Author: webrwanda

  • BIRAVUGWA : Perezida Tshisekedi ashobora kwicwa, Ubwoba ni bwose mu muryango we #rwanda #RwOT

    Kuva M23 yatangiza ibitero mu Ugushyingo 2021, perezida Tshisekedi yashyizwe mu majwi kenshi ko we na Guverinoma ye bafite intege nke mu gukemura ibibazo byugarije igihugu cya Congo Kinshasa.

    Ibi byatumye abenshi mu batemera ubutegetsi bwe, batangira kumushinja ubugambanyi no kujenjekera imitwe yitwaje intwaro ikorera ku butaka bw’iki gihugu. Ibi byaje gukomera cyane ubwo umutwe wa M23 kuwa 13 Kamena 2022 wafataga umujyi wa Bunagana.

    Ibi byanatumye abenshi mu bahoze mu nshuti ze nabo bamukuraho amaboko batangira kumurwanya, urugero ruheruka rukaba ari urwa Jean Marc Kabund watangaje ko agiye guhangana na politiki ze asanga zidasobanutse.

    Abiganjemo abarwanya ubutegetsi bwa Tshisekedi n’abahoze ari inkoramutima za Joseph Kabila wahoze ayobora iki gihugu, batangiye gushinja Tshisekedi ubugambanyi, kuko bavugaga ko amasezerano yagiranye n’igihugu cya Uganda, yatumye UPDF yinjira ku butaka bwa RDC ari ikimenyetso ntakuka cyo kwiyunga n’umwanzi gica wa Repubulika iharanira Demokarasiya Congo.

    Kubera igitutu cy’abamurwanya, byatumye kuwa 17 Kamena 2022 ubwo bari mu nama ihuza abakuru b’ibihugu bigize umuryango wa Afurika y’Iburasirazuba , Perezida Tshisekedi yikomye u Rwanda ndetse anasaba ko mu ngabo zizajya gutabara igihugu cye mu rugamba gihanganye n’imitwe yitwaje intwaro hatagombva kugaragaramo RDF.

    Nta n’umwe wo kwizerwa !

    Perezida Tshisekedi, yashyizweho igitutu atangira kuvuga ko abari abafatanyabikorwa be[Ingabo za Uganda ] ari abafatanyabikorwa b’umutwe wa M23 urimo kwigarurira ibice byo mu burasirazuba bwa Congo Kinshasa.

    Ibi byatangiye ubwo UPDF yashinjwe guha umusada abarwanyi ba M23 bari basumbirijwe na FARDC mu mujyi wa Bunagana, ngo ingabo za Uganda zaje nk’iya Gatera zitangira kurasa urufaya mu ngabo za Leta ya Kinshasa kugera zisubiye inyuma M23 yigarurira Bunagana ityo.

    Ibi ntibyarangiriye kuri Uganda gusa, kuko u Rwanda narwo rwashinjwe gukorana na M23 ndetse ari nayo soko yo kwicwa kw’abavuga ururimi rw’Ikinyarwanda batuye muri iki gihugu.

    Ibi byakomereje ku butumwa bw’amahoro bw’umuryango w’Abibumbye MONUSCO, muri Repubulika iharanira Demokarasi ya Congo batangiye imyigaragambyo irwanya MONUSCO nayo bashinja gukorana n’imitwe ihanganye n’iingabo z’iki gihugu harimo M23 na ADF.

    Ibi byi byatangijwe na Perezida ya Sena y’iki gihugu, Modeste Bahati Rukwego wavuze ko batagikeneye ingabo za MONUSCO ku butaka bwabo.

    Impungenge ko Perezida Tshisekedi ashobora kwicwa !

    Bigendeye ku mateka yaranze igihugu cya Congo, abasesenguzi bavuga ko ibibazo bya Politiki byugarije iki gihugu bishobora gutuma hari ababyuririraho bagahirika ubutegetsi cyangwa bakica umukuru w’igihugu.

    Umwe mu bantu ba hafi ya Perezida Tshisekedi yatangaje ko ubu ubwoba bwatangiye kuba bwinshi cyane ku muryango wa Perezida wa Repubulika. Ibi ngo byatumye hongerwa umubare w’abarinda umuryango wa Perezida ndetse hakanavugwa ko mu gihe cy’amatora y’umukuru w’igihugu mu mwaka 2023, umuryango wa Tshisekedi wose ushobora kuzaba uri mu gihugu cy’Ububiligi.

