Webrwanda Backend

Author: webrwanda

  • Igikomangoma George ku myaka 9 cyatangiye gukanga abanyeshuri bigana #rwanda #RwOT

    Nubwo afite imyaka icyenda gusa, ariko igikomangoma George azi neza uwo ari we kandi yagarutse ku bwami ku munyeshuri bigana wamusagariye, nk'uko impuguke w'ibwami yabitangaje.

    Umuhungu w'imfura w'igikomangoma William na Kate Middleton b'imyaka 40, yabwiye umunyeshuri bigana ko se ari Umwami kandi ko 'ari byiza kurushaho kwitonda' nk'uko umwanditsi w'ibwami Katie Nicholl abitangaza.

    Nicholl mu gitabo cye cyitwa The New Royals, yavuze ko George na barumuna be, Igikomangomakazi Charlotte, w'imyaka irindwi, hamwe n'igikomangoma Louis w'imyaka ine, barezwe bumva neza Ingoma ya cyami ndetse no 'kumva ko bafite inshingano'.

    Yongeyeho ko mu gihe George yabwiwe ko umunsi umwe azaba Umwami, igikomangoma n'igikomangomakazi ba Wales bagerageza kutamuremereza bamuha inshingano nyinshi cyane.

    Nicholl yaranditse ati: 'Barera abana babo, cyane cyane igikomangoma George, bamwereka neza uwo ari we n'inshingano azaragwa, ariko bashishikajwe no kutamuhata inshingano.'

    George azi neza ko umunsi umwe azaba umwami kandi nk'umuhungu muto yashwanye n'inshuti ku ishuri, arayibwira ati: “Data azaba umwami ukwiriye kurushaho kwitonda”.'

    Igikomangoma George yatangiye kubwirwa ibyerekeye izi nshingano ze z'ejo hazaza z'uko azaba Umwami w'Ubwongereza ku isabukuru 'y'imyaka irindwi y'amavuko.'

    Igikomangoma George niwe uzaragwa ingoma y'Ubwongereza ubwo se Prince William azaba yatabarutse.

    Ibi bivuze ko nyuma y'umwami Charles III uzakurikiraho ari umuhungu we Prince William hanyuma uyu nawe asimburwe na Prince George ubu ufite imyaka 9.

    Source : https://umuryango.rw/ubuzima-115/imibereho/article/igikomangoma-george-ku-myaka-9-cyatangiye-gukanga-abanyeshuri-bigana

  • Vietnam: Umugore amaze imyaka 41 atunzwe n’amazi gusa #Rwanda #RwOT via @kigalitoday #rwanda #RwOT

    Umugore wo muri Vietnam witwa Ms. Ngon, avuga ko amaze imyaka igera kuri 41 atunzwe n’amazi yonyine, kuko yaretse ibyo kurya, rimwe na rimwe akayavangamo (…)

    Source : https://www.kigalitoday.com/amakuru/mu-mahanga/article/vietnam-umugore-amaze-imyaka-41-atunzwe-n-amazi-gusa

  • Volleyball: Shampiyona y’u Rwanda yagarutse #Rwanda #RwOT via @kigalitoday #rwanda #RwOT

    Ibinyujije ku rubuga rwayo rwa Twitter, ku wa Kabiri tariki 27 Nzeri 2022, Federasiyo y’umukino wa Volleyball mu Rwanda (FRVB), yatangaje ko shampiyona (…)

    Source : https://www.kigalitoday.com/imikino-11/volleyball/article/volleyball-shampiyona-y-u-rwanda-yagarutse

  • RIB yatahuye abantu bari bagiye gucuruza abakobwa muri Oman #rwanda #RwOT

    Muri iyi nkuru RBA dukesha iyi nkuru yaganiriye n’umwe mu banyarwanda bahuye n’iki kibazo n’uburyo yabashije kugaruka mu Rwanda nyuma yo kujyanwa mu gihugu cya Oman.

    RIB ivuga ko nubwo imibare y’abafatirwa mu cyaha cyo gucuruza abantu igenda igabanuka, abantu badakwiye kwirara ahubwo bakirinda amayeri yose akoreshwa n’ abacuruza abantu babizeza ibyiza mu mahanga.

