Author: webrwanda

Ikipe ya Maroc nayo yabaye indi kipe itungura abakunzi ba ruhago mu gikombe cy'isi kuko yakubitiye Ababiligi muri Qatar ibitego 2-0 ihita yiyongerera amahirwe yo kugera mu mikino yo gukuranamo.

Ibitego bya Abdelhamid Sabiri kuri coup franc nziza cyane na Zakaria Aboukhlal nibyo byatumye Ububiligi buri ku rwego rwo hasi butaha bwubitse umutwe.

Muri uyu mukino,Ububiligi bukinisha abakinnyi bakuze ariko bari ku rwego rwo hasi nka Eden Hazard,Jan Vertonghen na Tobby Alderweireld bwananiwe guhangana n'urubyiruko rwa Maroc rwaje muri iri rushanwa ruri hejuru cyane.

Iyi kipe ya Martinez ntabwo yatunguye benshi kuko nyuma yo kurokoka bigoranye Canada yakinaga umupira uvuduka cyane,yahuye n'abandi basore bashoboye itsindwa mu minota ya nyuma.

Igitego cya mbere cya Maroc cyatsinzwe na Abdelhamid Sabiri ku munota wa 73 kuri coup franc yari mu ruhande,hanyuma ku munota wa 2 mu yongerewe kuri 90 y'umukino,Zakaria Aboukhlal atsinda igitego cyiza ku mupira mwiza yahawe na Hakim Ziyech.

Ni intsinzi itanze icyizere kuri Maroc nyuma yo kunganya na Croatia, barasabwa kunganya na Canada bakajya muri 1/16.

Ku rundi ruhande,umutoza wa Maroc,Regragui yashimye cyane Hakim Ziyech Ati”N'umukinnyi utangaje.Abantu benshi bavuga ko Hakim agoye gutoza ariko icyo nabonye nuko iyo umuhaye icyizere n'urukundo yagupfira.”

Mu wundi mukino wabaye,Ubuyapani bwari bwakanze isi butsinda Ubudage ibitego 2-1,bwatsinzwe igitego 1-0 na Costa Rica yari yatsinzwe na Espagne ibitego 7-0.

Source : https://umuryango.rw/imyidagaduro/imikino/article/maroc-yatunguye-isi-yose-itsinda-ububiligi-mu-gikombe-cy-isi

Nyuma yo gutsindwa na Gasogi United 3-1 ku munsi wa 11 wa shampiyona, Mvukiyehe Juvenal, umuyobozi wa Kiyovu Sports yavuze ko bahagaritse umutoza Alain André Landeut.

Perezida Mvukiyehe Juvenal yavuze ko yahise ahagarika umutoza André Landeut kuko we na bagenzi be batakwihanganira umuntu uza gukinira mu byo baba barashoyemo amafaranga.

Ati “Tugomba gufata imyanzuro ikomeye kuko hari igihe umutoza cyangwa undi muntu ashobora kuza agakora ibyo ashaka yumva, akangiza ikipe kandi hari abantu baba bashoyemo amafaranga, ubwo rero hari imyanzuro namubwiye ko uyu munsi atongera gutoza ahagarara, atongera gutoza ibindi azaza ku kazi tukamubwira imyanzuro twamufatiye, ni yo mpamvu wabonye nagiye kuvugana na we.”

Landeut yahagaritswe nyamara yari aheruka gutsinda Rayon Sports.

Biratangaje kuba Kiyovu Sports yahagaritse umutoza kandi ari ku mwanya wa 2 n'amanota 21 ku rutonde rwa shampiyona, ruyobowe na Rayon Sports ifite 22 n'aho APR FC ikagira 19 ku mwanya wa 3.

Landeut ashobora kuba umutoza wa 3 utandukanye n'ikipe nyuma y'iminsi 11 ya shampiyona.