    Ivomo:Rwandatribune

    Source : http://www.ukwezi.rw/Mu-mahanga/Amakuru-anyuranye/article/BIRAVUGWA-Perezida-Tshisekedi-ashobora-kwicwa-Ubwoba-ni-bwose-mu-muryango-we

  • #COVID19: Abantu babiri bitabye Imana, abanduye babonetse ni 26 #Rwanda #RwOT via @kigalitoday #rwanda #RwOT

    Minisiteri y’Ubuzima (MINISANTE) yatangaje ko ku wa Mbere tariki 18 Nyakanga 2022 mu Rwanda habonetse abantu 26 banduye Covid-19, bakaba babonetse mu bipimo (…)

    Source : https://www.kigalitoday.com/ubuzima/indwara/article/covid19-abantu-babiri-bitabye-imana-abanduye-babonetse-ni-26

  • Umuryango w'abanyamakuru babiri bakomeye bo mu Rwanda uri mu byishimo bikomeye – YEGOB #rwanda #RwOT

    Umuryango wa Martin Nyilijabo na Niwemwiza Anne Marie uri mu byishimo bikomeye byo kwizihiza isabukuru y'imyaka 7 bamaze bakoze ubukwe.

    Niwemwiza Anne Marie abinyujije ku rukuta rwe rwa Twitter yanditse amagambo akomeye ashimira Martin. Yagize ati ” Cher @NyilijaboMartin, merci pour 16ans d'amitié, 15ans d'amour et 7ans de mariage. Merci d'être toujours présent et dévoué. Merci d'être un homme digne et un papa extraordinaire pour nos garçons. Muri macye, uri IMFURA. Joyeux noces de laine à nous! Ijabo rikomeze riduhe ijambo “.

    Cher @NyilijaboMartin, merci pour 16ans d’amitié, 15ans d’amour et 7ans de mariage. Merci d’être toujours présent et dévoué. Merci d'être un homme digne et un papa extraordinaire pour nos garçons. Muri macye, uri IMFURA. Joyeux noces de laine à nous! Ijabo rikomeze riduhe ijambo. pic.twitter.com/ie8RHMULzs

    — NIWEMWIZA Anne Marie (@Annemwiza) July 18, 2022

    Martin Nyilijabo ni umunyamakuru ukorera RBA naho Niwemwiza Anne Marie ni Umunyamakuru ukorera Kigali Today.

    Source : https://yegob.rw/umuryango-wabanyamakuru-babiri-bakomeye-bo-mu-rwanda-uri-mu-byishimo-bikomeye/

  • Birababaje: Umugeni yapfuye avuye mu birori by’ubukwe bwe – YEGOB #rwanda #RwOT

    Mu gihugu cya Pakistan haravugwa inkuru y'akababaro y'umugeni w'imyaka 19 witabye Imana ubwo yari avuye mu bukwe bwe.

    Ibi byabaye mu mpera z'icyumweru dusoje, aho abantu bane barimo n'umugeni w'imyaka 19 y'amavuko, bapfuye nyuma y'aho imodoka bari barimo bavuye mu birori by'ubukwe itaye umuhanda ikagwa mu kibaya kinini.

    Ubwo bari bavuye muri ibi birori, imodoka yari ibatwaye yaje gukora impanuka igwa mu kibaya, aho abantu bane bahise bapfa.

    Inzego z'ubutabazi zihutiye kujya aho iyo mpanuka yabereye, dore ko iyi modoka yari irimo abantu icyenda barimo abana batatu, yakoze impanuka mbere yo gutwarwa n'umugezi.

    Polisi yabonye ibisigazwa by'imodoka maze ikuramo imirambo, ariko ntiyabasha kubona abantu babiri bari bayirimo.

    Hari ubwoba ko batwawe n'uruzi rwa Neelum, nyuma yuko bari bamaze gukora iyo mpanuka ukomeye.

    Source : https://yegob.rw/birababaje-umugeni-yapfuye-avuye-mu-birori-byubukwe-bwe/

  • Aime Bluestone yanenze ubutumwa bw’indirimbo… – #rwanda #RwOT

    Kuwa Gatandatu, tariki 16 Nyakanga 2022 ni bwo Itahiwacu ‘Bruce Melodie’ yashyize ahagaragara amashusho y’indirimbo ye nshya yise ‘Akinyuma’ yakiriwe vuba na bwangu n’abakunzi be, nubwo hari abahurije ku kuba yumvikanamo amagambo akomeye azwi nk’ibishegu.

    Mu mabwiriza yagenwe n’abashyize iyi ndirimbo ku rubuga rwa YouTube, handitsweho ikimenyetso kigaragaza ko abantu batarageza ku myaka 18 batemerewe kureba amashusho yayo.