    RIB ivuga ko byumwihariko muri uku kwezi kwa Cyenda yatahuye abantu bari bari kugerageza kujya gucuruza abakobwa muri Oman, ariko bahita babagarura mu gihugu nkuko byasobanuwe na Peter Karake ushinzwe kurwanya iterabwoba muri uru rwego.

    RIB igaragaza kandi ko kubera imiterere mibi y’akazi kanahabanye nako baba basezeranyijwe iyo babonye utabaza wese bihutira kumugarura mu gihugu.

    Mu mwaka wa 2018 habonetse ibirego by’iki cyaha 49, muri 2019 haboneka ibirego 53, muri 2020 haboneka 33, naho mu mwaka wa 2021 haboneka 27, muri uyu mwaka kugeza ubu hamaze kuboneka ibirego byiki cyaha 20.

    Ibi bivuze ko mu myaka ine ishize habonetse ibirego 182, birimo abakorewe iki cyaha 302 barimo abakobwa 231 n’ abahungu 71.

    Muri aba abagera kuri 106 bagiye kugurishwa babeshywa akazi, mu gihe 76 bagiye babeshywe ubukwe cyangwa Urukundo.

    Abacurujwe bagaruwe mu Rwanda ni 56, benshi bakaba baravuye mu bihugu birimo Kuwait 19, Uganda 06, Saudi Arabia 7 na Oman 7.

    RIB ikaba isaba abantu gushishoza cyane cyane mu gihe bizezwa ibitangaza nabantu bahuriye ku mbugankoranyambaga bataziranye imbonankubone.

    Source : http://www.ukwezi.rw/1-1/Amakuru-anyuranye/article/RIB-yatahuye-abantu-bari-bagiye-gucuruza-abakobwa-muri-Oman

  • Kigali : Ikibazo kizwi na Gitifu, Umugore wiyise DEBANDE amereye nabi abaturage , Hari Abambuwe amatungo #rwanda #RwOT

    Abavuga ibi batabaza ,batuye mu kagari ka Nkunzuzu, umurenge wa Bumbogo, akarere ka Gasabo, umujyi wa Kigali.

    Baravuga ko uyu mugore yigize indakoreka iyo aciye ku mirima ye agasanga hari amatungo arisha impande z’umurima ayajyana akayorora ndetse akanabyara bayareba, hari nubwo ayashyira muri butu y’imodoka ye akayajyana kuyabaga inyama akazigurisha mu ibagiro rye.

    Ati :'Yatumazeho amatungo, ndetse n’imyaka yacu ayirandura mu mirima , yitwa Debande iyo tubibwiye ubuyobozi ntacyo batumarira baramutinya n’umunyamafaranga'.

    Uyu mugore wiyise Debande, ntacyo yigize ashaka kuvuga kubyo abaturage bamushinja, yasubije umunyamakuru agira ,ati :'Genda ku murenge wumve icyo bamvugaho baranzi'.

    Umunyamabanga Nshingwabikorwa w’umurenge wa Bumbogo, Nyamutera Innocent,yabwiye TV1 dukesha iyi nkuru ko iki kibazo bakizi, ati :'Imyitwarire y’uyu mugore irazwi, abaturage yahohoteye nabagiriye inama yo gutanga ikirego muri RIB kuko ntiyemewe gufatira ibintu by’umuturage'.

    Uyu mugore bifuza ko yaryozwa ibyo yabanyaze birimo amatungo yabo ndetse akanahanirwa mu ruhame.

    Source : http://www.ukwezi.rw/1-1/Amakuru-anyuranye/Kigali-Ikibazo-kizwi-na-Gitifu-Umugore-wiyise-DEBANDE-amereye-nabi-abaturage-Hari-Abambuwe-amatungo

  • Bamaze imyaka 4 bishyura ingurane z’ibyabo byangijwe hubakwa Umuhanda Nyagatare- Gicumbi #rwanda #RwOT

    Bamwe mu baturage bo mu karere ka Nyagatare bakiri kwishyuza ingurane y’ibyangirijwe n’ikorwa ry’umuhanda Nyagatare-Gicumbi ndetse n’ubutaka bwatwaye n’uyu muhanda,biganjemo abo mu kagari ka Rugari mu murenge wa Mimuri ndetse n’abo mu kagari ka Nyagatare mu murenge wa Nyagatare.