Source : https://umuryango.rw/imyidagaduro/imikino/article/perezida-wa-kiyovu-yahagaritse-umutoza-amushinja-gukinira-mu-byo-bashoyemo

Ikipe ya Musanze FC yatsinze Rayon Sports mu mukino w'umunsi wa 11 wa shampiyona ibitego 2-0 mu gihe Kiyovu Sports nayo yongeye kwihanizwa na Gasogi United iyitsinda ibitego 3-1.

Agahinda n'umubabaro ni byose ku bafana n'abakinnyi b'aya makipe akurikiranye muri shampiyona kuko yatsinzwe arushwa nabo bari bahanganye.

Mu mukino wabereye kuri stade Ubworoherane,Rayon Sports yatsinzwe ibitego 2-0 ndetse inahabwa ikarita itukura yahawe Ndizeye Samuel wakoreye ikosa rikomeye Ndahayo Valerie kugeza ubwo Ambulance imutwaye.

Ku munota wa 84 Rayon Sports yatsinzwe igitego cya mbere cyatsinzwe na Peter Agbrevor ku mupira yari ahawe na Niyonshuti Gad wari uwuzamukanye.

Nyuma y'iminota 2 ku munota wa 86 Musanze FC yabonye igitego 2 cyatsinzwe na Namanda Wafula ku mupira yari aherejwe na Mbogamizi Patrick wazonze cyane iyi kipe ikunzwe cyane mu Rwanda.

Ku rundi ruhande,Ikipe ya Gasogi United iri mu zatesheje igikombe Kiyovu Sports umwaka ushize,yongeye gusubira urucaca irutikura ibitego 3-1.

Ibitego bya Gasogi United byatsinzwe na Malipangu watsinze bibiiri ku munota wa 14',n'uwa 76 kuri penaliti naMackenzie kuwa 90+5,Mu gihe Kiyovu yatsindiwe na Fiston.

APR FC yo yahagamwe na Mukura VS banganya 0-0.

Nubwo yatsindiwe i Musanze, Rayon Sports iracyayoboye urutonde rw'agateganyo rwa shampiyona n'amanota 22,ikurikiwe na Kiyovu na 21 mu gihe APR FC ifite 19 ku mwanya wa 3.

Uko imikino yagenze:

Kiyovu Sports 1-3 GASOGI UNITED
MUSANZE 2-0 Rayon Sports
Mukura VS 0-0 APR FC
RWAMAGANA FC 1-0 Espoir FC

Urutonde:

1. Rayon Sports 22 Pts
2. Kiyovu Sports 21 Pts (+1)
3. APR FC 19 Pts
4. Gasogi United 18 Pts

Source : https://umuryango.rw/imyidagaduro/imikino/article/rayon-sports-na-kiyovu-sports-zaherewe-isomo-rya-ruhago-umunsi-umwe

Source : https://www.kigalitoday.com/ibidukikije/ibimera/article/kubungabunga-ibidukikije-bifitanye-isano-no-kurengera-uburenganzira-bwa-muntu-mukasine

Source : https://www.kigalitoday.com/amakuru/amakuru-mu-rwanda/article/iburasirazuba-bateye-ibiti-by-imbuto-zizabunganira-mu-mirire-myiza

Umutwe wa M23 wavuze ko utatumiwe muri Kenya ahagiye kubera ibindi biganiro byiga ku kibazo cy'umutekano muke mu Burasirazuba bwa Repubulika ya Demokarasi ya Congo.

Kuri uyu wa mbere, Tariki ya 28 Ugushyingo 2022, nibwo I Nairobi muri Kenya hazabera ibindi biganiro bizahuza leta ya RDC n'imitwe yitwaje intwaro iri mu burasirazuba bw'iki gihugu ariko M23 ntiyatumiwe.

Umuvugizi wa Gisirikare wa M23, Major Willy Ngoma yabwiye BBC ko batazitabira ibi biganiro kuko batabitumiwemo.

Yagize ati 'Oya, ntabwo twatumiwe i Nairobi'.

Mu biganiro bimaze iminsi bibera i Luanda n'i Nairobi, M23 ntiyigeze ihagararirwa, ku buryo ibyemezo byafatwa uyu mutwe uvuga ko bitawureba.

