Author: webrwanda

Ibintu byafashe indi ntera guhera mu myaka ya 1957 ubwo abari barashyizwe mu bwoko bw’Abahutu, batangizaga icyiswe ‘Impinduramatwara’ (Revolution), igamije kwigaranzura ingoma y’ubwami bashinjaga kubatsikamira, nyamara byose bikozwe n’Abakoloni.

Ubwoko bwatangiye kwinjizwa mu mibereho y’Abanyarwanda cyane cyane mu 1932, ubwo hatangwaga bwa mbere indangamuntu zitwaga 'Ibuku’ zabaga zirimo ubwoko bw’umuntu hashingiwe ku byo atunze.

Nibwo Abatutsi, Abahutu n’Abatwa byahawe inyito nshyashya nk’igikoresho cya politiki cyo guhanganisha Abanyarwanda.

Iki kinyoma cyoretse u Rwanda gisobanurwa neza mu gitabo “Sur les origines du génocide contre les Tutsi livre II, La fabrication du Hutisme ou l’Idéologie du Génocide contre les Tutsi” cy’inzobere mu mateka Murashi Isaïe, giherutse gusohoka muri Edition Harmattan nk’uko bitangazwa na Igihe.

Murashi avuga ko ahantu abazungu bahendeye ubwenge Abanyarwanda ari aho nubwo bakoraga amakosa, bayandikaga akaba ariyo asigara nk’ukuri, ari nayo mpamvu yihaye intego yo kwandika ukuri kw’amateka y’u Rwanda anyomoza ayabo.

Ati “Abakoloni ibintu badushoboje ni inyandiko, kwandika ibintu bitari byo. Hari abantu bakunze kuvuga ngo kugoreka amateka, ntibagoretse amateka barayahanaguye bandika ayabo. Amateka y’u Rwanda twabayemo yatugejeje no kuri Jenoside, ni amateka y’abakoloni mu Rwanda, ntabwo ari amateka y’u Rwanda.”

Murashi avuga ko ubusanzwe, mu bindi bihugu abantu bitwa ubwoko kuko bafite byinshi bahuriyeho birimo n’ururimi, inkomoko zitandukanye n’ibindi.

Avuga ko bidahuye n’ibyo Abakoloni bakoze mu Rwanda, kuko ho basanze bahuje umuco, ururimi, abantu bavukana n’ibindi, nyamara ugasanga bashyizwe mu moko atandukanye.

Ati “Uzasanga muri Congo hari amoko arenga 400, muri Tanzania hari amoko asaga 200, muri Uganda hari amoko arenga ijana. U Rwanda narwo bashatse kurugira nk’ibyo bihugu byose kandi atari ko rumeze.”

Yakomeje agira ati “Bahimbye amoko muri rusange ariko by’umwihariko bahimba ubwoko bw’abahutu, kuko Umuhutu mu Kinyarwanda bivuze Umututsi wakennye, utakigira inka kuko amafaranga y’u Rwanda kera yari inka. Umuntu wabaga yakennye akajya guhakirwa inka kuri mwenewabo ukizifite, yahindukaga Umuhutu we.”

Murashi agaragaza ko ijambo Umuhutu atari Ikinyarwanda cy’umwimerere, ahubwo ryatiwe mu ndimi zo muri Congo zirimo Tshiluba, aho bagira ijambo “Mptu”.

Ati “Iryo jambo rivuze umukene. Ntabwo rero umuhutu ari ubwoko, nta n’imiryango y’Abahutu mu mateka y’u Rwanda ibaho. Nta muntu witwa Muhutu wigeze ubaho abahutu bakomokaho, ariko Mututsi yabayeho, abatutsi bakomokaho, ariko nabo si ubwoko.”

Mu gitabo cye, Murashi avuga ko ubwoko nyakuri bwa Kinyarwanda ari imiryango bakomokamo nk’Abega, Abegesera, Abazigaba, Abacyaba n’abandi.

Mbonyumutwa, Kayibanda, Habyarimana babeshywe ubwoko

Ashingiye ku buryo Abazungu bahimbye amoko mu Rwanda, Murashi avuga ko abategetse u Rwanda kuva kuri Repubulika ya mbere n’iya kabiri, bashutswe n’abazungu bagahimbirwa ubwoko kugira ngo babakorere.

Murashi avuga ko amoko amaze imyaka atanya abanyarwanda bakwiriye kuyikuramo kuko ari amahimbano

Yavuze ko nka Mbonyumutwa Dominique wayoboye u Rwanda nyuma yo kwirukana ubwami, Kayibanda Grégoire waruyoboye rukimara kubona ubwigenge na Habyarimana Juvénal, bamwe bahuriye ku kuba ibisekuru byabo bidakomoka mu Rwanda ku buryo n’amoko biyitiriraga atari ayabo.

