Author: webrwanda

  • Aryamye mu gituza cya fiancé we, Nana yabwiye fiancé we akamuri ku mutima – YEGOB #rwanda #RwOT

    Uwamwezi Nadege wamamaye muri sinema nka Nana akaba ari umwe mu bakinnyi bakunzwe cyane muri filime y'uruhererekane ya City maid, yeretse fiancé we urukundo amufitiye yongera kumwibutsa ko ari uwe.

    Abinyujije ku rukuta rwe rwa instagram, Nana yashyize hanze ifoto aho yari aryamye mu gituza cya fiancé we maze ayiherekesha amagambo agira ati ” Mine❤️ “.

    Couple ya Nana ni imwe muri couple z'ibyamamare nyarwanda zikunze kugaragarizanya urukundo ahanini rushingira ku mafoto ndetse n'ibihe bitandukanye aba bombi bakunze kugirana.

    Source : https://yegob.rw/aryamye-mu-gituza-cya-fiance-we-nana-yabwiye-fiance-we-akamuri-ku-mutima/

  • Urukundo rw'Ubuzima bwanjye! – YAGO yifotoje ari kumwe n'Umubyeyi we amwibutsa ko ari urukundo rw'ubuzima bwe – YEGOB #rwanda #RwOT

    Umunyamakuru Nyarwaya Innocent wamamaye cyane ku izina rya Yago akaba akunzwe cyane kuri YouTube aho anyuza ibiganiro kuri channel ye ya Yago Tv show yifotoranyije na Mama we umubyara maze anamwibutsa ko ari Urukundo rw'ubuzima bwe.

    Abinyujije ku rukuta rwe rwa Twitter, Yago yashyize hanze amafoto yifotoranyije na Mama we maze ayaherekesha amagambo agira ati  ” Love of my Life 🖤🤍❤️💙mukade yambwiye ngo mbabwire #MBAYI🤣✌️”. Ugenekereje mu Kinyarwanda bishatse kuvuga ngo ” Urukundo rw'Ubuzima bwanjye 🖤🤍❤️💙mukade yambwiye ngo mbabwire #MBAYI🤣✌️ “

    Love of my Life 🖤🤍❤️💙mukade yambwiye ngo mbabwire #MBAYI🤣✌️ pic.twitter.com/g4Dt3V5lQK

    — NYARWAYA YAGO (@yagoforeal) July 31, 2022

    Source : https://yegob.rw/urukundo-rwubuzima-bwanjye-yago-yifotoje-ari-kumwe-numubyeyi-we-amwibutsa-ko-ari-urukundo-rwubuzima-bwe/

  • TUYISENGE Jacques utarahiriwe muri APR FC yer… – #rwanda #RwOT

    Tuyisenge Jacques wari umaze imyaka 2 mu ikipe ya APR FC, yashyize ikaramu ku rupapuro asinya asezerano y’umwaka umwe ahigira ibitego As Kigali.

    Tuyisenge yerekeje muri As Kigali nyuma y’amakuru yamuvugwagaho ko ashobora kwerekeza muri Police FC, ndetse akongera gukorana na Mashami Vincent babanye mu ikipe y’igihugu Amavubi.

    Mu mwaka w’imikino 2020-21 nibwo Tuyisenge Jacques yageze mu ikipe ya APR FC, akaba asize ayitsindiye ibitego 2 ndetse n’umupira umwe uvamo igitego.

    Tuyisenge Jacques asanze Haruna Niyonzima Kapiteni mukuru w’Amavubi, nawe uherutse kongera amasezerano muri iyi kipe. Kuri uyu wa 6 nibwo  As Kigali yatangaje ko yongereye amasezerano Hussein Tchabalala, uzajya ufatanya na Tuyisenge Jacques.

    Kuva 2010 As Kigali ibaye ikipe ya 6 Tuyisenge agiye gukinira nyuma ya Kiyovu Sports, Police, Gor Mahia, Petro de Luanda na APR FC.