Leta ya Congo ishinja M23 kuba ari umutwe w'iterabwoba, mu gihe yo ivuga ko irwanira uburenganzira bw'abaturage b'iki gihugu bavuga Ikinyarwanda bagiye bakunda guhezwa.

Source : https://umuryango.rw/amakuru/mu-mahanga/umutekano/article/umutwe-wa-m23-wongeye-guhezwa-mu-biganiro-byo-muri-kenya

Musanze FC yatsinze Rayon Sports mu mukino w’umunsi wa 11 wa shampiyona ya 2022-23 yakinnye idafite abatoza.

Musanze yari imaze iminsi itangaje ko umutoza mukuru wa yo ukomoka muri Kenya, Frank Ouna adahari aho yagiye kwivuza ndetse n’umwugiriza we Mushimiyimana Maurice Maso adahari aho yagiye kwiga muri Uganda yatsinze Rayon Sports yasoje ari abakinnyi 10 ibitego 2-0.

Ku munota wa 26 Peter Agblevor yazamukanye umupira aca kuri ba myugariro ba Rayon Sports, akata umupira uca imbere y’izamu habura umuntu ukozaho akaguru, umupira urengera mu rundi ruhande.

Ku munota wa 40 Uwiringiyimana Christophe yabonye ikarita y’umuhondo ku ikosa yari akoreye Onana ikosa rihanwa na Iraguha Hadji wateye umupira mu nguni, Steven Ntaribi umupira awutereka muri koroneri.

Ku munota wa 45 Ndizeye Samuel yabonye ikarita itukura ku ikosa yari akoreye Nduwayo Valeur wahise ajyanwa kwa muganga hinjiramo Nshimiyinama Celemnet. Igice cya mbere cyarangiye 0-0.

Mu gice cya kabiri Rayon Sports yakoze impinduka, Tuyisenge Arsene ava mu kibuga Hinjiramo Kanamugire Roger. Ku munota wa 54, Musanze FC yabonye uburyo bw’igitego ku mupira wari uzamukanwe na Harerimana Obed, awuhereza Peter wasigaranye n’umunyezamu ashota umupira urenga izamu.

Ku munota wa 65 Musanze FC yakoze impinduka Ben Ocen yavuye mu kibuga Dufitumufasha Pierre. Musanze FC yagumye kuganza Rayon Sports ndetse inagenzura imikinire yayo, gusa uburyo bw’ibitego bukanga. Ku munota wa 75 Rayon Sports yabonye uburyo bw’igitego, ku mupira muremure watewe na Iraguha Hadji umupira Ntaribi Steven awushyira muri koroneri.

Ku munota wa 84 Rayon Sports yatsinzwe igitego cya mbere cyatsinzwe na Peter Agblevor ku mupira yari ahawe na Niyonshuti Gad.

Nyuma y’iminota 2 ku munota wa 86 Musanze FC yabonye igitego 2 cyatsinzwe Namanda Wafula ku mupira yari aherejwe na Mbogamizi Patrick wakinnye neza uyu mukino, wanabaye umukinnyi w’umukino. Iminota 90 y’umukino yarangiye nta kipe yongeye kureba mu izamu.

Mu yindi mikino yabaye, APR FC yanganyije na Mukura VS 0-0, Rwamagana City itsinda Espoir FC 1-0 n’aho Kiyovu Sports itsindwa na Gasogi United 3-1.

Ejo hashize Gorilla FC yatsinze Police FC, Rutsiro inganya na Etincelles 0-0 n’aho Sunrise FC itsinda Bugesera FC 1-0.

Ejo AS Kigali izaba iri i Rubavu ikina na Marines FC.

Musanze FC yatsinze Rayon Sports

Source : http://isimbi.rw/siporo/article/rayon-sports-y-abakinnyi-10-yatsinzwe-na-musanze-idafite-umutoza

Abanya-Afghanistan basigaye baha imiti abana babo kugira babasinzirize, abandi bagurisha abakobwa babo n'ingingo z'umubiri kugira barebe ko bwacya kabiri.