Ati “Nka Mbonyumutwa yari Umututsi, Kayibanda yari Umushi, Gitera yari Umunyoro [Uganda] ntabwo ari Abahutu, ni ibintu byo kubeshya Ababiligi bazanye ngo bagonganishe abantu.”

Yakomeje agira ati “Nka Mbonyumutwa, naganiriye n’umuntu bari baturanye, bavuga ko ari uwo mu bantu bitwa Abannyori b’Abagesera, bigabanyijemo ibice bibiri, bamwe bakomeza kuba Abatutsi abandi bahinduka Abahutu. Yaranansobanuriye ati ‘Mbonyumutwa tumukubita mu 1959, ni ukubera ko yatugambaniraga, akatubeshya kandi akatubeshyera akoreshwa na ba Perraudin.”

Mbonyumutwa amaze kuvaho, u Rwanda rwahawe Kayibanda ariko amazeho imyaka icumi mu 1973, ahirikwa na Habyarimana.

Murashi avuga ko na Kayibanda nubwo yakoreshejwe ngo abazungu bikize Abatutsi n’ingoma ya cyami babitiriraga, na we ubwe batamushiraga amakenga.

Ati “Kayibanda igisekuru cye mu Rwanda ntikirenga sekuru Rwabanyiga, se ni Rwamanywa. Kayibanda yavukiye i Musambira ariho se yigishaga Gatigisimu, ariko sekuru Rwabanyiga yavuye muri Congo ku ngoma ya Rwabugiri bahunga, baraza babatuza mu Ruhango i Gitisi na Nyamagana, hanyuma se wa Kayibanda arahavukira yiyita Umuhutu kandi yararongoye Umututsikazi.”

Yongeyeho ati “Kugira ngo bamuvane ku butegetsi baramutinyaga cyane, kuko yari afite baramu be, ba sebukwe benshi b’abatutsi, bakavuga bati na we ashobora kuduhinduka […] Rwagasana Michel intwari y’u Rwanda ni mwene se wabo, ba se baravukana ariko ntabwo bavugaga rumwe. Rwagasana yari umukarani w’umwami Rudahigwa, Kayibanda ari umukarani wa Perraudin. Kugira ngo rero Kayibanda bamwizere byari bigoye.“

Habyarimana wamusimbuye na we, Murashi avuga ko atari Umuhutu nk’uko yiyitaga kuko inkomoko y’igisekuru ye atari mu Rwanda, ahubwo ari muri Uganda, aho sekuru Rugwiro yaje avanye n’abamisiyoneri.

Ahubwo ngo we n’abandi bamwe bo mu bice by’Amajyaruguru bakoreshejwe n’abazungu ku nyungu zabo.

Ati “Bakoze icengezamatwara mu Bakiga kuko bavugaga ngo ni abantu badafite amaraso y’Abatutsi na make […] batoza bariya ba Bagosora ngo nibo Bahutu batavangiye, ariko si Abahutu, ni Abakiga b’i Kabale na Rutshuru. Babatoje bizeye ko bazabasimbuza ba Kayibanda na Mbonyumutwa ba za Gitarama batakizera, kuko bavanze n’Abatutsi cyane.”

Repubulika ya mbere n’iya kabiri zashyize imbere irondamoko, zicengeza mu banyarwanda ko ntacyo bapfana, ko bamwe ari ba kavukire abandi bakaba abanyamahanga, bagamije kubategeka. Nyamara byose bishingiye ku nyigisho zazanywe n’abazungu !

Murashi avuga ko ikimutera kwandika amateka y’u Rwanda ari ukugira ngo baba abazungu bayagoretse n’abanyarwanda bayafashe nk’ukuri, bahinduke.

Ati “Mbyandika no mu Gifaransa kugira ngo abazungu babisome, babimenye ko baduhemukiye, n’abanyarwanda bazabimenye babivemo, tureke gupfa ubusa n’ibinyoma.”

Ibi yabitangaje ubwo yagezaga ijambo ku bitabiriye inama y’umutekano yahuje ibihugu bigize umuryango wa Afurika Yunze Ubumwe(AU) yabaye kuri uyu wa Gatatu tarikiya 31 Kanama 2022 hifashishijwe ikoranabuhanga.

