Author: webrwanda

  • Umuhanzi Goreth Mushimiyimana inzu ye yafashwe n'inkongi y'umuriro (video) – YEGOB #rwanda #RwOT

    Goreth mushimiyimana wamenyekanye mu ndirimbo zo guhimbaza imana ndetse benshi mu bakristu bakunze gufashwa n'indirimbo ze.

    kuri uyu munsi mu rugo kwa Goreth hafashwe n'umuriro bitewe na Gas yatwitse ibintu byose byari mu nzu, gusa imana yakinze ukuboko kuko abana bavuyemo ari bazima.

    Goreth yatangaje ko yabyutse ajya mu kazi maze agasiga umukobwa arera arikumwe n'abana be, nibwo uwo mukobwa yagiye kuvoma asize gas iri kwaka hafi hari matora maze birangira gas itwitse y'amatora.

    Mu gahinda kenshi Goreth arashima imana ko abana bakiri bazima ndetse agasaba ubufasha kuko ibyari mu nzu byangiritse.

    Source : https://yegob.rw/umuhanzi-goreth-mushimiyimana-inzu-ye-yafashwe-ninkongi-yumuriro-video/

  • Umu-DASSO yaburiwe irengero nyuma yo kwakira amafaranga ya mituweli z'abaturage – #rwanda #RwOT

    Bivugwa ko abaturage bagiye kwishyura amafaranga ya mituweli ku Kagari ka Mugina basanga nta Internet ihari bayasigira uwo mu-DASSO ngo aze kuyabatangira kuko ariho akora ariko ngo ntiyayatanga.

    Nyuma baje kumushaka baramubura bitabaza ubuyobozi.

    Umunyamabanga Nshingwabikorwa w'Umurenge wa Mugina, Ndayisaba Jean Pierre Egide, yabwiye IGIHE ko uwo mu-DASSO bamuhamagaye kuri uyu wa Kabiri avuga ko arwaye yagiye kwa muganga.

    Ati “Yavuze ko yarwaye yagiye kwivuza atwemerera ko amafaranga y'abo baturage yayatanze n'inyemezabwishyu azifite ariko twamubuze.”

    Gusa yavuze ko kuri ubu uwo mu-DASSO ari gushakishwa kuko yaburiwe irengero.
    Ati “Yaburiwe irengero ariko ari gushakishwa kugira ngo yerekane aho yayashyize ndetse agaragaze n'izo nyemezabwishyu.”

    Yasabye abaturage kuba bihanganye mu gihe DASSO agishakishwa, abizeza ko ikibazo cyabo kiza gukemuka.

    Yashishikarije abaturage gukomeza kwitabira gutanga mituweli kuko ibafasha kwivuza badahenzwe kandi ntihagire urembera mu rugo.

    Umu-Dasso watwaye amafaranga y’abaturage aracyashakishwa

    [email protected]


    Source : http://igihe.com/amakuru/u-rwanda/article/umu-dasso-yaburiwe-irengero-nyuma-yo-kwakira-amafaranga-ya-mituweli-z-abaturage

  • Uburyo wamenya ingano y'ubwenge bwawe – #rwanda #RwOT

    Ubwenge bw'umuntu ni ikintu cyagutse, gishobora gusobanurwa binyuze mu kureba ubushobozi bw'umuntu mu kwibuka ibintu, uburyo bwo gufata ibyemezo, igihe akoresha afata ibyo byemezo, uburyo agenzura amarangamutima ye, ubushobozi bwo gutekereza no guhuza amakuru n'ibindi bitandukanye.

    Hari uburyo bubaho abantu bashobora gupima ubwenge bwabo, hashingiwe kuri ibyo tumaze kugarukaho. Iki gipimo cy'ubwenge kizwi nka IQ, cyangwa Intelligence Quotient.

    Ibyo gupima ubwenge bw'abantu byadutse ahagana mu 1905, ubwo umuhanga mu by'imitekerereze y'abantu, Alfred Binet, yashakaga kumenya abana batari bafite ubushobozi bwo gukurikirana amasomo ku ishuri, dore ko muri ibyo bihe harimo kubaho impinduka mu masomo yigishwa mu mashuri atandukanye mu Bufaransa.

    Binet yagize impungenge z'uko abanyeshuri bamwe bashobora kunanirwa gukurikirana ayo masomo, bityo atangira gutekereza uburyo abo banyeshuri bamenyekana kugira ngo bahabwe ubufasha bw'ibanze.

