Author: webrwanda
-
Amakipe 4 yo mu Bwongereza azakina 1/8 cya UEFA Champions League, Barcelona na Juventus zisanze muri Europa League #rwanda #RwOT
Mu ijoro ryo kuri uyu wa gatatu tariki ya 2 Ugushyingo 2022, nibwo hasojwe imikino yo mu matsinda ya UEFA Champions League yasie amakipe ane yo mu gihugu cy'u Bwongereza ageze muri kimwe cya munani cy'iri rushanwa rihuza amakipe yitwaye neza ku mugabane w'i Burayi.
Ni imikino yaraye ihuje amakipe yo mu itsinda rya Gatanu kugeza mu itsinda rya munani, mu gihe kuwa kabiri w'iki cyumweru hari hakinwe imikino yo mu itsinda rya mbere kugeza mu itsinda rya Kane.
Mu matsinda umunani yari yapanzwemo amakipe ane ane, hakinwe imikino 6 kuri buri kipe bityo amakipe abiri ya mbere abona itike yo gukomeza muri 1/8 cya UEFA Champions League naho ikipe gatatu muri buri tsinda yerekeza muri Europe League.
Nyuma y'iyo mikino amakipe yabonye itike ya 1/8 ni: Bayern Munichen, Benfica Lisbon, Chelsea, Club Brugge, Dortmund, Frankfurt, Inter Milan, Leipzig, Liverpool, Manchester City, Milan AC, Napoli, Paris St Germain, FC Porto, Real Madrid na Tottenham.
Amakipe 8 yabaye aya gatatu yahise ajya muri Europa League ni: Ajax Amsterdam, Barcelona, Bayer Leverkusen, FC Salzburg, Juventus, Sevilla, Shakhtar Donetsk na Sporting CP.
Iri rushanwa rya UEFA Champions League 2022-2023 ryatangiye tariki ya 21 Kamena 2022, kuva icyo gihe kugeza hamaze gukinwa imikino 96 yabonetsemo ibitego 304.Rutahizamu wa PSG yo mu Bufaransa, Kylian Mbappe na Muhammed Salah wa Liverpool yo mu Bwongereza nibo bakinnyi basoje amatsinda bafite ibitego byinshi, kugeza ubu buri umwe wese afite ibite birindwi.
Tombola y'uko amakipe azahura muri 1/8 cy'irangiza biteganyijwe ko izaba tariki ya 7 Ugushingo 2022, ni Tombola izabera mu Busuwisi hashakishwa ikipe izegukana igikombe cy'uyu mwaka , biteganyijwe ko umukino wa nyuma uzakinirwa kuri Atatüek Olympic Stadium iherereye mu mujyi wa Istanbul wo muri Turkey. The post Amakipe 4 yo mu Bwongereza azakina 1/8 cya UEFA Champions League, Barcelona na Juventus zisanze muri Europa League appeared first on RUSHYASHYA.
-
Miss (Nyampinga) wa Argentine n'uwa Puerto Rico batangaje ko bashakanye #rwanda #RwOT
Uwabaye Miss Argentine n'uwabaye Miss Puerto Rico batunguye benshi ubwo batangazaga kuri Instagram ko bashakanye. Ni Mariana Varela wa Argentine na Fabiola Valentín wa Puerto Rico bahuriye mu irushanwa rya Miss Grand International 2020 nyuma y'uko bombi babaye ba 'Nyampinga' mu bihugu byabo muri uwo mwaka.Â
Nyuma y'uko aba bombi bageze mu 10 ba mbere muri iryo rushanwa ryabereye muri Thailand, bagiye bagaragaza ubucuti bukomeye ku mbuga nkoranyambaga nk'uko bivugwa na CNN.