Ubwo yahabwaga umwanya ngo asobanure aho urugamba rwo kurwanya M23 ihanye n’Igisirikare cya FARDC igeze yagize ati :'Ibintu ntibirasobanuka, mu gihe Komisiyo ya Afurika yunze ubumwe n’Akanama k’Umutekano ku Isi kataratanga umwazuro. Kugeza ubu haba Ingabo z’u Rwanda na M23 nta numwe urashingura ikirenge ku butaka bwa Kivu y’Amajyaruguru. Baracyarwanira gufata ibindi bice bya Repubulika iharanira Demokarasi ya Congo, ibi byose kandi bikorwa bahungabanya umutekano w’abaturage'

Christophe Lutundula yakomeje ashinja M23 kwica impunzi z’intambara no gufata abagore ku ngufu nk’icyaha gihungabanya uburenganzira bwa muntu , yemeza ko byafashe indi ntera mu bice bigenzura n’abarwanyi ba M23.

Avuga ko gushyira iherezo kuri ibi bikorwa yita ibya kinyamaswa ari uko imiryango mpuzamahanga yategeka M23 kuva mu bice yafashe nta mananiza , no gusaba ingabo z’u Rwanda kuva ku butaka bwa Repubulika iharanira demokarasi ya Congo zigasubira iwabo.

Kuva kuwa 13 Kamena 2022, umutwe wa M23 wafashe umujyi wa Bunagana, Minisitiri w’Ububanyi n’amahanga Christophe Lundula ari mu bafashe iya mbere bavuga ko ingabo z’u Rwanda ari zo ubwazo zaje mu mwambaro wa M23 zifata agace k’igihugu cye.

Ibi byatumye Abanyekongo benshi babifata nk’ukuri , nyamara uruhande rw’u Rwanda rwo rukaba rutarahwemye kubihakanira kure.

U Rwanda rwahakanye gushyigikira umutwe wa M23, ahubwo rushinja Congo gukorana n’umutwe w’iterabwoba wa FDLR, kurasa ku butaka bw’u Rwanda no gushimuta abasirikare barwo babiri.

Umuvugizi wungirije wa Guverinoma y’u Rwanda, Alain Mukuralinda, aherutse kuvugira kuri Televiziyo y’Igihugu ko ibibazo bya M23 ari icy’Abanye-Congo kandi nibidakemuka bizakomeza bizurungutane.”

Akanama ka Loni gashinzwe umutekano mu cyumweru gishize kasabye RDC kujya mu biganiro n’u Rwanda no gushyira mu bikorwa amasezerano ya Nairobi agamije kurandura imitwe yitwaje intwaro muri Congo.

Kwihutira gushinja u Rwanda ibitero bya M23, RDC ibikora ishaka kugaragariza amahanga ko ikibazo atari yo, ahubwo ari izindi mbaraga zituruka hanze.

Ku mugoroba wo ku wa Kane tariki 1 Nzeri 2022, ikipe ya Kiyovu Sports na AS Kigali zakinnye umukino wa gicuti wabereye kuri Stade ya Kigali, urangira (…)

Abaturage b’Umurenge wa Mimuli mu Karere ka Nyagatare, bavuga ko bifuza iguriro ry’inyama (Butcher) rigezweho, kuko irihari ari rito kandi rikaba ritabereye (…)

Minisiteri y’Ubuzima (MINISANTE) yatangaje ko ku wa Kane tariki 1 Nzeri 2022 mu Rwanda habonetse abantu 4 banduye Covid-19 bakaba barabonetse mu bipimo (…)

Mu Rwanda muri iki gihe ikoranabuhanga rimaze gukataza ari nako benshi baribyaje umusaruro, yaba mu buryo bwiza cyangwa ububi. Mu bitangazamakuru ni kenshi wagiye wumva bamwe mu banyarwandakazi biyemerera ko ari aba 'Slay Queen' abandi bakabihakana bivuye inyuma, ahanini biturutse ku gisobanuro cy'iri zina nk'uko twabigarutseho haruguru. Miss Uwase Vanessa Raissa, Miss Uwihirwe Yasipi Casmir, Mc Becky n'abandi bagiye bagaragaza icyo batekereza kubitwa aba 'Slay Queen'.

Miss Uwase Vanessa Raissa, igisonga cya mbere cya Miss Rwanda 2015

Uwase Vanessa Raissa ni umwe mu bakobwa bitabiriye irushanwa rya Nyampinga w'u Rwanda muri 2015, ndetse abasha kuba igisonga cya mbere nyuma ya Nyampinga Kundwa Doriane. Mu mwaka 2020 yihanangirije abamwitaga Slay Queen. Abinyujije ku rukuta rwe rwa Instagram, yaranditse ati 'Reka mbwire neza abakobwa bari kumbwira ko batekerezaga ko nanjye ndi slay queen. Munyumve neza… Ndi gukora ubucuruzi nteganya no kwagura, iyo ntari muri ubwo bucuruzi umutwe wanjye uba uri muri mudasobwa kuko mfite no kwiga kandi mbatumiye mu birori byo gusoza kaminuza muri Nyakanga. Ntabwo nambara imyenda myiza n'inkweto kurusha abandi cyangwa ngo mpfundure za champagne buri weekend mu tubyiniro kubera ko ntanga umusanzu mu muryango wanjye kuko nkibana nawo, kandi ndanizigamira kuko nteganya gukomeza icyiciro cya 3 cya kaminuza nkimara kurangiza icyiciro cya 2 umwaka utaha.'