Mu gihe cy'itumba ubugira kabiri kuva aba-Taliban bagarutse ku butegetsi maze imfashanyo ziva hanze zigahagarikwa, abaturage babarirwa muri za miriyoni bugarijwe n'inzara ikaze.

Abdul Wahab yabwiye BBC ati: 'Abana bacu bakomeza kurira kandi ntibasinzira. Nta byo kurya dufite.'

'Tujya kuri kuri farumasi, tukazana ibinini tugaha abana bacu kugira bashobore gufata agatotsi.'

Uwo mugabo aba mu nkengero za Herat, umujyi wa gatatu mu bunini nyuma muri Afghanistan, wubatsemo utuzu duto duto w'ibyondo wagiye waguka cyane muri iyi myaka yashize, ukaba utuwe cyane cyane n'abaturage baturutse mu bice bitandukanye by'igihugu bagiye bahunga intambara zakomeje kwibasira igihugu.

Abdul ari mu itsinda ry'abantu 10 begereye umunyamakuru wa BBC, arababaza ati 'Ni bangahe baha imiti abana babo kugira babasinzirize? Barasubije: 'Benshi, twese'.

Uwitwa Ghulam Hazrat yahise akora mufuka we akuramo agapfunyika k'ibinini. Byari ibinini byitwa  alprazolam  bikoreshwa mu kuvura umuhangayiko ukomeye.

Ghulam yavuze ko afite abana batandatu, umuto muri bo afite umwaka umwe. Ati 'Nawe ndamuha.'

Abandi babyeyi berekanye ko bafite ibinini bya escitalopram na sertraline bavuze ko baha abana babo. Ibyo bikaba bisanzwe bihabwa abantu bafite ihungabana mu mitekerereze n'imigirire yabo cyangwa ikibazo cyo kubura ibitotsi.

Abaganga bavuga ko iyo ibi binini bihawe abana bakiri bato batabona ibyo kurya bihaije byangiza umwijima wabo, bikabatera n'ibindi bibazo birimo ibyo kugira umunanizo ukabije, ihungabana no kugira imyifatire itandukanye n'iyo abo mu kigero cyawe bafite.

Kuri farumasi imwe, twasanze ushobora kugura ibinini bitanu by'iyo miti ikoreshwa ku ma Afghani (amafaranga yo muri Afgnistan) 10, (ni amafaranga 100 yu Rwanda ), aya ubusanzwe agura igice cy'umugati.

Imiryango myinshi yaganiriye na BBC yavuze ko isangira ibice bikeya by'imigati buri munsi. Umugore umwe yavuze ko bari bariye umugati wumye mu gitondo, ninjoro ngo batumbitse mu mazi kugirango worohe bongere bawurye.

ONU ivuga ko ubu  muri Afghanistan hari 'akaga. Abagabo benshi mu karere kari ku nkengero za Herat bakora ibikonkwano byo ku munsi mu mirima. Bamaze imyaka babayeho ubuzima bugoye.

Hagati aho, igihe aba-Taliban bafata ubutegetsi mu kwezi kwa munani, ariko leta yabo ntiyemerwe n'amahanga, amafaranga yazaga muri Afghanistan avuye hanze yahise ahagarikwa, bituma ubukungu buhanantuka, n'abagabo benshi babura icyo bakora.

Iyo ugize Imana ukabona akazi k'umunsi, uhembwa nk'ama Afghani 100 (ni igihumbi birengaho utundi ducye ku munsi).

Mu bice bitandukanye usanga ababyeyi cyangwa abakuru b'imiryango bafata ibyemezo bikomeye cyane kugirango ababo ndetse nabo ubwabo babashe gusunika iminsi batishwe n'inzara.

Ammar (siryo zina rye ry'ukuri) ari mu kigero cy'imyaka 20 yavuze ko mu mezi abiri ashize yabazwe kugira bamukuremo impyiko.