    Aba bavuga ko bamwe muri bagenzi babo bishyuwe ariko kugeza ubu nyuma y’imyaka ine bo bakaba batarishyurwa kandi ntibasobanurirwe impamvu batishyurwa.Ngo iyo bagerageje kwishyuza bahabwa igihe ariko nticyubahirizwe.

    Aba baturage basaba ko imvugo yaba ingiro, maze bagahabwa ibyo bemerewe bakabasha gukodesha ubundi butaka bwo guhingamo, abandi bakabona ayo kugura ibibatunga ndetse no kubasha kwiteza imbere.

    Umuyobozi w’akarere ka Nyagatare Gasana Stephen, avuga ko ibibazo byose birebana n’ubutaka ndetse n’ingurane y’ibyangirijwe n’ikorwa ry’umuhanda Nyagatare-Gicumbi,abaturage basabwa kubigaragaza muri uku kwezi kwahariwe ubutaka kuzarangira tariki 7 Ukwakira uyu mwaka, maze bigahabwa umurongo,arinako bakomeza kwishyurwa.

    Yagize ati “ubu rero ni igikorwa cyo kugenda abantu bishyurwa nacyo kirimo kirakorwa ku bufatanye n’ikigo cy’igihugu gishinzwe imihanda RTDA, nacyo ni ikintu cyumvikana ko uwo imitungo ye yagize ikibazo agomba kwishyurwa”.

    Ubwo yatangizaga ukwezi kw’imiyoborere mu ntara y’Iburasirazuba,Minisitiri w’ubutegetsi bw’igihugu Gatabazi Jean Marie Vianney hari icyo yasabye RTDA mu gucyemura ibibazo by’amamiliyoni y’ingurane k’umuhanda Nyagatare-Gicumbi byabaye karande.

    Yagize ati “inama nziza, ari uvuga n’umunwa, ari uwandika mwarangije kubisuzuma mubikorere raporo mubyandike mushyiremo n’amazina yabo bishyirwe ahantu, noneho dosiye y’umuhanda Rukomo-Nyagatare ushaka kubaza umuntu ajye ayegura, abonemo Ngarama byagenze gutya, Mimuri byagenze gutya bageze mu Rukomo bigenda gutya, bageze Inyamiyaga bigenda gutya byose bibe bibitse. “.

    Ivomo:Isango star

    Source : http://www.ukwezi.rw/1-1/Amakuru-anyuranye/article/Bamaze-imyaka-4-bishyura-ingurane-z-ibyabo-byangijwe-hubakwa-Umuhanda-Nyagatare-Gicumbi

  • Imirimo ivunanye yo mu ngo idahabwa agaciro idindiza abagore mu iterambere #rwanda #RwOT

    Minisiteri y'uburinganire n'iterambere ry'umuryango yagaragaje ko Hirya no hino mu gihugu Abagore bakomeje kudindizwa no guharirwa bonyine imirimo yo murugo ntibabone umwanya wo kujya mubikorwa bibyara inyungu. Yasabye Abagabo guhindura imyumvire bagafatanya n'Abagore iyo mirimo .

    Hashize igihe imiryango iharanira uburengenzi bwa muntu  igaragza ko abagore hirya no hino bakomeje kudindizwa no guharirwa bonyine imirimo yo murugo ntibabone umwanya wo kujya mubikorwa bibyara inyungu. Anatole Uwiragiye ni umukozi w'Umuryango Mpuzamhanga Action AID uharanira ubutabera, uburinganire no kurandura ubukene.

    Yagize ati''Ubu ngubu muri kiriya kigo cy'ubushakashatsi muj gikhugu kigaragaza ko byibura  umugore w'umunyarwandakazi akoresha amasaha makumyabiri n'arindwi mu cyumweru ari amasaha ane ku munsi umugore akoresha kuri iyo mirimo ,ariko ku bagabo ugasanga ni amasaha abiri.''