    Ni uko yatangiye gushyiraho ibizamini bishobora gufasha mu kwerekana abanyeshuri bafite ubushobozi buke bw'ubwonko, bushobora kubazitira mu masomo yabo.

    Uyu mugabo yari azi neza ko igipimo cy'ubwenge gishobora guterwa n'ibintu bitandukanye, birimo ubushobozi karemano bw'umuntu, aho umuntu akomoka, imico ye, uburezi bw'igihugu atuyemo, imiterere yaho, imirire ye n'ibindi byinshi, birimo n'ibyakomeje kuvumburwa nyuma.

    Ubushobozi bw'ubwenge bw'umuntu bubarwa hashingiwe ku mibare, aho impuzandengo ku rwego rw'Isi iri hagati ya 90 na 110. Uri hejuru, aba afite ubwonko bwe bufite ubushobozi bwisumbuye, cyangwa se afite ubwenge bwinshi. Uri munsi na we aba afite ubwenge buke, yajya munsi ya 65 akaba ashobora no gufatwa nk'ufite uburwayi bwo mu mutwe.

    Uburyo ibipimo by'ubwenge biboneka, bafata ikigero rusange cy'ubwenge bw'abantu runaka, ubundi bakagenda bagihuza n'ibipimo by'umuntu ku giti cye, bikarangira habonetse igipimo cy'umuntu ku giti cye.

    Uburyo bwo gupima igipimo rusange cy'ubwenge bw'abantu nacyo gishingira ku birimo imyaka yabo n'ibindi, kuko uko umuntu akura, amahirwe y'uko ubwenge bwe bwiyongera bitewe n'amakuru agenda abona ariyongera.

    Mu gupima ubushobozi bw'umuntu mu gutekereza, hafatwa igipimo cy'ubushobozi bw'umuntu ugereranyije n'itsinda abarizwamo, kikagabanywa imyaka ye, igisubizo kibonetse kigakubwa na 100, umubare wa nyuma ukaba ari wo kimenyetso cy'ubwenge bw'umuntu.

    Igipimo cy'ubushobozi bw'umuntu ugereranyije n'itsinda abarizwamo, kibarwa harebwa ubushobozi yihariye ku giti cye ugereranyije n'itsinda barizwamo. Nk'urugero, ushobora gusanga umwana w'imyaka 10 afite ubushobozi bw'umwana w'imyaka 12, hashingiwe ku buryo asubiza ibibazo abazwa. Icyo gihe hafatwa 12 y'igipimo cy'ubushobozi bw'umuntu ugereranyije n'itsinda abarizwamo, ukagabanya imyaka ye, ari yo 10, ubundi ugakuba 100. Icyo gihe uraza gusanga uyu mwana afite ubwenge (IQ) bungana na 120.

    Mu gihe kandi uzi IQ yawe, ushobora no kumenya igipimo cy'ubwenge cyawe ugereranyije n'itsinda ry'abantu ubarizwamo. Ibi bishoboka ufashe igipimo cy'ubwenge bwawe, IQ, ukagabanya 100, ugakuba n'imyaka ufite.

    Nk'urugero, umwana w'imyaka ine, ufite IQ ya 150, afite ubushobozi bw'abana b'imyaka itandatu, nubwo we afite imyaka ine. Ibi bishoboka ufashe 150/100, igisubizo ubonye ukagikuba na kane (imyaka y'umwana).

    Abantu bangana na 2% mu bakorerwaho ibizamini nibo bagira amanota ari hejuru ya 132, bisobanuye ko baba bafite ubwenge budasanzwe, aba banagira Ishyirahamwe ryabo, rizwi nka Mensa International.

    Abantu bakomeye bavumbuye ibintu bihambaye ku Isi babarwa mu bari bafite ikigero cy'ubwenge gitangaje. Nka Charles Darwin wagaragaje ko iturika rizwi nka 'Big Bang' ari ryo nkomoko y'Isi, abarirwa amanota 165, bivuze ko ari umwe mu bantu badasanzwe bagize ikigero cy'ubwenge kiri hejuru ku Isi.

    Abandi nka Albert Einstein babarirwa mu manota ari hagati ya 160 na 180, mu gihe Sir Isaac Newton abarirwa amanota arenga 190. N'uyu munsi, bamwe mu bantu bageze ku bintu bidasanzwe byahinduye ubuzima bw'abatuye Isi, babarirwa igipimo cy'ubwenge kiri hejuru.