Miss Uwihirwe Yasipi Casmir wabaye igisonga cya mbere cya Miss Rwanda 2019

Miss Uwihirwe Yasipi Casmir wabaye igisonga cya mbere cya Miss Rwanda 2019, muri 2021 icyo gihe uyu mukobwa yagaragaje uburakari bukomeye avuga ko ntawe ukwiye kumushyira mu gatebo k'abo bakobwa batekereza indyo nziza no kwinezeza mu mibonano mpuzabitsina, ubwenge bugerwa ku mashyi. Icyo gihe yashyize hanze n'umuvugo w'iminota 04 n'amasegonda 07' uvuga ku buzima bwa 'Slay Queen' uko babayeho, uko umuryango mugari ubafata, ukanavuga ko batakabaye bashyirwaho amakosa yose y'ubuzima babamo.
Alliah umukinnyi wa cinema Nyarwanda ubumazemo iminsi itari micye

Alliah, umukobwa uri mu barambye mu ruganda rwa cinema nyarwanda, ubwo yari abajijwe n'umunyamakuru niba ari Slay Queen yamusubije ko ababazwa n'abamwita indaya (Slay Queen) n'ubwo atabaha agaciro kuko azi ko ababivuga abenshi ari abatagira icyo bakora.

Fofo Dancer wamenyekanye ku mbuga nkoranyambaga wemera ko ari Slay Queen

Mu mwaka washize, InyaRwanda yagiranye ikiganiro kihariye n'umukobwa benshi bazi ku mbuga nkoranyambaga uzwi nka Fofo Dancer, icyo gihe yemeye ko ari Slay Queen. Mu magambo ye yaragize ati 'Ndi Slay Queen, iyo unkeneye ngusanga iwawe, iwanjye cyangwa aho ushaka nkagukorera ibyo ushaka. Mbyina dance zitangaje'.

Rurangiranwa mu Rwanda ku mbuga nkonyambaga, shaddy Boo

Rurangiranwa mu Rwanda ku mbuga nkoranyambaga, Mbabazi Shadia waryubatse nka Shaddy Boo, abajijwe niba ari Slay Queen yarasubije ati 'Ntabwo navuga ko ntari 'slay' bitewe n'uko burya iyo ugiye 'like' ukiyerekana wasireyinze wambaye neza, 'you know' ibintu byose ukabishyira hanze 'I don't know' sinavuga byose uba uri gusireyinga. Ntabwo njya numva ikibi kirimo….'

Mc Becky umuvugabutumwa mu bitaramo, rwiyemezamirimo, n’ibindi

Mc Becky Umuvugabutumwa bwiza, umushyushyarugamba mu bitaramo bya Gospel n’ibiterane by’insengero zinyuranye akaba na rwiyemezamirimo, Rebecca Uwizeye uzwi cyane nka Becky Hillary; abajijwe nawe ku gisobanuro cy'ijambo 'Slay Queen' yagize ati 'Aba Slay Queen ku bwanjye numva ari abantu badafite icyerekezo (vision), Ni abantu babaho mu buzima badafite, akajya nko kuri Hotel aga snapchating, akajya nk'aha ku kibuga cy'indege akavuga ngo 'we move' kandi ataribyo ari ibyo gutwika, muri rusange ni abakobwa batagira vision'. 

Ni byinshi twavuga kuri aba bakobwa bakunze kwita aba Slay Queen, nawe ufite uko ubafata cyangwa icyo wungutse nyuma yo gusoma iyi inkuru, wifuza gutanga inyunganizi cyangwa igitekerezo kubyo twagarutseho muri iyi nkuru wakwandika igitekerezo cyawe, ubundi tugasaranganya ubumenyi.

Uzaba kuri uyu wa Gatanu tariki 2 Nzeri 2022 mu Kinigi mu Karere ka Musanze, watumiwemo abayobozi batandukanye n’ibyamamare baturutse hirya no hino ku Isi.

Izi ngagi zibarizwa muri Pariki y’Ibirunga, iherereye mu Burengerazuba bushyira Uburasirazuba bw’u Rwanda.