    Bamwe mu baturage nabo basanga imvune ziba mu mirimo yo murugo ,biwkiye ko abashakanya bayifatanya.

    Umwe yagize ati''Harimo guteka,kujya gushaka inkwi,kujya kuvoma amazi ,gutashya inkwi kumesa,no gukora isuku mu rugo iyo yose ni imirimo usanga abagore bakora abagabo bakababaza ngo wakoze iki, ,kuko buriya nko gufura mu ma hotel umugabo arafura agahembwa,ariko umujgore ntibibarwa kandi igihe ni amafaranga ''

    Mugenzi we ati''Ukuntu abagore n'abagabo bakwiye gufatanya niba umugore aterye umwana ari kurira umugabo yagakwiye kuba ari gushaka inkwi cyangwa ari gucana mu ziko,ikindi bagomba kwiyegereza byabindi bituma imirimo igabanuka birimo kwiyegereza amazi bakagira bya bigega bifata amazi.''

    Kuba kuva cyera imirimo yop murugo yarakorwaga n'abagore cyangwa abakobwa ,nibyo bituma na n'ubu bias n'ibikigora bamwe mubagabo kumva ko bakwiye kuyifatanya nabagore babo. Gusa ngo uko byagenda kosa abagabo bakwiye kwigishwa  bahindura imyumvire n'ubwo byafata igihe kinini .

    Umwe ati''Ibi bintu by'impinduka mu gusaranganya iirimo hagati y'abagize umuryango ariko si abagize umuryango ariko nanone si abagize umuryango gusa bayifatanya kuko ifata igihe  n'iyo umugabo n'umugore bayifatanya n'abana babo bakayikora nk'rugero nk'amazi atigijwe hafi biragoye.''

    Minisiteri y'uburinganire n'iterambere ry'umuryango MIGEPROF isaba ko Abashakanye bafatanya  imirimo yo mu rugo ,abana babo ni ukuvuga abahungu nabahungu n'abakobwa nabo bagatozwa gukora iyo mirimo ,. SILAS NGAYABOSHYA umuyobozi ushinzwe iterambere ry'uburinganire no kongerera abagore ubushobozi muri Migeprof.

    Yagize ati''Politiki nshya ivuguruye y'uburinganire nk'uko yemejwe n'inama y'abaminisitiri mu kwezi kwa kabiri 2021 ivuga neza ko ubusumbane mu mirimo yo mu rugo n'iyo kwita ku bandi itishyhurwa ari ikibazo ku ierambere ry'abagore ndetse n'ikibazo ku burenganzira bwa muntu n'iyubahirizwa ryabwo''

    Ubushakashatsi bwakozwe  n'umuryango Action AID Rwanda  bugaragza ko abagore bo mucyaro aribo badindizwa cyane no guhugira mu mirimo yo murugo ntibabona uko bajya muyindi mirimo yinjiza amafaranga. Nk'ubu abagore bo mucyaro bamara  amasaha 6, muri iyo mirimo mugihe Umugabo wo mu cyaro we aayikora amasaha 2.

    Daniel Hakizimana Flash TV/Radio

    The post Imirimo ivunanye yo mu ngo idahabwa agaciro idindiza abagore mu iterambere appeared first on FLASH RADIO&TV.

    Source : https://flash.rw/2022/09/28/imirimo-ivunanye-yo-mu-ngo-idahabwa-agaciro-idindiza-abagore-mu-iterambere/?utm_source=rss&utm_medium=rss&utm_campaign=imirimo-ivunanye-yo-mu-ngo-idahabwa-agaciro-idindiza-abagore-mu-iterambere

  • Uburusiya bwatangaje intsinzi mu matora ya kamarampaka bwakoze mu turere twa Ukraine bwigaruriye #rwanda #RwOT

    Amatora ane yiswe aya kamarampaka yarangiye mu turere tugenzurwa n'Uburusiya two muri Ukraine – amatora Uburusiya bushobora gukoresha nk'impamvu yo kwiyomekaho ubundi butaka.