    Nka Bill Gates wagize uruhare mu guhimba 'Microsoft,' abarirwa igipimo kiri hejuru ya 160, ari nako bimeze kuri Steve Jobs wagize uruhare mu guhanga telefoni zizwi nka 'smartphones.'

    Icyakora abahanga batandukanye ntabwo bemeranya ku buryo bwo gupima IQ y'umuntu, kuko bamwe bavuga ko ubushobozi umuntu agaragaza mu kizamini bushobora gushingira ku bintu byinshi, birimo ubwoba n'ibindi bidashobora kugira ingaruka ku bisubizo nyamara bidasobanura neza ubushobozi bw'umuntu.

    Ikindi ni uko ubwenge bw'umuntu bushingira ku muco we n'ibindi bitandukanye, kandi kuba imico itandukanye bikaba bishobora kugira uruhare mu kugena ibipimo by'ubwenge ahantu.

    Nk'urugero, mu ibazwa ry'umwana w'Umunyamerika, kutamenya Nelson Mandela ntabwo ari ikintu kidasanzwe, nk'uko byaba bimeze aramutse atazi nka George Washington ahora yigishwa.

    Habaho uburyo bwo gukora igereranya ry'ibipimo by'ubwenge ku bihugu runaka, aho u Rwanda rubarirwa kugira amanota 70 gusa.

    U Buyapani bufite amanota 106 buyoboye ibindi bihugu mu kugira igipimo cy'ubwenge kiri hejuru, hashingiwe ku rutonde rwakozwe na World Population Review. Taiwan iyigwa mu ntege n'amanota 106, Singapore ikagira 105, inganya na Hong Kong.

    U Bushinwa bufite 104, Koreya y'Epfo ikagira 102, Belarus ikagira 101 inganya na Finland ndetse na Liechtenstein. U Budage n'u Buholandi bisoza uru rutonde n'amanota 100.

    Haracyari impaka ku buryo bukoreshwa hapimwa IQ y’umuntu


    Source : http://igihe.com/amakuru/u-rwanda/article/uburyo-wamenya-ingano-y-ubwenge-bwawe

  • Ingabo z’u Rwanda zirashinjwa gufunga abana 2 b’Abanyekongo bari baragiye ihene hafi y’umupaka #rwanda #RwOT

    Iyi sosiyete Sivili ya Nyiragongo muri Kivu y’Amajyaruguru ivuga ko kuva ku cyumweru tariki ya 17 Nyakanga 2022, hari abana 2 b’Abanyekongo bafungiye mu Rwanda mu buryo budakurikije amategeko.

    Aba bana bivugwa ko umwe afite imyaka 16 na mugenzi we ufite 15 ngo bafashwe n’inzego z’umutekano z’u Rwanda ubwo bari baragiye ihene mu gace kari hafi n’umupaka w’u Rwanda muri Teritwari ya Nyiragongo.

    Aba bana bafashwe ngo bakomoka mu mudugudu wa Kisheke muri Gurupoma ya Kabati , bombi ngo bakaba biga mu mwaka wa 8 nkuko Radio Okapi ya MONUSCO ibitangaza.

    Antoine Ndagije uyobora umuryango ACODI utegamiye kuri Leta, yasabye ko inzego bireba zakorana n’u Rwanda kugirango abo bana bivugwa ko bafungiwe mu Rwanda bongere barekurwe.

    Yagize ati : ' Aba bana bari baragiye ihene mu gace ka Kibaya, ko mu mudugudu wa Kiwanja , Baje kwisanga mu maboko y’Ingabo z’u Rwanda, mu gihe abo bari kumwe bo babashije gutoroka.'

    Ndagije akomeza avuga ko ku cyumweru bamenye andi makuru ko abo bana bafungiwe mu mujyi wa Gisenyi. Bavuga ko bamenyesheje DGM na IJMV igenzura imipaka ngo harebwe uko abo bana bafashwe na RDF barekurwa.

    Source : http://www.ukwezi.rw/1-1/Amakuru-anyuranye/article/Ingabo-z-u-Rwanda-zirashinjwa-gufunga-abana-2-b-Abanyekongo-bari-baragiye-ihene-hafi-y-umupaka

  • APR FC yagaruye umutoza wayitozaga, Aimable na Keddy mu muryango uyisohokamo (IBIYIVUGWAMO) #rwanda #RwOT

    Nubwo itaramwerekana kumugaragaro, amakuru avuga ko APR FC yamaze kugarura Pablo Morchón nk’umutoza wungirije unashinzwe kongerera ingufu abakinnyi, ni mu gihe Jamel Eddine Neffati ashobora kutakomezanya n’iyi kipe y’ingabo z’igihugu mu mwaka w’imikino wa 2022-23.