    Tuyisenge yasinye amasezerano y’umwaka umwe  

    Tuyisenge yari Kapiteni wa APR FC ariko aza gushwana n’umutoza byatumye atongera gukina

    Source : https://inyarwanda.com/inkuru/119531/tuyisenge-jacques-utarahiriwe-muri-apr-fc-yerekeje-muri-as-kigali-119531.html

  • Abongerezakazi bahaye igihugu cyabo igikombe mpuzamahanga nyuma y'imyaka 56 [AMAFOTO] #rwanda #RwOT

    U Bwongereza bwegukanye igikombe cy'u Burayi cy'abagore butsinze u Budage ibitego 2-1 nyuma y'iminota 120 bahita bahagarika agahigo kabi iki gihugu cyari gifite mu marushanwa mpuzamahanga kuko kimaze imyaka 56 kitazi uko gisa.

    Mu mukino wari ishyiraniro,Ubwongereza bw'abagore bwari imbere y'abafana 87,192,bwashimishije igihugu cyose butwara iki gikombe cy'Uburayi cyaberaga iwabo.

    Ubwongereza bwahabwaga amahirwe kubera uko bwitwaye muri rusange,bwagerageje guhindura amateka butsinda Ubudage budasanzwe butsindirwa ku mukino wa nyuma.

    Igice cya mbere cyaranzwe no kwigana ku mpande zombi ariko Ubwongereza bubona amahirwe menshi butabyaje umusaruro byatumye kirangira ari 0-0.

    Nyuma yo gutangira igice cya kabiri burushwa cyane ndetse bigaragara ko Ubudage bushobora kubona igitego,umutoza Sarina Wiegman yakoze impinduka yinjiza mu kibuga abakobwa 2 bakiri bato barimo Ella Toone na Russo bagerageje guhindura umukino basimbuye Fran Kirby na Ellen White.

    Ubwongereza bwabonye igitego ku munota wa 62 gitsinzwe na Ella Toone ku mupira mwiza yahawe na Walsh asiga ba myugariro b'Ubudage aroba umunyezamu.

    Ubudage ntibwacitse intege bwahise bwishyura iki gitego ku munota wa 79 gitsinzwe na Magull waciye mu rihumye ba myugariro b'Ubwongereza bigaragaje cyane.

    Umukino warangiye ari igitego 1-1 hitabazwa iminota 30 y'inyongera yagoye impande zombi kuko abakinnyi bari bananiwe.

    Ubwongereza nibwo bwarangije umukino bwemye kuko ku munota wa 110 w'umukino Chloe Kelly winjiye mu kibuga Beth Mead yatsinze igitego nyuma yo guhanganira mu rubuga rw'amahina n'abakinnyi b'Ubudage akabatanga umupira yaboneje mu rushundura.

    Ubwongereza bwaherukaga igikombe mpuzamahanga mu makipe makuru mu mwaka wa 1966 ubwo bwatsindaga Ubudage ku mukino wa nyuma w'igikombe cy'isi ibitego 4-2.

    Ubwongereza bwatsinze ibitego 22 muri Euro 2022, agahigo katarakorwa n'indi kipe mu mikino imwe ya Shampiyona y' u Burayi (mu bagabo n'abagore).

    Bitandatu muri byo byatsinzwe na Beth Mead, wabaye umukinnyi watsinze ibitego byinshi nubwo yanganyije na Alexandra Popp w'Ubudage utakinnye umukino wa nyuma kubera imvune.

    Uyu kandi niwe wabaye umukino w'irushanwa nyuma yo gufasha ubwongereza no mu bijyanye no kurema ibitego.

    Nyuma yo gutwara iki gikombe,Umwamikazi w'Ubwongereza yahaye aba bakobwa ubutumwa bugira buti Intsinzi yanyu irenze kure igikombe mwabonye mugikwiye.

    Mwese mwatanze urugero rwiza ruzatera imbaraga abakobwa n'abagore muri iki gihe, ndetse no mu bandi bazavuka.'

    Iki nicyo gikombe cya mbere cya Euro Ubwongereza butwaye mu bagore mu gihe Ubudage bufite 8.








    Source : https://umuryango.rw/imyidagaduro/imikino/article/abongerezakazi-bahaye-igihugu-cyabo-igikombe-mpuzamahanga-nyuma-y-imyaka-56

  • Urukundo rwubahwe: umukobwa ufite isura idashamaje yaciye ibintu nyuma yo kubengukwa n’umuzungu(ifoto) – YEGOB #rwanda #RwOT

    Ku mbuga nkoranyambaga hakomeje gukwirakwira ifoto y'umukobwa ufite isura idashamaje ariko bikavugwa ko yabengutswe n'umusore wumuzungu kandi amukunda bikomeye.