    Abategetsi bashyizweho n'Uburusiya bo muri utwo turere, ubu baravuga ko abitabiriye ayo matora atavugwaho rumwe hafi ya bose bashyigikiye ko twinjira mu Burusiya.

    Ayo matora yamaganwe na leta ya Ukraine n'inshuti zayo bavuga ko ari baringa.

    Mu gihe atemewe ku rwego mpuzamahanga, ntabwo yagenzuwe mu buryo bwigenga.

    Ayo matora yabereye mu turere two mu burasirazuba twakuwe kuri Ukraine twa Donetsk na Luhansk.

    Amatora yanabereye mu duce tumwe twigaruriwe n'Uburusiya two mu majyepfo two mu turere twa Kherson na Zaporizhzhia.

    Impunzi zikwiragiye mu Burusiya na zo zemerewe gutorera mu biro by'itora bibarirwa muri za mirongo, harimo no mu karere k'umwigimbakirwa ka Crimea ko mu majyepfo ya Ukraine, kiyometsweho n'Uburusiya mu mwaka wa 2014.

    Aho ngaho, bimwe mu byavuye muri ayo matora byagaragaje ko benshi cyane batoye bashyigikiye ko ubwo butaka bwomekwa ku Burusiya.

    Abantu bagera kuri miliyoni enye basabwe gutora muri utwo turere twashegeshwe n'intambara, tugize hafi 15% by'ubutaka bwose bwa Ukraine.

    Ibiro ntaramakuru bikoreshwa n'ubutegetsi bubogamiye ku Burusiya bwo muri Donetsk na Luhansk birimo gutangaza ko abantu bagera kuri 99.23% batoye bashyigikira ko utwo turere twinjira mu Burusiya – ijanisha riri hejuru ryaba ridasanzwe ku matora yo muri ubu bwoko.

    Harimo guhwihwiswa ko Perezida w'Uburusiya Vladimir Putin ashobora gutangaza ko utwo turere tune twometswe ku Burusiya, mu ijambo ryo ku wa gatanu azageza ku mitwe yombi y'inteko ishingamategeko y'icyo gihugu.

    Mu kwezi kwa gatatu mu 2014, yatangaje ko Crimea yometswe ku Burusiya, hashize iminsi gusa habereye kamarampaka nk'iyo itemewe.

    Mu gihe Uburusiya bwaba bwiyometseho utu turere tune, Uburusiya butagenzura byuzuye, bishobora kwerekeza iyi ntambara ku rundi rwego kandi rubi cyane kurushaho.

    Uburusiya bukaba bwavuga ko ukugerageza uko ari ko kose kwa Ukraine kwo kwisubiza utwo turere ari nk'igitero igabye ku butaka bw'Uburusiya.

    Perezida wa Ukraine Volodymyr Zelensky yashinje Uburusiya “guhonyora bikomeye amategeko-remezo ya ONU” mu kugerageza kwiyomekaho uturere bwigaruriye ku ngufu.

    Ku wa kabiri nijoro, yagize ati: “Iyi kinamico ku butaka bwigaruriwe ntishobora no kwitwa kwigana amatora ya kamarampaka”.

    Perezida Zelensky yongeyeho ko ari “ukugerageza kurimo kwikunda cyane kwo guhatira abagabo bo ku butaka bwigaruriwe bwa Ukraine kwinjira mu gisirikare cy'Uburusiya kugira ngo boherezwe kurwana n'igihugu cyabo kavukire!”

    Ibindi bihano ku Burusiya

    Minisitiri w'ububanyi n'amahanga wa Ukraine Dmytro Kuleba yasabye umuryango w'Ubumwe bw'Uburayi (EU/UE) gufatira Uburusiya ibihano bikaze kurushaho.

    Yagize ati: “Ducyeneye igikorwa gikomeye cyane kandi gishegesha ku bintu byihariye bizazahaza ubukungu bw'Uburusiya.

    “Uko igikorwa kirushaho koroha kuri izo ngirwakamarampaka, ni ko Uburusiya bugira ishyaka [umuhate] kurushaho no kwiyomekaho ubundi butaka”.