Yavuze ati: 'Nta kundi nari kubigenza. Numvise ko ushobora kugurisha impyiko mu bitaro bya hano, nuko njyayo mbabwira ko nshaka kugurisha. Hashize ibyumweru bicye barampamagaye barambwira ngo ni nze. Bafashe ibipimo biketa, hanyuma bantera umuti watumye nta kintu nongera kumenya. Nagize ubwoba ariko nta kundi nari kubigenza.'

Ammar bamuhaye ama Afghani hafi 270.000 (arenga miriyoni 5 mu mafaranga y'u Rwanda) kuri iyo mpyiko. Amenshi yayakoresheje agura ibyo gutunga umuryango we.

Ati 'Iyo turiye muri iri joro, irikurikira ntiturya. Maze kugurisha impyiko yanjye nahise numva ko ntuzuye numva nihebye cyane. Ubuzima bukomeje gutya nshobora kuzapfa.'

Kugurisha ingingo z'umubiri si ikintu gishyashya muri Afghanistan. Kuko na mbere y'uko aba Taliban bafata ubutegetsi byarakorwaga . n'ubundi bigakorwa n'abantu bafadite uburyo buhagije bwo kubaho.

Hari undi mugore nawe wavuze ko yari amaze amezi arindwi agurishije impyiko ye. Amafaranga yavuyemo, yayakoresheje mu kuriha ideni bari bafashe ngo bagure ubushyo bw'intama, gusa izo ntama zishwe n'umwuzure mu myaka ishize.

Ama-Afghani 240.000 (miriyoni hafi 4 z'amafaranga y'u Rwanda) yakuyemo ngo ntiyari ahagije ngo yishyure iryo deni.

Ati 'Ubu nta kindi turi bukore, uretse kugurisha umwana wacu w'umukobwa w'imyaka ibiri y'amavuko. Abaduhaye ideni batumereye nabi batubwira ngo nitubahe umukobwa wacu niba tudashoboye kubishyura.'

Umugabo we yaravuze ati 'Mfite agahinda cyane kubera ubuzima tubayemo. Rimwe na rimwe numva nahitamo gupfa aho gukomeza kubaho gutya.

Uwitwa Nizamuddin ati: 'Naragurishije umukobwa wanjye w'imyaka itanu ku ma Afghani 100.000.'

Ayo ntagera kuyo impyiko igurishwa.

Abdul Ghafar, umwe mu bayobozi bo muri ako gace, yaravuze ati 'Ibyo biciye ukubiri n'amategeko ya Islam ko dushyira ubuzima bw'abana bacu mu kaga, ariko nta yindi nzira ihari.'

Mu rugo rumwe, umunyamakuru yahasanze akana k'agakobwa k'imyaka ine y'amavuko kitwa Nazia, karimo gukina na musaza wako witwa Shamshullah w'amezi 18.

Se w'abo bana witwa Hazratullah, ati: 'Nta mafaranga dufite yo kugura ibyo kurya none mvuye ku musigiti ntangaje ko nshaka kugurisha agakobwa kanjye.'

Nazia yaragurishijwe ngo arongorwe n'umuhungu wo mu muryango wo mu ntara yo mu majyepfo. Ku mwaka 14 azahita ajyanwa bamurongore. Kugeza ubu Se Hazratullah amaze kwakira kabiri amafaranga yamugurishije.

Hazratullah avuga ko menshi muri ayo mafaranga yakoreshejwe mu kugura ibyo kurya, ayandi agurwa imiti y'umuhungu we muto.

Ati: 'Murebe, arwaye indwara zo kurya nabi' yahise azamura ishati ye yerekana uko inda ye yabyimbye kubera ikibazo cy'imirire mbi.

Médecins Sans Frontières (MSF) ivuga ko umubare munini w'abana bazanwa mu mavuriro yayo barwaye indwara ziterwa n'imirire mibi. Abagera kuri 47 % bakaba bari bafite icyo kibazo umwaka ushize.