People Magazine, ivuga ko ku cyumweru banditse kuri Instagram yabo mu rurimi rw'Igisipanyole bati:' Nyuma yo kwiyemeza kugira ibanga umubano wacu, twafunguye imiryango yawo ku munsi udasanzwe. 28/10/22
'Â .Varela w'imyaka 26, na Valentín w'imyaka 22, bagaragaje video itunganyije irimo amafoto y'uko bakundana, uko basabanye kubana, impeta bambikanye, n'ibindi bihe by'ibyishimo byabo n'inshuti zabo.
CNN ivuga ko aba bombi bashyingiranywe mu mujyi wa San Juan muri Puerto Rico tariki 28 z'ukwezi gushize k'Ukwakira 2022.
Abantu batandukanye barimo abagiye mu marushanwa y'ubwiza nkuko BBC dukesha iyi nkuru ibitangaza, bifurije Varela na Valentín ibihe byiza. Abena Akuaba umunya-Ghana umuririmbyi akaba n'uwatsinze irushanwa rya Miss Grand International 2020 yanditse abashimira yongeraho ati: 'MGI yakoze uguhura kwiza.'
intyoza
-
U Rwanda rwagaragarije amahanga uko ikoranabuhanga rifasha mu guhangana na ruswa #rwanda #RwOT
Guverinoma y'u Rwanda yagaragarije ibindi bihugu bya Afurika, uburyo ikoranabuhanga rifasha mu guhangana na Ruswa n'ibifitanye isano n'ayo.
Ni mugihe ubu Komisiyo zishinzwe uburenganzira bwa muntu mubihugu bya Afurika ikoresha igifaransa, zigaragaza ko Ruswa iri biri mubikomeje guhutaza uburenganzira bwa muntu kuri uyu mugabane.
Ni mubiganiro bihuje izi Komisiyo hano I Kigali byatangiye kuri uyu wa 2 Ugushyingo 2022.
Ibihugu byinshi bya Afurika bikunze kuza mu bihugu by'imbere mu birangwamo ruswa nyinshi, nk'uko Raporo zitandukanye z'umuryango mpuzamahanga Transparency international zibigaragza.
Ruswa n'ibifatanye isano nayo ngo bikomeje gukoma mu nkokora iyubahirizwa ry'uburengenzira bwa muntu kumugabane.
Madame Namizata Sangare, ukuriye Komisiyo y'uburengenzira bwamuntu muri Cote d'Ivoire, akaba anayobora ihuriro rya za Komisiyo z'uburengenzira bwa muntu mu bihugu bya Afurika ikoresha uririmi rw'igifaransa arabisobanura.
Ati 'Nkatwe nk'abarengera uburengenzi bwa muntu, dukwiye gufasha za Leta ibyo bikorwa bya ruswa, bihungabanya uburengenzira bwa muntu. Naguha nk'urugero niba hari nk'amafaranga agenewe kubaka ibitaro ariko amafaranga akarigiswa, bivuze ko uburengenzira bw'umuturage bwo kwivuza buhutajwe.'
U Rwanda ni kimwe mu bihugu bya Afurika Transapareny Internatuiona igaragaza ko birimo ruswa nke, kuko raporo y'uyu muryango iheruka yarushyize ku myanya wa Gatanu muri Afurika.
Nubwo bimeze gutya ariko abaturarwanda, bavuga ko mu nzego zitandukanye hakigaragamo ruswa, ihutaza uburengenzira bwabo .
Umwe ati ' Ruswa hariho ubona igabanuka, ariko byagera mu bice by'icyaro aho bita mu nzego z'ibanze, irarushaho kwiyongera.'
Undi ati ' Sinzi icyo Leta yakora ngo irandure iyo ruswa, kuko iyo umuntu afite Kompanyi ye, aba yumva yaha akazi uwo ashaka.'
Komisiyo y'Igihugu y'Uburengenzira bwa Muntu mu Rwanda, igaragaza nubwo igihugu gikunze kuza mu myanya y'imbere muri Afurika mu kubamo ruswa nke, ngo hari ahagikenewe gushyirwa imbaraga.
