikagira umusaruro w'indashyikirwa, mu myubakire y'abashakanye no gukomeza urukundo:

    1. Kumusoma buri uko umusezeye na buri uko umusuhuje

    Iki ni igikorwa kigaragarira amaso uba ukoze ariko nyamara ntabwo biba birangiriye aho kuko byirukanyira mu byiyumviro byanyu, bigatuma muhora muzirikana urwabahuje mukibera umugore n'umugabo. Gusoma umugore wawe bigire umuco maze urebe ngo murarwubaka rugashinga imizi.

    2. Kumuhamagara, kwandika SMS byibura rimwe ku munsi

    Ibi mushobora kubikora mubazanya uko mumerewe aho muri hatandukanye, n'ubwo muba mubizi neza ko murahurira mu rugo. Mushobora kandi no kuganira kuri gahunda mwapanze za nimugoroba.

    3. Kugirana nibura ikiganiro cy'iminota 5 muri kumwe

    Iki gikorwa cy'ingenzi mushobora kukigirana mugitondo mubyutse, cyangwa se mukabikora nijoro mugiye kuryama. N'ubwo biba bitoroshye kubafite nk'abana bato, burya mugomba gukora uko mushoboye kose mukabonerana umwanya wo kuganira televiziyo na telefoni mukaba mubyegeje hirya.

    Source : https://inyarwanda.com/inkuru/119067/ibintu-3-byoroshye-byubaka-urukundo-rwabashakanye-119067.html

  • FC Barcelona yaguze Robert Lewandowski #Rwanda #RwOT via @kigalitoday #rwanda #RwOT

    Nyuma y’igihe ikipe ya FC Barcelona yifuza rutahizamu Robert Lewandowski wakiniraga ikipe ya Bayern Munich n’ibiganiro by’igihe kirekire, amakipe yombi yemeje (…)

    Source : https://www.kigalitoday.com/imikino-11/football/article/fc-barcelona-yaguze-robert-lewandowski

  • Murumuna wa Bahavu yamubwiye amagambo akomeye ku isabukuru ye y'amavuko – YEGOB #rwanda #RwOT

    Uwase Bahavu Tracy, murumuna wa Bahavu Janet, yamubwiye amagambo akomeye ku isabukuru ye y'amavuko. Ni mu gihe kuri uyu wa 17 Nyakanga 2022, Bahavu Janet wamamaye muri sinema nyarwanda ku izina rya Diane ndetse na Kami yizihije isabukuru ye y'amavuko.

    Tracy abinyujije kuri story ya instagram ye yashyize hanze ifoto ya Bahavu maze ayiherekesha amagambo ashimangira urukundo amukunda ndetse n'ishema atewe no kuba ari umuvandimwe we.

    Source : https://yegob.rw/murumuna-wa-bahavu-yamubwiye-amagambo-akomeye-ku-isabukuru-ye-yamavuko/

  • Ishuri yatangiriye mu rugo iwe ari umufundi ubu ryigamo abana barenga 200 #Rwanda #RwOT via @kigalitoday #rwanda #RwOT

    Uwitwa Mutiganda Jean De la Croix ukora umwuga w’ubwubatsi(umufundi) avuga ko ababazwa no kubona hari abana batiga kubera ubukene no kutagira amashuri hafi, (…)

    Source : https://www.kigalitoday.com/uburezi/amashuri/article/ishuri-yatangiriye-mu-rugo-iwe-ari-umufundi-ubu-ryigamo-abana-barenga-200

  • Telephone ya Riyad Mahrez ikomeje kuvugisha abatari bake hanze aha – YEGOB #rwanda #RwOT

    Riyad Mahrez wamaze kongera amasezerano mu ikipe ya Manchester city aho azajya ahabwa akayabo ku cyumweru gusa akomeje kuvugisha benshi kubera telephone atunze.

    Amafoto yafashwe ubwo Manchester City yerekezaga muri Leta zunze ubumwe z'Amerika kwitegura umwaka w'imikino wa 2022-23 , abafana batunguwe no kubona umunya-Algeria Riyad Mahrez afite Telefone imenetse.

    Benshi batunguwe no kubona umukinnyi ufata agatubutse atunze telephone yamenetse kandi afite ubushobozi bwagura nyinshi .

    Source : https://yegob.rw/telephone-ya-riyad-mahrez-ikomeje-kuvugisha-abatari-bake-hanze-aha/