    Muri Kanama 2020 ni bwo APR FC yerekeanye umunya-Argentine, Pablo Morchón nk’umutoza wungirije, gusa nyuma y’umwaka umwe muri Nyakanga 2021 yaje gutangaza ko batazakomezanya kubera impamvu z’umuryango we.

    Ni bwo APR FC yahise itangaza umunya-Tunisia, Jamel Eddine Neffati nk’umwungiriza wa Adil Erradi Mohammed ndetse unongerera abakinnyi imbaraga mu mwaka w’imikino wa 2021-22 aho banegukanye igikombe cya shampiyona.

    Amakuru yizewe agera ku kinyamakuru ISIMBI ni uko Pablo Morchón yamaze kugera mu Rwanda aho aje gukomeza akazi ke muri APR FC, ni mu gihe bivugwa ko Jamel Eddine Neffati we batazakomezanya.

    Muri iyi kipe ya APR FC kandi haravugwamo inkuru y’iyirukanwa rya myugariro Nsabimana Aimable, bivugwa ko umutoza Adil Erradi yamaze kumubwira ko atazamukoresha mu mwaka w’imikino wa 2022-23 bityo ko ikipe imwifuza yakwegera APR FC.

    Uyu musore ukina mu mutima w’ubwugarizi, winjiye muri APR FC mu mpeshyi ya 2021 agasinya umwaka umwe bivugwa ko umutoza yamubwiye ko bitewe n’umusaruro we w’umwaka ushize abona atari muri gahunda ze, gusa hari n’andi makuru (adafitiwe gihamya) avuga ko uyu musore yaba yazize kurya wenyine (ngo hari uwamufashije gusubira muri APR FC bumvikana amafaranga undi agezeyo aramwigarika).

    Undi mukinnyi APR FC ishobora kurekura ni Nshanzimfura Keddy wayigezemo muri 2020. Uyu mukinnyi uheruka kongera amasezerano na we ngo bitewe n’ikinyabupfura ntari muri gahunda z’umutoza Adil.

    APR FC ariko bivugwa ko ishobora kugarura Manzi Thierry wahoze ari kapiteni wa yo, ni nyuma yo gusoza amasezerano y’amezi 6 muri FAR Rabat ikaba itaramwongera andi.

    Muri rusange abakinnyi APR FC imaze gusinyisha barimo Nkundimana Fabio wavuye muri Musanze FC, Ishimwe Fiston wavuye muri Marines, Niyibizi Ramadhan na Ishimwe Christian bavuye muri AS Kigali, Niyigena Clement wavuye muri Rayon Sports, Uwiduhaye Abouba wakiniraga Police FC na Mbonyumwami Taibu wavuye muri Espoir FC.

    Pablo Morchón yagarutse muri APR FC

    Jamel Eddine Neffati ashobora kudakomezanya na APR FC mu mwaka w’imikino wa 2022-23

    Nsabimana Aimable ntari muri gahunda z’umutoza Adil Erradi

    Keddy na we ashobora kurekurwa na APR FC

    Biravugwa ko Manzi Thierry ashobobora kugaruka muri iyi kipe

    Source : http://isimbi.rw/siporo/article/apr-fc-yagaruye-umutoza-wayitozaga-aimable-na-keddy-mu-muryango-uyisohokamo-ibiyivugwamo

  • Kamonyi-Mugina: DASSO wakekwagaho kurya Mituweli z'Abaturage yatorotse ibitaro #rwanda #RwOT

    Mbarushimana Fideli, DASSO wo mu kagari ka Mugina, Umurenge wa Mugina ho mu karere ka Kamonyi wakekwagaho kurya amafaranga asaga ibihumbi magana abiri(200,000Fr) bya Mituweli z'Abaturage, yatorotse ibitaro mu gitondo cyo kuri uyu wa 20 Kamena 2022. Gitifu w'uyu Murenge, Ndayisaba Jean Pierre Egide avuga ko atari mu maboko y'inzego nkuko yari yabitangaje mbere, ko ahubwo yari kwa muganga arwaye, arinzwe na DASSO mugenzi we.