Ikigo cya MSF gitanga ibiribwa muri Herat nicyo gifite iby'ibanze bihagije, ariko ntigifasha abo muri ako gace gusa, cyakira n'abandi bo mu ntara zihana imbibe ba Herat nko muri Badghis nabo bugarijwe cyane n'ikibazo cy'imirire mibi dore ko abana bafite iki kibazo bari 55%.

Kuva mu mwaka ushize, bongereye ibitanda kugirango bashobore kwakira abana bakeneye kuvurwa, ariko kugeza ubu icyo kigo gikomeza kwakira umubare munini w'abana bakeneye kuvurwa indwara ziterwa n'imirire mibi.

Omid, ku mezi 4, apima ibiro 4 gusa. Abaganga batubwiye ko umwana asanzwe kuri ayo mezi aba apima nibura ibiro 6,6. Nyina, Amana byabaye ngombwa ko agurana amafaranga kugira afate urugendo rwo kujya ku bitaro, aho aboneye ko umwana we atangiye kugira ikibazo cyo kuruka cyane.

 

 

The post Abana bari guhabwa imiti ibasinziriza, abandi bakagurishwa kubera inzara appeared first on IRIBA NEWS.

Source : https://iribanews.rw/2022/11/27/abana-bari-guhabwa-imiti-ibasinziriza-abandi-bakagurishwa-kubera-inzara/

Source : https://www.kigalitoday.com/imikino-11/football/article/rba-ni-yo-yonyine-yerekana-imikino-y-igikombe-cy-isi-ku-buntu-binyuze-kuri-decoderi-ya-startimes

Ni igitaramo kinogeye ijisho cyabereye kuri kuri Romantic Garden ku Gisozi mu ijoro ryo ku wa 26 rishyira ku wa 27 Ugushyingo 2022. Cyateguwe n'Ikigo Romantic Garden Ltd ku bufatanye n'abafatanyabikorwa barimo Uruganda NBG Ltd rwenga inzoga zirimo United Gin na Whisky kandi rukoresha imashini zigezweho ku buryo bidahumanya ikirere.

Umuziki gakondo w'umwimerere ndetse ucuranzwe n'abahanga, ubwitabire buhambaye, kubyina kuva ku munota wa mbere kugeza ku wa nyuma, ni bimwe mu byaranze iki gitaramo. Orchestre Les Fellows ni bo bafunguye iki gitaramo baririmba indirimbo zabo zitandukanye zirimo 'Mwana nakunze, Urukundo rukuze, Yewe Mukobwa, Sinigeze nkureba nabi n'izindi.

Makanyaga umuziki umuri mu maraso

Umuhanzi Cyusa yaririmbye indirimbo zirimo Muhoza Wanjye, Marebe, Imparamba n'izindi.

Makanyaga washyize akadomo kuri iki gitaramo yaririmbye indirimbo ze zakunzwe na benshi zirimo 'Mporeza umutima, Mukamurenzi, Nshatse inshuti, Rubanda ntibakakoshye, urukundo rurambuye, Suzana n'izindi.

Munyanshoza yeretswe urukundo

Makanyaga imbere y'imbaga y'abantu

Cyusa yerekanye ko Gakondo imuri mu maraso

M Irene na Rocky banyuzwe n'umuziki wa Cyusa

Orchestre Impala zerekange ko zigicuranga 

Young Grace yaciye akadiho

Bamenya yanyuzwe

Abantu bari bakubise buzuye

Igisope na Gakondo cyabyinwe karahava

Cyusa na Makanyaga ubwo bageraga ahabereye igitaramo 

Rocky Kirabiranya ni umwe mu bari bahari

Byari uburyohe

AMAFOTO: Sangwa Julien inyarwanda.com

Source : https://inyarwanda.com/inkuru/123245/impala-ziracyacuranga-makanyaga-na-cyusa-berekanye-ubudahangarwa-mu-njyana-gakondo-amafoto-123245.html