  Mukasine Marie Claire ni umuyobozi w'iyo Komisiyo.
Ati 'Ahakenewe imbaraga uko tubireba, tubona dukeneye kwigisha abantu kugira ngo babone uburenganzira bwabo. Kuko hari abayitanga ariko baramutse bahagaze ku burenganzira bwabo, ahubwo batanga amakuru aho kugira ngo batange ruswa. '
Guverinoma y'u Rwanda igaragaza gukoresha ikoranabuhanga nk'imwe mu ngamba ikomeye, yafashisje mu kuziba ibyuho bya ruswa muri servise zitandukanye.
 Icyakora ngo biracyakenewe ko n'abantu batanga amakuru y'ahari ruswa, ndetse hagashyirwa n'imbaraga mu guhana abo yagaragayeho, Solina Nyirahabimana, ni  Umunyamabanga wa Leta muri Minisiteri y'Ubutabera, ushinzwe Itegeko Nshinga n'andi mategeko.
Ati 'Nko kuzana ikoranabuhanga aho rituma sisiteme zihuta servise zikihuta zikagera kubo zigenewe, kandi vuba hatanabayeho imiganirire y'abantu ari nayo ijya izanamo rimwe na rimwe ibyuho bya ruswa. Ariko siho honyine ni nayo mpamvu aho wahafungira ariko dukangurira abantu bose gukora uko bashoboye, kugira ngo ruswa tuyirwanye noneho naho yabonetse tuyirwanye.'
Kuri ubu Abayobora Komisiyo z'igihugu zishinzwe uburenganzira bwa muntu, mu bihugu bya Afurika biri mu muryango w'ibikoresha igifaransa, bari mu biganiro mu Rwanda barebera hamwe uruhare rwa komisiyo bayoboye mu guhangana na ruswa.
Daniel Hakizimana
The post U Rwanda rwagaragarije amahanga uko ikoranabuhanga rifasha mu guhangana na ruswa appeared first on FLASH RADIO&TV.
-
Imiryango ya Living Free n’uwa Teen Challenge igiye gukora ubukangurambaga ku kurwanya ibiyobyabwenge mu rubyiruko #Rwanda #RwOT via @kigalitoday #rwanda #RwOT
Mu Rwanda hagiye kubera ubukangurambaga ku kurwanya ibiyobyabwenge, iki gikorwa kikaba kizitabirwa na bamwe mu bantu bakomeye ku Isi, bazaba baje mu (…)
-
Gen Kabarebe yasubije abikanga intambara hagati y’u Rwanda na Congo #rwanda #RwOT
Mu kiganiro Gen Kabarebe yagejeje ku banyeshuri ba Kaminuza y’u Rwanda ishami ryigisha ikoranabuhanga, yavuze ko u Rwanda rurwana intambara zisobanutse.
Ati 'Kuriya kwigaragambya ko ku mipaka, ntabwo Abakongo basara bakaza bagatuka u Rwanda ku mupaka, bagatera amabuye ngo ibyo bibe ari byo bishora u Rwanda mu ntambaraâ¦.
Intamabra utoranya iyo uri burwane n’iyo utari burwane, wajya mu ntambara kurwana n’umusazi ? Umusazi uramwihorera ariko nyine ukaba washyizeho akagozi atagomba kurenga.'
Yavuze ko u Rwanda rutapfa guhubuka ngo 'umuntu yateye ibuye, ngo yatwitse idarapo'.
Ati 'U Rwanda rurwana intambara zifite impamvu zigaragara zirengera igihugu , ariko ntabwo rwajya mu bushotoranyi, no gusubiza bitarimo ubwenge ntabwo ari byo.'
Gen Kabarebe yasobanuriye abanyeshuri ba Kaminuza y’u Rwanda indangagaciro zaranze Inkotanyi ku rugamba, ndetse ababwira ko u Rwanda rw’ubu ruri mu maboko yabo.