    Ubwongereza bwasubije kuri ayo yiswe amatora ya kamarampaka bushyiraho ibindi bihano byibasira abategetsi b'Uburusiya bo ku rwego rwo hejuru bagize uruhare mu ishyirwa mu bikorwa ry'ayo matora.

    Minisitiri w'ububanyi n'amahanga w'Amerika Antony Blinken yongeye kuvuga ko uburengerazuba (Uburayi n'Amerika) nta na rimwe buzemera kwiyomekaho ubutaka kw'Uburusiya, aburira Uburusiya ku “kiguzi [ingaruka] cy'inyongera cyihuse kandi gikaze cyane”.

    Minisitiri w'ububanyi n'amahanga w'Ubufaransa Catherine Colonna, ku wa kabiri wasuye Ukraine, yavuze ko ayo matora ari “ingirwamatora [amatora atari ukuri]”.

    Mu Bushinwa, busanzwe ari inshuti y'Uburusiya, umuvugizi wa minisiteri y'ububanyi n'amahanga Wang Wenbin yavuze ko “ubusugire no kutavogerwa kw'ubutaka bw'ibihugu byose bigomba kwubahwa”, ubwo yasubizaga ikibazo cy'umunyamakuru kuri ayo yiswe amatora ya kamarampaka.

    Perezida Putin yashyigikiye izo yise kamarampaka, avuga ko zakozwe mu rwego rwo guhagarika itotezwa ry'abo mu bwoko bw'Abarusiya n'abavuga Ikirusiya rikorwa na Ukraine – ikirego leta ya Ukraine ihakana.

    Mu ijambo ryanyuze kuri televiziyo, Putin yagize ati: “Kurengera abantu bo ku butaka bwose burimo gukorerwaho iyi kamarampaka kuri imbere mu bitekerezo byacu kandi ni cyo [kintu] gihanzwe amaso n'umuryango mugari [sosiyete] wacu wose n'igihugu”.

    Gutora kwa mbere kwamaze iminsi ine, ubwo abategetsi bashinzwe amatora baherekezwaga n'abasirikare bagasura ingo z'abaturage. Ibiro by'itora byafunguye gusa ku wa kabiri.

    Galina Korsakova, w'imyaka 63, w'i Donetsk, ubwo yari ari ku biro by'itora muri Crimea yabwiye ibiro ntaramakuru AFP ati:

    “Hamwe n'ijwi ryanjye, ndashaka kugerageza gutanga umusanzu muto ku guhagarika intambara.

    “Rwose ndashaka kujya mu rugo”.

    Izo kamarampaka zitemewe zakozwe mu gihe intambara yari ikomeje, ndetse nibura umutegetsi umwe ushinzwe amatora yarishwe, mu gitero cya misile mu mujyi wa Berdyansk wo mu karere ka Zaporizhzhia.

    Kuva Uburusiya bwagaba igitero kuri Ukraine ku itariki ya 24 y'ukwezi kwa kabiri uyu mwaka, abarwanyi n'abasivile bose hamwe babarirwa mu bihumbi za mirongo barishwe cyangwa barakomereka, mu gihe imijyi ahanini yahindutse amatongo (cyangwa ibisigarira mu Kirundi).

    Imibare y'umuryango w'abibumbye (ONU/UN) igaragaza ko Abanya-Ukraine barenga miliyoni 7.4 ubu babarurwa nk'impunzi, barimo abagera hafi kuri miliyoni 2.7 bari mu Burusiya.

    BBC

    Source : https://umuryango.rw/amakuru/mu-mahanga/politiki/article/uburusiya-bwatangaje-intsinzi-mu-matora-ya-kamarampaka-bwakoze-mu-turere-twa

  • RIB yatangiye Iperereza : Bafatiwe mu kabari bifungiranye harimo umuntu wapfuye #rwanda #RwOT

    Umurambo wa nyakwigendera wasanzwe mu kabari ka RUZINDANA Maurice, amakuru akimenyekana inzego z’umutekano zagiyeye nkuko Nadine Kayitesi Umuyobozi w’akarere ka Nyanza wungirije ushinzwe imibereho myiza yabitangaje

    Ati 'RIB yatangiye iperereza.'