    Ndayisaba Jean Pierre Egide, Umunyamabanga Nshingwabikorwa w'Umurenge wa Mugina, yabwiye intyoza.com ko uyu DASSO Mbarushimana Fideli wari arwariye mu kigo nderabuzima cya Mugina, yatorotse ibitaro mu gihe yari arinzwe na DASSO mugenzi we.

    Gitifu Egide, mu nkuru yabanje yari yavuze ko uyu DASSO ari mu maboko y'inzego zibishinzwe, ariko ku makuru yahise ahabwa ni uko atariho yari ari, ko ahubwo yari mu bitaro by'ikigo nderabuzima cya Mugina arinzwe na mugenzi we w'umu DASSO.

    Soma hano inkuru yabanje;Kamonyi-Mugina: DASSO uvugwaho kurya amafaranga ya Mituweli z'abaturage yatawe muri yombi

    intyoza

    Source : https://www.intyoza.com/kamonyi-mugina-dasso-wakekwagaho-kurya-mituweli-zabaturage-yatorotse-ibitaro/

  • Faustin Twagiramungu ahuriye n'akaga ku mbuga nkoranyambaga, Ngo ni 'Bihemu'udatinya gusebya aho nyina yamuhereye ibere! #rwanda #RwOT

    Faustin Twagiramungu ni umukambwe usazanye kwanduranya,  gucabiranya, kujijwa, ariko cyane cyane gusebya u Rwanda n'abamukamiye.

    Abamuhaye amahirwe ngo atange umusanzu mu gusana u Rwanda, ariko ubuparimehutu bwamurenze, bukamubuza kujyana  na politiki  y'u Rwanda rushya itagira uwo iheza. Ni mu gihe ariko, Twagiramungu ni umukwe wa Gerigori Kayibanda, sekuru w' abaparimehutu bose!

    Ejobundi rero agire atya ashyanuke, yandike ku rubuga rwe rwa Twitter ati: ' Sinari kwambara ikoti ryasahuwe n' inyeshyamba'.  Aha yahakanaga ko imyenda yarahiranye ubwo yabaga Ministiri w'Intebe tariki 19 Nyakanga 1994, yayiguriwe na FPR-Inkotanyi! 

    Akimara kwibonekeza nk' akaguru karwaye umufunzo rero, abatari bake bamubwiye icyo bamutekerezaho, ku buryo iyo aza kuba agira umutima, yari gucika ku ngeso yo gusebya uRwanda n' abayobozi barwo.

    'Bihemu udatinya gusebya aho nyina yamuhereye ibere'

    Iyi ni imvugo yakoreshejwe na bamwe mu basubije Twagiramungu alias Rukokoma, bamubwira ko yagombye guhora azirikana akamaro FPR- Inkotanyi yamugiriye. Uretse no kumurokora kuko nawe yahizwe n' Interahamwe(ubu yanywanye nazo), ngo akwiye no kwibuka ko FPR yamugize Minisitiri w'Intebe itabuze abari kujya muri uwo mwanya, ahubwo ari ukumuha umwanya ngo yerekane ya politiki ye 'yo mu kirere' yahoraga avuga. Bati: 'Amezi atatu gusa yari ahagije ngo ubuswa buvanze n'ubugome bigutamaze. Ese ubundi ko uhakana ikositimu waguriwe, intebe wicayemo nayo wari wayikuye mu Bubiligi? Imodoka se bagutwayemo ni iyo kwa Sobukwe Kayibanda? Abasirikari bakurindiye umutekano ni ya majyogi yawe?'

    Kuki wemeye gukorana na FPR-Inkotanyi  wita inyeshyamba?

    Aba bagize icyo bavuga ku butumwa bugayitse bwa 'Rukokoma', bamubajije icyamuteye kujya muri guverinoma yari ahuriyeho na FPR, yita 'inyeshyamba z'abasahuzi'. Bati:' Ujya wibuka ijambo wabwiye Televiziyo yo mu Bubiligi,  muri Nyakanga 1994, usingiza Inkotanyi, ndetse ukavuga ko kuba MRND, CDR n'andi mashyaka ya HUTU-PAWA, bitarashyizwe muri  guverinoma  wari ugiye kuyobora, ari nk'uko  nyuma y'intambara ya 2 y'isi yose Guverinoma y' Ubudage itari kujyamo aba NAZI? None urasebya FPR, ahubwo ugasingiza aba NAZI'!