Yagize ati 'Hariho igitekerezo cyo kuvuga ngo Abanyarwanda ntibateze kuziyobora n’ubundi ibi bihugu duturanye bisanzwe bifite Abanyarwanda babituyemo, bityo rero buri gihugu gifate agapande.'
Kabarebe yavuze ko ibyo bitekerezo byari bihari byahise biba umukoro RPF-Inkotanyi wo kongera kugarura igihugu, no kugicungira umutekano, no kongera kucyubaka no kugiha imbaraga igihugu gikwiye, ndetse yemeza ko byakozwe.
Yagize ati 'Aho cyavuye ni aho, aho kigeze murahabona ni mwe mugomba kuzuza kugeza ku gihugu cyifuzwa, kandi giteye imbere, cyane ko bishoboka urebye aho twavuye n’aho tugeze.'
Yakomeje agira ati 'Nta mpamvu n’imwe yatuma uvuga ko u Rwanda rutakwitwa igihugu giteye imbere muri aka karere, kandi ntibishoboka ko dusubira inyuma kuko byose, biri mu maboko yanyu.'
-
Gen Kabarebe yagaragaje ko u Rwanda rufite ubushobozi bwo kwirwanaho ku warugabaho igitero #Rwanda #RwOT via @kigalitoday #rwanda #RwOT
Ubwo yaganirizaga abanyeshuri bo muri Kaminuza y’u Rwanda, ishami ry’Ubumenyi n’Ikoranabuhanga ku wa Gatatu tariki 02 Ugushyingo 2022, Umujyanama wa Perezida (…)
-
Kamonyi: Minisitiri Mukeshimana yasabye abahinzi ba Koperative COAMILEKA kuba intangarugero #rwanda #RwOT
Minisitiri w'Ubuhinzi n'ubworozi, Mukeshimana Gerardine yifatanyije n'abahinzi bakorera ubuhinzi muri Koperative ya COAMILEKA. Ba bagaye ibigori banashyiramo ifumbire bahawe na Leta ku buntu. Yabasabye gukomeza kuba intangarugero mu buhinzi n'ubworozi, bagakomeza gukora ubuhinzi buhindura ubuzima bwabo n'imiryango yabo.
Ibi, Minisitiri Mukeshimana yabigarutseho mu muganda wo kwifatanya n'abo bahinzi mu buhinzi bakorera mu gishanga cya Gikoro kiri kuri Hegitari 86 kibarizwa hagati y'imirenge ya Karama, Gacurabwenge na Rukoma ho mu karere ka Kamonyi.
Yagize ati' Turabagaye ndetse tunateye ifumbire ya DAP na URE kuri ibi bigori. Mukomeze kuba intangarugero mu buhinzi n'ubworozi mukora kuko muzwiho kuba intangarugero, ariko mukomeze guharanira ko mwabona umusaruro mwinshi wabafasha kwiteza imbere. Mugomba no kugira intego nziza kuko Leta yabunganiye kubera ubushobozi buke tuziko mufite'. Akomeza yibutsa abahinzi ko umurimo w'Ubuhinzi ukozwe neza watunga benshi.
Umuhinzi Mukundente Devotha, yabwiye intyoza.com ko bashimira Leta y'u Rwanda yabahaye ifumbire yo kwifashisha. Ahamya ko iyo Leta itaza kubatekerezaho bari bamaze kwiheba ko umusaruro utazaboneka neza.
Yagize ati' Rwose turashima Leta yadufashije ikaduha ifumbire yo gushyira mu bihingwa byacu kuko intege zacu zararangiye kubera ubukene. Nibura ukwiheba kwacu kuragabanutse nubwo imvura yabuze bikaba byagabanya umusaruro wacu'.