    Hari amakuru avuga ko inzego z’umutekano zahageze zigasanga ako kabari gakinze, karimo abantu batatu bikingiranye n’umurambo wa nyakwigendera.

    Abari mu kabari barimo nyirako witwa Maurice Ruzindana, Gloriose Uwimana na Augustin Nsengiyumva bose bahise batabwa muri yombi.

    Uwatanze amakuru yavuze ko nyirakabari bamubajije uko byagenze, avuga ko barwanye kuko hari amafaranga yabuze bari kumwe, hanyuma agahita abakingirana.

    Gusa, abo bari kumwe bavuze ko yishwe na nyirakabari.

    Ati 'Mu bigaragara bariya batawe muri yombi bose bari basinze, kandi kugira ngo bavuge ukuri byari bigoye'.

    Umurambo wa nyakwigendera wari ufite ibikomere ku mutwe, mu gatuza no ku ijosi, byavuzwe ko bashobora kuba bamunize kuko amaraso yaturukaga mu mazuru, no mu maso kandi uruhande rwe hari umugozi w’igare mugufi, na wo uriho amaraso.

    Nyakwigendera asize umugore n’abana batandatu.

    Abatawe muri yombi bajyanwe kuri RIB, sitasiyo ya Kibirizi ngo bakurikiranwe naho umurambo ujyanwa ku bitaro bya Nyanza ngo ukorerwe isuzuma.

    Kajyambere Patrick Umuyobozi w’akarere ka Nyanza wungirije ushinzwe iterambere ry’ubukungu, yasabye abaturage kwirinda ikintu cyose cyatera imfu za hato na hato.

    Ivomo:Umuseke

    Source : http://www.ukwezi.rw/1-1/Amakuru-anyuranye/article/RIB-yatangiye-Iperereza-Bafatiwe-mu-kabari-bifungiranye-harimo-umuntu-wapfuye

  • Uko amanota y’ibizamini bya Leta ateye, ayo uwatsinze atajya munsi #rwanda #RwOT

    Amakuru abagize Inama z’Uburezi mu turere barimo guhererekanya avuga ko umunyeshuri wa mbere urangije umwaka wa Gatandatu w’Amashuri abanza azagira amanota 30, uwa nyuma akagira 0/30.

    Uwatsinze wemererwa gukomereza mu mashuri yisumbuye akaba ari uwagize byibura amanota 5/30, uwabonye munsi yayo akazagirwa inama yo gusibira kuko azaba yatsinzwe.

    Umunyeshuri wa mbere urangije icyiciro rusange cy’ayisumbuye (O’ Level) azaba afite amanota 54, uwa nyuma afite 0/54, ariko uzemererwa gukomeza mu cyiciro cya kabiri cy’ayisumbuye (A Level) akaba ari ufite nibura amanota 9/54.

    Umunyeshuri wa mbere mu barangije amashuri yisumbuye (A level) azaba afite amanota 60, ibyo yaba yiga byose (General Education, Professional Education cyangwa TVET), byose byashyizwe ku rwego rungana.

    Uzaba ashobora guhabwa impamyabumenyi (Certificate) ni ufite nibura amanota 9/60. Ababonye munsi yayo bose bazaba batsinzwe, bakazagirwa inama yo gusibira.

    Umuyobozi ushinzwe Ibizamini muri NESA, Camille Kanamugire, yemeza iby’aya manota agira ati “Nta kibazo kirimo ayo makuru ni yo, ndumva ari ayo umuntu yatanze mu Nama y’Uburezi.”

    Kuri uyu wa Kabiri tariki 27 Nzeri 2022, hatangajwe amanota y’abanyeshuri barangije amashuri abanza mu mwaka w’Amashuri wa 2021/2022.

    Source : http://www.ukwezi.rw/1-1/Amakuru-anyuranye/article/Uko-amanota-y-ibizamini-bya-Leta-ateye-ayo-uwatsinze-atajya-munsi