    Iyi ndirimbo ikunzwe n’abatari bake, igaragaramo Shaddyboo usanzwe akunzwe ku mbuga nkoranyambaga, aho yayifatiwemo igice kinini cy’amashusho anyeganyeza umubiri we usanzwe uvugisha abagabo batari bake.

    Shadia na Melodie

    ‘Akinyuma’ yakorewe amajwi na Madebeats yunganirana na Big Nash mu gihe amashusho yo yayobowe na Gad. Ni imwe mu ndirimbo zikunzwe n’abatari bake mu Rwanda, aho imaze kurebwa n’abasaga ibihumbi 330 ku rubuga rwa YouTube mu minsi itatu gusa.

    Mu butumwa bw’umuhanzi, Aime Bluestone, we yagaragaje ko iyi ndirimbo ari imwe mu zifite amagambo atari ‘Sawa’ zitakagombye kumvwa n’abana bato.

    Mu butumwa bukurikiranye yashyize ku rubuga rwa WhatsApp (Status), Bluestone yanditse izina ry’iyi ndirimbo aricuritse, avuga ko ifite amagambo akakaye, yongeraho ati “Niba utayimenye (Indirimbo) ucurukure ijambo ryagucanze usome uhereye inyuma”.

    Ubutumwa bwa Bluestone

    Aime Bluestone uheruka indirimbo yihariye ubwo yashyiraga hanze ‘Monica’ mu mezi 11 ashize, ni umwe mu bahanzi bagize igikundiro bakiri bato mu myaka ishize, aho yamenyekanye ku ndirimbo nka Mumporeze, Nudahinduka, Mbeshya n’izindi yashyize hanze mu kinyacumi giheruka.

    Source : https://inyarwanda.com/inkuru/119112/aime-bluestone-yanenze-ubutumwa-bwindirimbo-akinyuma-ya-bruce-melodie-yibutsa-abahanzi-gut-119112.html

  • Umusizi Natacha yarushinze n’umunyamakuru Fes… – #rwanda #RwOT

    Natacha na Festus basezeranye imbere y’Imana kuwa Gatandatu tariki 16 Nyakanga 2022 akaba ari nabwo habaye umuhango wo gusaba no gukwa. Gusezerana imbere y’amategeko byabaye tariki 07/07/2022. Aba bombi bakoze ubukwe nyuma y’imyaka itatu bamaze mu munyenga w’urukundo.

    Natacha avuga ko yahisemo Festus ngo amubere umugabo kubera ko “ni umukozi cyane kandi ni umuhanga, afite ibyo nifuzaga byose mu wambera umugabo”. Ni mu gihe Festus nawe yakundiye Natacha ibintu bitatu birimo kuba akunda gusenga cyane ndetse no guseka. Ati “Akunda Imana n'abantu, kandi akunda guseka ni cyo cya mbere”.

    Mu kiganiro na inyaRwanda.com, Turikumwe Festus yavuze ko ubukwe bwabo bwagenze neza cyane kuko ibintu byose byari “uburyohe”. Aragira ati “Muvandimwe, ibintu byose mu bukwe byari uburyohe, sinabona icyo mvuga cyatunyuze cyangwa kitatunyuze”.

    Festus na Natacha bahamije isezerano ryo kubana iteka

    Ubukwe bw’aba bombi bwasusurukijwe n’ibyamamare mu ngeri zitandukanye birimo Clapton Kibonge, Josh ishimwe ukunzwe muri iyi minsi mu ndirimbo “Reka ndate Imana” imaze kurebwa n’abarenga ibihumbi 160 mu minsi 10 imaze kuri Youtube, Israel Papi, Sammy wahoze arirmbana na Yverry muri The Worshippers, Sharon wo muri Kingdom of God Ministry, Patrick Rusine n’abandi.

    Gukora ubukwe ntabwo bizatuma Natacha ahagarika ubusizi nk’uko umugabo we yabiduhamirije mu kiganiro gito twagiranye akavuga ko umukunzi we agomba gukomeza gukora ubusizi kuko buri mu byabahuje, ati “Ni kimwe mu byaduhuje ntabwo wafata umuntu ngo arita ku rugo gusa keretse we niyumva adashaka kubikomeza, naho ubundi njye mpari ngo mushyigikire”.