Rubayita, yagize ati' Twagize impungenge bitewe n'izuba ryabaye ryinshi ariko nubwo twebwe tubona amazi hano hari abandi bakwiye kwitabwaho kuko bagira ibishanga bitagira amazi menshi, ahubwo usanga bo igishanga cyumye kandi nawe urebye reba n'aha dufite amazi hari ibice usanga byarumye! Wenda aka gafumbire karaza kudufasha bihembuke tugire intege zo kubivomerera dukoresheje amabasi n'ibindi bitewe n'aho dukura amazi'.
Umuyobozi w'Akarere ka Kamonyi, Dr Nahayo Sylvere avuga ko abahinzi bakwiye gukora bagamije gukomeza kwiteza imbere, bagafasha Igihugu gukomeza guhangana n'ibihe by'amapfa, aho usanga abaturage batabasha kweza nkuko biba bisanzwe mu gihe cy'imvura.
Muri aka karere, habarurwa hegitari zisaga 1362 zihujwe mu bishanga. Izigera kuri 800 nizo zishobora kubona amazi zikavomererwa, ariko hakaba izigera kuri 562 zizagira amapfa kubera amazi macye adashobora guhaza ibihingwa bihahinze.
Nubwo aba Bahinzi bavuga ibi, hari abandi baturage bemeza ko uburyo bwo kuvomerera ibihingwa biri mu bishanga bibagora. Basaba ko haboneka ubundi buryo bwo kuvomerera ndetse hagatekerezwa n'uko inkuka z'ibyo bishanga byakwitabwaho hagamijwe kongera umusaruro.
Akimana Jean de Dieu
-
Agasembuye kandagaje Mukerarugendo w' Umwongereza ashaka kurwana na polisi yambaye ubusa #rwanda #RwOT
Umukerarugendo w'Umwongereza wari wasinze cyane yisanze yambaye ubusa ku mucanga wo muri Thailand nyuma yo kwizihiza umunsi w'amavuko bagenzi be bakamusiga.
Uyu mugabo yafashwe amashusho abwira abapolisi ko atibuka ibyabaye mu minsi ibiri yari ishize.
Uyu mugabo ukomoka mu gace ka Epsom, muri Surrey,mu Bwongereza ngo yanyoye inzoga n'urumogi [remewe mu gihugu cya Thailand] ubwo yizihizaga isabukuru y'imyaka 30 ku ya 28 Ukwakira.Uyu kandi yabwiye aba bapolisi ko hari n'ubukwe yari yajemo muri iki gihugu.
Abaturage bo ku kirwa cya Koh Samui batunguwe no kubonye bukeye bwaho agenda agwirirana yambaye ubusa buri buri ku mucanga,anaririmba 'indirimbo z'abafana b'umupira w'amaguru'.
Bamwe batangaye ubwo yinjiraga mu nyanja hanyuma akoga akagera kure y'inkombe.
Abarobyi b'abagiraneza bagerageje gufasha uyu mwongereza wari wenda kurohama, bivugwa ko yanabashoyemo amahane.
Bavuga ko yavugije induru ngo 'mugende muhure n'Imana' anagerageza kubakurura abajyana mu nyanja.
Abapolisi bari bumiwe bahageze bakururira uwo mugabo ku nkombe ariko ahagarara yambaye ubusa ku mucanga yigaragambya, avuga ko ashaka gutekereza cyane [meditation].
Amashusho yafashwe n'abenegihugu yerekana abapolisi bazana uyu mugabo w'Umwongereza ku nkombe, hanyuma avugana n'umusemuzi.
Umusemuzi yamubwiye ati'Yego ndabyumva, ariko mu by'ukuri ntabwo ari igihe gikwiye cyabyo.Ufite [arabara] abapolisi 12 hamwe nawe.
Uyu mugabo yamusubiza ati: 'Oya, ntabwo ndasubira inyuma. Reka mpangayikishijwe no gusubira inyuma reka nduhuke. Naje hano mu bukwe.”