    Ababonye iyi foto batangaye maze bavuga ko uyu mwari asenga Imana itari bayari kuko yamukijije igisuzuguriro.

    Source : https://yegob.rw/urukundo-rwubahwe-umukobwa-ufite-isura-idashamaje-yaciye-ibintu-nyuma-yo-kubengukwa-numuzunguifoto/

  • Umukwe n’umugeni bakoze ibidasanzwe ku munsi w’ubukwe bwabo (Video) – YEGOB #rwanda #RwOT

    Umusore n'umukunzi bakoze ubukwe budasanzwe bwari bwatumiwemo abantu babiri gusa ndetse bajya kwiyakirira muri resitora nk'abantu basanzwe.

    Ibi byabaye kuwa gatanu, ku ya 29 Nyakanga 2022, aho abashakanye bashyingiranywe ariko bakaba bari baherekejwe nabantu babiri gusa bari babambariye.

    Nyuma y'ubukwe, abashakanye bashya bagaragara basohoka muri resitora, bakiri mu myambaro bashyingiranywe, bafite udupfunyika twibiryo mu ntoki.

    Abantu babiri nibo bari babaherekeje,ibintu byatangaje abantu kuko bidasanzwe mu bukwe busanzwe bwitabirwa na benshi.

    Source : https://yegob.rw/umukwe-numugeni-bakoze-ibidasanzwe-ku-munsi-wubukwe-bwabo-video-2/

  • Birababaje : umusore ufite cancer yarongoye asigaranye amasaha 48 kugirango apfe – YEGOB #rwanda #RwOT

    Umusore yafashe icyemezo cyo gukora ubukwe nyuma yo kubwirwa na muganga ko asigaranye amasaha 48 akitaba Imana kubera canceri afite.

    Mu ntangiriro z'impeshyi, Billy Burgoyne w'imyaka 35 y'amavuko yabonye amakuru mabi umuntu wese yakira: abaganga bamubwiye ko urugamba rwe rurerure yarwaye kanseri rugiye kurangira kuko yari afite igihe gito cyo kubaho.

    Umukunzi we umaze igihe kinini Nikita Mahar ati: 'Yabwiwe ko asigaje amasaha agera kuri 48 yo kubaho'.

    Burgoyne na Mahar bari bamaze hafi imyaka 17 ari couple. Nyuma yo kubonana, bahise bahitamo gushyingiranwa kumugaragaro.

    'Twahoraga tuvuga ko tutazabikora, twahoraga tuvuga tuti: Kuki twangiza ikintu cyiza?' ibi bikaba byavuzwe na Mahar, ukomoka mu rugo rwe muri Ecum Secum, muri Leta zunze ubumwe za Amerika, uherereye mu masaha abiri mu burasirazuba bwa Halifax. 'Twimutse vuba vuba kugira ngo ubukwe bube.

    Icyemezo cyo gushyingirwa cyashyizeho umuryango wabo wa Ecum Secum abuzz. Ikirere cyari gifite ishusho nziza ntakindi uretse izuba ryiza. Ubukwe bwahujwe no kwizihiza ubuzima bwa Billy abantu benshi baza kureba ubukwe ndetse banamusezeraho kuko yari ashigaje igihe gito maze agapfa.

    Mahar yagize ati: 'Hari abantu benshi cyane bagaragaye mu bukwe bwacu.'

    Billy na Nikita bashakanye habura iminsi ibiri agapfa. Ku ya 20 Nyakanga, Billy yapfiriye mu rugo rwe ,Billy yamaze ubuzima bwe bwose aba muri Ecum Secum. Yakundaga siporo, guhiga ndetse cyane cyane, kuroba. We na Nikita bombi bakoraga mu burobyi bwa lobster.