Abana 20 nibo bazahabwa amazina, bavutse mu mezi 12 ashize. Imibare igaragaza ko kuva uyu muhango watangira mu 2015, abana 354 ari bo bamaze kwitwa amazina.

Ingagi ihaka amezi icyenda nk’umuntu. Mu 2010, ingagi zari muri Pariki y’Ibirunga zari 480 ariko zageze kuri 604. Mu 2019, Pariki y’Igihugu yinjije hafi miliyari 22 Frw.

Abantu 21 nibo batangajwe bazita amazina kuri iyi nshuro ya 18 uyu muhango ugiye kuba.

Barimo Prince Charles Philip uzita izina yifashishije ikoranabuhanga, ni mu gihe abandi basigaye bose bazaba bahari imbona nkubone.

Hari kandi Gilberto Silva wakiniye ikipe ya Arsenal, Juan Pablo Sorin wakiniye Paris Saint-Germain na Didier Drogba wakiniye ikipe ya Chelsea FC.

Kwita Izina bijyana n'ibikorwa by'imyidagaduro biba byateguwe birimo nk'abahanzi baririmbira abitabiriye uyu muhango n'ibindi.

Kuva saa moya (7:00) kugeza saa mbili n'iminota 45' (8:45), ibi birori byo Kwita Izina bizatangizwa n'abashyushyarugamba bakurikirwe na ba Dj basusurutsa abantu mu ndirimbo zitandukanye bazavanga.

Kuri gahunda bigaragara ko saa 8:45 kugeza saa tatu, itorero ribyina imbyino gakondo zisarurutsa abantu. Bazakurikirwa n'abahanzi barimo Zawad, Young Sckot, Maylo, The Bless, Okama, Bwiza, Afrique, Chriss Eazy, King James na Platini.

Hari kandi Mico The Best, Senderi, Intore Tuyisenge n'abibumbiye muri Mashirika barimo Rafiki, Ish Kevin, Alyn Sano na Peace Jolis bazakina umukino.

Menya abana 20 bazitwa amazina kuri uyu wa Gatanu

1. Uyu mwana yavutse ku wa 26 Mata 2022 kuri Umutungo mu muryango wa Sabyinyo.

2. Yavutse ku wa 1 Nzeri 2022 kuri Umuteguro mu muryango wa Hirwa.

3. Yavutse ku wa 4 Nzeri 2022 kuri Umuco mu muryango wa Noheli.

4.Yavutse ku wa 15 Nzeri 2021, ni umwana wa Ubuntu mu muryango wa Igisha

5.Yabonye izuba ku wa 15 Kanama 2021, ni umwana wa Ubufatanye mu muryango wa Musilikali.

6. Yavutse ku wa 10 Mutarama 2022, ni umwana wa Tamu mu muryango wa Susa.

7. Yavutse ku wa 10 Kamena 2022, kuri Ruhuka mu muryango wa Noheli.

8. Yavutse ku wa 28 Nzeri 2021 kuri Nsanganira mu muryango wa Ntambara

9. Yavutse ku wa 8 Mata 2022, kuri Urahirwa mu muryango wa Ntambara

10. Yavutse ku wa 13 Ukuboza 2021, ni umwana wa Umwe mu muryango wa Noheli

11. Yavutse ku wa 4 Ukwakira 2021, ni umwana wa Umwari mu muryango wa Susa

12. Yabonye izuba ku wa 31 Gicurasi 2021, avuka kuri Umutuzo mu muryango wa Amahoro

13. Yavutse ku wa 13 Nzeri 2021, kuri Nyina witwa Igitangaza mu muryango wa Mutobo

14. Ni umwana wa Gwira wavutse ku wa 19 Ukuboza 2021 mu muryango wa Pablo

15. Uyu mwana yavutse ku wa 21 Mutarama 2022, kuri Nyina Bukima mu muryango wa Musilikali

16. Yavutse ku wa 29 Mata 2022, ni umwana wa Agasaro mu muryango wa Muhoza

17. Ni umwana wa Twiyubake mu muryango wa Muhoza

18. Undi mwana yavutse kuri Akamaro mu muryango wa Kureba

19. Ni umwana wa Izihirwa wavutse ku wa 12 Ukwakira 2021, mu muryango wa Musilikare

20. Hazitwa izina umuryango mushya wa Kwitonda wagutse muri Gicurasi 2021

AMAFOTO Y'ABA BANA BAZITWA AMAZINA KURI UYU WA GATANU:

Umwana wa Umutungo

Umwana wa Umuteguro

Umwana wa Umuco

Umwana wa Ubuntu

Umwana wa Ubufatanye

Umwana wa Tamu

Umwana wa Ruhuka

Umwana wa Nsanganira

Umwana wa Urahirwa

Umwana wa Umwe

Umwana wa Umwari

Umwana wa Umutuzo

Umwana wa Kwisanga Group

Umwana wa Igitangaza

Umwana wa Gwira

Umwana wa Bukima

Umwana wa Agasaro

Umwana wa Twiyubake

Umwana wa Izihirwe

Umwana wa Akamaro

Minisitiri w’Ububanyi n’Amahanga n’Ubutwerane, Dr Vincent Biruta na mugenzi we wa Uganda, General  Ondongo Jeje Abubakhar wari kumwe n’itsinda rimuherekeje, bagiranye ibiganiro birebana na politike ndetse na dipolomasi. Aba ba Minitiri baganiriye no ku birebana n’umutekano mu karere, ubucuruzi n’ishoramari  mu karere ibihugu bya Uganda n'u Rwanda biherereyemo. Aba ba Minitiri bishimiye uburyo kuzahura umubano w’ibihugu byombi birimo kugenda neza.

Iyi nama yahuje abaminisitiri b’u Rwanda na Uganda, yabaye ikurikira ubushake abakuru b’ibihugu bagaragaje mu kuzahura umubano w’ibihugu byombi, dore ko Joel Kaguta Museveni aheruka mu Rwanda ubwo yitabiraga inama ya Chogm muri  Kamena  2022.

Kuri uyu wa Kane tariki 1 Nzeri 2022, nibwo ubuyobozi bwa SPENN bwaganirije abakorera muri iyi nyubako kuri serivisi batanga n'ibindi.

SPENN irizihiza imyaka ine ishize igeza ku banyarwanda serivisi z'imari bakoresheje ikoranabuhanga, nko kohererezanya amafaranga bifashishije telefoni za 'smart phone', gusaba inguzanyo, kohereza amafaranga kuri konti za banki n'ibindi.

Iki kigo kinafasha abantu kwishyura amazi n'umuriro, kwishyura ibicuruzwa, kwizigamira, kwishyurira icyarimwe abakozi ukoresha (umushahara) n'ibindi.

SPENN yatangiriye muri Norway igaba ishami bwa mbere mu Rwanda, ikomereza ahandi harimo nko muri Tanzania, Phillipines, Zambia n'ahandi.

Abakorera mu nyubako ya Norrsekn baganirijwe ku kwifashisha aba Agents ba SPENN mu gihe bashaka gushyira 'Application' yayo muri telefoni, cyangwa se bakifashisha uburyo bwa 'Play Store'.

Beretswe ko SPENN ifite serivisi nyinshi zirimo no kwishyuriraho amatike yo kujya mu bitaramo, gufata inguzanyo wishyura mu gihe cy'iminsi 14 ku buntu ariko iyo utinze kwishyura ushyiraho inyungu ya 0.9%, kubona inguzanyo ya I&M n'ibindi.

SPENN ni kimwe mu bigo bikorera mu nyubako ya Norrsken ikoreramo ibigo bya ba rwiyemezamirimo, n'abandi bafite imishinga y'ikoranabuhanga.

Umuyobozi wa SPENN mu Rwanda, Haguma Norbert yabwiye InyaRwanda ko batekereje kuganiriza abakorera muri iyi nyubako mu rwego rwo kubasobanurira birambuye imikorere y’iki kigo.

Ati 'Twifuje guhura na kompanyi nyinshi zikorera muri iyi nyubako ya Norrsken kugira ngo tubabwire icyo dukora, tubereke ibyo dukora, kandi tubasabe kuduha ibitekerezo kuko abenshi mu by'ukuri bakoresha SPENN yaba ku giti cyabo cyangwa se mu kwishyura imishahara, abantu babagurishaho […] Ni uburyo bwo kumenya abakiriya bacu, kumenya kandi n'abantu bakora muri Norrsken uko bumva SPENN.'

Haguma yakomeje avuga ko mu gihe cy'imyaka ine bamaze ku Isoko, bakiriye ibitekerezo by'abantu batandukanye bashima imikorera ya SPENN. 

Yavuze ko mu gihugu hose ubu bafite abakiriya ibihumbi 400 na ba agent 600, kandi buri munsi bari kuzamuka yaba mu bakozi ba SPENN, mu mibare y'amaduka atanga serivisi z'iki kigo n'ibindi.

Uyu muyobozi yavuze ko guhugura abakorera muri Norrsken biri muri gahunda batangiye yo kwegera abantu bakoresha iyi application, ndetse ko mu minsi ishize baganiriye n'abatuye mu Ntara, abakorera mu masoko, kompanyi zicuruza internet n'abandi.