Amaherezo abapolisi bajyanye uyu mwongereza kuri sitasiyo yo hafi aho aho yapimwe ibiyobyabwenge,bakamurekura.
Uyu mugabo w'Umwongereza yaciwe amande kubera imyitwarire idahwitse mu ruhame ariko azemererwa gusubira mu Bwongereza igihe ikiruhuko cye kizaba kirangiye.
Muri hoteri ye habonetse udupaki twinshi tw'urumogi ariko abapolisi ntibazamukurikirana kuribyo kuko ruherutse kwemerwa mu gihugu.
Umurobyi warokoye uyu mugabo yambaye ubusa nawe yavuze ko atazamurega kuko ngo ibyo yakoze yabitewe n'inzoga kandi ngo ashobora kuba ari umuntu mwiza ubusanzwe.
-
RIB yafunze abayobozi babiri bo muri Komite Olempike #rwanda #RwOT
Abayobozi babiri muri Komite Olempike batawe muri yombi Bakekwaho kohereza muri misiyo mu Bwongereza abashuti babo bitiriwe abo batari bo, kugira ngo babashe kujya muri ubu butumwa hakoreshejwe ibyagombwa by'ibihimbano.
Nk'uko byatangajwe n'umuvugizi wa RIB, Thierry Murangira, abafunzwe ni Mukundiyukuri Jean de Dieu usazwe ari Umuyobozi Nshigwabikorwa wa Komite Olempike y'u Rwanda na Mugisha Jean Jacques ushizwe porogaramu za Commonwealth n'abakinnyi b'imikinongororamubiri.
Murangira yatangaje ko aba bombi batawe muri yombi ku ya 1 Ugushyingo, ubu bakaba bafungiye kuri sitasiyo ya RIB ya Kicukiro.
Nk'uko RIB ibitangaza, aba bombi bakekwaho ibyaha bibiri birimo inyandiko mpimbano no gufata icyemezo gishingiye ku gutonesha, ubucuti, cyangwa icyenewabo.
Byongeye kandi, yatangaje ko ku ya 10 Ukwakira, RIB yakiriye ibirego bombi bahita batangira gukorwaho iperereza.
Murangira yagize ati: “Ibi byaha bikekwa kuba byarakozwe mu gihe cyo gutegura ikipe y'u Rwanda yagombaga kwitabira imikino ya Commonwealth yabaye kuva ku ya 28 Nyakanga kugeza 8 Kanama uyu mwaka.”
Mbere, bakorwagaho iperereza badafunzwe.
Ikinyamakuru The New Times dukesha iyi nkuru kivuga ko cyamenye ko komite nyobozi yabanje kubahagarika ukwezi kumwe kuva ku ya 29 Nzeri kugeza ku ya 29 Ukwakira, nyuma yo kubona ko aba bombi basabye viza ku bantu barindwi batari muri delegasiyo kugira ngo bajye i Birmingham muri iriya mikino binyuze muri komite olempike nta n'umwe babimenyesheje mu bagize komite nyobozi.
Iyo guhimba byakozwe n'umukozi wa Leta mu murimo ashinzwe cyangwa n'undi ushinzwe umurimo w'igihugu, igihano kiba igifungo kitari munsi y'imyaka 7 ariko kitarenze imyaka 10, n'ihazabu y'amafaranga y'u Rwanda atari munsi ya miliyoni 2 Frw ariko atarenze miliyoni 3 Frw, cyangwa kimwe gusa muri ibyo bihano.
Ni mu gihe icyaha cyo gufata icyemezo gishingiye ku itonesha, ubucuti, urwango, ikimenyane cyangwa icyenewabo, uwo gihamijwe ahanishwa igifungo kirenze imyaka itanu ariko kitarenze imyaka irindwi, n'ihazabu y'amafaranga y'u Rwanda atari munsi ya miliyoni 1 Frw ariko atarenze miliyoni ebyiri z'amafaranga y'u Rwanda.