    Source : https://yegob.rw/birababaje-umusore-ufite-cancer-yarongoye-asigaranye-amasaha-48-kugirango-apfe/

  • Umunyarwenya Patrick Salvador yageze i Kigali… – #rwanda #RwOT

    Nicyo gitaramo cya mbere uyu muhanzi agiye gukorera i Kigali, nyuma y'imyaka itatu. Ariko yataramiye mu bindi bihugu, cyane muri Uganda.

    Aherutse kwifata amashusho yemeza gutaramira i Kigali. Ahagana saa sita zo kuri iki Cyumweru tariki 31 Nyakanga 2022, nibwo yageze ku kibuga cy'indege Mpuzamahanga cya Kigali i Kanombe.

    Yakiriwe n'abarimo Bundandi Nice wafatanyije na Nkusi Arthur gushinga Arthur Nation, ari nayo itegura ibi bitaramo ngarukakwezi.

    Iki gitaramo giherekeza Nyakanga, kiratangira saa kumi n'ebyiri kuri M Hotel mu Kiyovu. Cyatumiwemo Rufendeke, Captain Regis, Merci, Ambassador w’abakonsomateri ndetse na Joshua. Kwinjira ni 10,000 Frw mu myanya isanzwe, ndetse na 20,000 Frw muri VIP.

    Kuwa Gatatu tariki 6 Nyakanga 2022, yanditse kuri konti ye ya Instagram akurikirwaho n'abarenga ibihumbi 156 avuga ko yari akumbuye gutaramira Abanyarwanda, nyuma y'igihe kinini cyari giciyeho.

     

    Avuga ko afite inkuru nyinshi zo guteraho urwenya, ariko kandi aragenzwa no gusaba imbabazi. Ati 'Kigali, hari haciye igihe. Mfite ibiraro byo gusiba, munyihanganire. Mfite gusaba imbabazi, ariko icy’ingenzi ni ibitwenge. Ntegereje kugaruka mu rugo.'

     

    Aravuga gusaba imbabazi, kuko ku wa 5 Mata 2019 ku mbuga nkoranyambaga hakwirakwijwe amashusho ye aho yumvikanye atera urwenya ku Rwanda, akanakoreshamo ijambo Jenoside.

     

    Salvador yateye urwenya avuga uburyo abantu bakirwa iyo bagiye muri kompanyi z'indege, z'ibihugu bitandukanye. Yavuze ko abakora mu ndege babanza gutanga amabwiriza mu rurimi rwabo kavukire, nyuma bagakurikizaho urw'amahanga.

     

    Uyu mugabo yavuze kompanyi z'indege zitandukanye, ageze kuri RwandAir asukiranya amagambo menshi yo kuramukanya harimo n'ataba mu Kinyarwanda agera n'aho ashyiramo ijambo 'Jenoside.'

     

    Icyo gihe, abakoresha imbuga nkoranyambaga cyane cyane Twitter ntabwo banyuzwe na gato n'uburyo Salvador yakoresheje ijambo Jenoside, mu magambo akoreshwa mu ndege ya RwandAir kandi ntaribamo, bifatwa nko gushinyagura.

    Bahise bashyiraho Hashtag ya #GenocideIsNotComedy, ndetse banamusaba ko yavuguruza ibyo yavuze akanabisabira imbabazi.

    Mu butumwa yanyujije kuri Twitter ku wa 6 Ukwakira 2019, Salvador yasabye imbabazi avuga ko yari yatinze kuzisaba kubera abamubwiye nabi.

    Salvador aheruka i Kigali muri Seka Fest yo kuya 31 Werurwe 2019. Ni umunya-Uganda kavukire. Yakuriye ahitwa Ombokolo mu birometero bike uvuye mu Mujyi wa Kampala. Agace yavukiyemo akunze kukagarukaho cyane, mu biganiro by'urwenya akorera ahantu hatandukanye.