    Festus yamenyekanye cyane mu itangazamakuru rya Gikristo mu Urugero Media Group yagize uruhare rukomeye mu kuzamura impano nshya zitandukanye, yavuze ko umuziki wa Gospel wateye imbere cyane kandi “urimo abantu benshi bazi umuziki, ijambo ry'Imana kandi baririmba neza”. 

    Twamubajije abahanzi batatu (3) bari “kubikora cyane” [bahagaze neza] muri iyi minsi, biba ngombwa ko ahindura ikibazo, ati “Naba ngiye kubeshya ahubwo wenda abo ndi kumva cyane muri iyi minsi nabo kandi barenze 3: Papi Clever, Elie Bahati, Josh Ishimwe, Annet Murava na James and Daniella”.

    Festus ubwo yari yagiye gusaba no gukwa umukunzi we Natacha

    Natacha warushinze na Festus, amaze imyaka 5 mu busizi. Yigeze kubwira inyaRwanda.com ko ubusizi akora atari we wabuhisemo ahubwo ko yisanze abukunda, yumva abukoze yabishobora, niko kubwinjiramo. Avuga ko intego ye mu busizi ari “ugutambutsa ubutumwa mfitiye isi ku buryo buzasigara bufite icyo bwubatse igihe nzaba naratambutse.”

    Yatangiye kuvuga imivugo mu ruhame ubwo yatsindaga irushanwa rya Kigali Vibrates with Poetry mu mwaka wa 2017. Yavuze ko yifuza kuzenguruka Isi ajyanywe n’ubusizi. Ati “Nshaka kugera ku rwego rwo kuba nakora tours ahantu hatandukanye ku isi njyanywe no gukora ubusizi, ubutumwa bwanjye mbese bukagera kure harenze mu gihugu cyanjye.”

    Mu 2020 yashyize hanze umuvugo yise “NAMASTE” (Ni insuhuzanyo y’Abahinde). Muri uyu muvugo (Poem) avuga ko yashakaga “gutanga ikindi gisobanuro cy’ubumuntu kuko akenshi hamwe n’intambara n’ibyaha byinshi ikiremwamuntu gikora, usanga bamwe bavuga ko ubumuntu bwatakaye”.

    Ati “Ariko njye nemera ko icyiza n’ikibi biba mu muntu, ibyo byombi bikaba ari byo bigize ubumuntu, ubumuntu bukagira umuntu uwo ari we. Icyo ugaburiye ni cyo gikura ukaba umuntu mubi cyangwa mwiza…rero muri iyi poem ni byo nsobanura.”

    Kuri ubu umwuga w’ubusizi ukomeje gutera imbere mu Rwanda. Natacha hari cyo yasabye Leta ubwo twaganiraga mu 2020. Ati: “Icyo nasaba ababishinzwe (kuri njye n’aba poets bagenzi banjye) ni ukwibuka ko iterambere rya Poetry rizaza igihe dushyize hamwe tugatekereza ku cyazamura poetry ku buryo iva mu gukora umwe umwe ikaba industry…Murakoze.”

    Bamaze imyaka 3 bakundana

    Basezeranye kubana iteka

    Inseko ya Natacha iri mu byakuruye cyane Festus bituma amusaba urukundo

    Byari ibyishimo bikomeye

    Bahisemo kwibera muri Paradizo ubuziraherezo

    Natacha yisangiye burundu umusore yakunze

    Ubwo Natacha yari asohokanywe na basaza be

    Festus n’abasore bari bamugaragiye ubwo yari yasanganiye umukunzi we

    Imiryango yahaye umugisha urukundo rwabo barasuhuzanya imitima iratuza isubira mu gitereko

    Natacha arangwa n’inseko

    Nubona umukobwa usekana ubwuzu uzakeke ko yaba ari Natacha wa Festus

    Ni umusizi ubimazemo imyaka 5

    Linda, Umuhanzikazi akaba na Producer ari mu bambariye Natacha

    AMAFOTO: Bak_Photography

    Source : https://inyarwanda.com/inkuru/119111/umusizi-natacha-yarushinze-na-festus-wabaye-umunyamakuru-mu-birori-byasusurukijwe-nabarimo-119111.html

  • MTN na Inkomoko batangije Level Up Your Biz… – #rwanda #RwOT

    Ku isaha ya 14:58 z’uyu wa Mbere ni bwo gahunda yatangiye, ibera kuri Grazia Apartment ku Gishushu. Hasobanuwe ko 'Level Up Your Biz' ari gahunda ya MTN Rwanda igamije gufasha urubyiruko rufite imishinga irimo udushya. Abafashijwe umwaka ushize binyuze muri iki gikorwa, n’ubu baracyakorana n’ibi bigo kandi bazakomeza kubafasha no muri iki cyiciro cya kabiri.