Haguma yavuze ko kuba agent wa SPENN bisaba kuba telefoni ya 'smart phone' ibasha gufata neza amafoto, afite icyemezo cy'Ikigo cy'Igihugu cy'Iterambere (RDB) kimwerera gukorera 'business', afite Irangamuntu n'ibindi.

Mu byo baganirije abakorera muri Norrsken harimo n'inguzanyo itangwa na SPENN. Haguma yavuze ko yizera neza ko ubu buryo bazanye “nta wundi muntu urabikora mu gihugu aho ushobora kubona inguzanyo ubikoreye kuri telefoni yawe nta muntu muhuye, nta ngwate nta nyandiko wujuje'.

Uyu muyobozi yavuze ko hari byinshi bashingiraho kugira ngo batange inguzanyo. Harimo kugenzura niba utarafashe ahandi inguzanyo ntuyishyure, kuguha amafaranga macye macye ari nako ugenda uyishyura kugeza nibura ku nguzanyo y'ibihumbi 500 Frw.

Nelly Rwagitara ukorera muri kompanyi yitwa Pesachoice, yabwiye InyaRwanda ko hari byinshi yungukiye muri aya mahugurwa ya SPENN ajyanye na 'SPENN Business' harimo nko kuba umukoresha yakoresha iyi 'application' yishyura abakozi bose.

Uyu mukobwa yavuze ko amaze igihe akoresha SPENN ariko 'uyu munsi menye ko umukoresha wanjye ashobora kunyishyura akoresheje SPENN'.

Nelly yavuze ko akoresha cyane SPENN agura ama inite yo guhamagara. Avuga ko yanasobanukiwe birambuye ku bijyanye no kuba SPENN itanga inguzanyo nta nyungu.

Ati 'Ugize Imana ukabona umuntu ukuguriza amafaranga atari bufate inyungu runaka, ni ikintu cyiza cyane. Ni ibintu byiza kumva ko bashobora gutanga inguzanyo idafite inyungu.' Yavuze ko yamenye SPENN biturutse ku kuba bakorera mu nyubako imwe ya SPENN.

Yunganiwe na Mugenwa Mark Abel ufite kompanyi yitwa Rokkup, uvuga ko yungutse byinshi ku mikorera ya SPENN n'ubwo amaze igihe ayikoresha.

Uyu musore yavuze ko kuba SPENN ifasha abantu guhererekanya amafaranga nta kiguzi, ari ibintu buri wese akwiye kwishimira kandi agakoresha. Avuga kandi ko kuba inatanga serivisi yo kubona inguzanyo nta nyungu, azashishikariza benshi kuyigana.

Mark yanavuze ko kimwe mu byiza bya SPENN ari uko iyo wizigamiyeho amafaranga bakungukira 4% ku mwaka. 

Ati 'Ahandi hantu henshi dushyira amafaranga ntabwo yunguka, kandi n'ubwo kuyibikaho amafaranga byoroshye no kuyakurakuho biroroshye.' 

Kanda hano urebe amafoto menshi 

Umuyobozi wa SPENN mu Rwanda, Haguma Norbert yavuze ko bahuguye abakorera muri Norssken kugira ngo babahe ibitekerezo ku kuntu babona serivisi SPENN itanga 

Umuyobozi Ushinzwe Ubucuruzi muri SPENN, Kabera Aime wari umusangiza w'amagambo muri iki gikorwa 

Abakorera mu nyubako ya Norrsekn basobanuriwe ko gukoresha SPENN nta kiguzi, urishyura cyangwa ukohereza nta kiguzi cy'amafaranga uciwe 

Umukozi muri kompanyi Pesachoice, Nelly Rwagitara avuga ko bishimishije kuba SPENN itanga inguzanyo idasaba ingwate 

Abafite telefoni zitari 'Smart Phone' bakoresha serivisi za SPENN bakanze *580# 

Abakorera muri Norrsken babwiwe ko SPENN ifite uburyo bwa POS [akamashini gakoreshwa mu kwishyura] 

Mu gihugu hose hari aba agent ba SPENN 600 bafasha abantu gukoresha iyi application

Umuyobozi wa kompanyi Rokkup, Mugenwa Mark Abel yavuze ko amaze igihe akoresha SPENN kandi ko yanyuzwe na serivisi itanga  

Abari bafite ibibazo bibanze cyane ku nguzanyo itangwa na SPEEN, uko umukoresha yishyura abakozi akoresha akoresheje iyi application n'ibindi

 Imyaka ine irashize SPENN iri ku isoko ry’u Rwanda

AMAFOTO: Sangwa Julien-INYARWANDA.COM

Bosco Nshuti akunzwe mu ndirimbo zitandukanye zirangajwe imbere na “Ibyo Ntunze” ifatwa nk’idarapo ry’umuziki we, n’izindi zirimo: “Umutima”, “Utuma nishima”, “Ngoswe n’ingabo”, “Uranyumva”, “Ntacyantandukanya”, “Nzamuzura”, “Ni wowe”, “Dushimire”, “Isaha y’Imana” na “Ni muri Yesu” imaze kurebwa n’abarenga ibihumbi 419 mu mezi 11 imaze kuri Youtube.