    'Abakiri bato dutozwa kumva impanuro z'abakuze, ariko iza Rukokoma azazigumanire kuko yagwingiye mu bitekerezo'.

    Benshi mu basubije Faustin Twagiramungu ni urubyiruko, kuko bagiye bamubwira ko bakuriye mu Rwanda rurwanya amacakubiri, bamusaba kureka  gukwiza inzangano. Bati:'Ibitekerezo byawe byaheranywe n'amateka mabi. Turi mu gihugu  gifite icyerekezo kizima. Tureke dukore, dusane ibyo  mwangije'.

    Abanyarwanda baca umugani ngo 'nta kibi nko gusazira mu bana batari abawe'. Ibi niko byagendekeye Faustin Twagiramungu n'abandi bagiye gupfa cyangwa bapfuye bangara. Imibereho yabo ni 'mpemuke ndamuke', kuko ababacumbikiye  bashimishwa no kumva batuka igihugu cyababyaye. Kubona umusaza nka Twagiramungu, wabaye Minisitiri w'Intebe, arwanira iposho n'ibindi bigarasha n'abajenosideri, biteye agahinda.

    Nyamwanga kumva ntiyanze no kubona!

    The post Faustin Twagiramungu ahuriye n'akaga ku mbuga nkoranyambaga, Ngo ni 'Bihemu'udatinya gusebya aho nyina yamuhereye ibere! appeared first on RUSHYASHYA.

    Source : https://rushyashya.net/faustin-twagiramungu-ahuriye-nakaga-ku-mbuga-nkoranyambaga-ngo-ni-bihemuudatinya-gusebya-aho-nyina-yamuhereye-ibere/?utm_source=rss&utm_medium=rss&utm_campaign=faustin-twagiramungu-ahuriye-nakaga-ku-mbuga-nkoranyambaga-ngo-ni-bihemuudatinya-gusebya-aho-nyina-yamuhereye-ibere

  • Kigali : Amayobera ku rupfu rw’Abana babiri bava inda imwe bapfiriye umunsi umwe #rwanda #RwOT

    Aba bana bari batuye hafi y’umusigiti uri munsi y’ahitwa ku Gasoko bakaba babyarwa barapfuye kuri uyu wa Kabiri tariki ya 19 Nyakanga 2022.

    Amakuru avuga ko umwana w’umukobwa wari ufite ubuhanga mu gusoma korowani yagize ikibazo ari kumwe na nyina maze amusaba amazi yo kunywa ariko amaze kuyamuha araremba.

    Uyu mubyeyi ngo yahise ajyana umwana we kwa muganga ku Bitaro by’akarere ka Nyarugenge ariko ahageze ahita ashiramo umwuka.

    Musaza we akimara kumenya ko mushiki we yitabye Imana na we yahise agwa igihumure, mu kanya gato yitaba Imana.

    Urupfu rw’aba bana rukimara kumenyekana bajyanywe ku bitaro kugira ngo imirambo yabo isuzumwe hamenyekane icyabishe.

    Ntabwo amakuru y’icyabahitanye aramenyekana gusa bahise bashyingurwa ahagana saa moya z’ijoro kuri uyu wa Kabiri.

    Amakuru avuga ko hari na mukuru w’aba bana ubu uri mu Bitaro nyuma yo kumenya ko abavandimwe bitabye Imana.

    Nyuma y’urupfu rw’amayobera rw’aba bana ndetse runatunguranye hari bamwe mu baturage baba bavuga ko barozwe abandi bakavuga ko bagize ikibazo cy’umutima.

    Ivomo:Igihe

    Source : http://www.ukwezi.rw/1-1/Amakuru-anyuranye/article/Kigali-Amayobera-ku-rupfu-rw-Abana-babiri-bava-inda-imwe-bapfiriye-umunsi-umwe

  • Sri Lanka: Uwari Minisitiri w’Intebe atorewe kuba Perezida #Rwanda #RwOT via @kigalitoday #rwanda #RwOT

    Kuri uyu wa Gatatu tariki 20 Nyakanga 2022 nibwo Ranil Wickremesinghe, ubu wari uyoboye Sri Lanka by’agateganyo (intérim) nyuma y’uko Perezida w’icyo gihugu (…)

    Source : https://www.kigalitoday.com/politiki/amakuru/article/sri-lanka-uwari-minisitiri-w-intebe-atorewe-kuba-perezida