    Uyu munsi kandi hitabiriye bamwe mu batsinze umwaka washize banatanze ubutumwa bwabo. Umwe mu rubyiruko rwatsinze muri gahunda ya mbere ufite umushinga wa Smart Class yavuze ko kuba umushinga warisanze ari umwe mu yo MTN yishimiye, byari ibintu bitangaje kuri we noneho by’akarusho kwisanga ku mbuga nkoranyambaga zabo bikaba agahebuzo.

    Ahamya adashidikanya ko uretse amafaranga n'ibindi binyuranye bifatika binatuma kandi umenya bimwe mu bitagenda ku ruhande rwawo.

    Yaw Ankoma Agyapong, Umuyobozi Mukuru ushinzwe abakiriya n’Ikoranabuhanga muri MTN Rwanda ni we wari uhagarariye MTN Rwanda muri iki gikorwa. Yavuze ko yakifuje kuba akiri muto nawe akabasha kubyaza umusaruro amahirwe ahari none. Yashishikarije abantu kujya ku rubuga bakinjira muri iyi gahunda kuko ari agatangaza.

    Mbere yo gusoza yavuze ko abantu bakwiye guhora biga kuko ibyo umuntu yari azi mu gihe cyashize, bidahagije ugereranije n’uko bimeze ubu.

    Ku isaha ya 13:50 ni bwo igikorwa cyo kumurika ku nshuro ya kabiri iyi gahunda ya 'Level Up Your Biz' cyari gishyizweho akadomo.

    Iyi gahunda ikaba itanga igishoro, amahugurwa n'ubujyanama ku bashoramari bakiri bato, abafite imishinga ihiga iyindi bagera kuri 6 akaba ari bo bazatoranywa.

    Abasaba kwinjira muri iyi gahunda bafite ibyo bagomba kuba bujuje birimo kuba umuyobozi w'umushinga ari umunyarwanda, afite imyaka hagati ya 18 na 30, kuba umushinga we winjiza angana cyangwa ari mutsi ya Miliyoni 2Frw, umunshinga we kandi ugomba kuba wanditse mu Urwego rw’Igihugu rw’Iterambere, RDB.

    Kompanyi ya MTN Rwanda iyo iri imbere mu z’itumanaho mu Rwanda guhera mu mwaka wa 1998, ikaba ikomeje kugenda ihanga udushya tunyuranye mu bikorwa byayo bya buri munsi.

    Inkomoko Entrepreneur Development ni kompanyi itanga ubufasha mu bucuruzi binyuze mu bugenzuzi. Kugeza ubu ikaba imaze gutanga imirimo ku biganjemo urubyiruko batagira ingano hirya no hino mu Rwanda.

    Yaw Ankoma Agyapong usanzwe ari Chief Consumer & Digital Officer ni we wari uhagarariye MTN Rwanda

    Sharon Mazimpaka, Legal and Regulatory Affairs& Company Secretary muri MTN Rwanda ari mu bitabiye

    Joanne Mugema uri mu bayobozi ba Inkomoko ari mu bitabiye iki gikorwa aho yavuze ko Level Up Your Biz ya mbere yungutse cyane

    Niyonizeye ufite umushinga wa Smart Class uhuza abanyeshuri bo mu mashuri yisumbuye biga amasomo amwe yavuze imyato guhunda ya ‘Level Up Your Biz’ nyuma y’uko abaye umwe mu bahize abandi mu cyiciro cya mbere

    Gutangiza ku mugaragaro gahunda ya Level Up Your Biz byabereye muri Grazia Apartment Hotel ku Gishushu munsi ya Simba Supermarket

    Linda wo muri MTN yasobanuye byimbitse gahunda ya Level Up Your Biz

    Bamwe mu bayobozi ba kompanyi ya Inkomoko yafatanije na MTN gutangiza iyi gahunda

    Bamwe mu bayobozi ba MTN Rwanda bari bayihagarariye mu gutangiza ‘Level Up Your Biz’ ku nshuro ya kabiri

    Yari umusangiza w’amagambo mu gikorwa cyo kumurika ku mugaragaro ku nshuro ya kabiri ‘Level Up Your Biz’

    AMAFOTO: Sangwa Julien – inyaRwanda.com

    Source : https://inyarwanda.com/inkuru/119109/mtn-na-inkomoko-batangije-level-up-your-biz-yo-gufasha-imishinga-yurubyiruko-ivugwa-imyato-119109.html