     

    Umunyarwenya Salvador yageze i Kigali yitabiriye igitaramo cy'urwenya cya Seka Live giherekeza Nyakanga

     

    Salvado ku kibuga cy'indege Mpuzamahanga cya Kigali yakiriwe na Budandi Nice

     

    Salvado ni umunyarwenya, umukinnyi wa filime, wanakoze mu itangazamakuru ari umukozi wa 91.3 Capital FM





    AMAFOTO: Ndayishimiye Nathanie-INYARWANDA.COM

    Source : https://inyarwanda.com/inkuru/119522/umunyarwenya-patrick-salvador-yageze-i-kigali-yitabiriye-seka-live-amafoto-119522.html

  • Ukraine: Umuherwe mu bucuruzi bw'ibinyampeke yiciwe mu gitero cy'ibisasu #rwanda #RwOT

    Umwe mu bacuruzi bakomeye cyane muri Ukraine hamwe n'umugore we biciwe mu gitero 'gikaze' cy'ibisasu cy'Uburusiya ku mujyi wo mu majyepfo wa Mykolaiv.

    Oleksiy Vadatursky, wari ufite imyaka 74, n'umugore we Raisa, bapfuye ubwo igisasu cya misile cyakubitaga ku rugo rwabo mu ijoro ryo ku wa gatandatu, nkuko byavuzwe n'ibitangazamakuru byo muri Ukraine.

    Vadatursky yari afite kompanyi y'ubuhinzi ya Nibulon ikora mu byo kohereza ibinyampeke mu mahanga. Yari yaranahawe igihembo cy’'Intwari ya Ukraine'.

    Umukuru (Mayor) w'umujyi wa Mykolaiv, Oleksandr Senkevych, yavuze ko iki gitero cy'ibisasu gishobora kuba ari cyo cya mbere gikaze cyane Uburusiya bugabye kuri uyu mujyi kugeza ubu.

    Habayeho kwangirika kuri hoteli, inyubako y'imikino, amashuri abiri, stasiyo y'ibitoro, no ku ngo.

    Umujyi wa Mykolaiv uri ku muhanda munini werekeza i Odesa. Odesa ni cyo cyambu (ikivuko mu Kirundi) cya mbere mu bunini cya Ukraine, kandi uyu mujyi wakomeje kugenda umishwaho ibisasu.

    Umukuru w'ako karere, Vitaliy Kim, yavuze ko Vadatursky 'yakoreye byinshi akarere ka Mykolaiv, [yakoreye] byinshi Ukraine'.

    Ku rubuga rwa Telegram yagize ati: 'Umusanzu we ku iterambere ry'urwego rw'ubuhinzi n'urwo kubaka amato [ubwato], ku iterambere ry'akarere ni ingenzi cyane'.

    Kompanyi Nibulon yubatse ubuhunikiro (ububiko) bwinshi n'ibindi bikorwa-remezo byo kohereza ibinyampeke mu mahanga.

    Ukraine n'Uburusiya ni ibihugu byohereza mu mahanga ingano nyinshi n'ibindi binyampeke, kandi ibangamirwa ryo kohereza ibinyampeke mu mahanga ryatewe n'intambara, ryatumye ibiciro by'ibiribwa bitumbagira ku isi.

    Ibi bihugu byombi mu cyumweru gishize byashize umukono ku masezerano muri Turukiya yagizwemo uruhare n'umuryango w'abibumbye (ONU/UN), agamije koroshya amakuba ashingiye ku bucye bw'ibiribwa. Ku munsi wakurikiyeho, Uburusiya bwagabye igitero ku cyambu cya Odesa.

    Ibyangiritse mu nyubako

    Kongera kohereza mu mahanga ibinyampeke bya Ukraine kwakererejwe kandi n'igenzura ryo mu rwego rw'umutekano.

    Ariko kuri iki cyumweru, Turukiya yavuze ko ubwato bwa mbere bwa Ukraine butwaye ibinyampeke bwitezwe kuva ku cyambu cya Odesa ku wa mbere mu gitondo.

    Ukraine ishinja abasirikare b'Uburusiya kwiba ibinyampeke mu mirima yo ku butaka bigaruriye no kubyohereza mu mahanga binyuze ku mwigimbakirwa wa Crimea. Uburusiya buhakana ibyo bivugwa na Ukraine.

    @BBC

    The post Ukraine: Umuherwe mu bucuruzi bw'ibinyampeke yiciwe mu gitero cy'ibisasu appeared first on IRIBA NEWS.

    Source : https://iribanews.rw/2022/07/31/ukraine-umuherwe-mu-bucuruzi-bwibinyampeke-yiciwe-mu-gitero-cyibisasu/