Kuri ubu uyu muramyi ari mu myiteguro yo gutaramana n’abakunzi be ndetse n’abandi bose bakunda umuziki wo kuramya no guhimbaza Imana. Yaherukaga gukora igitaramo cye bwite mu mwaka wa 2018, ibisobanuye ko amaze imyaka 4 akumbuwe adakora igitaramo. Igitaramo cya kabiri agiye gukora mu mateka ye, kizaba tariki 30/10/2022.

“Intego yacyo kizaba kitwa ‘Unconditional love’, tuzavugamo urukundo gusa Imana yadukunze nta kindi” Bosco Nshuti aganira na InyaRwanda.com. Yavuze ko impamvu igitaramo cye yacyise ‘Unconditional Love’ ari ukubera ko “Imana yadukunze tukiri abanyabyaha, nta kiguzi twatanze ngo Imana idukunde ahubwo yo yadukunze tukiri babi kuko ari Imana ubwayo ni urukundo”.

Yavuze ko afitiye uruhisho abakunzi b’umuziki we. Ati “Mfite byinshi byiza binyuze mu ndirimbo, izo abantu bazi n’izindi nshya nzaririmbamo kuko ndi gutegura kandi ibintu byiza. Ariko tuzibanda ku kuvuga urukundo ruhebuje twakunzwe nta kiguzi”.

Bosco Nshuti ni izina rikomeye mu muziki wa Gospel. Uretse kuririmba ku giti cye, anabarizwa mu makoli amaze kuba ubukombe ari yo Silowamu ya ADEPR Kumukenke na New Melody choir y’abaririmbyi buje ubuhanga bukomeye. Ni umuhanzi w’umuhanga mu myandikire n’imiririmbire, watangiye kuririmba cyera akiri muto, ahera mu makorali ariko by'umwihariko akaba yaratangiye kuririmba ku giti cye mu 2015. 

Impano ye yamuritswe bwa mbere imbere y’imbaga n’umuramyi Dominic Ashimwe mu gitaramo cyabereye muri New Life Bible Church Kicukiro mu mpera z’umwaka wa 2016. Muri iki gitaramo cya Dominic, uyu muhanzi yavuze ko Bosco Nshuti ari umwe mu bahanzi beza u Rwanda rwungutse. Ibyo Dominic Ashimwe yavuze mu myaka 7 ishize, byabaye impamo.

Tariki 2/09/2018 ni bwo Bosco Nshuti aheruka gukora igitaramo cye bwite “Ibyo Ntunze Live Concert”, cyabereye muri Kigali Serena Hotel. Yari ari kumwe na bamwe mu bahanzi bakunzwe barimo Alex Dusabe, Dominic Ashimwe, Papi Clever na Silowamu choir. Cyitabiriwe n’abantu ibihumbi n’amagana. Nyuma y’imyaka 4, kuri ubu yateguye ikindi gikomete kizaba tariki 30/10/2022.

Atangaje igitaramo nyuma y’iminsi 18 yerekanye umukunzi!

Hashize iminsi 18 Bosco Nshuti yerekanye bwa mbere umukunzi we bitegura ku rushinga. Yamwerekanye ubwo berekanwaga mu rusegero rwa ADEPR Mbugangari i Rubavu mu gutangiza umushinga w’ubukwe bwabo. Umukunzi wa Bosco Nshuti, yitwa Vanessa Tumushime, bakaba bamaranye imyaka 3 bakundana. Berekanwe mu rusengero tariki 14 Kanama 2022.

Icyo gihe Bosco Nshuti yabwiye inyaRwanda.com ko ubukwe bwabo buzaba muri uyu mwaka wa 2022. Yanditse ku rukuta rwe rwa Instagram ko Imana isohoza icyo yavuze, ati “Imenya ibidukwiriye mu gihe nyacyo. Ntacyo yavuze ngo gihere”. Kuri ubu amakuru mashya ahari ni uko itariki y’ubukwe bwabo nayo yamaze kumenyekana. Aba bombi bazakora ubukwe tariki 12 & 19 Ugushyingo 2022.

Bosco Nshuti yateguye igitaramo gikomeye

Bosco Nshuti hamwe n’umukunzi we bitegura kurushinga

REBA HANO INDIRIMBO MURI YESU” YA BOSCO NSHUTI